Basic information
Number
N 851
Type
Որոշում
Act type
Հիմնական ակտ (28.09.2001-մինչ օրս)
Status
Գործում է
Source
ՀՀՊՏ 2001.09.28/31(163) Հոդ.731
Enactment organisation
ՀՀ կառավարություն
Enactment date
12.09.2001
Signing organisation
ՀՀ վարչապետ
Signing date
12.09.2001
Ratification organisation
ՀՀ Նախագահ
Ratification date
12.09.2001
Effective date
28.09.2001

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

12 սեպտեմբերի 2001 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

12 սեպտեմբերի 2001 թվականի N 851
քաղ. Երևան 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2001 թվականի փետրվարի 22-ի «Հայաստանի Հանրապետության Կոտայքի մարզի առողջապահության համակարգի օպտիմալացման ծրագիրը հաստատելու մասին» N 128 որոշման մեջ կատարել հետևյալ լրացումը`

որոշմամբ հաստատված Կոտայքի մարզի առողջապահության համակարգի օպտիմալացման ծրագրի «Ամբուլատոր-պոլիկլինիկական օղակ» բաժինը նախավերջին պարբերությունից հետո լրացնել հետևյալ բովանդակությամբ նոր պարբերությամբ.

«Հայաստանի Հանրապետության Կոտայքի մարզի Արզականի, Բջնիի, Ջրվեժի, Առինջի, Բալահովտի, Ծաղկաձորի և Արզնու գյուղական բժշկական ամբուլատորիաներն ու Արգելի առողջության կենտրոնը կգործեն որպես փակ բաժնետիրական ընկերություններ»:

2. Հայաստանի Հանրապետության կառավարության 2001 թվականի փետրվարի 24-ի «Հայաստանի Հանրապետության Շիրակի մարզի առողջապահության համակարգի օպտիմալացման ծրագիրը հաստատելու մասին» N 138 որոշման մեջ կատարել հետևյալ լրացումը`

որոշմամբ հաստատված Շիրակի մարզի առողջապահության համակարգի օպտիմալացման ծրագրի «Ամբուլատոր-պոլիկլինիկական ծառայություն» բաժինը լրացնել հետևյալ բովանդակությամբ նոր պարբերությամբ.

«Հայաստանի Հանրապետության Շիրակի մարզի Ջաջուռի և Մայիսյանի գյուղական բժշկական ամբուլատորիաները կգործեն որպես փակ բաժնետիրական ընկերություններ»:

3. Հայաստանի Հանրապետության կառավարության 2001 թվականի ապրիլի 25-ի «Հայաստանի Հանրապետության Արարատի մարզի առողջապահության համակարգի օպտիմալացման ծրագիրը հաստատելու մասին» N 345 որոշման մեջ կատարել հետևյալ լրացումը`

որոշմամբ հաստատված Արարատի մարզի առողջապահության համակարգի օպտիմալացման ծրագրի «Ամբուլատոր-պոլիկլինիկական (առաջնային) ծառայություն» բաժինը նախավերջին պարբերությունից հետո լրացնել հետևյալ բովանդակությամբ նոր պարբերությամբ.

«Հայաստանի Հանրապետության Արարատի մարզի Արարատի, Մխչյանի, Տափերականի, Այգավանի, Վերին Արտաշատի, Շահումյանի գյուղական բժշկական ամբուլատորիաները կգործեն որպես փակ բաժնետիրական ընկերություններ»:

4. Հայաստանի Հանրապետության կառավարության 2001 թվականի մայիսի 16-ի «Հայաստանի Հանրապետության Արագածոտնի մարզի առողջապահության համակարգի օպտիմալացման ծրագիրը հաստատելու մասին» N 427 որոշման մեջ կատարել հետևյալ լրացումը`

որոշմամբ հաստատված Արագածոտնի մարզի առողջապահության համակարգի օպտիմալացման ծրագրի «Ամբուլատոր-պոլիկլինիկական (առաջնային) օղակ» բաժինը երրորդ պարբերությունից հետո լրացնել հետևյալ բովանդակությամբ նոր պարբերությամբ.

«Հայաստանի Հանրապետության Արագածոտնի մարզի Արուճի, Ագարակի, Արագածի, Արագածավանի, Կարբիի, Մաստարայի, Ներքին Բազմաբերդի գյուղական բժշկական ամբուլատորիաները կգործեն որպես փակ բաժնետիրական ընկերություններ»:

5. Հայաստանի Հանրապետության կառավարության 2001 թվականի մայիսի 16-ի «Հայաստանի Հանրապետության Լոռու մարզի առողջապահության համակարգի օպտիմալացման ծրագիրը հաստատելու մասին» N 432 որոշման մեջ կատարել հետևյալ լրացումը`

որոշմամբ հաստատված Լոռու մարզի առողջապահության համակարգի օպտիմալացման ծրագրի «Սպասվելիք իրավիճակ» բաժինն աղյուսակից առաջ լրացնել հետևյալ բովանդակությամբ նոր պարբերությամբ.

«Հայաստանի Հանրապետության Լոռու մարզի Օձունի, Ճոճկանի, Վարդաբլուրի, Շնողի, Մարգահովտի գյուղական բժշկական ամբուլատորիաները և Մեծավանի առողջության կենտրոնը կգործեն որպես փակ բաժնետիրական ընկերություններ»:

6. Սույն որոշումն ուժի մեջ է մտնում պաշտոնական հրապարակման պահից:

 

Հայաստանի Հանրապետության վարչապետ

Ա. Մարգարյան