Գլխավոր տեղեկություն
Համար
N 289-Ն
Տիպ
Որոշում
Ակտի տիպ
Հիմնական ակտ (07.04.2011-մինչ օրս)
Կարգավիճակ
Գործում է
Սկզբնաղբյուր
ՀՀԳՏ 2011.05.04/10(393) Հոդ.376
Ընդունող մարմին
ՀՀ կառավարություն
Ընդունման ամսաթիվ
24.03.2011
Ստորագրող մարմին
ՀՀ վարչապետ
Ստորագրման ամսաթիվ
28.03.2011
Ուժի մեջ մտնելու ամսաթիվ
07.04.2011

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 

24 մարտի 2011 թվականի N 289-Ն

 

ՊԵՏԱԿԱՆ ԳՈՒՅՔԸ ՄԱՍՆԱՎՈՐԵՑՆԵԼՈՒ ՄԱՍԻՆ

 

Հիմք ընդունելով «Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 21-րդ հոդվածը և Հայաստանի Հանրապետության կառավարության 2009 թվականի հունվարի 8-ի N 26-Ն որոշումը` Հայաստանի Հանրապետության կառավարությունը որոշում է.

1. «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին ամրացված «Իջևանի ծխախոտի ֆերմենտացիոն գործարան» պետական փակ բաժնետիրական ընկերության լուծարումից հետո մնացած գույքը, այդ թվում` 9611.2 քառ. մետր ընդհանուր մակերեսով շենքեր-շինությունները (որոնցից` 7448.95 քառ. մետր մակերեսով շենք-շինությունները (այսուհետ` գույք)` համաձայն մասնագիտական եզրակացության, 4-րդ, 5-րդ աստիճանի վթարային են և սահմանված կարգով ենթակա են կազմաքանդման) (գտնվելու վայրը` Հայաստանի Հանրապետություն, Տավուշի մարզ, գ. Այգեհովիտ, 45-րդ փող., N 1)` համաձայն հավելվածի, մասնավորեցնել դասական աճուրդով` որպես գույքի մեկ միավոր:

2. Սահմանել`

1) գույքի` Հայաստանի Հանրապետության կառավարության 1998 թվականի մարտի 27-ի N 209 որոշմամբ սահմանված կարգով` 2010 թվականի նոյեմբերի 26-ի դրությամբ գնահատված արժեքը և մեկնարկային գինը` 6049 հազ. դրամ.

2) որ աճուրդում հաղթողին է մասնավորեցվում նաև գույքի զբաղեցրած, օգտագործման և սպասարկման համար անհրաժեշտ 2,07 հեկտար մակերեսով հողատարածքը` իր կադաստրային արժեքով:

3. Հայաստանի Հանրապետության կառավարությանն առընթեր պետական գույքի կառավարման վարչության պետին`

1) աճուրդը կազմակերպել և անցկացնել սույն որոշումն ուժի մեջ մտնելուց հետո երկամսյա ժամկետում.

2) աճուրդի անցկացման օրվանից առնվազն մեկ ամիս առաջ մամուլում կամ զանգվածային լրատվության այլ միջոցներով հրապարակել ընդհանուր տեղեկություններ գույքի, աճուրդի անցկացման պայմանների, ժամկետների, գույքի արժեքի որոշման հետ կապված վճարների մասին.

3) աճուրդի հաղթողի կողմից (այսուհետ` գնորդ) առաջարկված գնի, գույքին հատկացված հողամասի կադաստրային արժեքի, ինչպես նաև գույքի արժեքի որոշման համար նախատեսված 724200 դրամ գումարի (ներառյալ ավելացված արժեքի հարկը) վճարումից հետո մեկամսյա ժամկետում գնորդի հետ կնքել մասնավորեցման պայմանագիր` դրանում նախատեսելով, որ գնորդը պարտավոր է իր միջոցների հաշվին վճարել պայմանագրի կնքման և գույքային իրավունքների պետական գրանցման հետ կապված վճարներն ու տուրքերը` Հայաստանի Հանրապետության օրենսդրությամբ սահմանված կարգով:

4. Գնորդը պարտավոր է վճարումները կատարել աճուրդի արձանագրության ստորագրման օրվանից 10-օրյա ժամկետում, Հայաստանի Հանրապետության արժույթով` գույքի վաճառքի գնի 70 տոկոսն ուղղելով Հայաստանի Հանրապետության պետական բյուջե, 30 տոկոսը` համապատասխան համայնքի ֆոնդային բյուջե` ըստ գույքի գտնվելու վայրի, իսկ հողամասի կադաստրային արժեքը վճարել մեկամսյա ժամկետում` համայնքային բյուջե:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

Հայաստանի Հանրապետության
վարչապետ

 Տ. Սարգսյան


2011 թ. մարտի 28
Երևան

  

 

 

Հավելված

 ՀՀ կառավարության 2011 թվականի

 մարտի 24-ի N 289-Ն որոշման

 

Ց Ա Ն Կ  N 1

 

«ԻՋԵՎԱՆԻ ԾԽԱԽՈՏԻ ՖԵՐՄԵՆՏԱՑԻՈՆ ԳՈՐԾԱՐԱՆ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԼՈՒԾԱՐՈՒՄԻՑ ՀԵՏՈ ՄՆԱՑԱԾ ԱՆՇԱՐԺ ԳՈՒՅՔԻ

 

NN
ը/կ

Անվանումը

 Մակերեսը (քառ. մետր)

Վիճակը

1.

Վարչական շենք

 369.15

անբավարար, վնասվածության մակարդակը`
3-րդ աստիճանի, ենթակա է վերականգնման

2.

Պահակատուն

 9.36

ենթակա է վերականգնման

3.

Գործարան

 6854.9

խիստ անբավարար, վնասվածության մակարդակը`
4-րդ աստիճանի, ենթակա է կազմաքանդման

4.

Էլ. ենթակայան

 34.05

անբավարար, վնասվածության մակարդակը`
4-րդ աստիճանի

5.

Կաթսայատուն

 340.07

խիստ անբավարար ու վթարավտանգ, վնասվածության մակարդակը` 4-5-րդ աստիճանի, ենթակա է կազմաքանդման

6.

N 6 պահեստային մասնաշենք

 193.83

վթարավտանգ, վնասվածության մակարդակը`
4-5-րդ աստիճանի, ենթակա է կազմաքանդման

7.

N 7 պահեստային մասնաշենք

 1767.62

անբավարար, վնասվածության մակարդակը`
3-րդ աստիճանի, ենթակա է վերականգնման

8.

Էլ. ենթակայան

 16.12

ենթակա է վերականգնման

9.

Պոմպակայան

26.1

անբավարար, վնասվածության մակարդակը`
4-րդ աստիճանի, ենթակա է կազմաքանդման

 

Ընդամենը

 9611.2  

 

Ց Ա Ն Կ  N 2

 

«ԻՋԵՎԱՆԻ ԾԽԱԽՈՏԻ ՖԵՐՄԵՆՏԱՑԻՈՆ ԳՈՐԾԱՐԱՆ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԼՈՒԾԱՐՈՒՄԻՑ ՀԵՏՈ ՄՆԱՑԱԾ ՀԻՄՆԱԿԱՆ ՄԻՋՈՑՆԵՐԻ (ԲԱՑԱՌՈՒԹՅԱՄԲ ԱՆՇԱՐԺ ԳՈՒՅՔԻ)

 

NN
ը/կ

Անվանումը

 Քանակը Թողարկման տարեթիվը

Վիճակը

1.

Տյուկ տոնգո

 2

1982 թ.

ապակոմպլեկտավորված

2.

Ցիկլոն (օդափոխիչ)

 2

1982 թ.

ապակոմպլեկտավորված

3.

Ավտոմեքենայի կշեռք
(10 տ)

 1

1983 թ.

միջակ

4.

Ցիստեռն (10 տ)

 1

1979 թ.

միջակ

5.

Հաստոց CT-K

 1

1977 թ.

ապակոմպլեկտավորված

6.

Արտեզյան նասոս

 1

1988 թ.

ապակոմպլեկտավորված

7.

Թվային կշեռք

 2

1983 թ.

չաշխատող

8.

Ռեզերվուար հոր

 1

1975 թ.

անբավարար

9.

Պարիսպ (ցանկապատ)

  

1964 թ.

անբավարար

 

Ընդամենը

 11    

 

Հայաստանի Հանրապետության

կառավարության աշխատակազմի

ղեկավար

 Դ. Սարգսյան