Basic information
Number
N 83-Ն
Type
Հրաման
Act type
Հիմնական ակտ (31.03.2014-մինչ օրս)
Status
Գործում է
Source
ՀՀԳՏ 2014.03.21/7(486) Հոդ.102
Enactment organisation
Մշակույթի նախարար
Enactment date
18.03.2014
Signing organisation
Մշակույթի նախարար
Signing date
18.03.2014
Effective date
31.03.2014

«Գրանցված է»

ՀՀ արդարադատության

նախարարության կողմից

19 մարտի 2014 թ.

Պետական գրանցման թիվ 11114137

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ՄՇԱԿՈՒՅԹԻ ՆԱԽԱՐԱՐ

 

18 մարտի 2014 թ.

N 83-Ն

 

Հ Ր Ա Մ Ա Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐԻ 2005 ԹՎԱԿԱՆԻ ՕԳՈՍՏՈՍԻ 9-Ի N 382-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

 

Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասի և Հայաստանի Հանրապետության կառավարության 2005 թվականի հունվարի 25-ի N 224-Ն որոշմամբ հաստատված N 1 հավելվածի 12-րդ կետի պահանջներով`

 

ՀՐԱՄԱՅՈՒՄ ԵՄ`

 

1. Հայաստանի Հանրապետության մշակույթի և երիտասարդության հարցերի նախարարի 2005 թվականի օգոստոսի 9-ի «Հայաստանի Հանրապետության մշակույթի նախարարության համակարգում ընդգրկված պետական ոչ առևտրային կազմակերպության գործադիր մարմնի թափուր պաշտոն զբաղեցնելու համար մրցույթ անցկացնող մրցութային հանձնաժողովի աշխատակարգը հաստատելու մասին» N 382-Ն հրամանով հաստատված հավելվածի 4-րդ կետը շարադրել հետևյալ խմբագրությամբ`

«4. Հանձնաժողովի անդամության թեկնածուների ցուցակը` ըստ ոլորտների հաստատվում է Հայաստանի Հանրապետության մշակույթի նախարարի (այսուհետ` նախարար) հրամանով: Հանձնաժողովը կազմվում է հաստատված ցուցակի համապատասխան ոլորտի թեկնածուներից` վիճակահանությամբ, մրցույթ անցկացնելուց ոչ շուտ, քան 24 ժամ առաջ: Հանձնաժողովը պետք է կազմված լինի առնվազն 7 անդամից: Հանձնաժողովի կազմում ընդգրկվում են` Հայաստանի Հանրապետության վարչապետի և հասարակական կազմակերպության մեկական ներկայացուցիչներ, նախարարության աշխատակիցներ, տվյալ ոլորտի ճանաչված գործիչներ, ինչպես նաև գիտական, ուսումնական և այլ կազմակերպությունների ներկայացուցիչներ:»:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

Նախարար

Հ. Պողոսյան

Change History
Changing Act Corresponding incorporation
Changed acts
Changing Act Corresponding incorporation