«Վավերացնում եմ»
Հայաստանի Հանրապետության
Նախագահ Ռ. Քոչարյան
29 սեպտեմբերի 2003 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 օգոստոսի 2003 թվականի N 1183-Ն

«ԼԻՃ» ՊԵՏԱԿԱՆ ՀԻՄՆԱՐԿԻ ԳՈՐԾՈՒՆԵՈՒԹՅՈՒՆԸ ԴԱԴԱՐԵՑՆԵԼՈՒ, «ԲՈՒԺԳՈՒՅՔ» ՊԵՏԱԿԱՆ ՀԻՄՆԱՐԿԸ «ԲՈՒԺԳՈՒՅՔ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ՎԵՐԱԿԱԶՄԱԿԵՐՊԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2003 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ ՈՒ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՓԵՏՐՎԱՐԻ 6-Ի N 184-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ հոդվածը` Հայաստանի Հանրապետության կառավարությունը որոշում է.

1. Օրենքով սահմանված կարգով դադարեցնել «Լիճ» պետական հիմնարկի գործունեությունը:

2. Օրենքով սահմանված կարգով «Բուժգույք» պետական հիմնարկը վերակազմավորման ձևով վերակազմակերպել «Բուժգույք» պետական ոչ առևտրային կազմակերպության: «Բուժգույք» պետական ոչ առևտրային կազմակերպությունը «Բուժգույք» պետական հիմնարկի իրավահաջորդն է` փոխանցման ակտին համապատասխան:

3. Սահմանել, որ`

ա) «Պահուստ» պետական ոչ առևտրային կազմակերպության գործունեության հիմնական առարկան և նպատակը լիազորված պետական մարմնի հանձնարարությամբ պետական պահուստի ապրանքների պահեստավորման, պահպանման, սպասարկման, թարմացման, փոխարինման և բացթողման իրականացումն է.

բ) պետական ոչ առևտրային կազմակերպությունը կարող է իրականացնել ձեռնարկատիրական գործունեության հետևյալ տեսակները`

պետական պահուստի ապրանքների արտադրություն,

ապրանքների պահպանման ծառայության մատուցում:

(3-րդ կետը փոփ. 03.05.07 N 573-Ն, 21.08.08 N 1042-Ն, խմբ. 26.08.10 N 1088-Ն)

4. «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ մասի «գ», «դ», «ե», «է» ենթակետերով և 14-րդ հոդվածի 2-րդ մասով նախատեսված լիազորությունները վերապահել Հայաստանի Հանրապետության արտակարգ իրավիճակների նախարարությանը:

(4-րդ կետը խմբ. 26.08.10 N 1088-Ն)

5. «Բուժգույք» պետական հիմնարկի պետական սեփականություն հանդիսացող` 85894144 դրամ արժողությամբ համապատասխան գույքը, բացառությամբ շենքերի և շինությունների, սեփականության իրավունքով հանձնել և 587283595 դրամ արժողությամբ շենքերն ու շինություններն անժամկետ և անհատույց օգտագործման իրավունքով ամրացնել «Բուժգույք» պետական ոչ առևտրային կազմակերպությանը:

6. Հայաստանի Հանրապետության ֆինանսների և էկոնոմիկայի նախարարին` 5-օրյա ժամկետում ստեղծել հանձնաժողով «Լիճ» պետական հիմնարկի գործունեության դադարեցման հետ կապված աշխատանքներն իրականացնելու, հաշվեկշռում գտնվող մնացորդային արժեքները «Բուժգույք» պետական ոչ առևտրային կազմակերպությանը հանձնելու համար:

7. «Բուժգույք» պետական ոչ առևտրային կազմակերպությանը սեփականության իրավունքով հանձնել վերակազմակերպման պահին նրա տնօրինության և «Լիճ» պետական հիմնարկից ընդունած` պետական սեփականություն հանդիսացող գույքը, իսկ շենքերն ու շինությունները և նվազագույն աշխատավարձի 10000-ապատիկից ավելի արժողությամբ գույքն ամրացնել անժամկետ և անհատույց օգտագործման իրավունքով:

8. «Հայաստանի Հանրապետության 2003 թվականի պետական բյուջեի մասին» Հայաստանի Հանրապետության օրենքի N 1 հավելվածում կատարել վերաբաշխում և Հայաստանի Հանրապետության կառավարության 2003 թվականի փետրվարի 6-ի «Հայաստանի Հանրապետության 2003 թվականի պետական բյուջեի կատարումն ապահովող միջոցառումների մասին» N 184-Ն որոշման N 5 հավելվածում կատարել փոփոխություններ` համաձայն հավելվածի:

9. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2003 թ. սեպտեմբերի 22 Երևան

Հավելված ՀՀ կառավարության 2003 թվականի օգոստոսի 28-ի N 1183-Ն որոշման

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2003 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ N 1 ՀԱՎԵԼՎԱԾՈՒՄ ԿԱՏԱՐՎՈՂ ՎԵՐԱԲԱՇԽՈՒՄԸ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՓԵՏՐՎԱՐԻ 6-Ի N 184-Ն ՈՐՈՇՄԱՆ N 5 ՀԱՎԵԼՎԱԾՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ

(հազ. դրամ)

Խում-բը	Ենթախումբը	Բյուջետային ծախսերի գործառական դասակարգման խմբերի և ենթախմբերի, ֆինանսավորվող ծրագրերի և դրանք իրականացնող մարմինների անվանումները	Վերաբաշխում «Հայաստանի Հանրապետության 2003 թվականի պետական բյուջեի մասին» Հայաստանի Հանրապետության օրենքի N 1 հավելվածում և փոփոխություններ Հայաստանի Հանրապետության կառավարության 2003 թվականի փետրվարի 6-ի «Հայաստանի Հանրապետության 2003 թվականի պետական բյուջեի կատարումն ապահովող միջոցառումների մասին» N 184-Ն որոշման N 5 հավելվածում (փակագծերում նշված են նվազեցումները)
			ինն ամիս	տարի
		ԸՆԴԱՄԵՆԸ` ԾԱԽՍԵՐ
		այդ թվում`
13		ՏՆՏԵՍԱԿԱՆ ԱՅԼ ԾԱՌԱՅՈՒԹՅՈՒՆՆԵՐ
		այդ թվում`
	03	Նյութական ռեսուրսների պետական պահուստի ձևավորում և պահպանում
		այդ թվում`
		01. ՀՀ պետական ռեզերվների գործակալության համակարգի հիմնարկների պահպանում	3922.3	3922.3
		ՀՀ ֆինանսների և էկոնոմիկայի նախարարություն	3922.3	3922.3
		02. Նյութական ռեսուրսների ՀՀ պետական պահուստի ձևավորում և պահպանում	(3922.3)	(3922.3)
		ՀՀ ֆինանսների և էկոնոմիկայի նախարարություն	(3922.3)	(3922.3)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան