ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

5 մայիսի 2011 թվականի N 547-Ն

ԳՈՒՅՔ ՄԱՍՆԱՎՈՐԵՑՆԵԼՈՒ ՄԱՍԻՆ

Հայաստանի Հանրապետության կառավարության 2009 թվականի հունվարի 8-ի N 26-Ն որոշմանը համապատասխան` Հայաստանի Հանրապետության կառավարությունը որոշում է.

1. Թույլատրել Հայաստանի Հանրապետության կառավարությանն առընթեր պետական գույքի կառավարման վարչությանն իր տնօրինության` «Երևանի N 3 բեռնատար ավտոտրանսպորտային» պետական փակ բաժնետիրական ընկերության լուծարումից հետո մնացած շարժական գույքը (արտադրական, տնտեսական գույք, գործիք, այլ գույք և ապրանքներ) (այսուհետ` գույք)` համաձայն հավելվածի, մասնավորեցնել դասական աճուրդով` որպես գույքի առանձին տարրեր:

2. Սահմանել գույքի` Հայաստանի Հանրապետության կառավարության 1998 թվականի մարտի 27-ի N 209 որոշմամբ սահմանված կարգով 2010 թվականի դեկտեմբերի 17-ի դրությամբ գնահատված արժեքը և մեկնարկային գինը` համաձայն հավելվածի:

3. Հայաստանի Հանրապետության կառավարությանն առընթեր պետական գույքի կառավարման վարչության պետին`

1) առաջին աճուրդը կազմակերպել և անցկացնել սույն որոշումն ուժի մեջ մտնելուց հետո երկամսյա ժամկետում.

2) աճուրդի անցկացման օրվանից առնվազն մեկ ամիս առաջ մամուլում կամ զանգվածային լրատվության այլ միջոցներով հրապարակել ընդհանուր տեղեկություններ գույքի, աճուրդի անցկացման պայմանների, ժամկետների, գույքի արժեքի որոշման հետ կապված վճարների մասին.

3) առաջին աճուրդի ժամանակ չվաճառված գույքի վաճառքի նպատակով կազմակերպվում են աճուրդներ, ընդ որում, յուրաքանչյուր հերթական աճուրդի ժամանակ գույքի վաճառքի մեկնարկային գինը նվազեցվում է վերջին աճուրդի մեկնարկային գնի 20 տոկոսի չափով.

4) աճուրդի հաղթողի կողմից (այսուհետ` գնորդ) առաջարկված գինը, ինչպես նաև գույքի արժեքի որոշման համար նախատեսված գումարը (ներառյալ ավելացված արժեքի հարկը)` համաձայն հավելվածի, վճարումից հետո մեկամսյա ժամկետում գնորդի հետ կնքել մասնավորեցման պայմանագիր:

4. Վճարումները կատարել աճուրդի արձանագրությունն ստորագրվելու օրվանից տասնօրյա ժամկետում, Հայաստանի Հանրապետության արժույթով` գույքի վաճառքի գումարն ուղղելով Հայաստանի Հանրապետության պետական բյուջե:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Ց Ա Ն Կ  N 1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅԱՆ ՏՆՕՐԻՆՈՒԹՅԱՆ` «ԵՐԵՎԱՆԻ N 3 ԲԵՌՆԱՏԱՐ ԱՎՏՈՏՐԱՆՍՊՈՐՏԱՅԻՆ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԼՈՒԾԱՐՈՒՄԻՑ ՀԵՏՈ ՄՆԱՑԱԾ ԱՐՏԱԴՐԱԿԱՆ, ՏՆՏԵՍԱԿԱՆ ԳՈՒՅՔԻ, ԳՈՐԾԻՔԻ ԵՎ ԱՅԼ ԳՈՒՅՔԻ

NN ը/կ	Անվանումը	Քանակը (հատ)	Ձեռք-բերման տարե-թիվը	Գնահատված մեծությունը (դրամ)	Գույքի մեկնարկային գինը (դրամ)	Գույքի արժեքի որոշման հետ կապված վճարը` ներառյալ ավելացված արժեքի հարկը (դրամ)
	70 տոկոս և ավելի մաշվածք ունեցող
1.	Լցավորման տարա	1	1982 թ.	390000	390000	600
2.	Սառնարան «Սնեյգ-5»	1	1987 թ.	9000	9000	600
3.	Սառնարան «Սնեյգ-5»	1	1987 թ.	9000	9000	600
4.	Գրամեքենա «Յատրան»	1	1987 թ.	7000	7000	600
5.	Գրամեքենա «Յատրան»	1	1987 թ.	5000	5000	600
6.	Դրոշմակնիք ժամացույց	1	1991 թ.	2000	2000	600
7.	Տաքացուցիչ ԿՎՏ	1	1987 թ.	7000	7000	600
8.	Սառնարան «Միր ԿՇԴ» 270/80	1	1982 թ.	10000	10000	600
9.	Էլեկտրավահանակ	1	1987 թ.	25000	25000	600
10.	Սեղանի հավաքածու	1	1998 թ.	2500	2500	600
11.	Հեռուստացույց «Բերեզկա-215»	1	1996 թ.	4500	4500	600
12.	Տեսաձայնագրիչ «Սուպրա»	1	1998 թ.	13000	13000	600
13.	Ավտոփորձարկման սարք	1	1998 թ.	9000	9000	600
14.	Ավտոդողի քանդման հաստոց	1	1981 թ.	52000	52000	600
15.	Հեռախոսային կայան ԿԴ-18	1	1987 թ.	6000	6000	600
16.	Բենզալցակայան	1	1987 թ.	15000	15000	600
17.	Բենզալցակայան	1	1994 թ.	32000	32000	600
	Ընդամենը	17		598000

Ց Ա Ն Կ  N 2

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅԱՆ ՏՆՕՐԻՆՈՒԹՅԱՆ` «ԵՐԵՎԱՆԻ N 3 ԲԵՌՆԱՏԱՐ ԱՎՏՈՏՐԱՆՍՊՈՐՏԱՅԻՆ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԼՈՒԾԱՐՈՒՄԻՑ ՀԵՏՈ ՄՆԱՑԱԾ ԱՊՐԱՆՔՆԵՐԻ

NN ը/կ	Անվանումը	Ձեռքբերման տարեթիվը	Քանակը (հատ)	Գույքի գնահատված մեծությունը (դրամ)	Գույքի մեկնարկային գինը (դրամ)
	70 տոկոս և ավելի մաշվածք ունեցող
1.	Բաշխիչ 20020 Գ-52	2007 թ.	90	5850	5850
2.	Արգելակային վերդիր	2007 թ.	282	28200	28200
3.	Շրջանակ 60101	2007 թ.	1	400	400
4.	ԱՓՏ ատամնանիվ ԶԻԼ 130	2007 թ.	66	13530	13530
	Ընդամենը		439	47980

Հայաստանի Հանրապետության կառավարության աշխատակազմի ղեկավար

Դ. Սարգսյան