«Գրանցված է»

ՀՀ արդարադատության

նախարարության կողմից

16 փետրվարի 2011 թ.

Պետական գրանցման թիվ 05011095

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

1 փետրվարի 2011 թ.

թիվ 18-Ն

 Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2007 ԹՎԱԿԱՆԻ ՀՈՒՆԻՍԻ 26-Ի ԹԻՎ 197-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Ապահովագրության և ապահովագրական գործունեության մասին» Հայաստանի Հանրապետության օրենքի 96-րդ հոդվածի 1-ին մասը, «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետը և «Իրավական ակտերի մասին» Հայաստանի Հանրապետության օրենքի 16-րդ հոդվածի 1-ին մասը` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2007 թվականի հունիսի 26-ի «Ապահովագրական բրոքերների հաշվետվությունների ձևը, տեղեկատվության կազմը և ներկայացման կարգն ու ժամկետները» հաստատելու մասին թիվ 197-Ն որոշմամբ հաստատված «Ապահովագրական բրոքերների հաշվետվությունների ձևը, տեղեկատվության կազմը և ներկայացման կարգն ու ժամկետները» հավելվածում (այսուհետ` Հավելված) կատարել հետևյալ փոփոխությունները.

1) Հավելվածի 2-րդ կետի աղյուսակի 11-րդ տողից, Գլուխ 10-ի և Հավելված 8-ի վերնագրերից հանել «և ֆինանսական համակարգի հաշտարարի գրասենյակի օգտին վճարված պարտադիր վճարների» բառերը:

2) Հավելվածի 78-րդ կետը ուժը կորցրած ճանաչել:

3) Հավելվածի 79-րդ կետում «Հաշվետվության 1-ին աղյուսակում» բառերը փոխարինել «Թիվ 11 հաշվետվության մեջ» բառերով:

4) Հավելվածի 80-86-րդ կետերից «1-ին աղյուսակի» բառերը հանել:

5) Հավելվածի 87-95-րդ կետերն ուժը կորցրած ճանաչել:

6) Հավելվածի հավելված 9-ը ուժը կորցրած ճանաչել:

2. Սույն որոշումն ուժի մեջ է մտնում 2011 թվականի ապրիլի 1-ին:

ՀՀ կենտրոնական բանկի նախագահ	Ա. Ջավադյան
2011 թ. փետրվարի 3 ք. Երևան