ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՈՏԱՅՔԻ ՄԱՐԶ

Եղվարդի քաղաքային համայնքի ավագանի

Ո Ր Ո Շ ՈՒ Մ

23 դեկտեմբերի 2010 թ. N 054-Ն

ՏԵՂԱԿԱՆ ՏՈՒՐՔԵՐԻ ԵՎ ՎՃԱՐՆԵՐԻ ԴՐՈՒՅՔԱՉԱՓԵՐԸ ՍԱՀՄԱՆԵԼՈՒ ՄԱՍԻՆ

Համաձայն «Տեղական ինքնակառավարման մասին» Հայաստանի Հանրապետության օրենքի 16-րդ հոդվածի 1-ին մասի 18-րդ կետի, հիմք ընդունելով «Տեղական տուրքերի և վճարների մասին» Հայաստանի Հանրապետության օրենքի 9-րդ, 10-րդ և 11-րդ հոդվածների պահանջները՝

Եղվարդի քաղաքային համայնքի ավագանին որոշում է՝

1. Սահմանել Եղվարդի համայնքում 2011 թվականի տեղական տուրքերի դրույքաչափերը` համաձայն N 1 հավելվածի:

2. Սահմանել Եղվարդի համայնքում 2011 թվականի տեղական վճարների դրույքաչափերը` համաձայն N 2 հավելվածի:

Համայնքի ղեկավար`

Ն. Սարգսյան

Հավելված N 1 Եղվարդի քաղաքային համայնքի ավագանու 2010 թ. դեկտեմբերի 23-ի N 054-Ն որոշման

Եղվարդի համայնքում 2011 թվականի տեղական տուրքերի դրույքաչափերը

1. ՀՀ օրենսդրությամբ սահմանված կարգով հաստատված ճարտարապետաշինարարական նախագծին համապատասխան՝ նոր շենքերի, շինությունների (ներառյալ ոչ հիմնական) շինարարության (տեղադրման) թույլտվության տեղական տուրքը սահմանվում է`

հիմնական օբյեկտների համար`

1) մինչև 300 քմ ընդհանուր մակերես ունեցող անհատական բնակելի, այդ թվում` այգեգործական /ամառանոցային/ տների, ինչպես նաև մինչև 200 քմ ընդհանուր մակերես ունեցող հասարակական և արտադրական նշանակության օբյեկտների համար` 10000 դրամ.

2) սույն կետի 1) ենթակետով չնախատեսված օբյեկտների համար՝

ա) 201-ից մինչև 500 քմ ընդհանուր մակերես ունեցող օբյեկտների համար` 20000 դրամ.

բ) 501-ից մինչև 1000 քմ ընդհանուր մակերես ունեցող օբյեկտների համար` 50000 դրամ.

գ) 1001 և ավելի քմ ընդհանուր մակերես ունեցող օբյեկտների համար` 70000 դրամ.

ոչ հիմնական շինությունների տեղադրման համար՝

3) մինչև 20 քմ ընդհանուր մակերես ունեցող օբյեկտների համար` 3000 դրամ.

4) 20 և ավելի քմ ընդհանուր մակերես ունեցող օբյեկտների համար` 5000 դրամ:

2. Համայնքի վարչական տարածքում շենքերի, շինությունների, քաղաքաշինական այլ օբյեկտների վերակառուցման, ուժեղացման, վերականգնման, արդիականացման աշխատանքների (բացառությամբ Հայաստանի Հանրապետության օրենսդրությամբ սահմանված՝ շինարարության թույլտվություն չպահանջող դեպքերի) համար, եթե սահմանված կարգով հաստատված ճարտարապետաշինարարական նախագծով՝

1) չի նախատեսվում կցակառույցների, վերնակառույցների, շենքի գաբարիտային չափերն ընդլայնող այլ կառույցների (այդ թվում՝ ստորգետնյա) հետևանքով օբյեկտի ընդհանուր մակերեսի ավելացում կամ սենքերի գործառնական նշանակության փոփոխություն` 2000 դրամ.

2) բացի օբյեկտի վերակառուցման, ուժեղացման, վերականգնման կամ արդիականացման աշխատանքներից, նախատեսվում է նաև կցակառույցների, վերնակառույցների, շենքի գաբարիտային չափերն ընդլայնող այլ կառույցների (այդ թվում` ստորգետնյա) հետևանքով օբյեկտի ընդհանուր մակերեսի ավելացում կամ սենքերի գործառնական նշանակության փոփոխություն, ապա, բացի սույն կետի 1) ենթակետով սահմանված դրույքաչափի, կիրառվում են նաև նոր շինարարության համար սույն հոդվածի 1-ին կետով սահմանված նորմերը՝ օբյեկտի ընդհանուր մակերեսի ավելացման կամ սենքերի գործառնական նշանակության փոփոխության մասով.

3) նախատեսվում է միայն կառույցների, վերնակառույցների, շենքերի գաբարիտային չափերն ընդլայնող այլ կառույցների (այդ թվում` ստորգետնյա) շինարարություն կամ սենքերի գործառնական նշանակության փոփոխություն, ապա այն համարվում է նոր շինարարություն, որի նկատմամբ կիրառվում են նոր շինարարության համար սույն որոշման 1-ին կետով սահմանված նորմերը։

3. Համայնքի վարչական տարածքում շենքերի, շինությունների, քաղաքաշինական այլ օբյեկտների քանդման թույլտվության տեղական տուրքը սահմանվում է 5000 դրամ։

4. Համայնքի տարածքում տեղական տուրքը սահմանվում է՝

1) ոգելից խմիչքի վաճառքի թույլտվության համար` հիմնական և ոչ հիմնական շինությունների ներսում վաճառքի կազմակերպման դեպքում` յուրաքանչյուր եռամսյակի համար՝ 3000 դրամ.

2) ծխախոտի արտադրանքի վաճառքի թույլտվության համար` հիմնական և ոչ հիմնական շինությունների ներսում վաճառքի կազմակերպման դեպքում` յուրաքանչյուր եռամսյակի համար` 3000 դրամ։

5. Համայնքի տարածքում`

1) բացօթյա առևտուր կազմակերպելու թույլտվության տեղական տուրքը սահմանվում է յուրաքանչյուր օրվա համար` 350 դրամ.

2) հեղուկ վառելիքի, տեխնիկական հեղուկների, հեղուկացված գազերի մանրածախ առևտրի կետերում հեղուկ վառելիքի, տեխնիկական հեղուկների, հեղուկացված գազերի վաճառքի թույլտվության տեղական տուրքը ընթացիկ տարվա համար սահմանվում է 150000 դրամ.

3) համայնքի տարածքում թանկարժեք մետաղներից պատրաստված իրերի մանրածախ առուվաճառքի թույլտվության տեղական տուրքը սահմանվում է յուրաքանչյուր տարվա համար` 50000 դրամ:

6. Համայնքի տարածքում առևտրի, հանրային սննդի, զվարճանքի և վիճակախաղերի կազմակերպման օբյեկտների, բաղնիքների (սաունաների)` ժամը 24.<sup>00</sup>-ից հետո աշխատելու թույլտվության տեղական տուրքը ընթացիկ տարվա համար սահմանվում է`

1) առևտրի օբյեկտների համար՝ 25000 դրամ

2) հանրային սննդի և զվարճանքի օբյեկտների համար՝ 50000 դրամ

3) բաղնիքների (սաունաների) համար՝ 200000 դրամ

4) վիճակախաղերի կազմակերպման համար՝ 100000 դրամ։

7. Համայնքի տարածքում ընտանի կենդանիներ պահելու թույլտվության համար տեղական տուրքը ընթացիկ տարվա համար սահմանվում է 0 դրամ:

8. Համայնքի տարածքում յուրաքանչյուր ամսվա արտաքին գովազդ տեղադրելու թույլտվության մեկ քառ. մետրի տեղական տուրքը սահմանվում է`

1) ալկոհոլային (սպիրտի պարունակությունը մինչև 20 ծավալային տոկոս) արտադրանք գովազդող արտաքին գովազդի համար՝ 1000 դրամ.

2) թունդ ալկոհոլային (սպիրտի պարունակությունը 20 և ավելի ծավալային տոկոս) արտադրանք գովազդող արտաքին գովազդի համար՝ 2500 դրամ.

3) այլ արտաքին գովազդի համար՝ 1500 դրամ.

4) դատարկ գովազդային վահանակների համար` 700 դրամ:

9. Համայնքի արխիվից փաստաթղթերի պատճեններ և կրկնօրինակներ տրամադրելու համար տեղական տուրքը ընթացիկ տարվա համար սահմանվում է 1000 դրամ։

10. Համայնքի տարածքում մարդատար տաքսու (բացառությամբ երթուղային տաքսիների) ծառայություն իրականացնելու թույլտվության տեղական տուրքը ընթացիկ տարվա համար սահմանվում է 10000 դրամ:

Հավելված N 2 Եղվարդի քաղաքային համայնքի ավագանու 2010 թ. դեկտեմբերի 23-ի N 054-Ն որոշման

Եղվարդի համայնքում 2011 թվականի տեղական վճարների դրույքաչափերը

1. Համայնքի տարածքում շինարարության կամ շինության արտաքին տեսքը փոփոխող վերակառուցման աշխատանքներ կատարելու հետ կապված տեխնիկատնտեսական պայմաններ մշակելու և հաստատելու, շինարարության ավարտը փաստագրելու համար մատուցած ծառայությունների դիմաց փոխհատուցման վճար սահմանվում է 5000 դրամ.

2. Տեղական ինքնակառավարման մարմնի տնօրինության և օգտագործման տակ գտնվող հողերը հատկացնելու, հետ վերցնելու և վարձակալության տրամադրելու դեպքում անհրաժեշտ չափագրական և այլ նման աշխատանքների համար տեղական ինքնակառավարման մարմնի մատուցած ծառայությունների դիմաց փոխհատուցման վճար սահմանվում է 1000 դրամ:

3. Տեղական ինքնակառավարման մարմնի կողմից աճուրդներ կազմակերպելու հետ կապված ծախսերի փոխհատուցման համար մասնակիցներից վճար սահմանվում է 5000 դրամ։

4. Տեղական ինքնակառավարման մարմնի կողմից մրցույթներ կազմակերպելու հետ կապված ծախսերի փոխհատուցման համար մասնակիցներից վճար սահմանվում է 1000 դրամ։

5. Անշարժ գույքի օբյեկտներին հասցեներ տրամադրելու հետ կապված ծառայությունների փոխհատուցման վճար սահմանել 1000 դրամ: