Basic information
Number
N 400
Type
Որոշում
Act type
Հիմնական ակտ (15.04.2002-մինչ օրս)
Status
Գործում է
Source
ՀՀՊՏ 2002.04.26/13(188) Հոդ.309
Enactment organisation
ՀՀ կառավարություն
Enactment date
15.04.2002
Signing organisation
ՀՀ վարչապետ
Signing date
15.04.2002
Ratification organisation
ՀՀ Նախագահ
Ratification date
15.04.2002
Effective date
15.04.2002

«Վավերացնում եմ»
Հայաստանի Հանրապետության
Նախագահ Ռ. Քոչարյան
15 ապրիլի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 ապրիլի 2002 թվականի N 400
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՀՈՒԼԻՍԻ 20-Ի N 657 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2001 թվականի հուլիսի 20-ի «Հայաստանի Հանրապետությունում ընդերքի պահպանության և օգտագործման ոլորտի բարելավման առաջնահերթ միջոցառումների մասին» N 657 որոշման մեջ կատարել հետևյալ փոփոխությունները՝

ա) որոշման 2-րդ կետը շարադրել հետևյալ խմբագրությամբ.

«2. Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության առևտրի և տնտեսական զարգացման նախարարությանը, Հայաստանի Հանրապետության պետական եկամուտների նախարարությանը, Հայաստանի Հանրապետության մարզպետներին, Երևանի քաղաքապետին՝ անհրաժեշտ միջոցներ ձեռնարկել սույն որոշմամբ հաստատված ծրագրի՝ սահմանված ժամկետներում կատարումն ապահովելու համար և յուրաքանչյուր ամիսը մեկ անգամ Հայաստանի Հանրապետության բնապահպանության նախարարություն ներկայացնել տեղեկանք դրա ընթացքի և արդյունքների մասին:

Հայաստանի Հանրապետության բնապահպանության նախարարությանը՝ վերլուծել ներկայացված տեղեկույթը և յուրաքանչյուր եռամսյակը մեկ անգամ Հայաստանի Հանրապետության Նախագահի աշխատակազմ ու Հայաստանի Հանրապետության կառավարություն ներկայացնել ամփոփ տեղեկանք».

բ) ուժը կորցրած ճանաչել որոշման 3-րդ, 4-րդ և 5-րդ կետերը:

2. Սույն որոշումն ուժի մեջ է մտնում 2002 թվականի ապրիլի 15-ից։

 

Հայաստանի Հանրապետության
վարչապետ

Ա. Մարգարյան

Change History
Changing Act Corresponding incorporation
Changed acts
Changing Act Corresponding incorporation