ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

24 սեպտեմբերի 2007 թվականի N 673-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2000 ԹՎԱԿԱՆԻ ՀՈՒՆԻՍԻ 20-Ի N 370 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Համաձայն «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասի`

1. Հայաստանի Հանրապետության վարչապետի 2000 թվականի հունիսի 20-ի «Որդեգրման հարցերով հանրապետական հանձնաժողովի կանոնադրությունը և անհատական կազմը հաստատելու մասին» N 370 որոշման մեջ կատարել հետևյալ փոփոխությունները`

1) որոշմամբ հաստատված որդեգրման հարցերով հանրապետական հանձնաժողովի
 կանոնադրության`

ա. 1-ին կետում «օտարերկրյա քաղաքացիների և քաղաքացիություն չունեցող անձանց» բառերը փոխարինել «օտարերկրյա քաղաքացիների, քաղաքացիություն չունեցող անձանց և Հայաստանի Հանրապետության սահմաններից դուրս բնակվող Հայաստանի Հանրապետության քաղաքացիների» բառերով,

բ. 8-րդ կետի «բ» ենթակետից հանել «լրացնել որդեգրել ցանկացող օտարերկրյա քաղաքացու անձնական քարտը» բառերը,

գ. 8-րդ կետի «դ» ենթակետն ուժը կորցրած ճանաչել,

դ. 8-րդ կետի «է», 9-րդ կետի «ա» ենթակետերում և 11-րդ կետում «Հայաստանի Հանրապետության սոցիալական ապահովության» բառերը փոխարինել «Հայաստանի Հանրապետության աշխատանքի և սոցիալական հարցերի» բառերով,

ե. 9-րդ կետի «գ» ենթակետն ուժը կորցրած ճանաչել.

2) որդեգրման հարցերով հանրապետական հանձնաժողովի անհատական կազմը շարադրել նոր խմբագրությամբ` համաձայն հավելվածի:

Հայաստանի Հանրապետության վարչապետ	Ս. Սարգսյան
2007 թ. սեպտեմբերի 24 Երևան

	Հավելված N 1 ՀՀ վարչապետի 2007 թվականի սեպտեմբերի 24-ի N 673-Ա որոշման
	«Հաստատված է ՀՀ վարչապետի 2000 թվականի հունիսի 20-ի N 370 որոշմամբ

Ա Ն Հ Ա Տ Ա Կ Ա Ն  Կ Ա Զ Մ

ՈՐԴԵԳՐՄԱՆ ՀԱՐՑԵՐՈՎ ՀԱՆՐԱՊԵՏԱԿԱՆ ՀԱՆՁՆԱԺՈՂՈՎԻ

Գ. Դանիելյան	- ՀՀ արդարադատության նախարար (հանձնաժողովի նախագահ)
Հ. Քուշկյան	- ՀՀ առողջապահության նախարար
Ա. Վարդանյան	- ՀՀ աշխատանքի և սոցիալական հարցերի նախարար
Լ. Մկրտչյան	- ՀՀ կրթության և գիտության նախարար
Ա. Կիրակոսյան	- ՀՀ արտաքին գործերի նախարարի տեղակալ
Ա. Նազարյան	- ՀՀ պաշտպանության նախարարի տեղակալ
Հ. Հարությունյան	- ՀՀ ոստիկանության պետ
Ա. Կարապետյան	- ՀՀ կառավարության աշխատակազմի սոցիալական հարցերի վարչության պետ (հանձնաժողովի քարտուղար)»: