ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

18 մարտի 2010 թվականի N 317-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2009 ԹՎԱԿԱՆԻ ԴԵԿՏԵՄԲԵՐԻ 3-Ի N 1417-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2009 թվականի դեկտեմբերի 3-ի «Փախստականին տրվող կոնվենցիոն ճամփորդական փաստաթղթի նկարագիրը և փաստաթուղթը տալու կարգը հաստատելու մասին» N 1417-Ն որոշման մեջ կատարել հետևյալ փոփոխությունները և լրացումները`

1) որոշմամբ հաստատված նկարագրի`

ա. 14-րդ կետը շարադրել հետևյալ խմբագրությամբ.

«14. Փաստաթղթի 1-ին, 5-րդ, 9-րդ և այնուհետև կենտ թվերով համարակալված էջերի ներքևի մասում տպագրվում են փաստաթղթի սերիան և համարը:»,

բ. 16-րդ կետը «էջերը» բառից հետո լրացնել «, բացի 1-ին և 3-րդ էջերից,» բառերով.

2) որոշմամբ հաստատված կարգի`

ա. 1-ին կետում «աշխատակազմի միգրացիոն գործակալության (այսուհետ` գործակալություն)» բառերը փոխարինել «միգրացիոն պետական ծառայության (այսուհետ` ծառայություն)», իսկ «Հայաստանի Հանրապետության տարածքային կառավարման նախարարի» բառերը` «ծառայության պետի» բառերով,

բ. 2-րդ կետում «Հայաստանի Հանրապետության տարածքային կառավարման նախարարն» և «գործակալության» բառերը համապատասխանաբար փոխարինել «ծառայության պետն» ու «ծառայության» բառերով, իսկ «ներկայացված» բառը` «նախապատրաստված» բառով,

գ. 6-րդ կետում և 11-րդ կետի 2-րդ ենթակետում «Հայաստանի Հանրապետության տարածքային կառավարման նախարարի» բառերը փոխարինել «ծառայության պետի» բառերով»,

դ. 5-րդ կետում, 9-րդ կետի 1-ին ենթակետում, 11-րդ, 14-րդ, 18-րդ, 19-րդ, 21-րդ, 22-րդ, 23-րդ, 24-րդ և 29-րդ կետերում «գործակալությունը» բառը և իր համապատասխան հոլովաձևերը փոխարինել «ծառայությունը» բառով և իր համապատասխան հոլովաձևերով,

ե. 9-րդ կետը լրացնել հետևյալ բովանդակությամբ նոր` 3-րդ և 4-րդ ենթակետերով.

«3) Հայաստանի Հանրապետությունում բնակության վայրի մասին` Հայաստանի Հանրապետության կառավարությանն առընթեր Հայաստանի Հանրապետության ոստիկանության մարմինների կողմից.

4) ընտանեկան դրության մասին` քաղաքացիական կացության ակտերի գրանցման տարածքային մարմինների կողմից.»,

զ. 11-րդ կետի 3-րդ ենթակետում «54» թիվը փոխարինել «45» թվով:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Տ. Սարգսյան
2010 թ. ապրիլի 1  Երևան