«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
27 հուլիսի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 հուլիսի 2000 թվականի N 420
քաղ. Երևան

ՆՈՐ ԲԱԺՆԵՏՈՄՍԵՐԻ ԹՈՂԱՐԿՄԱՄԲ ՊԵՏԱԿԱՆ ԳՈՒՅՔԻ ՄԱՍՆԱՎՈՐԵՑՄԱՆ ԿԱՆՈՆԱԿԱՐԳԸ ՀԱՍՏԱՏԵԼՈՒ ՄԱՍԻՆ

«Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի (այսուհետև` օրենք) 12 հոդվածի «զ» ենթակետին համապատասխան` Հայաստանի Հանրապետության կառավարությունը որոշում է.

1. Հաստատել նոր բաժնետոմսերի թողարկմամբ պետական գույքի մասնավորեցման կանոնակարգը (կցվում է):

2. Հայաստանի Հանրապետության պետական գույքի կառավարման նախարարությանը`

ա) Հայաստանի Հանրապետության կենտրոնական բանկի հետ համաձայնեցնելով` 7-օրյա ժամկետում հաստատել նոր բաժնետոմսերի թողարկմամբ պետական գույքի մասնավորեցման ժամանակ բացվող հաշվի վարման համար բանկի ընտրության չափանիշները.

բ) հաշվի առնելով սույն կետի «ա» ենթակետում նշված չափանիշները` մեկամսյա ժամկետում կազմակերպել մրցույթ` բանկի ընտրության համար:

ՀայաՍՏԱՆԻ հԱՆՐԱՊԵՏՈՒԹՅԱՆ ՎԱՐՉԱՊԵՏ

Ա. Մարգարյան

Հաստատված է ՀՀ կառավարության 2000 թվականի հուլիսի 27-ի N 420 որոշմամբ

Կ Ա Ն Ո Ն Ա Կ Ա Ր Գ

նոր բաժնետոմսերի թողարկմամբ պետական գույքի մասնավորեցման

I. Ընդհանուր դրույթներ

1. Սույն կանոնակարգով կարգավորվում է նոր բաժնետոմսերի թողարկմամբ պետական գույքի մասնավորեցման գործընթացը:

2. Սույն կանոնակարգի համաձայն թողարկվում են միայն սովորական բաժնետոմսեր (այսուհետև` բաժնետոմս), որոնք իրացվում են Հայաստանի Հանրապետության օրենսդրությամբ սահմանված կարգով:

3. Կանոնադրական կապիտալում 50 տոկոսից ավելի պետական սեփականություն հանդիսացող բաժնետոմսեր ունեցող` մասնավորեցվող բաժնետիրական ընկերության (այսուհետև` ընկերություն) նոր բաժնետոմսերի թողարկմամբ պետական գույքի մասնավորեցման մասին` Հայաստանի Հանրապետության կառավարության որոշումը, մասնավորապես, պետք է բովանդակի ընկերության վերակազմակերպման, նոր բաժնետոմսերի տեղաբաշխման (բաժանորդագրության) ժամկետների և ձևերի, ավելացվող կանոնադրական կապիտալի չափի, թողարկվող բաժնետոմսերի տեսակների, թողարկման ձևի և անվանական արժեքների, տեղաբաշխմանը մասնակցելու սահմանափակումների մասին և այլ անհրաժեշտ տեղեկություններ:

4. Ընկերության կառավարման բարձրագույն մարմինը, Հայաստանի Հանրապետության կառավարության որոշմանը համապատասխան, Հայաստանի Հանրապետության օրենսդրությամբ սահմանված կարգով որոշում է ընդունում ընկերության կանոնադրական կապիտալի ավելացման և այդ նպատակով նոր բաժնետոմսերի թողարկման անհրաժեշտության դեպքում` նաև վերակազմակերպման մասին:

5. Եթե ընկերությունն անցել է մասնակի անհատույց և (կամ) ներդրումային մասնավորեցում, և (կամ) պետական գույքը մասնավորեցվել է բաժնետոմսերի ազատ բաժանորդագրությամբ, ապա այդ ընկերության բաժնետոմսերի անվանական արժեքը սահմանելիս հաշվի է առնվում այն հանգամանքը, որ մասնակի անհատույց և (կամ) ներդրումային մասնավորեցմանը մասնակցած անձանց տրվի առնվազն մեկ բաժնետոմս: Այն դեպքում, երբ բաժնեմասի մնացորդը կազմում է բաժնետոմսի անվանական արժեքի 50 տոկոսից ավելին, տվյալ բաժնետիրոջը տրվում է մեկ հավելյալ բաժնետոմս, հակառակ դեպքում հավելյալ բաժնետոմս չի տրվում: Եթե արդյունքում բաժնետոմսերի գումարային քանակը փոքր կամ մեծ է ընկերության բաժնետոմսերի ընդհանուր հանրագումարից, ապա որպես կլորացման նիշ ընդունվում է համապատասխանաբար 50-ից մեծ կամ փոքր մեծությունը:

Այն դեպքում, երբ բաժնեմասի մնացորդը կլորացման նիշից պակաս գումար է, ընկերության ընդհանուր ժողովի որոշմամբ մեկ տարվա ընթացքում բաժնետիրոջն է վերադարձվում բաժնեմասի մնացորդը կազմող գումարը և հավելյալ բաժնետոմս չի տրվում:

6. Հայաստանի Հանրապետության պետական գույքի կառավարման նախարարությունը (այսուհետև` նախարարություն)`

ա) մասնավորեցման մասին Հայաստանի Հանրապետության կառավարության համապատասխան որոշման ընդունումից հետո ընկերության հետ կնքում է պայմանագիր և դրան համապատասխան իրականացնում բաժնետոմսերի տեղաբաշխումը, ինչպես նաև որոշմամբ սահմանված կարգով ու ժամկետներում նախապատրաստում նոր բաժնետոմսերի թողարկման ազդագիրը և այն Հայաստանի Հանրապետության օրենսդրությամբ սահմանված կարգով գրանցում Հայաստանի Հանրապետության արժեթղթերի շուկայի տեսչությունում,

բ) բաժնետոմսերի թողարկման ազդագիրը Հայաստանի Հանրապետության արժեթղթերի շուկայի տեսչությունում գրանցվելուց հետո երկշաբաթյա ժամկետում այն հրապարակում է 1000-ից ոչ պակաս տպաքանակ ունեցող մամուլում,

գ) պարբերաբար կազմակերպում է բաժնետոմսերի տեղաբաշխման մասին տեղեկատվության հրապարակումը,

դ) մրցույթով ընտրված բանկի հետ կնքում է հաշվի սպասարկման մասին պայմանագիր,

ե) իրականացնում է Հայաստանի Հանրապետության օրենսդրությամբ սահմանված կամ վերապահված այլ լիազորություններ:

7. Հայաստանի Հանրապետության կառավարության որոշմամբ բաժնետոմսերի տեղաբաշխման լիազորությունները կարող է վերապահվել այլ կազմակերպության (անդերռայթեր), որը Հայաստանի Հանրապետության օրենսդրությամբ սահմանված կարգով կարող է իրականացնել արժեթղթերի տեղաբաշխման գործունեություն:

Այս դեպքում Հայաստանի Հանրապետության կառավարության որոշմամբ պետք է սահմանվեն այդպիսի կազմակերպության ընտրության չափանիշները:

8. Եթե Հայաստանի Հանրապետության կառավարության որոշմամբ բաժնետոմսերի տեղաբաշխման լիազորությունները վերապահվել են այլ կազմակերպության, ապա այդ կազմակերպությունը Հայաստանի Հանրապետության օրենսդրությամբ սահմանված կարգով իրականացնում է սույն կարգի 6-րդ կետում նշված գործառույթներն ամբողջությամբ կամ դրանց մի մասը` համաձայն նախարարության և կազմակերպության միջև կնքվող պայմանագրի:

II. Բաժնետոմսերի տեղաբաշխմանը մասնակցելու պայմանները

9. Բաժնետոմսերի տեղաբաշխմանը կարող են մասնակցել Հայաստանի Հանրապետության օրենսդրությամբ սահմանված մասնավորեցման սուբյեկտները:

10. Ընկերության բաժնետոմսերն ունեն իրենց բաժնեմասին համապատասխան նոր բաժնետոմսերի ձեռքբերման նախապատվության իրավունք:

Ընկերության` բաժնետոմսեր ձեռք բերելու նախապատվության իրավունք տվող արժեթղթերի սեփականատերերն իրենց իրավունքից օգտվում են բաժնետերերից առաջ` ընկերության կանոնադրությամբ սահմանված ժամկետներում:

11. Եթե Հայաստանի Հանրապետության կառավարության որոշմամբ նախատեսվում է նոր բաժնետոմսերի (կամ դրանց մի մասի) մրցույթի տեղաբաշխում, ապա մրցույթն անցկացվում է Հայաստանի Հանրապետության օրենսդրությամբ սահմանված կարգով: Նոր բաժնետոմսերի (կամ դրանց մի մասի) փակ բաժանորդագրությամբ տեղաբաշխումը մրցույթով անցկացնելու դեպքում մրցույթի մասնակիցներ կարող են լինել միայն նախարարության կողմից նախապես որակավորված անձինք:

III. Նոր բաժնետոմսերի տեղաբաշխումը

12. Բաժնետոմսերի բաց բաժանորդագրությամբ տեղաբաշխումն սկսվում է բաժնետոմսերի թողարկման ազդագրի հրապարակումից հետո 10-րդ օրվանից և տևում 30 օր:

13. Բաժնետոմսերի փակ բաժանորդագրությամբ տեղաբաշխումն սկսվում է բաժնետոմսերի թողարկման ազդագրի հրապարակումից հետո 10-րդ օրվանից և տևում 30 օր:

14. Բաժնետոմսերի բաց և փակ բաժանորդագրությամբ տեղաբաշխումներն անցկացվում են զուգահեռ:

15. Բաժնետոմսերի տեղաբաշխումն իրականացվում է բաժանորդագրության հայտերի (այսուհետև` հայտ) ընդունման միջոցով: Մասնակիցների կամ նրանց լիազորած անձանց կողմից լրացվում են հայտերը (NN 1, 2, 3 ձևերը) կցվում են և ներկայացվում նախարարություն:

16. Հայտի հետ մասին ներկայացվում է նաև հայտում նշված գումարի վճարման անդորրագիրը:

17. Նոր բաժնետոմսերի թողարկմամբ պետական գույքի մասնավորեցման մասին Հայաստանի Հանրապետության կառավարության որոշումն ուժի մեջ մտնելուց հետո նոր բաժնետոմսերի փակ տեղաբաշխմանը մասնակցելու նպատակով ընկերության` ձայնի իրավունք տվող բաժնետոմսերի բաժնետերերի ծանուցումը կատարվում է Հայաստանի Հանրապետության օրենսդրությամբ սահմանված կարգով:

18. Բաժնետոմսերի թողարկման ազդագրի հրապարակումից հետո 10-օրյա ժամկետում ընկերության ղեկավարը կամ պետական սեփականություն չհանդիսացող բաժնետոմսերի սեփականատերերի (այսուհետև` ոչ պետական բաժնետերեր) կողմից լիազորված անձը հրավիրում է ոչ պետական բաժնետերերի ժողով` իրենց բաժնեմասերին համապատասխան նոր բաժնետոմսերի փակ բաժանորդագրությանը մասնակցելու հարցը քննարկելու համար:

19. Ժողովի որոշմամբ հաստատված ոչ պետական բաժնետերերից յուրաքանչյուրին հասանելիք բաժնետոմսերի քանակի նշումով անվանացանկը, որի բոլոր էջերն ստորագրվում են ժողովի նախագահի, քարտուղարի կողմից և կնքվում ընկերության կնիքով, եթե ընկերությունը կնիք ունի, հանձնվում է նախարարություն: Ոչ պետական բաժնետերերի ժողովի որոշումը պետք է պարունակի տվյալներ յուրաքանչյուր ոչ պետական բաժնետիրոջը հասանելիք բաժնետոմսերի քանակի մասին:

(19-րդ կետը լրաց. 17.02.11 N 140-Ն)

20. Հայտը ներկայացնելու ժամկետ է համարվում նախարարության կողմից հայտի ստացման օրը:

Ստացված հայտերը գրանցվում են բաժնետոմսերի տեղաբաշխման գրանցամատյաններում` ըստ հայտերը ներկայացնելու ժամկետների հաջորդականության:

21. Նախարարությունը բաց և փակ բաժանորդագրությամբ տեղաբաշխումների համար վարում է առանձին գրանցամատյաններ: Գրանցամատյանների բոլոր էջերը պետք է լինեն համարակալված, կարված, վերջին էջը` ստորագրված գրանցամատյանները վարող պատասխանատու անձանց կողմից (նշելով էջերի ընդհանուր թիվը) և հաստատված նախարարության կնիքով: Գրանցամատյանների վարումն իրականացվում է դրամարկղային գրքերի վարման համար Հայաստանի Հանրապետության օրենսդրությամբ սահմանված կարգով:

22. Հայտերը գրանցվում են համապատասխան գրանցամատյաններում, որոնցում ըստ սյունակների հերթականության պետք է նշվեն`

ա) հայտը ներկայացնելու ժամկետը,

բ) մասնակցի անվանումը և հասցեն,

գ) բաժնետոմսերի ընդհանուր թիվը (հատ),

դ) հայտում նշված բաժնետոմսերի թիվը (հատ),

ե) բաժնետոմսերի համար առաջարկվող ընդհանուր գումարը (դրամ),

զ) գրանցամատյանները վարող պատասխանատու անձի ստորագրությունը,

է) հայտի համարը:

23. Ներկայացված հայտը մերժվում է, եթե հայտ ներկայացնող անձը`

ա) խախտել է սույն կանոնակարգով սահմանված` հայտերը ներկայացնելու ժամկետները և կարգը,

բ) չի հանդիսանում մասնավորեցման սուբյեկտ,

գ) Հայաստանի Հանրապետության օրենսդրությամբ սահմանված այլ դեպքերում:

24. Մերժված հայտերը գրանցվում են մեկ ընդհանուր առանձին գրանցամատյանում, որում ըստ սյունակների հերթականության պետք է նշվեն`

ա) ընկերության անվանումը,

բ) հայտի համարը,

գ) հայտը ներկայացնելու ժամկետը,

դ) հայտատուի անվանումը և հասցեն,

ե) բաժնետոմսերի թիվը (հատ),

զ) բաժնետոմսերի համար առաջարկվող ընդհանուր գումարը (դրամ),

է) մերժման հիմքերը,

ը) գրանցամատյանները վարող պատասխանատու անձի ստորագրությունը:

25. Բաժնետոմսերի տեղաբաշխումը համարվում է կայացած, եթե պետական սեփականություն հանդիսացող բաժնետոմսերի անվանական արժեքների գումարի տեսակարար կշիռը նոր ձևավորվող կանոնադրական կապիտալի չափի մեջ կազմում է 50 տոկոսից պակաս`

ՊԲԱԳ/ԿԿ < 1/2,

որտեղ`

ՊԲԱԳ-ն պետական սեփականություն հանդիսացող բաժնետոմսերի անվանական արժեքների գումարն է,

ԿԿ-ն ընկերության նոր ձևավորվող կանոնադրական կապիտալի չափն է, որը հաշվարկվում է սույն կարգի 27-րդ կետի համաձայն:

26. Տեղաբաշխման արդյունքում բոլոր մասնակիցներին հասանելիք բաժնետոմսերի ընդհանուր քանակը որոշվում է հետևյալ բանաձևով`

ԲԳՔ=ԲԳԳ+ՓԳԳ,

որտեղ`

ԲԳՔ-ն տեղաբաշխման արդյունքում բոլոր մասնակիցներին հասանելիք բաժնետոմսերի ընդհանուր քանակն է,

ԲԳԳ-ն` բաց տեղաբաշխման գրանցամատյանում գրանցված բաժնետոմսերի քանակը,

ՓԳԳ-ն` փակ տեղաբաշխման գրանցամատյանում գրանցված բաժնետոմսերի քանակը:

27. Ընկերության կանոնադրական կապիտալը հաշվարկվում է հետևյալ բանաձևով`

ԿԿ=(ՊԲՔ+ՈՊԲՔ+ԲԳՔ)xԲԱԱ+ԱԲԱ,

որտեղ`

ԿԿ-ն ընկերության կանոնադրական կապիտալն է,

ՊԲՔ-ն` պետական սեփականություն հանդիսացող բաժնետոմսերի քանակը,

ՈՊԲՔ-ն` պետական սեփականություն չհանդիսացող բաժնետոմսերի քանակը,

ԲԳՔ-ն` բաց և փակ բաժանորդագրությամբ տեղաբաշխման գրանցամատյաններում գրանցված բաժնետոմսերի ընդհանուր քանակը,

ԲԱԱ-ն` մեկ սովորական բաժնետոմսի անվանական արժեքը,

ԱԲԱ-ն` արտոնյալ բաժնետոմսերի անվանական արժեքների հանրագումարը:

28. Բաժնետոմսերի տեղաբաշխումը չկայանալու դեպքում նախարարությունը, սույն կարգի դրույթներին համապատասխան, իրականացնում է բաժնետոմսերի լրացուցիչ տեղաբաշխում (տեղաբաշխումներ):

29. Բաժնետոմսերի լրացուցիչ տեղաբաշխման գործընթացը, սույն կարգի դրույթներին համապատասխան, սկսվում է նախորդ տեղաբաշխման ավարտից մեկ շաբաթ հետո և կարող է տևել մինչև 6 ամիս:

30. Բաժնետոմսերի լրացուցիչ տեղաբաշխման գործընթացը չկայանալուց և ժամկետը լրանալուց հետո, եթե բաժանորդագրության արդյունքում վաճառվել են բաժնետոմսեր, ապա ընկերության կանոնադրական կապիտալի հաշվարկը կատարվում է համաձայն սույն կարգի 27-րդ կետի:

31. Չտեղաբաշխված բաժնետոմսերը մնում են ընկերության տնօրինության տակ և համարվում են հայտարարված բաժնետոմսեր:

32. Բաժնետոմսերի բաժանորդագրությամբ տեղաբաշխման (լրացուցիչ տեղաբաշխումների) արդյունքում բաժնետոմս չվաճառվելու դեպքում Հայաստանի Հանրապետության կառավարությունը որոշում է ընդունում ընկերության բաժնետոմսերը Հայաստանի Հանրապետության օրենսդրությամբ սահմանված այլ ձևով մասնավորեցնելու վերաբերյալ:

33. Բաժնետոմսերի հավաստագրերի ձևաթղթերը տրամադրվում են Հայաստանի Հանրապետության օրենսդրությամբ սահմանված կարգով:

IV. Բաժնետոմսերի տեղաբաշխման արդյունքների ամփոփումը

34. Նախարարությունը բաժնետոմսերի տեղաբաշխման ժամկետի ավարտից հետո` 10 աշխատանքային օրվա ընթացքում Հայաստանի Հանրապետության արժեթղթերի շուկայի տեսչություն է ներկայացնում իր կողմից հաստատված բաժնետոմսերի տեղաբաշխման արդյունքների ամփոփման մասին արձանագրությունը (N 4 ձևը կցվում է)` 3 օրինակից:

Արձանագրությանը կցվում է բաժանորդագրությամբ տեղաբաշխման արդյունքներով կազմված բաժնետոմսերի սեփականատերերի գրանցամատյանից քաղվածք (բաժնետոմսերի սեփականատերերի կազմը և յուրաքանչյուր սեփականատիրոջը պատկանող բաժնետոմսերի քանակը), որը հանդիսանում է արձանագրության անբաժան մասը և որի բոլոր էջերը պետք է լինեն համարակալված, կարված և կնքված նախարարության կողմից:

35. Տեղաբաշխմանը մեկ հայտատուի մասնակցությունը այն չկայացած համարելու հիմք չի հանդիսանում:

36. Բանկը Հայաստանի Հանրապետության օրենսդրությամբ սահմանված կարգով բաժնետոմսերի տեղաբաշխման ժամկետի ավարտից հետո 5 աշխատանքային օրվա ընթացքում նախարարություն է ներկայացնում տվյալներ մուտքագրված վճարների մասին:

Սահմանված կարգով կազմվում է բաժանորդագրությունը կայանալու մասին ակտ, որի մեկ օրինակը նախարարությունը 5 աշխատանքային օրվա ընթացքում ներկայացնում է Հայաստանի Հանրապետության արժեթղթերի շուկայի տեսչություն:

37. Հայաստանի Հանրապետության արժեթղթերի շուկայի տեսչությունը սույն կարգի 34-րդ կետում և 36-րդ կետի երկրորդ պարբերության մեջ նշված փաստաթղթերն ստանալուց հետո 5 աշխատանքային օրվա ընթացքում գրանցում է բաժնետոմսերի տեղաբաշխման արդյունքների մասին արձանագրությունը և 2 օրինակը վերադարձնում նախարարություն` տալով արժեթղթերի գրանցման վկայական (տեղաբաշխումը կայացած համարվելու դեպքում):

38. Ընկերությունը բաժնետոմսերի տեղաբաշխման արդյունքների մասին արձանագրության հաստատումից և գրանցումից հետո Հայաստանի Հանրապետության օրենսդրությամբ սահմանված կարգով Հայաստանի Հանրապետության ձեռնարկությունների պետական ռեգիստրում գրանցում է փոփոխությունները և վկայականի պատճենը ներկայացնում բանկին, որը պարտավոր է 3 աշխատանքային օրվա ընթացքում բաժնետոմսերի վաճառքից ստացված գումարը փոխանցել ընկերության հաշվին:

V. Նոր բաժնետոմսերի ձեռքբերման դիմաց վճարված գումարի բաշխման կարգը

39. Նոր բաժնետոմսերի ձեռքբերման դիմաց վճարված գումարից հանվում է բաժնետոմսերի տեղաբաշխման հետ կապված և Հայաստանի Հանրապետության պետական բյուջեով չֆինանսավորված ծախսերի համար անհրաժեշտ գումարը, որով նախարարությունը փոխհատուցում է բաժնետոմսերի տեղաբաշխման ընթացքում իր կատարած ծախսերը, իսկ մնացած գումարը փոխանցվում է ընկերության հաշվի համարին` դրա մասին տեղեկացնելով նշված ընկերությանը:

Ձև 1

Հ Ա Յ Տ

ֆիզիկական անձանց համար

Հայտատու

Ես _____________________________________________________

(անունը, ազգանունը)

_______________________________________________________

(անձը հաստատող փաստաթուղթը, սերիան, N-ը, ամսաթիվը, տալու վայրը)

Հասցեն __________________________________________________,

ծանոթանալով ______________________________________________

(մասնավորեցվող ընկերության անվանումը)

նոր բաժնետոմսերի թողարկման ազդագրին, ցանկանում են բաժանորդագրվել

_______________________________________________________,

(նոր բաժնետոմսերի քանակը` թվերով և տառերով)

այդ նպատակով կցում են վճարման անդորրագիրը`________________________

_______________________________________________ դրամ` մուծված

(վճարման անդորրագրում նշված գումարը` թվերով և տառերով)

_________________________________________________ հաշվի համարին:

_____________200 թ.	Հայտատու _________________
	(ստորագրությունը)

Ձև 2

Հ Ա Յ Տ

իրավաբանական անձանց համար

Հայտատու _______________________________________________

(առևտրային կազմակերպության անվանումը)

Իրավաբանական հասցեն ______________________________________

Գրանցման համարը և վայրը ____________________________________

Ի դեմս _________________________________________________,

(անունը, ազգանունը, զբաղեցրած պաշտոնը)

ծանոթանալով _____________________________________________

(մասնավորեցվող ընկերության անվանումը)

նոր բաժնետոմսերի թողարկման ազդագրին, ցանկանում ենք բաժանորդագրվել

______________________________________________________,

(նոր բաժնետոմսերի քանակը` թվերով և տառերով)

այդ նպատակով կցում ենք վճարման անդորրագիրը ______________________

դրամ` __________________________________________________

(վճարման անդորրագրում նշված գումարը` թվերով և տառերով)

մուծված __________________________________________ հաշվի համարին:

_____________200 թ.	Հայտատու _________________
	(լիազորված անձի ստորագրությունը, անունը, ազգանունը)

Ձև 3

Հ Ա Յ Տ

մասնավորեցվող ընկերության ոչ պետական բաժնետերերի համար

Համաձայն բաժնետերերի ժողովի որոշման ____________________________

(բաժնետերերի ժողովի արձանագրությունից քաղվածքը կցվում է)

Ես ____________________________________________________

(անունը, ազգանունը)

_______________________________________________________,

(անձը հաստատող փաստաթուղթը, սերիան, N-ը, ամսաթիվը, տալու վայրը)

ծանոթանալով ______________________________________________

(մասնավորեցվող ընկերության անվանումը)

նոր բաժնետոմսերի թողարկման ազդագրին, ցանկանում են բաժանորդագրվել

_______________________________________________________,

(նոր բաժնետոմսերի քանակը` տառերով և թվերով)

այդ նպատակով կցում են վճարման անդորրագիրը ________________________

___________________________________________________ դրամ`

(վճարման անդորրագրում նշված գումարը` տառերով և թվերով)

մուծված __________________________________________ հաշվի համարին:

(հաշվի համարը)

_____________200 թ.	Հայտատու _________________
	(ստորագրությունը)

Ձև 4

«Գրանցում եմ» ՀՀ արժեթղթերի շուկայի տեսչության պետ	«Հաստատում եմ» ՀՀ պետական գույքի կառավարման նախարարություն
_________________	_________________
_________________ 200  թ.	_________________ 200  թ.

  _______________________________________________________ ԲԲԸ

Ա Ր Ձ Ա Ն Ա Գ Ր ՈՒ Թ Յ ՈՒ Ն  N

տեղաբաշխման արդյունքների ամփոփման

______________________200  թ.

Հանձնաժողովի կազմը

Նախագահ ______________________________________________

(անունը, ազգանունը)

Քարտուղար _____________________________________________

(անունը, ազգանունը)

Բաժանորդագրության իրականացման հիմքերը`

տեղաբաշխումն իրականացվել է համաձայն

ՀՀ կառավարության _____________________________________ որոշման

(որոշման ամսաթիվը և համարը)

և 200 թ. ____________________________________ թողարկման ազդագրի:

(թողարկման ազդագրի հրապարակման ամսաթիվը)

Տեղաբաշխման սկիզբը

200  թ.,

ավարտը

200  թ.

ՀՀ կառավարության որոշմամբ սահմանված տեղաբաշխման ենթակա նոր բաժնետոմսերի

ընդհանուր քանակը ________________________________________:

(քանակը` թվերով և տառերով)

Տեղաբաշխման արդյունքների համաձայն բաժանորդագրված նոր բաժնետոմսերի

ընդհանուր քանակը ________________________________________:

(քանակը` թվերով և տառերով)

Մեկ բաժնետոմսի անվանական արժեքը ____________________________:

(քանակը` թվերով և տառերով)

Բաժնետոմսերի համար վճարված ընդհանուր գումարը ___________________

__________________________________________________ դրամ:

(գումարը` թվերով և տառերով)

Տեղաբաշխման մասնակիցների կազմը և հասանելիք բաժնետոմսերի քանակը`

Ֆիզիկական անձինք` ________________________________________:

(քանակը` թվերով և տառերով)

Իրավաբանական անձինք` _____________________________________:

(քանակը` թվերով և տառերով)

Մասնավորեցվող ընկերության ոչ պետական բաժնետերեր`

______________________________________________________

(քանակը` թվերով և տառերով)

Տեղաբաշխման արդյունքում ձևավորված ԲԲԸ-ի կանոնադրական կապիտալը

______________________________________________________

(թվերով և տառերով)

__________________________________________________ դրամ:

Համաձայն ՀՀ կառավարության

200  թ.

N

որոշման

_____________________________________________________

(ընկերության անվանումը)

բաժանորդագրությունը ______________________________________:

Տեղաբաշխման արդյունքների հիման վրա կազմված բաժնետերերի գրանցամատյանից

քաղվածքը (բաժնետերերի կազմը, յուրաքանչյուր բաժնետիրոջ բաժնետոմսերի քանակը)

(կցվում է):

Հանձնաժողովի նախագահ	__________________	__________________
	(ստորագրությունը)	(անունը, ազգանունը)
Հանձնաժողովի քարտուղար	__________________	__________________
	(ստորագրությունը)	(անունը, ազգանունը)