«Գրանցված է»

ՀՀ արդարադատության

նախարարության կողմից

25 հունվարի 2011 թ.

Պետական գրանցման թիվ 60311040

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

10 դեկտեմբերի 2010 թ.

թիվ 52-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2002 ԹՎԱԿԱՆԻ ՍԵՊՏԵՄԲԵՐԻ 10-Ի ԹԻՎ 229-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10-րդ հոդվածի 3-րդ մասի ե) կետով և հիմք ընդունելով 2010 թվականի հունիսի 7-ին ընդունած ««Քաղաքացիական ծառայության մասին» Հայաստանի Հանրապետության օրենքում լրացումներ և փոփոխություններ կատարելու մասին» Հայաստանի Հանրապետության օրենքը Հայաստանի Հանրապետության վիճակագրության պետական խորհուրդը որոշում է.

1. Հայաստանի Հանրապետության վիճակագրության պետական խորհրդի 2002 թվականի սեպտեմբերի 10-ի «Հայաստանի Հանրապետության ազգային վիճակագրական ծառայության քաղաքացիական ծառայության առաջատար և կրտսեր թափուր պաշտոններ զբաղեցնելու համար մրցույթ ու այդ պաշտոնները զբաղեցնող քաղաքացիական ծառայողների ատեստավորում անցկացնող մրցութային և ատեստավորման հանձնաժողովների աշխատակարգերը հաստատելու մասին» թիվ 229-Ն որոշման (այսուհետ` Որոշում) մեջ կատարել հետևյալ փոփոխությունները.

1) Որոշման վերնագիրը շարադրել հետևյալ խմբագրությամբ.

«Հայաստանի Հանրապետության ազգային վիճակագրական ծառայության քաղաքացիական ծառայության առաջատար թափուր պաշտոն զբաղեցնելու համար մրցույթ, ինչպես նաև քաղաքացիական ծառայության առաջատար և կրտսեր պաշտոնները զբաղեցնող քաղաքացիական ծառայողների ատեստավորում անցկացնող մրցութային և ատեստավորման հանձնաժողովների աշխատակարգերը հաստատելու մասին»,

2) Որոշման 1-ին կետի ա) ենթակետից հանել «և կրտսեր» բառերը, ինչպես նաև «պաշտոններ» բառը փոխարինել «պաշտոն» բառով,

3) Որոշման առաջին կետով հաստատված Հավելված 1-ի վերնագրից, ինչպես նաև «1. ԸՆԴՀԱՆՈՒՐ ԴՐՈՒՅԹՆԵՐ» բաժնի 1-ին կետից հանել «և կրտսեր» բառերը, ինչպես նաև «պաշտոններ» բառը փոխարինել «պաշտոն» բառով,

4) Որոշման առաջին կետով հաստատված Աշխատակարգի 12-րդ կետի գ) ենթակետից հանել «ու քվեարկության» բառերը,

5) Աշխատակարգի 12-րդ կետի «ժա» ենթակետը շարադրել հետևյալ խմբագրությամբ.

«ժա/ հարցազրույցին մասնակցելու իրավունք ձեռք բերած մասնակիցների հետ անցկացնում է հարցազրույց.»,

6) Աշխատակարգի 12-րդ կետի «ժբ» ենթակետը ճանաչել ուժը կորցրած,

7) Աշխատակարգի 12-րդ կետի «ժգ» ենթակետը շարադրել հետևյալ խմբագրությամբ.

«ժգ/ հարցազրույցից անմիջապես հետո հանձնաժողովի անդամներն իրականացնում են հարցատոմսի հարցերի ճիշտ պատասխանների գնահատում»,

8) Աշխատակարգի 12-րդ կետի «ժդ» ենթակետը շարադրել հետևյալ խմբագրությամբ.

«ժդ/ գնահատումն իրականացվում է հարցատոմսերի հարցերի ճիշտ պատասխանների ձևանմուշի վրա, որտեղ նշվում է մասնակցի ազգանունը, անունը և հայրանունը, գնահատմանը մասնակցող Հանձնաժողովի անդամի անունը, ազգանունը և ստորագրությունը.»,

9) Աշխատակարգի 17-րդ կետի «ե» ենթակետը շարադրել հետևյալ խմբագրությամբ.

«ե/ ստուգում է հարցատոմսի հարցերի ճիշտ պատասխանների ձևանմուշի վրա հանձնաժողովի անդամների գնահատականների նշանակված լինելու փաստը, ստորագրում և կնքում է ձևանմուշը, կարող է ընդհատել հարցազրույցի ժամանակ ծավալված բանավեճը»,

10) Աշխատակարգի 19-րդ կետի «ե» ենթակետը շարադրել հետևյալ խմբագրությամբ.

«ե) գնահատում է յուրաքանչյուր մասնակցի համար անցկացվող հարցազրույցը` հարցատոմսի յուրաքանչյուր հարցին մասնակցի պատասխանը առավելագույնը 10 միավորով գնահատելու միջոցով.»:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Նախագահ

Ս. Մնացականյան