ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

19 փետրվարի 2002 թ.

թիվ 49

Ո Ր Ո Շ ՈՒ Մ

«ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՈՒՄՆ ՈՒ ԼԻՑԵՆԶԱՎՈՐՈՒՄԸ, ՄԱՍՆԱՃՅՈՒՂԵՐԻ ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ» ԿԱՆՈՆԱԿԱՐԳ 1-Ը (ՆՈՐ ԽՄԲԱԳՐՈՒԹՅԱՄԲ) ՀԱՍՏԱՏԵԼՈՒ ՄԱՍԻՆ

 

Հիմք ընդունելով «Բանկերի և բանկային գործունեության մասին» Հայաստանի Հանրապետության օրենքը, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի դրույթներով` Հայաստանի Հանրապետության կենտրոնական բանկի խորհուրդը որոշում է.

1. Հաստատել «Բանկերի և օտարերկրյա բանկերի մասնաճյուղերի գրանցումն ու լիցենզավորումը, մասնաճյուղերի և ներկայացուցչությունների գրանցումը» կանոնակարգ 1-ը` նոր խմբագրությամբ (կցվում է):

2. Սույն որոշումն ուժի մեջ մտնելու պահից ուժը կորցրած ճանաչել`

2.1. Հայաստանի Հանրապետության կենտրոնական բանկի խորհրդի 19.12.2000 թ. թիվ 323 որոշմամբ հաստատված «Բանկերի և օտարերկրյա բանկերի մասնաճյուղերի գրանցումն ու լիցենզավորումը, մասնաճյուղերի ու ներկայացուցչությունների գրանցումը» կանոնակարգ 1-ը (նոր խմբագրությամբ).

2.2. Հայաստանի Հանրապետության կենտրոնական բանկի խորհրդի 27.06.2001 թ. թիվ 173 որոշումը.

2.3. Հայաստանի Հանրապետության կենտրոնական բանկի խորհրդի 13.09.2001 թ. թիվ 237 որոշումը.

2.4. Հայաստանի Հանրապետության կենտրոնական բանկի խորհրդի 23.10.2001 թ. թիվ 277 և 280 որոշումները.

2.5. Հայաստանի Հանրապետության կենտրոնական բանկի խորհրդի 27.11.2001 թ. թիվ 308 որոշումը:

3. Սահմանել, որ Հայաստանի Հանրապետության տարածքում գործող բանկերը պարտավոր են`

3.1. վեցամսյա ժամկետում իրենց գործառնական գրասենյակների կարգավիճակը համապատասխանեցնել գործող օրենսդրության և սույն որոշմամբ հաստատված կանոնակարգ 1-ի պահանջներին.

3.2. եռամսյա ժամկետում ներկայացնել սույն որոշմամբ հաստատված կանոնակարգ 1-ի 5-րդ կանոնի 3-րդ կետով նախատեսված և դեռևս Հայաստանի Հանրապետության կենտրոնական բանկում չգրանցված ղեկավարների թեկնածությունները Հայաստանի Հանրապետության կենտրոնական բանկ գրանցման` կանոնակարգի 1-ի 26 կանոնով սահմանված կարգով:

4. Սահմանել, որ մինչև «Բանկերի և բանկային գործունեության մասին» Հայաստանի Հանրապետության օրենքի փոփոխություններն ուժի մեջ մտնելը Հայաստանի Հանրապետության տարածքում գործող բանկերի կանոնադրական հիմնադրամներում 10% մասնակցություն ձեռք բերած անձինք համարվում են գրանցված, իսկ 10% և ավելի մասնակցություն ձեռք բերած, սակայն Հայաստանի Հանրապետության կենտրոնական բանկի համաձայնությունը չստացած մասնակիցները պարտավոր են տվյալ մասնակցության ձեռքբերման պահից վեցամսյա ժամկետում դիմել Հայաստանի Հանրապետության կենտրոնական բանկ` Հայաստանի Հանրապետության կենտրոնական բանկի խորհրդի համաձայնությունն ստանալու նպատակով` սույն որոշմամբ հաստատված կանոնակարգ 1-ով սահմանված կարգով:

5. Հայաստանի Հանրապետության տարածքում գործող բանկերին` մինչև Հայաստանի Հանրապետության կենտրոնական բանկ մասնաճյուղի կամ ներկայացուցչության գրանցման համար փաստաթղթերի ներկայացումը և մասնաճյուղի կամ ներկայացուցչության ստեղծման նպատակով ծախսերի կատարումն ստանալ Հայաստանի Հանրապետության կենտրոնական բանկի համաձայնությունը` ներկայացնելով մասնաճյուղի կամ ներկայացուցչության ստեղծման համար նախատեսվող ծախսերի վերաբերյալ տեղեկատվություն:

6. Հանձնարարել Հայաստանի Հանրապետության կենտրոնական բանկի բանկային վերահսկողության դեպարտամենտին`

6.1. սույն որոշումն ուժի մեջ մտնելու պահից 1-ամսյա ժամկետում փոփոխություններ կատարել բանկերի ղեկավարների որակավորման և մասնագիտական համապատասխանության ստուգման տեստերի հարցերում և տեստերի հարցերի հրապարակման ենթակա թեմաներում.

6.2. սույն որոշումն ուժի մեջ մտնելու պահից երկշաբաթյա ժամկետում Հայաստանի Հանրապետության կենտրոնական բանկի խորհրդի հաստատմանը ներկայացնել բանկի ցուցանիշերի ամփոփ գնահատականի (CAMELS) որոշման մեթոդիկան.

6.3. մինչև յուրաքանչյուր կիսամյակի առաջին ամսվա 10-ը Հայաստանի Հանրապետության կենտրոնական բանկի խորհրդի հաստատմանը ներկայացնել սույն որոշմամբ հաստատված կանոնակարգ 1-ի 16 և 17 կանոններով նախատեսված` բանկի ցուցանիշերի ամփոփ գնահատականի (CAMELS) նվազագույն չափը:

7. Հանձնարարել Հայաստանի Հանրապետության կենտրոնական բանկի մամուլի քարտուղարին` սույն որոշումն ուժի մեջ մտնելու պահից երկամսյա ժամկետում կազմակերպել որակավորման և մասնագիտական համապատասխանության ստուգման տեստերի թեմաների հրապարակումը:

8. Հանձնարարել Հայաստանի Հանրապետության կենտրոնական բանկի նախագահի, նախագահի տեղակալի, խորհրդի աշխատակազմին`

8.1. սույն որոշումն ուժի մեջ մտնելու պահից երկամսյա ժամկետում կազմակերպել կանոնակարգ 1-ի թարգմանությունը անգլերեն, ռուսերեն.

8.2. սույն որոշումն ուժի մեջ մտնելու պահից եռամսյա ժամկետում կազմակերպել կանոնակարգ 1-ի հրատարակումը հայերեն, անգլերեն, ռուսերեն:

9. Հանձնարարել Հայաստանի Հանրապետության կենտրոնական բանկի հաշվարկների և բանկային տեխնոլոգիաների զարգացման դեպարտամենտին, մակրոտնտեսական և բանկային հետազոտությունների կենտրոնին և բանկային վերահսկողության դեպարտամենտին` սույն որոշումն ուժի մեջ մտնելու պահից մեկամսյա ժամկետում Հայաստանի Հանրապետության կենտրոնական բանկի խորհրդի հաստատմանը ներկայացնել բանկոմատների շահագործման անվտանգության համար պահանջվող տեխնիկական պայմանների վերաբերյալ նորմատիվ իրավական ակտի նախագիծ:

10. Սույն որոշումն ուժի մեջ է ընդունման պահից:

 

Հաստատված է ՀՀ կենտրոնական բանկի խորհրդի 2002 թվականի փետրվարի 19-ի թիվ 49 որոշմամբ

 

Կ Ա Ն Ո Ն Ա Կ Ա Ր Գ  1

 

ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՈՒՄՆ ՈՒ ԼԻՑԵՆԶԱՎՈՐՈՒՄԸ, ՄԱՍՆԱՃՅՈՒՂԵՐԻ ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ

 

Գ Լ ՈՒ Խ  1

 

ԸՆԴՀԱՆՈՒՐ ԴՐՈՒՅԹՆԵՐ

 

Կ Ա Ն Ո Ն  1

 ԿԱՆՈՆԱԿԱՐԳԻ ԿԱՐԳԱՎՈՐՄԱՆ ԱՌԱՐԿԱՆ

 

Սույն կանոնակարգը սահմանում է Հայաստանի Հանրապետության տարածքում բանկերի և օտարերկրյա բանկերի մասնաճյուղերի հիմնադրման, գրանցման և լիցենզավորման, բանկերի տարածքային ստորաբաժանումների` մասնաճյուղերի և ներկայացուցչությունների ստեղծման ու գրանցման ընթացակարգերը, ինչպես նաև օրենքներով Հայաստանի Հանրապետության կենտրոնական բանկի (այսուհետև` Կենտրոնական բանկ) իրավասությանը վերապահված` վերոհիշյալ հարաբերությունների հետ առնչվող այլ հարցեր: Սույն կանոնակարգը սահմանում է բանկի ղեկավարների որակավորման վկայականներ տրամադրելու ընթացակարգը:

(Կանոն 1-ը խմբ. 27.05.02 թիվ 178)

 

Կ Ա Ն Ո Ն  2

ԿԱՆՈՆԱԿԱՐԳԻ ԳՈՐԾՈՂՈՒԹՅԱՆ ՈԼՈՐՏԸ

 

Սույն կանոնակարգը տարածվում է Հայաստանի Հանրապետության տարածքում հիմնադրվող կամ գործող բանկերի, դրանց մասնաճյուղերի և ներկայացուցչությունների, օտարերկրյա բանկերի մասնաճյուղերի և ներկայացուցչությունների, ինչպես նաև սույն կանոնակարգով սահմանված այլ անձանց վրա:

 

Գ Լ ՈՒ Խ  2

 

ԼԻՑԵՆԶԻԱ ՍՏԱՆԱԼՈՒ ՆԱԽՆԱԿԱՆ ՀԱՎԱՆՈՒԹՅՈՒՆԸ

 

Կ Ա Ն Ո Ն  3

ԼԻՑԵՆԶԻԱ ՍՏԱՆԱԼՈՒ ՆԱԽՆԱԿԱՆ ՀԱՎԱՆՈՒԹՅԱՆ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐՆ ՈՒ ԴՐԱՆՑ ՆԵՐԿԱՅԱՑՄԱՆ ԿԱՐԳԸ

 

1. Լիցենզիա ստանալու նախնական հավանության համար նախաձեռնող անձանց կողմից Կենտրոնական բանկ են ներկայացվում հետևյալ փաստաթղթերը.

ա) նախաձեռնող անձանց կամ օտարերկրյա բանկի միջնորդագիրը (հավելվածներ 1, 2),

բ) ստեղծվող բանկի կանոնադրության նախագիծը, իսկ օտարերկրյա բանկի մասնաճյուղի համար` օտարերկրյա բանկի մասնաճյուղի հիմնադիր բանկի փաստաթղթերը և մասնաճյուղի կանոնադրության նախագիծը,

գ) ստեղծվող բանկի կամ օտարերկրյա բանկի մասնաճյուղի գործունեության տնտեսական ծրագիրը (հավելված 3),

դ) եթե նախաձեռնող անձինք կամ օտարերկրյա բանկը հանդես են գալիս լիազոր ներկայացուցչի միջոցով, ապա ներկայացվում է նաև պատշաճ կարգով տրված լիազորագիրը,

ե) բանկի մասնակիցների վերաբերյալ սույն կանոնակարգի 21 կանոնով նախատեսված փաստաթղթերը:

2. Սույն կանոնի 1-ին մասում նախատեսված բոլոր փաստաթղթերը Կենտրոնական բանկ պետք է ներկայացվեն տպագիր և հայերեն` պատվիրված նամակով:

 

Կ Ա Ն Ո Ն  4

 ԲԱՆԿԻ ՖԻՐՄԱՅԻՆ ԱՆՎԱՆՈՒՄԸ: ԲԱՆԿԻ ԳՏՆՎԵԼՈՒ ՎԱՅՐԸ

 

1. Բանկն ունի իր հայերեն ֆիրմային անվանումը, որը պետք է բովանդակի` բանկի անվանումը, կազմակերպական-իրավական ձևը, ինչպես նաև այլ տվյալներ, որոնք հիմնադիրները համարում են անհրաժեշտ:

2. Բանկը կարող է ունենալ իր լրիվ ֆիրմային անվանումը կամ դրա կրճատ տարբերակը: Բանկի կրճատ ֆիրմային անվանումը պետք է բովանդակի բանկի անվանումը, «բանկ» բառը, կազմակերպական-իրավական ձևը (հապավումներով):

3. Բանկը կարող է ունենալ իր լրիվ ֆիրմային անվանումը կամ դրա հապավումը նաև այլ լեզուներով:

4. Բանկը, որի ֆիրմային անվանումը գրանցված է օրենքով սահմանված կարգով, ունի այն օգտագործելու բացառիկ իրավունք:

5. Բանկի գտնվելու վայրը նրա մշտական գործող մարմնի գտնվելու վայրն է: Բանկը բանկային գործունեություն և ֆինանսական գործառնություններ է իրականացնում մշտական գործող մարմնի գտնվելու վայրում (գլխավոր գրասենյակ) և մասնաճյուղերում: Բանկն իր տարածքից դուրս գործունեություն կարող է իրականացնել միայն մասնաճյուղի կամ ներկայացուցչության ձևով:

 

Կ Ա Ն Ո Ն  5

ԲԱՆԿԻ ՂԵԿԱՎԱՐՆԵՐԸ

 

1. Բանկի ղեկավարներ են համարվում բանկի խորհրդի (տնօրենների կամ դիտորդ խորհրդի) նախագահը, նրա տեղակալը, խորհրդի անդամները, գործադիր տնօրենը, նրա տեղակալները, բանկի վարչության նախագահը և անդամները, բանկի ժամանակավոր ադմինիստրացիայի ղեկավարը, բանկի գլխավոր հաշվապահը, նրա տեղակալը, վերստուգիչ հանձնաժողովի նախագահը, նրա տեղակալը, վերստուգիչ հանձնաժողովի անդամները կամ բանկի հիմնադիր փաստաթղթերով նախատեսված` նմանատիպ լիազորություններ իրականացնող մարմինների անդամները, բանկի տարածքային և կառուցվածքային ստորաբաժանումների ղեկավարները, ներքին հսկող խմբի ղեկավարը (վերահսկիչը, հսկիչը), բանկի անունից գործարքներ կատարելու համար լիազորված բանկի աշխատակիցները, այսուհետև` ղեկավարներ:

2. Բանկի ղեկավար չեն կարող լինել`

ա) դիտավորությամբ կատարված հանցագործությունների համար դատվածություն ունեցող անձինք,

բ) դատարանի կողմից ֆինանսական, բանկային, հարկային, մաքսային, առևտրային, տնտեսական, իրավական ոլորտներում պաշտոններ վարելու իրավունքից զրկված անձինք,

գ) սնանկ ճանաչված և չմարված (չներված) պարտավորություններ ունեցող անձինք,

դ) անձինք, որոնց որակավորումը կամ մասնագիտական գիտելիքները չեն համապատասխանում Կենտրոնական բանկի սահմանած մասնագիտական կամ որակավորման համապատասխանության չափանիշերին,

ե) անձինք, որոնք անցյալում կատարել են այնպիսի արարք, որը Կենտրոնական բանկի հաստատած ուղեցույցով հիմնավորված Կենտրոնական բանկի կարծիքով` հիմք է տալիս կասկածելու, որ տվյալ անձը, որպես բանկի ղեկավար, չի կարող պատշաճորեն կառավարել բանկի գործունեության համապատասխան ոլորտը, կամ նրա գործողությունները կարող են հանգեցնել բանկի սնանկացմանը, ֆինանսական վիճակի վատթարացմանը կամ հեղինակության և գործարար համբավի վարկաբեկմանը,

զ) անձինք, որոնք քրեական գործով ներգրավված են որպես կասկածյալ, մեղադրյալ կամ ամբաստանյալ:

3. Բանկի ղեկավարների, բացառությամբ բանկի գլխավոր հաշվապահի տեղակալի և բանկի կառուցվածքային ստորաբաժանումների ղեկավարների, փոփոխությունները ենթակա են գրանցման սույն կանոնակարգի 26 կանոնով նախատեսված կարգով:

 

Կ Ա Ն Ո Ն  6

ԲԱՆԿԻ ԵՎ ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ ԿԱՆՈՆԱԴՐՈՒԹՅԱՆ ՆԱԽԱԳԻԾԸ

 

1. Բանկի և օտարերկրյա բանկի մասնաճյուղի (այսուհետև` բանկ) կանոնադրության նախագիծը ներառում է`

ա) հիմնադիր բանկի անվանումը (օտարերկրյա բանկի մասնաճյուղի դեպքում),

բ) բանկի լրիվ և կրճատ ֆիրմային անվանումը,

գ) բանկի գտնվելու վայրը,

դ) բանկի կազմակերպական-իրավական ձևը,

ե) բաժնետիրական ընկերություն հանդիսացող բանկի համար` տեղաբաշխման ենթակա բաժնետոմսերի տեսակները (սովորական և արտոնյալ), քանակը, անվանական արժեքը, ինչպես նաև արտոնյալ բաժնետոմսերի դասերը, յուրաքանչյուր տեսակի և դասի բաժնետոմսերի սեփականատերերի իրավունքները,

զ) բանկի հայտարարված կանոնադրական հիմնադրամի չափը,

է) սահմանափակ պատասխանատվությամբ ընկերություն հանդիսացող բանկի համար` մասնակիցներից յուրաքանչյուրի բաժնեմասի, նրանց ներդրած ավանդների կազմի և կարգի, ավանդները ներդնելու պարտականությունները խախտելու համար պատասխանատվության մասին տեղեկություններ,

ը) բանկի կառավարման մարմինների կառուցվածքը, իրավասությունները և պարտականությունները, նրանց կողմից որոշումներ ընդունելու կարգը,

թ) բանկի հիմնադիրների և մասնակիցների ընդհանուր ժողովի նախապատրաստման և անցկացման կարգը` ներառյալ այն հարցերի ցանկը, որոնց վերաբերյալ որոշումները պետք է ընդունեն ընկերության կառավարման մարմինները` պարզ մեծամասնությամբ կամ միաձայն,

ժ) տեղեկություններ բանկի մասնաճյուղերի, ներկայացուցչությունների մասին, ինչպես նաև բանկի կողմից մասնաճյուղերի և ներկայացուցչությունների ստեղծման ու գործունեության դադարման կարգը,

ժա) բանկի կողմից իրականացվող ֆինանսական գործառնությունների ցանկը,

ժբ) հիմնադիր բանկի կողմից բանկին տրված լիազորությունները (օտարերկրյա բանկի մասնաճյուղի դեպքում),

ժգ) բանկի նկատմամբ հիմնադիր բանկի կողմից հսկողություն իրականացնելու կարգը (օտարերկրյա բանկի մասնաճյուղի դեպքում),

ժդ) բանկի լուծարման կարգը,

ժե) բանկի փաստացի համալրված կանոնադրական հիմնադրամի չափը:

2. Կանոնադրության նախագիծը կարող է ներառել նաև օրենքներով և այլ իրավական ակտերով չնախատեսված ու դրանց չհակասող այլ դրույթներ:

3. Բանկի փաստացի համալրված կանոնադրական հիմնադրամը բանկի կանոնադրության մեջ նշվում է այն դեպքում, երբ բանկը Կենտրոնական բանկ պահանջ է ներկայացրել Կենտրոնական բանկում գտնվող իր կուտակային հաշվում առկա միջոցներն իր թղթակցային հաշվին փոխանցելու մասին: Փաստացի համալրված կանոնադրական հիմնադրամի չափը գրանցվում է սույն կանոնակարգի 25 կանոնով նախատեսված կարգով:

 

Կ Ա Ն Ո Ն  7

 ԲԱՆԿԻ ԿԱՄ ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ ԳՈՐԾՈՒՆԵՈՒԹՅԱՆ ՏՆՏԵՍԱԿԱՆ ԾՐԱԳԻՐԸ

 

1. Բանկի կամ օտարերկրյա բանկի մասնաճյուղի գործունեության տնտեսական ծրագիրը (հավելված 3) կոնկրետ հաշվարկներով, վերլուծություններով և ելակետային տվյալներով հիմնավորված, ծրագրի ներկայացմանը հաջորդող առնվազն երեք լրիվ ֆինանսական տարիների համար կազմված, տնտեսական գործունեությունը հիմնավորող (նկարագրող) փաստաթուղթ է:

2. Տնտեսական ծրագիրը բաղկացած է հետևյալ բաժիններից`

- ընդհանուր դրույթներ,

- բանկի ներքին կազմակերպական կառուցվածքը,

- ֆինանսական գործառնությունները և գործունեության հիմնական ուղղությունները,

- ակտիվների ու պասիվների մոտավոր կազմը և կառուցվածքը,

- եկամուտների և ծախսերի պլանային հաշվարկն առաջին երեք ֆինանսական տարիներին:

3.1. Ընդհանուր դրույթներ.

ա) բանկի կամ օտարերկրյա բանկի մասնաճյուղի անվանումը և գտնվելու վայրը,

բ) նախաձեռնող անձանց կողմից նոր բանկի կամ օտարերկրյա բանկի մասնաճյուղի ստեղծման նախադրյալները,

գ) բանկի հիմնադիրների, առաջարկվող ղեկավարների ցանկը,

դ) ֆինանսական այն շուկաների նկարագիրը, որոնցում բանկը կամ օտարերկրյա բանկի մասնաճյուղը պատրաստվում է ծավալել իր գործունեությունը, մասնավորապես`

- շուկաների տնտեսական բնորոշումն ու ուղղությունները,

- ֆինանսական հեռանկարային զարգացման միտումները,

- փոխատվական կապիտալի շուկայում մրցակցության գործոնների գնահատումը, դրանց դիմակայելու մեթոդները,

- բանկի կամ օտարերկրյա բանկի մասնաճյուղի մրցունակության հիմնավորումը,

- ֆինանսական շուկայի տարբեր հատվածներում (փոխատվական կապիտալի, ներդրումային, արժեթղթերի) բանկի գործարար ակտիվության ծավալման ուղղությունների կանխատեսումն ու որակական և քանակական գնահատումը,

- ռազմավարության հիմնական սկզբունքների բնորոշումը,

- բանկային գործունեության ռիսկերի (վարկային, ներդրումային, տոկոսային, արժութային, շուկայական, գործառնական, կառուցվածքային և այլն) գնահատումը, դրանց փոփոխությունների միտումների կանխատեսումը և բանկի գործունեության արդյունքների վրա դրանց հեռանկարային ազդեցության գնահատումը:

3.2. Ներքին կազմակերպական կառուցվածքը.

ա) բանկի կամ օտարերկրյա բանկի մասնաճյուղի ներքին կազմակերպական կառուցվածքի բնութագիրը, կառուցվածքային ստորաբաժանումների և ծառայությունների անվանումները և նրանց հիմնական ֆունկցիաները, դրանց միջև փոխհարաբերությունների բնութագիրը,

բ) տեխնիկական վերազինման, բանկային տեխնոլոգիաների ներդրման միջոցառումների ծրագիրը,

գ) բանկի կամ օտարերկրյա բանկի մասնաճյուղի կառավարման համակարգն ու սկզբունքները, կառավարման մարմինների իրավասությունները,

դ) բանկի ներքին վերահսկողությունը,

ե) աշխատանքի կազմակերպման հիմնական սկզբունքները,

զ) աշխատակիցների աշխատավարձերը` ըստ հաստիքների,

է) բանկի ներքին գործունեությունը կանոնակարգող փաստաթղթերը:

3.3. Ֆինանսական գործառնություններն ու գործունեության հիմնական ուղղությունները.

ա) բանկի գործունեության հիմնական ուղղությունները, նախատեսվող ֆինանսական գործառնությունների ցանկը և դրանց համառոտ նկարագիրը,

բ) բանկի կողմից ֆինանսական շուկայում նոր տիպի ծառայությունների ներդրումը,

գ) բանկի հաճախորդների խմբի բնութագիրը և ենթադրվող թիվը, խոշոր հաճախորդների անունները:

3.4. Ակտիվների և պասիվների մոտավոր կազմը և կառուցվածքը.

ա) ակտիվների ու պասիվների կազմը և կառուցվածքը առաջիկա երեք ֆինանսական տարվա կտրվածքով, հիմնական միջոցների ներդրումը, եկամտաբեր ակտիվների տեսակարար կշիռը,

բ) բանկի կապիտալիզացիայի ռազմավարությունը (ներառյալ` ընդհանուր կապիտալի նախատեսվող մեծության ապահովումը արտաքին և ներքին աղբյուրների հաշվին, շահաբաժինների վճարման քաղաքականությունը, կապիտալի համարժեքության ապահովմանն ուղղվող հիմնական միջոցառումները) առաջիկա երեք ֆինանսական տարվա համար (հավելված 3, ձև 1),

գ) ներգրավվող միջոցների տեսակների (ավանդների, դեպոզիտների և այլն) բնութագիրը (հնարավորության դեպքում` ըստ միջին մեծության և միջին ժամկետայնության), միջոցների ներգրավման պայմանները (տոկոսադրույքները և այլն),

դ) բանկի կամ օտարերկրյա բանկի մասնաճյուղի վարկային պորտֆելի մոտավոր նկարագիրը (ճյուղային և ժամկետային կառուցվածքը), վարկային հնարավոր ռիսկերի գնահատումը և այդ ռիսկերի կառավարմանն ուղղված միջոցառումները,

ե) ներդրումային (ինվեստիցիոն) քաղաքականության հիմնական ուղղությունները (պետական և ոչ պետական արժեթղթերում, պարտատոմսերում և այլն), ներդրումային ռիսկերի գնահատումը և դրանց սահմանափակման մեխանիզմները,

զ) արտարժութային գործառնությունները, արտարժութային ռիսկերի գնահատումն ու կառավարումը, այլ ակտիվային գործառնությունների բնութագիրը,

է) ակտիվների ու պարտավորությունների փոխհամաձայնեցված կառավարման սխեման` ըստ ներգրավված և տեղաբաշխված միջոցների ժամկետների (GAP), այդ թվում` բանկի իրացվելիության ռազմավարությունը, ակտիվների և պարտավորությունների տոկոսադրույքների կառավարումը:

3.5. Եկամուտների և ծախսերի պլանային հաշվարկը.

ա) եկամուտների և ծախսերի կանխատեսումներն առաջին երեք տարիների համար` հիմնված շուկայի վերլուծության արդյունքների վրա (հավելված 3, ձև 2),

բ) եկամուտների կազմը և կառուցվածքը,

գ) ծախսերի կազմը և կառուցվածքը:

4. Տնտեսական ծրագիրը կարող է բովանդակել նաև այնպիսի տեղեկություններ, որոնք նախաձեռնող անձինք համարում են նպատակահարմար:

5. Տնտեսական ծրագրին կցվում են.

ա) հաշվեկշռի հաշվարկային նախագծերը գործունեության առաջին երեք ֆինանսական տարիների համար (հավելված 3, ձև 3),

բ) բանկի կամ օտարերկրյա բանկի մասնաճյուղի ղեկավարների առաջարկվող թեկնածուների վերաբերյալ տեղեկություններ (հավելված 4),

գ) հայտարարագրեր բանկի ղեկավարների և նրանց հետ փոխկապակցված անձանց ստանձնած բոլոր ֆինանսական և գույքային պարտավորությունների, այդ թվում` ժամկետանց և վերաձևակերպված պարտավորությունների վերաբերյալ,

դ) յուրաքանչյուր թեկնածուի վերաբերյալ առնվազն երկու բնութագիր-երաշխավորագիր,

ե) սույն կանոնակարգի 21 կանոնով նախատեսված փաստաթղթերը բանկի մասնակիցների վերաբերյալ` անկախ մասնակցության չափից:

6. Տեղեկություններ, որոնց վերաբերյալ սույն կանոնակարգով պահանջվող ձևեր սահմանված չեն, կարող են ներկայացվել ազատ ոճով:

 

Կ Ա Ն Ո Ն  8

 

 ԼԻՑԵՆԶԻԱ ՍՏԱՆԱԼՈՒ ՆԱԽՆԱԿԱՆ ՀԱՎԱՆՈՒԹՅՈՒՆԸ

 

1. Սույն կանոնակարգի 3 կանոնով նախատեսված փաստաթղթերն ստանալուց հետո Կենտրոնական բանկը նախնական հավանություն տալու համար քննում է դրանք և օրենքով սահմանված մեկամսյա ժամկետում որոշում կայացնում:

2. Սույն կանոնակարգի 3 կանոնով նախատեսված փաստաթղթերը 10 աշխատանքային օրվա ընթացքում ուսումնասիրվում են Կենտրոնական բանկի բանկային վերահսկողության դեպարտամենտի, եռօրյա (աշխատանքային) ժամկետում` իրավաբանական վարչության կողմից, ու տրվում են եզրակացություններ` ստեղծվող բանկի կամ օտարերկրյա բանկի մասնաճյուղի գործունեությունն օրենքներին և այլ իրավական ակտերին, տնտեսական ծրագիրը սահմանված ձևին համապատասխանելու վերաբերյալ:

Տնտեսական ծրագիրը, ինչպես նաև բանկային վերահսկողության դեպարտամենտի և իրավաբանական վարչության եզրակացությունները քննարկվում են Կենտրոնական բանկի վերահսկողության և լիցենզավորման հանձնաժողովի նիստում: Նախաձեռնող անձինք (նրանց լիազոր ներկայացուցիչը (ներկայացուցիչները)) կամ օտարերկրյա բանկի ներկայացուցիչը նիստին մասնակցելու համար հրավիրվում են գրավոր:

Հանձնաժողովի եզրակացությունը ոչ ուշ, քան միջնորդագիրն ստանալու 25-րդ (օրացուցային) օրը, ներկայացվում է Կենտրոնական բանկի խորհրդի քննարկմանը:

3. Կենտրոնական բանկի խորհուրդը կարող է մերժել միջնորդագիրը, եթե`

ա) ստեղծվող բանկի կամ օտարերկրյա բանկի մասնաճյուղի գործունեությունը կհակասի օրենքներին կամ այլ իրավական ակտերին,

բ) բանկի կամ օտարերկրյա բանկի մասնաճյուղի գործունեության տնտեսական ծրագիրը չի համապատասխանում Կենտրոնական բանկի հաստատած ձևին,

գ) հետևյալ չափանիշերով հիմնավորված` բանկը, գործելով ծրագրին համապատասխան, ի վիճակի չի լինի բնականոն բանկային գործունեություն իրականացնել`

- բանկը չունի պրոֆեսիոնալ գործադիր մարմին,

- առկա են ներդրումների ծագման ոչ օրինական լինելը հաստատող ապացույցներ,

- տնտեսական ծրագրում առկա է ներկայացված տվյալների անհամապատասխանություն,

- բանկի ղեկավարների թեկնածուների վերաբերյալ առկա են «Բանկերի և բանկային գործունեության մասին» ՀՀ օրենքի 22-րդ հոդվածով և Կենտրոնական բանկի հաստատած ուղեցույցով նախատեսված` բանկի ղեկավարի թեկնածության մերժման համար նախատեսված հիմքերը,

- տնտեսական ծրագիրն անիրատեսական է:

4. Որոշակի տեղեկություններ ստանալու համար, Կենտրոնական բանկի խորհրդի որոշմամբ, միջնորդագրի քննության մեկամսյա ժամկետը կարող է կասեցվել: Անհրաժեշտ տեղեկությունների ստացումից հետո միջնորդագրի քննության ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը:

5. Կենտրոնական բանկի խորհրդի կողմից մեկամսյա ժամկետում դիմումը չմերժելու կամ մեկամսյա ժամկետը կասեցնելու մասին նախաձեռնող անձին (անձանց) կամ օտարերկրյա բանկին չտեղեկացնելու դեպքում նախնական հավանությունը համարվում է տրված:

6. Կենտրոնական բանկի խորհրդի կողմից բանկին կամ օտարերկրյա բանկի մասնաճյուղին նախնական հավանություն տալը ենթադրում է, որ նախնական հավանություն է տրվել նաև բանկի կանոնադրական հիմնադրամում նշանակալից մասնակցություններին:

 

Կ Ա Ն Ո Ն  8.1

 

Լիցենզիայի նախնական հավանության նախապատվությունը

     Հաշվի առնելով նոր հիմնադրվող բանկերի գործունեության սկզբնական շրջանում
 բանկային ռիսկերի (այդ թվում` շուկայական, տոկոսային, վարկային, կառավարման
 (մենեջմենթի) և այլ) առավել մեծ ներգործության, կատարվող կապիտալ
 ներդրումների զգալի մեծության արդյունքում հավանական կորուստների և վնասների
 առաջացումը, ինչպես նաև դրա հետ կապված` հիմնական տնտեսական նորմատիվների
 հնարավոր խախտումների կանխարգելման անհրաժեշտությունը` Կենտրոնական բանկի
 կողմից տրվող լիցենզիայի նախնական հավանության նախապատվություն կարող են
 ունենալ այն նախաձեռնող անձինք, որոնց կազմում ընդգրկված կլինեն միջազգային
 համբավ (ճանաչում), առաջնակարգ վարկանիշ ունեցող կազմակերպություններ,
 միջազգային ֆինանսական ինստիտուտներ, կամ որոնց ներկայացրած տնտեսական ծրագրով
 բանկի կանոնադրական հիմնադրամի չափը կկազմի առնվազն 5 միլիոն ԱՄՆ դոլարին
 համարժեք գումար:
(Կանոն 8.1-ը լրաց. 27.05.02 թիվ 178)

 

Գ Լ ՈՒ Խ  3

 

ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՈՒՄԸ

 

Կ Ա Ն Ո Ն  9

 

 ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՄԱՆ ՀԱՄԱՐ ՆԵՐԿԱՅԱՑՎՈՂ ՓԱՍՏԱԹՂԹԵՐԸ

 

Բանկը կամ օտարերկրյա բանկի մասնաճյուղը Կենտրոնական բանկի կողմից գրանցվելու համար ներկայացնում է հետևյալ փաստաթղթերը.

ա) գրանցման դիմում (հավելվածներ 5, 6), բանկի կամ օտարերկրյա բանկի մասնակիցների ընդհանուր ժողովի արձանագրությունը բանկի կամ օտարերկրյա բանկի մասնաճյուղի կանոնադրությունը հաստատելու և բանկի ղեկավարներ ընտրելու (նշանակելու) վերաբերյալ,

բ) ստեղծվող բանկի կամ օտարերկրյա բանկի մասնաճյուղի ղեկավարների կենսագրական տվյալները (հավելված 4),

գ) բանկի կանոնադրությունը կամ օտարերկրյա բանկի կողմից հաստատված օտարերկրյա բանկի մասնաճյուղի կանոնադրությունը,

դ) բանկի կամ օտարերկրյա բանկի մասնաճյուղի ղեկավարների ցուցակը, բանկի կամ օտարերկրյա բանկի մասնաճյուղի գործադիր տնօրենի (վարչության նախագահի) և գլխավոր հաշվապահի վավերացված ստորագրությունների նմուշները,

ե) տեղեկանք` բանկի կանոնադրական հիմնադրամում նշանակալից մասնակցություն ձեռք բերող իրավաբանական և ֆիզիկական անձանց վերաբերյալ (հավելվածներ 7, 8),

զ) բանկի կամ օտարերկրյա բանկի մասնաճյուղի գրանցման պետական տուրքի անդորրագիրը,

է) հիմնադիր-իրավաբանական անձի կամ իրավաբանական անձի կարգավիճակ չունեցող անձի (այսուհետև` իրավաբանական անձ) կառավարման լիազորված մարմնի որոշումը,

ը) քաղվածք` տվյալ երկրի առևտրային գրանցամատյանից, կամ օտարերկրյա ներդնողի իրավական կարգավիճակը հաստատող այլ համազոր փաստաթուղթ,

թ) իրավաբանական անձ-մասնակցի հիմնադիր փաստաթղթերը,

ժ) բանկի կամ օտարերկրյա բանկի մասնաճյուղի ֆիրմային անվանման գրանցման փաստաթղթի պատճենը:

 

Կ Ա Ն Ո Ն  10

 ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՈՒՄԸ ԿԱՄ ԳՐԱՆՑՄԱՆ ՄԵՐԺՈՒՄԸ

 

1. Սույն կանոնակարգի 9 կանոնով նախատեսված ամբողջական և բավարար փաստաթղթերն ստանալու պահից` օրենքով սահմանված մեկամսյա ժամկետում, Կենտրոնական բանկի խորհրդի որոշմամբ գրանցվում է բանկը կամ օտարերկրյա բանկի մասնաճյուղը, կամ մերժվում է դրանց գրանցումը:

Կենտրոնական բանկի կողմից պահանջվող որոշակի տեղեկություններ ստանալու համար գրանցման դիմումի քննության մեկամսյա ժամկետը կարող է կասեցվել անորոշ ժամկետով: Անհրաժեշտ տեղեկությունների ստացումից հետո միջնորդագրի քննության ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը:

Կենտրոնական բանկի կողմից մեկամսյա ժամկետում դիմումը չմերժելու կամ մեկամսյա ժամկետը կասեցնելու մասին անձին չտեղեկացնելու դեպքում բանկը համարվում է գրանցված: Կենտրոնական բանկը 5-օրյա (օրացուցային) ժամկետում այդ մասին գրավոր ծանուցում է իրավաբանական անձանց գրանցումն իրականացնող պետական լիազորված մարմնին:

2. Կենտրոնական բանկի խորհուրդը բանկի կամ օտարերկրյա բանկի մասնաճյուղի գրանցման մասին որոշում ընդունելուց հետո, օրենքով սահմանված եռօրյա (աշխատանքային) ժամկետում, հիմնադիրներին տալիս է գրանցման վկայական (հավելվածներ 9, 10):

3. Կենտրոնական բանկի խորհուրդը կարող է մերժել բանկի կամ օտարերկրյա բանկի մասնաճյուղի գրանցման միջնորդագիրը, եթե`

ա) ներկայացված փաստաթղթերում արտացոլվել են անարժանահավատ կամ կեղծ տվյալներ,

բ) ներկայացվել են ոչ ամբողջական կամ ոչ բավարար փաստաթղթեր:

4. Բանկը կամ օտարերկրյա բանկի մասնաճյուղը գրանցվում է միայն Կենտրոնական բանկում բացված համապատասխան հաշվում Կենտրոնական բանկի սահմանած` բանկերի կանոնադրական հիմնադրամի նվազագույն չափով միջոցների առկայության դեպքում: Կուտակման հաշվի միջոցները սառեցված են համարվում և չեն կարող տիրապետվել, տնօրինվել և օգտագործվել մինչև Կենտրոնական բանկում բանկի կանոնադրության գրանցումը կամ մերժումը:

 

Գ Լ ՈՒ Խ  4

 

ԲԱՆԿԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՏՐԱՄԱԴՐՈՒՄԸ

 

Կ Ա Ն Ո Ն  11

ԼԻՑԵՆԶԻԱ ՍՏԱՆԱԼՈՒ ԱՆՀՐԱԺԵՇՏ ՊԱՅՄԱՆՆԵՐԸ

 

1. Բանկը պարտավոր է Կենտրոնական բանկի նախնական հավանությունն ստանալու պահից մեկ տարվա ընթացքում (որի հաշվարկում չի ընդգրկվում կասեցման ժամկետը) լիցենզիա ստանալու համար դիմել Կենտրոնական բանկ: Դիմումը ստանալուց հետո մեկամսյա ժամկետում Կենտրոնական բանկը գրանցված բանկին կամ օտարերկրյա բանկի մասնաճյուղին լիցենզիա է տալիս, եթե բավարարվել են հետևյալ պայմանները.

ա) Կենտրոնական բանկի կողմից սահմանված` բանկի կանոնադրական հիմնադրամի նվազագույն չափի լրիվ համալրումը,

բ) բանկային գործունեության համար ձեռք բերված կամ վարձակալված տարածքը և դրա տեխնիկական հագեցվածությունը համապատասխանում են Կենտրոնական բանկի սահմանած պահանջներին և բանկի կամ օտարերկրյա բանկի մասնաճյուղի գործունեության տնտեսական ծրագրին,

գ) ստեղծվել են բանկի կամ օտարերկրյա բանկի մասնաճյուղի ներքին կազմակերպական կառուցվածքը և գործառնական համակարգը,

դ) բանկի ղեկավարներն ունեն սույն կանոնակարգի 22 կանոնով սահմանված կարգով ստացած որակավորման և մասնագիտական համապատասխանության վկայականներ և (կամ) անցել են Կենտրոնական բանկի խորհրդի կամ վերահսկողության և լիցենզավորման հանձնաժողովի նիստում հարցազրույց` սույն կանոնակարգի 26 կանոնի համաձայն,

ե) օտարերկրյա բանկի մասնաճյուղի համար` առկա է նաև օտարերկրյա բանկի գրանցման և հիմնական գործունեության վայրի երկրում բանկային վերահսկողության պետական մարմնի համաձայնությունը Հայաստանի Հանրապետությունում բանկային գործունեություն իրականացնելու համար,

զ) վճարվել է լիցենզիա ստանալու պետական տուրքը:

2. Բանկին կամ օտարերկրյա բանկի մասնաճյուղին լիցենզիա տալու դիմումը քննարկվում է Կենտրոնական բանկում սույն կանոնակարգի կանոն 8-ի 2-րդ կետով սահմանված կարգով:

3. Կենտրոնական բանկի կողմից պահանջվող բանկային գործունեության լիցենզիա ստանալու համար` որոշակի այլ պայմանների բավարարման համար լիցենզիա տալու դիմումի քննության մեկամսյա ժամկետը կարող է կասեցվել: Անհրաժեշտ տեղեկությունների ստացումից հետո միջնորդագրի քննության ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը:

4. Կենտրոնական բանկը կարող է մերժել բանկին լիցենզիայի տրամադրումը, եթե`

ա) բանկը գրանցելուց հետո բանկի ղեկավարների կողմից իրականացվել են ապօրինի, վարկաբեկիչ գործողություններ,

բ) փոփոխվել են բանկի կանոնադրական հիմնադրամում նշանակալից մասնակցություն ունեցող անձինք կամ նրանց ֆինանսական դրությունը,

գ) լիցենզիայի նախնական հավանություն տալուց, բանկի գրանցումից հետո էապես փոփոխվել են այն պայմանները, որոնց առկայության պարագայում բանկին տրվել էր նախնական հավանություն, մասնավորապես.

- փոխվել են բանկի մասնակիցները, ղեկավարները,

- լիցենզիա ստանալու համար ներկայացված փաստաթղթերում արտացոլվել են անարժանահավատ կամ կեղծ տվյալներ, կամ ներկայացվել են ոչ ամբողջական կամ ոչ բավարար փաստաթղթեր:

5. Բանկին լիցենզիայի տրամադրումը ենթադրում է, որ գրանցվել են նաև բանկի կանոնադրական հիմնադրամում նշանակալից մասնակցությունները և բանկի ղեկավարները:

 

Կ Ա Ն Ո Ն  12

 ԲԱՆԿԻ, ԲԱՆԿԻ ՄԱՍՆԱՃՅՈՒՂԻ ԿԱՄ ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ ՏԱՐԱԾՔԻ ԵՎ ՏԵԽՆԻԿԱԿԱՆ ՀԱԳԵՑՎԱԾՈՒԹՅԱՆ ՊԱՀԱՆՋՆԵՐԸ

 

Բանկը, բանկի մասնաճյուղը կամ օտարերկրյա բանկի մասնաճյուղը պետք է ունենա`

ա) սեփականության իրավունքով իրեն (իսկ օտարերկրյա բանկի մասնաճյուղի դեպքում` հիմնադիր բանկին) պատկանող կամ վարձակալությամբ վերցված առանձնացված տարածք` կողպվող դռնով: Տարածքի վարձակալության պայմանագիրը օրենսդրությամբ սահմանված կարգով պետք է կնքված լինի գրանցման համար փաստաթղթերը Կենտրոնական բանկ ներկայացնելու պահից առնվազն հինգ տարի ժամկետով:

բ) Կանխիկ դրամով և այլ արժեքներով գործառնություններ կատարելու, հաճախորդների դրամարկղային սպասարկումն իրականացնելու, կանխիկ դրամի ու այլ արժեքների հուսալի պահպանության համար դրամարկղային հանգույց` առանձնացված բանկի կառուցվածքային մյուս ստորաբաժանումներից, որի մեջ մտնում են`

- Կանխիկ դրամի և այլ արժեքների, գրավադրված և ի պահ ընդունված արժեքների պահպանության հիմնական դրամապահոց` իր նախադրամապահոցով: Դրամապահոցի բացակայության դեպքում անհրաժեշտ է ինկասացիոն ծառայության հետ կնքված պայմանագիր (եթե բանկը չունի ինկասացիոն ծառայություն)` նշված միջոցների ամենօրյա տեղափոխման, հանձնման համար, ինչպես նաև որևէ բանկի հետ կնքված պայմանագիր, եթե նշված միջոցները պահպանման են հանձնվելու այլ բանկ կամ այլ բանկի տարածքային ստորաբաժանում:

Դրամապահոցը կառուցվում է առանց պատուհանների և պետք է ունենա մեկ զրահապատ, չհրկիզվող դուռ: Դրամապահոցը չպետք է ունենա ընդհանուր պատ շենքի արտաքին և նույն շենքում տեղակայված այլ հաստատությունների պատերի հետ: Դրամապահոցը շենքի արտաքին կամ այլ հաստատությունների պատերին կից կառուցվելու դեպքում դրանց միջև պետք է լինի դիտողական միջանցք, որը հնարավորություն կտա դիտել դրամապահոցի պատերի ամբողջականությունը (հսկել անվտանգությունը):

Դրամապահոցի տակ նկուղային հարկերի առկայությունն անթույլատրելի է: Եթե դրամապահոցը շենքի վերջին հարկում է, կամ դրամապահոցի վերևում տեղակայված է այլ կազմակերպություն, ապա դրամապահոցի ծածկը պետք է առաստաղից բաժանված լինի դիտողական միջանցքով, որը հնարավորություն կտա դիտել և հսկել ծածկի ամբողջականությունը: 

 Գործառնական դրամարկղեր, հաճախորդներից ստացված դրամի և այլ արժեքների վերահաշվարկման, ինկասատորներից կանխիկ դրամի ընդունման և նրանց կանխիկ դրամի հանձնման, բանկի աշխատակցի հսկողության ներքո հաճախորդի կողմից ստացված գումարի վերահաշվարկման համար համապատասխան պայմաններով ապահովված տարածքներ:

գ) Պահպանիչ-հակահրդեհային ազդարարման, անվտանգության ահազանգման համակարգ, որի էլեկտրասնուցումը կատարվում է տարբեր աղբյուրներից, որոնցից մեկը կարող է լինել տեղային (լոկալ):

Բանկի, բանկի մասնաճյուղի կամ օտարերկրյա բանկի մասնաճյուղի տարածքի, ինչպես նաև դրամարկղային հանգույցի արտաքին և ներքին տարածքի շուրջօրյա պահպանությունն իրականացվում է Հայաստանի Հանրապետության օրենսդրությամբ սահմանված կարգով:

 

Կ Ա Ն Ո Ն  13

 ԲԱՆԿԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՆ

 

Բանկային գործունեության լիցենզիան (այսուհետև` լիցենզիա) Կենտրոնական բանկի կողմից բանկերին և օտարերկրյա բանկերի մասնաճյուղերին տրվող` բանկային գործունեություն իրականացնելու թույլտվությունը հավաստող փաստաթուղթ է (հավելվածներ 11, 12):

 

Գ Լ ՈՒ Խ  5

 

ԲԱՆԿԻ ՄԱՍՆԱՃՅՈՒՂԵՐԻ ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ

 

Կ Ա Ն Ո Ն  14

 ԲԱՆԿԻ ՄԱՍՆԱՃՅՈՒՂԵՐԻ ԳՐԱՆՑՄԱՆ ՀԱՄԱՐ ՆԵՐԿԱՅԱՑՎՈՂ ՓԱՍՏԱԹՂԹԵՐԸ

 

1. Հայաստանի Հանրապետության տարածքում բանկերի մասնաճյուղերը հիմնադրվում են «Բանկերի և բանկային գործունեության մասին» Հայաստանի Հանրապետության օրենքով և սույն կանոնակարգով սահմանված կարգով: Այլ պետությունների տարածքներում բանկերի մասնաճյուղերը հիմնադրվում են տվյալ պետության օրենսդրությանը համապատասխան:

2. Հայաստանի Հանրապետության տարածքում գործող բանկերի` Հայաստանի Հանրապետության տարածքում ստեղծվող մասնաճյուղերը գրանցվում են Կենտրոնական բանկի խորհրդի կողմից` Կենտրոնական բանկ ներկայացնելով հետևյալ փաստաթղթերը`

ա) բանկի միջնորդագիրը,

բ) բանկի մասնակիցների ընդհանուր ժողովի կամ կառավարման իրավասու այլ մարմնի որոշումը, կամ արձանագրությունից քաղվածք` մասնաճյուղ բացելու մասին,

գ) մասնաճյուղի հաստատված կանոնադրությունը (3 օրինակ)` սույն կանոնի 3-րդ մասով նախատեսված դրույթներով,

դ) բանկի մասնաճյուղի առաջարկվող ղեկավարների կենսագրական տվյալները (հավելված 4), ինչպես նաև մասնագիտական համապատասխանության և որակավորման վկայականի պատճենը,

ե) ստեղծվող մասնաճյուղի գործունեության տնտեսական ծրագիրը,

զ) մասնաճյուղի տարածքի սեփականության իրավունքի վկայականի պատճենը կամ փաստաթղթերը Կենտրոնական բանկ ներկայացնելու պահից առնվազն հինգ տարի ժամկետով կնքված, համապատասխան պետական մարմնում գրանցված վարձակալության (ենթավարձակալության) պայմանագիր: Ենթավարձակալության պայմանագրի դեպքում անհրաժեշտ է ներկայացնել նաև հիմնական վարձակալության պայմանագրի պատճենը,

է) մասնաճյուղի գրանցման պետական տուրքի վճարման անդորրագիրը:

3. Բանկի մասնաճյուղի կանոնադրությունը պետք է պարունակի հետևյալ դրույթները.

ա) հիմնադիր բանկի անվանումը,

բ) մասնաճյուղի լրիվ և կրճատ անվանումը,

գ) մասնաճյուղի գործունեության վայրը,

դ) մասնաճյուղի ղեկավարների լիազորությունները,

ե) մասնաճյուղի նկատմամբ հիմնադիր բանկի կողմից հսկողություն իրականացնելու կարգը,

զ) բանկի կողմից մասնաճյուղին տրված լիազորությունները,

է) մասնաճյուղի կողմից իրականացվող ֆինանսական գործառնությունները,

ը) մասնաճյուղի լուծարման կարգը:

4. Հայաստանի Հանրապետության տարածքում գործող բանկերը Հայաստանի Հանրապետության տարածքից դուրս մասնաճյուղեր ստեղծելիս ստանում են Կենտրոնական բանկի համաձայնությունը` ներկայացնելով հիմնադիր բանկի միջնորդագիրը, մասնաճյուղի ստեղծման տնտեսական ծրագիրը, իսկ համապատասխան երկրի օրենսդրությամբ սահմանված կարգով այլ երկրում գրանցվելուց (լիցենզավորվելուց, արտոնագրվելուց) հետո հաշվառվում են Կենտրոնական բանկում` ներկայացնելով գրանցման (լիցենզավորման, արտոնագրման) փաստը վկայող փաստաթուղթ:

5. Մասնաճյուղի գլխամասի հետ կապող համակարգչային ցանցը միացվում է մասնաճյուղի գրանցվելուց հետո` մասնաճյուղի գրանցման մասին Կենտրոնական բանկի խորհրդի որոշմամբ սահմանված ժամկետում:

 

Կ Ա Ն Ո Ն  15

ԲԱՆԿԻ ՄԱՍՆԱՃՅՈՒՂԻ ԳՈՐԾՈՒՆԵՈՒԹՅԱՆ ՏՆՏԵՍԱԿԱՆ ԾՐԱԳԻՐԸ

 

1. Բանկի մասնաճյուղի տնտեսական ծրագրում պետք է ներկայացվի ստեղծվող մասնաճյուղի նախատեսվող գործունեության վերաբերյալ տեղեկատվություն: Ծրագրում բերված բոլոր կանխատեսումները պետք է հիմնավորված լինեն կոնկրետ հաշվարկներով, վերլուծություններով և բխեն բանկի հեռանկարային զարգացման ռազմավարական ծրագրից:

2. Բանկի մասնաճյուղի գործունեության տնտեսական ծրագիրը հաստատվում է հիմնադիր բանկի իրավասու մարմնի կողմից:

3. Բանկի մասնաճյուղի գործունեության տնտեսական ծրագիրը (հավելված 13) բաղկացած է հետևյալ բաժիններից`

- ընդհանուր դրույթներ,

- ներքին կազմակերպական կառուցվածքը,

- ֆինանսական գործառնությունները և գործունեության հիմնական ուղղությունները,

- ակտիվների ու պասիվների մոտավոր կազմը և կառուցվածքը,

- եկամուտների և ծախսերի պլանային հաշվարկը:

15.1. Ընդհանուր դրույթներ.

ա) բանկի մասնաճյուղի գտնվելու վայրը,

բ) այն նկատառումները, որոնցից ելնելով` հիմնադիր բանկը որոշել է մասնաճյուղ բացել,

գ) այն շուկաների նկարագիրը, որոնցում մասնաճյուղը պատրաստվում է ծավալել իր գործունեությունը,

դ) տեղեկություններ մասնաճյուղին տարածք տրամադրելու և նրա տեխնիկական հագեցվածության մասին:

15.2. Ներքին կազմակերպական կառուցվածքը.

ա) մասնաճյուղի կառավարման ներքին կազմակերպական կառուցվածքը, կառուցվածքային ստորաբաժանումների թվարկումը և դրանց փոխհարաբերությունները,

բ) մասնաճյուղի ղեկավարների (կառավարիչ, գլխավոր հաշվապահ) իրավունքներն ու պարտականությունները,

գ) աշխատակազմի մասնագիտական որակավորման մակարդակը, ընդունակությունները և աշխատանքային փորձը, մասնաճյուղի աշխատակիցների նախատեսվող աշխատավարձերը:

15.3. Ֆինանսական գործառնությունները և գործունեության հիմնական ուղղությունները.

ա) մասնաճյուղի գործունեության հիմնական ուղղությունները, հիմնադիր բանկի կողմից թույլատրվող ֆինանսական գործառնությունների ցանկը և դրանց համառոտ նկարագիրը,

բ) մասնաճյուղի հավանական հաճախորդների կազմն ըստ խմբերի:

15.4. Ակտիվների, պասիվների մոտավոր կազմը և կառուցվածքը.

Ակտիվների ու պասիվների կազմը և կառուցվածքը առաջիկա 2 ֆինանսական տարիների կտրվածքով, հիմնական միջոցների ներդրումը:

15.5. Եկամուտների և ծախսերի պլանային հաշվարկը.

ա) եկամուտների և ծախսերի կանխատեսումներն առաջին երկու տարվա համար (հավելված 13, ձև 1),

բ) եկամուտների կազմը և կառուցվածքը,

գ) ծախսերի կազմը և կառուցվածքը:

4. Հիմնադիր բանկի հայեցողությամբ` ծրագիրը կարող է բովանդակել նաև այնպիսի տեղեկություններ, որոնք վերջինս նպատակահարմար է համարում տնտեսական ծրագրի հիմնավորման առումով:

5. Տնտեսական ծրագրին կցվում է հաշվեկշռի նախագիծը գործունեության առաջին երկու ֆինանսական տարվա համար (հավելված 13, ձև 2):

6. Այլ տեղեկությունները, որոնց վերաբերյալ սույն կանոնակարգով սահմանված չեն պահանջվող ձևեր, կարող են ներկայացվել ազատ ոճով:

 

Կ Ա Ն Ո Ն  16

ԲԱՆԿԻ ՄԱՍՆԱՃՅՈՒՂԵՐԻ ԳՐԱՆՑՈՒՄԸ ԿԱՄ ԳՐԱՆՑՄԱՆ ՄԵՐԺՈՒՄԸ

 

1. Բանկի կողմից բանկի մասնաճյուղի գրանցման համար անհրաժեշտ փաստաթղթերը ներկայացնելուց հետո` օրենքով սահմանված մեկամսյա ժամկետում, Կենտրոնական բանկի խորհրդի որոշմամբ, մասնաճյուղը գրանցվում է, և տրվում է գրանցման վկայական (հավելված 14):

2. Կենտրոնական բանկի խորհուրդը կարող է մերժել բանկի` Հայաստանի Հանրապետության տարածքում ստեղծվող մասնաճյուղի գրանցման միջնորդագիրը, եթե`

ա) ներկայացված փաստաթղթերում արտացոլվել են անարժանահավատ կամ կեղծ տվյալներ,

բ) փաստաթղթերը ներկայացվել են թերի,

գ) բանկի մասնաճյուղի տարածքը և տեխնիկական հագեցվածությունը չեն համապատասխանում սույն կանոնակարգի 12 կանոնով նախատեսված պահանջներին,

դ) բանկի մասնաճյուղի ղեկավարների որակավորումը չի համապատասխանում Կենտրոնական բանկի սահմանած չափանիշերին,

ե) մասնաճյուղի գրանցման փաստաթղթերը Կենտրոնական բանկ ներկայացնելու պահին նախորդող մեկ տարվա ընթացքում բանկը խախտել է հիմնական տնտեսական նորմատիվները,

զ) բանկի ցուցանիշերի ամփոփ գնահատականը (CAMELS) ցածր է Կենտրոնական բանկի սահմանած չափից,

է) Կենտրոնական բանկի հիմնավոր կարծիքով` մասնաճյուղի բացումը կհանգեցնի բանկի ֆինանսական վիճակի վատթարացմանը:

3. Կենտրոնական բանկի խորհուրդը կարող է համաձայնություն չտալ Հայաստանի Հանրապետության տարածքում գործող բանկի` Հայաստանի Հանրապետության տարածքից դուրս ստեղծվող մասնաճյուղի ստեղծմանը, եթե`

ա) ներկայացված փաստաթղթերում արտացոլվել են անարժանահավատ կամ կեղծ տվյալներ,

բ) փաստաթղթերը ներկայացվել են թերի,

գ) մասնաճյուղի գրանցման փաստաթղթերը Կենտրոնական բանկ ներկայացնելու պահին նախորդող մեկ տարվա ընթացքում բանկը խախտել է հիմնական տնտեսական նորմատիվները,

դ) բանկի ցուցանիշերի ամփոփ գնահատականը (CAMELS) ցածր է Կենտրոնական բանկի սահմանած չափից,

ե) Կենտրոնական բանկի հիմնավոր կարծիքով` մասնաճյուղի բացումը կվատթարացնի բանկի ֆինանսական վիճակը,

զ) մասնաճյուղը ստեղծելու դեպքում բանկը չի ապացուցում տվյալ երկրում մասնաճյուղ բացելու անհրաժեշտությունը և, Կենտրոնական բանկի խորհրդի կարծիքով, ծրագրավորում է շրջանառել հանցավոր ճանապարհով ձեռք բերված միջոցները:

4. Սույն հոդվածով նախատեսված փաստաթղթերը ներկայացնելուց հետո` մեկամսյա ժամկետում, Կենտրոնական բանկը գրանցում է մասնաճյուղը և տալիս գրանցման վկայական, իսկ գրանցումը մերժելու դեպքում` մերժման հիմքերի մասին 10-օրյա ժամկետում տեղեկացնում է բանկին: Կենտրոնական բանկի կողմից պահանջվող որոշակի տեղեկություններ ստանալու համար գրանցման դիմումի քննության մեկամսյա ժամկետը կարող է կասեցվել: Անհրաժեշտ տեղեկությունների ստացումից հետո միջնորդագրի քննության ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը:

Կենտրոնական բանկի կողմից մեկամսյա ժամկետում դիմումը չմերժելու կամ մեկամսյա ժամկետը կասեցնելու մասին բանկին չտեղեկացնելու դեպքում մասնաճյուղը համարվում է գրանցված:

 

Կ Ա Ն Ո Ն  17

ԲԱՆԿԻ ԿԱՄ ՕՏԱՐԵՐԿՐՅԱ ԲԱՆԿԻ ՆԵՐԿԱՅԱՑՈՒՑՉՈՒԹՅԱՆ ԳՐԱՆՑՄԱՆ ՀԱՄԱՐ ՆԵՐԿԱՅԱՑՎՈՂ ՓԱՍՏԱԹՂԹԵՐԸ: ԳՐԱՆՑՈՒՄԸ ԿԱՄ ԳՐԱՆՑՄԱՆ ՄԵՐԺՈՒՄԸ

 

1. Հայաստանի Հանրապետության տարածքում գործող բանկերը Հայաստանի Հանրապետության տարածքում ներկայացուցչություններ գրանցելու համար Կենտրոնական բանկ են ներկայացնում հետևյալ փաստաթղթերը`

ա) հիմնադիր բանկի միջնորդագիրը,

բ) ներկայացուցչություն բացելու հիմնավորումը,

գ) բանկի մասնակիցների ընդհանուր ժողովի կամ կառավարման իրավասու այլ մարմնի որոշումը կամ արձանագրությունից քաղվածք` ներկայացուցչություն բացելու մասին,

դ) ներկայացուցչության կանոնադրությունը:

2. Հայաստանի Հանրապետության տարածքում օտարերկրյա բանկի ներկայացուցչություն գրանցելու համար ներկայացվում են սույն կանոնի 1-ին մասով նախատեսված փաստաթղթերը, տեղեկանք օտարերկրյա բանկը լիցենզավորող մարմնից` տվյալ օտարերկրյա բանկի բանկային գործունեության լիցենզիայի առկայության մասին, օտարերկրյա բանկի կանոնադրության պատճենը:

3. Ներկայացուցչությունը գրանցելու միջնորդագիրը ներկայացնելուց հետո` օրենքով սահմանված մեկամսյա ժամկետում, Կենտրոնական բանկի նախագահի հրամանով ներկայացուցչությունը գրանցվում է, և դրան տրվում է գրանցման վկայական (հավելված 15):

4. Հայաստանի Հանրապետության տարածքում գործող բանկերը Հայաստանի Հանրապետության տարածքից դուրս ներկայացուցչություններ ստեղծելիս ստանում են Կենտրոնական բանկի համաձայնությունը` ներկայացնելով հետևյալ փաստաթղթերը.

ա) հիմնադիր բանկի միջնորդագիրը,

բ) ներկայացուցչություն բացելու հիմնավորումը:

Համապատասխան երկրի օրենսդրությամբ սահմանված կարգով այլ երկրում գրանցվելուց (լիցենզավորվելուց, արտոնագրվելուց) հետո Հայաստանի Հանրապետության տարածքում գործող բանկերի` Հայաստանի Հանրապետության տարածքից դուրս ներկայացուցչությունները հաշվառվում են Կենտրոնական բանկում` ներկայացնելով գրանցման (լիցենզավորման, արտոնագրման) փաստը վկայող փաստաթուղթ:

Անհրաժեշտության դեպքում Կենտրոնական բանկը կարող է պահանջել լրացուցիչ փաստաթղթեր:

5. Կենտրոնական բանկի նախագահը կարող է մերժել բանկի կամ օտարերկրյա բանկի` Հայաստանի Հանրապետության տարածքում ստեղծվող ներկայացուցչության գրանցման միջնորդագիրը կամ համաձայնություն չտալ Հայաստանի Հանրապետության տարածքում գործող բանկի` Հայաստանի Հանրապետության տարածքից դուրս ստեղծվող ներկայացուցչության ստեղծմանը, եթե`

ա) ներկայացված փաստաթղթերում արտացոլվել են անարժանահավատ կամ կեղծ տվյալներ,

բ) փաստաթղթերը ներկայացվել են թերի,

գ) Կենտրոնական բանկի հիմնավոր կարծիքով` ներկայացուցչության բացումը կհանգեցնի բանկի ֆինանսական վիճակի վատթարացմանը (ՀՀ տարածքում գործող բանկերի ներկայացուցչությունների համար),

դ) ներկայացուցչության գրանցման փաստաթղթերը Կենտրոնական բանկ ներկայացնելու պահին նախորդող մեկ տարվա ընթացքում բանկը խախտել է հիմնական տնտեսական նորմատիվները (ՀՀ տարածքում գործող բանկերի ներկայացուցչությունների համար),

ե) բանկի ցուցանիշերի ամփոփ գնահատականը (CAMELS) ցածր է Կենտրոնական բանկի սահմանած չափից (ՀՀ տարածքում գործող բանկերի ներկայացուցչությունների համար):

6. Սույն հոդվածով նախատեսված փաստաթղթերը ներկայացնելուց հետո` մեկամսյա ժամկետում, Կենտրոնական բանկը գրանցում է ներկայացուցչությունը և տալիս գրանցման վկայական, իսկ գրանցումը մերժելու դեպքում` մերժման հիմքերի մասին 10-օրյա ժամկետում տեղեկացնում է բանկին: Կենտրոնական բանկի կողմից պահանջվող որոշակի տեղեկություններ ստանալու համար գրանցման դիմումի քննության մեկամսյա ժամկետը կարող է կասեցվել: Անհրաժեշտ տեղեկությունների ստացումից հետո միջնորդագրի քննության ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը:

7. Կենտրոնական բանկի կողմից մեկամսյա ժամկետում դիմումը չմերժելու կամ մեկամսյա ժամկետը կասեցնելու մասին բանկին չտեղեկացնելու դեպքում ներկայացուցչությունը համարվում է գրանցված:

 

Կ Ա Ն Ո Ն  18

ԲԱՆԿԻ ՄԱՍՆԱՃՅՈՒՂԵՐԻ ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ԺԱՄԱՆԱԿԱՎՈՐ ԴԱԴԱՐԵՑՈՒՄԸ

 

1. Բանկը կարող է ժամանակավորապես դադարեցնել իր մասնաճյուղի կամ ներկայացուցչության գործունեությունը, բայց ոչ ավելի, քան մեկ տարի ժամանակով:

2. Բանկի տարածքային ստորաբաժանման գործունեության ժամանակավոր դադարեցման թույլտվություն ստանալու համար բանկը Կենտրոնական բանկ է ներկայացնում հետևյալ փաստաթղթերը.

ա) բանկի տարածքային ստորաբաժանման գործունեության ժամանակավոր դադարեցման թույլտվություն ստանալու միջնորդագիր` բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով,

բ) բանկի իրավասու մարմնի որոշումը` բանկի տարածքային ստորաբաժանման գործունեության ժամանակավոր դադարեցման մասին,

գ) բանկի տարածքային ստորաբաժանման գործունեության ժամանակավոր դադարեցման հիմնավորումները,

դ) բանկի տարածքային ստորաբաժանման ակտիվների և պարտավորությունների փոխանցումը հավաստող փաստաթուղթ (մասնաճյուղերի համար):

3. Կենտրոնական բանկի խորհուրդը կարող է մերժել մասնաճյուղի ժամանակավոր դադարեցումը, եթե.

ա) ներկայացված փաստաթղթերում արտացոլվել են անարժանահավատ կամ կեղծ տվյալներ,

բ) փաստաթղթերը ներկայացվել են թերի,

գ) Կենտրոնական բանկի հիմնավոր կարծիքով` բանկի հաճախորդների հետագա բնականոն սպասարկումն ապահովված չէ,

դ) տվյալ տարածաշրջանում բացակայում է բանկային ծառայությունների մատուցումը որևէ բանկի կողմից (մասնաճյուղերի համար):

4. Սույն հոդվածով նախատեսված փաստաթղթերը ներկայացնելուց հետո` 20-օրյա ժամկետում, Կենտրոնական բանկի խորհուրդը տալիս է իր համաձայնությունը բանկի տարածքային ստորաբաժանման գործունեության ժամանակավոր դադարեցման մասին կամ մերժում` մերժման հիմքերի մասին 10-օրյա ժամկետում տեղեկացնելով բանկին: Կենտրոնական բանկի կողմից պահանջվող որոշակի տեղեկություններ ստանալու համար բանկի տարածքային ստորաբաժանման գործունեության ժամանակավոր դադարեցման դիմումի քննության 20-օրյա ժամկետը կարող է կասեցվել: Անհրաժեշտ տեղեկությունների ստացումից հետո միջնորդագրի քննության ժամկետը չպետք է գերազանցի մինչև կասեցումն ընկած օրերի և 20-օրյա ժամկետի տարբերությամբ առաջացող օրերի քանակը:

Կենտրոնական բանկի կողմից 20-օրյա ժամկետում դիմումը չմերժելու կամ նշված ժամկետում կասեցնելու մասին բանկին չտեղեկացնելու դեպքում մասնաճյուղի կամ ներկայացուցչության գործունեությունը համարվում է ժամանակավորապես դադարեցված:

5. Տարածքային ստորաբաժանման գործունեությունը ժամանակավորապես դադարեցնելու վերաբերյալ Կենտրոնական բանկի խորհրդի որոշումն ստանալուց հետո բանկը պարտավոր է տարածքային ստորաբաժանման գործունեությունը ժամանակավորապես դադարեցնելու մասին տեղեկատվությունը հրապարակել առնվազն երկու հազար տպաքանակ ունեցող հանրապետական մամուլում:

 

Կ Ա Ն Ո Ն  19

ԲԱՆԿԻ ՄԱՍՆԱՃՅՈՒՂԵՐԻ ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ԴԱԴԱՐԵՑՄԱՆ ԳՐԱՆՑՄԱՆ ՀԱՄԱՐ ՆԵՐԿԱՅԱՑՎՈՂ ՓԱՍՏԱԹՂԹԵՐԸ, ԴՐԱՆՑ ԳՐԱՆՑՈՒՄԸ ԿԱՄ ԳՐԱՆՑՄԱՆ ՄԵՐԺՈՒՄԸ

 

1. Բանկի տարածքային ստորաբաժանումների` մասնաճյուղերի և ներկայացուցչությունների գործունեության դադարեցման դեպքում բանկը Կենտրոնական բանկ է ներկայացնում հետևյալ փաստաթղթերը`

ա) մասնաճյուղը կամ ներկայացուցչությունը գրանցումից հանելու մասին միջնորդագիր` բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով,

բ) մասնաճյուղի կամ ներկայացուցչության գործունեության դադարեցման մասին իրավասու մարմնի որոշումը կամ արձանագրությունը,

գ) բանկի փոփոխված կանոնադրությունը (3 օրինակից)` անհրաժեշտության դեպքում,

դ) բանկի տարածքային ստորաբաժանման ակտիվների և պարտավորությունների փոխանցումը հաստատող փաստաթուղթ,

ե) մասնաճյուղի կամ ներկայացուցչության գրանցման վկայականը:

2. Սույն կանոնով նախատեսված փոփոխությունների գրանցման համար ներկայացված փաստաթղթերը քննարկվում են սույն կանոնակարգի 24 կանոնով նախատեսված կարգով:

3. Կենտրոնական բանկի խորհուրդը կարող է մերժել կամ հետաձգել բանկի մասնաճյուղի գործունեության դադարեցման գրանցումը, եթե`

ա) ներկայացված փաստաթղթերում արտացոլվել են անարժանահավատ կամ կեղծ տվյալներ,

բ) փաստաթղթերը ներկայացվել են թերի,

գ) Կենտրոնական բանկի կարծիքով` բանկի հաճախորդների հետագա բնականոն սպասարկումն ապահովված չէ:

դ) տվյալ տարածաշրջանում բացակայում է բանկային ծառայությունների մատուցումը որևէ բանկի կողմից (մասնաճյուղերի համար):

4. Տարածքային ստորաբաժանման գործունեության դադարեցման վերաբերյալ Կենտրոնական բանկի խորհրդի որոշումն ստանալուց հետո բանկը պարտավոր է տարածքային ստորաբաժանման գործունեությունը դադարեցնելու մասին տեղեկատվությունը հրապարակել առնվազն երկու հազար տպաքանակ ունեցող հանրապետական մամուլում:

 

Կ Ա Ն Ո Ն  20

 ԲԱՆԿԻ ԱՎՏՈՄԱՏ ԳԱՆՁՄԱՆ ՍԱՐՔԵՐԸ (ԲԱՆԿՈՄԱՏՆԵՐԸ)

 

Բանկը մինչև ավտոմատ գանձման սարքի (բանկոմատի) գործարկումը պարտավոր է դիմել Կենտրոնական բանկին` ավտոմատ գանձման սարքի գործարկման համար համաձայնություն ստանալու նպատակով: Բանկը պարտավոր է միջնորդագրին կից ներկայացնել`

ա) ավտոմատ գանձման սարքի (բանկոմատի) տեղադրման վայրը (հասցեն և կոնկրետ տեղը),

բ) ավտոմատ գանձման սարքի ձեռքբերման և գործարկման համար նախատեսվող ծախսերը:

Կենտրոնական բանկը կարող է համաձայնություն չտալ բանկի կողմից ավտոմատ գանձման սարքի տեղադրմանը, եթե Կենտրոնական բանկի կարծիքով` տեղադրման հետ կապված ծախսերը կհանգեցնեն բանկի ֆինանսական վիճակի վատթարացմանը:

 

Գ Լ ՈՒ Խ  6

 

ԲԱՆԿԻ ԿԱՆՈՆԱԴՐԱԿԱՆ ՀԻՄՆԱԴՐԱՄՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՈՒՆԵՆԱԼՈՒՆ ՆԱԽՆԱԿԱՆ ՀԱՄԱՁԱՅՆՈՒԹՅՈՒՆ ՏԱԼԸ ԵՎ ԳՐԱՆՑԵԼԸ

 

Կ Ա Ն Ո Ն  21

ԲԱՆԿԻ ԿԱՆՈՆԱԴՐԱԿԱՆ ՀԻՄՆԱԴՐԱՄՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՈՒՆԵՆԱԼՈՒՆ ՆԱԽՆԱԿԱՆ ՀԱՄԱՁԱՅՆՈՒԹՅՈՒՆ ՏԱԼԸ

 

1. Բանկի` ձայնի իրավունք տվող բաժնետոմսերի 10 և ավելի տոկոսը, ինչպես նաև բանկի` ձայնի իրավունք տվող բաժնետոմսերի մինչև 10 տոկոսը և ձայնի իրավունք չտվող մասնակցություն ակնկալող իրավաբանական անձ-մասնակիցը կամ նրա հետ փոխկապակցված մասնակիցները, որի.

ա) բաժնետերը կամ բաժնետերերից մեկը, ղեկավարը կամ ղեկավարներից մեկը Հայաստանի Հանրապետության Ազգային ժողովի պատգամավոր են կամ վերջին 5 տարիների ընթացքում եղել են Հայաստանի Հանրապետության Ազգային ժողովի պատգամավոր,

բ) բաժնետերը կամ բաժնետերերից մեկը, ղեկավարը կամ ղեկավարներից մեկը ՀՀ նախարարներ են, նրանց տեղակալներ կամ վերջին 5 տարիների ընթացքում եղել են ՀՀ նախարարներ, նրանց տեղակալներ,

գ) բաժնետերը կամ բաժնետերերից մեկը, ղեկավարը կամ ղեկավարներից մեկը վերջին 5 տարիների ընթացքում եղել են Կենտրոնական բանկի խորհրդի անդամ կամ Կենտրոնական բանկի կառուցվածքային ստորաբաժանումների ղեկավար,

դ) բաժնետերը կամ բաժնետերերից մեկը, ղեկավարը կամ ղեկավարներից մեկը բանկի խորհրդի, վարչության նախագահ կամ գործադիր տնօրեն են, նրանց տեղակալներ, կամ վերջին 5 տարիների ընթացքում եղել են բանկի խորհրդի, վարչության նախագահ, գործադիր տնօրեն կամ նրանց տեղակալներ,

պարտավոր է մինչև տվյալ մասնակցությունը ձեռք բերելը դիմել Կենտրոնական բանկ` նախնական համաձայնություն ստանալու համար, ներկայացնելով հետևյալ փաստաթղթերը`

ա) իրավաբանական անձի և/կամ փոխկապակցված անձանց կողմից բանկի կանոնադրական հիմնադրամում նշանակալից մասնակցություն ձեռք բերելու համար իրավաբանական անձի միջնորդագիրը,

բ) բանկի միջնորդությունը իրավաբանական անձի կամ փոխկապակցված անձանց կողմից բանկի կանոնադրական հիմնադրամում նշանակալից մասնակցություն ձեռք բերող անձանց համաձայնություն տալու համար` բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով,

գ) բանկի իրավասու մարմնի որոշումը բաժնետիրոջ ներգրավմանը կամ բաժնեմասի ավելացմանը համաձայնություն տալու մասին,

դ) կանոնադրական հիմնադրամում նշանակալից մասնակցություն ձեռք բերող իրավաբանական անձի (և նրա հետ փոխկապակցված անձանց) կառավարման բարձրագույն մարմնի որոշումը: Եթե մասնակցությունը ձեռք է բերվում իրար հետ փոխկապակցված իրավաբանական անձանց կողմից, ապա պահանջվում է նրանցից յուրաքանչյուրի կառավարման մարմնի որոշումը,

ե) կանոնադրական հիմնադրամում նշանակալից մասնակցություն ձեռք բերող իրավաբանական անձի (և նրա հետ փոխկապակցված անձանց) կանոնադրությունը և գրանցման պահից մինչև նշանակալից մասնակցության գրանցման դիմելու պահը կանոնադրությունում կատարված փոփոխությունները,

զ) բանկի կանոնադրական հիմնադրամում նշանակալից մասնակցություն ձեռք բերող իրավաբանական անձի (և նրա հետ փոխկապակցված անձանց) բաժնետերերի ցուցակը` համապատասխան կշիռներով,

է) կանոնադրական հիմնադրամում նշանակալից մասնակցություն ձեռք բերող իրավաբանական անձի և նրա հետ փոխկապակցված անձանց ղեկավարների ցուցակն ու յուրաքանչյուր ղեկավարի կենսագրական տվյալները (հավելված 4),

ը) իրավաբանական անձի և նրա հետ փոխկապակցված անձանց` վերջին երեք տարիների հաշվետու ժամանակաշրջանի`

- հաշվապահական հաշվեկշիռը,

- ֆինանսական արդյունքների մասին հաշվետվությունը,

- դրամական միջոցների հոսքերի մասին հաշվետվությունը,

- սեփական կապիտալում փոփոխությունների մասին հաշվետվությունը,

թ) վերջին տարվա ֆինանսական հաշվետվությունների արժանահավատությունը հաստատող անկախ աուդիտորական եզրակացությունը` «Հաշվապահական հաշվառման մասին» ՀՀ օրենքին (օտարերկրյա իրավաբանական անձանց համար` հաշվապահական հաշվառման միջազգային ստանդարտներին) համապատասխան,

ժ) տեղեկանք պետական լիազորված մարմնի կողմից` դատարանի որոշմամբ սնանկ ճանաչված չլինելու վերաբերյալ (օտարերկրյա իրավաբանական անձանց համար` տեղեկանք տվյալ երկրի իրավասու մարմնից),

ժա) հայտարարություն` բանկի այլ բաժնետերերի հետ փոխկապակցվածության վերաբերյալ,

ժբ) իր դիրքորոշումը` բանկի կողմից Կենտրոնական բանկ ներկայացված վերջին բիզնես-ծրագրում փոփոխություններ կատարելու կամ անփոփոխ թողնելու վերաբերյալ, իսկ փոփոխությունների առկայության դեպքում` նշված փոփոխությունների ներկայացում,

ժգ) «Բանկերի և բանկային գործունեության մասին» Հայաստանի Հանրապետության օրենքի 18-րդ և 40-րդ հոդվածներում նշված հիմքերի բացակայությունը հիմնավորող և դրանց հետ առնչվող այլ փաստաթղթեր,

ժդ) տեղեկանք` բանկի կանոնադրական հիմնադրամում նշանակալից մասնակցություն ձեռք բերող իրավաբանական անձի վերաբերյալ (հավելված 7):

2. Բանկի` ձայնի իրավունք տվող բաժնետոմսերի 10 և ավելի տոկոսը, ինչպես նաև բանկի` ձայնի իրավունք տվող բաժնետոմսերի մինչև 10 տոկոսը և ձայնի իրավունք չտվող մասնակցություն ակնկալող ֆիզիկական անձ-մասնակիցը կամ նրա հետ փոխկապակցված մասնակիցը, որը`

ՀՀ Ազգային ժողովի պատգամավոր է կամ վերջին 5 տարիների ընթացքում եղել է ՀՀ Ազգային ժողովի պատգամավոր, ՀՀ նախարար է, նրա տեղակալ կամ վերջին 5 տարիների ընթացքում եղել է ՀՀ նախարար կամ նրա տեղակալ, վերջին 5 տարիների ընթացքում եղել է Կենտրոնական բանկի խորհրդի անդամ, Կենտրոնական բանկի կառուցվածքային ստորաբաժանման ղեկավար, բանկի խորհրդի, վարչության նախագահ կամ նրանց տեղակալ, գործադիր տնօրեն կամ նրա տեղակալ է կամ վերջին 5 տարիների ընթացքում եղել է բանկի խորհրդի, վարչության նախագահ կամ նրանց տեղակալ, գործադիր տնօրեն կամ նրա տեղակալ,

պարտավոր է դիմել Կենտրոնական բանկ` նախնական համաձայնություն ստանալու համար, ներկայացնելով հետևյալ փաստաթղթերը.

ա) ֆիզիկական անձի կամ փոխկապակցված անձանց կողմից բանկի կանոնադրական հիմնադրամում նշանակալից մասնակցություն ձեռք բերելու համար դիմում,

բ) բանկի միջնորդությունը` անձի կամ փոխկապակցված անձանց կողմից բանկի կանոնադրական հիմնադրամում նշանակալից մասնակցություն ունեցող անձանց համաձայնություն տալու վերաբերյալ` բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով,

գ) բանկի իրավասու մարմնի որոշումը բաժնետերի ներգրավմանը կամ բաժնեմասի ավելացմանը համաձայնություն տալու մասին,

դ) տեղեկանք բանկի կանոնադրական հիմնադրամում նշանակալից մասնակցություն ձեռք բերող ֆիզիկական անձի վերաբերյալ (հավելված 8),

ե) «Բանկերի և բանկային գործունեության մասին» ՀՀ օրենքի 18-րդ և 40-րդ հոդվածներում նշված հիմքերի բացակայությունը հիմնավորող և դրանց հետ առնչվող այլ փաստաթղթեր,

զ) հայտարարություն` բանկի այլ բաժնետերերի հետ փոխկապակցվածության վերաբերյալ,

է) իր դիրքորոշումը` բանկի կողմից Կենտրոնական բանկ ներկայացված վերջին բիզնես-ծրագրում փոփոխություններ կատարելու կամ անփոփոխ թողնելու վերաբերյալ, իսկ փոփոխությունների առկայության դեպքում` նշված փոփոխությունների ներկայացում,

ը) հայտարարագիր` ներդրվող գումարների աղբյուրների վերաբերյալ,

թ) հայտարարություն` չմարված պարտավորությունների բացակայության մասին:

3. Կենտրոնական բանկի խորհուրդը մերժում է դիմումը` տասնօրյա ժամկետում ծանուցելով դիմողին, եթե`

ա) անձը դիտավորությամբ կատարված հանցագործություն կատարելու համար դատվածություն ունի,

բ) անձն օրինական ուժի մեջ մտած վճռով կամ դատավճռով զրկվել է ֆինանսական, բանկային, հարկային, մաքսային, առևտրային, տնտեսական, իրավական ոլորտներում պաշտոններ վարելու իրավունքից,

գ) անձը սնանկ է ճանաչվել և չմարված (չներված) պարտավորություններ ունի.

դ) անձի գործողությունները նախկինում հանգեցրել են բանկի կամ այլ անձի սնանկացմանը,

ե) տվյալ անձը կամ փոխկապակցված անձինք անցյալում կատարել են այնպիսի արարք, որը Կենտրոնական բանկի հաստատած ուղեցույցով հիմնավորված Կենտրոնական բանկի կարծիքով` հիմք է տալիս կասկածելու, որ տվյալ անձի, որպես բանկի բարձրագույն կառավարման մարմնի որոշումների կայացման ժամանակ ձայնի իրավունք ունեցող անդամի, գործողությունները կարող են հանգեցնել բանկի սնանկացմանը կամ ֆինանսական վիճակի վատթարացմանը, կամ հեղինակության և գործարար համբավի վարկաբեկմանը,

զ) տվյալ գործարքն ուղղված է կամ հանգեցնում է, կամ կարող է հանգեցնել ազատ տնտեսական մրցակցության սահմանափակմանը,

է) տվյալ գործարքի հետևանքով բանկի կանոնադրական հիմնադրամում նշանակալից մասնակցություն ձեռք բերող անձը և նրա հետ փոխկապակցված անձինք Հայաստանի Հանրապետության բանկային շուկայում տվյալ գործարքի հետևանքով ձեռք են բերում գերիշխող դիրք, որը նրանց հնարավորություն է տալիս կանխորոշել «Բանկերի և բանկային գործունեության մասին» ՀՀ օրենքի 34-րդ հոդվածով սահմանված գործառնությունների կամ դրանցից թեկուզ մեկի շուկայական սակագները կամ պայմանները,

ը) փաստաթղթերը ներկայացվել են Կենտրոնական բանկի սահմանած ձևի և կարգի խախտումներով, կամ ներկայացված փաստաթղթերում, կամ տեղեկություններում արտացոլվել են կեղծ կամ անարժանահավատ տեղեկություններ:

4. Առանց Կենտրոնական բանկի նախնական համաձայնության` բանկի կանոնադրական հիմնադրամում նշանակալից մասնակցության ձեռքբերման պայմանագիրն առ ոչինչ է:

5. Կենտրոնական բանկի հաստատած օֆշորային տարածքներում մշտական բնակության վայր ունեցող կամ գործունեություն ծավալող ֆիզիկական անձինք, ինչպես նաև այդ տարածքներում ստեղծված կամ գրանցված իրավաբանական, իրավաբանական անձի կարգավիճակ չունեցող անձինք կամ սույն կետով սահմանված անձանց հետ փոխկապակցված անձինք մեկ կամ մի քանի գործարքների հետևանքով բանկի կանոնադրական հիմնադրամում մասնակցություն (անկախ մասնակցության չափից) կարող են ձեռք բերել բացառապես սույն կանոնով սահմանված կարգով` Կենտրոնական բանկի նախնական համաձայնությամբ, Կենտրոնական բանկ ներկայացնելով սույն կանոնի 1-ին և 2-րդ կետերով նախատեսված փաստաթղթերը:

6. Կենտրոնական բանկը սույն կանոնով սահմանված կարգով պահանջվող բոլոր փաստաթղթերն ստանալու պահից` մեկամսյա ժամկետում, քննում է դրանք: Ընդ որում, սույն կանոնով նախատեսված ներկայացված փաստաթղթերը 7 աշխատանքային օրվա ընթացքում քննարկվում են Կենտրոնական բանկի բանկային վերահսկողության դեպարտամենտում և եռօրյա (աշխատանքային) ժամկետում` իրավաբանական վարչությունում: Բանկային վերահսկողության դեպարտամենտի և իրավաբանական վարչության եզրակացությունները ոչ ուշ, քան փաստաթղթերն ստանալուց (Կենտրոնական բանկ մուտք լինելուց) հետո 15-րդ օրը, ներկայացվում են Կենտրոնական բանկի վերահսկողության և լիցենզավորման հանձնաժողովի քննարկմանը:

Կենտրոնական բանկի վերահսկողության և լիցենզավորման հանձնաժողովը փաստաթղթերը քննարկելուց հետո եռօրյա (աշխատանքային) ժամկետում նշանակալից մասնակցությանը համաձայնություն տալու կամ համաձայնությունը մերժելու մասին որոշման նախագիծը ներկայացնում է Կենտրոնական բանկի խորհրդի քննարկմանը, որը որոշում է կայացնում անձի և (կամ) փոխկապակցված անձանց կողմից բանկի կանոնադրական հիմնադրամում նշանակալից մասնակցության ձեռքբերմանը համաձայնություն տալու կամ այդ մասնակցությունը մերժելու վերաբերյալ:

7. Կենտրոնական բանկի կողմից պահանջվող որոշակի փաստեր պարզաբանելու նպատակով մեկամսյա ժամկետը կարող է Կենտրոնական բանկի խորհրդի որոշմամբ կասեցվել: Անհրաժեշտ տեղեկությունների ստացումից հետո միջնորդագրի քննության ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը:

Կասեցնելուց հետո անձը պարտավոր է ներկայացել Կենտրոնական բանկի կողմից պահանջվող փաստաթղթերը նշված ժամկետում: Սահմանված ժամկետում տվյալ փաստաթղթերը չներկայացնելու դեպքում Կենտրոնական բանկը մերժում է միջնորդագիրը:

Կենտրոնական բանկի կողմից մեկամսյա ժամկետում դիմումը չմերժելու կամ մեկամսյա ժամկետը կասեցնելու մասին անձին չտեղեկացնելու դեպքում համաձայնությունը համարվում է տրված:

8. Սույն կանոնով սահմանված սահմանափակումները չեն տարածվում «Արժեթղթերի շուկայի կարգավորման մասին» ՀՀ օրենքի համաձայն հաշվետու թողարկող հանդիսացող բանկի կանոնադրական հիմնադրամում մասնակցության ձեռքբերման վրա, եթե դա կատարվել է ֆոնդային բորսայում և չի գերազանցում բանկի կանոնադրական հիմնադրամի 20 տոկոսը:

9. Անձի և նրա հետ փոխկապակցված անձանց` բանկում նշանակալից մասնակցություն ձեռք բերելուն նախնական համաձայնություն տալու Կենտրոնական բանկի խորհրդի որոշումն ուժի մեջ է ընդունման պահից եռամսյա ժամկետով, եթե գործողության ավելի երկար ժամկետ նախատեսված չէ տվյալ որոշմամբ:

 

Գ Լ ՈՒ Խ  7

 

ԲԱՆԿԻ ՂԵԿԱՎԱՐ ՊԱՇՏՈՆՆԵՐՈՒՄ ԱՇԽԱՏԵԼՈՒ ՀԱՄԱՐ ԹԵԿՆԱԾՈՒՆԵՐԻ, ՈՐԱԿԱՎՈՐՄԱՆ ԵՎ ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ՍՏՈՒԳՄԱՆ ՈՒ ՎԿԱՅԱԿԱՆԻ ՏՐԱՄԱԴՐՄԱՆ ԿԱՐԳ
(Վերնագիրը փոփ. 27.05.02 թիվ 178)

 

Կ Ա Ն Ո Ն  22

 ԲԱՆԿԻ ՂԵԿԱՎԱՐՆԵՐԻ ԹԵԿՆԱԾՈՒՆԵՐԻ ՈՐԱԿԱՎՈՐՄԱՆ ԵՎ ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ՍՏՈՒԳՄԱՆ ՈՒ ՎԿԱՅԱԿԱՆԻ ՏՐԱՄԱԴՐՄԱՆ ԿԱՐԳ

 

1. Բանկի, բանկի մասնաճյուղի, օտարերկրյա բանկի մասնաճյուղի նշանակվող կամ ընտրվող ղեկավարների, բացառությամբ խորհրդի նախագահի (այսուհետև` թեկնածուներ), որակավորման և մասնագիտական համապատասխանության ստուգումը կատարվում է Կենտրոնական բանկի վերահսկողության և լիցենզավորման հանձնաժողովի կողմից, կամ Կենտրոնական բանկի վերահսկողության և լիցենզավորման հանձնաժողովի որոշմամբ` այլ կազմակերպության կողմից:

կենտրոնական բանկի վերահսկողության և լիցենզավորման հանձնաժողովի կողմից իրականացվում է նաև առանձին քաղաքացիների (այսուհետև` հավակնորդներ) որակավորման և մասնագիտական համապատասխանության ստուգում:

2. ՀՀ տարածքում գործող բանկի ղեկավար պաշտոններում կարող են աշխատել այն անձինք, որոնց վերաբերյալ բացակայում են «Բանկերի և բանկային գործունեության մասին» ՀՀ օրենքի 22-րդ հոդվածով նախատեսված հիմքերը:

3. Որակավորման և մասնագիտական համապատասխանության ստուգման քննությունն անցկացվում է բոլոր հավակնորդների համար, և որակավորման վկայականը կարող է տրվել որակավորման և մասնագիտական համապատասխանության քննություն անցած բոլոր դիմորդներին:

4. Կենտրոնական բանկում որակավորման և մասնագիտական համապատասխանության քննությանը բանկի ղեկավարների թեկնածուների կամ հավակնորդների մասնակցության համար ներկայացվում են հետևյալ փաստաթղթերը`

ա) բանկի միջնորդագիրը (բանկի ղեկավարի թեկնածուի համար) կամ դիմում հավակնորդի համար (հավելված 16),

բ) բարձրագույն (միջնակարգ մասնագիտական) կրթության դիպլոմի (վկայականի), գիտական աստիճանը հաստատող փաստաթղթի պատճենները (առկայության դեպքում),

գ) կենսագրական տվյալներ` սահմանված ձևով (հավելված 4),

դ) բանկի ղեկավարի ժամանակավոր պաշտոնակատար նշանակելու վերաբերյալ բանկի կառավարման իրավասու մարմնի որոշման կամ հրամանի պատճենը (բանկի ղեկավարի թեկնածուի համար),

ե) Կենտրոնական բանկի կողմից սահմանված գումարի վճարումը հավաստող փաստաթուղթ (հավակնորդների համար):

5. Բանկի ղեկավարների, ինչպես նաև հավակնորդների որակավորման և մասնագիտական համապատասխանության ստուգումը և համապատասխան որակավորման վկայականի տրամադրումն իրականացվում է սույն կանոնով սահմանված կարգով:

6. Քննությունն անցկացվում և որակավորման ու մասնագիտական համապատասխանության վկայական (այսուհետև` վկայական) տրվում է հետևյալ պաշտոններում որպես ղեկավար աշխատելու համար.

ա) բանկի գործադիր տնօրեն (վարչության նախագահ), բանկի ժամանակավոր ադմինիստրացիայի ղեկավար,

բ) բանկի վերստուգիչ հանձնաժողովի նախագահ, ներքին հսկող խմբի ղեկավար (վերահսկիչ, հսկիչ),

գ) օտարերկրյա բանկի մասնաճյուղի կառավարիչ,

դ) բանկի, օտարերկրյա բանկի մասնաճյուղի գլխավոր հաշվապահ,

ե) բանկի վարչության անդամ, մասնաճյուղի կառավարիչ, գործադիր տնօրենի տեղակալ,

զ) բանկի մասնաճյուղի գլխավոր հաշվապահ,

է) բանկի վերստուգիչ հանձնաժողովի անդամ, բանկի վերստուգիչ հանձնաժողովի նախագահի տեղակալ, ընդ որում`

- բանկի գործադիր տնօրենի (վարչության նախագահի), բանկի ժամանակավոր ադմինիստրացիայի ղեկավարի վկայական ստացած անձը կարող է աշխատել բանկի վարչության անդամ, մասնաճյուղի կառավարիչ, գործադիր տնօրենի տեղակալ,

- բանկի վերստուգիչ հանձնաժողովի նախագահի, ներքին հսկող խմբի ղեկավարի (վերահսկիչի, հսկիչի) վկայական ստացած անձը կարող է աշխատել բանկի վերստուգիչ հանձնաժողովի անդամ, բանկի վերստուգիչ հանձնաժողովի նախագահի տեղակալ,

- բանկի, օտարերկրյա բանկի մասնաճյուղի գլխավոր հաշվապահի վկայական ստացած անձը կարող է աշխատել բանկի մասնաճյուղի գլխավոր հաշվապահ:

Բանկի վերստուգիչ հանձնաժողովի նախագահը, վերստուգիչ հանձնաժողովի անդամը չի կարող լինել բանկի աշխատակից:

Բանկի ներքին հսկող խմբի ղեկավարը (վերահսկիչ, հսկիչ) չի կարող բանկում իրականացնել նաև այնպիսի պարտականություններ, որոնց վերահսկողությունն իրականացնում է ինքը կամ իր ստորաբաժանումը:

Մասնաճյուղը կարող է չունենալ գլխավոր հաշվապահ, եթե մասնաճյուղը ապահովված է այնպիսի համակարգչային ծրագրերով, որոնք ապահովում են մասնաճյուղում կատարվող գործարքների ավտոմատ արտացոլումը բանկի հաշվեկշռում:

7. Բանկի խորհրդի նախագահի որակավորման և մասնագիտական համապատասխանության ստուգումը կատարվում է Կենտրոնական բանկի խորհրդի նիստում` հարցազրույցի ձևով:

Հարցազրույցի արդյունքների հիման վրա Կենտրոնական բանկի խորհուրդը արձանագրում է բանկի խորհրդի նախագահի համապատասխանությունը կամ անհամապատասխանությունը Կենտրոնական բանկի սահմանած չափանիշերին:

8. Բանկի խորհրդի նախագահի տեղակալի, անդամների որակավորման և մասնագիտական համապատասխանության ստուգումը կատարվում է Կենտրոնական բանկի վերահսկողության և լիցենզավորման հանձնաժողովի նիստում` հարցազրույցի ձևով:

9. Սույն կանոնի 6-րդ կետով սահմանված բանկի ղեկավարների, ինչպես նաև հավակնորդների որակավորման և մասնագիտական համապատասխանության ստուգումն անցկացվում է 2 փուլով`

- գրավոր (տեստային) քննություն, որն իրականացվում է համակարգչով` Կենտրոնական բանկի մեկ համակարգչային մասնագետի մասնակցությամբ. ընդ որում, տեստի յուրաքանչյուր հարցին պատասխանելու համար ղեկավարի թեկնածուին (հավակնորդին) հատկացվում է միջին հաշվով 1,5 րոպե,

- բանավոր (հարցազրույցի ձևով) քննություն, որն անցկացվում է հանձնաժողովի նիստում:

10. Տեստը հարցեր պարունակող փաստաթուղթ է, որը կազմվում է նախապես հրապարակված թեմաների ցանկի հիման վրա: Տեստերը, ինչպես նաև դրանցում կատարված լրացումներն ու փոփոխությունները հաստատվում են Կենտրոնական բանկի նախագահի կողմից և ենթակա չեն հրապարակման:

Տեստում պարունակվող հարցերի ցանկը կազմվում է` ելնելով բանկային և հարկային օրենսդրությունից (օրենքներ և այլ իրավական ակտեր), ինչպես նաև բանկային գործի տեսությունից:

Տեստերը վերանայվում են ոչ պակաս, քան տարին 1 անգամ:

Տեստերը կարող են վերանայվել նաև անհրաժեշտության դեպքում` Կենտրոնական բանկի նախագահի հանձնարարությամբ:

11. Տեստերը և դրանցում պարունակվող հարցերի թիվը տարբերակվում են ըստ քննություն հանձնող ղեկավարների թեկնածուների և հավակնորդների (ելնելով նրանց ներկայացվող մասնագիտական համապատասխանության չափանիշերից) հետևյալ խմբերի`

ա) բանկի գործադիր տնօրեն, վարչության նախագահ, ադմինիստրացիայի ղեկավար (100 հարց),

բ) բանկի վերստուգիչ հանձնաժողովի նախագահ, ներքին հսկող խմբի ղեկավար (վերահսկիչ, հսկիչ) (80 հարց),

գ) օտարերկրյա բանկի մասնաճյուղի կառավարիչ (100 հարց),

դ) բանկի գլխավոր հաշվապահ, օտարերկրյա բանկի մասնաճյուղի գլխավոր հաշվապահ (100 հարց),

ե) բանկի մասնաճյուղի կառավարիչ, վարչության անդամներ, գործադիր տնօրենի տեղակալներ (80 հարց),

զ) բանկի մասնաճյուղի գլխավոր հաշվապահ (80 հարց),

է) բանկի վերստուգիչ հանձնաժողովի նախագահի տեղակալ, անդամ (80 հարց):

12. Տեստերի հարցերից յուրաքանչյուրը պարունակում է մի քանի պատասխան, որոնցից մեկն է ճիշտ: Տեստի հարցի ճիշտ պատասխանը գնահատվում է մեկ միավոր, իսկ սխալ պատասխանը, ինչպես նաև հարցին չպատասխանելը` զրո միավոր:

13. Բանկի ղեկավարներին և հավակնորդներին թույլատրվում է մասնակցել տեստային քննությանը` անձնագրի կամ անձը հաստատող այլ փաստաթղթի ներկայացման դեպքում: Գրավոր քննության ժամանակ թեկնածուներին (հավակնորդին) արգելվում է օգտվել օրենսդրական, ենթաօրենսդրական ակտերից և այլ նյութերից, մասնագիտական գրականությունից, տեղեկատուներից, երկխոսության մեջ մտնել մյուսների հետ:

Նշված պահանջներից յուրաքանչյուրի չկատարման դեպքում հավակնորդը զրկվում է քննության հետագա ընթացքին մասնակցելու իրավունքից, և նրա վերաբերյալ տրվում է բացասական եզրակացություն:

14. Տեստերի հարցերի պատասխանների արդյունքները (ելնելով համակարգչային տվյալներից) գնահատվում են մինչև Կենտրոնական բանկի վերահսկողության և լիցենզավորման հանձնաժողովի նիստը:

15. Տեստերի հարցերի գնահատումը կատարվում է հետևյալ կերպ`

- եթե սույն կանոնի 6-րդ կետով սահմանված բանկի ղեկավարի, թեկնածուն (հավակնորդը) հավաքել է միավորների առավելագույն թվի մինչև 61 տոկոսը, ապա նա չի մասնակցում հանձնաժողովի բանավոր քննությանը, և հանձնաժողովն արձանագրում է, որ առաջադրված թեկնածուն իր որակավորմամբ և մասնագիտորեն չի համապատասխանում Կենտրոնական բանկի սահմանած չափանիշերին.

- եթե սույն կանոնի 6-րդ կետով նախատեսված բանկի ղեկավարի, թեկնածուն (հավակնորդը) հավաքել է միավորների առավելագույն թվի 61 և ավելի տոկոսը, ապա նա մասնակցում է հանձնաժողովի նիստին` բանավոր (հարցազրույց) ստուգում անցնելու համար:

Տեստային քննության արդյունքները գնահատվում են հինգ բալանոց սանդղակով: Ընդ որում, 61-68% ճիշտ պատասխանները գնահատվում են 1 բալ, 69-76%-ը` 2 բալ, 77-84% -ը` 3 բալ, 85-92%-ը` 4 բալ, 93-100 %-ը` 5 բալ:

16. Բանավոր քննության արդյունքները գնահատվում են հինգ բալանոց համակարգով:

17. Գրավոր և բանավոր քննության արդյունքում հավաքած բալերին գումարվում է` ֆինանսաբանկային համակարգում 2 տարուց ավելի մասնագիտական աշխատանքային փորձի առկայության դեպքում` 1 բալ:

18. Տեստային և բանավոր քննության արդյունքներով Կենտրոնական բանկի վերահսկողության և լիցենզավորման հանձնաժողովը տվյալ անձի որակավորման և մասնագիտական համապատասխանության վերաբերյալ տալիս է հետևյալ եզրակացություններից մեկը`

ա) դրական եզրակացություն, եթե բանկի ղեկավարի, թեկնածուն (հավակնորդը) հավաքել է 7 և ավելի բալ:

բ) բացասական եզրակացություն, եթե բանկի ղեկավարի, թեկնածուն (հավակնորդը) հավաքել է 7 բալից քիչ:

19. Բանկը կարող է անձին քննության ներկայացնել միայն այն դեպքում, եթե վերջինս տվյալ պաշտոնին նշանակված է որպես ժամանակավոր պաշտոնակատար: Սույն պահանջը չի տարածվում նոր հիմնադրվող բանկերի, դրանց և գործող բանկերի նոր հիմնադրվող տարածքային ստորաբաժանումների ղեկավարների թեկնածուների վրա:

Բանկը որակավորման և մասնագիտական համապատասխանության չափանիշերին չբավարարած անձի թեկնածությունը կարող է կրկին առաջադրել ոչ շուտ, քան 6 ամիս հետո` ներկայացնելով գրավոր միջնորդագիր: Ընդ որում, վերահսկողության և լիցենզավորման հանձնաժողովի եզրակացության հիման վրա, Կենտրոնական բանկի նախագահի հրամանով, որակավորման և մասնագիտական համապատասխանության չափանիշերին չբավարարած թեկնածուին կարող է թույլատրվել 6 ամսվա ընթացքում հանձնել կրկնակի քննություն:

20. Թեկնածուի կամ հավակնորդի վերաբերյալ վերահսկողության և լիցենզավորման հանձնաժողովի եզրակացությունը ներկայացվում է Կենտրոնական բանկի նախագահին` հանձնաժողովի նիստի օրվանից ոչ ուշ, քան 2 աշխատանքային օրվա ընթացքում: Վերահսկողության և լիցենզավորման հանձնաժողովը Կենտրոնական բանկի նախագահին է ներկայացնում տվյալ պաշտոնում աշխատելու համար տվյալ անձի համապատասխանության վերաբերյալ եզրակացություն: Բացասական եզրակացության դեպքում հանձնաժողովը պարտավոր է մանրամասն ներկայացնել նաև այն փաստերը, որոնց ուսումնասիրության արդյունքում վերջինս հանգել է տվյալ եզրակացության:

Կենտրոնական բանկի նախագահի հրամանի հիման վրա լրացվում, և ղեկավարի թեկնածուին (հավակնորդին) տրվում է որակավորման ու մասնագիտական համապատասխանության վկայական (հավելված 17):

Բանկի ղեկավարի կողմից 10 աշխատանքային օրվա ընթացքում, հանձնաժողովի հիմնավոր կարծիքով, անհարգելի պատճառով վկայականը չստանալու դեպքում Կենտրոնական բանկի նախագահի հրամանով քննության արդյունքները չեղյալ են համարվում:

21. Սույն կանոնով նախատեսված բանկի ղեկավարների վկայականները տրվում են դրանց տրամադրման պահից հաշված 3 տարի ժամկետով:

Որակավորման վկայականի գործողության ժամկետը լրանալուց անմիջապես հետո Կենտրոնական բանկը գրանցումից հանում է բանկի ղեկավարին, եթե վերջինս չի ստացել որակավորման նոր վկայական կամ բանկի կառավարման իրավասու մարմնի կողմից չի նշանակվել բանկի ղեկավարի ժամանակավոր պաշտոնակատար (բանկի ղեկավարի համար):

Կենտրոնական բանկի նախագահը, հաշվի առնելով բանկի վարչության նախագահի, գործադիր տնօրենի, նրա տեղակալների, վարչության անդամների, բանկի գլխավոր հաշվապահի որակավորման վկայականի գործողության ընթացքում բանկի կողմից բանկային օրենսդրության խախտումների, ինչպես նաև նշված ղեկավարների նկատմամբ կիրառված պատժամիջոցների բացակայությունը, կարող է բանկի ղեկավարի որակավորման վկայականի գործողության ժամկետը երկարաձգել երեք տարով` առանց որակավորման և մասնագիտական համապատասխանության ստուգման:

22. Սույն կանոնի 7-րդ կետով սահմանված բանկի ղեկավարները, ինչպես նաև հավակնորդները որակավորման վկայականը կորցնելու դեպքում պարտավոր են 10-օրյա ժամկետում այդ մասին գրավոր հայտնել Կենտրոնական բանկի վերահսկողության և լիցենզավորման հանձնաժողովին: Կորցրած վկայականը Կենտրոնական բանկի կողմից համարվում է անվավեր, իսկ դրա փոխարեն տրվում է որակավորման նոր վկայական` «Կրկնօրինակ» նշագրումով:

23. Տրված որակավորման վկայականների հաշվառման մատյանում գրառվում են վկայական ստացած անձանց անունը, ազգանունը, հասցեն, համապատասխան հրամանի համարը և ամսաթիվը, հանձնաժողովի համապատասխան արձանագրության համարը և ամսաթիվը, որակավորման վկայականի համարը և տրման ամսաթիվը:

Հավակնորդը կարող է դիմել Կենտրոնական բանկ` նաև մեկից ավելի ղեկավարների համար նախատեսված քննությունների մասնակցելու և համապատասխան վկայականներ ստանալու համար:

24. Կենտրոնական բանկի վերահսկողության և լիցենզավորման հանձնաժողովը քննություններն անցկացնում է փաստաթղթերի փաթեթը ներկայացնելու պահից 15 աշխատանքային օրվա ընթացքում:

(Կանոն 22-ը փոփ. 27.05.02 թիվ 178)

 

Կ Ա Ն Ո Ն  23

ԲԱՆԿԵՐՈՒՄ ԱՈՒԴԻՏՈՐԱԿԱՆ ՍՏՈՒԳՈՒՄՆԵՐ ԻՐԱԿԱՆԱՑՆՈՂ ԱՈՒԴԻՏՈՐՆԵՐԻ ՈՐԱԿԱՎՈՐՄԱՆ ԵՎ ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ՍՏՈՒԳՄԱՆ ՈՒ ՎԿԱՅԱԿԱՆԻ ՏՐԱՄԱԴՐՄԱՆ ԿԱՐԳ
(Կանոն 23-ը հանվել է 27.05.02 թիվ 178)

 

Գ Լ ՈՒ Խ  8

 

ՓՈՓՈԽՈՒԹՅՈՒՆՆԵՐԻ ԳՐԱՆՑՈՒՄԸ

 

Կ Ա Ն Ո Ն  24

ՓՈՓՈԽՈՒԹՅՈՒՆՆԵՐԻ ՄԱՍԻՆ ԾԱՆՈՒՑՈՒՄՆ ՈՒ ԳՐԱՆՑՄԱՆ ԿԱՐԳԸ

 

1. Հայաստանի Հանրապետության տարածքում գործող բանկերը և օտարերկրյա բանկի մասնաճյուղերը պարտավոր են Կենտրոնական բանկ գրանցման ներկայացնել հետևյալ փոփոխությունները`

ա) բանկի և օտարերկրյա բանկի մասնաճյուղի, բանկի տարածքային ստորաբաժանումների կանոնադրություններում կատարված փոփոխությունները, այդ թվում նաև` բանկի, դրա տարածքային ստորաբաժանման գործունեության վայրի փոփոխությունները,

բ) ղեկավարների կազմում կատարված փոփոխությունները:

2. Կենտրոնական բանկը պարտավոր է վերոհիշյալ փոփոխությունների գրանցման համար սահմանված փաստաթղթերն ստանալու պահից` մեկամսյա ժամկետում, գրանցել փոփոխությունները կամ մերժել գրանցումը: Ընդ որում, սույն կանոնով նախատեսված փոփոխությունների գրանցման համար ներկայացված փաստաթղթերը մեկշաբաթյա (աշխատանքային) ժամկետում քննարկվում են Կենտրոնական բանկի բանկային վերահսկողության դեպարտամենտում և եռօրյա (աշխատանքային) ժամկետում` իրավաբանական վարչությունում: Կենտրոնական բանկի վերահսկողության և լիցենզավորման հանձնաժողովը նշված փաստաթղթերը քննարկելուց հետո եռօրյա (աշխատանքային) ժամկետում` իր եզրակացությամբ, փոփոխությունը ներկայացնում է Կենտրոնական բանկի նախագահի հաստատմանը:

Կենտրոնական բանկի կողմից պահանջվող որոշակի փաստեր պարզաբանելու նպատակով մեկամսյա ժամկետը կարող է կասեցվել: Անհրաժեշտ տեղեկությունների ստացումից հետո միջնորդագրի քննության ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը:

Կենտրոնական բանկի կողմից մեկամսյա ժամկետում գրանցումը չմերժելու կամ մեկամսյա ժամկետը կասեցնելու մասին բանկին չտեղեկացնելու դեպքում փոփոխությունները համարվում են գրանցված:

3. Կենտրոնական բանկի նախագահը մերժում է փոփոխությունների գրանցումը, եթե փոփոխությունները ծանուցվել են սահմանված կարգի և ձևի խախտումներով, և դրանք հակասում են օրենքներին ու այլ իրավական ակտերին:

4. Սույն կանոնով նախատեսված փոփոխություններն ուժի մեջ են Կենտրոնական բանկի կողմից գրանցվելու պահից:

 

Կ Ա Ն Ո Ն  25

ԲԱՆԿԻ ԵՎ ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ, ԲԱՆԿԻ ՏԱՐԱԾՔԱՅԻՆ ՍՏՈՐԱԲԱԺԱՆՄԱՆ (ՍՏՈՐԱԲԱԺԱՆՈՒՄՆԵՐԻ) ԿԱՆՈՆԱԴՐՈՒԹՅՈՒՆՆԵՐՈՒՄ ԿԱՏԱՐՎԱԾ ՓՈՓՈԽՈՒԹՅՈՒՆՆԵՐԻ ԳՐԱՆՑՄԱՆ ՀԱՄԱՐ ԿԵՆՏՐՈՆԱԿԱՆ ԲԱՆԿ ՆԵՐԿԱՅԱՑՎՈՂ ՓԱՍՏԱԹՂԹԵՐԸ

 

1. Բանկի և օտարերկրյա բանկի մասնաճյուղի, բանկի տարածքային ստորաբաժանման (ստորաբաժանումների) կանոնադրություններում կատարված փոփոխությունները Կենտրոնական բանկում գրանցելու համար բանկերը ներկայացնում են հետևյալ փաստաթղթերը`

ա) կատարված փոփոխությունները գրանցելու մասին միջնորդագիր` բանկի կառավարման մարմնի լիազոր անձի ստորագրությամբ` վավերացված բանկի կնիքով,

բ) բանկի մասնակիցների ժողովի արձանագրությունը կամ իրավասու մարմնի որոշումը բանկի կամ օտարերկրյա բանկի մասնաճյուղի, բանկի տարածքային ստորաբաժանման (ստորաբաժանումների) կանոնադրությունում կատարված փոփոխությունների վերաբերյալ,

գ) բանկի կամ օտարերկրյա բանկի մասնաճյուղի, բանկի տարածքային ստորաբաժանման փոփոխված կանոնադրությունը (3 օրինակից):

2. Բանկի կանոնադրական հիմնադրամի ավելացման դեպքում բանկի փոփոխված կանոնադրության գրանցման համար բանկը Կենտրոնական բանկ է ներկայացնում սույն կանոնի 1-ին կետով նախատեսված փաստաթղթերը, ինչպես նաև բաժնետոմսերի վերջին թողարկման հայտարարագրի գրանցման վերաբերյալ որոշման պատճենը (բաց բաժնետիրական բանկի համար):

3. Բանկի կանոնադրական հիմնադրամի ավելացման դեպքում, անկախ բանկի կազմակերպական-իրավական տեսակից, մինչև բանկի փոփոխված կանոնադրության գրանցումը, բանկը կանոնադրական հիմնադրամը համալրելու նպատակով Կենտրոնական բանկում բացում է կուտակման հաշիվ և Կենտրոնական բանկ ներկայացնում կանոնադրական հիմնադրամի համալրմանն առնչվող բոլոր փաստաթղթերի պատճենները: Կուտակման հաշվի միջոցները սառեցվում են և չեն կարող օգտագործվել, տիրապետվել և տնօրինվել մինչև բանկի կանոնադրության գրանցումը:

Հայաստանի Հանրապետության տարածքում գործող բանկերը կանոնադրական հիմնադրամի չափի փոփոխման դեպքում այլ բանկերում կուտակային հաշիվ բացել չեն կարող:

Բանկերի կանոնադրական հիմնադրամը համալրվում է փողով (ինչպես Հայաստանի Հանրապետության արժույթով, այնպես էլ արտարժույթի առաջին խմբի մեջ մտնող արժույթներով):

4. Բանկի, օտարերկրյա բանկի մասնաճյուղի կամ բանկի տարածքային ստորաբաժանման գործունեության վայրի փոփոխության դեպքում բանկը, մինչև կանոնադրության համապատասխան փոփոխություն կատարելը, պետք է ստանա Կենտրոնական բանկի խորհրդի համաձայնությունը, որի համար Կենտրոնական բանկ է ներկայացնում`

ա) միջնորդագիր տարածքի փոփոխություն կատարելու վերաբերյալ` բանկի կառավարման մարմնի լիազոր անձի ստորագրությամբ` վավերացված բանկի կնիքով,

բ) գործունեության վայրի փոփոխության հետ կապված բանկի կողմից նախատեսվող ծախսերը:

5. Գործունեության վայրի փոփոխման վերաբերյալ Կենտրոնական բանկի համաձայնությունն ստանալու դեպքում բանկը համապատասխան փոփոխված կանոնադրության գրանցման համար Կենտրոնական բանկ է ներկայացնում սույն կանոնի 1-ին կետով նախատեսված փաստաթղթերը, ինչպես նաև բանկին, օտարերկրյա բանկի մասնաճյուղին կամ բանկի տարածքային ստորաբաժանմանը տարածք տրամադրելու, ինչպես նաև տարածքի տեխնիկական հագեցվածությունը Կենտրոնական բանկի կողմից սահմանված չափանիշերին համապատասխանելու մասին փաստաթուղթ:

6. Սույն կանոնով նախատեսված փոփոխությունների գրանցման համար ներկայացված փաստաթղթերը քննարկվում են սույն կանոնակարգի 24 կանոնով նախատեսված կարգով:

 

Կ Ա Ն Ո Ն  26

ԲԱՆԿԻ ՂԵԿԱՎԱՐՆԵՐԻ (ԲԱՑԱՌՈՒԹՅԱՄԲ ԿԱՌՈՒՑՎԱԾՔԱՅԻՆ ՍՏՈՐԱԲԱԺԱՆՈՒՄՆԵՐԻ ՂԵԿԱՎԱՐՆԵՐԻ) ԿԱԶՄՈՒՄ ԿԱՏԱՐՎԱԾ ՓՈՓՈԽՈՒԹՅՈՒՆՆԵՐԻ ԳՐԱՆՑՄԱՆ ՀԱՄԱՐ ՆԵՐԿԱՅԱՑՎՈՂ ՓԱՍՏԱԹՂԹԵՐՆ ՈՒ ԴՐԱՆՑ ԳՐԱՆՑՈՒՄԸ

 

1. Բանկի ղեկավարների (բացառությամբ խորհրդի նախագահի և անդամների, բանկի կառուցվածքային ստորաբաժանումների ղեկավարների) կազմում փոփոխություններ կատարելու դեպքում բանկը պարտավոր է նոր նշանակվող կամ ընտրվող ղեկավարների թեկնածուներին նախապես ներկայացնել Կենտրոնական բանկ` սույն կանոնակարգի 22 կանոնի համաձայն` մասնագիտական որակավորման վկայական ստանալու համար:

Նշված պաշտոններում առանց որակավորման վկայականի, որպես ղեկավարի ժամանակավոր պաշտոնակատար, պաշտոնավարման ժամկետ կարող է սահմանվել ոչ ավելի, քան երեք ամիս, ընդ որում`

- նշված եռամսյա ժամկետը սահմանվում է տվյալ ղեկավարի պաշտոնին նշանակվող բոլոր ժամանակավոր պաշտոնակատարների համար, այսինքն` միևնույն պաշտոնի նոր ժամանակավոր պաշտոնակատարի նշանակումը եռամսյա ժամկետի ընդհատում և վերսկսում չի նշանակում, և

- նշված եռամսյա ժամկետում բանկի կողմից նշանակված բանկի ղեկավարի ժամանակավոր պաշտոնակատարը պետք է սույն կանոնակարգով սահմանված կարգով Կենտրոնական բանկում անցնի որակավորման և մասնագիտական համապատասխանության քննություն, և բանկը համապատասխան փոփոխությունը ներկայացնի Կենտրոնական բանկում գրանցման:

2. Բանկը ղեկավարների (բացառությամբ կառուցվածքային ստորաբաժանումների ղեկավարների) կազմում կատարված փոփոխությունները Կենտրոնական բանկում գրանցելու համար ներկայացնում է հետևյալ փաստաթղթերը.

ա) կատարված փոփոխությունները գրանցելու մասին միջնորդագիր` բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով,

բ) իրավասու մարմնի որոշումը փոփոխությունների վերաբերյալ (եթե որոշում է կայացնում բաժնետերերի կամ մասնակիցների ժողովը, ապա պետք է ներկայացնել ժողովի արձանագրությունը),

գ) բանկի ղեկավարների ընդհանուր ցուցակը` կատարված փոփոխություններով,

դ) բանկի ղեկավարի վերաբերյալ կենսագրական տվյալները (հավելված 4),

ե) մասնագիտական որակավորման վկայականի պատճենը (բացառությամբ խորհրդի նախագահի և անդամների):

3. Մինչև Կենտրոնական բանկում բանկի ղեկավարի թեկնածությունը գրանցելը, բանկի խորհրդի նախագահի թեկնածուն հարցազրույց է անցնում Կենտրոնական բանկի խորհրդի նիստում, իսկ բանկի մյուս ղեկավարների թեկնածուները` վերահսկողության և լիցենզավորման հանձնաժողովի նիստում:

4. Բանկի ղեկավարների գրանցումը մերժվում է ՀՀ կենտրոնական բանկի նախագահի հրամանով, եթե նախատեսվող ղեկավարների թեկնածուները`

ա) ունեն դիտավորությամբ կատարված հանցագործությունների համար դատվածություն,

բ) դատարանի կողմից զրկված են ֆինանսական, բանկային, հարկային, մաքսային, առևտրային, տնտեսական, իրավական ոլորտներում պաշտոններ վարելու իրավունքից,

գ) սնանկ են ճանաչվել և ունեն չմարված (չներված) պարտավորություններ,

դ) անցյալում կատարել են այնպիսի արարք, որը Կենտրոնական բանկի հաստատած ուղեցույցով հիմնավորված Կենտրոնական բանկի կարծիքով` հիմք է տալիս կասկածելու, որ տվյալ անձը, որպես բանկի ղեկավար, չի կարող պատշաճորեն կառավարել բանկի գործունեության համապատասխան ոլորտը, կամ նրա գործողությունները կարող են հանգեցնել բանկի սնանկացմանը, ֆինանսական վիճակի վատթարացմանը կամ հեղինակության և գործարար համբավի վարկաբեկմանը.

ե) քրեական գործով ներգրավված են որպես կասկածյալ, մեղադրյալ կամ ամբաստանյալ:

5. Կենտրոնական բանկի նախագահի հրամանով բանկի ղեկավարը հանվում է գրանցումից, եթե.

ա) մասնագիտական որակավորման վկայականի գործողության ժամկետը լրացել է, և եթե վերջինս չի ստացել որակավորման նոր վկայական և չի նշանակվել համապատասխան իրավասու մարմնի կողմից ղեկավարի ժամանակավոր պաշտոնակատար (բանկի ղեկավարի համար),

բ) ղեկավարը զրկվել է որակավորման վկայականից,

գ) բանկը դիմել է համապատասխան միջնորդությամբ:

6. Բանկի միջնորդությամբ ղեկավարին Կենտրոնական բանկում գրանցումից հանելու համար Կենտրոնական բանկ են ներկայացվում հետևյալ փաստաթղթերը.

ա) ղեկավարին գրանցումից հանելու վերաբերյալ միջնորդագիր` բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով,

բ) իրավասու մարմնի որոշումը փոփոխությունների վերաբերյալ (եթե որոշում է կայացնում բաժնետերերի կամ մասնակիցների ժողովը, ապա պետք է ներկայացնել ժողովի արձանագրությունը),

գ) բանկի ղեկավարների ընդհանուր ցուցակը` կատարված փոփոխություններով:

7. Սույն կանոնով նախատեսված փոփոխությունների գրանցման համար ներկայացված փաստաթղթերը քննարկվում են սույն կանոնակարգի 24 կանոնով նախատեսված կարգով:

 

Գ Լ ՈՒ Խ  9

 

«ՖԻՆԱՆՍԱԿԱՆ ՎԻՃԱԿԻ ՎԱՏԹԱՐԱՑՈՒՄ» ՀԱՍԿԱՑՈՒԹՅՈՒՆԸ

 

Կ Ա Ն Ո Ն  27

«ԲԱՆԿԻ ՖԻՆԱՆՍԱԿԱՆ ՎԻՃԱԿԻ ՎԱՏԹԱՐԱՑՈՒՄ» ՀԱՍԿԱՑՈՒԹՅՈՒՆԸ

 

Սույն կանոնակարգի իմաստով` ֆինանսական վիճակի վատթարացում է համարվում բանկի կողմից տարածքային ստորաբաժանումների ստեղծման կամ ավտոմատ գանձման սարքերի համար այնպիսի ծախսերի նախատեսումը կամ կատարումը, որը կհանգեցնի կամ հանգեցրել է բանկի հիմնական տնտեսական նորմատիվի (նորմատիվների) խախտման:

 

Հավելված 1

 

ԲԱՆԿԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՆԱԽՆԱԿԱՆ ՀԱՎԱՆՈՒԹՅՈՒՆ ՍՏԱՆԱԼՈՒ ՄԻՋՆՈՐԴԱԳՐԻ ՁԵՎ
(բանկ հիմնադրելու համար)

 

Հայաստանի Հանրապետության կենտրոնական բանկի նախագահ պարոն ___________

 

Մ Ի Ջ Ն Ո Ր Դ Ա Գ Ի Ր

 

Հարգելի պարոն ___________________________

Մենք` ներքոստորագրյալներս, որոշում ենք ընդունել

 

_______________________________________________ բանկ ստեղծելու մասին:

(բանկի կազմակերպական-իրավական տեսակը և անվանումը)

 

Համաձայն Հայաստանի Հանրապետության օրենքների և այլ իրավական ակտերի` կից ներկայացնում ենք բանկային գործունեության լիցենզիա ստանալու նախնական հավանության համար անհրաժեշտ փաստաթղթերը (ցանկը և փաստաթղթերը ___ էջ):

Մենք` ներքոստորագրյալներս, հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք, որ տեղեկատվությունը արժանահավատ է ու ամբողջական, և գիտակցում ենք, որ որևէ փաստի սխալ ներկայացումը կամ բացթողումը հանգեցնում է օրենքով սահմանված քրեական, վարչական և կարգապահական պատասխանատվության:

Խնդրում ենք բանկային գործունեության լիցենզիա ստանալու Հայաստանի Հանրապետության կենտրոնական բանկի նախնական հավանությունը:

Միջնորդագիրը ներկայացնող նախաձեռնող անձինք

 

Ստորագրություն	անուն, ազգանուն	անձնագրի սերիան, համարը
________________	_____________	__________________ (ում կողմից և երբ է տրված)

  

___ __________ 200  թ.

 

 

Հավելված 2

 

ԲԱՆԿԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՆԱԽՆԱԿԱՆ ՀԱՎԱՆՈՒԹՅՈՒՆ ՍՏԱՆԱԼՈՒ ՄԻՋՆՈՐԴԱԳՐԻ ՁԵՎ

(օտարերկրյա բանկի մասնաճյուղ հիմնադրելու համար)

 

Հայաստանի Հանրապետության կենտրոնական բանկի նախագահ պարոն ___________

 

Մ Ի Ջ Ն Ո Ր Դ Ա Գ Ի Ր

 

 

Հարգելի պարոն _____________________________________________________

 

_______________________________________________________________

(օտարերկրյա բանկի անվանումը)

 

բանկի ___________________________________________________________

(կառավարման իրավասու մարմնի անվանումը)

 

որոշում է ընդունել ՀՀ տարածքում մասնաճյուղ ստեղծելու վերաբերյալ: Համաձայն Հայաստանի Հանրապետության օրենքների և այլ իրավական ակտերի` կից ներկայացնում ենք բանկային գործունեության լիցենզիա ստանալու նախնական հավանության համար անհրաժեշտ փաստաթղթերը (ցանկը և փաստաթղթերը էջ):

Մենք` ներքոստորագրյալներս, հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք, որ տեղեկատվությունը արժանահավատ է ու ամբողջական, և գիտակցում, որ որևէ փաստի սխալ ներկայացումը կամ բացթողումը հանգեցնում է օրենքով սահմանված քրեական, վարչական և կարգապահական պատասխանատվության:

Խնդրում ենք բանկային գործունեության լիցենզիա ստանալու Հայաստանի Հանրապետության կենտրոնական բանկի նախնական հավանությունը:

Օտարերկրյա բանկի իրավասու անձի անունը, ազգանունը, ստորագրությունը

 

___ ___________ 200  թ.

 

Հավելված 3

 

Բանկի կամ օտարերկրյա բանկի մասնաճյուղի գործունեության տնտեսական ծրագրի ձեվ

 

Բաժին 1. Ընդհանուր դրույթներ

Բաժին 2. Ներքին կազմակերպական կառուցվածքը

Բաժին 3. Ֆինանսական գործառնությունները և գործունեության հիմնական ուղղությունները

Բաժին 4. Ակտիվների և պասիվների մոտավոր կազմն ու կառուցվածքը

Բաժին 5. Եկամուտների և ծախսերի պլանային հաշվարկը

Կանխատեսումների ձևեր

Բանկի նշանակալից մասնակցություն ունեցող անձի, առաջարկվող ղեկավարների կենսագրական տվյալներ (Հավելված)

Բանկի կապիտալի հաշվարկը (կանխատեսումներ) (ձև 1)

Եկամուտների և ծախսերի նախահաշվարկներ (կանխատեսումներ) (ձև 2)

Հաշվեկշռի հաշվարկային նախագծեր (կանխատեսումներ) (ձև 3)

 

Ձև 1

 

ԲԱՆԿԻ ԿԱՊԻՏԱԼԻ ՀԱՇՎԱՐԿԸ
(կանխատեսումը)

 

(հազ. դրամ)

ԿԱՊԻՏԱԼ	Առաջիկա տարիներ
Հիմնական կապիտալ	1-ին տարի 2-րդ տարի 3-րդ տարի

Կանոնադրական հիմնադրամ

Գլխավոր պահուստ

Չբաշխված շահույթ (եկամուտների պահուստ)

Ընդամենը` հիմնական կապիտալ

Լրացուցիչ կապիտալ

Հիմնական միջոցների վերագնահատման պահուստ

Հաշվեկշռի կոնսոլիդացիայի ընթացքում

առաջացած արտարժութային

տարբերությունների պահուստ

Այլ պահուստներ

Երկարաժամկետ ստորադաս փոխառություններ

Ընդամենը` լրացուցիչ կապիտալ

Ընդամենը` ընդհանուր կապիտալ

(հիմնական կապիտալ + լրացուցիչ կապիտալ)

Որակական գնահատականներ

1. Հարաբերակցությունը հիմնական կապիտալի

և ռիսկով կշռված ակտիվների միջև (%)

2. Հարաբերակցությունն ընդհանուր կապիտալի

և ռիսկով կշռված ակտիվների միջև (%)

3. Հարաբերակցությունը հիմնական կապիտալի

և միջին ընդհանուր ակտիվների միջև

 

Ձև 2

 

Եկամուտների եվ ծախսերի նախահաշվարկներ

(կանխատեսումներ)

(հազ. դրամ)

 

#	Անվանումը	1-ին  տարի	2-րդ  տարի	3-րդ  տարի
1.	Տոկոսային եկամուտներ	X	X	X
1.1.	Թղթակցային հաշիվներից ստացված տոկոսներ
1.2.	ՀՀ ԿԲ-ում տեղաբաշխված ավանդներից ստացված տոկոսներ
1.3.	Բանկերում և այլ ֆինանսավարկային կազմակերպություններում տեղաբաշխված միջոցներից ստացված տոկոսներ
1.4.	Տեղաբաշխված վարկերի դիմաց ստացված տոկոսներ
1.5.	Օվերդրաֆտից, օվերնայթից ստացված տոկոսներ
1.6.	Վարկային քարտերից ստացված տոկոսներ
1.7.	Պետական գանձապետական արժեթղթերից ստացված տոկոսներ, այդ թվում` հետգնման պայմանագրերով տնօրինվող արժեթղթերից
1.8.	Այլ արժեթղթերից ստացված տոկոսներ
1.9.	Ֆորվարդային, ֆյուչերսային, օպցիոն պայմանագրերից ստացված տոկոսներ
1.10.	Լիզինգից և ֆակտորինգից ստացված տոկոսներ
1.11.	Այլ տոկոսային եկամուտներ Ընդամենը տոկոսային եկամուտներ
2.	Տոկոսային ծախսեր	X		X
2.1.	Թղթակցային հաշիվների, ցպահանջ ավանդների և այլ ցպահանջ պարտավորությունների դիմաց վճարված տոկոսներ
2.2.	ՀՀ ԿԲ-ից ներգրաված միջոցների դիմաց վճարված տոկոսներ
2.3.	Հետգնման պայմանագրերի գծով պարտավորությունների դիմաց վճարված տոկոսներ
2.4.	Բանկերից և այլ ֆինանսավարկային կազմակերպություններից ներգրաված միջոցների դիմաց վճարված տոկոսներ
2.5.	Ներգրավված ժամկետային ավանդների դիմաց վճարված տոկոսներ
2.6.	Միջազգային ֆինանսական կազմակերպություններից ներգրաված միջոցների դիմաց վճարված տոկոսներ
2.7.	Օվերդրաֆտի, օվերնայթի դիմաց վճարված տոկոսներ
2.8.	Տոկոսային ծախսեր բանկի կողմից թողարկված արժեթղթերի գծով
2.9.	Ֆորվարդային, ֆյուչերսային, օպցիոն պայմանագրերի դիմաց վճարված տոկոսներ
2.10.	Լիզինգի դիմաց վճարված տոկոսներ
2.11.	Ստորադաս փոխառությունների դիմաց վճարված տոկոսներ
2.12.	Այլ տոկոսային ծախսեր Ընդամենը տոկոսային ծախս Զուտ տոկոսային եկամուտներ
3.	Ոչ տոկոսային եկամուտներ	X		X
3.1.	Ստացված զուտ կոմիսիոն գումարներ
3.2.	Գանձապետարանի սպասարկումից ստացված եկամուտներ
3.3.	Ներդրումներից ստացված շահաբաժիններ
3.4.	Արժեթղթերի վաճառքից ստացված զուտ եկամուտներ
3.5.	Արտարժույթի առք ու վաճառքից ստացված զուտ եկամուտներ
3.6.	Արտարժույթի վերագնահատումից ստացված դրական (բացասական) փոխարժեքային տարբերություն
3.7.	Բանկի շենքի և այլ հիմնական միջոցների վարձակալությունից ստացված վարձավճարներ
3.8.	Հիմնական միջոցների օտարումից ստացված զուտ եկամուտներ
3.9.	Վերագնահատումից ստացված զուտ եկամուտներ
3.10.	Ստացված տույժեր, տուգանքներ
3.11.	Այլ ոչ տոկոսային եկամուտներ Ընդամենը ոչ տոկոսային եկամուտներ
4.	Ոչ տոկոսային ծախսեր	X		X
4.1.	Աշխատավարձ և դրան հավասարեցված այլ վճարումներ
4.2.	Գործուղման ծախսեր
4.3.	Կենսաթոշակային, զբաղվածության և սոցիալական ապահովագրության համար վճարներ
4.4.	Հարկեր, տուրքեր և այլ պարտադիր վճարներ
4.5.	Ամորտիզացիոն մասհանումներ
4.6.	Բանկի շենքի վարձակալության վճար
4.7.	Գովազդային, ներկայացուցչական ծախսեր
4.8.	Աուդիտային և այլ խորհրդատվական ծառայությունների գծով ծախսեր
4.9.	Համակարգչային ծրագրերի, սարքավորումների սպասարկման և պահպանման գծով ծախսեր
4.10.	Կապի և հաղորդակցական միջոցների գծով ծախսեր
4.11.	Վճարված տույժեր, տուգանքներ
4.12.	Այլ ոչ տոկոսային ծախսեր
	Ընդամենը ոչ տոկոսային ծախսեր
	Զուտ ոչ տոկոսային եկամուտներ
5.	Հատկացումներ ակտիվների հնարավոր կորուստների պահուստներին	X		X
5.1.	Վարկերի գծով վարկերի և դեբիտորական պարտքերի հնարավոր կորուստների պահուստին
5.2.	Արժեթղթերի հնարավոր կորուստների ծածկման պահուստին
5.3.	Պարտքերի գծով վարկերի և դեբիտորական պարտքերի հնարավոր կորուստների պահուստին
	Ընդամենը հատկացումներ
6.	Դուրս գրված ակտիվների վերադարձ	X		X
6.1.	Վարկերի հնարավոր կորուստների ծածկման պահուստի հաշվին հետհաշվեկշիռ դուրս գրված վարկերի վերադարձ
6.2.	Վարկերի և դեբիտորական պարտքերի հնարավոր կորուստների ծածկման պահուստին մասհանված, սակայն դեռևս հետհաշվեկշիռ դուրս չգրված վարկերի վերադարձ
6.3.	Արժեթղթերի հնարավոր կորուստների ծածկման պահուստի հաշվին դուրս գրված արժեթղթերի մարում
6.4.	Վարկերի և դեբիտորական պարտքերի հնարավոր կորուստների ծածկման պահուստի հաշվին հետհաշվեկշիռ դուրս գրված պարտքերի վերադարձ
6.5.	Վարկերի և դեբիտորական պարտքերի հնարավոր կորուստների ծածկման պահուստին մասհանված, սակայն դեռևս հետհաշվեկշիռ դուրս չգրված պարտքերի վերադարձ
	Ընդամենը վերադարձ
	Զուտ մասհանումներ
	Շահույթ` մինչև հարկվելը
	Շահութահարկ
	Զուտ շահույթ
	Հաշվարկված շահաբաժիններ
	այդ թվում` արտոնյալ բաժնետոմսերի գծով
	սովորական բաժնետոմսերի գծով
	Չբաշխված շահույթ

 

Ձև 3

 

ՀԱՇՎԵԿՇՌԻ ՀԱՇՎԱՐԿԱՅԻՆ ՆԱԽԱԳԾԵՐ

(կանխատեսումներ)

 

(հազ. դրամ)

	Առաջիկա տարիներ
Ակտիվներ	1-ին տարի 2-րդ տարի 3-րդ տարի

 

Կանխիկ դրամական միջոցներ

Մնացորդներ Կենտրոնական բանկում

Թղթակցային հաշիվներ

Արժեթղթեր վերավաճառքի համար

Պահանջներ այլ բանկերի նկատմամբ

Հաճախորդներին տրված վարկեր,

այդ թվում`

կարճաժամկետ վարկեր

երկարաժամկետ վարկեր

Այլ բանկերին տրված վարկեր

Այլ բանկերում ներդրված ավանդներ

Այլ բանկային գործառնությունների գծով ստացվելիք գումարներ

Առհաշիվ տրված գումարներ և կանխավճարներ

Երկարաժամկետ ներդրումներ

Հիմնական միջոցներ (հանած մաշվածքը)

այդ թվում`

շենքեր և շինություններ

համակարգիչներ և հաղորդակցման միջոցներ

Ոչ նյութական ակտիվներ (հանած մաշվածքը)

Այլ ակտիվներ

Ընդամենը` ակտիվներ

Պասիվներ

Թղթակցային հաշիվներ

Ցպահանջ ավանդներ

Ավանդներ բանկերից

Ժամկետային ավանդներ

Ստացված վարկեր

Բանկի կողմից թողարկված արժեթղթեր

Այլ պարտավորություններ

Ստորադաս փոխառություններ

Կանոնադրական հիմնադրամ

Գլխավոր պահուստ

Եկամուտների պահուստներ

Վերագնահատման պահուստներ

Այլ պահուստներ

 

Ընդամենը` պասիվներ

 

Հավելված 4

 

Բանկի առաջարկվող ղեկավարների, կենսագրական տվյալներ
(Վերնագիրը փոփ. 27.05.02 թիվ 178)

 

1. ______________________________________

(առաջադրվող պաշտոնը)

 

2. Ընդհանուր տեղեկատվություն.	________________________
Անունը, ազգանունը, հայրանունը	________________________
Սեռը	________________________
Ծննդյան տարեթիվը, ամիսը, ամսաթիվը	________________________
Ծննդավայրը	________________________
Քաղաքացիությունը	________________________
Ընտանեկան դրությունը տվյալ պահին	________________________
Անձնագրի սերիան և համարը	________________________
(օտարերկրյա անձանց համար, օրինակ`	________________________
սոցիալական պաշտպանվածության համարը)	________________________
Հասցեն (մշտական և բնակության տվյալ պահին)	________________________
Հեռախոսահամարներ	________________________

 

3. Նշեք այժմ և նախկինում Ձեր ունեցած մյուս բոլոր անունները, ինչպես նաև դրանք կրելու ժամանակաշրջանը.

Անունը, ազգանունը ________________________ Կրելու ժամանակաշրջանը

 

4. Կրթություն, որակավորում.

 

Ուսումնական հաստատության (այդ թվում` դպրոցի) անվանումը	Գտնվելու վայրը	Հաճախումների ժամանակաշրջանը (____ թ-ից մինչև ____ թ.)	Գիտական աստիճանները

 

5. Ինչ օտար լեզուների եք տիրապետում.

6. Աշխատանքային գործունեությունը.

 

N	Կազմակերպության (ձեռնարկության) անվանումը	Գտնվելու վայրը	Աշխատանքի ընդունման և ազատման ժամկետները	Պաշտոնը	Ծանոթա- գրություն
1. 2. 3.

 

7. Տեղեկություններ «Բանկերի և բանկային գործունեության մասին» ՀՀ օրենքի 22 հոդվածի 2-րդ մասերով նշված հիմքերի բացակայության մասին.

8. Մանրամասնորեն նկարագրեք Ձեր դերը և պատասխանատվության ոլորտը որպես ղեկավար.

9. Նշեք այն բանկը (բանկերը), այլ ֆինանսական հաստատությունները, որոնց կանոնադրական հիմնադրամում ունեցել եք կամ ունեք նշանակալից մասնակցություն, հանդիսացել եք կամ հանդիսանում եք ղեկավար.

10. Նշեք Ձեզ անձամբ ճանաչող ֆինանսաբանկային համակարգում աշխատած կամ աշխատող անձանց վերաբերյալ տվյալները, եթե այդպիսիք կան.

 

N	Անուն, ազգանուն	Աշխատանքի բնույթը կամ զբաղեցրած պաշտոնը	Հասցե	Հեռախոս
1. 2. 3. 4.

 

11. Այլ տեղեկություններ.

 

12. Հավաստիացնում եմ, որ սույն կենսագրական տվյալներում պարունակվող տեղեկատվությունը ստույգ է և լիակատար: Գիտակցում եմ, որ որևէ փաստի սխալ ներկայացումը կամ բացթողումը հանգեցնում է օրենքով սահմանված քրեական, վարչական և կարգապահական պատասխանատվության:

Ես համաձայն եմ` Կենտրոնական բանկին տեղեկացնել անձնական, կենսագրական և ֆինանսական տեղեկատվության մեջ տեղի ունեցող կամ ակնկալվող որևէ էական փոփոխության փաստի մասին:

 

__________________ (ստորագրություն)

________________ (ամսաթիվը)

 

Հավելված 5

 

ԲԱՆԿԻ ԳՐԱՆՑՄԱՆ ԴԻՄՈՒՄԻ ՁԵՎ

 

Հայաստանի Հանրապետության կենտրոնական բանկի նախագահ պարոն ___________

 

Դ Ի Մ ՈՒ Մ

 

Հարգելի պարոն ___________________________

 

Մենք` ______________________________________________________

(բանկի անվանումը և կազմակերպական-իրավական տեսակը)

 

 

նախաձեռնող ներքոստորագրյալներս, ստացել ենք __________

 (ամիս ամսաթիվը)

 

բանկային գործունեության լիցենզիայի նախնական հավանությունը:

Համաձայն Հայաստանի Հանրապետության օրենքների և այլ իրավական ակտերի` կից ներկայացնում ենք բանկի գրանցման համար անհրաժեշտ փաստաթղթերը (ցանկը և փաստաթղթերը _____ էջ):

Մենք` ներքոստորագրյալներս, հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք, որ տեղեկատվությունը արժանահավատ է ու ամբողջական, և գիտակցում ենք, որ որևէ փաստի սխալ ներկայացումը կամ բացթողումը հանգեցնում է օրենքով սահմանված քրեական, վարչական և կարգապահական պատասխանատվության:

Խնդրում ենք գրանցել բանկը:

 

Բանկի ստեղծման նախաձեռնող անձինք`

 

Ստորագրություն	անուն, ազգանուն	անձնագրի սերիան, համարը, (ում կողմից և երբ է տրված)
_________________	_________________	__________________________
_________________	_________________	__________________________
_________________	_________________	__________________________
_________________	_________________	__________________________

 

 

____ __________ 200 թ.

 

Հավելված 6

 

ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ ԳՐԱՆՑՄԱՆ ԴԻՄՈՒՄԻ ՁԵՎ

 

Հայաստանի Հանրապետության կենտրոնական բանկի նախագահ պարոն ___________

 

Դ Ի Մ ՈՒ Մ

 

Հարգելի պարոն ______________________________________

 

________________________________________________ բանկը _____ ստացել է

օտարերկրյա բանկի անվանումը ամիսը, ամսաթիվը

Հայաստանի Հանրապետության տարածքում մասնաճյուղ հիմնադրելու համար բանկային գործունեության լիցենզիայի նախնական հավանություն:

Համաձայն Հայաստանի Հանրապետության օրենքների և այլ իրավական ակտերի` կից ներկայացնում ենք բանկի մասնաճյուղի գրանցման համար անհրաժեշտ փաստաթղթերը (ցանկը և փաստաթղթերը էջ):

Հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը:

Հավաստիացնում ենք, որ տեղեկատվությունը արժանահավատ է ու ամբողջական, և գիտակցում ենք, որ որևէ փաստի սխալ ներկայացումը կամ բացթողումը հանգեցնում է օրենքով սահմանված քրեական, վարչական և կարգապահական պատասխանատվության:

Խնդրում ենք գրանցել բանկի մասնաճյուղը:

________________________________________________________

(օտարերկրյա բանկի իրավասու անձի անունը, ազգանունը, ստորագրությունը)

 

___ __________ 200 թ.

 

Հավելված 7

 

Տ Ե Ղ Ե Կ Ա Ն Ք

 

ԲԱՆԿԻ ԿԱՆՈՆԱԴՐԱԿԱՆ ՀԻՄՆԱԴՐԱՄՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔ ԲԵՐՈՂ ԻՐԱՎԱԲԱՆԱԿԱՆ ԱՆՁԻ ՎԵՐԱԲԵՐՅԱԼ

 

1. Նշանակալից մասնակցություն ձեռք բերող անձի անվանումը (այսուհետև` կազմակերպություն).

2. Գտնվելու վայրը.

3. Գրանցման ամսաթիվը և վայրը.

4. Բանկի անվանումը, որտեղ կազմակերպությունը ակնկալում է ձեռք բերել նշանակալից մասնակցություն.

5. Բանկի ձեռքբերման ենթակա բաժնետոմսերի (փայերի)

 

ընդհանուր թիվը`

_______________ (գումարային)

_______________ (տոկոսային)

այդ թվում` ձայնի իրավունք տվող`

_______________ (գումարային)

_______________ (տոկոսային)

 

6. Նշեք`

ա) Յուրաքանչյուր բաժնետոմսի (փայի) վաճառքի գինը. _____________

բ) Առաջարկվող գործարքի գնման գինը. _____________

գ) Բաժնետոմսի (փայի) ընթացիկ հաշվեկշռային արժեքը. _____________

դ) Բաժնետոմսի (փայի) ընթացիկ շուկայական արժեքը. _____________

7. Նշեք մասնակցության ձեռքբերման ժամկետները և պայմանները, ինչպես նաև այն եղանակը, որով կատարվելու է ձեռքբերումը` կանխիկ կամ անկանխիկ (ընդգծել).

7.1. Նշեք ներդրման աղբյուրները, եթե այն կատարվում է փոխառության կամ վարկի ստացմամբ.

 

Վարկատուի կամ փոխառություն տրամադրողի անվանումը	Հասցեն կամ գտնվելու վայրը	Վարկի կամ   փոխառության գումարը	Գրավի առարկան	Փոխառության կամ վարկի ստացման պայմանները և ժամկետները	Միջոցները, որի հաշվին վարկը կամ փոխառությունը պետք է մարվի

 

7.2. Եթե նշանակալից մասնակցությունը ձեռք է բերվում այլ մասնակցից, ապա լրացրեք ներքոհիշյալ աղյուսակը.

 

Վաճառողի/փոխանցողի անունը (անվանումը)	Ներկայումս տնօրինվող բաժնետոմսերի քանակը	Վաճառքի/փոխանցման ենթակա բաժնետոմսերի քանակը	Առաջարկից հետո մնացած բաժնետոմսերի քանակը
Ընդամենը

 

8. Ներկայացրեք բանկի կանոնադրական հիմնադրամում մասնակցության ձեռքբերման վերաբերյալ տեղեկատվության ստացման աղբյուրները.

9. Տեղեկություններ այլ անձանց կանոնադրական հիմնադրամում մասնակցությունների վերաբերյալ.

 

Կազմակերպության անվանումը	Գտնվելու վայրը	Մասնակցության չափը
		գումարային	տոկոսային

 

10. Եթե բաժնետոմսերը ձայնի իրավունք չեն տալիս, ապա պետք է նշել տվյալ բաժնետոմսերի քանակը և անվանական արժեքը.

11. Տեղեկություններ կազմակերպության իրավաբանական անձ-մասնակիցների վերաբերյալ.

 

Մասնակիցների անվանումը	Գտնվելու վայրը	Մասնակցության չափը
		գումարային	տոկոսային

 

12. Տեղեկություններ կազմակերպության ֆիզիկական անձ-մասնակիցների վերաբերյալ.

 

Մասնակիցների անունը, ազգանունը, հայրանունը	Հասցեն և Անձնագրային բնակության տվյալները վայրը	Մասնակցության չափը
		գումարային	տոկոսային

 

 13. Տեղեկություններ կազմակերպության ղեկավարների (կառավարման մարմինների անդամների և գլխավոր հաշվապահի) վերաբերյալ.

 

Ղեկավարի անունը, ազգանունը, հայրանունը	Զբաղեցրած պաշտոնը	Անձնագրային տվյալները	Հասցեն և մշտական բնակության վայրը

 

14. 20%-ից ավելի մասնակցություն ունեցող յուրաքանչյուր ֆիզիկական անձ-մասնակիցների վերաբերյալ լրացվում է հետևյալ աղյուսակը.

14.1. Մասնակցի անունը, ազգանունը, անձնագրային տվյալները _____________

 

Մասնակցի հետ փոխկապակցված անձինք	Անուն, ազգանուն, հայրանուն	Անձնագրային տվյալներ	Կազմակերպությունների անվանումը, որտեղ ունեն մասնակցություն	Կազմակերպությունը, որտեղ աշխատում են
			անվանումը	գումարային տոկոսային անվանումը պաշտոնը
հայրը մայրը ամուսինը ամուսնու ծնողները տատը պապը քույրը եղբայրը երեխաները քրոջ ամուսինը    քրոջ երեխաները   եղբոր կինը եղբոր երեխաները

 

15. Հայտարարություն «Բանկերի և բանկային գործունեության մասին» ՀՀ օրենքի 18-րդ հոդվածի 2-րդ մասով նախատեսված հիմքերի բացակայության և ՀՀ կենտրոնական բանկի հաստատած ուղեցույցի համաձայն.

16. Հայտարարություն «Բանկերի և բանկային գործունեության մասին» ՀՀ օրենքի 40-րդ հոդվածում նշված միջոցների բացակայության մասին.

17. Այլ տեղեկություններ.

18. Հավաստիացնում եմ, որ սույն տեղեկատվությունը ստույգ է և լիակատար: Գիտակցում եմ, որ որևէ փաստի սխալ ներկայացումը կամ բացթողումը հանգեցնում է օրենքով սահմանված քրեական, վարչական և կարգապահական պատասխանատվության: Ես համաձայն եմ` Կենտրոնական բանկին տեղեկացնել տեղի ունեցող կամ ակնկալվող որևէ էական փոփոխության փաստի մասին:

 

Տնօրենի անունը, ազգանունը ամսաթիվ Ստորագրություն

 

Կ.Տ.

 

Հավելված 8

 

Տ Ե Ղ Ե Կ Ա Ն Ք

 

ԲԱՆԿԻ ԿԱՆՈՆԱԴՐԱԿԱՆ ՀԻՄՆԱԴՐԱՄՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔ ԲԵՐՈՂ ՖԻԶԻԿԱԿԱՆ ԱՆՁԻ ՎԵՐԱԲԵՐՅԱԼ

 

1. Նշանակալից մասնակցություն ձեռք բերող անձի`

 

Անունը, ազգանունը, հայրանունը	______________________________
Սեռը	______________________________
Ծննդյան տարեթիվը, ամիսը, ամսաթիվը	______________________________
Ծննդավայրը	______________________________
Քաղաքացիությունը	______________________________
Ընտանեկան դրությունը տվյալ պահին	______________________________
Անձնագրի սերիան և համարը	______________________________ (օտարերկրյա անձանց համար, օրինակ` սոցիալական պաշտպանվածության համարը)

 

Հասցեն (մշտական և բնակության տվյալ պահին) ______________________

 

Հեռախոսահամարներ ______________________________________

 

2. (նախատեսվող բանկի անվանումը) ____________________________

 

3. Նշեք այժմ և նախկինում Ձեր ունեցած մյուս բոլոր անունները, ինչպես նաև դրանք կրելու ժամանակաշրջանը.

 

Անունը, ազգանունը	Կրելու ժամանակաշրջանը
_________________	_____________________
_________________	_____________________

 

4. Կրթություն, որակավորում.

 

Ուսումնական հաստատության (այդ թվում` դպրոցի) անվանումը	Գտնվելու վայրը	Հաճախումների ժամանակաշրջանը (____թ-ից մինչև ____թ.)	Գիտական    աստիճանները

 

5. Ինչ օտար լեզուների եք տիրապետում.

 

6. Աշխատանքային գործունեությունը.

 

N	Կազմակերպության (ձեռնարկության) անվանումը	Գտնվելու վայրը	Աշխատանքի ընդունման և ազատման ժամկետները	Պաշտոնը	Ծանոթա- գրություն
1. 2. 3.

 

7. Տեղեկություններ «Բանկերի և բանկային գործունեության մասին» ՀՀ օրենքի 18-րդ հոդվածում նշված հիմքերի և նույն օրենքի 40-րդ հոդվածում նշված միջոցների բացակայության մասին.

 

8. Մանրամասնորեն նկարագրեք Ձեր դերը և պատասխանատվության ոլորտը որպես բանկի մասնակից.

 

9. Նշեք այն բոլոր կազմակերպությունները, որոնց կանոնադրական հիմնադրամում ունեք մասնակցություն.

 

Կազմակերպության անվանումը	Գտնվելու վայրը	Մասնակցության չափը
		գումարային	տոկոսային

 

10. Եթե բաժնետոմսերը ձայնի իրավունք չեն տալիս, ապա պետք է նշել տվյալ բաժնետոմսերի քանակը և անվանական արժեքը:

11. Նշեք այն բոլոր կազմակերպությունները, որտեղ ղեկավար եք (խորհրդի նախագահ, խորհրդի անդամ, գործադիր տնօրեն, նրա տեղակալ, վարչության նախագահ, վարչության անդամ, գլխավոր հաշվապահ, նրա տեղակալ, վերստուգիչ հանձնաժողովի նախագահ, վերստուգիչ հանձնաժողովի անդամ), այդ թվում` կառուցվածքային կամ տարածքային ստորաբաժանման ղեկավար.

12. Լրացրեք հետևյալ աղյուսակը` Ձեզ հետ փոխկապակցված անձանց վերաբերյալ.

 

Փոխկապակցված անձինք	Անուն, ազգանուն, հայրանուն	Անձնագրային տվյալներ	Կազմակերպությունների անվանումը, որտեղ ունեն մասնակցություն	Կազմակերպությունը, որտեղ աշխատում են
			անվանումը	գումարային տոկոսային անվանումը պաշտոնը
հայրը մայրը ամուսինը ամուսնու ծնողները տատը պապը քույրը եղբայրը երեխաները քրոջ ամուսինը    քրոջ երեխաները   եղբոր կինը եղբոր երեխաները այլ անձինք, որոնց հետ վարվում է ընդհանուր տնտեսություն այլ անձինք, որոնց հետ իրականացվում է համատեղ ձեռնարկատիրական գործունեություն այլ անձինք, որոնց հետ գործում եք համաձայնեցված` ելնելով ընդհանուր տնտեսական շահերից

 

13. Նշեք Ձեզ անձամբ ճանաչող ֆինանսաբանկային համակարգում աշխատած կամ աշխատող անձանց վերաբերյալ տվյալները, եթե այդպիսիք կան.

 

N	Անուն, ազգանուն	Աշխատանքի բնույթը կամ զբաղեցրած պաշտոնը	Հասցե	Հեռախոս
1. 2. 3. 4.

 

14. Բանկի կանոնադրական հիմնադրամում նշանակալից մասնակցություն ձեռք բերող անձի ակնկալիքները տվյալ ներդրումից.

 

15. Հայտարարություն քրեական հանցանքներ և կարգապահական պատժամիջոցներ չունենալու վերաբերյալ.

 

16. Բանկի ձեռքբերման ենթակա բաժնետոմսերի (փայերի)

 

ընդհանուր թիվը`

_______________ (գումարային)

_______________ (տոկոսային)

 

այդ թվում` ձայնի իրավունք տվող`

_______________ (գումարային)

_______________ (տոկոսային)

 

 

17. Նշեք`

ա) Յուրաքանչյուր բաժնետոմսի (փայի) վաճառքի գինը. _____________

բ) Առաջարկվող գործարքի գնման գինը. _____________

գ) Բաժնետոմսի (փայի) ընթացիկ հաշվեկշռային արժեքը. _____________

դ) Բաժնետոմսի (փայի) ընթացիկ շուկայական արժեքը: _____________

18. Նշեք մասնակցության ձեռքբերման ժամկետները և պայմանները, ինչպես նաև այն եղանակը, որով կատարվելու է ձեռքբերումը` կանխիկ կամ անկանխիկ (ընդգծել).

19. Նշեք ներդրման աղբյուրները, եթե այն կատարվում է փոխառության կամ վարկի ստացմամբ.

 

Վարկատուի կամ փոխառություն տրամադրողի անվանումը	Հասցեն կամ գտնվելու վայրը	Վարկի կամ   փոխառության գումարը	Գրավի առարկան	Փոխառության կամ վարկի ստացման պայմանները և ժամկետները	Միջոցները, որի հաշվին վարկը կամ փոխառությունը պետք է մարվի

 

20. Նշեք ներդրման աղբյուրները, եթե այն կատարվում է սեփական միջոցների

հաշվին _________________________

 

21. Եթե նշանակալից մասնակցությունը ձեռք է բերվում այլ մասնակցից, ապա լրացրեք ներքոհիշյալ աղյուսակը`

 

Վաճառողի/փոխանցողի անունը (անվանումը)	Ներկայումս տնօրինվող բաժնետոմսերի քանակը	Վաճառքի/փոխանցման ենթակա բաժնետոմսերի քանակը	Առաջարկից հետո մնացած բաժնետոմսերի քանակը
Ընդամենը

 

22. Ներկայացրեք բանկի կանոնադրական հիմնադրամում մասնակցության ձեռքբերման վերաբերյալ տեղեկատվության ստացման աղբյուրները.

23. Այլ տեղեկություններ.

24. Հավաստիացնում եմ, որ սույն կենսագրական տվյալներում պարունակվող տեղեկատվությունը ստույգ է և լիակատար: Գիտակցում եմ, որ որևէ փաստի սխալ ներկայացումը կամ բացթողումը հանգեցնում է օրենքով սահմանված քրեական, վարչական և կարգապահական պատասխանատվության:

Ես համաձայն եմ` Կենտրոնական բանկին տեղեկացնել անձնական, կենսագրական և ֆինանսական տեղեկատվության մեջ տեղի ունեցող կամ ակնկալվող որևէ էական փոփոխության փաստի մասին:

 

________________ (ստորագրություն)

__________ (ամսաթիվը)

 

Հավելված 9

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ   ԲԱՆԿԻ ԳՐԱՆՑՄԱՆ ՎԿԱՅԱԿԱՆ   Ք. ԵՐԵՎԱՆ

Գրանցված է ՀՀ կենտրոնական բանկի խորհրդի ____ թվականի թիվ ____  որոշմամբ ԳՐԱՆՑՄԱՆ ՎԿԱՅԱԿԱՆ թիվ ___ Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների` սույն վկայականը տրվում է _____________________________ բանկին (անվանումը, կազմակերպական-իրավական տեսակը) __________________________________________ (բանկի հասցեն)   Գրանցման համարը _________________________   Գրանցման ամսաթիվ, ամիս, տարեթիվ _________   Հայաստանի Հանրապետության կենտրոնական բանկի նախագահ _____________________   Կ.Տ.   _____________  200 ____ թ.

 

Հավելված 10

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿ

 

ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ ԳՐԱՆՑՄԱՆ ՎԿԱՅԱԿԱՆ

 

Ք. ԵՐԵՎԱՆ

Գրանցված է ՀՀ կենտրոնական բանկի խորհրդի ____ թվականի թիվ ____ որոշմամբ

 

ԳՐԱՆՑՄԱՆ ՎԿԱՅԱԿԱՆ թիվ ___

 

Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների` սույն վկայականը տրվում է օտարերկրյա բանկի

_______________________________ մասնաճյուղին:

______________________ _______________________

(օտարերկրյա բանկի մասնաճյուղի հասցեն)

 

Գրանցման համարը _________________________

Գրանցման ամսաթիվ, ամիս, տարեթիվ _________

 

Հայաստանի Հանրապետության

կենտրոնական բանկի նախագահ

_____________________

 

_____________ 200  թ.

 

Կ.Տ.

 

Հավելված 11

 

ԲԱՆԿԻՆ ՏՐՎՈՂ ԼԻՑԵՆԶԻԱՅԻ ՁԵՎ

 

ՀՀ կենտրոնական բանկի նախագահ _____________ --- ------- 200  թ.

 

Բանկային գործունեության լիցենզիա թիվ ___

 

Սույն լիցենզիան տրվում է ___________________________________________

(բանկի անվանումը և կազմակերպական-իրավական տեսակը)

 

«Բանկերի և բանկային գործունեության մասին» Հայաստանի Հանրապետության օրենքով նախատեսված` Հայաստանի Հանրապետության դրամով և արտարժույթով բանկային գործունեություն և ֆինանսական գործառնություններ իրականացնելու համար:

 

Գրանցման թիվը _________________

 

Հավելված 12

 

ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻՆ ՏՐՎՈՂ ԼԻՑԵՆԶԻԱՅԻ ՁԵՎ

 

ՀՀ կենտրոնական բանկի նախագահ _____________ --- ------- 200  թ.

 

Բանկային գործունեության լիցենզիա թիվ ___

 

Սույն լիցենզիան տրվում է ________________________________________

(օտարերկրյա բանկի մասնաճյուղի անվանումը)

 

«Բանկերի և բանկային գործունեության մասին» Հայաստանի Հանրապետության օրենքով նախատեսված` Հայաստանի Հանրապետության դրամով և արտարժույթով բանկային գործունեություն և ֆինանսական գործառնություններ իրականացնելու համար:

Օտարերկրյա բանկի մասնաճյուղը Հայաստանի Հանրապետության տարածքում կարող է ավանդներ ընդունել միայն ՀՀ ոչ ռեզիդենտներից, բացառությամբ Հայաստանի Հանրապետության տարածքում գործող բանկերի:

 

Գրանցման թիվը ________________

 

Հավելված 13

 

ԲԱՆԿԻ ՄԱՍՆԱՃՅՈՒՂԻ ԳՈՐԾՈՒՆԵՈՒԹՅԱՆ ՏՆՏԵՍԱԿԱՆ ԾՐԱԳՐԻ ՁԵՎ

 

Բաժին 1. Ընդհանուր դրույթներ

Բաժին 2. Ներքին կազմակերպական կառուցվածքը

Բաժին 3. Ֆինանսական գործառնությունները և գործունեության հիմնական ուղղությունները

Բաժին 4. Ակտիվների ու պասիվների մոտավոր կազմը և կառուցվածքը

Բաժին 5. Եկամուտների և ծախսերի պլանային հաշվարկը

 

Կանխատեսումների ձևեր

 

Եկամուտների և ծախսերի նախահաշվարկներ (կանխատեսումներ) (ձև 1)

Հաշվեկշռի հաշվարկային նախագծեր (կանխատեսումներ) (ձև 2)

 

Ձև 1

 

Եկամուտների եվ ծախսերի նախահաշվարկներ
(ԿԱՆԽԱՏԵՍՈՒՄՆԵՐ)

(հազ. դրամ)

#	Անվանումը	Առաջիկա տարիներ
		I տարի	II տարի
1.	Տոկոսային եկամուտներ	X	X
1.1.	Տեղաբաշխված վարկերի դիմաց ստացված տոկոսներ
1.2.	Օվերդրաֆտից, օվերնայթից ստացված տոկոսներ
1.3.	Վարկային քարտերից ստացված տոկոսներ
1.4.	Պետական գանձապետական արժեթղթերից ստացված տոկոսներ, այդ թվում` հետգնման պայմանագրերով տնօրինվող արժեթղթերից
1.5.	Այլ արժեթղթերից ստացված տոկոսներ
1.6.	Ֆորվարդային, ֆյուչերսային, օպցիոն պայմանագրերից ստացված տոկոսներ
1.7.	Լիզինգից և ֆակտորինգից ստացված տոկոսներ
1.8.	Այլ տոկոսային եկամուտներ
	Ընդամենը տոկոսային եկամուտներ
2.	Տոկոսային ծախսեր	X	X
2.1.	Բանկերից և այլ ֆինանսավարկային կազմակերպություններից ներգրաված միջոցների դիմաց վճարված տոկոսներ
2.2.	Ներգրավված ժամկետային ավանդների դիմաց վճարված տոկոսներ
2.3.	Միջազգային ֆինանսական կազմակերպություններից ներգրաված միջոցների դիմաց վճարված տոկոսներ
2.4.	Օվերդրաֆտի, օվերնայթի դիմաց վճարված տոկոսներ
2.5.	Տոկոսային ծախսեր բանկի կողմից թողարկված արժեթղթերի գծով
2.6.	Ֆորվարդային, ֆյուչերսային, օպցիոն պայմանագրերի դիմաց վճարված տոկոսներ
2.7.	Լիզինգի դիմաց վճարված տոկոսներ
2.8.	Ստորադաս փոխառությունների դիմաց վճարված տոկոսներ
2.9.	Այլ տոկոսային ծախսեր
	Ընդամենը տոկոսային ծախս
	Զուտ տոկոսային եկամուտներ
3.	Ոչ տոկոսային եկամուտներ	X	X
3.1.	Ստացված զուտ կոմիսիոն գումարներ
3.2.	Գանձապետարանի սպասարկումից ստացված եկամուտներ
3.3.	Արժեթղթերի վաճառքից ստացված զուտ եկամուտներ
3.4.	Արտարժույթի առք ու վաճառքից ստացված զուտ եկամուտներ
3.5.	Արտարժույթի վերագնահատումից ստացված դրական (բացասական) փոխարժեքային տարբերություն
3.6.	Հիմնական միջոցների օտարումից ստացված զուտ եկամուտներ
3.7.	Վերագնահատումից ստացված զուտ եկամուտներ
3.8.	Ստացված տույժեր, տուգանքներ
3.9.	Այլ ոչ տոկոսային եկամուտներ
	Ընդամենը ոչ տոկոսային եկամուտներ
4.	Ոչ տոկոսային ծախսեր	X	X
4.1.	Աշխատավարձ և դրան հավասարեցված այլ վճարումներ
4.2.	Գործուղման ծախսեր
4.3.	Կենսաթոշակային, զբաղվածության և սոցիալական ապահովագրության համար վճարներ
4.4.	Ամորտիզացիոն մասհանումներ
4.5.	Համակարգչային ծրագրերի, սարքավորումների սպասարկման և պահպանման գծով ծախսեր
4.6.	Կապի և հաղորդակցական միջոցների գծով ծախսեր
4.7.	Վճարված տույժեր, տուգանքներ
4.8.	Այլ ոչ տոկոսային ծախսեր
	Ընդամենը ոչ տոկոսային ծախսեր
	Զուտ ոչ տոկոսային եկամուտներ
5.	Հատկացումներ ակտիվների հնարավոր կորուստների պահուստներին	X	X
5.1.	Վարկերի գծով վարկերի և դեբիտորական պարտքերի հնարավոր կորուստների պահուստին
5.2.	Արժեթղթերի հնարավոր կորուստների ծածկման պահուստին
5.3.	Պարտքերի գծով վարկերի և դեբիտորական պարտքերի հնարավոր կորուստների պահուստին
	Ընդամենը հատկացումներ
6.	Դուրս գրված ակտիվների վերադարձ	X	X
6.1.	Վարկերի հնարավոր կորուստների ծածկման պահուստի հաշվին հետհաշվեկշիռ դուրս գրված վարկերի վերադարձ
6.2.	Վարկերի և դեբիտորական պարտքերի հնարավոր կորուստների ծածկման պահուստին մասհանված, սակայն դեռևս հետհաշվեկշիռ դուրս չգրված վարկերի վերադարձ
6.3.	Արժեթղթերի հնարավոր կորուստների ծածկման պահուստի հաշվին դուրս գրված արժեթղթերի մարում
6.4.	Վարկերի և դեբիտորական պարտքերի հնարավոր կորուստների ծածկման պահուստի հաշվին հետհաշվեկշիռ դուրս գրված պարտքերի վերադարձ
6.5.	Վարկերի և դեբիտորական պարտքերի հնարավոր կորուստների ծածկման պահուստին մասհանված, սակայն դեռևս հետհաշվեկշիռ դուրս չգրված պարտքերի վերադարձ
	Ընդամենը վերադարձ
	Զուտ մասհանումներ

 

Շահույթ` մինչև հարկվելը

 

________________________________________________________________

(հիմնադիր բանկի իրավասու անձի անունը, ազգանունը, ստորագրությունը)

 

___ _______ 200 __ թ.

 

 

Ձև 2

 

ՀԱՇՎԵԿՇՌԻ ՀԱՇՎԱՐԿԱՅԻՆ ՆԱԽԱԳԾԵՐ
(կանխատեսումներ)

 

(հազ. դրամ)

Ակտիվներ	Առաջիկա տարիներ
Կանխիկ դրամական միջոցներ	I տարի	II տարի
Հաճախորդներին տրված վարկեր,
այդ թվում`
կարճաժամկետ վարկեր
երկարաժամկետ վարկեր
Այլ բանկային գործառնությունների գծով ստացվելիք գումարներ
Առհաշիվ տրված գումարներ և կանխավճարներ
Հիմնական միջոցներ (հանած մաշվածքը)
այդ թվում`
շենքեր
համակարգիչներ և հաղորդակցման միջոցներ
Ոչ նյութական ակտիվներ (հանած մաշվածքը)
Այլ ակտիվներ
Ընդամենը` ակտիվներ
Պասիվներ
Թղթակցային հաշիվներ
Ցպահանջ ավանդներ
Ավանդներ բանկերից
Ժամկետային ավանդներ
Այլ պարտավորություններ
Հիմնական միջոցների վերագնահատում
Կրեդիտորներ և այլ պարտավորություններ
Ընդամենը` պասիվներ

 

Հավելված 14

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ   ԲԱՆԿԻ ՄԱՍՆԱՃՅՈՒՂԻ ԳՐԱՆՑՄԱՆ ՎԿԱՅԱԿԱՆ     Ք. ԵՐԵՎԱՆ

Գրանցված է ՀՀ կենտրոնական բանկի խորհրդի ____ թվականի թիվ ____  որոշմամբ ԳՐԱՆՑՄԱՆ ՎԿԱՅԱԿԱՆ թիվ ___ Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների` սույն վկայականը տրվում է _____________________________ բանկի   _____________________________ մասնաճյուղին   Գործունեության հասցեն _______________________ (բանկի մասնաճյուղի հասցեն)   Գրանցման համարը   Գրանցման ամսաթիվ, ամիս, տարեթիվ _________   Հայաստանի Հանրապետության կենտրոնական բանկի նախագահ _____________________   Կ.Տ.   _____________  200 ____ թ.

 

Հավելված 15

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿ

 

ԲԱՆԿԻ ՆԵՐԿԱՅԱՑՈՒՑՉՈՒԹՅԱՆ ԳՐԱՆՑՄԱՆ ՎԿԱՅԱԿԱՆ

 

Ք. ԵՐԵՎԱՆ

Գրանցված է ՀՀ կենտրոնական բանկի խորհրդի ____ թվականի թիվ ____ որոշմամբ

 

ԳՐԱՆՑՄԱՆ ՎԿԱՅԱԿԱՆ թիվ ___

 

Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների` սույն վկայականը տրվում է

_______________________________ բանկի

______________________________  ներկայացուցչությանը:

Գործունեության հասցեն ___________________________ (բանկի մասնաճյուղի հասցեն)

Գրանցման համարը

Գրանցման ամսաթիվ, ամիս, տարեթիվ

Հայաստանի Հանրապետության կենտրոնական բանկի նախագահ _______________________

___ ___________ 200  թ.

 

Կ.Տ.

 

Հավելված 16

 

Դ Ի Մ ՈՒ Մ Ի  Ձ Ե Վ
 
ՈՐԱԿԱՎՈՐՄԱՆ ՎԿԱՅԱԿԱՆ ՍՏԱՆԱԼՈՒ ՀԱՄԱՐ

 

Հայաստանի Հանրապետության կենտրոնական բանկի նախագահ _________________________

 

Խնդրում եմ թույլատրել մասնակցել բանկի _______________________________

(պաշտոնի կամ պաշտոնների անվանումը)

 

պաշտոնում (պաշտոններում) աշխատելու համար որակավորման քննությանը:

Կից ներկայացնում եմ`

- բարձրագույն (միջնակարգ մասնագիտական) կրթության դիպլոմի (վկայականի) պատճենը (եթե ունեք),

- գիտական աստիճանը հաստատող փաստաթղթի պատճենը (եթե ունեք),

- կենսագրական տվյալներ` սահմանված ձևով (հավելված 4),

- ՀՀ կենտրոնական բանկի կողմից սահմանված գումարի վճարումը հավաստող փաստաթուղթ:

 

Դիմող`

_______________ (անուն, ազգանուն)

______________ (ստորագրություն)

 

Հավելված 17

 

ՈՐԱԿԱՎՈՐՄԱՆ ՎԿԱՅԱԿԱՆԻ ՁԵՎ

 

Վ Կ Ա Յ Ա Կ Ա Ն

 

Համաձայն Հայաստանի Հանրապետության կենտրոնական բանկի նախագահի 200 թ. թիվ հրամանի (Կենտրոնական բանկի վերահսկողության և լիցենզավորման հանձնաժողովի 200 թ. թիվ արձանագրություն)`

________________________________________ - ին

(անուն, ազգանուն անձնագրային տվյալներ)

 

տրվել է բանկի _______________________________________

(պաշտոնի կամ պաշտոնների անվանումը)

 

պաշտոնում (պաշտոններում) աշխատելու համար որակավորման դրական եզրակացություն:

Սույն վկայականն ուժի մեջ է մինչև ___ _______ 200 թ.:

 

Հայաստանի Հանրապետության կենտրոնական բանկի նախագահ

 _________________________

___ ___________ 200 թ.

 

Հավելված 18

 

(Հավելվածը հանվել է 27.05.02 թիվ 178)

 

Հավելված 19

(Հավելվածը հանվել է 27.05.02 թիվ 178)

 

Փոփոխման պատմություն

Փոփոխող ակտ		Համապատասխան ինկորպորացիան
12.04.2005, N 145-Ն		---------
04.05.2004, N 114-Ն		---------
13.04.2004, N 90-Ն		---------
26.08.2003, N 297-Ն		---------
17.12.2002, N 440-Ն		---------
23.10.2002, N 333-Ն		---------
21.08.2002, N 277-Ն		---------
23.07.2002, N 248-Ն		---------
27.05.2002, թիվ 178		31.05.2002, N 49

Փոփոխված ակտ

Փոփոխող ակտ		Համապատասխան ինկորպորացիան