ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

14 նոյեմբերի 2013 թվականի N 1043-Ա

Դ. ԴՈՒՄԱՆՅԱՆԻՆ ԱՇԳԱԲԱԴ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության առողջապահության նախարար Դ. Դումանյանին 2013 թվականի դեկտեմբերի 2-5-ը գործուղել Աշգաբադ (Թուրքմենստան)` ոչ վարակիչ հիվանդությունների դեմ պայքարին նվիրված եվրոպական նախարարական համաժողովին մասնակցելու նպատակով:

2. Ընդունել ի գիտություն, որ Դ. Դումանյանի Աշգաբադ գործուղման ծախսերը կատարելու է Առողջապահության համաշխարհային կազմակերպությունը:

3. Հայաստանի Հանրապետության առողջապահության նախարարին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել գործուղման արդյունքների մասին հաշվետվություն:

Հայաստանի Հանրապետության վարչապետ	Տ. Սարգսյան
2013 թ. նոյեմբերի 14 Երևան