ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

11 նոյեմբերի 2010 թվականի N 1634-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՈՏԱՅՔԻ ՄԱՐԶԻ ՔԱՍԱԽԻ ԳՅՈՒՂԱԿԱՆ ՀԱՄԱՅՆՔԻ ՀՈՂԵՐԻ ԳՈՏԵՎՈՐՄԱՆ ԵՎ ՕԳՏԱԳՈՐԾՄԱՆ ՍԽԵՄԱՆ ՀԱՍՏԱՏԵԼՈՒ ՄԱՍԻՆ

Համաձայն Հայաստանի Հանրապետության հողային օրենսգրքի 2-րդ և 29-րդ հոդվածների` Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության Կոտայքի մարզի Քասախի գյուղական համայնքի հողերի գոտևորման և օգտագործման սխեման` համաձայն հավելվածի:

2. Համայնքային սեփականություն հանդիսացող հողերից փոխադրել`

1) գյուղատնտեսական նշանակության հողերից` 21.31 հեկտար, որից` 8.89 հեկտար վարելահող, 6.90 հեկտար արոտ, 5.52 հեկտար այլ հողեր` բնակավայրի հողերի կատեգորիա.

2) արդյունաբերության, ընդերքօգտագործման և այլ արտադրական նշանակության հողերից` 2.26 հեկտար` բնակավայրի հողերի կատեգորիա.

3) հատուկ պահպանվող հողերից` 1.75 հեկտար` գյուղատնտեսական նշանակության հողերի կատեգորիա` որպես գյուղատնտեսական նշանակության այլ հողեր:

3. Քաղաքացիների սեփականությունը հանդիսացող հողերից փոխադրել`

1) գյուղատնտեսական նշանակության հողերից` 24.59 հեկտար, որից` 11.27 հեկտար վարելահող, 0.40 հեկտար պտղատու այգի, 12.71 հեկտար արոտ, 0.21 հեկտար այլ հողեր` բնակավայրի հողերի կատեգորիա, և 1.40 հեկտար արոտ` արդյունաբերության, ընդերքօգտագործման և այլ արտադրական նշանակության հողերի կատեգորիա` արդյունաբերության զարգացման համար.

2) արդյունաբերության, ընդերքօգտագործման և այլ արտադրական նշանակության հողերից` 1.50 հեկտար` բնակավայրի հողերի կատեգորիա:

4. Սահմանել, որ քաղաքացիների սեփականությունը հանդիսացող հողամասերի նպատակային նշանակությունը համարվում է փոփոխված` կադաստրային արժեքների տարբերության վճարումից հետո, եթե հողամասերի նպատակային նշանակության փոփոխումից հետո դրանց կադաստրային արժեքն ավելի բարձր է, քան` մինչև փոփոխումը, իրավունքի պետական գրանցման պահից:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2010 թ. դեկտեմբերի 14 Երևան

Հայաստանի Հանրապետության կառավարության աշխատակազմի ղեկավար

Դ. Սարգսյան