ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 հունվարի 2011 թվականի N 6-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՕԳՈՍՏՈՍԻ 26-Ի N 1325-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2004 թվականի օգոստոսի 26-ի «Հսկիչ-դրամարկղային մեքենաների շահագործման կանոնները հաստատելու մասին» N 1325-Ն որոշման հավելվածում կատարել հետևյալ փոփոխությունները`

1) 2-րդ կետի երկրորդ պարբերությունում «կապարակնքված» բառը փոխարինել «դրոշմակնքված» բառով.

2) 7-րդ կետում «կապարակնքում է հարկային տեսչության կլոր կնիքով» և «Կապարակնքված» բառերը համապատասխանաբար փոխարինել «դրոշմակնքում է ինքնասոսնձվող դրոշմանիշով» և «Դրոշմակնքված» բառերով.

3) 28-րդ կետում «կապարակնիքները» բառը փոխարինել «դրոշմանիշերը» բառով.

4) 30-րդ կետում «կապարակնքվում է» բառերը փոխարինել «դրոշմակնքվում է» բառերով.

5) ուժը կորցրած ճանաչել 34-րդ կետը.

6) NN 5 և 6 ձևերում «կապարակնիք» բառը և դրա համապատասխան հոլովաձևերը փոխարինել «դրոշմանիշ» բառով և դրա համապատասխան հոլովաձևերով:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Տ. Սարգսյան
2011 թ. հունվարի 17 Երևան