«Գրանցված է»
ՀՀ արդարադատության
նախարարության կողմից
2 ապրիլի 2007 թ.
Պետական գրանցման թիվ 11507154

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ	ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐ	ՍՈՑԻԱԼԱԿԱՆ ԱՊԱՀՈՎԱԳՐՈՒԹՅԱՆ ՊԵՏԱԿԱՆ ՀԻՄՆԱԴՐԱՄԻ ՆԱԽԱԳԱՀ

22 փետրվարի 2007 թ. ք. Երևան

N 41-Ն

22 փետրվարի 2007 թ. ք. Երևան

N 28-Ն

Հ Ա Մ Ա Տ Ե Ղ  Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐԻ 2005 ԹՎԱԿԱՆԻ ՍԵՊՏԵՄԲԵՐԻ 8-Ի N 120-Ն ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՈՑԻԱԼԱԿԱՆ ԱՊԱՀՈՎԱԳՐՈՒԹՅԱՆ ՊԵՏԱԿԱՆ ՀԻՄՆԱԴՐԱՄԻ ՆԱԽԱԳԱՀԻ ՍԵՊՏԵՄԲԵՐԻ 8-Ի N 93-Ն ՀԱՄԱՏԵՂ ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հրամայում ենք`

Հայաստանի Հանրապետության աշխատանքի և սոցիալական հարցերի նախարարի և Հայաստանի Հանրապետության սոցիալական ապահովագրության պետական հիմնադրամի նախագահի 2005 թվականի սեպտեմբերի 8-ի «Անհատական հաշիվ բացելու մասին հայտի և անհատական հաշվետվության ձևերը լրացնելու կարգերը, ինչպես նաև պետական կենսաթոշակային սոցիալական ապահովագրության համակարգում ընդգրկված անձանց տվյալների անհատական (անձնավորված) հաշվառման բազան ձևավորելու և վարելու համար անհրաժեշտ փաստաթղթերի (անհատական հաշիվ բացելու մասին որոշում, հաշվառումը մերժելու մասին որոշում, տվյալները ճշտելու վերաբերյալ հարցում, ապահովագրական ստաժի մասին տեղեկանք, անհատական հաշվից քաղվածքի տրամադրման մասին ապահովագրված անձի դիմում, ապահովագրված անձի անհատական հաշվից քաղվածք, տիտղոսաթերթ, ամփոփաթերթ) ձևերը և դրանք լրացնելու կարգերը հաստատելու մասին» N 120-Ն և N 93-Ն համատեղ հրամանի.

1. Հավելված 1-ում`

1) 2-րդ կետից հանել «Հայտը և անհատական հաշվետվությունը ներկայացվում են փաստաթղթային (հնարավորության դեպքում` նաև էլեկտրոնային) տեսքով:» նախադասությունը.

2) 2-րդ կետը լրացնել հետևյալ բովանդակությամբ նոր պարբերություններով`

«Մինչև 100 աշխատող ունեցող գործատուները հայտը և անհատական հաշվետվությունը ներկայացնում են փաստաթղթային տարբերակով, հնարավորության դեպքում` նաև էլեկտրոնային տարբերակով (մագնիսական կրիչով), իսկ 100 և ավելի աշխատող ունեցող գործատուները` փաստաթղթային և էլեկտրոնային տարբերակներով` միաժամանակ:

Անհատական հաշվետվությունները ներկայացվում են ըստ տարիների և ըստ տեսակների` առանձին խմբաքանակներով (թղթապանակներով): Հայտերի կամ անհատական հաշվետվությունների խմբաքանակների տիտղոսաթերթերը համարակալվում են աճողական կարգով:

Ապահովադիրներն աշխատող անձանց անհատական տվյալները հիմնադրամի տարածքային կենտրոն են ներկայացնում` ըստ իրենց պետական գրանցման վայրի:

Իրավաբանական անձն իր մասնաճյուղերի աշխատողների անհատական տվյալները ներկայացնում է կենտրոնացված կարգով` բոլոր մասնաճյուղերի համար, կամ լիազորում է նրանց այդ տվյալները հիմնադրամի տարածքային կենտրոն ներկայացնել ինքնուրույն` ըստ իրենց պետական գրանցման վայրի: Նշված դեպքերում իրավաբանական անձը հիմնադրամին գրավոր տեղեկացնում է աշխատողների անհատական տվյալները կենտրոնացված կամ մասնաճյուղերի կողմից ինքնուրույն ներկայացնելու մասին` նշելով մասնաճյուղերի անվանումը, պետական գրանցման, հարկ վճարողի հաշվառման և ապահովադրի հաշվառման համարները:».

3) 2-րդ կետից հետո լրացնել հետևյալ բովանդակությամբ նոր «2.1» կետ.

«2.1. Գործատուն իր աշխատողի համար յուրաքանչյուր ամսվա սոցիալական վճարը օրենսդրությամբ սահմանված կարգով հաշվարկում է տվյալ ամսվա համար հաշվարկված եկամուտների (աշխատողի հետ կնքված բոլոր աշխատանքային պայմանագրերին համապատասխան) հանրագումարից` ԱՎՈՒՄ-ից, և ներկայացնում է մեկ անհատական հաշվետվություն` ներառելով եկամուտների հանրագումարի և սոցիալական վճարների գումարների չափերը` ըստ ամիսների:».

4) 5-րդ կետը շարադրել հետևյալ խմբագրությամբ.

«5. «Ամսաթիվը, ամիսը, տարեթիվը» տողի վանդակներում լրացվում են պայմանագրով (հրամանով) նախատեսված աշխատանքն սկսելու ամսաթիվը, ամիսը, տարեթիվը (տվյալ գործատուի մոտ մեկից ավելի անգամ աշխատանքի ընդունված լինելու դեպքում լրացվում են վերջին պայմանագրով (հրամանով) նախատեսված աշխատանքն սկսելու ամսաթիվը, ամիսը, տարեթիվը, իսկ կազմակերպության կառուցվածքային փոփոխությունների դեպքում, եթե փոխվել է անձի պաշտոնը կամ պաշտոնի անվանումը, կամ կազմակերպության անվանումը, լրացվում են մինչ այդ տրված` աշխատանքային պայմանագրով (հրամանով) նախատեսված աշխատանքն սկսելու ամսաթիվը, ամիսը, տարեթիվը), իսկ անհատ ձեռնարկատերը (կամ նոտարը) լրացնում է պետական գրանցման ամսաթիվը, ամիսը, տարեթիվը:».

5) 31-րդ կետի`

ա) 1-ին պարբերությունից հանել «մեկից ավելի» բառերը.

բ) 2-րդ պարբերության 1-ին նախադասությունը շարադրել հետևյալ խմբագրությամբ. «Անկախ խմբաքանակում առկա հայտերի քանակից` խմբաքանակի առաջին փաստաթուղթը «Տիտղոսաթերթն» է` Ձև 8:».

6) 36-րդ կետի`

ա) «զ» ենթակետը լրացնել հետևյալ բովանդակությամբ նոր պարբերությունով.

««Վերակազմավորում» վանդակում` եթե ապահովադրի իրավունքներն ու պարտականությունները կազմակերպական-իրավական ձևի փոփոխման հետևանքով համապատասխան փոխանցման ակտով անցնում են նոր առաջացած իրավաբանական անձին: Նոր առաջացած իրավաբանական անձը հիմնադրամի համապատասխան տարածքային կենտրոնին տեղեկացնում է վերակազմավորման հետևանքով առաջացած փոփոխությունների մասին,».

բ) «է» ենթակետում «մեկ» բառը փոխարինել «երկու» բառով.

7) 38-րդ կետում «միաձուլման» բառից հետո լրացնել «, վերակազմավորման» բառը.

8) 39-րդ կետը լրացնել հետևյալ բովանդակությամբ նոր պարբերությունով`

«Անհատ ձեռնարկատերը «ԱՎՈՒՄ» սյունակի «Ընդամենը» տողում լրացնում է տարեկան եկամտի գումարը:».

9) 40-րդ կետը լրացնել հետևյալ բովանդակությամբ նոր պարբերությունով`

«Անհատ ձեռնարկատերը «Սոցիալական վճարը» սյունակի «Ընդամենը» տողում լրացնում է Հայաստանի Հանրապետության օրենսդրությամբ սահմանված սոցիալական վճարի գումարը:».

10) 41-րդ կետում`

ա) «ա» ենթակետի ««3» - երեխայի ծննդյան միանվագ,» բառերը հանել.

բ) «գ» ենթակետի «լրացվում է» բառերից հետո լրացնել «փաստացի վճարած» բառերը.

գ) կետը լրացնել հետևյալ բովանդակությամբ նոր պարբերությունով`

«Հղիության և ծննդաբերության արձակուրդում գտնվող անձին վճարած նպաստի գումարը անհատական հաշվետվությունում լրացվում է այն ամսում, երբ վճարվել է գումարը, իսկ օրերը լրացվում են օրացուցային օրերին համապատասխան:».

11) 42-րդ կետում`

ա) «ա» ենթակետը լրացնել հետևյալ բովանդակությամբ նոր պարբերությունով.

««7» - անհատ ձեռնարկատիրոջ կողմից պետական գրանցման վկայականը հարկային մարմին հանձնելու,».

բ) «բ» ենթակետը «օրացուցային օրերի թիվը» բառերից հետո լրացնել «, իսկ անհատ ձեռնարկատերը լրացնում է պետական գրանցման վկայականը հարկային մարմին հանձնած լինելու ժամանակահատվածի օրացուցային օրերի թիվը» բառերով.

12) 53-րդ կետի`

ա) առաջին պարբերությունից հանել «մեկից ավելի» բառերը.

բ) երկրորդ պարբերության առաջին նախադասությունը շարադրել հետևյալ խմբագրությամբ`

«Անկախ խմբաքանակում առկա անհատական հաշվետվությունների քանակից` խմբաքանակի առաջին փաստաթուղթը «Տիտղոսաթերթն» է` Ձև 9:»:

2. Հավելված 5-ը շարադրել նոր խմբագրությամբ` համաձայն Հավելված 1-ի:

3. Հավելված 7-ի`

ա) 18-րդ կետում «մինչև ընթացիկ տարվա հոկտեմբերի 1-ը» բառերը փոխարինել «հուլիսի 1-ից մինչև դեկտեմբերի 31-ը» բառերով.

բ) 19-րդ կետի վերջին նախադասությունը «տվյալների քաղվածքը» բառերից հետո լրացնել «` ըստ ամիսների, ինչպես նաև հաշվեգրված դրամական միջոցների ընդհանուր գումարի չափն ու հաշվետու ժամանակահատվածները» բառերով:

4. Հավելված 8-ի`

ա) Ձև 8-ում «Կազմակերպության ղեկավար» տողից հետո լրացնել հետևյալ բովանդակությամբ նոր տող`

«Ներկայացնելու օրը, ամիսը, տարեթիվը ______________ 200  թ.».

բ) «Կարգը» լրացնել հետևյալ բովանդակությամբ 10-րդ կետով`

«10. «Ներկայացնելու օրը, ամիսը, տարեթիվը» տողում լրացվում են խմբաքանակը ներկայացնելու օրը, ամիսը, տարեթիվը:»:

5. Հավելված 9-ը շարադրել նոր խմբագրությամբ` համաձայն Հավելված 2-ի:

ՀՀ աշխատանքի և սոցիալական հարցերի նախարար	ՀՀ սոցիալական ապահովագրության պետական հիմնադրամի նախագահ
Ա. Վարդանյան	Վ. Խաչիկյան

Հավելված 1

ՀՀ աշխատանքի և սոցիալական հարցերի նախարարի 2007 թ. փետրվարի 22-ի N 41-Ն հրամանի

ՀՀ սոցիալական ապահովագրության պետական հիմնադրամի նախագահի 2007 թ. փետրվարի 22-ի N 28-Ն հրամանի

«Հավելված 5

ՀՀ աշխատանքի և սոցիալական հարցերի նախարարի 2005 թ. սեպտեմբերի 8-ի N 120-Ն հրամանի

ՀՀ սոցիալական ապահովագրության պետական հիմնադրամի նախագահի 2005 թ. սեպտեմբերի 8-ի N 93-Ն հրամանի

Ձև 5

Ձ Ե Վ Ա Թ ՈՒ Ղ Թ

ԱՊԱՀՈՎԱԳՐՎԱԾ ԱՆՁԱՆՑ` ՄԻՆՉԵՎ ՊԱՐՏԱԴԻՐ ԿԵՆՍԱԹՈՇԱԿԱՅԻՆ ՍՈՑԻԱԼԱԿԱՆ ԱՊԱՀՈՎԱԳՐՈՒԹՅԱՆ  ՀԱՄԱԿԱՐԳՈՒՄ ՀԱՇՎԱՌՎԵԼՆ ԸՆԿԱԾ ԺԱՄԱՆԱԿԱՀԱՏՎԱԾՈՒՄ ՁԵՌՔ ԲԵՐԱԾ ԱՊԱՀՈՎԱԳՐԱԿԱՆ (ԱՇԽԱՏԱՆՔԱՅԻՆ) ՍՏԱԺԻ ՀԱՇՎԱՐԿՄԱՆ

Ձևաթուղթը լրացնող ապահովադրի

Հ/հ

Ապահովագրված անձի

Կազմակերպության անվանումը կամ այլ գործունեության անվանումը

Աշխատանքային գործունեության

Արտոնյալ պայմաններով, երկարամյա ծա-ռայության, մասնակի կենսաթոշակի իրա- վունք տվող աշխատանքային գործունե- ության տեսակները` ըստ Ցուցակների (ՀՀ կառավարության 2005 թ. հոկտեմբերի 13-ի թիվ 1987-Ն որոշում) և ցանկի (ՀՀ կառա-վարության 2003 թ. մայիսի 29-ի թիվ 793-Ն որոշում)

ՀՎՀՀ

անվա- նումը

ազգ-անունը

անունը

հայր- անունը

սոցիա- լական քարտի համարը

սկիզբը

ավարտը

ծած- կա-գիրը

մասնագի-տությունը և (կամ) պաշտոնը

սկիզբը

ավարտը

Ապահովագրված անձ	__________________ (անունը, ազգանունը)	______________ (ստորագրությունը)
Ղեկավար	___________________________ (պաշտոնի անվանումը, անունը, ազգանունը)	______________ (ստորագրությունը)

___  _____________________ 200 թ. (ներկայացնելու օրը, ամիսը, տարեթիվը)
Կ.Տ.

Կ Ա Ր Գ

ԱՊԱՀՈՎԱԳՐՎԱԾ ԱՆՁԱՆՑ` ՄԻՆՉԵՎ ՊԱՐՏԱԴԻՐ ԿԵՆՍԱԹՈՇԱԿԱՅԻՆ ՍՈՑԻԱԼԱԿԱՆ ԱՊԱՀՈՎԱԳՐՈՒԹՅԱՆ ՀԱՄԱԿԱՐԳՈՒՄ ՀԱՇՎԱՌՎԵԼՆ ԸՆԿԱԾ ԺԱՄԱՆԱԿԱՀԱՏՎԱԾՈՒՄ ՁԵՌՔ ԲԵՐԱԾ ԱՊԱՀՈՎԱԳՐԱԿԱՆ (ԱՇԽԱՏԱՆՔԱՅԻՆ) ՍՏԱԺԻ ՀԱՇՎԱՐԿՄԱՆ ՁԵՎԱԹՈՒՂԹԸ ԼՐԱՑՆԵԼՈՒ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում են ապահովագրված անձանց՝ մինչև պարտադիր կենսաթոշակային սոցիալական ապահովագրության համակարգում իրենց հաշվառվելն ընկած ժամանակահատվածում ձեռք բերած ապահովագրական (աշխատանքային) ստաժի մասին տվյալների ձևաթղթի լրացման կանոնները:

II. ՁԵՎԱԹՈՒՂԹԸ ԼՐԱՑՆԵԼՈՒ ԿԱՆՈՆՆԵՐԸ

Ձևաթղթի`

1. «Ձևաթուղթը լրացնող ապահովադրի ՀՎՀՀ» սյունակում լրացվում է ապահովադրի` հարկ վճարողի հաշվառման համարը:

2. «Ձևաթուղթը լրացնող ապահովադրի անվանումը» սյունակում լրացվում է ապահովադրի անվանումը:

3. «Հ/հ» սյունակում լրացվում են հերթական համարները:

4. «Ապահովագրված անձի» հատվածի «ազգանունը», «անունը», «հայրանունը», «սոցիալական քարտի համարը» սյունակներում լրացվում են ապահովագրված անձի ազգանունը, անունը, հայրանունը և սոցիալական ապահովության քարտի համարը:

5. «Կազմակերպության անվանումը» սյունակում հերթականությամբ լրացվում են այն կազմակերպությունների անվանումները, որտեղ աշխատել է ապահովագրված անձը, կամ այլ գործունեության անվանումը, որով զբաղվել է ապահովագրված անձը:

6. «Աշխատանքային գործունեության» հատվածի «սկիզբը» սյունակում լրացվում են տվյալ կազմակերպությունում աշխատանքի ընդունվելու օրը, ամիսը, տարեթիվը, իսկ «ավարտը» սյունակում լրացվում են տվյալ կազմակերպությունում աշխատանքից ազատվելու օրը, ամիսը, տարեթիվը:

7. «Արտոնյալ պայմաններով, երկարամյա ծառայության, մասնակի կենսաթոշակի իրավունք տվող աշխատանքային գործունեության տեսակները` ըստ Ցուցակների և ցանկի» հատվածի`

ա) «ծածկագիրը» սյունակում լրացվում է համապատասխան ցանկի ծածկագիրը`

«01» - թիվ 1 Ցուցակ (Հայաստանի Հանրապետության կառավարության 2005 թ. հոկտեմբերի 13-ի թիվ 1987-Ն որոշում),

«02» - թիվ 2 Ցուցակ (Հայաստանի Հանրապետության կառավարության 2005 թ. հոկտեմբերի 13-ի թիվ 1987-Ն որոշում),

«03» - ցանկ (Հայաստանի Հանրապետության կառավարության 2003 թվականի մայիսի 29-ի թիվ 793-Ն որոշում),

բ) «մասնագիտությունը և (կամ) պաշտոնը» սյունակում լրացվում է ապահովագրված անձի զբաղեցրած պաշտոնի և (կամ) մասնագիտության անվանումը, որն ընդգրկված է Հայաստանի Հանրապետության կառավարության 2005 թ. հոկտեմբերի 13-ի թիվ 1987-Ն կամ 2003 թվականի մայիսի 29-ի թիվ 793-Ն որոշումներով հաստատված ցանկերում,

գ) «սկիզբը» սյունակում լրացվում են տվյալ կազմակերպությունում թիվ 1 կամ թիվ 2 ցուցակով արտոնյալ պայմաններով կենսաթոշակի կամ մասնակի կենսաթոշակի իրավունք տվող մասնագիտություններով, պաշտոններում աշխատանքային գործունեության սկզբի ամսաթիվը, ամիսը, տարեթիվը,

դ) «ավարտը» սյունակում լրացվում են տվյալ կազմակերպությունում թիվ 1 կամ թիվ 2 ցուցակով արտոնյալ պայմաններով կենսաթոշակի կամ մասնակի կենսաթոշակի իրավունք տվող մասնագիտություններով, պաշտոններում աշխատանքային գործունեության ավարտի ամսաթիվը, ամիսը, տարեթիվը:

8. «Ապահովագրված անձ» տողում լրացվում են ապահովագրված անձի անունը և ազգանունը ու ստորագրվում է ապահովագրված անձի կողմից:

9. «Ղեկավար» տողում լրացվում են ձևաթուղթը լրացրած կազմակերպության ղեկավարի պաշտոնի անվանումը, անունը, ազգանունը, իսկ անհատ ձեռնարկատիրոջ կամ նոտարի պարագայում լրացվում են անհատ ձեռնարկատիրոջ կամ նոտարի անունը, ազգանունը:

Ձևաթուղթը ստորագրում է ձևաթուղթը լրացրած կազմակերպության ղեկավարը, իսկ անհատ ձեռնարկատիրոջ կամ նոտարի պարագայում` անհատ ձեռնարկատերը կամ նոտարը, և տվյալների իսկությունը վավերացվում է կնիքի դրոշմմամբ:

10. «Ներկայացնելու օրը, ամիսը, տարեթիվը» տողում դրվում են ձևաթուղթը ներկայացնելու օրը, ամիսը, տարեթիվը:»:

Հավելված 2

ՀՀ աշխատանքի և սոցիալական հարցերի նախարարի 2007 թ. փետրվարի 22-ի N 41-Ն հրամանի

ՀՀ սոցիալական ապահովագրության պետական հիմնադրամի նախագահի 2007 թ. փետրվարի 22-ի N 28-Ն հրամանի

«Հավելված 9

ՀՀ աշխատանքի և սոցիալական հարցերի նախարարի 2005 թ. սեպտեմբերի 8-ի N 120-Ն հրամանի

ՀՀ սոցիալական ապահովագրության պետական հիմնադրամի նախագահի 2005 թ. սեպտեմբերի 8-ի N 93-Ն հրամանի

Ձև 9

ԱՆՀԱՏԱԿԱՆ ՀԱՇՎԵՏՎՈՒԹՅԱՆ

Տ Ի Տ Ղ Ո Ս Ա Թ Ե Ր Թ  N____

Ապահովադրի անվանումը ______________________________
Պետական գրանցման համարը	ccccccccccc
ՀՎՀՀ	cccccccc
Ապահովադրի հաշվառման համարը	cc cccccc
Հաշվետու տարին cccc	Անհատական հաշվետվության տեսակը _______

Հ/հ	Ազգանունը, անունը, հայրանունը	Սոցիալական քարտի համարը	Հաշվետու ժամանակաշրջանում
			ԱՎՈՒՄ-ը (ընդամենը)	Սոցիալական վճարը (ընդամենը)
1	2	3	4	5
ԸՆԴԱՄԵՆԸ		X

Կազմակերպության ղեկավար

________________ (ստորագրությունը)

Գլխավոր հաշվապահ

________________ (ստորագրությունը)

___  _____________________ 200  թ. (ներկայացնելու օրը, ամիսը, տարեթիվը)
Կ.Տ.

Կ Ա Ր Գ

ԱՆՀԱՏԱԿԱՆ ՀԱՇՎԵՏՎՈՒԹՅԱՆ ՏԻՏՂՈՍԱԹԵՐԹԻ ՁԵՎԸ ԼՐԱՑՆԵԼՈՒ

Սույն կարգով սահմանվում են անհատական հաշվետվության տիտղոսաթերթը լրացնելու կանոնները:

1. «ՏԻՏՂՈՍԱԹԵՐԹ N» տողում լրացվում է տարածքային կենտրոն ապահովադրի (այդ թվում` անհատ ձեռնարկատերերի կամ նոտարների) կողմից ներկայացվող տիտղոսաթերթի հերթական համարը:

2. «Ապահովադրի անվանումը» տողում լրացվում են կազմակերպության անվանումը կամ անհատ ձեռնարկատիրոջ (կամ նոտարի) ազգանունը, անունը, հայրանունը:

3. «Պետական գրանցման համարը» տողի վանդակներում լրացվում է կազմակերպությանը կամ անհատ ձեռնարկատիրոջը (կամ նոտարին) ՀՀ արդարադատության նախարարության կողմից տրված հաշվառման համարը:

4. «ՀՎՀՀ» տողի վանդակներում լրացվում է ՀՀ կառավարությանն առընթեր հարկային պետական ծառայության` կազմակերպությանը կամ անհատ ձեռնարկատիրոջը (կամ նոտարին) տված հաշվառման համարը:

5. «Ապահովադրի հաշվառման համարը» տողի վանդակներում լրացվում է կազմակերպության կամ անհատ ձեռնարկատիրոջ (կամ նոտարի)` հիմնադրամում հաշվառման համարը:

6. «Հաշվետու տարին» տողի վանդակներում լրացվում է այն տարեթիվը, որի համար ներկայացվում է անհատական հաշվետվության տվյալ տեսակի խմբաքանակը, իսկ «Անհատական հաշվետվության տեսակը» տողում լրացվում է խմբաքանակում առկա անհատական հաշվետվության տեսակի անվանումը:

7. «Հ/հ» սյունակում լրացվում է տողի հերթական համարը:

8. «Ազգանունը, անունը, հայրանունը» և «Սոցիալական քարտի համարը» սյունակների տողերում լրացվում են խմբաքանակում առկա` տվյալ անձի համար ներկայացվող անհատական հաշվետվության համապատասխան տվյալները:

9. «Հաշվետու ժամանակաշրջանում ընդամենը» հատվածի`

ա) «ԱՎՈՒՄ-ը (ընդամենը)» սյունակում լրացվում է խմբաքանակում առկա` տվյալ անձի համար ներկայացվող անհատական հաշվետվության «Աշխատանքի վարձատրությանն ուղղված միջոցները (ԱՎՈՒՄ)» սյունակի «Ընդամենը» տողում նշված գումարի չափը,

բ) «Սոցիալական վճարը (ընդամենը)» սյունակում լրացվում է խմբաքանակում առկա` տվյալ անձի համար ներկայացվող անհատական հաշվետվության «Սոցիալական վճարը» սյունակի «Ընդամենը» տողում նշված գումարի չափը:

10. «Կազմակերպության ղեկավար» տողում ստորագրում է կազմակերպության ղեկավարը կամ անհատ ձեռնարկատերը (կամ նոտարը), իսկ «Գլխավոր հաշվապահ» տողում` կազմակերպության հաշվապահը:

11. Տիտղոսաթերթը դրոշմվում է կնիքով:

Տիտղոսաթերթը կարող է բաղկացած լինել մի քանի էջից: Այս դեպքում տիտղոսաթերթի 1-ից 100 տողերը շարունակաբար լրացվում են հերթական համարներով` որպես առանձին խմբաքանակ: Կազմակերպության ղեկավարը կամ անհատ ձեռնարկատերը (կամ նոտարը) ստորագրում է տիտղոսաթերթի վերջին էջի` դրա համար նախատեսված տեղում: Տիտղոսաթերթը դրոշմվում է կնիքով:

12. «Ներկայացնելու օրը, ամիսը, տարեթիվը» տողում լրացվում են խմբաքանակը ներկայացնելու օրը, ամիսը, տարեթիվը:»: