ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

11 հունիսի 2009 թվականի N 660-Ն

ԳԵՐՆՈՐՄԱՏԻՎԱՅԻՆ ՋՐԱՊԱՀԱՆՋԱՐԿ ՈՒՆԵՑՈՂ ՀԱՄԱՅՆՔՆԵՐԻ ՋՐՕԳՏԱԳՈՐԾՈՂՆԵՐԻՆ ՊԵՏԱԿԱՆ ԱՋԱԿՑՈՒԹՅԱՆ ԳՈՒՄԱՐԻ ՉԱՓԸ ԵՎ ՏՐԱՄԱԴՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Հայաստանի Հանրապետության Արագածոտնի, Արարատի, Արմավիրի և Կոտայքի մարզերի գերնորմատիվային ջրապահանջարկ ունեցող բնակավայրերի ջրօգտագործողներին պետական աջակցություն ցուցաբերելու նպատակով Հայաստանի Հանրապետության կառավարությունը որոշում է.

1. Գերնորմատիվային ջրապահանջարկ ունեցող համայնքների ջրօգտագործողներին պետական աջակցության նպատակով Հայաստանի Հանրապետության գյուղատնտեսության նախարարությանը Հայաստանի Հանրապետության 2009 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին հատկացնել 42,582.0 հազ. դրամ, որից` 3600.0 հազ. դրամը` 2009 թվականի ինն ամսում (38,982.0 հազ. դրամը` բյուջետային ծախսերի տնտեսագիտական դասակարգման «Այլ ընթացիկ դրամաշնորհներ» հոդվածով, և 3600.0 հազ. դրամը` «Տեղեկատվական ծառայություններ» հոդվածով)։

(1-ին կետը փոփ. 24.12.09 N 1526-Ն)

2. Հաստատել 2009 թվականին գերնորմատիվային ջրապահանջարկ ունեցող համայնքների ջրօգտագործողներին պետական աջակցության տրամադրման կարգը՝ համաձայն հավելվածի։

3. Հայաստանի Հանրապետության գյուղատնտեսության նախարարին` երկշաբաթյա ժամկետում հաստատել պետական աջակցության տրամադրման պայմանագրի ձևը:

4. Առաջարկել տեղական ինքնակառավարման մարմիններին և ջրօգտագործողների ընկերություններին ապահովել տվյալ համայնքում գերնորմատիվային ջրապահանջարկ ունեցող տարածքների ջրօգտագործողներին պետական աջակցության տրամադրման գործընթացի հրապարակայնությունը և թափանցիկությունը։

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության վարչապետ	Տ. Սարգսյան
2009 թ. հունիսի 19 Երևան

Հավելված ՀՀ կառավարության 2009 թվականի հունիսի 11-ի N 660-Ն որոշման

Կ Ա Ր Գ

2009 ԹՎԱԿԱՆԻՆ ԳԵՐՆՈՐՄԱՏԻՎԱՅԻՆ ՋՐԱՊԱՀԱՆՋԱՐԿ ՈՒՆԵՑՈՂ ՀԱՄԱՅՆՔՆԵՐԻ ՋՐՕԳՏԱԳՈՐԾՈՂՆԵՐԻՆ ՊԵՏԱԿԱՆ ԱՋԱԿՑՈՒԹՅԱՆ ՏՐԱՄԱԴՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում են Հայաստանի Հանրապետության 2009 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից գերնորմատիվային ջրապահանջարկ ունեցող համայնքների ջրօգտագործողներին (այսուհետ` ջրօգտագործողներ) պետական աջակցության տրամադրման գործընթացի հետ կապված հարաբերությունները։

2. Ջրօգտագործողներին պետական աջակցությունը տրամադրվում է կնքված քաղաքացիաիրավական պայմանագրերի հիման վրա։

3. Սույն կարգի համաձայն պետական աջակցությունը Հայաստանի Հանրապետության պետական բյուջեի միջոցներից Հայաստանի Հանրապետության Արագածոտնի, Արարատի, Արմավիրի և Կոտայքի մարզերի գերնորմատիվային ջրապահանջարկ ունեցող 70 համայնքի ջրօգտագործողներին` օգտագործած փաստացի ոռոգման ջրի դիմաց, բացառությամբ գերնորմատիվային ծախսի վճարումից, գերնորմատիվային ջրապահանջարկի չափով անհատույց դրամական հատկացումն է։

4. Պետական աջակցության սուբյեկտ են մինչև մեկ հեկտար (ներառյալ) հողատարածքները սեփականության, վարձակալության և (կամ) անհատույց օգտագործման իրավունքով տնօրինող գյուղատնտեսական հողօգտագործողները։

II. ՊԵՏԱԿԱՆ ԱՋԱԿՑՈՒԹՅԱՆ ՀԱՏԿԱՑՄԱՆ ԿԱՐԳԸ

5. Ջրօգտագործողներին պետական աջակցությունը տրամադրվում է գյուղատնտեսության ոլորտի կառավարման պետական լիազոր մարմնի (այսուհետ՝ լիազոր մարմին), տեղական ինքնակառավարման մարմնի, ջրօգտագործողների ընկերության և ջրօգտագործողների միջև կնքված պետական աջակցության տրամադրման մասին պայմանագրերի հիման վրա։

6. Պայմանագրի ձևը (4 օրինակից) լիազոր մարմնի կողմից տասնհինգ աշխատանքային օրվա ընթացքում տրամադրվում է գերնորմատիվային ջրապահանջարկ ունեցող համայնքների ղեկավարներին:

7. Պետական աջակցության տրամադրման գործընթացն իրականացվելու է հետևյալ փուլերով`

1) գերնորմատիվային ջրապահանջարկ ունեցող համայնքների ջրօգտագործողներին պետական աջակցության տրամադրման կարգի, գործընթացի և դրա պայմանների մասին իրազեկում.

2) երկշաբաթյա ժամկետում` գերնորմատիվային ջրապահանջարկ ունեցող համայնքի ղեկավարի կողմից ջրօգտագործողների ընկերության գործադիր տնօրենի և ջրօգտագործողների ստորագրությամբ հայտը համապատասխան մարզպետին ներկայացնելը։ Վերջինիս կողմից հայտը (որը ներառում է համայնքի անվանումը, ջրօգտագործողի ազգանունը, անունը, ջրօգտագործման պայմանագրի համարը, ոռոգվող հողատարածքի չափը՝ ըստ մշակաբույսերի, ոռոգման ջրի ընդհանուր պահանջարկը` առանձնացնելով գերնորմատիվային մասը` համաձայն նորմատիվային և գերնորմատիվային ջրապահանջարկի տարբերության հաշվարկների աղյուսակի), լիազոր մարմնի ղեկավարին ներկայացնելը.

3) ջրօգտագործողներին պետական աջակցության տրամադրման մասին պայմանագրի կնքում՝ ջրօգտագործողների, ջրօգտագործողների ընկերության, համայնքի ղեկավարի և լիազոր մարմնի կողմից.

4) մինչև 2009 թվականի նոյեմբերի 25-ը, համայնքի ղեկավարի կողմից ջրօգտագործողների ընկերության գործադիր տնօրենի և ջրօգտագործողների ստորագրությամբ՝ ջրօգտագործողների օգտագործած փաստացի ոռոգման ջրի` առանց գերնորմատիվային ծախսի ծավալների դիմաց ամբողջական վճարումների և դրան համապատասխան պետական աջակցության չափի մասին մարզպետի կողմից տեղեկանքը լիազոր մարմնի ղեկավարին ներկայացնելը.

5) ներկայացված տեղեկանքի հիման վրա լիազոր մարմնի կողմից տասնհինգ աշխատանքային օրվա ընթացքում ջրօգտագործողների ընկերություններին ոռոգման ջրի գերնորմատիվային չափաբաժնին համապատասխան պետական աջակցության գումարի հատկացում:

8. 2009 թվականի նոյեմբերի 25-ից հետո լիազոր մարմնի կողմից տեղեկանք չի ընդունվում:

Հայաստանի Հանրապետության կառավարության աշխատակազմի ղեկավար

Դ. Սարգսյան

Ա Ղ Յ ՈՒ Ս Ա Կ

ՆՈՐՄԱՏԻՎԱՅԻՆ ԵՎ ԳԵՐՆՈՐՄԱՏԻՎԱՅԻՆ ՋՐԱՊԱՀԱՆՋԱՐԿԻ ՏԱՐԲԵՐՈՒԹՅԱՆ ՀԱՇՎԱՐԿՆԵՐԻ

հաշվարկները կատարված են 9 դրամ սակագնի դեպքում

ՀԱՄԱՅՆՔՆԵՐԻ  ԱՆՎԱՆՈՒՄԸ		ՄՇԱԿԱԲՈՒՅՍԵՐԻ  ԱՆՎԱՆՈՒՄԸ	ՆՈՐՄԱՏԻՎ			ԳԵՐՆՈՐՄԱՏԻՎ			ԸՆԴՀԱՆՈՒՐ ՏԱՐԲԵՐՈՒԹՅՈՒՆ
			ՌԵ-ԺԻՄԻ N	1 ՀԱ-Ի		ՌԵ-ԺԻՄԻ N	1 ՀԱ-Ի		1 ՀԱ-Ի
				ՊԱՀԱՆ-ՋԱՐԿ Խ.Մ/ՀԱ	ՀԱ-ՍՈՒՅԹ ԴՐԱՄ		ՊԱՀԱՆ-ՋԱՐԿ Խ.Մ/ՀԱ	ՀԱ-ՍՈՒՅԹ ԴՐԱՄ	ՊԱՀԱՆ-ՋԱՐԿ Խ.Մ/ՀԱ	ՀԱՍՈՒՅԹ ԴՐԱՄ
1		2	3	4	5	6	7	8	9	10
1. ԱՐԱԳԱԾ		ԱՇՆԱՆԱՑԱՆ ՑՈՐԵՆ	8	2700	24300	1	7200	64800	4500.0	40500.0
2. ԱՐՏԵՆԻ		ԲԱՆՋԱՐ-ԲՈՍՏԱՆ		4800	43200		9800	88200	5000.0	45000.0
3. ԼՈՒՍԱԿՆ		ԱՌՎՈՒՅՏ		4800	43200		11200	100800	6400.0	57600.0
4. ԱՐԳԻՆԱ		ԽԱՂՈՂԻ ԱՅԳԻ		4250	38250		9600	86400	5350.0	48150.0
		ՊՏՂԱՏՈՒ ԱՅԳԻ		4000	36000		9000	81000	5000.0	45000.0
		ԱՅԼ		3300	29700		4500	40500	1200.0	10800.0
5. ԿՈՂԲԱՎԱՆ	11. ՔԱՐԱԿԵՐՏ	ԱՇՆԱՆԱՑԱՆ ՑՈՐԵՆ	1	3800	34200	1	7200	64800	3400.0	30600.0
6. ՇԵՆԻԿ	12. ԴԱԼԱՐԻԿ	ԲԱՆՋԱՐ-ԲՈՍՏԱՆ		8450	76050		9800	88200	1350.0	12150.0
7. ԲԱՂՐԱՄՅԱՆ	13. ՄՅԱՍՆԻԿՅԱ	ԱՌՎՈՒՅՏ		8100	72900		11200	100800	3100.0	27900.0
8. ԱՐՏԱՄԵՏ	14. ԱՐԵՎԱԴԱՇՏ	ԽԱՂՈՂԻ ԱՅԳԻ		7200	64800		9600	86400	2400.0	21600.0
9. ՎԱՆԱՆԴ		ՊՏՂԱՏՈՒ ԱՅԳԻ		6800	61200		9000	81000	2200.0	19800.0
10. ՏԱԼՎՈՐԻԿ		ԱՅԼ		3250	29250		4500	40500	1250.0	11250.0
15. ՊԱՐՏԻԶԱԿ		ԱՇՆԱՆԱՑԱՆ ՑՈՐԵՆ	11	2550	22950	1	7200	64800	4650.0	41850.0
		ԲԱՆՋԱՐ-ԲՈՍՏԱՆ		3600	32400		9800	88200	6200.0	55800.0
		ԱՌՎՈՒՅՏ		3200	28800		11200	100800	8000.0	72000.0
		ԽԱՂՈՂԻ ԱՅԳԻ		3000	27000		9600	86400	6600.0	59400.0
		ՊՏՂԱՏՈՒ ԱՅԳԻ		3000	27000		9000	81000	6000.0	54000.0
		ԱՅԼ		3000	27000		4500	40500	1500.0	13500.0
16. ԱՐՈՒՃ	22. ԱԳԱՐԱԿ	ԱՇՆԱՆԱՑԱՆ ՑՈՐԵՆ	6	3400	30600	2	6000	54000	2600.0	23400.0
17. ՇԱՄԻՐԱՄ	23. ՓԱՐՊԻ	ԲԱՆՋԱՐ-ԲՈՍՏԱՆ		6600	59400		9600	86400	3000.0	27000.0
18. ՆՈՐ ԱՄԱՆՈՍ		ԱՌՎՈՒՅՏ		6400	57600		10500	94500	4100.0	36900.0
19. ՆՈՐ ԵԴԵՍԻԱ		ԽԱՂՈՂԻ ԱՅԳԻ		5950	53550		8400	75600	2450.0	22050.0
20. ԿՈՇ		ՊՏՂԱՏՈՒ ԱՅԳԻ		5600	50400		7800	70200	2200.0	19800.0
21. ՈՒՋԱՆ		ԱՅԼ		3600	32400		4500	40500	900.0	8100.0
24. ԽԱՆՋՅԱՆ		ԱՇՆԱՆԱՑԱՆ ՑՈՐԵՆ	1	3800	34200	3	7000	63000	3200.0	28800.0
25. ԼՈՒԿԱՇԻՆ		ԲԱՆՋԱՐ-ԲՈՍՏԱՆ		8450	76050		12000	108000	3550.0	31950.0
26. ՄԱՅԻՍՅԱՆ		ԱՌՎՈՒՅՏ		8100	72900		11200	100800	3100.0	27900.0
27. ԱԿՆԱԼԻՃ		ԽԱՂՈՂԻ ԱՅԳԻ		7200	64800		9100	81900	1900.0	17100.0
28. ԱՐՇԱԼՈՒՅՍ		ՊՏՂԱՏՈՒ ԱՅԳԻ		6800	61200		7200	64800	400.0	3600.0
		ԱՅԼ		3250	29250		5000	45000	1750.0	15750.0
29. ՈՍԿԵՎԱԶ		ԱՇՆԱՆԱՑԱՆ ՑՈՐԵՆ	6	3400	30600	4	6000	54000	2600.0	23400.0
30. ՈՍԿԵՀԱՏ		ԲԱՆՋԱՐ-ԲՈՍՏԱՆ		6600	59400		11050	99450	4450.0	40050.0
31. ՕՇԱԿԱՆ		ԱՌՎՈՒՅՏ		6400	57600		9600	86400	3200.0	28800.0
32. ԱՇՏԱՐԱԿ		ԽԱՂՈՂԻ ԱՅԳԻ		5950	53550		7200	64800	1250.0	11250.0
		ՊՏՂԱՏՈՒ ԱՅԳԻ		5600	50400		6600	59400	1000.0	9000.0
		ԱՅԼ		3600	32400		4000	36000	400.0	3600.0
33. ՍԱՍՈՒՆԻԿ	39. ՄՐԳԱՇԵՆ	ԱՇՆԱՆԱՑԱՆ ՑՈՐԵՆ	6	3400	30600	5	6000	54000	2600.0	23400.0
34. ԱՐԱՅԻ	40. ՔԱՆԱՔԵՌԱՎԱՆ	ԲԱՆՋԱՐ-ԲՈՍՏԱՆ		6600	59400		10400	93600	3800.0	34200.0
35. ՆՈՐ ԵՐԶՆԿԱ	41. ԳԵՏԱՄԵՋ	ԱՌՎՈՒՅՏ		6400	57600		9100	81900	2700.0	24300.0
36. ԶՈՎՈՒՆԻ		ԽԱՂՈՂԻ ԱՅԳԻ		5950	53550		8400	75600	2450.0	22050.0
37. ՊՌՈՇՅԱՆ		ՊՏՂԱՏՈՒ ԱՅԳԻ		5600	50400		7200	64800	1600.0	14400.0
38. ՔԱՍԱԽ		ԱՅԼ		3600	32400		4000	36000	400.0	3600.0
42. ՖԵՐԻԿ	48. ԱՅԳԵԿ	ԱՇՆԱՆԱՑԱՆ ՑՈՐԵՆ	1	3800	34200	6	6500	58500	2700.0	24300.0
43. ԾԱՂԿԱԼԱՆՋ	49. ՄԵՐՁԱՎԱՆ	ԲԱՆՋԱՐ-ԲՈՍՏԱՆ		8450	76050		11500	103500	3050.0	27450.0
44. ԼԵՌՆԱՄԵՐՁ	50. ՄՈՒՍԱԼԵՌ	ԱՌՎՈՒՅՏ		8100	72900		11200	100800	3100.0	27900.0
45. ԱՄԲԵՐԴ		ԽԱՂՈՂԻ ԱՅԳԻ		7200	64800		9100	81900	1900.0	17100.0
46. ԲԱՂՐԱՄՅԱՆ (ՎԱՂԱՐՇԱՊԱՏ)		ՊՏՂԱՏՈՒ ԱՅԳԻ		6800	61200		9000	81000	2200.0	19800.0
47. ՆՈՐԱԿԵՐՏ		ԱՅԼ		3250	29250		6000	54000	2750.0	24750.0
51. ԱՅՆԹԱՓ		ԱՇՆԱՆԱՑԱՆ ՑՈՐԵՆ	1	3800	34200	7	6000	54000	2200.0	19800.0
52. ՆՈՐ ԿՅՈՒՐԻ		ԲԱՆՋԱՐ-ԲՈՍՏԱՆ		8450	76050		11050	99450	2600.0	23400.0
53. ՆՈՐ ԽԱՐԲԵՐԴ		ԱՌՎՈՒՅՏ		8100	72900		9800	88200	1700.0	15300.0
		ԽԱՂՈՂԻ ԱՅԳԻ		7200	64800		9100	81900	1900.0	17100.0
		ՊՏՂԱՏՈՒ ԱՅԳԻ		6800	61200		7200	64800	400.0	3600.0
		ԱՅԼ		3250	29250		4250	38250	1000.0	9000.0
54. ԲԱՐՁՐԱՇԵՆ	60. ՆԱՐԵԿ	ԱՇՆԱՆԱՑԱՆ ՑՈՐԵՆ	1	3800	34200	8	6500	58500	2700.0	24300.0
55. ՋՐԱՇԵՆ	61. ՔԱՂՑՐԱՇԵՆ	ԲԱՆՋԱՐ-ԲՈՍՏԱՆ		8450	76050		11150	100350	2700.0	24300.0
56. ԱԲՈՎՅԱՆ		ԱՌՎՈՒՅՏ		8100	72900		11200	100800	3100.0	27900.0
57. ԱՐԵՎՇԱՏ		ԽԱՂՈՂԻ ԱՅԳԻ		7200	64800		9000	81000	1800.0	16200.0
58. ԴԻՏԱԿ		ՊՏՂԱՏՈՒ ԱՅԳԻ		6800	61200		7200	64800	400.0	3600.0
59. ԼԱՆՋԱԶԱՏ		ԱՅԼ		3250	29250		5000	45000	1750.0	15750.0
62. ՆՈՐ ՈՒՂԻ		ԱՇՆԱՆԱՑԱՆ ՑՈՐԵՆ	1	3800	34200	9	6500	58500	2700.0	24300.0
63. ՎԵԴԻ		ԲԱՆՋԱՐ-ԲՈՍՏԱՆ		8450	76050		10400	93600	1950.0	17550.0
64. ԴԱՇՏԱՔԱՐ		ԱՌՎՈՒՅՏ		8100	72900		10400	93600	2300.0	20700.0
65. ԳՈՌԱՎԱՆ		ԽԱՂՈՂԻ ԱՅԳԻ		7200	64800		9100	81900	1900.0	17100.0
66. ԳԻՆԵՎԵՐ		ՊՏՂԱՏՈՒ ԱՅԳԻ		6800	61200		7200	64800	400.0	3600.0
		ԱՅԼ		3250	29250		4250	38250	1000.0	9000.0
67. ԱՐԱՐԱՏ		ԱՇՆԱՆԱՑԱՆ ՑՈՐԵՆ	1	3800	34200	10	6400	57600	2600.0	23400.0
		ԲԱՆՋԱՐ-ԲՈՍՏԱՆ		8450	76050		10800	97200	2350.0	21150.0
		ԱՌՎՈՒՅՏ		8100	72900		11200	100800	3100.0	27900.0
		ԽԱՂՈՂԻ ԱՅԳԻ		7200	64800		7500	67500	300.0	2700.0
		ՊՏՂԱՏՈՒ ԱՅԳԻ		6800	61200		7500	67500	700.0	6300.0
		ԱՅԼ		3250	29250		4000	36000	750.0	6750.0
68. ՍՈՒՐԵՆԱՎԱՆ		ԱՇՆԱՆԱՑԱՆ ՑՈՐԵՆ	1	3800	34200	11	7000	63000	3200.0	28800.0
69. ԱՐՄԱՇ		ԲԱՆՋԱՐ-ԲՈՍՏԱՆ		8450	76050		11200	100800	2750.0	24750.0
70. ԵՐԱՍԽ		ԱՌՎՈՒՅՏ		8100	72900		11700	105300	3600.0	32400.0
		ԽԱՂՈՂԻ ԱՅԳԻ		7200	64800		9600	86400	2400.0	21600.0
		ՊՏՂԱՏՈՒ ԱՅԳԻ		6800	61200		7200	64800	400.0	3600.0
		ԱՅԼ		3250	29250		4800	43200	1550.0	13950.0

Ծանոթագրություն`                                                                                                       

● Գերնորմատիվ և նորմատիվ պահանջարկի համեմատելի ռեժիմների համարները ընտրվել են նույն տարածքում գտնվող հարևան համայքներում կիրառվող ռեժիմներից 

● Մշակաբույսերի ցանկում չնշված կուլտուրաները ընդգրկված են «ԱՅԼ» տողում