Գլխավոր տեղեկություն

Համար

N 110-Ն

Տիպ

Որոշում

Ակտի տիպ

Պաշտոնական Ինկորպորացիա (17.02.2011-17.03.2011)

Կարգավիճակ

Չի գործում

Սկզբնաղբյուր

ՀՀՊՏ 2006.03.01/11(466) Հոդ.260

Ընդունող մարմին

ՀՀ կառավարություն

Ընդունման ամսաթիվ

12.01.2006

Ստորագրող մարմին

ՀՀ վարչապետ

Ստորագրման ամսաթիվ

14.02.2006

Վավերացնող մարմին

ՀՀ Նախագահ

Վավերացման ամսաթից

18.02.2006

Ուժի մեջ մտնելու ամսաթիվ

11.03.2006

Ուժը կորցնելու ամսաթիվ

01.01.2012

«Վավերացնում եմ»
Հայաստանի Հանրապետության
Նախագահ Ռ. Քոչարյան
18 փետրվարի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

12 հունվարի 2006 թվականի N 110-Ն

ԸՆՏԱՆԵԿԱՆ ՆՊԱՍՏԻ ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅԱՆ ՆՇԱՆԱԿՄԱՆ ԵՎ ՎՃԱՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Համաձայն «Պետական նպաստների մասին» Հայաստանի Հանրապետության օրենքի 20-րդ հոդվածի` Հայաստանի Հանրապետության կառավարությունը որոշում է.

1. Հաստատել ընտանեկան նպաստի և միանվագ դրամական օգնության նշանակման և վճարման կարգը` համաձայն հավելվածի:

2. Հայաստանի Հանրապետության կառավարության 2000 թվականի հուլիսի 3-ի «Հայաստանի Հանրապետությունում աղքատության ընտանեկան նպաստի և միանվագ դրամական օգնության վճարման կարգի մասին» N 350 որոշման մեջ կատարել հետևյալ փոփոխությունը`

ուժը կորցրած ճանաչել որոշման 1-ին կետը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության
վարչապետ
Ա. Մարգարյան

2006 թ. փետրվարի 14
Երևան

Հավելված
ՀՀ կառավարության 2006 թվականի
հունվարի 12-ի N 110-Ն որոշման

Կ Ա Ր Գ

ԸՆՏԱՆԵԿԱՆ ՆՊԱՍՏԻ ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅԱՆ ՆՇԱՆԱԿՄԱՆ ԵՎ ՎՃԱՐՄԱՆ

1. Սույն կարգով սահմանվում է ընտանեկան նպաստի (այսուհետ` նպաստ) և միանվագ դրամական օգնության (այսուհետ` միանվագ օգնություն) նշանակման և վճարման կարգը:

2. Նպաստի և միանվագ օգնության վճարումը կատարվում է Հայաստանի Հանրապետության պետական բյուջեից` համապատասխան սոցիալական ծառայություններ տրամադրող տարածքային մարմնին (այսուհետ` գործակալություն) այդ նպատակով հատկացված ֆինանսական միջոցների սահմանում:

(2-րդ կետը փոփ. 27.12.07 N 1530-Ն)

3. Նպաստի և միանվագ օգնության համար ֆինանսական միջոցների չափերն ըստ գործակալությունների, հաշվի առած ընտանիքների անապահովության գնահատման կարգով որոշված աղքատ ընտանիքների թիվը, ընտանիքի անապահովության սահմանային մեծության միավորը, ընտանեկան նպաստի բազային մասը և ընտանիքի յուրաքանչյուր անչափահաս (մինչև 18 տարեկան) անդամին տրվող հավելման չափերը սահմանում է Հայաստանի Հանրապետության կառավարությունը:

4. Նպաստը նշանակվում է ընտանիքների անապահովության գնահատման համակարգում (այսուհետ՝ գնահատման համակարգ) հաշվառված` (փաստագրված) ընտանիքի անապահովության սահմանային մեծության միավորից բարձր միավոր ունեցող ընտանիքին` դիմելու ամսվան հաջորդող ամսվանից` մինչև նպաստի վճարման դադարեցման հիմքերի առաջացումը:

(4-րդ կետը լրաց. 27.12.07 N 1530-Ն)

5. Նպաստ կամ հրատապ օգնություն ստանալու համար ընտանիքի չափահաս անդամներից մեկը (այսուհետ` դիմող), ընտանիքի մյուս չափահաս անդամների համաձայնությամբ, դիմում է իր բնակության վայրի գործակալություն` ներկայացնելով դիմում-հայտարարագիր` համաձայն N 1 ձևի, և ընտանիքի անապահովության գնահատման համար անհրաժեշտ փաստաթղթերը, ինչպես նաև տեղեկանք-հայտարարագիր իր ընտանիքի կազմի, գյուղատնտեսական նշանակության հողի չափի մասին` համաձայն N 1.2 ձևի:

Դիմում-հայտարարագիրը` անհրաժեշտ փաստաթղթերով, հաշվառվում է դիմում-հայտարարագրերի հաշվառման մատյանում` համաձայն N 1¹ ձևի:

Դիմում-հայտարարագիրը լրացվում է 2 օրինակից:

(5-րդ կետը խմբ. 27.12.07 N 1530-Ն, լրաց. 23.12.10 N 1763-Ն)

6. Գործակալության աշխատողը տվյալ ընտանիքի համար կազմում է նպաստի և միանվագ օգնության նշանակման գործ (այսուհետ` նպաստի գործ)` համաձայն N 2 ձևի, որը պահպանում է գործակալությունը` Հայաստանի Հանրապետության օրենսդրությամբ սահմանված կարգով:

Նպաստի գործում պահպանվում են վերջին 5 տարիներին դիմողի ներկայացրած բոլոր փաստաթղթերը, իսկ դրանից հետո դիմելիս ներկայացրած փաստաթղթերի հիման վրա կազմվում է նպաստի նոր գործ:

Նպաստի նախորդ գործը պահպանվում է գործակալությունում` 5 տարի ժամկետով:

(6-րդ կետը լրաց. 27.12.07 N 1530-Ն)

6.1. Գործակալության պետը, դիմում-հայտարարագիրը, տեղեկանք-հայտարարագիրը և անհրաժեշտ փաստաթղթերն ընդունելուց հետո, 3 աշխատանքային օրվա ընթացքում գրավոր դիմում է Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի աշխատակազմի համապատասխան տարածքային ստորաբաժանում, որը հարցման հիման վրա գործակալությանը տրամադրում է տեղեկանք ընտանիքին (ըստ ընտանիքի անդամների) պատկանող (ամբողջ հանրապետությունում) հողամասի հողատեսքի, դրա կադաստրային զուտ եկամտի և հողատարածքի մակերեսի մասին:

Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի աշխատակազմի համապատասխան տարածքային ստորաբաժանում գործակալության ներկայացրած հարցման օրը համարվում է ընտանիքին (ըստ ընտանիքի անդամների) պատկանող (ամբողջ հանրապետությունում) հողամասի հողատեսքի, դրա կադաստրային զուտ եկամտի և հողատարածքի մակերեսի մասին տեղեկանքը ներկայացնելու օրը:

(6.1 կետը լրաց. 23.12.10 N 1763-Ն, 03.02.11 N 67-Ն)

7. Գործակալության աշխատողը ներկայացված փաստաթղթերը համեմատում է դիմում-հայտարարագրում նշված փաստաթղթերի ցանկի, ինչպես նաև բնօրինակների հետ, դիմում-հայտարարագրի վրա նշում ստացման ամսաթիվը, ստորագրում և ընդունում է` դիմողին վերադարձնելով դիմում-հայտարարագրի մեկ օրինակը: Ջնջումներով, ուղղումներով կամ թերի լրացված փաստաթղթերը վերադարձվում են:

Գործակալության աշխատողները չեն կարող ներկայացված փաստաթղթերում ուղղում կատարել:

Եթե դիմում-հայտարարագրի հետ ներկայացվում են ոչ բոլոր անհրաժեշտ փաստաթղթերը, ապա գործակալության աշխատողը դիմում-հայտարարագրում կատարում է համապատասխան նշումներ և դիմում-հայտարարագրի մեկ օրինակը 3 օրվա ընթացքում վերադարձնում է դիմողին` տեղեկացնելով պակասող փաստաթղթերի ցանկի և դրանք սահմանված ժամկետում ներկայացնելու անհրաժեշտության մասին:

(7-րդ կետը լրաց. 27.12.07 N 1530-Ն)

8. Գործակալության աշխատողը դիմում-հայտարարագիրն ընդունելիս` դիմողին ծանոթացնում է նպաստի և միանվագ օգնության նշանակման ու վճարման կարգին:

9. Գործակալության աշխատողը տեղեկատվական բազա է մուտքագրում ներկայացված փաստաթղթերում առկա տեղեկատվությունը (այդ թվում` տեղեկանք-հայտարարագրում լրացված տվյալների հիման վրա հաշվարկված` ընտանիքի հողօգտագործումից ստացվող եկամուտը)` մեկօրյա ժամկետում:

(9-րդ կետը լրաց. 27.12.07 N 1530-Ն, 03.02.11 N 67-Ն)

9.1. Գործակալության աշխատողը սույն կարգի 6.1-ին կետով սահմանված հարցման պատասխանն ստանալուց հետո եռօրյա ժամկետում՝ դրանում ներառված տվյալները համեմատում է տեղեկատվական բազայում առկա տվյալների հետ և անհամապատասխանության դեպքում դրանք մուտքագրում է տեղեկատվական բազա:

Գործակալության տվյալ տարածքն սպասարկող աշխատողը տեղեկանք-հայտարարագրում լրացված և սույն կարգի 6.1-ին կետով սահմանված կարգով ստացված տեղեկանքում առկա տվյալների անհամապատասխանության հայտնաբերման դեպքում գրավոր տեղեկացնում է գործակալության պետին: Գործակալության պետը եռօրյա ժամկետում տվյալ ընտանիքի ընտանեկան նպաստի իրավունքը դիտարկում է «Պետական նպաստների մասին» Հայաստանի Հանրապետության օրենքի 19-րդ և 25-րդ հոդվածների համաձայն:

(9.1 կետը լրաց. 23.12.10 N 1763-Ն, 03.02.11 N 67-Ն)

10. Ընտանիքը գնահատման համակարգում հաշվառելու (փաստագրելու), ինչպես նաև դրանից հետո ընտանիքի անապահովության միավորի փոփոխության դեպքերում, որը հանգեցնում է տվյալ ընտանիքի նպաստի իրավունք ձեռք բերելուն կամ իրավունքը կորցնելուն, կամ նպաստի չափի փոփոխության, գործակալության տվյալ տարածքն սպասարկող աշխատողը տպում է տեղեկատվական բազայում ձևավորված` տվյալ ընտանիքի սոցիալական անձնագրի առաջին էջը, որը պահպանվում է նպաստի գործում:

(10-րդ կետը լրաց. 27.12.07 N 1530-Ն)

11. Գործակալության տվյալ տարածքն սպասարկող աշխատողն ընտանիքի դիմելուց հետո 25 օրվա ընթացքում կատարում է տնային այցելություն ընտանիքի անապահովության սահմանային մեծության միավորից բարձր անապահովության միավոր ունեցող ընտանիքներին` ընտանիքի սոցիալ-տնտեսական պայմաններն ուսումնասիրելու նպատակով:

11.1. Գործակալության տվյալ տարածքն սպասարկող աշխատողը, տնային այցելության ժամանակ, դիմողի ներկայացրած փաստաթղթերում առկա տվյալների (ընտանիքի կազմ, անասնագլխաքանակ և անասնատեսակ) հետ անհամապատասխանությունների հայտնաբերման դեպքում գրավոր տեղեկացնում է գործակալության պետին: Գործակալության պետը եռօրյա ժամկետում դիմում է համապատասխան մարմին (պաշտոնատար անձին)` ճշտված տեղեկություն ստանալու համար:

(11.1 կետը լրաց. 23.12.10 N 1763-Ն)

12. Գործակալության տվյալ տարածքն սպասարկող աշխատողը տնային այցելության արձանագրությունը` եզրակացության ու նպաստ նշանակելու վերաբերյալ առաջարկության հետ միասին ներկայացնում է գործակալության պետին, որը բաժնի պետի կամ գլխավոր մասնագետի առաջարկության հիման վրա ընդունում է որոշում տվյալ ընտանիքին նպաստ նշանակելու մասին:

Տնային այցելության արձանագրությունը` նշված գրառումների հետ միասին պահպանվում է տվյալ ընտանիքի նպաստի գործում:

Ընտանեկան նպաստ նշանակելը մերժելու մասին որոշում ընդունելու դեպքում գործակալությունը 3 oրվա ընթացքում դրա մասին գրավոր տեղեկացնում է դիմողին` նշելով մերժելու պատճառը, բողոքարկելու կարգը:

(12-րդ կետը լրաց. 27.12.07 N 1530-Ն)

13. Ընտանիքի` նպաստի իրավունքի ձեռքբերման դեպքում գործակալության տվյալ տարածքն սպասարկող աշխատողը տեղեկատվական բազայում դիմումների էլեկտրոնային մատյանում մուտքագրում է դիմումը, ստանում և տպում է նպաստի նշանակման մասին կարգադրությունը` համաձայն N 3 ձևի:

14. Եթե ընտանիքի կազմում կա որոշակի ժամկետով սոցիալական խումբ ունեցող մի քանի անդամ, ապա նպաստը վճարվում է մինչև սոցիալական խմբերի ամենավաղ ժամկետը լրանալու ամիսը ներառյալ: Տվյալ ընտանիքի նպաստի իրավունքը տվյալ սոցիալական խմբի ժամկետը լրանալու ամսվա վերջին օրվա դրությամբ վերանայվում է գնահատման համակարգի տեղեկատվական բազայում` ծրագրային եղանակով, և նպաստի իրավունքի պահպանման դեպքում նպաստի վճարումը շարունակվում է մինչև հաջորդ ժամկետը լրանալը` ընտանիքի անապահովության միավորի տվյալ տիրույթի համար սահմանված չափով:

15. Եթե լրանում է ընտանիքի հաշմանդամ անդամի հաշմանդամության ժամկետը, և այդ պահին չի ներկայացվում համապատասխան փաստաթուղթ, ու չի պահպանվում նպաստի իրավունքը, ապա այդ ընտանիքին նպաստի վճարումը կասեցվում է 3 ամսով:

Եթե լրանում է ընտանիքի հղի անդամի հղիության ժամկետը, և այդ պահին չի ներկայացվում երեխայի ծննդյան վկայականը, և չի պահպանվում նպաստի իրավունքը, ապա նպաստի վճարումը կասեցվում է 2 ամսով:

16. Եթե լրանում է ընտանիքի հաշմանդամ անդամի հաշմանդամության ժամկետը, և այդ ընտանիքը 3 ամսվա ընթացքում ներկայացնում է համապատասխան փաստաթուղթ հաշմանդամ ճանաչվելու մասին, անկախ հաշմանդամության խմբի փոփոխությունից, և դրա արդյունքում ձեռք է բերում անապահովության սահմանային մեծության միավորից բարձր միավոր, ապա նպաստի վճարումը շարունակվում է կասեցված ամսվանից` ընտանիքի անապահովության միավորի տվյալ տիրույթի համար սահմանված չափով:

Եթե լրանում է ընտանիքի հղի անդամի հղիության ժամկետը, և 2 ամսվա ընթացքում ներկայացվում է երեխայի ծննդյան վկայականը, և ընտանիքն արդյունքում ձեռք է բերում ընտանիքի անապահովության սահմանային մեծության միավորից բարձր միավոր, ապա նպաստի վճարումը շարունակվում է կասեցված ամսվանից` ընտանիքի անապահովության միավորի տվյալ տիրույթի համար սահմանված չափով:

17. Ընտանիքի անապահովության միավորի փոփոխության դեպքում, որը հանգեցնում է նպաստի չափի փոփոխությանը, գործակալության տվյալ տարածքն սպասարկող աշխատողը տեղեկատվական բազայում ստանում և տպում է նպաստի նշանակման մասին կարգադրությունը (N 3 ձև):

18. Նպաստը կամ միանվագ օգնությունը նշանակվում և վճարվում է դիմողին:

Նպաստի կամ միանվագ օգնության վճարման պահին դիմողի բացակայության դեպքում նպաստը կամ միանվագ օգնությունը կարող է վճարվել ընտանիքի այլ չափահաս անդամի:

19. Նպաստը կամ միանվագ օգնությունը Հայաստանի Հանրապետության օրենսդրությամբ սահմանված կարգով կարող է վճարվել նաև քաղաքացու օրինական ներկայացուցչին (խնամակալ, հոգաբարձու):

20. Գործակալությունը գնահատման համակարգում հաշվառված (փաստագրված) ընտանիքների մասին Հայաստանի Հանրապետության նախարարություններից և այլ պետական մարմիններից, ինչպես նաև կազմակերպություններից ստացված տեղեկատվությունն ուսումնասիրում և կիրառում է մեկամսյա ժամկետում, որից հետո մեկ ամսվա ընթացքում Հայաստանի Հանրապետության աշխատանքի և սոցիալական հարցերի նախարարություն (այսուհետ` նախարարություն) է ներկայացնում արդյունքների մասին ամփոփ տվյալները` համաձայն N 4 ձևի` կցելով ընտանիքների ցուցակը:

(20-րդ կետը խմբ. 27.12.07 N 1530-Ն, լրաց., փոփ. 04.12.08 N 1523-Ն)

21. Միայնակ բնակվող կենսաթոշակառուին նշանակված, բայց նրա մահվան պատճառով չվճարված նպաստը կամ հրատապ օգնությունը` ներառյալ մահվան ամիսը, վճարվում է հուղարկավորությունը կազմակերպած անձին` տեղական ինքնակառավարման մարմնի տված տեղեկանքի հիման վրա, եթե նա դիմել է միայնակ բնակվող կենսաթոշակառուի մահվան ամսվան հաջորդող երկու ամիսների ընթացքում:

(21-րդ կետը խմբ. 27.12.07 N 1530-Ն)

22. Նպաստ կամ միանվագ օգնություն ստանալու համար դիմողը` փաստագրման նպատակով դիմելու (հաշվառման կամ նախորդ փաստագրման) ամսվան հաջորդող 12-րդ ամսվա ընթացքում գործակալություն է ներկայացնում սույն կարգի 5-րդ կետով նախատեսված փաստաթղթերը:

(22-րդ կետը փոփ. 27.12.07 N 1530-Ն)

23. Եթե հաշվառվելուց կամ փաստագրվելուց հետո 12 ամսվա ընթացքում ընտանիքի կազմում, ընտանիքին, յուրաքանչյուր անդամին վերաբերող տվյալներում կատարվել են փոփոխություններ, ապա դիմողը մեկ ամսվա ընթացքում ներկայացնում է դրանք հավաստող փաստաթղթերը:

(23-րդ կետը փոփ. 27.12.07 N 1530-Ն)

24. Ընտանիքի նպաստի վճարումը դադարեցվում է նպաստի իրավունքը կորցնելու հաջորդ ամսվանից:

Դիմողի կողմից` նպաստի (միանվագ օգնության կամ հրատապ օգնության) իրավունք տվող կամ նպաստի չափի փոփոխություն առաջացնող ոչ հավաստի տեղեկություններով փաստաթղթեր ներկայացվելու կամ ընտանիքի եկամուտներում կամ ընտանիքի կազմում ու պայմաններում տեղի ունեցած փոփոխությունների վերաբերյալ հավաստի տեղեկություններով փաստաթղթեր չներկայացվելու դեպքում նպաստի վճարումը դադարեցվում է դրանց հայտնաբերման ամսվանից:

(24-րդ կետը լրաց. 27.12.07 N 1530-Ն, խմբ. 15.01.09 N 39-Ն)

25. Ընտանիքի` նպաստի իրավունքը կորցնելու դեպքում գործակալության տվյալ տարածքն սպասարկող աշխատողը տեղեկատվական բազայում ստանում և տպում է նպաստի վճարման դադարեցման մասին կարգադրությունը` համաձայն N 5 ձևի, որը հաշվառվում է դիմում-հայտարարագրերի հաշվառման մատյանում:

Նպաստի վճարման դադարեցման կարգադրության մեկ օրինակը տրամադրվում է դիմողին::

Այս դեպքում նպաստի գործերի հաշվառման էլեկտրոնային մատյանի «Ծանոթագրություն» սյունակում նշվում են նպաստի վճարման դադարեցման մասին որոշումը և ամսաթիվը:

(25-րդ կետը լրաց. 27.12.07 N 1530-Ն)

26. Նպաստի վճարման ընթացքում գործակալության կողմից տվյալ ընտանիքի կազմի փոփոխության հայտնաբերման, ինչպես նաև ընտանիքի անապահովության միավորի փոփոխության դեպքում, որը հանգեցնում է նպաստի չափի նվազման, կատարվում է նպաստի չափի վերահաշվարկ և կազմվում է վերահաշվարկի մասին կարգադրություն` համաձայն N 6 ձևի:

27. Վերահաշվարկի մասին կարգադրությանը տրվում է հերթական համար, որը գրանցվում է վերահաշվարկի մասին կարգադրությունների հաշվառման մատյանում` նշելով կարգադրության համարը, ամսաթիվը, սոցիալական անձնագրի համարը, դիմողի անունը, ազգանունը, բնակության վայրը, վճարման ենթակա գումարը, վճարումից հետո` տեղեկատվություն դրա մասին:

28. Վերահաշվարկի մասին կարգադրությունը բաղկացած է 3 մասից: Առաջին 2 մասը լրացնում է գործակալությունը: Նպաստի գործում մնում է կարգադրության առաջին մասը, երկրորդ մասը մնում է «Գնումների մասին» Հայաստանի Հանրապետության օրենքով սահմանված կարգով ընտրված վճարող կազմակերպությունում (այսուհետ` վճարող մարմին), իսկ երրորդ մասը` լրացված` վճարող մարմնի կողմից, վերադարձվում է գործակալություն՝ վճարման ռեեստրների հետ միասին:

29. Վերահաշվարկի մասին կարգադրության երկրորդ և երրորդ մասերն ուղարկվում են վճարող մարմին, որը վերահաշվարկի մասին կարգադրության երկրորդ մասն ամրացնում է վճարման ցուցակի, իսկ երրորդ մասը` ռեեստրի համապատասխան էջերին:

Վճարման ցուցակի և ռեեստրի նույն էջի հակառակ երեսին ձեռագրով լրացվում է չվճարված գումարի չափը, նշվում է կարգադրության համարը, ստորագրվում և կնքվում է վճարող մարմնի պետի կողմից:

Չվճարված գումարի չափն արտացոլվում է վճարումն ավարտվելուց հետո` վճարման ցուցակի և ռեեստրի ամփոփ տվյալներում` առանձին տողով:

30. Գործակալությունը մինչև յուրաքանչյուր ամսվա 8-ը նախարարություն է ներկայացնում տեղեկատվություն` համաձայն N 7 ձևի, այն ընտանիքների մասին, որոնց`

ա) ընտանիքի անապահովության գնահատման միավորը վերականգնվել է,

բ) («բ» ենթակետն ուժը կորցրել է 27.12.07 N 1530-Ն)

գ) ոչ նպաստառուի մեղքով չստացած նպաստի գումարները վերականգնվել են,

դ) նշանակվել է ընտանիքում երեխայի ծննդյան միանվագ, երեխայի առաջին դասարան ընդունվելու, ինչպես նաև հուղարկավորության միանվագ օգնություն:

Նախարարության աշխատակազմի սոցիալական աջակցության վարչությունում տեղեկատվության ուսումնասիրությունից հետո համապատասխան փոփոխություններ են կատարվում գնահատման համակարգի տեղեկատվական բազայում:

(30-րդ կետը խմբ. 27.12.07 N 1530-Ն, փոփ. 04.12.08 N 1523-Ն, 15.01.09 N 39-Ն)

31. Ընտանիքի բնակության վայրը փոխվելու դեպքում` դիմումի համաձայն դիմողին է տրամադրվում տվյալ ընտանիքի ստացած նպաստի կամ հրատապ օգնության մասին տեղեկանք` համաձայն N 8 ձևի:

32. Ընտանիքի բնակության վայրը փոխվելու մասին դիմումը և տրված տեղեկանքի պատճենը պահվում են նպաստի գործում:

33. Նոր բնակության վայրում գործակալության տվյալ տարածքն սպասարկող աշխատողը տեղեկանքի (N 8 ձև) հիման վրա նույն կազմով տեղափոխված ընտանիքի համար սոցիալական անձնագրի նույն համարով կազմում է նպաստի նոր գործ՝ պահանջելով գնահատման համակարգում հաշվառվելու համար անհրաժեշտ փաստաթղթերը:

Ընտանիքի մեկ անդամի (կամ մի քանի անդամի) տեղափոխման և նոր բնակության վայրի գործակալությունում առանձին հաշվառման դեպքում նոր բնակության վայրի գործակալությունում տրվում է սոցիալական անձնագիր` նոր համարով, կազմվում է նպաստի նոր գործ՝ պահանջելով գնահատման համակարգում հաշվառվելու համար անհրաժեշտ փաստաթղթերը:

34. Ընտանիքին վճարվում է նախկին բնակության վայրի գործակալության նշանակած և չվճարված նպաստի կամ միանվագ օգնության գումարը, եթե մի բնակության վայրից մեկ այլ բնակության վայր տեղափոխվելուց հետո նոր բնակության վայրի գործակալությունում այդ ընտանիքը հաշվառվել է 21-օրյա ժամկետում:

35. Միանվագ օգնության համար դիմողը սահմանված ժամկետում գործակալություն է ներկայացնում դիմում և`

ա) ընտանիքում երեխայի (երեխաների) ծննդյան դեպքում տվյալ երեխայի (երեխաների) ծննդյան վկայականը (վկայականները), իսկ կյանքի 4 շաբաթվա ընթացքում մահացած երեխայի (երեխաների) համար` երեխայի ծննդի պետական գրանցման փաստը հաստատելու մասին փաստաթուղթ` տրված քաղաքացիական կացության ակտերի գրանցման մարմնի կողմից:

(Պարբերությունն ուժը կորցրել է 15.01.09 N 39-Ն)

բ) երեխայի առաջին դասարան ընդունվելու դեպքում` տվյալ երեխայի հանրակրթական դպրոցի կամ տվյալ ուսումնական տարում վարժարանի առաջին դասարան ընդունվելու մասին տեղեկանք,

գ) ընտանիքի անդամի մահվան դեպքում` մահվան վկայականը և տեղական ինքնակառավարման մարմնի կողմից տրված տեղեկանք` իր կողմից հուղարկավորության կազմակերպման մասին:

դ) միանվագ դրամական օգնության նշանակման մասին կարգադրությունը` համաձայն N 10¹ ձևի, լրացվում և կարվում է նպաստի գործում:

(35-րդ կետը լրաց. 28.12.06 N 1896-Ն, փոփ. 15.01.09 N 39-Ն)

36. Հրատապ օգնությունը նշանակվում է նպաստի իրավունք չունեցող և «0»-ից բարձր անապահովության միավոր ունեցող ընտանիքին` անհետաձգելի լուծում պահանջող` կյանքի դժվարին իրավիճակում հայտնվելու դեպքում` սոցիալական աջակցության խորհրդի առաջարկությամբ` հաշվի առնելով հետևյալ հանգամանքները`

ա) միայն կենսաթոշակառուներից բաղկացած ընտանիքի (միայնակ բնակվող կենսաթոշակառուի) նպաստի իրավունքը կորցնելը` կենսաթոշակի բարձրացման հետևանքով,

բ) ընտանիքի նպաստի իրավունքը կորցնելը` ընտանիքի անդամ կենսաթոշակառուի կենսաթոշակի բարձրացման հետևանքով,

գ) ընտանիքի անապահովության միավորի` սահմանային միավորից քիչ ցածր լինելը (1-2 միավոր),

դ) նախորդ եռամսյակում ընտանիքի` նպաստի իրավունքը կորցնելը,

ե) ընտանիքում մեկից ավելի երեխայի` առավելապես այլ սոցիալական խումբ ունեցող, առկայությունը,

զ) ընտանիքի անդամներից մեկի կամ մի քանիսի երկարատև հիվանդությունը,

է) բնակարանի հրդեհը, բնակարանի մի մասի փլուզումը, ներտնային հաղորդակցուղիների վթարները և նմանատիպ այլ հանգամանքներ,

ը) ընտանիքի անդամի մահը, ինչպես նաև այլ պատճառներով կարճատև ֆինանսական խնդիրների առկայությունը:

(36-րդ կետը լրաց. 27.12.07 N 1530-Ն)

36¹. (36¹-րդ կետն ուժը կորցրել է 15.01.09 N 39-Ն)

37. Ընտանիքին հրատապ օգնություն նշանակելու համար գործակալության տվյալ տարածքն սպասարկող աշխատողը կատարում է տնային այցելություն` սոցիալ-տնտեսական պայմանների ուսումնասիրման նպատակով:

Տնային այցելության մասին եզրակացությունն ու առաջարկությունն արձանագրվում են սույն կարգի 12-րդ կետով սահմանված կարգով:

38. Գործակալությունն ընթացիկ եռամսյակի վերջին ամսվա վերջին 10 աշխատանքային օրվա ընթացքում սոցիալական աջակցության խորհուրդ է ներկայացնում այն ընտանիքների ցուցակը` համաձայն N 9 ձևի, որոնց հրատապ օգնություն նշանակելու մասին դիմումներն ուսումնասիրվել են սույն կարգի 37-րդ կետով սահմանված կարգով:

(38-րդ կետը փոփ. 16.11.06 N 1647-Ն)

39. Գործակալության պետը սոցիալական աջակցության խորհուրդ է ներկայացնում տեղեկատվություն հաջորդ եռամսյակում հրատապ օգնության նշանակման համար ունեցած ֆինանսական միջոցների չափի մասին:

40. Սոցիալական աջակցության խորհուրդը քննարկում է հրատապ օգնություն նշանակելու համար ներկայացված դիմումները և 10-օրյա ժամկետում նախապատրաստում հիմնավորված առաջարկություն այն ընտանիքների վերաբերյալ, որոնց նախատեսվում է հաջորդ եռամսյակում նշանակել հրատապ օգնություն:

Գործակալությունը սոցիալական աջակցության խորհրդից ստացված ցուցակները կարում է առանձին թղթապանակում և պահում ֆինանսական փաստաթղթերին համահավասար:

41. Հրատապ օգնությունը նշանակում է գործակալությունը` Հայաստանի Հանրապետության տվյալ տարվա պետական բյուջեով ընտանեկան նպաստի և միանվագ դրամական օգնության համար հատկացված միջոցների շրջանակներում:

(41-րդ կետը խմբ. 27.12.07 N 1530-Ն)

42. Սույն կարգի 36-րդ կետով սահմանված հրատապ օգնությունը նշանակվում է 3 ամիս ժամկետով:

(42-րդ կետը փոփ. 04.12.08 N 1523-Ն)

43. Հրատապ օգնության նշանակման մասին կարգադրությունը` համաձայն N 10 ձևի, լրացվում և կարվում է նպաստի գործում:

44. Հրատապ օգնության վճարումը դադարեցվում է տվյալ եռամսյակի ընթացքում, եթե`

ա) տվյալ ընտանիքի փաստագրման ժամկետը լրացել է այդ եռամսյակի ընթացքում, և չեն ներկայացվել անհրաժեշտ փաստաթղթերը,

բ) տվյալ ընտանիքը կամ ընտանիքի անդամներից մեկը կրկնակի է հաշվառված,

գ) ընտանիքի անապահովության միավորն այդ եռամսյակի ընթացքում դարձել է զրո:

45. Նպաստի և հրատապ օգնության ցուցակները կազմում և տպում է ընտանիքների գնահատման համակարգի կենտրոնական տեղեկատվական բազան շահագործող կազմակերպությունը (այսուհետ` կազմակերպություն)` գործակալությունների տրամադրած ամենամսյա տեղեկատվության հիման վրա:

(45-րդ կետը փոփ. 27.12.07 N 1530-Ն)

46. Նպաստը և հրատապ օգնությունը վճարվում են յուրաքանչյուր ամիս (անհրաժեշտության դեպքում` 2 ամսվանը միասին) վճարման ցուցակներով` համաձայն NN 11 և 12 ձևերի: Բնակչությանը` ընտանեկան նպաստ կամ հրատապ օգնություն ստացող ընտանիքների մասին իրազեկվում է վճարման ցուցակների երկրորդ օրինակը տեսանելի վայրերում փակցնելու միջոցով:

(46-րդ կետը փոփ. 27.12.07 N 1530-Ն, լրաց. 04.12.08 N 1523-Ն)

47. Գործակալությունը վճարման ցուցակները և տիտղոսաթերթերը կազմակերպությունից ստանալուց հետո մեկ աշխատանքային օրվա ընթացքում վճարման ցուցակի յուրաքանչյուր էջն ստուգում է, ստորագրում, կնքում և հանձնում համապատասխան վճարող մարմին` համաձայն N 13 ձևի:

48. Տիտղոսաթերթի գլխամասում նշվում են գործակալության, վճարող մարմնի և բնակավայրի անվանումները, ցուցակը կազմելու ամսաթիվը, վճարման ամիսը, ցուցակում ընդգրկված նպաստառու ընտանիքների և դրանց` 18 տարին չլրացած անդամների թիվը, էջերի թիվը և վճարման ենթակա գումարը:

Լրացվում են նաև տվյալներ` ըստ էջերի՝

ա) էջի համարը,

բ) նպաստառու կամ հրատապ օգնություն ստացող ընտանիքների թիվը (գործերի թիվը),

գ) ընտանիքների` 18 տարին չլրացած անդամների թիվը,

դ) վճարման ենթակա գումարը:

49. Տիտղոսաթերթի վերջում նշվում են հանձնողի և ընդունողի տվյալները:

50. Գործակալությունում գործակալության պետի կողմից վճարման ցուցակները հանձնվում են վճարող մարմնի լիազորած անձին: Գործակալության պետը և վճարող մարմնի լիազորած անձն ստորագրում են տիտղոսաթերթի 2 օրինակները, որոնցից մեկը մնում է գործակալությունում, մյուսը՝ վճարող մարմնում:

51. Վճարման ցուցակների էջերը համարակալվում են:

52. Վճարման ցուցակի յուրաքանչյուր էջի գլխամասում նշվում են տարեթիվը, ամիսը, գործակալության, վճարող մարմնի, բնակավայրի անվանումները և վճարող մարմնի համարը:

53. Վճարման ցուցակի ամեն տողում նշվում են մեկ նպաստառու կամ հրատապ օգնություն ստացող ընտանիքի մասին հետևյալ տվյալները՝

բնակության վայրը, նպաստառուի կամ հրատապ օգնություն ստացողի ազգանունը, անունը, հայրանվան առաջին տառը, սոցիալական քարտի կամ սոցիալական քարտ չունենալու մասին տեղեկանքի համարը կամ նշում սոցիալական քարտ չունենալու մասին տեղեկանքի վերաբերյալ, սոցիալական անձնագրի համարը, նպաստ ստացողի անձնագրի տվյալները, անցած ամիսների գումարը (նախորդ ամիսների ընթացքում նպաստառուի կողմից չստացված գումարը), ստորագրությունը (ստորագրում է նպաստառուն), ստորագրությունը (ստորագրում է վճարողը), տվյալ ամսվա նպաստի չափը (այդ ամսվա համար վճարման ենթակա գումարը), ստորագրությունը (ստորագրում է նպաստառուն), օրը (վճարողի կողմից լրացվում է վճարման օրվա ամսաթիվը), ստորագրությունը (ստորագրում է վճարողը):

(53-րդ կետը լրաց. 01.03.07 N 371-Ն, 27.12.07 N 1530-Ն)

54. Յուրաքանչյուր էջի վերջում նշվում են այդ էջում գրանցված նպաստառու կամ հրատապ օգնություն ստացող ընտանիքների թիվը, վճարման ենթակա նպաստի կամ հրատապ օգնության, վերահաշվարկի կարգադրությամբ չվճարված և փաստացի վճարված գումարների չափերը, կնիքի և գործակալության պետի ու տեղեկատվական բազայի վարչական պատասխանատու աշխատողի ստորագրությունների տեղերը:

55. Վճարման ցուցակի վերջում նշվում են սույն կարգի 54-րդ կետով սահմանված տեղեկությունների ամփոփ տվյալները:

56. Ընտանիքի չափահաս անդամներից մեկի պահանջով նպաստը կամ հրատապ օգնությունը նրան վճարվում է իր մասով, որն ստացվում է նպաստի կամ հրատապ օգնության գումարն ընտանիքի անդամների թվի վրա բաժանելով:

57. Վճարման ցուցակում մեկ պարզ գծով ջնջվում է ընտանիքին վերաբերող ամբողջ տողը (ներառյալ ռեեստրը) և նույն էջի հակառակ երեսին ձեռագրով լրացվում են ընտանիքի այն չափահաս անդամների անունները, ազգանունները` ընտանիքի սոցիալական անձնագրում նշված կազմին համապատասխան, որոնց նպաստը կամ հրատապ օգնությունը նշանակվում է իրենց մասով:

58. Եթե պահանջվում է նպաստը վճարել ընտանիքի մի քանի անդամի համար, ապա մեկ անձին հասանելիք մասին համապատասխանող գումարը բազմապատկվում է այդ անձանց թվով և նշվում որպես վճարման ենթակա գումար:

59. Ռեեստրը ներառում է հետևյալ տվյալները`

հերթական համարը, նպաստառուի կամ միանվագ դրամական օգնություն ստացող ընտանիքի սոցիալական անձնագրի համարը, անցողիկ գումարը (նախորդ ամիսների համար նախատեսված, սակայն ընտանիքին չվճարված գումարները, եթե տվյալ ընտանիքը չունի անցողիկ գումար, ապա համապատասխան դաշտում նշվում է «********»), գումարը (տվյալ ամսում վճարվող գումարի չափը), օրը (2 նիշով նշվում է այն օրը, երբ վճարվել է այդ գումարը, իսկ չվճարվելու դեպքում՝ «չ/վ»), որը լրացվում է վճարող մարմնի վճարման համար պատասխանատու անձի կողմից:

Ռեեստրում կատարված ուղղումն ստորագրվում և կնքվում է վճարող մարմնի բաժանմունքի ղեկավարի կողմից:

60. Վճարող մարմինը վճարման ավարտից հետո 3 օրացուցային օրվա ընթացքում գործակալությանն է հանձնում լրացված ռեեստրները, լրացված վճարման ցուցակները, փոխադարձ հաշվետվության ակտի (համաձայն N 14 ձևի) 5 օրինակ: Հաշվետվության ակտի 2 օրինակը և լրացված վճարման ցուցակները 2 օրվա ընթացքում վերադարձվում են վճարող մարմին:

61. Գործակալությունը յուրաքանչյուր ամսվա վճարման ավարտից հետո 6 օրվա ընթացքում նախարարություն, մարզպետարան, Երևանի քաղաքապետարանի աշխատակազմ, Գյումրու, Վանաձորի, Արարատի և Ջերմուկի քաղաքային համայնքների ղեկավարների աշխատակազմ է ներկայացնում փոխադարձ հաշվետվության ակտի մեկ օրինակը:

(61-րդ կետը փոփ. 15.01.09 N 39-Ն, 30.04.09 N 456-Ն)

62. Գործակալության սխալի պատճառով չնշանակված կամ վճարող մարմնի մեղքով չվճարված գումարը վճարվում է դիմելու ամսվան հաջորդող ամսվա ընթացքում, եթե վճարման ժամկետից չի անցել 3 տարի:

(62-րդ կետը փոփ. 27.12.07 N 1530-Ն)

Հայաստանի Հանրապետության
կառավարության աշխատակազմի
ղեկավար-նախարար Մ. Թոփուզյան

Ձև N 1

Խնդրում ենք դիմում-հայտարարագիրը
լրացնել ընթեռնելի ձեռագրով:

Դ Ի Մ ՈՒ Մ – Հ Ա Յ Տ Ա Ր Ա Ր Ա Գ Ի Ր _________

ԸՆՏԱՆԵԿԱՆ ՆՊԱՍՏ ԿԱՄ ՀՐԱՏԱՊ ՕԳՆՈՒԹՅՈՒՆ ՆՇԱՆԱԿԵԼՈՒ ՀԱՄԱՐ

_______ սոցիալական ծառայություններ տրամադրող տարածքային մարմնի ղեկավար

Պարոն (տիկին) _____________________ -ին

______________________________________
(դիմողի ազգանունը, անունը, հայրանունը)

_________________________

(սոցիալական անձնագրի համարը)

Ներկայացնելով սույն դիմում – հայտարարագիրը՝ խնդրում եմ նշանակել ընտանեկան նպաստ կամ հրատապ օգնություն: Լրացնելով այն` պատասխանատու եմ ներկայացրածս տեղեկությունների հավաստիության համար:
Ես՝ ____________________________________ ,

1. Երաշխավորում եմ, որ ընտանեկան նպաստ կամ հրատապ օգնություն նշանակելու ընթացքում սոցիալական ծառայություններ տրամադրող տարածքային մարմնի աշխատողն իմ ընտանիքի կազմի և պայմանների ուսումնասիրման ժամանակ առանց խոչընդոտների կարող է կատարել սույնով հայտարարագրված տեղեկությունների ճշտության ուսումնասիրություն:

2. Պարտավորվում եմ ընտանիքիս կազմի, եկամուտների և այլ փոփոխությունների դեպքում մեկամսյա ժամկետում տեղյակ պահել սոցիալական ծառայություններ տրամադրող տարածքային մարմնին` ներկայացնելով համապատասխան փաստաթղթեր, ինչպես նաև տեղյակ եմ, որ յուրաքանչյուր 12 ամիսը մեկ անգամ պետք է ներկայացնեմ դիմում-հայտարարագիր և անհրաժեշտ փաստաթղթերը:

3. Համաձայն եմ, որ իմ ընտանիքի անդամների աշխատանքի վարձատրությանն ու դրան հավասարեցված միջոցների մասին իմ ներկայացրած տվյալներն ստուգվեն պետական կենսաթոշակային սոցիալական ապահովագրության համակարգում ընդգրկված անձանց տվյալների անհատական (անձնավորված) հաշվառման բազայում առկա տվյալներով, հեռախոսակապի համար միջին ամսական վճարումները` հանրային էլեկտրոնային հաղորդակցության ցանցի օպերատորի տեղեկատվական բազայում առկա տվյալներով, իսկ մյուս տվյալները` Հայաստանի Հանրապետության կառավարության կողմից սահմանված կարգով ստացված տեղեկատվությամբ:

4. Տեղեկացված եմ, որ ընտանիքիս մասին ոչ ճիշտ տեղեկություններ ներկայացնելու կամ տեղեկությունները թաքցնելու դեպքում նպաստի կամ հրատապ օգնության վճարումը դադարեցվում է, և իմ ընտանիքը վեց ամսով զրկվում է նպաստ կամ հրատապ օգնություն ստանալու իրավունքից, իսկ ավելի վճարված գումարը Հայաստանի Հանրապետության օրենսդրությամբ սահմանված կարգով հետ է գանձվում:

Ընտանիքի կազմը ________ (անդամների թիվը) Բնակության վայրը (հասցեն) ________

NN
ը/կ

Ազգանունը, անունը,
հայրանունը

Ծննդյան օրը, ամիսը, տարեթիվը

Անձնագրի կամ ծննդյան վկայականի սերիան, համարը

Զբաղվա-ծությունը և (կամ) կարգավիճակը

Եկամուտը և (կամ) կենսաթոշակի կամ գործազուրկի նպաստի չափը

1.

2.

3.

4.

5.

6.

Ներկայացվող փաստաթղթերի ցանկը

Ներկայացված փաստաթղթերի թիվը

Չներկա-յացված փաստա-թղթերի թիվը

Չներկայացված փաստաթղթերը ներկայացնելու օրը, ամիսը, տարեթիվը

Տեղեկանք` տրված բնակչության տեղական ռեգիստր վարող տարածքային մարմնի կողմից

Տեղեկանք -հայտարարագիր

Տեղեկանք բնակարանային պայմանների մասին (աղետի հետևանքով տրամադրված տնակ, ոչ հիմնական շինություն)՝ տրված տեղական ինքնակառավարման մարմնի կողմից

3-րդ և 4-րդ աստիճանի վթարային բնակարանի համար Հայաստանի Հանրապետության քաղաքաշինության նախարարության լիազորած մասնագիտացված կազմակերպության կամ այդ կազմակերպությունից ստացված համապատասխան եզրակացության հիմքով տեղական ինքնակառավարման մարմնի կողմից տրված տեղեկանք

Անձնագրի կամ ծննդյան վկայականի պատճենը

Մահվան վկայականի կամ մահացած ճանաչելու մասին դատարանի վճռի պատճենը

Տեղեկանք` որպես առանց ծնողական խնամքի մնացած երեխա հաշվառելու մասին՝ տրված խնամակալության և հոգաբարձության մարմնի կողմից

Ամուսնալուծության վկայականի կամ դատարանի վճռի կամ հայրության ճանաչման վկայականի պատճենը կամ քաղաքացիական կացության ակտերի գրանցման բաժնի կողմից տրված տեղեկանք` երեխայի հոր մասին տեղեկությունները մոր հայտարարությամբ գրանցված լինելու մասին

Սոցիալական քարտի պատճենը կամ տեղեկանք սոցիալական քարտ չունենալու մասին

Տեղեկանք աշխատավայրից՝ աշխատավարձի չափի մասին

Աշխատանքային գրքույկի պատճենը կամ հայտարարություն երբևէ աշխատած չլինելու կամ աշխատանքային գրքույկ չունենալու մասին

Տեղեկանք ուսումնական հաստատությունում ցերեկային ուսուցմամբ սովորելու մասին

Տեղեկանք` տրված կենսաթոշակ նշանակող իրավասու մարմնի կողմից

ԲՍՓՀ-ի կողմից տրված հաշմանդամության տեղեկանքի պատճենը

Տեղեկանք համապատասխան բուժհաստատությունից՝ 12 շաբաթական և ավելի հղիության մասին

Տեղեկանք զինկոմիսարիատից՝ բանակ զորակոչվելու մասին

Տեղեկանք զոհված զինծառայողի ընտանիքի անդամներին տրվող արտոնություններից օգտվելու մասին

Փաստաթուղթ 6 ամիս և ավելի Հայաստանի Հանրապետությունից դուրս բնակվելու մասին

Դիմում-հայտարարություն միայնակ չաշխատող կենսաթոշակառուի մասին

Տեղեկանք՝ տրված խնամք և պաշտպանություն իրականացնող հաստատության կողմից

Էլեկտրաէներգիայի վարձի վճարման անդորրագրի պատճենը

Գազի վարձի վճարման անդորրագրի պատճենը

Այլ

Տեղեկություններ սեփականության, բնակարանային և կենցաղային պայմանների մասին

Այո/ոչ

Սեփականությունը

Տեղե
կու-թյուն-ներ

Կոմունալ հարմարու-
թյունների առկայությունը

Այո/ոչ

Աբոնենտի գրքույկի համարը

Առանձին բնակարան
(առանձ-
նատուն)

ՍՊԸ, ՓԲԸ, ԲԲԸ, ԼՏԸ (մասնաբաժին և այլն)

էլեկտրա-կանություն

Ոչ հիմնա-կան շինություն

օժանդակ շինություններ (ամառանոց, ավտոտնակ, անասնագոմ, մրգի սառնարան և այլն)

կենտրոնական ջեռուցում

Հանրակա-ցարան

ավտոմեքենա (մակնիշը, արտադրման տարեթիվը, տեխզննման
ամսաթիվը, պետհամարանիշը)

ջեռուցման անհատական համակարգ

Տնակ

գյուղտեխնիկա (մակնիշը և տեսակը)

բնական գազ

Վթարային բնակարան
(3-րդ, 4-րդ աստիճանի)

այլ եկամուտներ (առևտրային գործունեություն) և այլն

հեռախոս (այդ թվում` բջջային)

Անօթևան

ջրաչափ

Այլ

Տեղեկացված եմ, որ անհրաժեշտ, սակայն չներկայացված փաստաթղթերը դիմում-հայտարարագիրը լրացնելուց ոչ ուշ, քան 5 աշխատանքային օրվա ընթացքում ներկայացնելու դեպքում դիմելու օր կհամարվի դիմում-հայտարարագիրը լրացնելու օրը: Նշված ժամկետից հետո ներկայացնելու դեպքում դիմելու օր կհամարվի բոլոր անհրաժեշտ փաստաթղթերը ներկայացնելու օրը:

Սույն դիմում-հայտարարագրի մեկ օրինակը պահվում է սոցիալական ծառայություններ տրամադրող տարածքային մարմնում, իսկ երկրորդ օրինակը` քաղաքացու մոտ:

Դիմող
_______________________________
(ազգանունը, անունը, հայրանունը)

_______________________
(ստորագրությունը)

Ընտանիքի չափահաս անդամների համաձայնությունը

1.

_______________________________
(ազգանունը, անունը, հայրանունը)

_______________________
(ստորագրությունը)

2.

_______________________________
(ազգանունը, անունը, հայրանունը)

_______________________
(ստորագրությունը)

3.

_______________________________
(ազգանունը, անունը, հայրանունը)

_______________________
(ստորագրությունը)

4.

_______________________________
(ազգանունը, անունը, հայրանունը)

_______________________
(ստորագրությունը)

5.

_______________________________
(ազգանունը, անունը, հայրանունը)

_______________________
(ստորագրությունը)

_______ ______________________________ 20__թ.

ՍԾՏՄ-ի աշխատող

_______________________________
       (ազգանունը, անունը, հայրանունը)

_______________________
    (ստորագրությունը)

_______ ______________________________ 20__թ.

(Ձևը խմբ. 27.12.07 N 1530-Ն, լրաց. 04.12.08 N 1523-Ն, խմբ. 23.12.10 N 1763-Ն)

Ձև N 1 ¹

Մ Ա Տ Յ Ա Ն

ԴԻՄՈՒՄ-ՀԱՅՏԱՐԱՐԱԳՐԵՐԻ ՀԱՇՎԱՌՄԱՆ

NN ը/կ Ազգանունը, անունը, հայրանունը Դիմողի բնակության վայրը Դիմում-հայտարարագիրն ընդունելու օրը, ամիսը, տարեթիվը` անհրաժեշտ ոչ բոլոր փաստաթղթերով Դիմում-հայտարարագիրն ընդունելու օրը, ամիսը, տարեթիվը` անհրաժեշտ բոլոր փաստաթղթերով Ընտանեկան նպաստ նշանակելը մերժելու մասին գրավոր տեղեկացման օրը, ամիսը, տարեթիվը Ընտանեկան նպաստի դադարեցման կարգադրության հերթական համարը Ընտանեկան նպաստի դադարեցման կարգադրության մեկ օրինակը քաղաքացուն առաքելու կամ տրամադրելու օրը, ամիսը, տարեթիվը

(Ձևը լրաց. 27.12.07 N 1530-Ն)

Ձև N 1.²

Խնդրում ենք տեղեկանք-հայտարարագիրը

լրացնել ընթեռնելի ձեռագրով:

Տ Ե Ղ Ե Կ Ա Ն Ք - Հ Ա Յ Տ Ա Ր Ա Ր Ա Գ Ի Ր

ԸՆՏԱՆԻՔԻ ԿԱԶՄԻ ԵՎ ԳՅՈՒՂԱՏՆՏԵՍԱԿԱՆ ՆՇԱՆԱԿՈՒԹՅԱՆ ՀՈՂԻ ՉԱՓԻ ՄԱՍԻՆ

Բնակության վայրը ___________________________________
(մարզը, համայնքը, փողոցը, շենքը, տունը, բնակարանը) _____________________
(ընտանիքի անդամների թիվը)

NN
ը/կ

Ազգանունը, անունը, հայրանունը

Ծննդյան օրը, ամիսը, տարեթիվը

Ազգակցական կապը

Համաձայն եմ տեղեկանքում հայտարարագրված տվյալների հետ
(ստորագրությունը)

1.

2.

3.

4.

5.

6.

7.

8.

9.

10.

NN ը/կ
Հողամասի հողատեսքը
Հողատարածքի չափը (հա)
Հողի հարկի (վարձավճարի) չափը

NN
ը/կ

Հողա-մասի հողա-տեսքը

Հողա-տարածքի չափը (հա)

Հողի հարկի (վարձա-վճարի) չափը

1.

4.

2.

5.

3.

6.

Դիմող ___________________________
(ազգանունը, անունը, հայրանունը)
_________________ ___ __________ 20__թ.
(ստորագրությունը)

ՍԾՏՄ-ի աշխատող ___________________________
(ազգանունը, անունը, հայրանունը)
_________________ ___ __________ 20__թ.(ստորագրությունը)

Լրացվում է համայնքի անասնաբույժի կողմից:

Հիշեցում. Անասնաբուժական ծառայություն իրականացնող ֆիզիկական կամ իրավաբանական անձինք ոչ հավաստի տեղեկություններ տրամադրելու դեպքում պատասխանատվություն են կրում օրենքով սահմանված կարգով:

Տ Ե Ղ Ե Կ Ա Ն Ք N

NN
ը/կ

Ընտանիքի տնօրինած
անասնատեսակը

Քանակը (թվերով և բառերով)

1.

Կով

2.

Այլ սեռահասակային խմբերի տավար

3.

Գոմշամատակ

4.

Խոզամայր (խոճկորներով)

5.

Այլ սեռահասակային խմբերի խոզեր

6.

Ոչխար, այծ

7.

Հավ

8.

Բադ, սագ

9.

Ջայլամ

10.

Հնդկահավ

11.

Մեղվաընտանիք

_________________
(համայնքի անվանումը)
անասնաբույժ
_______________________
(ազգանունը, անունը, հայրանունը
________________
անձնագրի համարը, ում կողմից է տրվել)

_________________________
(ստորագրությունը)

_______ ________________________ 20__թ.

(Ձևը լրաց. 23.12.10 N 1763-Ն)

Ձև N 2

Հայաստանի Հանրապետություն______________ մարզ (համայնք)

սոցիալական ծառայություններ տրամադրող __________տարածքային մարմին

(գործակալության ծածկագիրը)

Նպաստի գործ

Սոցիալական անձնագրի համարը __________________

Բնակության վայրը ___________________________

Վճարող մարմնի բաժանմունքի ինդեքսը ______________

Հեռախոսահամարը _______________

Նպաստը նշանակված է`

1. _____________________________ _____ ____________________200 թ-ից