ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

18 դեկտեմբերի 1997 թվականի N 598

ԵՐԻՏԱՍԱՐԴՈՒԹՅԱՆ ՀԱՐՑԵՐՈՎ ՄԻՋԳԵՐԱՏԵՍՉԱԿԱՆ ԽՈՐՀՐԴԻ ՄԱՍԻՆ

Հայաստանի Հանրապետության Նախագահի 1994 թվականի նոյեմբերի 24-ի «Երիտասարդության շրջանում տարվող աշխատանքների բարելավման միջոցառումների մասին» հրամանագրի և Հայաստանի Հանրապետության կառավարության 1995 թվականի փետրվարի 28-ի «Երիտասարդության շրջանում տարվող աշխատանքների բարելավման միջոցառումների մասին» N 111 որոշման պահանջների կատարումն ապահովելու նպատակով`

1. Ստեղծել երիտասարդության հարցերով միջգերատեսչական խորհուրդ հետևյալ կազմով`

ՀՀ մշակույթի, երիտասարդության հարցերի և սպորտի նախարար (խորհրդի նախագահ)

ՀՀ կրթության և գիտության նախարարի տեղակալ

ՀՀ ներքին գործերի և ազգային անվտանգության նախարարի տեղակալ

ՀՀ պաշտպանության նախարարի տեղակալ

ՀՀ սոցիալական ապահովության նախարարի տեղակալ

ՀՀ առողջապահության նախարարի տեղակալ

ՀՀ արտաքին գործերի նախարարի տեղակալ

ՀՀ արդյունաբերության և առևտրի նախարարի տեղակալ

ՀՀ կառավարության աշխատակազմի սոցիալական քաղաքականության վարչության պետ

ՀՀ մշակույթի, երիտասարդության հարցերի և սպորտի նախարարության

երիտասարդության հարցերի վարչության պետ (խորհրդի քարտուղար):

2. Հայաստանի Հանրապետության մշակույթի, երիտասարդության հարցերի և սպորտի նախարարությանը` եռամսյա ժամկետում Հայաստանի Հանրապետության կառավարություն ներկայացնել միջգերատեսչական խորհրդի մշակած` երիտասարդության շրջանում կատարվող աշխատանքների, այդ բնագավառում պետական քաղաքականության իրականացման, երիտասարդության միջազգային համագործակցության ապահովման համալիր ծրագիրը:

(2-րդ կետը փոփ. 11.02.98 թիվ 92)

3. Հայաստանի Հանրապետության մարզպետներին` մարզպետարանի աշխատողների հաստատված թվի սահմաններում նախատեսել երիտասարդության հարցերով մասնագետի հաստիք:

Հայաստանի Հանրապետության վարչապետ