«Գրանցված է»
ՀՀ արդարադատության
նախարարության կողմից
11 մայիսի 2005 թ.
Պետական գրանցման թիվ 05005183

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

12 ապրիլի 2005 թ.

N 145-Ն

Ո Ր Ո Շ ՈՒ Մ

«ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՈՒՄՆ ՈՒ ԼԻՑԵՆԶԱՎՈՐՈՒՄԸ, ԲԱՆԿԵՐԻ ՄԱՍՆԱՃՅՈՒՂԵՐԻ ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ, ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ՂԵԿԱՎԱՐՆԵՐԻ ՈՐԱԿԱՎՈՐՈՒՄԸ ԵՎ ԳՐԱՆՑՈՒՄԸ» ԿԱՆՈՆԱԿԱՐԳ 1-Ը ՀԱՍՏԱՏԵԼՈՒ ՄԱՍԻՆ

Հիմք ընդունելով «Բանկերի և բանկային գործունեության մասին» Հայաստանի Հանրապետության օրենքի 18-րդ, 22-րդ և 23-33¹-րդ հոդվածները, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի դրույթներով՝ Հայաստանի Հանրապետության կենտրոնական բանկի խորհուրդը որոշում է.

1. Հաստատել «Բանկերի և օտարերկրյա բանկերի մասնաճյուղերի գրանցումն ու լիցենզավորումը, բանկերի մասնաճյուղերի և ներկայացուցչությունների գրանցումը, բանկերի և օտարերկրյա բանկերի մասնաճյուղերի ղեկավարների որակավորումը և գրանցումը» կանոնակարգ 1-ը՝ համաձայն հավելված 1-ի:

2. Հաստատել բանկային գործունեության լիցենզիայի (այսուհետև՝ լիցենզիա) միասնական ձևը՝ համաձայն հավելված 2-ի:

3. Սույն որոշումն ուժի մեջ մտնելու պահից ուժը կորցրած ճանաչել Հայաստանի Հանրապետության կենտրոնական բանկի խորհրդի 2002 թվականի փետրվարի 19-ի ««Բանկերի և օտարերկրյա բանկերի մասնաճյուղերի գրանցումն ու լիցենզավորումը, մասնաճյուղերի և ներկայացուցչությունների գրանցումը» կանոնակարգ 1-ը (նոր խմբագրությամբ) հաստատելու մասին» թիվ 49 որոշումը:

4. Սույն որոշումն ուժի մեջ մտնելու պահից ուժը կորցրած ճանաչել Հայաստանի Հանրապետության կենտրոնական բանկի խորհրդի 2004 թվականի մայիսի 4-ի ««Բանկի կամ օտարերկրյա բանկի մասնաճյուղի լուծարման դեպքում ուժը կորցրած ճանաչված բանկային գործունեության լիցենզիան Հայաստանի Հանրապետության կենտրոնական բանկ վերադարձնելու կարգը» հաստատելու մասին» թիվ 112 որոշումը:

5. Սույն որոշումն ուժի մեջ է մտնում հրապարակմանը հաջորդող 10-րդ օրվանից:

ՀՀ կենտրոնական բանկի նախագահ	Տ. Սարգսյան
2005 թ. ապրիլի 19 Երևան

	Հավելված 1
	Հաստատված է ՀՀ կենտրոնական բանկի խորհրդի 2005 թվականի ապրիլի 12-ի թիվ 145-Ն որոշմամբ

Կ Ա Ն Ո Ն Ա Կ Ա Ր Գ  1

 

ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՈՒՄՆ ՈՒ ԼԻՑԵՆԶԱՎՈՐՈՒՄԸ, ԲԱՆԿԵՐԻ ՄԱՍՆԱՃՅՈՒՂԵՐԻ ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ, ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ՂԵԿԱՎԱՐՆԵՐԻ ՈՐԱԿԱՎՈՐՈՒՄԸ ԵՎ ԳՐԱՆՑՈՒՄԸ

 

Գ լ ու խ  1

 

Ընդհանուր դրույթներ եվ սահմանումներ

 

1. Սույն կանոնակարգը սահմանում է Հայաստանի Հանրապետության տարածքում բանկերի և օտարերկրյա բանկերի մասնաճյուղերի հիմնադրման, գրանցման (ներառյալ փոփոխությունների գրանցման) և լիցենզավորման, բանկերի տարածքային ստորաբաժանումների՝ մասնաճյուղերի և ներկայացուցչությունների ստեղծման ու գրանցման, գործունեության դադարեցման (ներառյալ ժամանակավոր), բանկերի կանոնադրական հիմնադրամում նշանակալից մասնակցության ձեռքբերման, բանկերի և օտարերկրյա բանկերի մասնաճյուղերի ղեկավարների որակավորման և գրանցման, ինչպես նաև վերոնշյալ հարցերի հետ կապված օրենքներով Հայաստանի Հանրապետության կենտրոնական բանկի (այսուհետև՝ Կենտրոնական բանկ) իրավասությանը վերապահված այլ հարաբերությունները:

(1-ին կետը լրաց. 01.07.08 թիվ 189-Ն)

2. Սույն կանոնակարգը տարածվում է Հայաստանի Հանրապետության տարածքում հիմնադրվող կամ գործող բանկերի, դրանց մասնաճյուղերի ու ներկայացուցչությունների, օտարերկրյա բանկերի մասնաճյուղերի ու ներկայացուցչությունների, ինչպես նաև սույն կանոնակարգով սահմանված այլ անձանց վրա:

2.1. Բանկի գտնվելու վայրը նրա կանոնադրությունում նշված մշտական գործող մարմնի գտնվելու վայրն է: Բանկը ֆինանսական գործառնություններ է իրականացնում մշտական գործող մարմնի գտնվելու վայրում (գլխավոր գրասենյակ) և մասնաճյուղերում՝ բացառությամբ սույն կանոնակարգի 20.1-րդ կետով սահմանված դեպքերի:

(2.1 կետը լրաց. 10.07.07 N 217-Ն)

3. Սույն կանոնակարգի իմաստով՝ առկա է կամ հնարավոր է բանկի ֆինանսական վիճակի վատթարացում, եթե.

ա) («ա» ենթակետն ուժը կորցրել է 01.07.08 թիվ 189-Ն)

բ) բանկը խախտել է կամ կխախտի հիմնական տնտեսական նորմատիվը (նորմատիվները), կամ

գ) բանկի մոտ հավանական է անվճարունակության հիմքերի առաջացումը:

4. Սույն կանոնակարգի իմաստով՝ բանկի ղեկավարներ են համարվում բանկի խորհրդի նախագահը, նրա տեղակալը, խորհրդի անդամները, գործադիր տնօրենը (վարչության նախագահը), նրա տեղակալները, բանկի տնօրինության (վարչության) անդամները, օտարերկրյա բանկի մասնաճյուղի կառավարիչը, բանկի և օտարերկրյա բանկի մասնաճյուղի գլխավոր հաշվապահը, նրա տեղակալը, ներքին աուդիտի ղեկավարը և անդամները, բանկի տարածքային ստորաբաժանումների ղեկավարները (մասնաճյուղի կառավարիչը և գլխավոր հաշվապահը):

(4-րդ կետը խմբ. 06.06.06 N 237-Ն)

4¹. Սույն կանոնակարգով պահանջվող բոլոր փաստաթղթերը Կենտրոնական բանկ են ներկայացվում տպագիր և հայերեն: Ներկայացվող փաստաթղթերի պատճենները պետք է ստորագրված լինեն բանկի իրավասու անձի կողմից, ընդ որում, պատճենները ներկայացվեն «իսկականի հետ ճիշտ է» մակագրությամբ:

(4¹ կետը լրաց. 06.06.06 N 237-Ն)

4² . Սույն կանոնակարգով պահանջվող փաստաթղթերը կարող են Կենտրոնական բանկ ներկայացվել էլեկտրոնային տարբերակով՝ Սի Բի Էյ Նետ միջբանկային համակարգչային ցանցի միջոցով:

(4² կետը լրաց. 01.07.08 թիվ 189-Ն)

 

Գ լ ու խ  2

 

Լիցենզիա ստանալու նախնական հավանությունը

 

5. Լիցենզիա ստանալու նախնական հավանության համար նախաձեռնող անձանց կողմից Կենտրոնական բանկ են ներկայացվում հետևյալ փաստաթղթերը.

ա) նախաձեռնող անձանց կամ օտարերկրյա բանկի միջնորդագիրը համաձայն ենթահավելվածներ 1 կամ 2-ի,

բ) ստեղծվող բանկի կանոնադրության նախագիծը, իսկ օտարերկրյա բանկի մասնաճյուղի համար` օտարերկրյա բանկի հիմնադիր փաստաթղթերը և մասնաճյուղի կանոնադրության նախագիծը: Եթե ներկայացվող կանոնադրության նախագծի մեջ հղումներ են կատարվել ստեղծվող բանկի (կամ օտարերկրյա բանկի մասնաճյուղի) ներքին իրավական ակտերին, ապա կից պետք է ներկայացվեն նաև համապատասխան իրավական ակտերը (նախագծերը),

գ) գործունեության առաջիկա երեք տարիների համար ստեղծվող բանկի կամ օտարերկրյա բանկի մասնաճյուղի գործունեության տնտեսական ծրագիրը համաձայն ենթահավելված 3-ի,

դ) եթե նախաձեռնող անձինք կամ օտարերկրյա բանկը հանդես են գալիս լիազոր ներկայացուցչի միջոցով, ապա ներկայացվում է նաև պատշաճ կարգով տրված լիազորագիրը,

ե) ստեղծվող բանկի մասնակիցների վերաբերյալ սույն կանոնակարգի 9-րդ գլխով նախատեսված փաստաթղթերը,

ե¹) սույն կանոնակարգի 9-րդ գլխի 46¹ կետով պահանջվող փաստաթղթերն այն իրավաբանական անձանց վերաբերյալ, որոնցում ստեղծվող բանկի կանոնադրական հիմնադրամում նշանակալից մասնակիցը նույնպես հանդիսանում է նշանակալից մասնակցություն ունեցող անձ,

զ) օտարերկրյա բանկի մասնաճյուղի դեպքում՝ իր երկրի վերահսկող մարմնի համաձայնությունը օտարերկյա մասնաճյուղ բացելու վերաբերյալ: Եթե օտարերկրյա բանկի երկրի վերահսկող մարմնի կանոններով վերջինիս համաձայնությունը օտարերկրյա մասնաճյուղ բացելու համար տրվում է միայն այլ երկրում օտարերկրյա բանկի մասնաճյուղ ստեղծելու համար լիցենզիայի նախնական համաձայնությունը ստանալուց հետո, ապա սույն կետով նշված փաստաթուղթը չի ներկայացվում նախնական հավանություն ստանալու փուլում:

(5-րդ կետը լրաց. 06.06.06 N 237-Ն, խմբ. 21.11.06 N 692-Ն)

6. Սույն կանոնակարգի 5-րդ կետով նախատեսված փաստաթղթերն ստանալուց հետո Կենտրոնական բանկը լիցենզիա ստանալու նախնական հավանություն տալու համար քննում է դրանք և օրենքով սահմանված մեկամսյա ժամկետում որոշում կայացնում: Կենտրոնական բանկը կարող է մերժել միջնորդագիրը, եթե՝

ա) ստեղծվող բանկի կամ օտարերկրյա բանկի մասնաճյուղի գործունեությունը կհակասի օրենքներին կամ այլ իրավական ակտերին,

բ) բանկի կանոնադրական հիմնադրամում ապագա մասնակիցների միջոցների ծագման օրինականության վերաբերյալ առաջացել են կասկածներ, համաձայն «Հանցավոր ճանապարհով ստացված եկամուտների օրինականացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքի,

գ) բանկի կամ օտարերկրյա բանկի մասնաճյուղի գործունեության տնտեսական ծրագիրը չի համապատասխանում Կենտրոնական բանկի կողմից սահմնաված ձևին և հետևյալ չափանիշներով հիմնավորված՝ Կենտրոնական բանկի կարծիքով բանկը, գործելով ծրագրին համապատասխան, ի վիճակի չի լինի բնականոն բանկային գործունեություն իրականացնել կամ տնտեսական ծրագիրն անիրատեսական է.

- նոր հիմնադրվող բանկի կապիտալի մեծությունը համարժեք չէ գործունեության
սկզբնական շրջանում ծագող բանկային ռիսկերին (այդ թվում՝ շուկայական, տոկոսային, վարկային և այլն) դիմակայելու համար, կամ հավանական է կորուստների, վնասների ի հայտ գալը կամ հիմնական տնտեսական նորմատիվների խախտումը: Սույն չափանիշը չի տարածվում այն հիմնադրվող բանկերի վրա, որոնց նախաձեռնող անձինք Կենտրոնական բանկ են ներկայացրել բանկի ֆինանսական վիճակի վատթարացման դեպքում լրացուցիչ ֆինանսական օժանդակություն տրամադրելու պատրաստակամության վերաբերյալ պարտավորագիրը,

- տնտեսական ծրագրում առկա է ներկայացված տվյալների անհամապատասխանություն կամ անարժանահավատություն, կամ ծրագրում կատարված էական կանխատեսումներն անիրատեսական են,

- բանկի առաջարկվող ներքին կազմակերպական կառուցվածքը կամ գործառնական համակարգը բավարար չեն բանկի ռիսկերի կառավարման համար,

- բանկի տնտեսական ծրագրով հստակ չեն տարանջատվում բանկի կառավարման մարմինների կամ կառուցվածքային ստորաբաժանումների իրավասությունները և պարտականությունները,

- բանկի առաջարկվող ներքին հսկողության համակարգը բավարար չէ բանկի տնտեսական ծրագրի պահանջների իրականացման և բանկի ռիսկերի կառավարման համար, ինչպես նաև չի բավարարում բանկերում ներքին հսկողության համակարգի նկատմամբ առկա Կենտրոնական բանկի պահանջներին,

- ծրագրում ճիշտ չեն գնահատված բանկի առջև ծառացող հնարավոր ռիսկերը, կամ տնտեսական ծրագրում չեն ներկայացված ռիսկերի վերլուծության և գնահատման իրականացման համար օգտագործվող տեղեկատվության աղբյուրները,

- տնտեսական ծրագրում չեն ներկայացված նպատակային շուկաների վերլուծության և տարբեր տիպի կանխատեսումների և ենթադրությունների իրականացման համար օգտագործվող տեղեկատվության աղբյուրները,

- պոտենցիալ հաճախորդներին ներկայացնելուց բանկը չի ներկայացրել բավարար հիմնավորումներ այդ անձանց կողմից բանկի հաճախորդը դառնալու մտադրության կամ շարժառիթների (շահագրգռվածության) վերաբերյալ,

- ծրագրում սխալ կամ ոչ ամբողջական են ներկայացված բանկի հիմնական և պոտենցիալ մրցակիցները,

- մարքետինգային ծրագրով նախատեսված միջոցառումները բավարար չեն տնտեսական ծրագրի պահանջները իրականացնելու համար,

- իրատեսական չէ բանկի կապիտալիզացիայի ռազմավարությունը,

դ) օտարերկրյա բանկի մասնաճյուղի դեպքում՝ օտարերկրյա բանկն իրավասու չէ բանկային գործունեություն իրականացնել իր գրանցման և հիմնական գործունեության վայրի երկրում կամ Կենտրոնական բանկը գտնում է, որ օտարերկրյա բանկի գրանցման կամ հիմնական գործունեության վայրի երկրում բանկային վերահսկողության պետական մարմինը տվյալ բանկի և նրա մասնաճյուղերի՝ որպես միասնական համակարգի, գործունեության նկատմամբ պատշաճ վերահսկողություն չեն իրականացնում:

ե) բանկի կանոնադրական հիմնադրամում նշանակալից մասնակցություն ձեռք բերող անձը կամ նրա հետ փոխկապակցված իրավաբանական անձը Կենտրոնական բանկի հիմնավոր կարծիքով ֆինանսական վատ վիճակում է կամ նշանակալից մասնակցություն ձեռք բերող անձի, կամ նրա հետ փոխկապակցված անձանց ֆինանսական վիճակի վատթարացումը կարող է պատճառ հանդիսանալ բանկի ֆինանսական վիճակի վատթարացման, կամ բանկի կանոնադրական հիմնադրամում նշանակալից մասնակցություն ձեռք բերող անձանց և (կամ) նրանց հետ փոխկապակցված անձանց գործունեությունը կամ բանկի հետ նրանց փոխհարաբերությունների բնույթը Կենտրոնական բանկի հիմնավոր կարծիքով կարող է խոչընդոտել Կենտրոնական բանկի կողմից արդյունավետ վերահսկողության իրականացմանը կամ թույլ չտալ բացահայտել կամ արդյունավետ կառավարել բանկի ռիսկերը:

(6-րդ կետը լրաց. 06.06.06 N 237-Ն)

7. Որոշակի տեղեկություններ ստանալու համար, Կենտրոնական բանկի խորհրդի որոշմամբ, միջնորդագրի քննության մեկամսյա ժամկետը կարող է կասեցվել: Անհրաժեշտ տեղեկությունների ստացումից հետո միջնորդագրի քննության վերսկսման որոշման պահից ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը:

8. Նոր ստեղծվող բանկի մասնակիցներին նշանակալից մասնակցություն ձեռք բերելու նախնական համաձայնությունը տրամադրվում է սույն կանոնակարգի 9-րդ գլխով սահմանված կարգով և ժամկետներում:
 

Գ լ ու խ  3

 

Բանկերի եվ օտարերկրյա բանկերի մասնաճյուղերի գրանցումը

 

9. Բանկը կամ օտարերկրյա բանկի մասնաճյուղը Կենտրոնական բանկի կողմից գրանցվելու համար ներկայացնում է հետևյալ փաստաթղթերը.

ա) գրանցման դիմումի համաձայն ենթահավելվածներ 5 և 6-ի, բանկի կամ օտարերկրյա բանկի մասնակիցների ընդհանուր ժողովի կամ կառավարման իրավասու այլ մարմնի որոշումը կամ արձանագրությունից քաղվածք՝ բանկի կամ օտարերկրյա բանկի մասնաճյուղի կանոնադրությունը հաստատելու և բանկի ղեկավարներ ընտրելու (նշանակելու) վերաբերյալ,

բ) ստեղծվող բանկի կամ օտարերկրյա բանկի մասնաճյուղի ղեկավարների գործունեության վերաբերյալ տեղեկանք (միջնորդագրի տեսքով) համաձայն ենթահավելված 4-ի,

գ) բանկի հիմնադիր պայմանագիրը և կանոնադրությունը կամ օտարերկրյա բանկի կողմից հաստատված օտարերկրյա բանկի մասնաճյուղի կանոնադրությունը: Եթե ներկայացվող կանոնադրության մեջ հղումներ են կատարվել բանկի (կամ օտարերկրյա բանկի մասնաճյուղի) ներքին իրավական ակտերին, ապա կից պետք է ներկայացվեն նաև համապատասխան իրավական ակտերը (նախագծերը): Կանոնադրության թերթերը պետք է լինեն համարակալված և թելակարված. ընդ որում, կանոնադրության վերջին թերթի հետնամասում, կարի վրա պետք է փակցված լինի պիտակ՝ համաձայն ենթահավելված 24-ի,

դ) բանկի կամ օտարերկրյա բանկի մասնաճյուղի ղեկավարների ցուցակը, վավերացված ստորագրության նմուշները,

ե) բանկի կանոնադրական հիմնադրամում նշանակալից մասնակցություն ունեցող անձանց համար՝ հայտարարագիր «Բանկերի և բանկային գործունեության մասին» ՀՀ օրենքի 18-րդ հոդվածով նախատեսված հիմքերի բացակայության մասին համաձայն ենթահավելված 17-1 կամ 17-2-ի,

ե¹) ստեղծվող բանկի կանոնադրական հիմնադրամում նշանակալից մասնակցություն ձեռք բերող անձանցից պահանջվող այն տեղեկությունները, որոնք փոփոխվել են նախնական հավանության փուլից հետո, կամ հայտարարություն դրանց չփոփոխման վերաբերյալ,

ե²) իրավաբանական անձանց (որոնցում ստեղծվող բանկի կանոնադրական հիմնադրամում նշանակալից մասնակցություն ձեռք բերող անձը նույնպես հանդիսանում է նշանակալից մասնակցություն ունեցող անձ) վերաբերյալ պահանջվող այն տեղեկությունները, որոնք փոփոխվել են նախնական հավանության փուլից հետո, կամ հայտարարություն դրանց չփոփոխման վերաբերյալ,

զ) բանկի կամ օտարերկրյա բանկի մասնաճյուղի գրանցման պետական տուրքի վճարման անդորրագրի պատճենը,

է) օտարերկրյա ներդնողի իրավական կարգավիճակը հաստատող համազոր փաստաթուղթ,

ը) բանկի ֆիրմային անվանման գրանցման հայտը (օտարերկրյա բանկի ֆիրմային անվանման գրանցման վկայականի պատճենը, ինչպես նաև դրա` նոտարական կարգով վավերացված հայերեն թարգմանությունը)՝ համաձայն ենթահավելված 26-ի, ինչպես նաև «Ֆիրմային անվանումների մասին» Հայաստանի Հանրապետության օրենքի 7-րդ հոդվածի 3-րդ մասով պահանջվող փաստաթղթերը:

(9-րդ կետը լրաց. 06.06.06 N 237-Ն, խմբ. 21.11.06 N 692-Ն, լրաց. 12.12.07 N 406-Ն, խմբ., լրաց. 22.09.09 թիվ 276-Ն)

10. Կենտրոնական բանկի կողմից պահանջվող որոշակի տեղեկություններ ստանալու համար գրանցման դիմումի քննության մեկամսյա ժամկետը կարող է կասեցվել անորոշ ժամկետով: Անհրաժեշտ տեղեկությունների ստացումից հետո միջնորդագրի քննության վերսկսման որոշման պահից ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը:

11. Բանկը կամ օտարերկրյա բանկի մասնաճյուղը գրանցվում է միայն Կենտրոնական բանկում բացված համապատասխան հաշվում Կենտրոնական բանկի սահմանած բանկերի կանոնադրական հիմնադրամի նվազագույն չափով միջոցների առկայության դեպքում:

12. Կենտրոնական բանկը՝ Կենտրոնական բանկի նախագահի անհատական որոշմամբ, մերժում է բանկի կամ օտարերկրյա բանկի մասնաճյուղի գրանցման միջնորդագիրը «Բանկերի և բանկային գործունեության մասին» Հայաստանի Հանրապետության օրենքի 27-րդ հոդվածի 3 կետով նշված հիմքերով:

13. Բանկի կամ օտարերկրյա բանկի մասնաճյուղի գրանցման մասին Կենտրոնական բանկի նախագահի անհատական որոշում ընդունելուց հետո, եռօրյա (աշխատանքային) ժամկետում, հիմնադիրներին տալիս է բանկի կամ օտարերկրյա բանկի մասնաճյուղի գրանցման վկայական համաձայն ենթահավելվածներ 9 և 10-ի, ֆիրմային անվանման գրանցման վկայականը` համաձայն ենթահավելված 27-ի:

(13-րդ կետը լրաց. 22.09.09 թիվ 276-Ն)

 

Գ Լ ՈՒ Խ  3.1

 

ՖԻՐՄԱՅԻՆ ԱՆՎԱՆՄԱՆ ԳՐԱՆՑՈՒՄԸ, ՖԻՐՄԱՅԻՆ ԱՆՎԱՆՄԱՆ ԳՐԱՆՑՄԱՆ ՀԱՅՏԸ ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ ՓՈՐՁԱՔՆՆՈՒԹՅԱՆ ՆԵՐԿԱՅԱՑՆԵԼՈՒ ԿԱՐԳԸ

 

13.1. Սույն կանոնակարգի 9-րդ կետի ը) ենթակետի համաձայն Կենտրոնական բանկ գրանցման ներկայացված ֆիրմային անվանումը համարվում է գրանցված, եթե Կենտրոնական բանկի կողմից որոշում է կայացվում բանկը գրանցելու և լիցենզիա տրամադրելու վերաբերյալ:

(13.1 կետը լրաց. 22.09.09 թիվ 276-Ն)

13.2. Բանկի ֆիրմային անվանման փոփոխությունը համարվում է գրանցված, եթե Կենտրոնական բանկի կողմից գրանցվում է բանկի կանոնադրության փոփոխությունը:

(13.2 կետը լրաց. 22.09.09 թիվ 276-Ն)

13.3. Բանկի ֆիրմային անվանման փոփոխության գրանցումից հետո 7-օրյա ժամկետում Կենտրոնական բանկը բանկին է հանձնում բանկի ֆիրմային անվանման գրանցման վկայականը՝ համաձայն ենթահավելված 27-ի, բանկի գրանցման վերաձևակերպված վկայականը, մասնաճյուղի (ներկայացուցչության) գրանցման վերաձևակերպված վկայականը (առկայության դեպքում) և վերաձևակերպված լիցենզիան: Ընդ որում, վերաձևակերպված վկայականները և լիցենզիան տրամադրվում են բանկին` վկայականների հին տարբերակները Կենտրոնական բանկ ներկայացնելու դեպքում:

(13.3 կետը լրաց. 22.09.09 թիվ 276-Ն)

13.4. Բանկի ֆիրմային անվանման գրանցումը մերժվում է օրենքով սահմանված հիմքերով:

(13.4 կետը լրաց. 22.09.09 թիվ 276-Ն)

13.5. Ֆիրմային անվանման գրանցման վկայականի կորստի կամ ոչնչացման դեպքում բանկը կարող է Կենտրոնական բանկ դիմում ներկայացնել վկայականի կրկնօրինակը ստանալու համար` կցելով վկայականի կրկնօրինակը ստանալու համար պետական տուրքի վճարման անդորրագիրը:

(13.5 կետը լրաց. 22.09.09 թիվ 276-Ն)

13.6. Կենտրոնական բանկը կորած կամ ոչնչացած վկայականի կրկնօրինակը բանկին տալիս է բանկի համապատասխան դիմումը Կենտրոնական բանկ ներկայացնելու օրվան հաջորդող 10-օրյա ժամկետում:

(13.6 կետը լրաց. 22.09.09 թիվ 276-Ն)

13.7. Սույն կանոնակարգի 9-րդ կետի ը) ենթակետով և 86.2-րդ կետով սահմանված դեպքերում ֆիրմային անվանման գրանցման հայտը ստանալուց հետո Կենտրոնական բանկը «Ֆիրմային անվանումների մասին» Հայաստանի Հանրապետության օրենքով սահմանված կարգով և ժամկետներում այդ հայտի սքան արված տարբերակը, ինչպես նաև «Ֆիրմային անվանումների մասին» Հայաստանի Հանրապետության օրենքի 6-րդ հոդվածով նախատեսված դեպքերում՝ համապատասխան համաձայնության կամ թույլտվության սքան արված տարբերակը (առկայության դեպքում) էլեկտրոնային փոստի միջոցով ներկայացնում է մտավոր սեփականության հարցերով լիազորված գործադիր իշխանության հանրապետական մարմին՝ ներկայացված ֆիրմային անվանման վերաբերյալ փորձագիտական եզրակացություն ստանալու համար: Որպեu հայտը ներկայացնելու պահուuտային եղանակ կարող է oգտագործվել էլեկտրոնային կրիչը:

(13.7 կետը լրաց. 22.09.09 թիվ 276-Ն)

(Գլուխը լրաց. 22.09.09 թիվ 276-Ն)

 

Գ լ ու խ  4

 

Բանկային գործունեության լիցենզիայի տրամադրումը

 

14. Բանկը պարտավոր է Կենտրոնական բանկի նախնական հավանությունն ստանալու օրվանից մեկ տարվա ընթացքում լիցենզիա ստանալու համար դիմել Կենտրոնական բանկ: Դիմումը ստանալուց հետո մեկամսյա ժամկետում Կենտրոնական բանկը գրանցված բանկին կամ օտարերկրյա բանկի մասնաճյուղին լիցենզիա է տալիս, եթե բավարարվել են հետևյալ պայմանները և ներկայացվել են համապատասխան փաստաթղթերը.

ա) Կենտրոնական բանկի կողմից սահմանված՝ բանկերի ընդհանուր կապիտալի նվազագույն չափի լրիվ համալրումը,

բ) Կենտրոնական բանկի վերահսկողների կողմից տեղերում ստուգման արդյունքում հաստատվել է, որ բանկային գործունեության համար ձեռք բերված կամ վարձակալված տարածքը և տեխնիկական հագեցվածությունը համապատասխանում են սույն կարգի 13-րդ գլխով սահմանած պահանջներին և բանկի կամ օտարերկրյա բանկի մասնաճյուղի գործունեության տնտեսական ծրագրին,

գ) ստեղծվել են բանկի կամ օտարերկրյա բանկի մասնաճյուղի ներքին կազմակերպական կառուցվածքը և գործառնական համակարգը,

դ) բանկի կամ օտարերկրյա բանկի մասնաճյուղի ղեկավարների, բացառությամբ կառուցվածքային ստորաբաժանումների ղեկավարների որակավորումը, մասնագիտական համապատասխանությունը բավարարում են սույն կանոնակարգի 10-րդ գլխով սահմանված որակավորման և մասնագիտական համապատասխանության պահանջներին,

ե) օտարերկրյա բանկի մասնաճյուղի համար՝ առկա է նաև օտարերկրյա բանկի գրանցման կամ հիմնական գործունեության վայրի երկրում բանկային վերահսկողության պետական մարմնի համաձայնությունը Հայաստանի Հանրապետությունում բանկային գործունեություն իրականացնելու համար: Եթե համաձայնությունը Կենտրոնական բանկ ներկայացվել է լիցենզիա ստանալու նախնական հավանության փուլում, սույն կարգի 5-րդ կետի «է» ենթակետի համաձայն, ապա լիցենզիա տրամադրելու ժամանակ այն չի ներկայացվում,

զ) բանկի կամ օտարերկրյա բանկի մասնաճյուղի գործունեությունը կանոնակարգող ներքին իրավական ակտերը բավարար են բանկի տնտեսաան ծրագրի պահանջների իրականացման և բանկի ռիսկերի կառավարման համար, ինչպես նաև բավարարում են բանկերում ներքին հսկողության համակարգի նկատմամբ առկա Կենտրոնական բանկի պահանջներին,

է) բավարարված են բանկի կամ օտարերկրյա բանկի մասնաճյուղի տնտեսական ծրագրի բոլոր այլ պայմանները,

ը) վճարվել է լիցենզիա ստանալու պետական տուրքը:

14¹. Կենտրոնական բանկը լիցենզավորված բանկին լիցենզիան տրամադրելիս ծանուցում է, որ բանկային գործունեությունը կարգավորող իրավական ակտերի ցանկը գտնվում է Կենտրոնական բանկի պաշտոնական ինտերնետային կայքում:

(14¹ կետը լրաց. 01.07.08 թիվ 189-Ն)

15. Կենտրոնական բանկի կողմից պահանջվող բանկային գործունեության լիցենզիա ստանալու համար՝ որոշակի այլ պայմանների բավարարման համար լիցենզիա տալու դիմումի քննության մեկամսյա ժամկետը կարող է կասեցվել: Անհրաժեշտ տեղեկությունների ստացումից հետո միջնորդագրի քննության վերսկսման որոշման պահից ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը:

15¹. Լիցենզիայի կորստի կամ ոչնչացման դեպքում բանկը Կենտրոնական բանկ դիմում է ներկայացնում լիցենզիայի կրկնօրինակը ստանալու համար՝ կցելով լիցենզիայի կրկնօրինակը ստանալու համար պետական տուրքի վճարման անդորրագիրը:

(15¹ կետը լրաց. 01.07.08 թիվ 189-Ն)

15². Կենտրոնական բանկը կորած կամ ոչնչացած լիցենզիայի կրկնօրինակը բանկին տալիս է համապատասխան դիմումը Կենտրոնական բանկ ներկայացնելու օրվան հաջորդող 10-օրյա ժամկետում:

(15² կետը լրաց. 01.07.08 թիվ 189-Ն)

15³. Կորած լիցենզիան գտնելու դեպքում բանկը գտնված լիցենզիայի օրինակը վերադարձնում է Կենտրոնական բանկ:

(15³ կետը լրաց. 01.07.08 թիվ 189-Ն)

154. Լիցենզիայի վերաձևակերպման համար լիցենզավորված անձը Կենտրոնական բանկ ներկայացնում է լիցենզիայի վերաձևակերպման մասին դիմում՝ կցելով համապատասխան փոփոխությունները հավաստող փաստաթղթերը և լիցենզիայի վերաձևակերպման համար նախատեսված պետական տուրքի վճարման անդորրագիրը: Լիցենզիայի վերաձևակերպումն իրականացվում է համապատասխան փոփոխությունները ներառող լիցենզիայի նոր օրինակը լիցենզավորված անձին տրամադրելու միջոցով` վերաձևակերպման ենթակա լիցենզիան Կենտրոնական բանկ ներկայացնելու դեպքում:

(15⁴ կետը լրաց. 22.09.09 թիվ 276-Ն)

155. Լիցենզիայի վերաձևակերպումն իրականացվում է Կենտրոնական բանկի խորհրդի որոշմամբ՝ հանձնաժողովի դրական եզրակացության հիման վրա, լիցենզավորված անձի համապատասխան դիմումը Կենտրոնական բանկ ներկայացնելուց հետո մեկամսյա ժամկետում:

(15⁵ կետը լրաց. 22.09.09 թիվ 276-Ն)

156. Կենտրոնական բանկը կարող է կասեցնել լիցենզիայի վերաձևակերպման ժամկետը մինչև մեկ ամիս ժամկետով, եթե լիցենզիայի վերաձևակերպումը պայմանավորված է բանկի ֆիրմային անվանման փոփոխությամբ և եթե ֆիրմային անվանման փոփոխությունը ներառող կանոնադրության փոփոխության գրանցման ժամկետը սույն կանոնակարգի 84-րդ կետի համաձայն կասեցվել է:

(15⁶ կետը լրաց. 22.09.09 թիվ 276-Ն)

16. Կենտրոնական բանկը կարող է մերժել բանկին լիցենզիայի տրամադրումը «Բանկերի և բանկային գործունեության մասին» Հայաստանի Հանրապետության օրենքի 29-րդ հոդվածի 3 կետով նշված հիմքերով:

17. Նոր ստեղծվող բանկի ղեկավարները գրանցվում են սույն կանոնակարգի 11-րդ և 12-րդ գլուխներով սահմանված կարգով և ժամկետներում:

 

Գ լ ու խ  5

 

Բանկի լուծարման դեպքում լիցենզիան Կենտրոնական բանկ վերադարձնելու կարգը

 

18. Օրենքով սահմանված հիմքերով բանկային գործունեության լիցենզիան ուժը կորցրած ճանաչելու մասին Կենտրոնական բանկի խորհրդի որոշման պատճենը և դրա կայացման հիմքերը ստանալով՝ բանկը կամ օտարերկրյա բանկի մասնաճյուղը կից գրությամբ բանկային գործունեության լիցենզիան վերադարձնում է Կենտրոնական բանկին մեկ աշխատանքային օրվա ընթացքում:

19. Բանկային գործունեության լիցենզիան ուժը կորցրած ճանաչելու մասին Կենտրոնական բանկի խորհրդի որոշման բողոքարկումը հիմք չէ մեկ աշխատանքային օրվա ընթացքում բանկային գործունեության լիցենզիան չվերադարձնելու համար:

 

Գ լ ու խ  6

 

Բանկի մասնաճյուղերի գրանցումը եվ գրանցման մերժումը

 

20. Հայաստանի Հանրապետության տարածքում գործող բանկերի մասնաճյուղերը հիմնադրվում են «Բանկերի և բանկային գործունեության մասին» Հայաստանի Հանրապետության օրենքով և սույն կանոնակարգով սահմանված կարգով: Այլ պետությունների տարածքներում բանկերի մասնաճյուղերը հիմնադրվում են տվյալ պետության օրենսդրությանը համապատասխան:

20.1. Հայաստանի Հանրապետության տարածքում գործող բանկերին թույլատրվում է իրենց գործունեության տարածքից դուրս իրականացնել վարկերի տրամադրման և/կամ վարկերի հավաքագրման գործընթացները հետևյալ բոլոր պայմանների միաժամանակ առկայության դեպքում.

1) վարկերի տրամադրումը և/կամ վարկերի հավաքագրումը իրականացվում է Հայաստանի Հանրապետության գյուղական համայնքներում (սույն կարգում «գյուղական համայնք» հասկացությունը կիրառվում է «Հայաստանի Հանրապետության վարչատարածքային բաժանման մասին» Հայաստանի Հանրապետության օրենքով սահմանված իմաստով),

2) բանկից կամ բանկի տարածքային ստորաբաժանումից կանխիկ միջոցները սույն կետի «1)» ենթակետով նշված գյուղական համայնքներ և գյուղական համայնքներից հետ տեղափոխել թույլատրվում է միայն զինված ոստիկանի ուղեկցությամբ կամ ինկասատորի միջոցով՝ Հայաստանի Հանրապետության կառավարությանն առընթեր Հայաստանի Հանրապետության ոստիկանության կամ ինկասացիոն ծառայության հետ կնքված պայմանագրի հիման վրա: Բանկը պարտավոր է գրավոր տեղեկացնել Կենտրոնական բանկին գյուղական վայրում սույն կետով նշված գործունեությունը սկսելու կամ դադարեցնելու որոշման մասին՝ համապատասխան որոշումը ընդունելուց հետո 3 աշխատանքային օրվա ընթացքում: Ընդ որում, գյուղական վայրում սույն կետով նշված գործունեությունը սկսելու մասին գրավոր ծանուցմանը պետք է կցել նաև Հայաստանի Հանրապետության ոստիկանության կամ ինկասացիոն ծառայության հետ կնքված համապատասխան պայմանագրերի պատճենները: Նշված պայմանագրերի ժամկետները լրանալուց հետո անմիջապես կնքվում են նոր պայմանագրեր, և 15-օրյա ժամկետում Կենտրոնական բանկ են ներկայացվում դրանք կամ նախկին պայմանագրերի ժամկետների երկարաձգումը հավաստող փաստաթղթեր:

3) Բանկի աշխատակիցներից, զինված ոստիկանից կամ ինկասատորից կազմված մեկ խմբի մոտ առկա գումարը օրվա ընթացքում չպետք է գերազանցի 5 միլիոն ՀՀ դրամը:

(20.1 կետը լրաց. 10.07.07 N 217-Ն)

21. Հայաստանի Հանրապետության տարածքում գործող բանկերի՝ Հայաստանի Հանրապետության տարածքում ստեղծվող մասնաճյուղերը գրանցվում են Կենտրոնական բանկի կողմից՝ Կենտրոնական բանկ ներկայացնելով հետևյալ փաստաթղթերը՝

ա) բանկի խորհրդի որոշումը կամ արձանագրությունից քաղվածք՝ մասնաճյուղ բացելու մասին,

բ) բանկի միջնորդագիրը,

գ) մասնաճյուղի կանոնադրությունը ՝ հաստատված բանկի խորհրդի կողմից (3 օրինակ): Կանոնադրության թերթերը պետք է լինեն համարակալված և թելակարված, ընդ որում, կանոնադրության վերջին թերթի հետնամասում, կարի վրա պետք է փակցված լինի պիտակ՝ համաձայն ենթահավելված 24-ի,

(«գ» ենթակետը լրաց. 01.07.08 թիվ 189-Ն)

դ) ստեղծվող մասնաճյուղի ղեկավարների աշխատանքային գործունեության վերաբերյալ տեղեկանք (միջնորդագրի տեսքով) համաձայն ենթահավելված 4-ի,

ե) ստեղծվող մասնաճյուղի գործունեության տնտեսական ծրագիրը համաձայն ենթահավելված 11-ի,

զ) մասնաճյուղի տարածքի սեփականության կամ անհատույց օգտագործման իրավունքի վկայականի պատճենը կամ համապատասխան պետական մարմնում գրանցված վարձակալության (ենթավարձակալության) պայմանագիր: Ենթավարձակալության պայմանագրի դեպքում անհրաժեշտ է ներկայացնել նաև հիմնական վարձակալության պայմանագրի պատճենը,

է) մասնաճյուղի տարածքի և տեխնիկական հագեցվածությանը սույն կարգի 13-րդ գլխով սահմանված չափանիշներին համապատասխանելու մասին փաստաթղթերը,

ը) բանկի կառավարման իրավասու մարմնի որոշումը կամ արձանագրությունից քաղվածք՝ մասնաճյուղի ղեկավարներ ընտրելու կամ նշանակելու մասին,

թ) («թ» ենթակետն ուժը կորցրել է 10.07.07 N 217-Ն),

ժ) մասնաճյուղի գրանցման պետական տուրքի վճարման անդորրագրի պատճենը,

ժա) Հայտարարագիր՝ համաձայն սույն կանոնակարգի ենթահավելված 25-ի:

(21-րդ կետը փոփ. 06.06.06 N 237-Ն, 10.07.07 N 217-Ն, լրաց. 12.12.07 N 406-Ն, 22.09.09 թիվ 276-Ն)

21.1. Բանկի մասնաճյուղի գրանցման համար նոր ստեղծվող մասնաճյուղի ղեկավարները պետք է ունենան Կենտրոնական բանկի կողմից տրամադրված որակավորման վկայական: Ընդ որում, մասնաճյուղի ղեկավարների որակավորման վկայականի առկայության պահանջը պարտադիր չէ բանկերի այն մասնաճյուղերի գրանցման դեպքում, որոնց մասով Կենտրոնական բանկի վերահսկողության համար պատասխանատու ստորաբաժանման եզրակացության համաձայն բավարարված են ստորև ներկայացված պահանջները.

1) բանկն ունի կադրերի ընտրության, աշխատակիցների մասնագիտական որակի բարձրացման և ղեկավարների նոր սերնդի պատրաստման, ինչպես նաև մասնաճյուղերի ղեկավարների որակավորման և մասնագիտական համապատասխանության գնահատման գործող համակարգեր, և

2) բանկն ունի ներքին հսկողության արդյունավետ գործող համակարգ, և

3) բանկում պահպանվում են ՀՀ կենտրոնական բանկի խորհրդի 1999 թվականի մարտի 16-ի թիվ 40-Ն որոշմամբ հաստատված «Հայաստանի Հանրապետության բանկային համակարգում գործառնական ռիսկերի կառավարումը» նվազագույն պարտադիր պահանջները և 2001 թվականի մարտի 21-ի թիվ 81-Ն որոշմամբ հաստատված «Աբոնենտների կողմից CBANet միջբանկային համակարգչային ցանցի և էլեկտրոնային վճարումների համակարգի օգտագործման անվտանգության ապահովման և տեխնիկական վտանգների նվազեցման պարտադիր պահանջները», և

4) տվյալ մասնաճյուղի և բանկի գլխամասի միջև առկա է կապ, որը հնարավորություն է տալիս գործունեությունը ծավալել իրական ժամանակի ռեժիմով, այսինքն՝ ապահովում է մասնաճյուղում կատարվող գործարքների ակնթարթային արտացոլումն ընդհանուր տեղեկատվական բազայում և բանկի հաշվեկշռում:

(21.1 կետը լրաց. 10.07.07 N 217-Ն)

22. Հայաստանի Հանրապետության տարածքում գործող բանկերը Հայաստանի Հանրապետության տարածքից դուրս մասնաճյուղեր ստեղծելիս ստանում են Կենտրոնական բանկի համաձայնությունը՝ ներկայացնելով սույն կանոնակարգի 21-րդ կետով սահմանված փաստաթղթերը, բացառությամբ մասնաճյուղի գրանցման պետական տուրքի վճարման անդորրագրի պատճենի:

23. Հայաստանի Հանրապետության տարածքում գործող բանկերը Հայաստանի Հանրապետության տարածքից դուրս մասնաճյուղեր ստեղծելիս համապատասխան երկրի օրենսդրությամբ սահմանված կարգով այլ երկրում գրանցվելուց (լիցենզավորվելուց, արտոնագրվելուց) հետո հաշվառվում են Կենտրոնական բանկում՝ յոթ օրվա ընթացքում ներկայացնելով գրանցման (լիցենզավորման, արտոնագրման) փաստը վկայող փաստաթուղթ:

(23-րդ կետը լրաց. 01.07.08 թիվ 189-Ն)

24. Բանկի կողմից բանկի մասնաճյուղի գրանցման համար պահանջվող փաստաթղթերը ներկայացնելուց հետո՝ օրենքով սահմանված մեկամսյա ժամկետում, Կենտրոնական բանկի կողմից՝ Կենտրոնական բանկի նախագահի անհատական որոշմամբ, մասնաճյուղը գրանցվում է, և տրվում է բանկի մասնաճյուղի գրանցման վկայական համաձայն ենթահավելված 12-ի:

25. Կենտրոնական բանկը՝ Կենտրոնական բանկի նախագահի անհատական որոշմամբ, կարող է մերժել բանկի՝ Հայաստանի Հանրապետության տարածքում ստեղծվող մասնաճյուղի գրանցման միջնորդագիրը կամ համաձայնություն չտալ Հայաստանի Հանրապետության տարածքում գործող բանկի՝ Հայաստանի Հանրապետության տարածքից դուրս մասնաճյուղի ստեղծմանը, եթե՝

ա) ներկայացված փաստաթղթերում արտացոլվել են անարժանահավատ կամ կեղծ տվյալներ,

բ) փաստաթղթերը ներկայացվել են թերի,

գ) բանկի մասնաճյուղի տարածքը և տեխնիկական հագեցվածությունը չեն համապատասխանում սույն կանոնակարգի 13-րդ գլխով նախատեսված պահանջներին,

դ) բանկի մասնաճյուղի ղեկավարների մասնագիտական գիտելիքները կամ որակավորումը չեն համապատասխանում Կենտրոնական բանկի սահմանած չափանիշներին,

ե) մասնաճյուղի գրանցման փաստաթղթերը Կենտրոնական բանկ ներկայացնելու պահի դրությամբ և ներկայացնելու պահին նախորդող մեկ տարվա ընթացքում բանկը խախտել է հիմնական տնտեսական նորմատիվները,

զ) («զ» ենթակետն ուժը կորցրել է 01.07.08 թիվ 189-Ն)

է) մասնաճյուղի բացումը կհանգեցնի բանկի ֆինանսական վիճակի վատթարացմանը,

ը) ՀՀ տարածքից դուրս մասնաճյուղ ստեղծելու դեպքում բանկը չի ապացուցում տվյալ երկրում մասնաճյուղ բացելու անհրաժեշտությունը և Կենտրոնական բանկի կարծիքով, ծրագրավորում է շրջանառել հանցավոր ճանապարհով ձեռք բերված միջոցները,

թ) ՀՀ տարածքից դուրս մասնաճյուղ ստեղծելու դեպքում Կենտրոնական բանկի հիմնավորված կարծիքով տվյալ պետության բանկային վերահսկողության համար պատասխանատու մարմինը պատշաճ և միջազգային չափանիշներին համապատասխան վերահսկողություն չի իրականացնում տվյալ պետությունում գրանցված բանկերի գործունեության նկատմամբ, կամ տվյալ պետությունը Կենտրոնական բանկին հնարավորություն չի ընձեռում վերստուգել կամ պատշաճ վերահսկողություն իրականացնել ստեղծվելիք մասնաճյուղերի նկատմամբ,

ժ) մասնաճյուղի գործունեության տնտեսական ծրագիրը չի համապատասխանում Կենտրոնական բանկի պահանջներին,

ժա) տնտեսական ծրագրում առկա է ներկայացված տվյալների անհամապատասխանություն կամ անարժանահավատություն, կամ ծրագրում կատարված էական կանխատեսումներն անիրատեսական են,

ժբ) մասնաճյուղի առաջարկվող ներքին կազմակերպական կառուցվածքը և գործառնական համակարգը բավարար չեն բանկի ռիսկերի կառավարման համար,

ժգ) մասնաճյուղի առաջարկվող ներքին հսկողության համակարգը բավարար չէ մասնաճյուղի տնտեսական ծրագրի պահանջների իրականացման և մասնաճյուղի ռիսկերի կառավարման համար, ինչպես նաև չի բավարարում բանկերում ներքին հսկողության համակարգի նկատմամբ առկա Կենտրոնական բանկի պահանջներին,

ժդ) տնտեսական ծրագրում ճիշտ չեն գնահատված մասնաճյուղի առջև ծառացող հնարավոր ռիսկերը, կամ չեն ներկայացված ռիսկերի վերլուծության և գնահատման իրականացման համար օգտագործվող տեղեկատվության աղբյուրները,

ժե) ծրագրում սխալ կամ ոչ ամբողջական են ներկայացված մասնաճյուղի հիմնական և պոտենցիալ մրցակիցները,

ժզ) տնտեսական ծրագրում չեն ներկայացված նպատակային շուկաների վերլուծության և տարբեր տիպի կանխատեսումների և ենթադրությունների իրականացման համար օգտագործվող տեղեկատվության աղբյուրները,

ժէ) պոտենցիալ հաճախորդներին ներկայացնելուց բանկը չի ներկայացրել բավարար հիմնավորումներ այդ անձանց կողմից բանկի հաճախորդը դառնալու մտադրության կամ շարժառիթների (շահագրգռվածության) վերաբերյալ:

26. Կենտրոնական բանկի կողմից պահանջվող որոշակի փաստեր պարզաբանելու նպատակով գրանցման կամ համաձայնություն տալու դիմումի քննության մեկամսյա ժամկետը կարող է կասեցվել: Անհրաժեշտ տեղեկությունների ստացումից հետո միջնորդագրի քննության վերսկսման որոշման պահից ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը: 

(26-րդ կետը լրաց. 06.06.06 N 237-Ն)

26¹. (26¹ կետը լրաց. 06.06.06 N 237-Ն, խմբ. 17.04.07 N 128-Ն, ուժը կորցրել է 10.07.07 N 217-Ն)

 

Գ լ ու խ  7

 

Բանկի ներկայացուցչությունների գրանցումը եվ գրանցման մերժումը

 

27. Հայաստանի Հանրապետության տարածքում գործող բանկերի և օտարերկրյա բանկերի Հայաստանի Հանրապետության տարածքում ներկայացուցչություններ գրանցելու համար բանկերը Կենտրոնական բանկ են ներկայացնում հետևյալ փաստաթղթերը՝

ա) հիմնադիր բանկի միջնորդագիրը,

բ) ներկայացուցչություն բացելու հիմնավորումը,

գ) հիմնադիր բանկի կանոնադրության պատճենը,

դ) ներկայացուցչության կանոնադրությունը: Կանոնադրության թերթերը պետք է լինեն համարակալված և թելակարված, ընդ որում, կանոնադրության վերջին թերթի հետնամասում, կարի վրա պետք է փակցված լինի պիտակ՝ համաձայն ենթահավելված 24-ի,

ե) բանկի կառավարման իրավասու մարմնի որոշումը կամ արձանագրությունից քաղվածք՝ ներկայացուցչություն բացելու մասին,

զ) ներկայացուցչության տարածքի սեփականության կամ անհատույց օգտագործման իրավունքի վկայականի պատճենը կամ համապատասխան պետական մարմնում գրանցված վարձակալության (ենթավարձակալության) պայմանագիր: Ենթավարձակալության պայմանագրի դեպքում անհրաժեշտ է ներկայացնել նաև հիմնական վարձակալության պայմանագրի պատճենը,

է) ներկայացուցչության գրանցման պետական տուրքի վճարման անդորրագրի պատճենը:

(27-րդ կետը լրաց. 12.12.07 N 406-Ն)

28. Ներկայացուցչությունը գրանցելու միջնորդագիրը ներկայացնելուց հետո՝ օրենքով սահմանված մեկամսյա ժամկետում, Կենտրոնական բանկի նախագահի անհատական որոշմամբ, ներկայացուցչությունը գրանցվում է, և դրան տրվում է գրանցման վկայական համաձայն ենթահավելված 13-ի:

(28-րդ կետը փոփ. 01.07.08 թիվ 189-Ն)

29. Հայաստանի Հանրապետության տարածքում գործող բանկերը Հայաստանի Հանրապետության տարածքից դուրս ներկայացուցչություններ ստեղծելիս ստանում են Կենտրոնական բանկի համաձայնությունը՝ ներկայացնելով սույն կանոնակարգի 27-րդ կետով սահմանված փաստաթղթերը, բացառությամբ ներկայացուցչության գրանցման պետական տուրքի վճարման անդորրագրի:

30. Հայաստանի Հանրապետության տարածքում գործող բանկերի Հայաստանի Հանրապետության տարածքից դուրս ներկայացուցչություններ ստեղծելիս՝ համապատասխան երկրի օրենսդրությամբ սահմանված կարգով գրանցվելուց (լիցենզավորվելուց, արտոնագրվելուց) հետո հաշվառվում են Կենտրոնական բանկում՝ ներկայացնելով գրանցման (լիցենզավորման, արտոնագրման) փաստը վկայող փաստաթուղթ:

31. Կենտրոնական բանկը՝ Կենտրոնական բանկի նախագահի անհատական որոշմամբ, կարող է մերժել բանկի կամ օտարերկրյա բանկի՝ Հայաստանի Հանրապետության տարածքում ստեղծվող ներկայացուցչության գրանցման միջնորդագիրը կամ համաձայնություն չտալ Հայաստանի Հանրապետության տարածքում գործող բանկի՝ Հայաստանի Հանրապետության տարածքից դուրս ստեղծվող ներկայացուցչության ստեղծմանը, եթե՝

ա) ներկայացված փաստաթղթերում արտացոլվել են անարժանահավատ կամ կեղծ տվյալներ,

բ) փաստաթղթերը ներկայացվել են թերի,

գ) Կենտրոնական բանկի կարծիքով ներկայացուցչության բացումը կհանգեցնի բանկի ֆինանսական վիճակի վատթարացմանը (Հայաստանի Հանրապետության տարածքում գործող բանկերի համար),

դ) Կենտրոնական բանկի կարծիքով ներկայացուցչություն բացելու հիմնավորումները բավարար չեն:

ե) միջնորդագրի տրման պահին, ինչպես նաև միջնորդագրի քննարկման ժամանակահատվածի ընթացքում բանկը խախտել է Կենտրոնական բանկի սահմանած հիմնական տնտեսական նորմատիվներից թեկուզ մեկը:

(«ե» ենթակետը լրաց. 01.07.08 թիվ 189-Ն)

32. Կենտրոնական բանկի կողմից պահանջվող որոշակի տեղեկություններ ստանալու նպատակով գրանցման կամ համաձայնություն տալու դիմումի քննության մեկամսյա ժամկետը կարող է կասեցվել: Անհրաժեշտ տեղեկությունների ստացումից հետո միջնորդագրի քննության վերսկսման որոշման պահից ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը:

(32-րդ կետը լրաց. 06.06.06 N 237-Ն)

 

Գ լ ու խ  8

 

Մասնաճյուղերի ԵՎ ներկայացուցչությունների գործունեության դադարեցման, ներառյալ` ժամանակավոր դադարեցման կարգը ԵՎ պայմանները

(Վերնագիրը խմբ. 21.11.06 N 692-Ն)

 

33. Բանկը կարող է ժամանակավորապես դադարեցնել իր մասնաճյուղի կամ ներկայացուցչության գործունեությունը, բայց ոչ ավելի, քան մեկ տարի ժամանակով:

(33-րդ կետը խմբ. 21.11.06 N 692-Ն)

34. Բանկի մասնաճյուղի գործունեության ժամանակավոր դադարեցման համար Կենտրոնական բանկի համաձայնությունը ստանալու համար բանկը Կենտրոնական բանկ է ներկայացնում հետևյալ փաստաթղթերը.

ա) բանկի մասնաճյուղի գործունեության ժամանակավոր դադարեցման համար Կենտրոնական բանկի համաձայնությունն ստանալու միջնորդագիր` բանկի կառավարման մարմնի կողմից լիազորված անձի ստորագրությամբ,

բ) բանկի իրավասու մարմնի որոշումը` բանկի մասնաճյուղի գործունեության ժամանակավոր դադարեցման մասին,

գ) բանկի մասնաճյուղի գործունեության ժամանակավոր դադարեցման գործընթացը հիմնավորող և բացահայտող տեղեկություններ` կազմված ամփոփ տեղեկանքի ձևով, որը պետք է ներառի`

-	բանկի մասնաճյուղի գործունեության ժամանակավոր դադարեցման պատճառները` տնտեսագիտական հիմնավորմամբ,
-	բանկի մասնաճյուղի գործունեության ժամանակավոր դադարեցման մասին որոշման ընդունման պահին մասնաճյուղի հաշվապահական հաշվեկշիռը,
-	մասնաճյուղի ակտիվների և պարտավորությունների փոխանցման ուղղությամբ բանկի կողմից իրականացվելիք միջոցառումները, գործողությունները և դրանց կատարման ժամկետները,
-	այն բանկերի (մասնաճյուղերի) անվանումները, որոնց բանկը պետք է փոխանցի գործունեությունը ժամանակավոր դադարեցվող մասնաճյուղի ակտիվները և պարտավորությունները, իսկ պարտավորությունների կատարման դեպքում` ժամանակացույցը:

(34-րդ կետը խմբ. 21.11.06 N 692-Ն)

35. Սույն գլխի 34-րդ կետով նախատեսված փաստաթղթերը ներկայացնելուց հետո, քսանօրյա ժամկետում, Կենտրոնական բանկը տալիս է իր համաձայնությունը բանկի մասնաճյուղի գործունեության ժամանակավոր դադարեցման մասին կամ մերժում` մերժման հիմքերի մասին տասնօրյա ժամկետում տեղեկացնելով բանկին: Կենտրոնական բանկի կողմից պահանջվող որոշակի տեղեկություններ ստանալու համար բանկի մասնաճյուղի գործունեության ժամանակավոր դադարեցման միջնորդագրի քննության քսանօրյա ժամկետը կարող է կասեցվել: Անհրաժեշտ տեղեկություններ ստանալուց հետո միջնորդագրի քննության ժամկետը չպետք է գերազանցի մինչև կասեցումն ընկած օրերի և 20-օրյա ժամկետի տարբերությամբ առաջացող օրերի քանակը:

Կենտրոնական բանկի կողմից 20-օրյա ժամկետում միջնորդագիրը չմերժելու կամ նշված ժամկետում կասեցնելու մասին բանկին չտեղեկացնելու դեպքում բանկի մասնաճյուղի գործունեության ժամանակավոր դադարեցման համաձայնությունը համարվում է տրված:

(35-րդ կետը խմբ. 21.11.06 N 692-Ն)

36. Կենտրոնական բանկը կարող է համաձայնություն չտալ ներկայացված միջնորդագրին, եթե.

ա) ներկայացված փաստաթղթերում արտացոլվել են անարժանահավատ կամ կեղծ տվյալներ,

բ) փաստաթղթերը ներկայացվել են թերի,

գ) Կենտրոնական բանկի հիմնավոր կարծիքով` բանկի հաճախորդների հետագա բնականոն սպասարկումն ապահովված չէ,

դ) տվյալ տարածաշրջանում բացակայում է բանկային ծառայությունների մատուցումը որևէ բանկի կողմից:

Կենտրոնական բանկի համաձայնությունը ստանալու պահից մեկամսյա ժամկետում բանկը Կենտրոնական բանկ է ներկայացնում բանկի մասնաճյուղի ակտիվների և պարտավորությունների փոխանցումը հաստատող փաստաթուղթ, հակառակ դեպքում Կենտրոնական բանկի համաձայնությունն ուժը կորցնում է:

Կենտրոնական բանկը բանկի մասնաճյուղի ակտիվների և պարտավորությունների փոխանցումը հաստատող փաստաթուղթը ստանալուց հետո, տասնօրյա ժամկետում, Կենտրոնական բանկի նախագահի անհատական որոշմամբ գրանցում է բանկի մասնաճյուղի գործունեության ժամանակավոր դադարեցումը:

(36-րդ կետը խմբ. 21.11.06 N 692-Ն)

37. Բանկի ներկայացուցչության գործունեության ժամանակավոր դադարեցման դեպքում բանկը Կենտրոնական բանկ է ներկայացնում հետևյալ փաստաթղթերը.

ա) բանկի ներկայացուցչության գործունեության ժամանակավոր դադարեցման համար բանկի միջնորդագիրը` բանկի կառավարման մարմնի կողմից լիազորված անձի ստորագրությամբ,

բ) բանկի իրավասու մարմնի որոշումը` բանկի ներկայացուցչության գործունեության ժամանակավոր դադարեցման մասին:

Սույն կետով նախատեսված փաստաթղթերը ներկայացնելուց հետո, եռօրյա ժամկետում, Կենտրոնական բանկը, Կենտրոնական բանկի նախագահի անհատական որոշմամբ, գրանցում է բանկի ներկայացուցչության գործունեության ժամանակավոր դադարեցումը կամ մերժում` մերժման հիմքերի մասին տեղեկացնելով բանկին, եթե.

ա) ներկայացված փաստաթղթերում արտացոլվել են անարժանահավատ կամ կեղծ տվյալներ,

բ) փաստաթղթերը ներկայացվել են թերի:

(37-րդ կետը խմբ. 21.11.06 N 692-Ն)

37¹. Բանկի մասնաճյուղի կամ ներկայացուցչության գործունեությունը ժամանակավորապես դադարեցնելու վերաբերյալ Կենտրոնական բանկի նախագահի որոշումն ստանալուց հետո, եռօրյա ժամկետում, բանկը պարտավոր է տարածքային ստորաբաժանման գործունեությունը ժամանակավորապես դադարեցնելու մասին տեղեկատվությունը հրապարակել առնվազն երկու հազար տպաքանակ ունեցող մամուլում և Կենտրոնական բանկ ներկայացնել այդ տեղեկատվությունը պարունակող թերթի (ամսագրի) օրինակը:

(37¹ կետը խմբ. 21.11.06 N 692-Ն)

38. Բանկի մասնաճյուղի գործունեության դադարեցման դեպքում բանկը Կենտրոնական բանկ է ներկայացնում հետևյալ փաստաթղթերը`

ա) բանկի մասնաճյուղը գրանցումից հանելու մասին միջնորդագիր` բանկի կառավարման մարմնի կողմից լիազորված անձի ստորագրությամբ,

բ) բանկի մասնաճյուղի գործունեության դադարեցման մասին իրավասու մարմնի որոշումը կամ արձանագրությունից քաղվածքը,

գ) բանկի մասնաճյուղի գործունեության դադարեցման գործընթացը հիմնավորող և բացահայտող տեղեկություններ` կազմված ամփոփ տեղեկանքի ձևով, որը պետք է ներառի`

-	բանկի մասնաճյուղի գործունեության դադարեցման պատճառները` տնտեսագիտական հիմնավորմամբ,
-	բանկի մասնաճյուղի գործունեության դադարեցման մասին որոշման ընդունման պահին մասնաճյուղի հաշվապահական հաշվեկշիռը,
-	մասնաճյուղի ակտիվների և պարտավորությունների փոխանցման ուղղությամբ բանկի կողմից իրականացվելիք միջոցառումները, գործողությունները և դրանց կատարման ժամկետները,
-	այն բանկերի (մասնաճյուղերի) անվանումները, որոնց բանկը պետք է փոխանցի գործունեությունը դադարեցվող մասնաճյուղի ակտիվները և պարտավորությունները, իսկ պարտավորությունների կատարման դեպքում` ժամանակացույցը:

(38-րդ կետը խմբ. 21.11.06 N 692-Ն)

39. Սույն գլխի 38-րդ կետով նախատեսված փաստաթղթերը ներկայացնելուց հետո, քսանօրյա ժամկետում, Կենտրոնական բանկը տալիս է իր համաձայնությունը բանկի մասնաճյուղի գործունեության դադարեցման մասին կամ մերժում` մերժման հիմքերի մասին տասնօրյա ժամկետում տեղեկացնելով բանկին: Կենտրոնական բանկի կողմից պահանջվող որոշակի տեղեկություններ ստանալու համար բանկի մասնաճյուղի գործունեության դադարեցման միջնորդագրի քննության քսանօրյա ժամկետը կարող է կասեցվել: Անհրաժեշտ տեղեկությունները ստանալուց հետո միջնորդագրի քննության ժամկետը չպետք է գերազանցի մինչև կասեցումն ընկած օրերի և քսանօրյա ժամկետի տարբերությամբ առաջացող օրերի քանակը:

Կենտրոնական բանկի կողմից քսանօրյա ժամկետում միջնորդագիրը չմերժելու կամ նշված ժամկետում կասեցնելու մասին բանկին չտեղեկացնելու դեպքում բանկի մասնաճյուղի գործունեության դադարեցման համաձայնությունը համարվում է տրված:

(39-րդ կետը խմբ. 21.11.06 N 692-Ն)

40. Կենտրոնական բանկը կարող է համաձայնություն չտալ ներկայացված միջնորդագրին, եթե.

ա) ներկայացված փաստաթղթերում արտացոլվել են անարժանահավատ կամ կեղծ տվյալներ,

բ) փաստաթղթերը ներկայացվել են թերի,

գ) Կենտրոնական բանկի հիմնավոր կարծիքով` բանկի հաճախորդների հետագա բնականոն սպասարկումն ապահովված չէ,

դ) տվյալ տարածաշրջանում բացակայում է բանկային ծառայությունների մատուցումը որևէ բանկի կողմից:

(40-րդ կետը խմբ. 21.11.06 N 692-Ն)

41. Կենտրոնական բանկի համաձայնությունը ստանալու պահից մեկամսյա ժամկետում բանկը պարտավոր է Կենտրոնական բանկ ներկայացնել.

ա) բանկի մասնաճյուղի ակտիվների և պարտավորությունների փոխանցումը հաստատող փաստաթուղթ,

բ) բանկի փոփոխված կանոնադրությունը (3 օրինակից)` անհրաժեշտության դեպքում,

գ) մասնաճյուղի գրանցման վկայականը:

Կենտրոնական բանկի համաձայնությունը ստանալու պահից մեկամսյա ժամկետում բանկի կողմից սույն գլխի 41-րդ կետով սահմանված փաստաթղթերը չներկայացնելու դեպքում Կենտրոնական բանկի համաձայնությունը ուժը կորցնում է:

Կենտրոնական բանկը սույն գլխի 41-րդ կետով սահմանված փաստաթղթերը ստանալուց հետո, տասնօրյա ժամկետում, Կենտրոնական բանկի նախագահի անհատական որոշմամբ գրանցում է մասնաճյուղի գործունեության դադարեցումը:

Կենտրոնական բանկը Կենտրոնական բանկի նախագահի անհատական որոշմամբ գրանցում է մասնաճյուղի գործունեության դադարեցումը, եթե բանկի մասնաճյուղը Կենտրոնական բանկում գրանցվելու պահից վեց ամսվա ընթացքում չի սկսել բանկային գործունեության իրականացում:

(41-րդ կետը խմբ. 21.11.06 N 692-Ն)

41¹. Բանկի ներկայացուցչության գործունեության դադարեցման դեպքում բանկը Կենտրոնական բանկ է ներկայացնում հետևյալ փաստաթղթերը.

ա) բանկի ներկայացուցչությունը գրանցումից հանելու մասին միջնորդագիր` բանկի կառավարման մարմնի կողմից լիազորված անձի ստորագրությամբ,

բ) բանկի ներկայացուցչության գործունեության դադարեցման մասին իրավասու մարմնի որոշումը կամ արձանագրությունից քաղվածքը,

գ) ներկայացուցչության գրանցման վկայականը:

Սույն կետով նախատեսված փաստաթղթերը ներկայացնելուց հետո, եռօրյա ժամկետում, Կենտրոնական բանկը գրանցում է բանկի ներկայացուցչության գործունեության դադարեցումը կամ մերժում` մերժման հիմքերի մասին տեղեկացնելով բանկին, եթե.

ա) ներկայացված փաստաթղթերում արտացոլվել են անարժանահավատ կամ կեղծ տվյալներ,

բ) փաստաթղթերը ներկայացվել են թերի:

(41¹ կետը խմբ. 21.11.06 N 692-Ն)

41². Տարածքային ստորաբաժանման գործունեության դադարեցման վերաբերյալ Կենտրոնական բանկի որոշումն ստանալուց հետո բանկը եռօրյա ժամկետում պարտավոր է տարածքային ստորաբաժանման գործունեությունը դադարեցնելու մասին տեղեկատվությունը հրապարակել առնվազն երկու հազար տպաքանակ ունեցող մամուլում և Կենտրոնական բանկ ներկայացնել այդ տեղեկատվությունը պարունակող թերթի (ամսագրի) օրինակը, ինչպես նաև տեղակայել այդ տեղեկատվությունը բանկի ինտերնետային կայքում:

(41² կետը խմբ. 21.11.06 N 692-Ն, լրաց. 01.07.08 թիվ 189-Ն)

(8-րդ գլուխը խմբ. 21.11.06 N 692-Ն)

 

Գ լ ու խ  9

 

Բանկի կանոնադրական հիմնադրամում նշանակալից մասնակցություն ունենալուն նախնական համաձայնություն տալը եվ ներկայացվող փաստաթղթերը

 

42. Ինչպես գործող, այնպես էլ նորաստեղծ բանկերի կանոնադրական հիմնադրամում նշանակալից մասնակցություն ակնկալող իրավաբանական անձ-ուղղակի մասնակիցը պարտավոր է մինչև տվյալ մասնակցությունը ձեռք բերելը, նախնական համաձայնություն ստանալու համար, դիմել Կենտրոնական բանկ՝ ներկայացնելով հետևյալ փաստաթղթերը՝

ա) իրավաբանական անձի կողմից բանկի կանոնադրական հիմնադրամում նշանակալից մասնակցություն ձեռք բերելու համար իրավաբանական անձի միջնորդագիրը,

բ) բանկի միջնորդությունը իրավաբանական անձի կողմից բանկի կանոնադրական հիմնադրամում նշանակալից մասնակցություն ձեռք բերող անձանց համաձայնություն տալու համար՝ բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով (միայն գործող բանկերի համար),

գ) բանկի խորհրդի նախագահի կամ բանկի գործադիր տնօրենի կամ վարչության նախագահի (այն դեպքերում, երբ այդ լիազորությունը վերապահված է նրանց՝ բանկի կանոնադրությամբ կամ ընդհանուր ժողովի կողմից) գրավոր հավաստիացումը, որ ընկերության կանոնադրական կապիտալում ընկերության մասնակցի բաժնեմասը (բաժնետոմսը) գնելու նախապատվության իրավունքի կիրառման՝ օրենքով և այլ իրավական ակտերով նախատեսված կանոնները պահպանված են,

դ) կանոնադրական հիմնադրամում նշանակալից մասնակցություն ձեռք բերող իրավաբանական անձի իրավասու մարմնի որոշումը,

ե) կանոնադրական հիմնադրամում նշանակալից մասնակցություն ձեռք բերող իրավաբանական անձի կանոնադրությունը՝ մինչև գրանցման պահը կատարված փոփոխություններով,

զ) հայտարարություն այն մասին, որ իր միջոցով որևէ այլ անձ բանկում անուղղակի նշանակալից մասնակցություն ունեցող անձի կարգավիճակ ձեռք չի բերում՝ համաձայն ենթահավելված 19-2-ի, հակառակ դեպքում՝ իր միջոցով անուղղակի նշանակալից մասնակցություն ձեռք բերող անձի վերաբերյալ սույն կանոնակարգի 46-րդ կետով սահմանված փաստաթղթերը,

է) տեղեկանք՝ բանկի կանոնադրական հիմնադրամում նշանակալից մասնակցություն ձեռք բերող իրավաբանական անձի վերաբերյալ՝ համաձայն ենթահավելված 7-ի,

ը) իրավաբանական անձի՝ վերջին երեք տարիների և վերջին միջանկյալ՝

- հաշվապահական հաշվեկշիռը,

- ֆինանսական արդյունքների մասին հաշվետվությունը,

- դրամական միջոցների հոսքերի մասին հաշվետվությունը,

- սեփական կապիտալում փոփոխությունների մասին հաշվետվությունը,

- ֆինանսական հաշվետվություններին կից ծանոթագրությունները (երեք տարուց պակաս գործունեություն իրականացրած իրավաբանական անձինք նշված տեղեկությունները ներկայացնում են իրականացրած գործունեության ողջ ժամկետի համար),

(«ը» ենթակետը լրաց. 01.07.08 թիվ 189-Ն)

թ) վերջին տարեկան ֆինանսական հաշվետվությունների արժանահավատությունը հաստատող անկախ աուդիտորական եզրակացությունը՝ «Հաշվապահական հաշվառման մասին» Հայաստանի Հանրապետության օրենքին և Հայաստանի Հանրապետության հաշվապահական հաշվառման ստանդարտներին (օտարերկրյա իրավաբանական անձանց համար՝ Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին) համապատասխան:

Եթե սույն կետի «ը» ենթակետով սահմանված ֆինանսական հաշվետվությունները կազմված են օտարերկրյա պետության ազգային ստանդարտների համաձայն, ապա Կենտրոնական բանկ պետք է ներկայացվի.

տվյալ կազմակերպության ֆինանսական հաշվետվությունները հաստատող անկախ աուդիտորական կազմակերպության հայտարարությունն այն մասին, որ ներկայացված հաշվետվությունները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին, կամ

հղում այդ պետության որևէ պաշտոնական ինտերնետային էջի, որտեղ կնշվի, որ տվյալ պետության հաշվապահական հաշվառման ստանդարտները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին,

ժ) («ժ» ենթակետն ուժը կորցրել է 01.07.08 թիվ 189-Ն)

ժա) տեղեկանք իրավասու մարմնի կողմից բյուջեի և կենսաթոշակային հիմնադրամի նկատմամբ պարտքերի կամ դրանց բացակայության վերաբերյալ (ռեզիդենտների համար),

ժբ) ներդրվող միջոցների ծագման oրինականության վերաբերյալ բավարար և ամբողջական հիմնավորումներ (փաստաթղթեր, տեղեկություններ և այլն),

ժգ) նշանակալից մասնակցություն ակնկալող իրավաբանական անձ-մասնակցի հայտարարագիրը՝ բանկի կողմից Կենտրոնական բանկ ներկայացված տնտեսական ծրագրում և «Բանկերի և բանկային գործունեության մասին» Հայաստանի Հանրապետության օրենքի 42¹ հոդվածով նախատեսված բանկի հեռանկարային զարգացման ծրագրում իր կողմից առաջարկվող փոփոխությունների վերաբերյալ,

ժդ) հայտարարագիր «Բանկերի և բանկային գործունեության մասին» ՀՀ օրենքի 18-րդ հոդվածով նախատեսված հիմքերի բացակայության մասին՝ համաձայն ենթահավելված 17-2-ի:

ժե) եթե իրավաբանական անձ-ուղղակի մասնակիցն ընդգրկված է որևէ խմբի/հոլդինգի/միության կամ ցանկացած այլ հիմքով իրենց ֆինանսական հաշվետվությունները համախմբող անձանց կազմում, ապա Կենտրոնական բանկ պետք է ներկայացվի նաև խմբի/հոլդինգի/միության կառուցվածքը,

ժզ) եթե իրավաբանական անձ-ուղղակի մասնակիցն ընդգրկված է որևէ խմբի/հոլդինգի/միության կամ ցանկացած այլ հիմքով իրենց ֆինանսական հաշվետվությունները համախմբող անձանց կազմում, ապա ներկայացվում են տվյալ խմբի/հոլդինգի/միության վերջին ֆինանսական տարվա՝

- հաշվապահական հաշվեկշիռը,

- ֆինանսական արդյունքների մասին հաշվետվությունը,

- դրամական միջոցների հոսքերի մասին հաշվետվությունը,

- սեփական կապիտալում փոփոխությունների մասին հաշվետվությունը,

- ֆինանսական հաշվետվություններին կից ծանոթագրությունները (մեկ տարուց պակաս գործունեություն իրականացրած իրավաբանական անձինք նշված տեղեկությունները ներկայացնում են իրականացրած գործունեության ողջ ժամկետի համար),

ժէ) խմբի/հոլդինգի/միության վերջին տարեկան ֆինանսական հաշվետվությունների արժանահավատությունը հաստատող անկախ աուդիտորական եզրակացությունը՝ «Հաշվապահական հաշվառման մասին» Հայաստանի Հանրապետության օրենքին և Հայաստանի Հանրապետության հաշվապահական հաշվառման ստանդարտներին (օտարերկրյա իրավաբանական անձանց համար՝ Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին համապատասխան (առկայության դեպքում):

Եթե սույն կետի «ժզ» ենթակետով սահմանված ֆինանսական հաշվետվությունները կազմված են օտարերկրյա պետության ազգային ստանդարտների համաձայն, ապա Կենտրոնական բանկ պետք է ներկայացվի.

տվյալ կազմակերպության ֆինանսական հաշվետվությունները հաստատող անկախ աուդիտորական կազմակերպության հայտարարությունն այն մասին, որ ներկայացված հաշվետվությունները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին, կամ

հղում այդ պետության որևէ պաշտոնական ինտերնետային էջի, որտեղ կնշվի, որ տվյալ պետության հաշվապահական հաշվառման ստանդարտները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին:

Եթե սույն կետի «ը», «թ», «ժե», «ժզ» և «ժէ» ենթակետերով սահմանված հաշվետվությունները (տեղեկությունները) տեղակայված են իրավաբանական անձի կամ խմբի/հոլդինգի/միության ինտերնետային կայքում, ապա Կենտրոնական բանկին ներկայացվում է համապատասխան կայքի (տնային էջի) հասցեն:

(42-րդ կետը փոփ., լրաց., խմբ. 06.06.06 N 237-Ն, 01.07.08 թիվ 189-Ն, փոփ. 10.03.09 թիվ 55-Ն)

42¹. Օֆշորային տարածքներում ստեղծված կամ գրանցված իրավաբանակական անձը բանկի կանոնադրական կապիտալում մասնակցություն ձեռք բերելու համար (անկախ մասնակցության չափից) պետք է մինչև տվյալ մասնակցությունը ձեռք բերելը նախնական համաձայնություն ստանալու համար դիմի Կենտրոնական բանկ՝ ներկայացնելով սույն կանոնակարգի 42-րդ կետով սահմանված փաստաթղթերը:

(42.¹  կետը լրաց. 01.07.08 թիվ 189-Ն)

43. Եթե բանկի կանոնադրական հիմնադրամում նշանակալից մասնակցություն ձեռք է բերվելու միջազգային կազմակերպությունների կողմից, ապա վերջիններիս կողմից Կենտրոնական բանկ պետք է ներկայացվեն սույն կանոնակարգի 42 կետի «ա», «բ», «գ», «դ», «ե», «ը», «թ» և «ժգ» ենթակետերով պահանջվող փաստաթղթերը:

Կենտրոնական բանկի խորհրդի համաձայնությամբ սույն կետը կարող է տարածվել նաև միջազգային համբավ (ճանաչում) և Ստանդարտ և Փուրզ կամ Մուդիզ վարկանիշային գործակալությունների կողմից սահմանված «Ա-» կամ «Ա3» և բարձր վարկանիշ ունեցող կազմակերպությունների վրա:

Եթե բանկի կանոնադրական հիմնադրամում նշանակալից մասնակցությունը ձեռք է բերում «Հայաստանի Հանրապետության կենտրոնական բանկի մասին» Հայաստանի Հանրապետության օրենքի համաձայն Կենտրոնական բանկի կողմից վերահսկվող կազմակերպությունը, ապա վերջինս Կենտրոնական բանկ պետք է ներկայացնի 42-րդ կետի «ա», «բ», «գ», «դ», «զ», «ժա», «ժգ» և «ժդ» ենթակետերով պահանջվող փաստաթղթերը:

(43-րդ կետը լրաց. 06.06.06 N 237-Ն)

44. Ինչպես գործող, այնպես էլ նորաստեղծ բանկի կանոնադրական հիմնադրամում նշանակալից մասնակցություն ակնկալող ֆիզիկական անձ-ուղղակի մասնակիցը պարտավոր է մինչև տվյալ մասնակցությունը ձեռք բերելը, նախնական համաձայնություն ստանալու համար, դիմել Կենտրոնական բանկ՝ ներկայացնելով հետևյալ փաստաթղթերը՝

ա) ֆիզիկական անձի կողմից բանկի կանոնադրական հիմնադրամում նշանակալից մասնակցություն ձեռք բերելու համար դիմում,

բ) բանկի միջնորդությունը՝ անձի կողմից բանկի կանոնադրական հիմնադրամում նշանակալից մասնակցություն ձեռք բերող անձանց hամաձայնություն տալու վերաբերյալ՝ բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով (միայն գործող բանկերի համար),

գ) բանկի խորհրդի նախագահի կամ բանկի գործադիր տնօրենի կամ վարչության նախագահի (այն դեպքերում, երբ այդ լիազորությունը վերապահված է նրանց՝ բանկի կանոնադրությամբ կամ ընդհանուր ժողովի կողմից) գրավոր հավաստիացումը, որ ընկերության կանոնադրական կապիտալում ընկերության մասնակցի բաժնեմասը (բաժնետոմսը) գնելու նախապատվության իրավունքի կիրառման՝ օրենքով և այլ իրավական ակտերով նախատեսված կանոնները պահպանված են,

դ) տեղեկանք բանկի կանոնադրական հիմնադրամում նշանակալից մասնակցություն ձեռք բերող ֆիզիկական անձի վերաբերյալ՝ համաձայն ենթահավելված 8-ի,

ե) ներդրվող միջոցների ծագման oրինականության վերաբերյալ բավարար և ամբողջական հիմնավորումներ (փաստաթղթեր, տեղեկություններ և այլն),

զ) հայտարարագիր՝ չմարված և չներված պարտավորությունների մասին,

է) նշանակալից մասնակցություն ակնկալող ֆիզիկական անձ-մասնակցի հայտարարագիրը՝ բանկի կողմից Կենտրոնական բանկ ներկայացված տնտեսական ծրագրում և «Բանկերի և բանկային գործունեության մասին» Հայաստանի Հանրապետության օրենքի 42¹ հոդվածով նախատեսված բանկի հեռանկարային զարգացման ծրագրում իր կողմից առաջարկվող փոփոխությունների վերաբերյալ,

ը) հայտարարագիր «Բանկերի և բանկային գործունեության մասին» ՀՀ օրենքի 18-րդ հոդվածով նախատեսված հիմքերի բացակայության մասին՝ համաձայն ենթահավելված 17-1-ի:

թ) հայտարարություն այն մասին, որ իր միջոցով որևէ այլ անձ բանկում անուղղակի նշանակալից մասնակցություն ունեցող անձի կարգավիճակ ձեռք չի բերում՝ համաձայն ենթահավելված 19-1-ի, հակառակ դեպքում՝ իր միջոցով անուղղակի նշանակալից մասնակցություն ձեռք բերող անձի վերաբերյալ սույն կանոնակարգի 46-րդ կետով սահմանված փաստաթղթերը:

(44-րդ կետը փոփ., լրաց., խմբ. 06.06.06 N 237-Ն, խմբ. 01.07.08 թիվ 189-Ն, փոփ. 10.03.09 թիվ 55-Ն)

44¹. Օֆշորային տարածքներում մշտական բնակության վայր ունեցող կամ գործունեություն ծավալող ֆիզիկական անձը բանկի կանոնադրական կապիտալում մասնակցություն ձեռք բերելու համար (անկախ մասնակցության չափից) պետք է մինչև տվյալ մասնակցությունը ձեռք բերելը նախնական համաձայնություն ստանալու համար դիմի Կենտրոնական բանկ՝ ներկայացնելով սույն կանոնակարգի 44-րդ կետով սահմանված փաստաթղթերը:

(44.¹ կետը լրաց. 01.07.08 թիվ 189-Ն)

45. Բանկի կանոնադրական հիմնադրամում նշանակալից մասնակցություն ակնկալող պետությունը պարտավոր է մինչև տվյալ մասնակցությունը ձեռք բերելը, նախնական համաձայնություն ստանալու համար, դիմել Կենտրոնական բանկ՝ ներկայացնելով հետևյալ փաստաթղթերը.

ա) պետության անունից հանդես գալու իրավունք ունեցող մարմնից դիմում բանկի կանոնադրական հիմնադրամում նշանակալից մասնակցություն ձեռք բերելու համար,

բ) կանոնադրական հիմնադրամում նշանակալից մասնակցություն ձեռք բերող պետության իրավասու մարմնի որոշումը,

գ) բանկի միջնորդությունը՝ անձի կողմից բանկի կանոնադրական հիմնադրամում նշանակալից մասնակցություն ձեռք բերող անձանց hամաձայնություն տալու վերաբերյալ՝ բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով,

դ) բանկի խորհրդի նախագահի կամ բանկի գործադիր տնօրենի կամ վարչության նախագահի (այն դեպքերում, երբ այդ լիազորությունը վերապահված է նրանց՝ բանկի կանոնադրությամբ կամ ընդհանուր ժողովի կողմից) գրավոր հավաստիացումը, որ ընկերության կանոնադրական կապիտալում ընկերության մասնակցի բաժնեմասը (բաժնետոմսը) գնելու նախապատվության իրավունքի կիրառման՝ օրենքով և այլ իրավական ակտերով նախատեսված կանոնները պահպանված են,

ե) նշանակալից մասնակցություն ակնկալող պետության հայտարարագիրը՝ բանկի կողմից Կենտրոնական բանկ ներկայացված տնտեսական ծրագրում և «Բանկերի և բանկային գործունեության մասին» Հայաստանի Հանրապետության օրենքի 42¹ հոդվածով նախատեսված բանկի հեռանկարային զարգացման ծրագրում իր կողմից առաջարկվող փոփոխությունների վերաբերյալ:

(45-րդ կետը խմբ. 01.07.08 թիվ 189-Ն, փոփ. 10.03.09 թիվ 55-Ն)

46. Եթե նշանակալից մասնակցությունը ձեռք են բերում իրար հետ փոխկապակցված անձինք կամ բանկի մասնակցի հետ փոխկապակցված անձինք, ապա սույն գլխում սահմանված փաստաթղթերը պահանջվում են նրանցից յուրաքանչյուրից:

Բանկում անուղղակի նշանակալից մասնակցություն ակնկալող անձի վերաբերյալ Կենտրոնական բանկ պետք է ներկայացվեն իրավաբանական անձանց համար՝ կանոնակարգի 42-րդ կետի «ե», «է», «ը», «թ», «ժա», «ժդ» ենթակետերով, իսկ ֆիզիկական անձանց համար՝ կանոնակարգի 44-րդ կետի «դ», «զ», «ը» ենթակետերով սահմանված փաստաթղթերը, ինչպես նաև սույն կանոնակարգի 46¹ կետի «գ» ենթակետով սահմանված տեղեկանքը և հայտարարագիր՝ համաձայն ենթահավելված 18-1-ի և 18-2-ի:

Եթե անուղղակի նշանակալից մասնակցությունը ձեռք է բերվում ուղղակի նշանակալից մասնակցի միջոցով, ապա վերոնշյալ փաստաթղթերը Կենտրոնական բանկ է ներկայացնում ուղղակի նշանակալից մասնակիցը, այլ դեպքերում՝ բանկը:

Եթե բանկի կանոնադրական հիմնադրամում անուղղակի նշանակալից մասնակցություն ձեռք է բերում «Հայաստանի Հանրապետության կենտրոնական բանկի մասին» Հայաստանի Հանրապետության օրենքի համաձայն Կենտրոնական բանկի կողմից վերահսկվող կազմակերպությունը, ապա վերջինս Կենտրոնական բանկ պետք է ներկայացնի սույն կանոնակարգի 42-րդ կետի «ժա» և «ժդ» ենթակետերով պահանջվող փաստաթղթերը:

Եթե բանկի կանոնադրական հիմնադրամում անուղղակի նշանակալից մասնակցությունը ձեռք է բերում Հայաստանի Հանրապետության կենտրոնական բանկի կողմից «Ա» և «Բ» վարկանիշ ստացած կազմակերպությունը, ապա վերջինս Կենտրոնական բանկ պետք է ներկայացնի սույն կանոնակարգի 42-րդ կետի «է», «ժա» և «ժդ» ենթակետերով պահանջվող փաստաթղթերը:

Եթե բանկի կանոնադրական հիմնադրամում անուղղակի նշանակալից մասնակիցը և բանկում ուղղակի նշանակալից մասնակցություն ձեռք բերող իրավաբանական անձը ընդգրկված են որևէ խմբի/հոլդինգի/միության կամ ցանկացած այլ հիմքով իրենց ֆինանսական հաշվետվությունները համախմբող անձանց կազմում, ապա անուղղակի մասնակիցը Կենտրոնական բանկ պետք է ներկայացնի սույն կանոնակարգի 42-րդ կետի «ե», «է», «ժա» և «ժդ» ենթակետերով պահանջվող փաստաթղթերը:

(46-րդ կետը խմբ. 06.06.06 N 237-Ն, փոփ. 01.07.08 թիվ 189-Ն)

46¹. Բանկի կանոնադրական հիմնադրամում նշանակալից մասնակցություն ակնկալող ֆիզիկական և իրավաբանական անձինք Կենտրոնական բանկ պետք է ներկայացնեն նաև.

ա) նշանակալից մասնակցություն ձեռք բերող անձի հետ փոխկապակցված իրավաբանական անձանց (այդ թվում՝ այն իրավաբանական անձանց, որոնցում բանկի կանոնադրական հիմնադրամում նշանակալից մասնակցություն ձեռք բերող անձը հանդիսանում է նշանակալից մասնակից) վերջին մեկ տարվա՝

- հաշվապահական հաշվեկշիռը,

- ֆինանսական արդյունքների մասին հաշվետվությունը,

- դրամական միջոցների հոսքերի մասին հաշվետվությունը,

- սեփական կապիտալում փոփոխությունների մասին հաշվետվությունը,

- ֆինանսական հաշվետվություններին կից ծանոթագրությունները (մեկ տարուց պակաս գործունեություն իրականացրած իրավաբանական անձինք նշված տեղեկությունները ներկայացնում են իրականացրած գործունեության ողջ ժամկետի համար).

բ) նշանակալից մասնակցություն ձեռք բերող անձի հետ փոխկապակցված իրավաբանական անձանց վերջին տարեկան ֆինանսական հաշվետվությունների արժանահավատությունը հաստատող անկախ աուդիտորական եզրակացությունը՝ «Հաշվապահական հաշվառման մասին» Հայաստանի Հանրապետության օրենքին և Հայաստանի Հանրապետության հաշվապահական հաշվառման ստանդարտներին (օտարերկրյա իրավաբանական անձանց համար՝ Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին) համապատասխան (առկայության դեպքում):

Եթե սույն կետի «ա» ենթակետում սահմանված ֆինանսական հաշվետվությունները կազմված են օտարերկրյա պետության ազգային ստանդարտների համաձայն, ապա Կենտրոնական բանկ պետք է ներկայացվի.

տվյալ կազմակերպության ֆինանսական հաշվետվությունները հաստատող անկախ աուդիտորական կազմակերպության հայտարարությունն այն մասին, որ ներկայացված հաշվետվությունները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին, կամ

հղում այդ պետության որևէ պաշտոնական ինտերնետային էջի, որտեղ կնշվի, որ տվյալ պետության հաշվապահական հաշվառման ստանդարտները համապատասխանում են Ֆինանսական հաշվետվությունների միջազգային ստանդարտներին կամ միջազգայնորեն ճանաչված այլ ստանդարտներին:

Եթե սույն կետի «ա» և «բ» ենթակետերով սահմանված հաշվետվությունները (տեղեկությունները) տեղակայված են խմբի/հոլդինգի/միության ինտերնետային կայքում, ապա Կենտրոնական բանկին ներկայացվում է համապատասխան կայքի/տնային էջի հասցեն:

գ) տեղեկանք նշանակալից մասնակցություն ձեռք բերող անձի հետ փոխկապակցված իրավաբանական անձանց (այդ թվում՝ այն իրավաբանական անձանց, որոնցում բանկի կանոնադրական հիմնադրամում նշանակալից մասնակցություն ձեռք բերող անձը նշանակալից մասնակից է) մասին՝ համաձայն ենթահավելված 20-ի:

Եթե սույն կետում նշված տեղեկատվությունը վերաբերվում է «Հայաստանի Հանրապետության կենտրոնական բանկի մասին» Հայաստանի Հանրապետության օրենքի համաձայն Կենտրոնական բանկի կողմից վերահսկվող իրավաբանական անձանց, Հայաստանի Հանրապետության կենտրոնական բանկի կողմից «Ա» և «Բ» վարկանիշ ստացած կազմակերպություններին կամ բանկում նշանակալից մասնակցություն ձեռք բերող իրավաբանական անձանց հետ միևնույն խմբի/հոլդինգի/միության կամ ցանկացած այլ հիմքով իրենց ֆինանսական հաշվետվությունները համախմբող անձանց կազմում ընդգրկված կազմակերպություններին, ապա չի պահանջվում ներկայացնել այդ տեղեկատվությունը:

Եթե բանկի կանոնադրական կապիտալում ուղղակի նշանակալից մասնակցություն ձեռք բերելու մտադրություն ունեցող անձի միջոցով բանկի կանոնադրական կապիտալում անուղղակի նշանակալից մասնակցություն ձեռք են բերում մի քանի անձիք, ապա անուղղակի նշանակալից մասնակցություն ձեռք բերելու համաձայնություն ստանալու համար կարող են ներկայացվել «Բանկերի և բանկային գործունեության մասին» Հայաստանի Հանրապետության օրենքով և սույն կանոնակարգով պահանջվող փաստաթղթերը միայն այն ֆիզիկական անձի վերաբերյալ, որի միջոցով որևէ այլ անձ այդ բանկում նշանակալից մասնակցություն ձեռք չի բերում: Անհրաժեշտության դեպքում Կենտրոնական բանկը կարող է պահանջել փաստաթղթեր նաև այն անձանցից, որոնց միջոցով բանկում նշանակալից մասնակցություն է ձեռք բերվում:

(46¹ կետը լրաց. 06.06.06 N 237-Ն, լրաց., խմբ. 01.07.08 թիվ 189-Ն)

47. Կենտրոնական բանկի կողմից պահանջվող որոշակի փաստեր պարզաբանելու նպատակով մեկամսյա ժամկետը կարող է Կենտրոնական բանկի խորհրդի որոշմամբ կասեցվել: Անհրաժեշտ տեղեկությունների ստացումից հետո միջնորդագրի քննության ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը:

48. Կենտրոնական բանկը մերժում է բանկի կանոնադրական հիմնադրամում նշանակալի մասնակցություն ձեռք բերելու դիմումը՝ համաձայն «Բանկերի և բանկային գործունեության մասին» Հայաստանի Հանրապետության օրենքի 18 հոդվածի 2-րդ մասի, «Հանցավոր ճանապարհով ստացված եկամուտների օրինականացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքի, ինչպես նաև դրանց հիման վրա ընդունված նորմատիվ իրավական ակտերի:

Ուղղակի նշանակալից մասնակցի միջոցով ձեռք բերվող անուղղակի նշանակալից մասնակցությունը բանկի կանոնադրական հիմնադրամում համարվում է մերժված, եթե մերժվել է ուղղակի նշանակալից մասնակցության միջնորդագիրը:

(48-րդ կետը լրաց. 06.06.06 N 237-Ն)

49. Անձի և նրա հետ փոխկապակցված անձանց՝ բանկում նշանակալից մասնակցություն ձեռք բերելուն նախնական համաձայնություն տալու Կենտրոնական բանկի որոշումն ուժի մեջ է ընդունման պահից եռամսյա ժամկետով, եթե գործողության ավելի երկար ժամկետ նախատեսված չէ տվյալ որոշմամբ: Գործարքի (կամ գործարքների) իրականացումը հաստատող հիմքերը (փաստաթղթերը) պետք է ներկայացվեն կենտրոնական բանկ: Եթե որոշմամբ սահմանված ժամկետում գործարքը (կամ գործարքները) չի իրականացվում, կամ գործարքի (կամ գործարքների) իրականացումը հաստատող հիմքերը (փաստաթղթերը) չեն ներկայացվում Կենտրոնական բանկ, ապա Կենտրոնական բանկի նախնական համաձայնությունը ուժը կորցրած է համարվում:

(49-րդ կետը խմբ. 06.06.06 N 237-Ն)

 

Գ լ ու խ  9¹

Բանկի կանոնադրական հիմնադրամում այլ մասնակցություն ձեռք բերելուն նախնական համաձայնություն տալը ԵՎ ներկայացվող փաստաթղթերը

49¹. Բանկի կանոնադրական հիմնադրամում այլ մասնակցություն ակնկալող իրավաբանական անձը պարտավոր է մինչև տվյալ մասնակցությունը ձեռք բերելը, նախնական համաձայնություն ստանալու համար դիմել Կենտրոնական բանկ՝ ներկայացնելով հետևյալ փաստաթղթերը.

ա) իրավաբանական անձի կողմից բանկի կանոնադրական հիմնադրամում այլ մասնակցություն ձեռք բերելու համար իրավաբանական անձի միջնորդագիրը,

բ) բանկի միջնորդությունը իրավաբանական անձի կողմից բանկի կանոնադրական հիմնադրամում այլ մասնակցություն ձեռք բերող անձին համաձայնություն տալու համար՝ բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով,

գ) այլ մասնակցություն ձեռք բերելու գործարքի երկու կողմերի, մասնավորապես, այլ մասնակցություն ձեռք բերող իրավաբանական անձի և մասնակցությունը վաճառող նշանակալից մասնակցի միջև գործարքի նախնական գրավոր համաձայնությունը, որը պետք է պարունակի գործարքի էական պայմանները, այդ թվում՝ բաժնետոմսերի վաճառքի պայմաններն ու գինը,

դ) («դ» ենթակետն ուժը կորցրել է 01.07.08 թիվ 189-Ն)

ե) հայտարարագիր բանկի այլ մասնակիցների հետ փոխկապակցվածության վերաբերյալ,

զ) հայտարարագիր «Բանկերի և բանկային գործունեության մասին» Հայաստանի Հանրապետության օրենքի 18¹-րդ հոդվածով նախատեսված հիմքերի բացակայության մասին՝ համաձայն ենթահավելված 17-2-ի,

է) ներդրվող միջոցների ծագման օրինականությունը հիմնավորող բավարար և ամբողջական փաստաթղթեր (տեղեկություններ և այլն):

(49¹ կետը լրաց. 06.06.06 N 237-Ն, փոփ. 01.07.08 թիվ 189-Ն)

49². Եթե բանկի կանոնադրական հիմնադրամում այլ մասնակցություն ձեռք բերելու հետևանքով իրավաբանական անձը կհանդիսանա բանկի նշանակալից մասնակից, ապա նա պետք է Կենտրոնական բանկի նախնական համաձայնությունը ստանալու համար ներկայացնի սույն կանոնակարգի 9-րդ գլխով, ինչպես նաև սույն գլխի 49¹ կետի «ա» և «գ» ենթակետերով սահմանված փաստաթղթերը:

Եթե բանկի կանոնադրական հիմնադրամում այլ մասնակցությունը ձեռք է բերում «Հայաստանի Հանրապետության կենտրոնական բանկի մասին» Հայաստանի Հանրապետության օրենքի համաձայն Կենտրոնական բանկի կողմից վերահսկվող կազմակերպությունը, ապա վերջինս Կենտրոնական բանկ պետք է ներկայացնի  սույն գլխի 49¹ կետի «ա», «բ», «գ», և «զ» ենթակետերով սահմանված փաստաթղթերը:»:

(49² կետը լրաց. 06.06.06 N 237-Ն, փոփ. 01.07.08 թիվ 189-Ն)

49³. Բանկի կանոնադրական հիմնադրամում այլ մասնակցություն ակնկալող ֆիզիկական անձը պարտավոր է մինչև տվյալ մասնակցություն ձեռք բերելը, նախնական համաձայնություն ստանալու համար դիմել Կենտրոնական բանկ՝ ներկայացնելով հետևյալ փաստաթղթերը.

ա) ֆիզիկական անձի կողմից բանկի կանոնադրական հիմնադրամում այլ մասնակցություն ձեռք բերելու համար դիմում,

բ) բանկի միջնորդությունը՝ անձի կողմից բանկի կանոնադրական հիմնադրամում այլ մասնակցություն ձեռք բերող անձանց hամաձայնություն տալու վերաբերյալ՝ բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով,

գ) այլ մասնակցություն ձեռք բերելու գործարքի երկու կողմերի՝ մասնավորապես,  այլ մասնակցություն ձեռք բերող ֆիզիկական անձի և մասնակցությունը վաճառող նշանակալից մասնակցի միջև գործարքի նախնական գրավոր համաձայնությունը, որը պետք է պարունակի  գործարքի էական պայմանները, այդ թվում՝ բաժնետոմսերի վաճառքի պայմաններն ու գինը,

դ) հայտարարագիր՝ բանկի այլ մասնակիցների հետ փոխկապակցվածության վերաբերյալ,

ե) հայտարարագիր՝ «Բանկերի և բանկային գործունեության մասին» Հայաստանի Հանրապետության օրենքի 18¹-րդ հոդվածով նախատեսված հիմքերի բացակայության մասին՝ համաձայն ենթահավելված 17-1-ի,

զ) ներդրվող միջոցների ծագման օրինականությունը հիմնավորող բավարար և ամբողջական փաստաթղթեր (տեղեկություններ և այլն):

(49³ կետը լրաց. 06.06.06 N 237-Ն)

49⁴. Եթե բանկի կանոնադրական հիմնադրամում այլ մասնակցություն ձեռք բերելու հետևանքով ֆիզիկական անձը կհանդիսանա բանկի նշանակալից մասնակից, ապա նա պետք է Կենտրոնական բանկի նախնական համաձայնությունը ստանալու համար ներկայացնի սույն կանոնակարգի 9-րդ գլխով սահմանված փաստաթղթերը, ինչպես նաև սույն գլխի 49³ կետի «ա» և «գ» ենթակետերով սահմանված փաստաթղթերը:

(49⁴ կետը լրաց. 06.06.06 N 237-Ն)

49⁵. Բանկի կանոնադրական հիմնադրամում այլ մասնակցություն ակնկալող պետությունը պարտավոր է մինչև տվյալ մասնակցություն ձեռք բերելը, նախնական համաձայնություն ստանալու համար դիմել Կենտրոնական բանկ՝ ներկայացնելով հետևյալ փաստաթղթերը.

ա) պետության անունից հանդես գալու իրավունք ունեցող մարմնի դիմումը՝ բանկի կանոնադրական հիմնադրամում այլ մասնակցություն ձեռք բերելու համար,

բ) կանոնադրական հիմնադրամում այլ մասնակցություն ձեռք բերող պետության իրավասու մարմնի որոշումը,

գ) բանկի միջնորդությունը՝ պետության կողմից բանկի կանոնադրական հիմնադրամում այլ մասնակցություն ձեռք բերող անձանց hամաձայնություն տալու վերաբերյալ՝ բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով,

դ) բանկի խորհրդի նախագահի կամ բանկի գործադիր տնօրենի կամ վարչության նախագահի (այն դեպքերում, երբ այդ լիազորությունը վերապահված է նրանց՝ բանկի կանոնադրությամբ կամ ընդհանուր ժողովի կողմից) գրավոր հավաստիացումը, որ ընկերության կանոնադրական կապիտալում ընկերության մասնակցի բաժնեմասը (բաժնետոմսը) գնելու նախապատվության իրավունքի կիրառման՝ օրենքով և այլ իրավական ակտերով նախատեսված կանոնները պահպանված են,

ե) այլ մասնակցություն ձեռք բերելու գործարքի երկու կողմերի, մասնավորապես, այլ մասնակցություն ձեռք բերող պետության անունից հանդես գալու իրավունք ունեցող մարմնի և մասնակցությունը վաճառող նշանակալից մասնակցի միջև գործարքի նախնական գրավոր համաձայնությունը, որը պետք է պարունակի գործարքի էական պայմանները, այդ թվում՝ բաժնետոմսերի վաճառքի պայմաններն ու գինը:

(49⁵ կետը լրաց. 06.06.06 N 237-Ն, խմբ. 01.07.08 թիվ 189-Ն, փոփ. 10.03.09 թիվ 55-Ն)

49⁶. Եթե բանկի կանոնադրական հիմնադրամում այլ մասնակցությունը ձեռք են բերում սույն կանոնակարգի 43-րդ կետում նշված կազմակերպությունները, ապա նրանք մինչև տվյալ մասնակցությունը ձեռք բերելը, նախնական համաձայնություն ստանալու համար դիմում են Կենտրոնական բանկ՝ ներկայացնելով  սույն կանոնակարգի 49¹ կետի «ա», «բ», «գ» ենթակետերով պահանջվող փաստաթղթերը:

(49⁶ կետը լրաց. 06.06.06 N 237-Ն)

49⁷. Եթե այլ մասնակցությունը ձեռք է բերվում իրար հետ փոխկապակցված անձանց կողմից, ապա սույն գլխով սահմանված փաստաթղթերը պահանջվում են նրանցից յուրաքանչյուրից:

(49⁷ կետը լրաց. 06.06.06 N 237-Ն)

49⁸. Կենտրոնական բանկի կողմից պահանջվող որոշ փաստեր պարզաբանելու նպատակով մեկամսյա ժամկետը կարող է Կենտրոնական բանկի խորհրդի որոշմամբ կասեցվել: Անհրաժեշտ տեղեկություններ ստանալուց հետո միջնորդագրի քննության ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը:

(49⁸ կետը լրաց. 06.06.06 N 237-Ն)

49⁹. Կենտրոնական բանկը մերժում է բանկի կանոնադրական հիմնադրամում այլ մասնակցություն ձեռք բերելու դիմումը՝ համաձայն «Բանկերի և բանկային գործունեության մասին» Հայաստանի Հանրապետության օրենքի 18¹-րդ հոդվածի 2-րդ մասի, «Հանցավոր ճանապարհով ստացված եկամուտների օրինականացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքի:

(49⁹ կետը լրաց. 06.06.06 N 237-Ն)

(9¹ գլուխը լրաց. 06.06.06 N 237-Ն)

 

Գ լ ու խ  10

 

Բանկի ղեկավար պաշտոններում աշխատելու համար թեկնածուների որակավորման եվ մասնագիտական համապատասխանության ստուգումը, որակավորված անձանց ցուցակը, որակավորման վկայականների տրամադրումը

(վերնագիրը խմբ. 01.07.08 թիվ 189-Ն)

 

50. Որակավորման և մասնագիտական համապատասխանության ստուգումը, այդ թվում որակավորման և մասնագիտական համապատասխանության ստուգման քննությունն (այսուհետև՝ քննություն) անցկացվում է թեկնածուների համար:

Սույն կանոնակարգի իմաստով թեկնածու են համարվում այն անձինք, որոնք դիմում են (անձնական նախաձեռնությամբ կամ բանկի միջնորդությամբ) անցնելու որակավորման և մասնագիտական համապատասխանության ստուգում:

Թեկնածուների որակավորման և մասնագիտական համապատասխանության քննությունն (այսուհետ՝ քննություն) անցկացվում է Կենտրոնական բանկի տեստավորման ծառայության կողմից (բացառությամբ՝ սույն կանոնակարգի 55-րդ կետով սահմանված դեպքերի) կամ Կենտրոնական բանկի նախագահի որոշմամբ՝ այլ կազմակերպության կողմից:

Կենտրոնական բանկի նախագահի որոշմամբ քննությունները այլ կազմակերպությունների կողմից անցկացվելու դեպքում քննության տեստերի կազմման, դրանցում փոփոխությունների և լրացումների կատարման, քննություններին մասնակցելու համար թեկնածուների հերթագրման, փաստաթղթերի ընդունման, քննությունների անցկացման, քննության արդյունքների ամփոփման, բողոքարկման և անհրաժեշտ փաստաթղթերի՝ Կենտրոնական բանկ ներկայացման կարգը սահմանվում է տվյալ կազմակերպության կողմից՝ համաձայնեցնելով Կենտրոնական բանկի հետ:

Կենտրոնական բանկի նախագահի որոշմամբ քննությունները այլ կազմակերպությունների կողմից անցկացվելու դեպքում քննության տեստերի կազմման, դրանցում փոփոխությունների և լրացումների կատարման, քննություններին մասնակցելու համար թեկնածուների հերթագրման, փաստաթղթերի ընդունման, քննությունների անցկացման, քննության արդյունքների ամփոփման, բողոքարկման և անհրաժեշտ փաստաթղթերի՝ Կենտրոնական բանկ ներկայացման կարգը սահմանվում է տվյալ կազմակերպության կողմից՝ համաձայնեցնելով Կենտրոնական բանկի հետ:

(50-րդ կետը խմբ. 06.06.06 N 237-Ն, 01.07.08 թիվ 189-Ն, 08.09.09 թիվ 260-Ն, 08.09.09 թիվ 260-Ն)

51. Քննությանը թեկնածուների մասնակցության համար Կենտրոնական բանկ պետք է ներկայացվեն հետևյալ փաստաթղթերը՝

ա) բանկի միջնորդագիրը համաձայն ենթահավելված 14-ի (բանկի միջնորդությամբ դիմելու դեպքում) կամ դիմում համաձայն ենթահավելված 15-ի (անձնական նախաձեռնությամբ դիմելու դեպքում),

(«ա» ենթակետը խմբ. 01.07.08 թիվ 189-Ն)

բ) («բ» ենթակետն ուժը կորցրել է 06.06.06 N 237-Ն)

գ) («գ» ենթակետն ուժը կորցրել է 01.07.08 թիվ 189-Ն)

դ) («դ» ենթակետն ուժը կորցրել է 01.07.08 թիվ 189-Ն)

ե) պետական տուրքի վճարումը հավաստող փաստաթղթի պատճենը,

զ) անձնագրի պատճենը,

է) ժամանակավոր պաշտոնակատար նշանակելու վերաբերյալ իրավասու մարմնի որոշումը՝ բանկի թեկնածուների համար (բացառությամբ բանկի խորհրդի նախագահի, խորհրդի անդամի, բանկի գործադիր տնօրենի (վարչության նախագահի) և գլխավոր հաշվապահի):

(Պարբերությունն ուժը կորցրել է 01.07.08 թիվ 189-Ն)

Կենտրոնական բանկը կարող է մերժել թեկնածուի մասնակցությունը որակավորման քննությանը, եթե նա նախորդ երեք տարիների ընթացքում զրկվել է որակավորման վկայականից:

Եթե անձը բանկի միջնորդությամբ մասնակցել է որակավորման և մասնագիտական համապատասխանության քննությանը, ստացել է համապատասխան որակավորման վկայական, սակայն բանկի կողմից չի ներկայացվել Կենտրոնական բանկ գրանցմանը, և բանկը միևնույն պաշտոնի համար առաջարկում է նոր թեկնածուի, ապա սույն կետով նշված փաստաթղթերի հետ միասին բանկը Կենտրոնական բանկ պետք է ներկայացնի նոր թեկնածուի առաջարկման հիմնավորումը:

(51-րդ կետը փոփ., խմբ., լրաց. 06.06.06 N 237-Ն, խմբ., փոփ. 01.07.08 թիվ 189-Ն)

52. Քննությունն անցկացվում, և որակավորման վկայականը տրվում է հետևյալ պաշտոններում որպես ղեկավար աշխատելու համար.

ա) բանկի գործադիր տնօրեն (վարչության նախագահ), գործադիր տնօրենի տեղակալ, տնօրինության (վարչության) անդամ, օտարերկրյա բանկի մասնաճյուղի կառավարիչ,

բ) բանկի և օտարերկրյա բանկի մասնաճյուղի գլխավոր հաշվապահ, գլխավոր հաշվապահի տեղակալ,

գ) բանկի ներքին աուդիտի ղեկավար, բանկի ներքին աուդիտի անդամ,

դ) բանկի մասնաճյուղի կառավարիչ,

ե) բանկի մասնաճյուղի գլխավոր հաշվապահ:

(52-րդ կետը խմբ. 06.06.06 N 237-Ն)

53. Բանկի և օտարերկրյա բանկի մասնաճյուղի գլխավոր հաշվապահը ի պաշտոնե կարող է լինել տվյալ բանկի տնօրինության (վարչության) անդամ՝ առանց տնօրինության (վարչության) անդամի որակավորման վկայական ստանալու:

Բանկի գործադիր տնօրենի (վարչության նախագահի), գործադիր տնօրենի տեղակալի, տնօրինության (վարչության) անդամի, օտարերկրյա բանկի մասնաճյուղի կառավարչի վկայական ստացած անձը կարող է աշխատել նաև բանկի մասնաճյուղի կառավարիչ:

Բանկի և օտարերկրյա բանկի մասնաճյուղի գլխավոր հաշվապահի, գլխավոր հաշվապահի տեղակալի, բանկի ներքին աուդիտի ղեկավարի, ներքին աուդիտի անդամի վկայական ստացած անձը կարող է աշխատել նաև բանկի մասնաճյուղի գլխավոր հաշվապահ:

Բանկի ներքին աուդիտի ղեկավարը, ներքին աուդիտի անդամը չի կարող լինել բանկի այլ աշխատակից:

(53-րդ կետը խմբ. 06.06.06 N 237-Ն)

54. Բանկի մասնաճյուղը կարող է չունենալ գլխավոր հաշվապահ, եթե տվյալ մասնաճյուղի և բանկի գլխամասի միջև առկա է կապ, որը հնարավորություն է տալիս գործունեությունը ծավալել իրական ժամանակի ռեժիմով, այսինքն՝ ապահովում է մասնաճյուղում կատարվող գործարքների ակնթարթային արտացոլումն ընդհանուր տեղեկատվական բազայում և բանկի հաշվեկշռում:

Եթե սույն կետի համաձայն բանկի մասնաճյուղը չունի գլխավոր հաշվապահ և մասնաճյուղը իրականացնում է «Բանկերի և բանկային գործունեության մասին» Հայաստանի Հանրապետության օրենքի 34-րդ հոդվածի «ե» և «ժ» ենթակետերով նախատեսված ֆինանսական գործառնություններից բացի այլ գործառնություններ, ապա այդ մասնաճյուղերը պետք է ունենան կառավարիչ և այդ կառավարիչը չի կարող միաժամանակ հանդիսանալ նաև այլ մասնաճյուղերի կառավարիչ:

(54-րդ կետը խմբ. 10.07.07 N 217-Ն)

55. Բանկի խորհրդի նախագահը, խորհրդի անդամները որակավորման և մասնագիտական համապատասխանության ստուգման համար անցնում են հարցազրույց Կենտրոնական բանկի խորհրդի նիստում: Հարցազրույցին մասնակցելու համար Կենտրոնական բանկ են ներկայացվում սույն կանոնակարգի 71-րդ կետով սահմանված փաստաթղթերը: Հարցազրույցի արդյունքներով Կենտրոնական բանկի խորհուրդը ընդունում է որոշում՝ Կենտրոնական բանկի սահմանած չափանիշներին բանկի խորհրդի նախագահի կամ անդամի համապատասխանության կամ անհամապատասխանության վերաբերյալ:

(55-րդ կետը խմբ. 06.06.06 N 237-Ն, փոփ 01.07.08 թիվ 189-Ն)

56. Թեկնածուների քննությունն անցկացվում է գրավոր (տեստային ձևով), իսկ այն մասնաճյուղերի համար, որոնք համաձայն իրենց կանոնադրության իրականացնելու են միայն «Բանկերի և բանկային գործունեության մասին» Հայաստանի Հանրապետության օրենքի 34-րդ հոդվածի «ե» և «ժ» ենթակետերով նախատեսված ֆինանսական գործառնությունները, մասնաճյուղի կառավարչի ու մասնաճյուղի գլխավոր հաշվապահի քննությունն անցկացվում է բանավոր (հարցազրույցի ձևով):

57. Գրավոր (տեստային) քննությունն անցկացվում է համակարգչային ծրագրով: Քննության ընթացքին կարող են հետևել հանձնաժողովի անդամները, ինչպես նաև հանձնաժողովի համաձայնությամբ՝ Կենտրոնական բանկի այլ աշխատակիցներ:

Տեստը հարցեր պարունակող փաստաթուղթ է, որը կազմվում է նախապես հրապարակված թեմաների ցանկի հիման վրա: Թեմաների ցանկը հաստատում է Կենտրոնական բանկի խորհուրդը:

Տեստերը, ինչպես նաև դրանցում կատարված լրացումներն ու փոփոխությունները հաստատվում են Կենտրոնական բանկի նախագահի անհատական որոշմամբ և ենթակա են հրապարակման: Տեստերը վերանայվում են ըստ անհրաժեշտության:

Բանկի ղեկավարների քննության տեստերը կազմվում են ստուգելու թեկնածուի իմացությունը բանկային գործի, հաշվապահական հաշվառման, բանկային գործունեության կարգավորման ու վերահսկողության, հարկային օրենսդրության, դրամավարկային քաղաքականության, ընդհանուր տնտեսագիտության ոլորտներում:

Տեստերը և դրանցում պարունակվող հարցերի թիվը տարբերակվում են ըստ քննություն հանձնող ղեկավարների թեկնածուների (ելնելով նրանց ներկայացվող մասնագիտական համապատասխանության չափանիշներից) հետևյալ խմբերի՝

ա) բանկի գործադիր տնօրեն, վարչության նախագահ, գործադիր տնօրենի տեղակալ, տնօրինության (վարչության) անդամ, օտարերկրյա բանկի մասնաճյուղի կառավարիչ (100 հարց),

բ) բանկի և օտարերկրյա բանկի մասնաճյուղի գլխավոր հաշվապահ, գլխավոր հաշվապահի տեղակալ (100 հարց),

գ) բանկի ներքին աուդիտի ղեկավար, բանկի ներքին աուդիտի անդամ (100 հարց),

դ) բանկի մասնաճյուղի կառավարիչ (80 հարց),

ե) բանկի մասնաճյուղի գլխավոր հաշվապահ (80 հարց):

Տեստի յուրաքանչյուր հարցին պատասխանելու համար թեկնածուին հատկացվում է միջին հաշվով 1,5 րոպե:

Տեստերի հարցերից յուրաքանչյուրը պարունակում է չորս պատասխան, որոնցից մեկն է ճիշտ:

Տեստի հարցի ճիշտ պատասխանը գնահատվում է մեկ միավոր, իսկ սխալ պատասխանը, ինչպես նաև հարցին չպատասխանելը՝ զրո միավոր:

Հայերեն լեզվին չտիրապետող ղեկավարների գրավոր քննության անցկացման ընթացքում թույլատրվում է թարգմանչի մասնակցությունը, ընդ որում, հանձնաժողովի անդամներից մեկի կամ համաձայնությամբ՝ Կենտրոնական բանկի այլ աշխատակցի ներկայությունը պարտադիր է:

Հայերեն լեզվին չտիրապետող ղեկավարների թեկնածուների գրավոր քննության անցկացման ընթացքում թույլատրվում է թարգմանչի մասնակցությունը, ընդ որում՝ Կենտրոնական բանկի աշխատակցի ներկայությունը պարտադիր է: Հանձնաժողովի թույլտվությամբ հայերեն լեզվին չտիրապետող ղեկավարների թեկնածուների քննության տևողությունը կարող է երկարաձգվել:

(57-րդ կետը փոփ. 10.05.05 N 211-Ն, խմբ. 06.06.06 N 237-Ն, 15.11.07 N 355-Ն, խմբ., լրաց., փոփ. 01.07.08 թիվ 189-Ն)

58. Թեկնածուին թույլատրվում է մասնակցել տեստային քննությանը՝ անձնագրի կամ անձը հաստատող այլ փաստաթղթի ներկայացման դեպքում:

Տեստավորումն անցկացվում է այդ նպատակի համար առանձնացված սենյակում, որն ապահովված է համապատասխան պայմաններով:

Հանձնաժողովի անդամներից մեկը, կամ Հանձնաժողովի համաձայնությամբ Կենտրոնական բանկի այլ աշխատակիցը ստուգում է թեկնածուի ինքնությունը և թույլատրում է նրան մուտք գործել տեստավորման անցկացման սենյակ, որտեղ թեկնածուն կարող է զբաղեցնել ցանկացած ազատ սեղան: Թեկնածուների մուտքը սենյակ դադարեցվում է տեստավորումն սկսելուց տասը րոպե առաջ:

Հանձնաժողովի անդամներից մեկը կամ հանձնաժողովի համաձայնությամբ՝ Կենտրոնական բանկի այլ աշխատակիցը, թեկնածուներին բացատրում է տեստավորման անցկացման հետ կապված տեխնիկական հարցերը:

Տեստավորման սկիզբը հայտարարելուց հետո թեկնածուն ծանոթանում է առաջադրանքներին և յուրաքանչյուր հարցի (խնդրի) ենթադրյալ պատասխաններից ընտրում է մեկ (իր կարծիքով՝ նշվածներից առավելագույնս ճիշտ) պատասխան:

Գրավոր քննության ժամանակ թեկնածուին արգելվում է օգտվել տպագիր, մեքենագիր, ձեռագիր նյութերից, էլեկտրոնային սարքերից, ինչպես նաև աղմկել, հուշել, խոսել, հարցեր տալ ներկա գտնվող անձանց, դուրս գալ սենյակից: Եթե թեկնածուն ցանկանում է լքել սենյակը, նրա աշխատանքը համարվում է դադարեցված: Նշված պահանջներից յուրաքանչյուրի չկատարման դեպքում թեկնածուն զրկվում է քննության հետագա ընթացքին մասնակցելու իրավունքից, և նրա վերաբերյալ տրվում է բացասական եզրակացություն:

Աշխատանքն ավարտելուց, ինչպես նաև տեստավորման առաջադրանքները կատարելու համար սահմանված ժամանակն սպառվելուց հետո թեկնածուին հանձնվում է իր կատարած աշխատանքի՝ համակարգչի կողմից կատարված վերլուծությունը՝ արտահայտված տոկոսով՝ երկու օրինակից, որոնք ստորագրվում են թեկնածուի կողմից: Մեկ օրինակը մնում է Կենտրոնական բանկում, մյուսը տրվում է թեկնածուին:

(58-րդ կետը խմբ. 01.07.08 թիվ 189-Ն)

59. Տեստերի հարցերի գնահատումը կատարվում է հետևյալ կերպ՝

- թեկնածուի կողմից միավորների առավելագույն թվի մինչև 70 տոկոսը հավաքելու դեպքում արձանագրում է բացասական եզրակացություն,

- թեկնածուի կողմից միավորների առավելագույն թվի 70 և ավելի տոկոսը հավաքելու դեպքում հանձնաժողովն արձանագրում է դրական եզրակացություն, և նրան տրվում է որակավորման վկայական:

(59-րդ կետը փոփ. 01.07.08 թիվ 189-Ն)

60. Տեստերի հարցերի պատասխանների արդյունքները (ելնելով համակարգչային տվյալներից) հաստատում է հանձնաժողովը:

61. Թեկնածուները կարող են բողոքարկել անցկացված քննության արդյունքները՝ քննության անցկացման օրվանից 5 աշխատանքային օրվա ընթացքում գրավոր դիմում ներկայացնելով Կենտրոնական բանկ: Դիմումը պետք է ուսումնասիրվի ղեկավարների որակավորման ստուգման և գրանցման համար պատասխանատու ստորաբաժանման կողմից, իսկ անհրաժեշտության դեպքում ներկայացվի հանձնաժողովի քննարկմանը:

(61-րդ կետը փոփ. 01.07.08 թիվ 189-Ն)

62. Անցկացված քննության արդյունքներով և հանձնաժողովի դրական կարծիքի հիման վրա Կենտրոնական բանկի նախագահի անհատական որոշմամբ, թեկնածուին տրվում է որակավորման վկայական:

(62-րդ կետը փոփ. 01.07.08 թիվ 189-Ն)

62.1. Որակավորման վկայականը տրվում է գրավոր քննության կամ բանավոր հարցազրույցի արդյունքում դրական եզրակացություն (կարծիք) ստացած անձի սույն Կանոնակարգի 62.2 կետում նշված տվյալները գրավոր քննությունից կամ բանավոր հարցազրույցից հետո 20 օրվա ընթացքում Կենտրոնական բանկի ինտերնետային կայքի բանկի ղեկավարների որակավորման և մասնագիտական համապատասխանության ցուցակում հրապարակելու ձևով: Բացի սույն կետում նշված՝ որակավորման վկայականի տրման ձևից, որակավորման վկայականը կարող է տրվել նաև թղթային ձևով՝ (համաձայն Հավելված 16-ի) որակավորված անձի՝ Կենտրոնական բանկ ներկայացված գրավոր պահանջի հիման վրա՝ դիմելու պահից քսանօրյա ժամկետում:

(62.1-րդ կետը լրաց. 01.07.08 թիվ 189-Ն)

62.2. Կենտրոնական բանկի՝ բանկի ղեկավարների որակավորման և մասնագիտական համապատասխանության ցուցակում նշվում են որակավորված անձի անունը, ազգանունը, պաշտոնը, որակավորման վկայականի համարը, որակավորման տրման ամսաթիվը: Որակավորված անձանց ցուցակը թարմացվում է որակավորված անձանց որակավորման ժամկետը լրանալու կամ որակավորումից զրկվելու օրվանից հետո երկու աշխատանքային օրվա ընթացքում:

(62.2-րդ կետը լրաց. 01.07.08 թիվ 189-Ն)

63. Բանկի ղեկավարների որակավորման վկայականները տրվում են դրանց տրամադրման պահից հաշված 3 տարի ժամկետով, բացառությամբ բանկի խորհրդի նախագահի և անդամների: Բանկի խորհրդի նախագահի և անդամների որակավորումը տրվում է մինչև նրանց պաշտոնավարման ժամկետի ավարտը:

(63-րդ կետը խմբ. 01.07.08 թիվ 189-Ն)

64. Բանկի գործադիր տնօրենի (վարչության նախագահի) որակավորման վկայականի գործողության ժամկետը կարող է երկարաձգվել ևս 3 (երեք) տարով՝ առանց սույն կանոնակարգով նախատեսված որակավորման ստուգման, եթե նշված ղեկավարների նկատմամբ իրենց պաշտոնավարման կամ գործունեության ընթացքում «Բանկերի և բանկային գործունեության մասին» Հայաստանի Հանրապետության օրենքի հիման վրա պատասխանատվության միջոց չի կիրառվել, նշված ղեկավարների պաշտոնավարման ընթացքում բանկը չի խախտել հիմնական տնտեսական նորմատիվները նշված ղեկավարները նախորդ 3 տարիների ընթացքում վերապատրաստվել են առնվազն 150 ժամ, ինչպես նաև եթե Կենտրոնական բանկը անհրաժեշտ չի համարում որակավորման ստուգումը (սույն կետում սահմանված հիմքերի բացակայության դեպքում):

(64-րդ կետը խմբ. 06.06.06 N 237-Ն, 01.07.08 թիվ 189-Ն)

65. Բանկի ղեկավարները, ինչպես նաև հավակնորդները որակավորման վկայականը կորցնելու դեպքում կարող են այդ մասին գրավոր հայտնել Կենտրոնական բանկ՝ ներկայացնելով գրավոր դիմում Կենտրոնական բանկի նախագահի անունով: Կորցրած վկայականը հանձնաժողովի կողմից համարվում է անվավեր, իսկ դրա փոխարեն դիմումն ստանալուց հետո 10-օրյա ժամկետում տրվում է որակավորման նոր վկայական՝ «Կրկնօրինակ» նշագրումով:

66. Տրված որակավորման վկայականները հաշվառվում են Կենտրոնական բանկի համապատասխան մատյանում, որտեղ գրառվում են որակավորում ստացած անձանց անունը, ազգանունը, հաշվառման վայրը, բնակության վայրը (գրառվում է հաշվառման վայրից տարբեր լինելու դեպքում), պաշտոնը, Կենտրոնական բանկի որոշման համարը և ամսաթիվը, հանձնաժողովի արձանագրության համարը և ամսաթիվը, որակավորման վկայականի համարը և տրման ամսաթիվը:

(66-րդ կետը խմբ. 01.07.08 թիվ 189-Ն)

67. Հավակնորդը կարող է դիմել Կենտրոնական բանկ՝ նաև մեկից ավելի ղեկավարների համար նախատեսված քննություններին մասնակցելու և համապատասխան վկայականներ ստանալու համար:

Բանկը որակավորման և մասնագիտական համապատասխանության չափանիշներին չբավարարած թեկնածուներին կրկին կարող է ներկայացնել քննությանը մասնակցելու և համապատասխան որակավորման վկայական ստանալու համար:

(67-րդ կետը խմբ. 01.07.08 թիվ 189-Ն)

68. Այն մասնաճյուղերի համար, որոնք համաձայն իրենց կանոնադրության իրականացնելու են միայն «Բանկերի և բանկային գործունեության մասին» Հայաստանի Հանրապետության օրենքի 34-րդ հոդվածի «ե» և «ժ» ենթակետերով նախատեսված ֆինանսական գործառնությունները, մասնաճյուղի ղեկավարների թեկնածուները անցնում են հարցազրույց հանձնաժողովի նիստում, որի արդյունքներով հանձնաժողովը տալիս է դրական կամ բացասական եզրակացություն:

(68-րդ կետը փոփ. 01.07.08 թիվ 189-Ն)

69. Սույն կարգի 68 կետում նշված մասնաճյուղերի ղեկավարների որակավորման վկայականում նշվում է «սահմանափակ ֆինանսական գործառնություններ իրականացնող մասնաճյուղի» արտահայտությունը»:

70. Հանձնաժողովը գրավոր քննությունը կամ հարցազրույցը անցկացնում է թեկնածուի կողմից փաստաթղթերի փաթեթը ներկայացնելու (Կենտրոնական բանկի կողմից գրանցելու) պահից 15 աշխատանքային օրվա ընթացքում:

(70-րդ կետը փոփ. 01.07.08 թիվ 189-Ն)

 

Գ լ ու խ  11

 

Բանկի ղեկավարների գրանցումը

 

71. Բանկի ղեկավարներին կամ ղեկավարների կազմում փոփոխությունները գրանցելու համար Կենտրոնական բանկ են ներկայացվում հետևյալ փաստաթղթերը.

ա) ղեկավարներին գրանցելու կամ ղեկավարների կազմում փոփոխություն կատարելու մասին բանկի միջնորդագիրը՝ համաձայն ենթահավելված 4-ի,

բ) իրավասու մարմնի որոշումը ղեկավարների նշանակման կամ ղեկավարների կազմում փոփոխություն կատարելու մասին:

Ընդ որում, սույն կանոնակարգի ենթահավելված 4-ով սահմանված միջնորդագրի 2.6, 2.8-2.10, 3.3 ենթակետերում, ինչպես նաև 5-9-րդ կետերում սահմանված տեղեկությունների փոփոխությունները նույնպես ներկայացվում են Կենտրոնական բանկ՝ փոփոխությունը բանկին հայտնի դառնալուց հետո անհապաղ, սակայն ոչ ուշ, քան հաջորդ աշխատանքային օրվա ավարտը: Սույն կանոնակարգի ենթահավելված 4-ով սահմանված միջնորդագիրը (տեղեկանքը) և սույն կետով սահմանված իրավասու մարմնի որոշման սքան արված տարբերակը բանկի կողմից ներկայացվում են էլեկտրոնային տարբերակով՝ Սի-Բի-Էյ-նեթ համակարգի միջոցով: Ընդ որում, սույն կանոնակարգի ենթահավելված 4-ով սահմանված միջնորդագիրը ներկայացվում է էքսել (excel) ֆորմատով:

(71-րդ կետը փոփ., խմբ., լրաց. 06.06.06 N 237-Ն, խմբ. 21.11.06 N 692-Ն, փոփ. 10.07.07 N 217-Ն, 01.07.08 թիվ 189-Ն, խմբ. 10.03.09 թիվ 55-Ն, 22.09.09 թիվ 276-Ն)

71.1. Բանկի ղեկավարի կամ ղեկավարների կազմում փոփոխությունները գրանցելու համար ղեկավարները պետք է ունենան Կենտրոնական բանկի կողմից տրամադրված որակավորման վկայական: Ընդ որում, որակավորման վկայականի առկայության պահանջը պարտադիր չէ բանկի այն մասնաճյուղի ղեկավարների գրանցման համար, որոնց մասով Կենտրոնական բանկի վերահսկողության համար պատասխանատու ստորաբաժանման եզրակացության համաձայն բավարարված են սույն կանոնակարգի 21.1-րդ կետով սահմանված պահանջները:

(71.1 կետը լրաց. 06.06.06 N 237-Ն, խմբ. 17.04.07 N 128-Ն, 10.07.07 N 217-Ն)

71.2. Եթե ղեկավարի թեկնածուի գրանցման համար նախկինում Կենտրոնական բանկ է ներկայացվել սույն Կանոնակարգի հավելված 1-ով պահանջվող ողջ տեղեկատվությունը և հետագայում բանկը դիմում է Կենտրոնական բանկ նույն անձին ղեկավար գրանցելու միջնորդությամբ, ապա հավելված 1-ով սահմանված միջնորդագիրը սույն կանոնակարգի 71-րդ կետով սահմանված կարգով Կենտրոնական բանկ ներկայացնելիս կարող է լրացվել միայն միջնորդագրի 2.1 (Անուն, ազգանուն, հայրանուն), 2.3 (Ծննդյան ամսաթիվ) դաշտերը և բոլոր այն դաշտերը, որոնցում նախկինում ներկայացված տեղեկատվությունը փոփոխվել է:

(71.2-րդ կետը լրաց. 01.07.08 թիվ 189-Ն, խմբ. 10.03.09 թիվ 55-Ն)

71.3 Սույն Կանոնակարգի 71-րդ կետով նախատեսված միջնորդագրում ներկայացված տեղեկությունների շրջանակում Կենտրոնական բանկը կարող է պահանջել լրացուցիչ տեղեկություններ, եթե քննարկվող փաստական հանգամանքների վերաբերյալ տեղեկություններին (տվյալներին) Կենտրոնական բանկը կարող է իրազեկ դառնալ բացառապես տվյալ անձի միջոցով:

(71.3 կետը լրաց. 10.03.09 թիվ 55-Ն)

72. Բանկի ղեկավարի (բացառությամբ՝ բանկի խորհրդի նախագահի և անդամների) թեկնածուի գրանցման համար հանձնաժողովն անցկացնում է հարցազրույց՝ հանձնաժողովի նիստում:

(Պարբերությունն ուժը կորցրել է 01.07.08 թիվ 189-Ն)

(72-րդ կետը խմբ. 06.06.06 N 237-Ն)

73. Որպես որակավորման և մասնագիտական համապատասխանության չափանիշ` սահմանվում է, որ գրանցման պահին բանկի ղեկավարը պետք է իրազեկ լինի ֆինանսական համակարգի, մասնավորապես, բանկերի գործունեությունը կարգավորող օրենքներին, այլ իրավական ակտերին, ինչպես նաև բանկի (կամ բանկի մասնաճյուղի) տնտեսական ծրագրին և բանկի գործունեությունը կանոնակարգող ներքին ակտերին: Բացի այդ.

1) բանկի խորհրդի նախագահը, բանկի խորհրդի անդամները պետք է ունենան.

ա. բարձրագույն կրթության առկայության կամ օտարերկրյա պետության բարձրագույն ուսումնական հաստատությունը ավարտած լինելու կամ Հայաստանի Հանրապետության, կամ միջազգային ճանաչում ունեցող մասնագիտական (ֆինանսական ոլորտի) որակավորման վկայական ստացած լինելու դեպքում՝ առնվազն 5 տարվա աշխատանքային փորձ,

բ. բարձրագույն կրթության կամ Հայաստանի Հանրապետության, կամ միջազգային ճանաչում ունեցող մասնագիտական (ֆինանսական ոլորտի) որակավորման վկայականի բացակայության կամ օտարերկրյա պետության բարձրագույն ուսումնական հաստատություն ավարտած չլինելու դեպքում` առնվազն 10 տարվա աշխատանքային փորձ,

2) բանկի գործադիր տնօրենը (վարչության նախագահը), բանկի գործադիր տնօրենի (վարչության նախագահի) տեղակալը, օտարերկրյա բանկի մասնաճյուղի կառավարիչը, օտարերկրյա բանկի մասնաճյուղի կառավարչի տեղակալը, տնօրինության (վարչության) անդամները պետք է ունենան բարձրագույն կրթություն կամ ավարտած լինեն օտարերկրյա պետության բարձրագույն ուսումնական հաստատությունը, կամ ունենան Հայաստանի Հանրապետության կամ միջազգային ճանաչում ունեցող մասնագիտական (ֆինանսական ոլորտի) որակավորման վկայական և առնվազն 5 տարվա աշխատանքային փորձ, որից առնվազն 2 տարին՝ ղեկավար պաշտոնում,

3) բանկի ներքին աուդիտի ղեկավարը, օտարերկրյա բանկի մասնաճյուղի ներքին աուդիտի ղեկավարը, պետք է ունենան բարձրագույն կրթություն կամ ավարտած լինեն օտարերկրյա պետության բարձրագույն ուսումնական հաստատությունը, կամ ունենան Հայաստանի Հանրապետության կամ միջազգային ճանաչում ունեցող մասնագիտական (ֆինանսական ոլորտի) որակավորման վկայական և առնվազն 3 տարվա մասնագիտական աշխատանքային փորձ,

4) բանկի ներքին աուդիտի անդամները, օտարերկրյա բանկի մասնաճյուղի ներքին աուդիտի անդամները պետք է ունենան բարձրագույն կրթություն կամ ավարտած լինեն օտարերկրյա պետության բարձրագույն ուսումնական հաստատությունը, կամ ունենան Հայաստանի Հանրապետության կամ միջազգային ճանաչում ունեցող մասնագիտական (ֆինանսական ոլորտի) որակավորման վկայական և առնվազն 2 տարվա մասնագիտական աշխատանքային փորձ,

5) բանկի գլխավոր հաշվապահը, գլխավոր հաշվապահի տեղակալը, օտարերկրյա բանկի մասնաճյուղի գլխավոր հաշվապահը, օտարերկրյա բանկի մասնաճյուղի գլխավոր հաշվապահի տեղակալը պետք է ունենան բարձրագույն կրթություն կամ ավարտած լինեն օտարերկրյա պետության բարձրագույն ուսումնական հաստատությունը, կամ ունենան Հայաստանի Հանրապետության կամ միջազգային ճանաչում ունեցող մասնագիտական (ֆինանսական ոլորտի) որակավորման վկայական և առնվազն 2 տարվա մասնագիտական աշխատանքային փորձ,

6) բանկի մասնաճյուղի կառավարիչը և գլխավոր հաշվապահը պետք է ունենան.

ա. բարձրագույն կրթության առկայության կամ օտարերկրյա պետության բարձրագույն ուսումնական հաստատությունը ավարտած լինելու, կամ Հայաստանի Հանրապետության կամ միջազգային ճանաչում ունեցող մասնագիտական (ֆինանսական ոլորտի) որակավորման վկայական ստացած լինելու դեպքում առնվազն 1 տարվա աշխատանքային փորձ,

բ. բարձրագույն կրթության կամ Հայաստանի Հանրապետության կամ միջազգային ճանաչում ունեցող մասնագիտական (ֆինանսական ոլորտի) որակավորման վկայականի բացակայության, կամ օտարերկրյա պետության բարձրագույն ուսումնական հաստատություն ավարտած չլինելու դեպքում` առնվազն 2 տարվա աշխատանքային փորձ:

(73-րդ կետը խմբ. 06.06.06 N 237-Ն, 10.07.07 N 217-Ն, 18.09.07 N 280-Ն)

73.1. Սույն կանոնակարգի 73-րդ կետում նշված աշխատանքային փորձը վերաբերում է գրանցման պահին նախորդող 10 տարիներին, բացառությամբ բարձրագույն կրթության կամ Հայաստանի Հանրապետության կամ միջազգային ճանաչում ունեցող մասնագիտական (ֆինանսական ոլորտի) որակավորման վկայականի բացակայության, կամ օտարերկրյա պետության բարձրագույն ուսումնական հաստատություն ավարտած չլինելու համար նախատեսված աշխատանքային փորձի:

(73.1-րդ կետը լրաց. 18.09.07 N 280-Ն)

73.2 Եթե ղեկավարի թեկնածուն չունի սույն կանոնակարգի 73-րդ կետով նախատեսված աշխատանքային փորձ և (կամ) բարձրագույն կրթություն, ապա նա իրավունք ունի Կենտրոնական բանկ ներկայացնել համապատասխան պաշտոններում աշխատելու համար իր մոտ բավարար գիտելիքների ու հմտությունների առկայության վերաբերյալ համապատասխան փաստաթղթեր, տեղեկություններ և (կամ) այլ հիմնավորումներ: Ներկայացված փաստաթղթերի, տեղեկությունների և (կամ) այլ հիմնավորումների հիման վրա հանձնաժողովի դրական եզրակացությամբ Կենտրոնական բանկի նախագահն իրավունք ունի գրանցել անձին համապատասխան պաշտոնում, եթե գտնում է, որ անձի մոտ առկա է այդ պաշտոնում աշխատելու համար բավարար գիտելիքներ ու հմտություններ:

(73.2-րդ կետը լրաց. 01.07.08 թիվ 189-Ն)

73.3 «Եթե բանկը դիմում է Կենտրոնական բանկ ղեկավարի թեկնածուին գրանցելու համար, որը նախկինում գրանցվել է Կենտրոնական բանկում որպես ղեկավար, ապա տվյալ թեկնածուն հրավիրվում է հանձնաժողովի նիստին միայն, եթե Կենտրոնական բանկը համարում է անհրաժեշտ:

(73.3-րդ կետը լրաց. 01.07.08 թիվ 189-Ն, խմբ. 10.03.09 թիվ 55-Ն)

74. Բանկի ղեկավարների գրանցումը մերժվում է Կենտրոնական բանկի նախագահի անհատական որոշմամբ, եթե ղեկավարների թեկնածուները՝

ա) ունեն դիտավորությամբ կատարված հանցագործությունների համար դատվածություն,

բ) դատարանի կողմից զրկված են ֆինանսական, բանկային, հարկային, մաքսային, առևտրային, տնտեսական, իրավական ոլորտներում պաշտոններ վարելու իրավունքից,

գ) սնանկ են ճանաչվել և ունեն չմարված (չներված) պարտավորություններ,

դ) Կենտրոնական բանկի խորհրդի 2003 թվականի մարտի 25-ի թիվ 114-Ն որոշմամբ հաստատված «Բանկում նշանակալից մասնակցություն ձեռք բերելու կամ ղեկավար պաշտոն զբաղեցնելու ուղեցույցին» համապատասխան չեն կարող զբաղեցնել այդ պաշտոնը,

ե) քրեական գործով ներգրավված են որպես կասկածյալ, մեղադրյալ կամ ամբաստանյալ,

զ) ունեն բացասական գործարար համբավ բանկային համակարգում,

է) չեն համապատասխանում սույն կարգի 73-րդ կետով սահմանված չափանիշին:

ը) եթե ներկայացված փաստաթղթերը թերի են, անարժանահավատ են և չեն համապատասխանում օրենքի, այլ իրավական ակտերի, այդ թվում՝ Կենտրոնական բանկի կողմից սահմանված պահանջներին:

(74-րդ կետը լրաց. 06.06.06 N 237-Ն)

75. Կենտրոնական բանկի նախագահի որոշմամբ բանկի ղեկավարը հանվում է գրանցումից, եթե.

ա) որակավորման վկայականի գործողության ժամկետը լրացել է, և ղեկավարը չի ստացել որակավորման նոր վկայական,

բ) ղեկավարը զրկվել է որակավորման վկայականից,

գ) բանկը դիմել է համապատասխան միջնորդությամբ,

դ) ի հայտ են եկել «Բանկերի և բանկային գործունեության մասին» Հայաստանի Հանրապետության օրենքի 22-րդ հոդվածով սահմանված դեպքերը:

(75-րդ կետը լրաց. 06.06.06 N 237-Ն)

76. Բանկի միջնորդությամբ ղեկավարին Կենտրոնական բանկում գրանցումից հանելու համար բանկերը պարտավոր են փոփոխություններ կատարելու վերաբերյալ բանկի իրավասու մարմնի կողմից որոշում ընդունելու պահից 10 աշխատանքային օրվա ընթացքում Կենտրոնական բանկ ներկայացնել հետևյալ փաստաթղթերը.

ա) ղեկավարին գրանցումից հանելու վերաբերյալ միջնորդագիր (գրանցումից հանելու պատճառների հիմնավորումներով)` բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով,

բ) իրավասու մարմնի որոշումը կամ արձանագրությունից քաղվածք` փոփոխություններ կատարելու, առկայության դեպքում` ժամանակավոր պաշտոնակատարի նշանակման վերաբերյալ:

(76-րդ կետը խմբ. 21.11.06 N 692-Ն, փոփ. 01.07.08 թիվ 189-Ն)

76.1 Եթե բանկի ղեկավարը զրկվել է որակավորումից, ապա ղեկավարին որակավորումից զրկելու մասին Կենտրոնական բանկի որոշման ընդունման պահից երեք տարվա ընթացքում նա չի կարող գրանցվել որպես բանկի ղեկավար:

(76.1-րդ կետը լրաց. 01.07.08 թիվ 189-Ն)

77. Սույն կանոնակարգի իմաստով բանկի ղեկավարի ժամանակավոր պաշտոնակատար են համարվում այն անձինք, որոնք առանց համապատասխան պաշտոնում Հայաստանի Հանրապետության կենտրոնական բանկում գրանցման իրականացնում են բանկի ղեկավարի պարտականություններ:

78. Բանկի գործադիր տնօրենի, վարչության նախագահի ժամանակավոր պաշտոնակատար կարող են նշանակվել (նշված պարտականությունները կարող են կատարել) միայն տվյալ բանկի գործադիր տնօրենի տեղակալը, վարչության նախագահի տեղակալը, վարչության (տնօրինության) անդամը:

(78-րդ կետը փոփ. 06.06.06 N 237-Ն)

79. Բանկի գլխավոր հաշվապահի ժամանակավոր պաշտոնակատար կարող է նշանակվել (նշված պարտականությունը կարող է կատարել) տվյալ բանկի գլխավոր հաշվապահի տեղակալը, կամ գլխավոր հաշվապահի որակավորման վկայական ունեցող բանկի այլ աշխատակիցը:

80. Ղեկավարի պաշտոններում առանց որակավորման վկայականի ղեկավարի ժամանակավոր պաշտոնակատարի պաշտոնավարման ժամկետ կարող է սահմանվել ոչ ավելի, քան 3 ամիս: Բացառություն են կազմում բանկի գործադիր տնօրենի, վարչության նախագահի և գլխավոր հաշվապահի ժամանակավոր պաշտոնակատարները, որոնք առանց որակավորման վկայականի չեն կարող պաշտոնավարել: Որակավորման վկայական ունեցող, սակայն Կենտրոնական բանկի կողմից չգրանցված անձինք կարող են աշխատել որպես ղեկավարի պաշտոնակատար ոչ ավել քան 3 ամիս: Բացառություն են կազմում բանկի գործադիր տնօրենի, վարչության նախագահի ժամանակավոր պաշտոնակատարները, որոնք առանց Կենտրոնական բանկում գրանցվելու չեն կարող պաշտոնավարել:

(80-րդ կետը խմբ. 01.07.08 թիվ 189-Ն)

81. Նշված եռամսյա ժամկետը սահմանվում է տվյալ ղեկավարի պաշտոնին նշանակվող բոլոր ժամանակավոր պաշտոնակատարների համար, այսինքն՝ միևնույն պաշտոնի նոր ժամանակավոր պաշտոնակատարի նշանակումը չի ընդհատում կամ վերսկսում եռամսյա ժամկետը:

82. Նշված եռամսյա ժամկետում բանկի կողմից նշանակված որակավորման վկայական չունեցող բանկի ղեկավարի ժամանակավոր պաշտոնակատարը պետք է սույն կանոնակարգով սահմանված կարգով Կենտրոնական բանկում անցնի որակավորման և մասնագիտական համապատասխանության քննություն և գրանցվի Կենտրոնական բանկում:

82¹. Բանկի խորհրդի քանակական կազմը բանկի ներքին իրավական ակտերով նախատեսված թվից պակաս լինելու դեպքում բանկը Կենտրոնական բանկի գրանցմանն է ներկայացնում թափուր մնացած տեղերի համար խորհրդի անդամի նոր թեկնածուներին` սույն կանոնակարգով սահմանված կարգով: Բանկի խորհրդի նախագահի և անդամների թեկնածուներն իրավունք ունեն իրականացնել համապատասխանաբար խորհրդի նախագահի և խորհրդի անդամի պարտականությունները միայն Կենտրոնական բանկում համապատասխան պաշտոնում գրանցման պահից: Բանկի խորհրդի նախագահի և անդամների ժամանակավոր պաշտոնակատար չի նախատեսվում:

(82¹ կետը լրաց. 21.11.06 N 692-Ն)

 

Գլուխ 11.1.

 

Բանկի ղեկավարների որակավորման եվ մասնագիտական համապատասխանության ստուգման քննության թեմաների ցանկ

(11.1 գլուխը լրաց. 01.07.08 թիվ 189-Ն)

 

82.2 Ղեկավարները Կենտրոնական բանկում որակավորման ստուգումը անցնում են ստորև աղյուսակում նշված թեմաներով, ընդ որում` «+» նշանը նշանակում է՝ տվյալ հարցը վերաբերում է, «-» նշանը՝ չի վերաբերում:

 

Գիտելիքների և ունակությունների բնագավառները	Բանկի գործադիր տնօրենի (վարչության նախագահի, գործադիր տնօրենի (վարչության նախագահի) տեղակալ, տնօրինության (վարչության) անդամ, օտարերկրյա բանկի մասնաճյուղի կառավարիչ	Բանկի և օտարերկրյա բանկի մասնաճյուղի գլխավոր հաշվապահ, գլխավոր հաշվապահի տեղակալ	Բանկի ներքին աուդիտի ղեկավար, ներքին աուդիտի անդամ	Բանկի մասնա- ճյուղի կառա- վարիչ	Բանկի մասնա- ճյուղի գլխավոր հաշվապահ	Բանկի տնօրենների խորհրդի նախագահ, խորհրդի անդամներ
1. «Հայաստանի Հանրապետության կենտրոնական բանկի մասին» ՀՀ օրենք
1) Ընդհանուր դրույթներ	+	+	+	-	+	+
2) Ֆինանսական դրույթներ	+	+	+	-	+	-
3) Կենտրոնական բանկի կառավարումը	+	+	+	-	+	+
4) Կենտրոնական բանկի փոխհարաբերությունները ՀՀ պետական մարմինների հետ	+	+	+	-	+	-
5) Կենտրոնական բանկի փոխհարաբերությունները բանկերի և այլ անձանց հետ	+	+	+	-	+	-
6) Կենտրոնական բանկի կողմից իրականացվող ստուգումները, վերահսկողությունը, ուսումնասիրությունները և լիցենզավորված անձանց պատասխանատվության ենթարկելու կարգն ու պայմանները	+	+	+	+	+	+
7) ՀՀ արժույթը	+	+	+	+	+	-
8) Արժութային կարգավորումը, վերահսկողությունը և գործառնությունները: Միջազգային պահուստներրը	+	+	+	-	+	-
9) Լրացուցիչ դրույթներ	+	+	+	-	+	-
10) Կենտրոնական բանկի հիմնական խնդիրը և այլ խնդիրները	+	+	+	+	-	+
11) Կենտրոնական բանկի կողմից բանկերի վարկավորումը	+	-	-	+	-	+
12) Բանկերի պարտադիր պահուստները	+	+	+	+	-	-
2. «Բանկերի և բանկային գործունեության մասին» ՀՀ օրենք
1) Ընդհանուր դրույթներ	+	+	+	+	+	+
2) Բանկերի կազմակերպական-իրավական տեսակները, կառուցվածքը և կառավարումը	+	+	+	+	+	+
3) Բանկային գործունեության լիցենզավորման կարգը	+	+	+	+	+	+
4) Բանկային գործունեության կարգավորումը	+	+	+	+	+	+
5) Բանկային գործունեության հիմնական և այլ տնտեսական նորմատիվները	+	+	+	+	+	+
6) Հաշվառումը, հաշվետվությունները և վերահսկողությունը	+	+	+	+	+	-
7) Օրենսդրության խախտումները, և դրանց համար կիրառվող պատժամիջոցները	+	+	+	+	+	+
8) Բանկի վերակազմակերպումը	+	+	+	+	+	+
9) Բանկերի լուծարումը	+	+	+	+	+	+
3. «Բանկերի և վարկային կազմակերպությունների սնանկության մասին» ՀՀ օրենք
1) Ընդհանուր դրույթներ	+	+	+	-	-	+
2) Ժամանակավոր ադմինիստրացիա	+	+	+	-	-	+
3) Բանկի ֆինանսական առողջացման ծրագիրը	+	+	+	-	-	+
4) Բանկի սնանկության վարույթի առանձնահատկությունները	+	+	+	-	-	+
5) Սնանկ ճանաչված բանկի լուծարման ընթացակարգը	+	+	+	-	-	-
6) Ադմինիստրացիայի ղեկավարին և լուծարային կառավարչին ներկայացվող պահանջները	+	+	+	-	-	-
7) Եզրափակիչ դրույթներ	+	+	+	-	-	-
4. «Բանկային գաղտնիքի մասին» ՀՀ օրենք
1) Օրենքի կարգավորման առարկան և գործողության շրջանակները	+	+	+	+	+	+
2) Բանկային գաղտնիքի հասկացությունը, երրորդ անձինք	+	+	+	+	+	+
3) Բանկային գաղտնիքի հրապարակումը, հրապարակման արգելումը	+	+	+	+	+	+
4) Բանկային գաղտնիքի պահպանումը, տրամադրումը և շրջանառությունը բանկերի միջև	+	+	+	+	+	+
5) Տրամադրման ենթակա տեղեկությունների սահմանները, տրամադրման պահանջի մերժումը	+	+	+	+	+	-
6) Հանցագործության մասին հայտնելու պարտականությունը	+	+	+	+	+	-
7) Օրենքի պահանջները խախտելու համար պատասխանատվությունը	+	+	+	+	+	+
5. «Ֆիզիկական անձանց բանկային ավանդների հատուցումը երաշխավորելու մասին» ՀՀ օրենք
1) Երաշխավորված բանկային ավանդը , երաշխավորված ավանդի չափերը	+	+	+	+	+	+
2) Երաշխավորված ավանդների հատուցումը	+	+	+	-	-	+
3) Երաշխիքային վճարները	+	+	+	-	-	+
4) Ավանդների երաշխավորման պայմանների և կարգի մասին հաճախորդներին տեղեկացնելը	+	+	+	-	-	-
5) Պատասխանատվությունը օրենքը խախտելու համար	+	+	+	-	-	-
6. «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենք
1) Լիազորված մարմնին տեղեկացման ենթակա գործարքները և տեղեկությունների բովանդակությունը	+	+	+	+	+	+
2) Հաշվետվություն տրամադրող անձանց կողմից հաճախորդների նույնականացման, տեղեկությունների պահպանման և ներքին հսկողության պահանջը	+	+	+	+	+	-
3) Փողերի լվացման և ահաբեկչության ֆինանսավորման դեմ պայքարի լիազորված մարմնի կարգավիճակը և փոխհարաբերություները այլ մարմինների հետ	+	+	+	+	+	-
4) Փողերի լվացման և ահաբեկչության ֆինանսավորման դեմ պայքարի առանձնահատկությունները բանկերում	+	+	+	+	+	+
5) Կասկածելի գործառնությունների դադարեցման և կասեցման կարգը	+	+	+	+	+	+
7. «Վճարահաշվարկային համակարգերի և վճարահաշվարկային կազմակերպությունների մասին» ՀՀ օրենք
1) Վճարահաշվարկային համակարգեր, դրանց գործունեության նկատմամբ վերահսկողությունը	+	+	+	+	+	-
2) Վճարահաշվարկային ծառայություններ	+	+	+	+	+	+
3) Վճարահաշվարկային ծառայություններ մատուցող անձինք	+	+	+	+	+	-
8. Այլ
1) Արժութային կարգավորումը և վերահսկողությունը ՀՀ-ում	+	+	+	+	+	-
2) Բանկերի գործունեության կարգավորումը, բանկային գործունեության հիմնական տնտեսական նորմատիվները	+	+	+	+	+	+
3) Բանկերի կողմից ՀՀ կենտրոնական բանկ հաշվետվությունների ներկայացումը	+	+	+	+	+	-
4) Բանկերի վարկերի և դեբիտորական պարտքերի դասակարգման և հնարավոր կորուստների պահուստի ձևավորումը	+	+	+	+	+	-
5) Բանկերի ինվեստիցիոն արժեթղթերում ներդրումների հնարավոր կորուստների պահուստի ձևավորում և օգտագործում	+	+	+	+	+	-
6) Ֆինանսական գործակիցներ	+	+	+	+	+	+
7) Բանկի շահութաբերության և եկամտաբերության ցուցանիշները	+	+	+	+	+	+
8) Բանկերում ներքին հսկողության նվազագույն պայմանները	+	+	+	+	+	+
9) Վարկային ռեգիստրին տեղեկությունների տրամադրումը, օգտագործումը և պահպանումը	+	+	+	+	+	-
10) Համախմբված հաշվետվությունների կազմման կարգը	+	+	+	-	+	+
11) Բանկերի կողմից իրենց վերաբերյալ տեղեկությունների հրապարակումը	+	+	+	-	-	+
12) Բանկերի կողմից ՀՀ կենտրոնական բանկ հեռանկարային զարգացման ծրագրերի ներկայացման կարգը	+	-	+	-	-	+
13) Առևտրային բանկերի կողմից անկախ աուդիտորական կազմակերպության ընտրության կարգը	+	+	+	-	-	+
14) Բանկային ռիսկեր, դրանց տեսակները, կառավարումը	+	+	+	+	+	+
15) Բանկային ռիսկերի գնահատման մեթոդները (օրինակ՝ ԳԱՓ, ՎԱՌ, Դյուրացիա)	+	-	+	-	-	-
16) Իրավիճակային խնդիրներ (օրինակ՝ պարտատոմսերի եկամտաբերություն, իրացվելիության ճեղքվածք, Դյուրացիա)	+	-	+	-	-	-
17) Քաղաքացիական օրենսգիրք (գրավի իրավունք, վարձակալություն, վարկ, ֆինանսավորում դրամական պահանջի զիջման դիմաց (ֆակտորինգ), բանկային ավանդ, բանկային հաշիվ, հաշվարկներ, գույքի հավատարմագրային կառավարում, արժեթղթեր, սեփականության իրավունք)	+	+	+	+	+	+
18) Ածանցյալ գործիքներ	+	+	+	+	+	-
19) Ակտիվների և պասիվների կառավարում (իրացվելիության, եկամտաբերության, արտարժույթի դիրքի և ակտիվապասիվային գործառնությունների կառավարում)	+	-	+	+	-	-
20) Ֆինանսական գործառնություններ	+	-	+	+	-	-
21) Բանկի ակտիվային գործառնությունների տարանջատումը պասիվայինից	+	+	+	+	+	-
22) Բանկերի ներքին հսկողության իրականացման նվազագույն պայմանները	+	+	+	+	+	+
9. Հաշվապահական հաշվառում և հարկային դաշտ
1) «Հաշվապահական հաշվառման մասին» ՀՀ օրենք	+	+	+	+	+	-
2) Հաշվապահական հաշվառման կարգավորումը	+	+	+	+	+	+
3) Հաշվապահական հաշվառման կազմակերպումը և վարումը	+	+	+	+	+	-
4) Հաշվապահական հաշվառման վարման և ֆինանսական հաշվետվությունների կազմման սկզբունքները	+	+	+	+	+	-
5) Ֆինանսական հաշվետվություններ և դրանց տարրերը	+	+	+	+	+	-
6) ՀՀ հաշվապահական հաշվառման ստանդարտները	-	+	+	-	+	-
7) Բանկերի կողմից իրականացվող գործառնությունների հաշվապահական ձևակերպումները	-	+	+	-	+	-
8) Հիմնական միջոցների և մաշվածության հաշվառումը, վերագնահատումը	-	+	+	-	+	-
9) Ակտիվների և պարտավորությունների գույքագրում	-	+	+	-	+	-
10) Ակտիվների և պարտավորությունների գնահատում	-	+	+	-	+	-
11) Հարկ վճարողների իրավունքները և պարտականությունները	+	+	+	+	+	+
12) Հարկային արտոնությունների ձևերը, ավելացված արժեքի հարկի արտոնությունները ՀՀ բանկերի համար	+	+	+	-	-	-
13) Շահութահարկի հաշվարկման կարգը, դրույքաչափերը և վճարումը	+	+	+	-	-	-
14) Հարկային պարտավորություններից ավել բյուջե վճարված գումարները հարկ վճարողին հետ վերադարձնելու կարգը	+	+	+	-	-	-
15) Բանկերի պատասխանատվությունը հարկային օրենսդրության խախտման համար	+	+	+	-	-	-
16) Եկամուտ և ծախս համարվող տարրերը ըստ «Շահութահարկի մասին» ՀՀ օրենքի	+	+	+	+	+	-
17) Բանկում գույքահարկով հարկվող օբյեկտներ	+	+	+	+	+	-
10. Դրամավարկային քաղաքականություն
1) Դրամավարկային քաղաքականության տեսակները, նպատակը և գործիքները	+	-	-	-	-	-
2) Ազգային հաշիվների համակարգը	+	-	-	-	-	-
3) Նախորդ տարվա մակրոտնտեսական հիմնական ցուցանիշները	+	-	-	-	-	-
4) Սպառողական գների ինդեքս	+	-	-	-	-	-
5) Վճարային հաշվեկշռի ընթացիկ հաշվի դեֆիցիտ	+	-	-	-	-	-
11. «Բաժնետիրական ընկերությունների մասին» ՀՀ օրենք՝ ըստ հետևյալ գլուխների
1) Ընդհանուր դրույթներ	+	-	-	-	-	-
2) Ընկերության ստեղծումը, վերակազմակերպումը և լուծարումը	+	-	-	-	-	-
3) Կանոնադրական կապիտալը, ընկերության բաժնետոմսերը և այլ արժեթղթերը, ընկերության զուտ ակտիվները	+	-	-	-	-	-
4) Ընկերության բաժնետոմսերի և այլ արժեթղթերի տեղաբաշխումը	+	-	-	-	-	-
5) Ընկերության շահութաբաժինները	+	-	-	-	-	-
6) Ընկերության բաժնետոմսերի ռեեստրը	+	-	-	-	-	-
7) ընկերության տեղաբաշխված բաժնետոմսերի ձեռքբերումը և հետգնումը ընկերության կողմից	+	-	-	-	-	-
8) Խոշոր գործարքները	+	-	-	-	-	-
9) Ընկերության գործարքներում շահագրգռվածությունը	+	-	-	-	-	-
10) Ընկերության ժողովը, խորհուրդը և գործադիր մարմինը	+	-	-	-	-	-
11) Ընկերության ֆինանսատնտեսական գործունեության վերահսկումը	+	-	-	-	-	-
12) Հաշվառումը և հաշվետվությունները, ընկերության մասին տեղեկությունները	+	-	-	-	-	-
12. «Սահմանափակ պատասխանատվությամբ ընկերությունների մասին» ՀՀ օրենք՝ ըստ հետևյալ գլուխների
1) Ընդհանուր դրույթներ	+	-	-	-	-	-
2) Ընկերության ստեղծումը	+	-	-	-	-	-
3) Ընկերության մասնակիցները	+	-	-	-	-	-
4) Ընկերության կանոնադրական կապիտալը	+	-	-	-	-	-
5) Ընկերության կառավարումը	+	-	-	-	-	-
6) Ընկերության վերակազմակերպումը և լուծարումը	+	-	-	-	-	-

 

(82.2-րդ կետը լրաց. 01.07.08 թիվ 189-Ն)

(11.1 գլուխը լրաց. 01.07.08 թիվ 189-Ն)

 

Գ լ ու խ  12

 

Փոփոխությունների գրանցումը

 

83. Հայաստանի Հանրապետության տարածքում գործող բանկերը և օտարերկրյա բանկի մասնաճյուղերը պարտավոր են Կենտրոնական բանկ գրանցման ներկայացնել հետևյալ փոփոխությունները՝

ա) բանկի և օտարերկրյա բանկի մասնաճյուղի, բանկի տարածքային ստորաբաժանումների (մասնաճյուղերի, ներկայացուցչությունների) կանոնադրություններում կատարված փոփոխությունները,

բ) ղեկավարների կազմում կատարված փոփոխությունները:

Բանկը ղեկավարների կազմում կատարված փոփոխությունները Կենտրոնական բանկում գրանցվում են սույն կարգի 11-րդ գլխով սահմանված կարգով:

84. Կենտրոնական բանկը պարտավոր է վերոհիշյալ փոփոխությունների գրանցման համար սույն գլխով սահմանված փաստաթղթերն ստանալու պահից՝ Կենտրոնական բանկի նախագահի անհատական որոշմամբ՝ մեկամսյա ժամկետում, գրանցել փոփոխությունները կամ մերժել գրանցումը:

Կենտրոնական բանկի կողմից պահանջվող որոշակի փաստեր պարզաբանելու նպատակով մեկամսյա ժամկետը կարող է կասեցվել: Անհրաժեշտ տեղեկությունների ստացումից հետո միջնորդագրի քննության ժամկետը չպետք է գերազանցի մինչև կասեցումն ընկած օրերի և մեկամսյա ժամկետի տարբերությամբ առաջացող օրերի քանակը:

85. Բանկի և օտարերկրյա բանկի մասնաճյուղի, բանկի տարածքային ստորաբաժանումների կանոնադրություններում կատարված փոփոխությունները Կենտրոնական բանկում գրանցելու համար բանկերը ներկայացնում են հետևյալ փաստաթղթերը՝

ա) կատարված փոփոխությունները գրանցելու մասին միջնորդագիր՝ բանկի կառավարման մարմնի լիազոր անձի ստորագրությամբ՝ վավերացված բանկի կնիքով,

բ) բանկի իրավասու մարմնի որոշումը կամ արձանագրությունից քաղվածք՝ բանկի կամ օտարերկրյա բանկի մասնաճյուղի, բանկի տարածքային ստորաբաժանման կանոնադրությունում կատարված փոփոխությունների վերաբերյալ,

գ) բանկի, օտարերկրյա բանկի մասնաճյուղի կամ բանկի տարածքային ստորաբաժանման փոփոխված կանոնադրությունը (3 օրինակից): Եթե կատարված փոփոխությունները վերաբերում են բանկի (կամ օտարերկրյա բանկի մասնաճյուղի) այն ներքին իրավական ակտերին, որոնց հղում է կատարված կանոնադրության մեջ, ապա կից պետք է ներկայացվեն նաև համապատասխան իրավական ակտերը: Կանոնադրության թերթերը պետք է լինեն համարակալված և թելակարված, ընդ որում, կանոնադրության վերջին թերթի հետնամասում, կարի վրա պետք է փակցված լինի պիտակ՝ համաձայն ենթահավելված 24-ի:

(85-րդ կետը խմբ. 21.11.06 N 692-Ն, լրաց. 12.12.07 N 406-Ն)

86. Բանկի կամ բանկի տարածքային ստորաբաժանման կամ օտարերկրյա բանկի մասնաճյուղի (ներկայացուցչության) գործունեության վայրի փոփոխությունը գրանցելու ժամանակ սույն կանոնակարգի 85-րդ կետում նշված փաստաթղթերից բացի Կենտրոնական բանկ պետք է ներկայացվեն նաև.

ա) տարածքի սեփականության կամ անհատույց օգտագործման իրավունքի վկայականի պատճենը կամ համապատասխան պետական մարմնում գրանցված վարձակալության (ենթավարձակալության) պայմանագիր: Ենթավարձակալության պայմանագրի դեպքում անհրաժեշտ է ներկայացնել նաև հիմնական վարձակալության պայմանագրի պատճենը,

բ) տարածքի և տեխնիկական հագեցվածությանը սույն կարգի 13-րդ գլխով սահմանված չափանիշներին համապատասխանելու մասին փաստաթղթերը:

գ) Հայտարարագիր՝ համաձայն սույն կանոնակարգի ենթահավելված 25-ի (միայն բանկի տարածքային ստորաբաժանման կամ օտարերկրյա բանկի մասնաճյուղի (ներկայացուցչության) գործունեության վայրի փոփոխությունը գրանցելու դեպքում):

(86-րդ կետը լրաց. 12.12.07 N 406-Ն, 01.07.08 թիվ 189-Ն)

86.1 Բանկը Կենտրոնական բանկ ի գիտություն է ներկայացնում բանկի կամ օտարերկրյա բանկի մասնաճյուղի գործունեության ներքին իրավական ակտերի փոփոխությունները և այդ փոփոխությունները ներառող փոփոխված ներքին իրավական ակտերը (բանկի գործունեությունը կարգավորող կանոնակարգերը, կարգերը, ընթացակարգերը, ծրագրերը և նմանատիպ այլ փաստաթղթերը)` իրավասու մարմնի կողմից այդ փոփոխությունները հաստատելուց հետո 15-օրյա ժամկետում: Փոփոխված ներքին իրավական ակտերը Կենտրոնական բանկ են ներկայացվում բանկի կամ օտարերկրյա բանկի մասնաճյուղի կառավարման մարմնի լիազոր անձի ստորագրությամբ՝ վավերացրած բանկի կամ օտարերկրյա բանկի կնիքով (առկայության դեպքում):

(86.1-րդ կետը լրաց. 01.07.08 թիվ 189-Ն, խմբ. 10.03.09 թիվ 55-Ն)

86.2. Բանկի ֆիրմային անվանման փոփոխությունը գրանցելու համար բացի սույն կանոնակարգի 85-րդ կետում նշված փաստաթղթերից (ինչպես բանկի, այնպես էլ նրա տարածքային ստորաբաժանումների համար (առկայության դեպքում)) Կենտրոնական բանկ պետք է ներկայացվեն նաև.

1) ֆիրմային անվանման գրանցման հայտ՝ համաձայն ենթահավելված 26-ի,

2) «Ֆիրմային անվանումների մասին» Հայաստանի Հանրապետության օրենքի 7-րդ հոդվածի 3-րդ մասով պահանջվող փաստաթղթերը,

3) լիցենզիայի վերաձևակերպման մասին դիմում և լիցենզիայի վերաձևակերպման համար նախատեսված պետական տուրքի վճարման անդորրագիրը,

4) բանկի գրանցման, տարածքային ստորաբաժանումների գրանցման վերաձևակերպված վկայականների համար պետական տուրքի վճարման անդորրագրերը:

(86.2 կետը լրաց. 22.09.09 թիվ 276-Ն)

87. Բանկի կանոնադրական հիմնադրամի ավելացման դեպքում բանկի փոփոխված կանոնադրության գրանցման համար բանկը Կենտրոնական բանկ է ներկայացնում սույն կանոնակարգի 85 կետով նախատեսված փաստաթղթերը, ինչպես նաև բաժնետոմսերի վերջին թողարկման հայտարարագրի գրանցման վերաբերյալ որոշման պատճենը (բաց բաժնետիրական բանկի համար):

88. Բանկի կանոնադրական հիմնադրամի ավելացման դեպքում, անկախ բանկի կազմակերպական-իրավական տեսակից, մինչև բանկի փոփոխված կանոնադրության գրանցումը, բանկը կանոնադրական հիմնադրամը համալրելու նպատակով Կենտրոնական բանկում բացում է կուտակման հաշիվ և Կենտրոնական բանկ ներկայացնում կանոնադրական հիմնադրամի համալրմանն առնչվող բոլոր փաստաթղթերի պատճենները: 

 

Գ լ ու խ  13

 

Բանկի, օտարերկրյա բանկի մասնաճյուղի ԵՎ բանկի տարածքային ստորաբաժանումների տարածքի տեխնիկական հագեցվածության նկատմամբ պահանջները

(Վերնագիրը խմբ. 21.11.06 N 692-Ն)

 

89. Բանկը, օտարերկրյա բանկի մասնաճյուղը (բացառությամբ` մաքսատների, մաքսակետերի տարածքներում տեղակայված բանկի մասնաճյուղի) կամ բանկի տարածքային ստորաբաժանումը պետք է ունենա.

ա) բանկին (իսկ օտարերկրյա բանկի մասնաճյուղի դեպքում` հիմնադիր բանկին) սեփականության իրավունքով պատկանող, վարձակալությամբ կամ անհատույց օգտագործման իրավունքով վերցված առանձնացված տարածք.

բ) կանխիկ դրամով և այլ արժեքներով գործառնություններ կատարելու, հաճախորդների դրամարկղային սպասարկումն իրականացնելու, կանխիկ դրամի ու այլ արժեքների հուսալի պահպանության համար դրամարկղային հանգույց՝ դրամապահոց և գործառնական դրամարկղ: Դրամապահոցը կանխիկ դրամի և այլ արժեքների, գրավադրված և ի պահ ընդունված արժեքների պահպանության հիմնական դրամապահոց է՝ իր նախադրամապահոցով: Դրամապահոցի բացակայության դեպքում անհրաժեշտ է ինկասացիոն ծառայության հետ կնքված պայմանագիր՝ նշված միջոցների ամենօրյա տեղափոխման, հանձնման համար, ինչպես նաև որևէ բանկի հետ կնքված պայմանագիր, եթե նշված միջոցները պահպանման են հանձնվելու այլ բանկ կամ այլ բանկի տարածքային ստորաբաժանում: Դրամապահոցի բացակայության պարագայում բանկը կարող է չիրականացնել դրամարկղում առկա կանխիկ դրամի ինկասացում, եթե դրամարկղում կանխիկ դրամի՝ տվյալ օրվա մնացորդը չի գերազանցում 5 միլիոն ՀՀ դրամը, և մասնաճյուղում տեղադրված է հատուկ չհրկիզվող պահարան, որն ամրացված է դրամարկղի հատակին ու պատին: Եթե բանկի, օտարերկրյա բանկի մասնաճյուղի կամ տարածքային ստորաբաժանման կանոնադրությամբ նախատեսված է, որ վերջինս «Բանկերի և բանկային գործունեության մասին» Հայաստանի Հանրապետության օրենքի 34-րդ հոդվածով նախատեսված գործառնություններն իրականացնում է բացառապես անկանխիկ ձևով, ապա դրամարկղային հանգույցի առկայությունը պարտադիր չէ:

գ) Շուրջօրյա պահպանիչ-հակահրդեհային ազդարարման և շուրջօրյա անվտանգության ահազանգման համակարգեր: Ընդ որում, շուրջօրյա պահպանիչ-հակահրդեհային ազդարարման համակարգը պետք է միացված լինի համապատասխան կազմակերպությանը, իսկ շուրջօրյա անվտանգության ահազանգման համակարգը պետք է միացված լինի ոստիկանության կամ արտոնագրված պահակախմբի հետ՝ հիմնավորված համապատասխան փաստաթղթերով: Եթե բանկերի մասնաճյուղերը գտնվում են ներքին շուրջօրյա պահակային (անվտանգության) ծառայություն կամ շուրջօրյա անվտանգության ահազանգման համակարգ ունեցող տարածքներում, ապա բանկի տարածքի շուրջօրյա ահազանգման համակարգը պետք է միացված լինեի շուրջօրյա պահակային (անվտանգության) ծառայությանը կամ շուրջօրյա անվտանգության ահազանգման համակարգին՝ հիմնավորված համապատասխան փաստաթղթերով:

դ) Բանկը, օտարերկրյա բանկի մասնաճյուղը կամ բանկի տարածքային ստորաբաժանումը պետք է միացված լինեն միմյանց կապող համակարգչային ցանցի հետ: Մասնաճյուղը գլխամասի հետ կապող համակարգչային ցանցը միացվում է մասնաճյուղի գրանցվելուց հետո` մասնաճյուղի գրանցման մասին Կենտրոնական բանկի նախագահի որոշմամբ սահմանված ժամկետում, իսկ այն մասնաճյուղերի համար, որոնք, ըստ սույն կանոնակարգի 54-րդ կետի, կարող են չունենալ գլխավոր հաշվապահ, համակարգչային ցանցը պետք է միացվի մասնաճյուղին վերջինիս գրանցման փաստաթղթերի ներկայացման պահին:

(89-րդ կետը խմբ. 25.10.05 N 517-Ն, փոփ. 06.06.06 N 237-Ն, խմբ. 21.11.06 N 692-Ն, 10.07.07 N 217-Ն)

89¹. Մաքսատների կամ մաքսակետերի տարածքներում տեղակայված բանկի մասնաճյուղը պետք է ունենա`

ա) բանկին սեփականության իրավունքով պատկանող, վարձակալությամբ կամ անհատույց օգտագործման իրավունքով վերցված առանձնացված տարածք, որը պետք է գտնվի մաքսատների և մաքսակետերի տարածքներում: Մասնաճյուղում պարտադիր պետք է տեղադրված լինի չհրկիզվող պահարան, որը պետք է ամրացված լինի հատակին և պատին:

բ) Ինկասացիոն ծառայության հետ կնքված պայմանագիր` նշված միջոցների տեղափոխման և հանձնման համար:

(89¹ կետը լրաց. 25.10.05 N 517-Ն, 06.06.06 N 237-Ն, խմբ. 21.11.06 N 692-Ն)

89² . Բանկը, օտարերկրյա բանկի մասնաճյուղը կարող են սույն կանոնակարգի 89-րդ կետով սահմանված տեխնիկական հագեցվածության պահանջների փոխարեն ունենալ «Բանկերս Բլանկետ Բոնդ (BBB)» ապահովագրության պայմանագիր հետևյալ ռիսկերի գծով.

ա) ավազակության, գողության, կողոպուտի, յուրացման, վատնման, խարդախության, այդ թվում՝ կեղծ փողեր, արժեթղթեր և վճարային փաստաթղթեր իրացնելու կամ կեղծ պայմանագրեր ներկայացնելու հետևանքով ընկերության գույքի հափշտակության ռիսկը,

բ) բանկի գույքի կորստի կամ վնասվածքի ռիսկը, այդ թվում բանկի տարածքում գտնվող կամ փոխադրվող կանխիկ դրամի, արժեթղթերի, վճարային փաստաթղթերի և այլ արժեքավոր գույքի կորստի կամ վնասվածքի ռիսկը:

Նշված ռիսկերի գծով ապահովագրության պայմանագրում ապահովագրական գումարը չի կարող փոքր լինել բանկի ակտիվների 1 տոկոսից:

Ընդ որում, «Բանկերս Բլանկետ Բոնդ (BBB)» ապահովագրություն իրականացնող ոչ ռեզիդենտ ապահովագրական ընկերությունը պետք է ունենա ստորև նշված միջազգային վարկանշող կազմակերպություններից առնվազն մեկի կողմից տրված վարկանիշ, որը պետք է ցածր չլինի՝

- Ստանդարտ և Փուրզի «ԲԲԲ» խմբի`	ԲԲԲ-
- Մուդիզի «Բաա» խմբի`	Բաա3
- Ա. Մ. Բեստի «Բ» խմբի`	Բ+
- Դաֆֆ և Ֆելփզի «ԲԲԲ» խմբի`	ԲԲԲ-
- Վեիսսի «Բ» խմբի`	Բ-
- Ֆիթչի «ԲԲԲ» խմբի`	ԲԲԲ-:

(89.² -րդ կետը լրաց. 01.07.08 թիվ 189-Ն)

90. Բանկի արտասահմանյան տարածքային ստորաբաժանման տարածքի և տեխնիկական հագեցվածությունը պետք է համապատասխանի Կենտրոնական բանկի և արտասահմանյան վերահսկող մարմնի կողմից սահմանված տարածքի և տեխնիկական հագեցվածության պահանջներից ամենախիստին:

(90-րդ կետը խմբ. 21.11.06 N 692-Ն)

90.1 Բանկը, բանկի մաuնաճյուղը, oտարերկրյա բանկի մաuնաճյուղը արտարժույթի առուվաճառքի գործառնություններ իրականացնելիu փոխարժեքներն արտացոլող վահանակը տեղադրում է միայն իր դրամարկղում: Բանկը, բանկի մաuնաճյուղը, oտարերկրյա բանկի մաuնաճյուղը դրամարկղի ներսում փոխարժեքներն արտացոլող վահանակը տեղադրում է այնպես, որպեսզի այն փակ տարածքից դուրս տեսանելի չլինի: Դրամարկղից դուրu վահանակ ունենալու դեպքում, վահանակի վրա նշում է միայն լիցենզավորված անձի անվանումը, լիցենզիայի համարը, աշխատանքային oրերը և ժամերը:

(90.1 կետը լրաց. 25.03.08 թիվ 76-Ն, խմբ. 30.03.09 թիվ 68-Ն) 

(13-րդ գլուխը խմբ. 21.11.06 N 692-Ն)

 

Գ լ ու խ  14

 

Պատասխանատվությունը

 

91. Եթե լիցենզավորման տարբեր փուլերում սույն կանոնակարգով պահանջվող փաստաթղթերով և սույն կարգի 3, 4, 7, 8, 11, 17-1 և 17-2 ենթահավելվածներով ներկայացված տեղեկատվությունը փոխվել է, բանկը պարտավոր է մեկշաբաթյա ժամկետում Կենտրոնական բանկ վերաներկայացնել փոփոխման ենթակա փաստաթուղթը:

92. Սույն կանոնակարգով սահմանված պահանջների չկատարման դեպքում Հայաստանի Հանրապետության տարածքում գործող բանկերը և օտարերկրյա բանկերի մասնաճյուղերը, ինչպես նաև դրանց ղեկավարները կրում են պատասխանատվություն՝ համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների:

 

Գ լ ու խ  15

 

ԱՆՑՈՒՄԱՅԻՆ ԴՐՈՒՅԹՆԵՐ

 

93. Սույն որոշումն ուժի մեջ մտնելու պահից Հայաստանի Հանրապետության տարածքում գործող բանկերի վերստուգիչ հանձնաժողովի ղեկավարները, մասնավորապես, բանկերի վերստուգիչ հանձնաժողովի նախագահը, նախագահի տեղակալը, բանկերի վերստուգիչ հանձնաժողովի անդամները համարվում են Կենտրոնական բանկում գրանցումից հանված:

(93-րդ կետը լրաց. 06.06.06 N 237-Ն)

94. Հայաստանի Հանրապետության տարածքում գործող բանկերի ներքին հսկող խմբի ղեկավարները վերագրանցվում են Կենտրոնական բանկի կողմից որպես ներքին աուդիտի ղեկավար՝ նրանց՝ որպես բանկի ներքին աուդիտի ղեկավար նշանակելու մասին բանկի խորհրդի որոշման (կամ արձանագրության) ներկայացման դեպքում: Հակառակ դեպքում ներքին հսկող խմբի ղեկավարները կհամարվեն Կենտրոնական բանկում գրանցումից հանված:

Իսկ ներքին աուդիտի անդամները պետք է դիմեն Կենտրոնական բանկ` որակավորման վկայական ստանալու և Կենտրոնական բանկում գրանցվելու համար:

(94-րդ կետը լրաց. 06.06.06 N 237-Ն)

95. Սույն որոշումն ուժի մեջ մտնելու պահի դրությամբ բանկի վերստուգիչ հանձնաժողովի նախագահի, վերստուգիչ հանձնաժողովի նախագահի տեղակալի, վերստուգիչ հանձնաժողովի անդամի, ներքին հսկող խմբի ղեկավարի (վերահսկիչ, հսկիչ) որակավորման վկայական ստացած անձինք կարող են բանկերի կողմից ներկայացվել Կենտրոնական բանկ՝ որպես բանկի ներքին աուդիտի ղեկավար կամ անդամ գրանցվելու համար:

(95-րդ կետը լրաց. 06.06.06 N 237-Ն)

(15-րդ գլուխը լրաց. 06.06.06 N 237-Ն)

Հավելված 1-ի Ենթահավելված 1

 

ԲԱՆԿԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՆԱԽՆԱԿԱՆ ՀԱՎԱՆՈՒԹՅՈՒՆ ՍՏԱՆԱԼՈՒ ՄԻՋՆՈՐԴԱԳՐԻ ՁԵՎ

(բանկ հիմնադրելու համար)

 

Հայաստանի Հանրապետության Կենտրոնական բանկի նախագահ պարոն _______________

 

Մ Ի Ջ Ն Ո Ր Դ Ա Գ Ի Ր

     

Հարգելի պարոն __________________

 

Մենք՝ ներքոստորագրյալներս, որոշում ենք ընդունել
_____________________________________________________ բանկ ստեղծելու մասին:

բանկի կազմակերպական-իրավական տեսակը և անվանումը

 

Համաձայն Հայաստանի Հանրապետության օրենքների և այլ իրավական ակտերի՝ կից ներկայացնում ենք բանկային գործունեության լիցենզիա ստանալու նախնական հավանության համար անհրաժեշտ փաստաթղթերը (ցանկը և փաստաթղթերը ____ էջ):

Մենք՝ ներքոստորագրյալներս, հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք, որ տեղեկատվությունը արժանահավատ է ու ամբողջական, և գիտակցում ենք, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական, վարչական և կարգապահական պատասխանատվության:

Խնդրում ենք բանկային գործունեության լիցենզիա ստանալու Հայաստանի Հանրապետության կենտրոնական բանկի նախնական հավանությունը:

 

Միջնորդագիրը ներկայացնող նախաձեռնող անձինք

 

Ստորագրություն	Անուն, ազգանուն	Սոցիալական քարտի համարը
		(բացակայության դեպքում՝ անձնագրի սերիան, համարը /ում կողմից և երբ է տրված/)
_________________	_________________	_________________
_________________	_________________	_________________
	_____  _________________ 200  թ.

 

Հավելված 1-ի Ենթահավելված 2

 

ԲԱՆԿԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՆԱԽՆԱԿԱՆ ՀԱՎԱՆՈՒԹՅՈՒՆ ՍՏԱՆԱԼՈՒ ՄԻՋՆՈՐԴԱԳՐԻ ՁԵՎ

(օտարերկրյա բանկի մասնաճյուղ հիմնադրելու համար)

 

Հայաստանի Հանրապետության Կենտրոնական բանկի նախագահ պարոն _______________

 

Մ Ի Ջ Ն Ո Ր Դ Ա Գ Ի Ր

     

Հարգելի պարոն ________________

 

________________________________________________________ բանկի

օտարերկրյա բանկի անվանումը

 

__________________________________________________ որոշում է ընդունել

կառավարման իրավասու մարմնի անվանումը

 

ՀՀ տարածքում մասնաճյուղ ստեղծելու վերաբերյալ:

Համաձայն Հայաստանի Հանրապետության օրենքների և այլ իրավական ակտերի՝ կից ներկայացնում ենք բանկային գործունեության լիցենզիա ստանալու նախնական հավանության համար անհրաժեշտ փաստաթղթերը (ցանկը և փաստաթղթերը ____ էջ):

Մենք՝ ներքոստորագրյալներս, հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք, որ տեղեկատվությունը արժանահավատ է ու ամբողջական, և գիտակցում ենք, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական, վարչական և կարգապահական պատասխանատվության:

Խնդրում ենք բանկային գործունեության լիցենզիա ստանալու Հայաստանի Հանրապետության կենտրոնական բանկի նախնական հավանությունը:

 

Օտարերկրյա բանկի իրավասու անձի անունը, ազգանունը, ստորագրությունը

 

_________________________________	________________
	____ ______________ 20  թ.

Հավելված 1-ի Ենթահավելված 3

Բանկի կամ օտարերկրյա բանկի մասնաճյուղի գործունեության տնտեսական ծրագրի ձեվ

 

Բաժին 1. Ընդհանուր դրույթներ

Բաժին 2. Ֆինանսական հեռանկարային զարգացման միտումներ

Բաժին 3. Ներդրումների համար կանխատեսվող շուկաների նկարագրություն

Բաժին 4. Միջոցների ներգրավման հիմնական գործիքներ

Բաժին 5. Մրցակցությանը դիմակայելու մեթոդներ

Բաժին 6. Բանկի ներքին կազմակերպական կառուցվածք և կառավարման սկզբունքներ

Բաժին 7. Կապիտալ, եկամուտների և ծախսերի հաշվարկ

Բաժին 8. Հնարավոր ռիսկերի գնահատում

Բաժին 9. Խորհրդի կողմից տնտեսական ծրագրի իրականացման նկատմամբ հսկողության սահմանում

Բաժին 10. Այլընտրանքային տնետեսական ծրագիրը (պարտադիր չէ, ներկայացվում է Կենտրոնական Բանկի պահանջով)

Բաժին 11. Այլ դրույթներ

Ենթահավելվածներ և անհրաժեշտ կից տեղեկատվություն:

 

1. Ընդհանուր դրույթներ

 

Բանկի կամ օտարերկրյա բանկի մասնաճյուղի (այսուհետև՝ բանկ) գործունեության
տնտեսական ծրագիրը կոնկրետ հաշվարկներով, վերլուծություններով և ելակետային տվյալներով հիմնավորված, ծրագրի ներկայացմանը հաջորդող երեք լրիվ ֆինանսական տարիների համար կազմված, բանկի տնտեսական գործունեությունը և ներքին կազմակերպական կառուցվածքը նկարագրող և հիմնավորող փաստաթուղթ է:

Բանկի գործունեության տնտեսական ծրագրի ընդհանուր դրույթներում պետք է նշվեն՝

1. ստեղծվող բանկի անվանումը և գտնվելու վայրը,

2. նախաձեռնող անձանց կողմից նոր բանկի ստեղծման նախադրյալները,

3. բանկի առաքելությունը,

4. բանկի նպատակները, 

5. բանկի կազմակերպաիրավական տեսակը (օտարերկրյա բանկի մասնաճյուղի համար հիմնադիր բանկի կազմակերպաիրավական տեսակը),

6. բանկի մասնակիցների կազմը և մասնակցության չափը,

7. բանկի առաջարկվող ղեկավարների ցանկը:

 

2. Ֆինանսական հեռանկարային զարգացման միտումներ

 

1. բանկի գործունեության հիմնական ուղղությունները, նախատեսվող ֆինանսական գործառնությունների ցանկը և դրանց համառոտ նկարագիրը,

2. բանկի կողմից ֆինանսական շուկայում նոր տիպի ծառայությունների ներդրումը (առկայության դեպքում),

3. բանկի հնարավոր դուստր կազմակերպությունները, դրանց կողմից իրականացվող գործառնությունները,

4. բանկի շուկայում հնարավոր դերը, մասնաբաժինը, սպասարկման տարածքը,

5. բանկի պոտենցյալ հաճախորդների բնութագիրը և ենթադրվող թիվը, խոշոր հաճախորդների անունները,

6. բանկի նախատեսվող մասնաճյուղերի ցանցը, նրանց տեղակայվածությունը (միայն ՀՀ բանկերի համար),

7. բանկի զարգացման և ընդլայնման հեռանկարները, ներառյալ լրացուցիչ մասնաճյուղերի բացումը, այլ կազմակերպությունների հետ միացումը և/կամ դրանց ձեռք բերումը (միայն ՀՀ բանկերի համար),

8. բանկի հետ փոխկապակցված իրավաբանական անձանց գործունեությունը, դրանց կազմակերպական կառուցվածքը, բանկի և նրա հետ փոխկապակցված իրավաբանական անձանց փոխհարաբերությունները,

9. բանկի և նրա հետ փոխկապակցված անձանց գործարքները (օրինակ՝ բանկի կողմից փոխկապակցված անձանց ֆինանսավորունը), եթե այդպիսիք նախատեսվում են,

10. նկարագրել միջոցների տեղաբաշխման նախատեսվող ուղիները, գործառնությունների տեսակները (ներդրումներ արժեթղթերում, տարբեր տեսակի վարկավորում և այլն), տալ դրանց բնութագիրը, միջոցների տեղաբաշխման պայմանները, գնահատել բանկի մրցունակությունը միջոցների տեղաբաշխման տեսանկյունից,

11. նկարագրել բանկի վարկավորման ծրագրերը (օրինակ՝ հիպոթեքային վարկավորման ծրագիր և այլն): Տեղեկացնել բանկի կողմից ռիսկային վարկավորում (անբարեխիղճ վարկառուներ, բլանկային վարկերի տրամադրում, այլ) իրականացնելու մտադրության մասին, առկայության դեպքում նկարագրել գործընթացը,

12. եթե բանկային գործառույթների իրականացմանը ներգրավված են լինելու միջնորդ կազմակերպությունները (օրինակ՝ խանութներ, ավտոդիլերներ և այլ), նկարագրել այդ տիպի գործարքների իրականացման գործընթացը, դրանց շրջանակները, նախատեսվող ծավալները՝ գումարային արտահայտությամբ, վարկավորման պայմանները, այլ անհրաժեշտ տեղեկատվություն:

 

3. Ներդրումների համար կանխատեսվող շուկաների նկարագրություն

 

Կանխատեսվող շուկաների վերլուծությունը պետք է հիմնված լինի թվային շարքերի և այլ փաստացի ցուցանիշների վրա: Տեղեկատվության աղբյուրները, տնտեսական, մրցակցային և այլ բնույթի ենթադրությունների և կանխատեսումների հիմքերը և նախապայմանները նույնպես պետք է նշվեն ծրագրում.

1. նկարագրել ֆինանսական այն շուկաները (նպատակային շուկաները), որոնցում բանկը պատրաստվում է ծավալել իր գործունեությունը, մասնավորապես.

- շուկաների տնտեսական բնութագիրը (նրա ծավալները, ոլորտի եկամտաբերությունը և այլն), հեռանկարային զարգացման միտումները,

- շուկաներում (օրինակ՝ փոխատվական կապիտալի, վարկավորման, արժեթղթերի) բանկի գործարար ակտիվության կանխատեսումը, դրա որակական և քանակական գնահատումը,

- շուկայի տարածքային ընդգրկվածությունը,

- բանկի կողմից շուկայում նոր տիպի գործիքների կիրառման, ծառայությունների ներդրման հնարավորությունները (եթե նախատեսվում է),

2. բանկի նպատակային շուկաների և կանխատեսվող հաճախորդների կախվածությունը տնտեսության այլ ճյուղերից, այդ ճյուղերի զարգացման միտումները,

3. ներկայացնել երեք տարվա կտրվածքով տնտեսական միջավայրի փոփոխման կանխատեսումները, մասնավորապես՝ սղաճ, գործազրկություն, տոկոսադրույքների մակարդակը, ֆիսկալ և դրամավարկային քաղաքականությունը: Ծրագիրը պետք է ներառի տնտեսական միջավայրի փոփոխման առավել հավանական սցենարները և գնահատի հնարավոր տնտեսական անկումները, դրանց ազդեցությունը բանկի վրա,

4. ծրագիրը պետք է նկարագրի, թե ինչպես տնտեսության մեջ հնարավոր փոփոխությունները կարող են ազդել բանկի նպատակային շուկաների վրա, ինչպես նաև բանկի կողմից իրականացվող գործառույթների և մատուցվող ծառայությունների վրա:

 

4. Միջոցների ներգրավման հիմնական գործիքներ

 

1. Նկարագրել միջոցների ներգրավման հիմնական գործիքները (ավանդներ, դեպոզիտներ և այլն), տալ դրանց բնութագիրը (հնարավորության դեպքում՝ ըստ միջին մեծության և ժամկետայնության), միջոցների ներգրավման պայմանները (տոկոսադրույքներ և այլն), գնահատել բանկի մրցունակությունը միջոցների ներգրավման տեսանկյունից,

2. նկարագրել փոխառությունների ներգրավման հիմնական աղբյուրները և մեթոդները, ներկայացնել փոխատվական կապիտալի շուկայում մրցակցության գնահատումը, դրան դիմակայելու մեթոդները,

3. նկարագրել ինտերնետի միջոցով ծառայությունների տրամադրման ծրագրերը,

4. նկարագրել բանկի գովազդային ռազմավարությունը (գովազդելու հաճախականությունը, տեսակները և այլն), որն ուղղված է նպատակային շուկան գրավելուն, ապրանքանիշի ստեղծմանը և այլն,

5. նկարագրել անհրաժեշտ մարկետինգային ծախսերը նպատակային շուկան գրավելու համար: 

 

5. Մրցակցությանը դիմակայելու մեթոդներ

 

1. Համեմատել նպատակային շուկայում(-րում) բանկի տրամադրվող ծառայությունները և մարքետինգային ռազմավարությունը, այդ շուկայում բանկի հիմնական մրցակիցների հետ,

2. նկարագրել բանկի հիմնական մրցակիցների նկատմամբ բանկի հարաբերական առավելությունը և թերությունները (օրինակ՝ գնային քաղաքականություն, համբավ, շուկայի մասնաբաժին և այլն), հիմնավորել բանկի մրցունակությունը,

3. նկարագրել մրցակցությանը դիմակայելու մեթոդները,

4. նկարագրել նպատակային շուկայում բանկի պոտենցիալ մրցակիցներին:

 

6. Բանկի ներքին կազմակերպական կառուցվածք եվ կառավարման սկզբունքներ

 

1. Ներկայացնել բանկի ներքին կազմակերպական կառուցվածքը, կառուցվածքային ստորաբաժանումների և ծառայությունների անվանումներն ու հիմնական ֆունկցիաները, դրանց միջև փոխհարաբերությունները, բանկի ղեկավարների և աշխատակիցների քանակը,

2. հիմնավորել վերը նկարագրված կազմակերպական կառուցվածքը բանկի կողմից սույն տնտեսական ծրագրի իրականացման տեսանկյունից,

3. ներկայացնել բանկի կառավարման մարմինները (մասնակիցների ընդհանուր ժողովը, խորհուրդը, գործադիր մարմինը, վարչությունը), դրանց միջև փոխհարաբերությունները, կառավարման մարմինների իրավասությունները և պարտականությունները (միայն ՀՀ բանկերի համար),

4. նշել կառավարման մարմինների մոտավոր կազմը,

5. նկարագրել բանկի խորհրդի կողմից ստեղծվող կոմիտեների (օրինակ՝ ներդրումային, վարկային և այլն) գործունեությունը, դրանց իրավասություններն ու պարտականությունները,

6. նկարագրել աշխատանքի կազմակերպման հիմնական սկզբունքները, էթիկական պահանջները,

7. նշել բանկի խորհրդի անդամների փոխհատուցման նախատեսվող չափը և ձևը (միայն ՀՀ բանկերի համար),

8. նշել բանկի գործադիր ղեկավարների և այլ աշխատակիցների աշխատավարձերը՝ ըստ հաստիքների,

9. նկարագրել բանկի կառավարման և անձնակազմի աշխատանքների որակի բարձրացմանն ուղղված ծրագրերը, մասնավորապես անձնակազմի վերապատրաստման և այլ ծրագրերը,

10. նկարագրել բանկի ներքին  հսկողության համակարգը, հաշվապահական և վճարահաշվարկային համակարգերի, ներառյալ էլեկտրոնային-տեղեկատվական համակարգերի ներդրման ծրագրերը,

11. նկարագրել տեխնիկական վերազինման, բանկային տեխնոլոգիաների ներդրման միջոցառումների ծրագիրը,  

12. նկարագրել բանկի ներսում տեղեկատվական հոսքերը՝ հաշվետվական համակարգը ներառյալ,

13. նկարագրել ներքին աուդիտի գործառույթները, նկարագրությունում պետք է ամրագրված լինի այդ ստորաբաժանման անկախության ապահովման ուղիները, աուդիտի աշխատանքների շրջանակները և հաճախականությունը,

14. նկարագրել ներքին աուդիտի անձնակազմի նկատմամբ ներկայացվող պահանջները, կրթվածությունը և աշխատանքային փորձը ներառյալ,

15. նկարագրել այն բոլոր ընթացակարգերը և միջոցառումները, որոնք ուղղված են ապահովելու բանկի գործունեության համապատասխանեցումը ՀՀ օրենքների, այլ իրավական ակտերի, ինչպես նաև բանկի գործունեությունը կարգավորող ներքին ակտերի (քաղաքականություն, կարգեր և այլ) պահանջներին,

16. նկարագրել բանկի հաճախորդների բողոքներին արձագանքելու միջոցառումները,

17. նկարագրել անկախ աուդիտորական կազմակերպության ընտրման սկզբունքները:

 

7. Կապիտալ, եկամուտների եվ ծախսերի հաշվարկ

 

1. Նկարագրել բանկի կապիտալի նպատակային մեծությունը և կառուցվածքը, դրանց հասնելու ուղիները, ինչպես նաև նորմատիվային կապիտալի պահանջների բավարարման հետ կապված ծրագրերը,

2. նկարագրել բանկի կապիտալիզացիայի ռազմավարությունը (ներառյալ՝ ընդհանուր կապիտալի նախատեսվող մեծության ապահովումը արտաքին և ներքին աղբյուրների հաշվին, կապիտալի համարժեքության ապահովմանն ուղղվող հիմնական միջոցառումները,

3. նկարագրել եկամտաբերության նախանշված մակարդակը, ակտիվների եկամտաբերության, զուտ տոկոսային մարժայի կամ շահութաբերության այլ չափանիշներին հասնելու ռազմավարությունները,

4. եկամուտների և ծախսերի կանխատեսումներն առաջին երեք տարիների համար՝ հիմնված շուկայի վերլուծության արդյունքների վրա (Հավելված 1, Ենթահավելված 3, ձև 3),

5. ֆինանսական կանխատեսումներից ելնելով գնահատել ներքին և արտաքին ռիսկերի ազդեցությունը կապիտալի համարժեքության վրա,

6. նկարագրել շահաբաժինների բաշխման վերաբերյալ քաղաքականությունը:

 

8. Հնարավոր ռիսկերի գնահատում

 

8.1 Վարկային ռիսկ

 

1. Ներկայացնել բանկի վարկային պորտֆելի մոտավոր նկարագիրը (օրինակ՝ ճյուղային և ժամկետային կառուցվածքը, այլ), վարկային ռիսկի կառավարման (ռիսկի բացահայտում, գնահատում և հսկում) ծրագրերը, գնահատել ռիսկի ընդունելու մակարդակը,

2. նկարագրել բանկի վարկերի գնահատման ծրագրերը, մասնավորապես անձնակազմի անաչառության և հմտության ապահովման տեսանկյունից,

3. նկարագրել վարկային պորտֆելի որակի ստուգման գործընթացը, հաճախականությունը և շրջանակները,

4. նկարագրել վարկերի և դեբիտորական պարտքերի դասակարգման և հնարավոր կորուստների պահուստների ձևավորման հիմնական սկզբունքները,

5. նկարագրել վարկառուի վարկունակության գնահատման մեթոդաբանությունը:

 

8.2 Իրացվելիության ռիսկ

 

1. Նկարագրել բանկի իրացվելիության (ակտիվների և պասիվների կառավարման) ռազմավարությունը,

2. նկարագրել բանկի իրացվելիության ռիսկի կառավարման (ռիսկի բացահայտում, գնահատում և հսկում) ծրագրերը, գնահատել ռիսկի ընդունելի մակարդակը,

3. նկարագրել բանկի կողմից բանկի հետ փոխկապակցված անձանցից (մասնակից չհանդիսացող) միջոցների ներգրավման նկատմամբ մոտեցումները, ներառյալ դրանց ծավալների, տոկոսադրույքների ընդունելի մակարդակը և այլ պայմանները,

4. նկարագրել նախատեսվող ակտիվների ու պարտավորությունների կառուցվածքը ըստ ժամկետայնության,

5. ներկայացնել ներգրավված և տեղաբաշխված միջոցների ժամկետայնության ճեղքվածքի կառավարման մեթոդները (GAP):

 

8.3 Շուկայական ռիսկ

 

1. Նկարագրել ներդրումային (ինվեստիցիոն) քաղաքականության հիմնական ուղղությունները (պետական և ոչ պետական արժեթղթերում, պարտատոմսերում և այլն), շուկայական ռիսկի կառավարման (ռիսկի բացահայտում, գնահատում և հսկում) ծրագրերը, գնահատել ռիսկի ընդունելի մակարդակը,

2. նկարագրել արտարժութային գործառնությունները, արտարժութային ռիսկի կառավարման (ռիսկի բացահայտում, գնահատում և հսկում) ծրագրերը, գնահատել ռիսկի ընդունելի մակարդակը,

3. նկարագրել բանկի շուկայական ռիսկի նկատմամբ զգայուն ակտիվների և պարտավորությունների պորտֆելը և քննարկել գների հնարավոր փոփոխությունների ազդեցությունը եկամտաբերության, կապիտալի և պորտֆելի զուտ արժեքի վրա,

4. նկարագրել բանկի կողմից հեջավորման գործիքների կիրառումը (օրինակ՝ ֆյուչերս, օպցիոն, տոկոսադրույքի սվոպ և այլն):

 

8.4. Բանկի համար կարևոր այլ ռիսկեր

 

9. Խորհրդի կողմից տնտեսական ծրագրի իրականացման նկատմամբ հսկողության սահմանում

 

1. Նկարագրել բանկի խորհրդի կողմից տնտեսական ծրագրի իրագործմանը հետևելու գործընթացը,

2. նկարագրել բանկի խորհրդի կողմից տնտեսական ծրագրում փոփոխություններ կատարելու կարգը:

 

10. Այլընտրանքային տնտեսական ծրագիրը (պարտադիր չէ. ներկայացվում է Կենտրոնական բանկի պահանջով)

 

Այլընտրանքային տնտեսական ծրագիրը պետք է նկարագրի բանկի գործողությունները շուկայական պայմանների անբարենպաստ փոփոխության դեպքում: Այլընտրանքային տնտեսական ծրագիրը պետք է ընդգրկի ռիսկերի կառավարման առավել խիստ գործընթացներ: Ծրագիրը պետք է ներառի ապագայում անհրաժեշտության դեպքում բանկի կապիտալի մեծացման վերաբերյալ մոտեցումներ, ինչպես նաև բանկի արտակարգ իրավիճակների համար պահուստների ձևավորման և օգտագործման կարգը: Ծրագրում պետք է նկարագրված լինի  անսպասելի կորուստների առաջացման դեպքում բանկի ֆինանսական պաշտպանվածության ապահովման ուղիները:

 

11. Այլ դրույթներ

 

1. Բանկի տնտեսական ծրագիրը պետք է վերանայվի միջավայրի փոփոխություններին համարժեք:

2. Տեղեկություններ, որոնց վերաբերյալ սույն կանոնակարգով պահանջվող ձևեր սահմանված չեն, կարող են ներկայացվել ազատ ոճով:

3. Խրախուսվում է, որպեսզի բանկերը ֆինանսական ծրագրավորման ժամանակ, հիմնական կանխատեսումները իրականացնելիս կիրառեն նաև ստրես տեստեր:

4. Բանկի լիցենզավորման պահի դրությամբ բանկի գործունեության համար անհրաժեշտ ձեռք բերված կամ վարձակալված տարածքի և տեխնիկական հագեցվածության նկարագրություն:

5. Տնտեսական ծրագիրը կարող է պարունակել նաև այնպիսի տեղեկություն, որը չի պահանջվում սույն կանոնակարգով, սակայն կարևորվում է նախաձեռնող անձանց կողմից:

 

Ենթահավելվածներ և անհրաժեշտ կից տեղեկատվություն

 

Տնտեսական ծրագրին կցվում են.

- բանկի կապիտալի հաշվարկը առաջիկա  երեք ֆինանսական տարվա համար (Հավելված 1, Ենթահավելված 3, ձև 1),

- հաշվեկշռի հաշվարկային նախագծերը գործունեության առաջին երեք ֆինանսական տարիների համար (Հավելված 1, Ենթահավելված 3, ձև 2),

- եկամուտների և ծախսերի կանխատեսումներն առաջին երեք տարիների համար (Հավելված 1, Ենթահավելված 3, ձև 3),

- բանկի ապագա ղեկավարների ցուցակը, կրճատ կենսագրական տվյալներ,

- հայտարարագրեր բանկի ապագա ղեկավարների և նրանց հետ փոխկապակցված անձանց ստանձնած բոլոր ֆինանսական և գույքային պարտավորությունների, այդ թվում՝ ժամկետանց և վերաձևակերպված պարտավորությունների վերաբերյալ:

Հավելված 1-ի Ենթահավելված 3

Ձև 1

ԲԱՆԿԻ ԿԱՊԻՏԱԼԻ ՀԱՇՎԱՐԿԸ
(կանխատեսումը)

(հազ. դրամ)

ԿԱՊԻՏԱԼ	Առաջիկա տարիներ
	1-ին տարի	2-րդ տարի	3-րդ տարի
Հիմնական կապիտալ
Կանոնադրական հիմնադրամ
Գլխավոր պահուստ
Չբաշխված շահույթ
Ընդամենը՝ հիմնական կապիտալ
Լրացուցիչ կապիտալ
Վերագնահատման պահուստներ
Հաշվեկշռի կոնսոլիդացիայի ընթացքում առաջացած արտարժութային տարբերությունների պահուստ
Այլ պահուստներ
Երկարաժամկետ ստորադաս փոխառություններ
Ընդամենը՝ լրացուցիչ կապիտալ
Ընդամենը՝ ընդհանուր կապիտալ
(հիմնական կապիտալ + լրացուցիչ կապիտալ)
Որակական գնահատականներ
1. Հարաբերակցությունը հիմնական կապիտալի և ռիսկով կշռված ակտիվների միջև (%)
2. Հարաբերակցությունն ընդհանուր կապիտալի և ռիսկով կշռված ակտիվների միջև (%)
3. Հարաբերակցությունը հիմնական կապիտալի և միջին ընդհանուր ակտիվների միջև

Հավելված 1-ի Ենթահավելված 3

Ձև 2

ՀԱՇՎԵԿՇՌԻ ՀԱՇՎԱՐԿԱՅԻՆ ՆԱԽԱԳԾԵՐ
(կանխատեսումներ)

 

(հազ. դրամ)

	Առաջիկա տարիներ
ԱԿՏԻՎՆԵՐ	1-ին	2-րդ	3-րդ
Կանխիկ դրամական միջոցներ
Մնացորդներ ՀՀ կենտրոնական բանկում
Թղթակցային հաշիվներ
Առևտրական նպատակներով պահվող ֆինանսական ակտիվներ
Պահանջներ բանկերի և այլ ֆին. կազմակերպությունների նկատմամբ
Ռեպո համաձայնագրեր
Վաճառքի համար մատչելի ֆինանսական ակտիվներ
Հաճախորդներին տրված վարկեր և այլ փոխատվություններ
Այլ գործառնությունների գծով ստացվելիք գումարներ, այդ թվում՝
Ակրեդիտիվներ և բանկային երաշխիքներ
Ֆինանսական վարձակալություն
Ստացվելիք շահաբաժիններ
Դեբիտորական պարտքեր և կանխավճարներ
Մինչև մարման ժամկետը պահվող ներդրումներ
Ներդրումներ այլ անձանց կանոնադրական  կապիտալներում
Հիմնական միջոցներ (հանած մաշվածքը)
Ոչ նյութական ակտիվներ (հանած մաշվածքը)
Այլ ակտիվներ
Ընդամենը՝ ակտիվներ
ՊԱՍԻՎՆԵՐ
Պարտավորություններ
Պարտավորություններ ՀՀ կենտրոնական բանկի նկատմամբ
Բանկերից ներգրաված ավանդներ և ստացված վարկեր
Թղթակցային հաշիվներ
Պարտավորություններ այլ ավանդատուների նկատմամբ
Բանկի կողմից թողարկված արժեթղթեր
Կրեդիտորական պարտքեր և տարանցիկ հաշիվներ
Պահուստներ
Այլ պարտավորություններ
Ստորադաս փոխառություններ
ԿԱՊԻՏԱԼ
Կանոնադրական հիմնադրամ
Գլխավոր պահուստ
Եկամուտների պահուստներ
Վերագնահատման պահուստներ
Այլ պահուստներ
Ընդամենը՝ պասիվներ

 

Հավելված 1-ի Ենթահավելված 3

Ձև 3

Եկամուտների ԵՎ ծախսերի նախահաշվարկներ
(կանխատեսումներ)

(հազ. դրամ)

		Առաջիկա տարիներ
		1-ին	2-րդ	3-րդ
1.	Տոկոսային եկամուտներ	x	x	x
1.1.	Թղթակցային հաշիվներից ստացված տոկոսներ
1.2.	ՀՀ ԿԲ-ում տեղաբաշխված միջոցներից
1.3.	Բանկերում և այլ ֆինանսավարկային կազմակերպություններում տեղաբաշխված միջոցներից ստացված տոկոսներ
1.4.	Տեղաբաշխված վարկերից ստացված տոկոսներ
1.5.	Օվերդրաֆտից, օվերնայթից ստացված տոկոսներ
1.6.	Վարկային քարտերից ստացված տոկոսներ
1.7.	Բանկի հետ կապված անձանց և աշխատակիցներին տրամադրված միջոցներից
1.8.	Պետական գանձապետական արժեթղթերից ստացված տոկոսներ, այդ թվում՝ հետգնման պայմանագրերով տնօրինվող արժեթղթերից
1.9.	Այլ արժեթղթերից ստացված տոկոսներ
1.10.	Լիզինգից և ֆակտորինգից ստացված տոկոսներ
1.11.	Այլ տոկոսային եկամուտներ
Ընդամենը՝ տոկոսային եկամուտներ
2.	Տոկոսային ծախսեր	x	x	x
2.1.	Թղթակցային հաշիվների, ցպահանջ ավանդների և այլ ցպահանջ պարտավորությունների դիմաց վճարված տոկոսներ
2.2.	ՀՀ ԿԲ-ից ներգրաված միջոցների դիմաց վճարված տոկոսներ
2.3.	Հետգնման պայմանագրերի գծով պարտավորությունների դիմաց վճարված տոկոսներ
2.4.	Բանկերից և այլ ֆինանսավարկային կազմակերպություններից ներգրաված միջոցների դիմաց վճարված տոկոսներ
2.5.	Ներգրավված ժամկետային ավանդների դիմաց վճարված տոկոսներ
2.6.	Միջազգային ֆին. կազմակերպություններից ներգրաված միջոցների դիմաց վճարված տոկոսներ
2.7.	Օվերդրաֆտի, օվերնայթի դիմաց վճարված տոկոսներ
2.8.	Տոկոսային ծախսեր բանկի կողմից թողարկված արժեթղթերի գծով
2.9.	Լիզինգի դիմաց  վճարված տոկոսներ
2.10.	Տոկոսային ծախսեր ավանդների ապահովագրության դիմաց
2.11.	Ստորադաս փոխառությունների դիմաց վճարված տոկոսներ
2.12.	Այլ տոկոսային ծախսեր
Ընդամենը՝ տոկոսային ծախս
Զուտ տոկոսային եկամուտներ
3.	Ոչ տոկոսային եկամուտներ	x	x	x
3.1.	Ստացված միջնորդավճարներ
3.2.	Երաշխիքներից, ակրեդիտիվներից, հավատարմագրային կառավարումից ստացված եկամուտներ
3.3.	Գանձապետարանի սպասարկումից ստացված եկամուտներ
3.4.	Ածանցյալ գործիքներից զուտ եկամուտներ
3.5.	Այլ կազմակերպություններում ներդրումներից ստացված եկամուտներ
3.6.	Արժեթղթերի վաճառքից ստացված զուտ եկամուտներ
3.7.	Հետգնման պայմանագրերով ձեռք բերված արժեթղթերի վերավաճառքից ստացված զուտ եկամուտներ
3.8.	Արտարժույթի առք ու վաճառքից ստացված զուտ եկամուտներ
3.9.	Արտարժույթի վերագնահատումից ստացված դրական (բացասական) փոխարժեքային տարբերություն
3.10.	Հիմնական միջոցների օտարումից ստացված զուտ եկամուտներ
3.11.	Հիմնական միջոցների վերագնահատումից ստացված զուտ եկամուտներ
3.12.	Առևտրային նպատակով պահվող և վաճառքի համար մատչելի ֆինանսական ակտիվների վերագնահատումից ստացված զուտ եկամուտներ
3.13.	Արտասովոր եկամուտներ
3.14.	Ստացված տույժեր, տուգանքներ
3.15.	Այլ ոչ տոկոսային եկամուտներ
Ընդամենը՝ ոչ տոկոսային եկամուտներ
4.	Ոչ տոկոսային ծախսեր	x	x	x
4.1.	Աշխատավարձ և դրան  հավասարեցված այլ վճարումներ
4.2.	Գործուղման ծախսեր
4.3.	Հատկացումներ ՀՀ  սոցիալական ապահովագրության հիմնադրամին
4.4.	Հարկեր, տուրքեր և այլ պարտադիր  վճարներ
4.5.	Ամորտիզացիոն մասհանումներ
4.6.	Բանկի շենքի և այլ հիմնական  միջոցների վարձակալության վճար
4.7.	Շենքերի տնտեսական պահպանության ծախսեր
4.8.	Վարկերի տրամադրման և վերադարձման  ծախսեր
4.9.	Գովազդային, ներկայացուցչական  ծախսեր
4.10.	Աուդիտային և խորհրդատվական  ծառայությունների գծով ծախսեր
4.11.	Համակարգչային ծրագրերի, սարքավորումների սպասարկման և պահպանման գծով ծախսեր
4.12.	Տրանսպորտային ծախսեր
4.13.	Կապի և հաղորդակցական միջոցների գծով ծախսեր
4.14.	Վճարված տույժեր, տուգանքներ
4.15.	Ուսուցման ծախսեր
4.16.	Այլ ոչ տոկոսային ծախսեր
Ընդամենը՝ ոչ տոկոսային ծախսեր
Զուտ ոչ տոկոսային եկամուտներ
5.	Հատկացումներ ակտիվների հնարավոր կորուստների պահուստներին	x	x	x
5.1.	Վարկերի և դեբիտորական պարտքերի հնարավոր կորուստների ընդհանուր  պահուստին
5.2.	Վարկերի և դեբիտորական պարտքերի հնարավոր կորուստների հատուկ պահուստին
5.3.	Արժեթղթերի հնարավոր կորուստների ծածկման պահուստին
Ընդամենը՝ հատկացումներ
6.	Ակտիվների հնարավոր կորուստների պահուստներին կատարված մասհանումների վերադարձ	x	x	x
6.1.	Վարկերի և դեբիտորական պարտքերի հնարավոր կորուստների ընդհանուր պահուստից
6.2.	Վարկերի և դեբիտորական պարտքերի հնարավոր կորուստների հատուկ պահուստից
6.3.	Արժեթղթերի հնարավոր կորուստների ծածկման պահուստից
Զուտ մասհանումներ
Շահույթ՝ մինչև հարկվելը
Շահութահարկ
Զուտ շահույթ
Հաշվարկված շահաբաժիններ
այդ թվում՝ արտոնյալ բաժնետոմսերի գծով
սովորական բաժնետոմսերի գծով
Չբաշխված շահույթ

Հավելված 1-ի Ենթահավելված 4

Մ ի ջ ն ո ր դ ա գ ի ր

 

Ղեկավարների (որակավորվող անձի) վերաբերյալ տեղեկություններ

 

Սույն տեղեկանքում «ղեկավար» հասկացությունը ներառում է նաև ներդրումային ծառայություններ մատուցող ֆիզիկական անձանց և ապահովագրական բրոքերների պատասխանատու անձանց:

o Այս վանդակում նշում է կատարվում, եթե միջնորդագրում ներկայացվում են միայն փոփոխությունները

1. Ֆինանսական կազմակերպության վերաբերյալ տվյալները (այստեղ նշվում են այն կազմակերպության տվյալները, որի ղեկավար դուք պետք է հանդիսանաք)

1.1. Ֆինանսական կազմակերպության անվանումը և կոդը (մասնաճյուղերի ղեկավարների համար նշել նաև ֆինանսական կազմակերպության մասնաճյուղի անվանումը և Կենտրոնական բանկի կողմից ֆինանսական կազմակերպությանը տրված կոդը)

1.2 Ֆինանսական կազմակերպության տեսակ բանկ օտարերկրյա բանկի մասնաճյուղ վարկային կազմակերպություն ապահովագրական ընկերություն օտարերկրյա ապահովագրական ընկերության մասնաճյուղ ապահովագրական բրոքեր ներդրումային ընկերություն օտարերկրյա ներդրումային ընկերության մասնաճյուղ կարգավորվող շուկայի օպերատոր կենտրոնական դեպոզիտարիա

2. Անձնական տվյալներ

2.1. Անուն, ազգանուն, հայրանուն

2.2 Սեռ՝ արական իգական

2.3 Ծննդյան ամսաթիվ (օր/ամիս/տարի)

2.4 Ծննդավայր

2.5 Քաղաքացիություն

2.6 Անձնագրի համար և սերիա, ում կողմից և երբ է տրված

2.7 Սոցիալական քարտի համար (առկայության դեպքում)

2.8 Բնակության վայր (մշտական և բնակության տվյալ պահին)

2.9 Հեռախոսահամար

2.10 Էլեկտրոնային փոստի հասցե

2.11 Նշեք նախկինում Ձեր ունեցած մյուս բոլոր անունները, դրանք կրելու ժամանակաշրջանը,   Անուն, ազգանուն, հայրանուն   Կրելու ժամանակաշրջան (օր/ամիս/տարի)

3. Ղեկավար պաշտոն

3.1 Ղեկավար պաշտոն, որը Դուք պետք է զբաղեցնեք 1.1 կետում նշված կազմակերպությունում տնօրենների (դիտորդ) խորհրդի նախագահ (խորհրդի նախագահ) տնօրենների (դիտորդ) խորհրդի անդամ (խորհրդի անդամ) գործադիր տնօրեն (վարչության նախագահ, տնօրինության ղեկավար, գործադիր մարմնի ղեկավար) գործադիր տնօրենի (վարչության նախագահի) տեղակալ տնօրինության (վարչության, գործադիր մարմնի) անդամ գլխավոր հաշվապահ գլխավոր հաշվապահի տեղակալ ներքին աուդիտի ղեկավար ներքին աուդիտի անդամ բանկերի և վարկային կազմակերպությունների կողմից ներդրումային ծառայությունների մատուցման համար պատասխանատու ստորաբաժանման ղեկավար վերստուգիչ (վերստուգող) հանձնաժողովի նախագահ (ղեկավար) վերստուգիչ (վերստուգող) հանձնաժողովի նախագահի (ղեկավարի) տեղակալ վերստուգիչ (վերստուգող) հանձնաժողովի անդամ մասնաճյուղի կառավարիչ (տնօրեն) մասնաճյուղի գործադիր տնօրեն մասնաճյուղի գործադիր տնօրենի տեղակալ մասնաճյուղի գլխավոր հաշվապահ օպերատորի կարգապահական հանձնաժողովի նախագահ օպերատորի վերահսկող ծառայության ղեկավար օպերատորի վերահսկող ծառայության անդամ ապահովագրական բրոքերի գործառնություններ իրականացնող ֆիզիկական անձ բրոքեր կառավարիչ դիլեր խորհրդատու տեղաբաշխող պահառուի աշխատակից պատասխանատու ակտուար

3.2 Արդյո՞ ք նշանակված եք այդ պաշտոնում որպես ժամանակավոր պաշտոնակատար Ոչ, Այո, նշել նշանակման ամսաթիվը (օր/ամիս/տարի)

3.3 Մանրամասնորեն նկարագրեք Ձեր իրավասություններն ու պատասխանատվության ոլորտները որպես ղեկավար.

4. Կրթություն, որակավորում, աշխատանքային գործունեություն

4.1   Ուսումնական հաստատու- թյան անվանումը Գտնվելու վայրը Սովորելու ժամանակաշրջանը (-- թ-ից մինչև --թ.) Ֆակուլտետը Մասնագի-տությունը Գիտական աստիճանը

4.2 Ի՞նչ լեզուների եք տիրապետում հայերեն անգլերեն ռուսերեն այլ (նշել լեզուն)

4.3 Նշել վերջին 10 տարվա ընթացքում աշխատանքային գործունեության վերաբերյալ հետևյալ տվյալները.   Աշխատանքի ընդունման և ազատման ժամկետներ Կազմակեր-պության անվանում Գտնվելու վայր Հեռախո-սահամար Պաշտոնը Ազատման հիմքերը                                       Նշել միջանկյալ չաշխատած ժամանակահատվածներում ինչո՞վ եք զբաղվել   Չաշխատած ժամանակահատված Նկարագրություն

4.4 Նշեք Ձեզ անձամբ ճանաչող ֆինանսական համակարգում աշխատող կամ աշխատած անձանց վերաբերյալ տվյալներ (ներկայացման պահի դրությամբ), որոնք անհրաժեշտության դեպքում կարող են տրամադրել երաշխավորություն Ձեր անձի վերաբերյալ (եթե այդպիսիք կան)   Անուն, ազգանուն Աշխատանքի վայր Պաշտոն Բնակության վայր Հեռախոսահամար

5. Ղեկավարների վերաբերյալ տեղեկություններ

5.1 Արդյո՞ք Դուք օրենքով սահմանված կարգով ճանաչվել եք անգործունակ կամ սահմանափակ գործունակ Ոչ, Այո, ներկայացնել մանրամասներ

5.2 Արդյո՞ք Դուք ունեցել եք դատվածություն դիտավորությամբ կատարված հանցագործությունների համար Ոչ, Այո (ներկայացնել մանրամասներ, այդ թվում՝ դատվածությունը օրենքով սահմանված կարգով հանված կամ մարված լինելու վերաբերյալ)

5.3 Արդյո՞ք դատարանի կողմից Դուք զրկված եք ֆինանսական, ապահովագրական, բանկային, հարկային, մաքսային, առևտրային, տնտեսական, իրավական ոլորտներում պաշտոններ վարելու իրավունքից Ոչ, Այո, ներկայացնել մանրամասներ

5.4 Արդյո՞ք Դուք ճանաչվել եք սնանկ և ունեք չմարված (չներված) պարտավորություններ Ոչ, Այո, ներկայացնել մանրամասներ

5.5 Արդյո՞ք Դուք ՀՀ կամ այլ պետությունների իրավապահ մարմինների կողմից քրեական գործով ներգրավված եք որպես կասկածյալ, մեղադրյալ կամ ամբաստանյալ Ոչ, Այո, ներկայացնել մանրամասներ

5.6 Արդյո՞ք Դուք ՀՀ քրեական օրենսգրքով կամ այլ պետությունների քրեական օրենսդրությամբ նախատեսված հանցագործության համար ենթարկվել եք քրեական պատասխանատվության Ոչ, Այո, ներկայացնել մանրամասներ

Նախկինում կամ ներկայումս ֆինանսական կազմակերպության ղեկավար հանդիսացող անձինք պետք է պատասխանեն նաև 5.7-ից 5.10 կետերում նշված հարցերին: Նախկինում կամ ներկայումս ֆինանսական կազմակերպության նշանակալից մասնակից հանդիսացող անձինք պետք է պատասխանեն նաև 5.7 և 5.8 կետերում նշված հարցերին:

5.7 Արդյո՞ք ՀՀ տարածքում կամ այլ պետություններում գործող ֆինանսական կազմակերպություններում Ձեր պաշտոնավարման կամ գործունեության ընթացքում ֆինանսական կազմակերպությունը հայտարարվել է անվճարունակ կամ սնանկ, կամ Ձեր գործողությունների կամ անգործության հետևանքով ՀՀ տարածքում գործող ֆինանսական կազմակերպության ֆինանսական վիճակը, համաձայն ՀՀ կենտրոնական բանկի խորհրդի կողմից հաստատված չափանիշների, վատթարացել է: Ոչ, Այո, ներկայացնել մանրամասներ

5.8 Արդյո՞ք Հայաստանի Հանրապետությունում կամ օտարերկրյա պետությունում գրանցված ֆինանսական կազմակերպությունում Ձեր պաշտոնավարման ընթացքում Ձեր գործողությունների կամ անգործության հետևանքով տվյալ ֆինանսական կազմակերպությունը հայտարարվել է անվճարունակ կամ սնանկ: Ոչ Այո, ներկայացնել մանրամասներ

5.9 Արդյո՞ք Դուք, հանդիսանալով ֆինանսական կազմակերպության ղեկավար, Ձեր պաշտոնավարման ընթացքում Ձեր նկատմամբ 1 տարվա ընթացքում 3 և ավելի անգամ որպես պատասխանատվության միջոց կիրառվել է տուգանք Ոչ, Այո, ներկայացնել մանրամասներ

5.10 Արդյո՞ք Դուք զրկվել եք որակավորման վկայականից 1.2 կետում նշված ֆինանսական կազմակերպության գործունեությունը կարգավորող համապատասխան օրենքով սահմանված կարգով և հիմքերով Ոչ, Այո, ներկայացնել մանրամասներ (այդ թվում՝ որակավորման վկայականից զրկվելու հիմքերը)

6. Նշանակալից մասնակցություն և փոխկապակցվածություն Սույն կետում հաշվետու թողարկողներին վերաբերող դրույթները լրացվում են միայն ներդրումային ծառայություններ մատուցող անձանց, կարգավորվող շուկայի օպերատորի, Կենտրոնական դեպոզիտարիայի ղեկավարների, ինչպես նաև ներդրումային ծառայություններ մատուցող ֆիզիկական անձանց կողմից

6.1 Նշեք այն ֆինանսական կազմակերպությունները, ինչպես նաև ոչ ֆինանսական կազմակերպություն հանդիսացող հաշվետու թողարկող ընկերությունները, որոնց կանոնադրական հիմնադրամում (կապիտալում) ունեք կամ վերջին 5 տարվա ընթացքում ունեցել եք նշանակալից մասնակցություն Մասնակցությունները նշել սկսած ներկայումս առկա ամենախոշորներից    Ֆինանսական կազմակերպության (ոչ ֆինանսական կազմակերպություն հանդիսացող հաշվետու թողարկողի) անվանումը Ժամանակահատվածը (նախկինում ունեցած մասնակցության համար նշել նշանակալից մասնակից լինելու ժամանակահատվածը) Մաս-նակցու-թյան չափը (%) Բաժնե-տոմսերի քանակը Ընդհանուր գումարը (դրամով)

6.2 Իրազեկ լինելու դեպքում նշեք այն ֆինանսական կազմակերպությունները, ինչպես նաև ոչ ֆինանսական կազմակերպություն հանդիսացող հաշվետու թողարկող ընկերությունները, որոնց կանոնադրական հիմնադրամում (կապիտալում) Ձեզ հետ փոխկապակցված անձինք ունեն կամ վերջին 5 տարվա ընթացքում ունեցել են նշանակալից մասնակցություն Մասնակցությունները նշել սկսած ներկայումս առկա ամենախոշորներից   Ֆինանսական կազմակերպության (ոչ ֆինանսական կազմակերպություն հանդիսացող հաշվետու թողարկողի) անվանումը Ժամանակահատվածը (նախկինում ունեցած մաս-նակցության համար նշել նշանակալից մասնակից լինելու ժամանակահատվածը) Մաս-նակցու-թյան չափը (%) Բաժնե-տոմսերի քանակը Ընդհանուր գումարը (դրամով)

6.3 Նշեք Ձեզ հետ փոխկապակցված՝ ֆինանսական համակարգում, ինչպես նաև հաշվետու թողարկող ընկերություններում աշխատող կամ աշխատած անձանց վերաբերյալ հետևյալ տվյալները (եթե այդպիսիք կան) Փոխկապակցվածությունը պետք է դիտարկվի 1.2 կետում նշված ֆինանսական կազմակերպության գործունեությունը կարգավորող համապատասխան օրենքի, հաշվետու թողարկողների դեպքում` «Արժեթղթերի շուկայի մասին» Հայաստանի Հանրապետության օրենքի համաձայն: Սույն կանոնակարգի իմաստով միևնույն ընտանիքի անդամ են համարվում ծնողները, ամուսինը և երեխաները:   Անուն, ազգանուն Ժամանակահատված (նախկինում ֆինանսական համակարգում (հաշվետու թողարկող ընկերություններում) աշխատած անձանց համար նշել համապատասխան ֆինանսական կազմակերպությունում (հաշվետու թողարկող ընկերություններում) աշխատելու ժամանակահատվածը Անձ-նագրի համար Փոխ-կապակց-վածու-թյան ձև Աշխա-տանքի վայր Պաշտոն Հեռախո-սահամար

7. Դրամային (կամ այլ) պարտավորություններ

7.1 Արդյո՞ք Դուք (կամ Ձեզ հետ փոխկապակցված անձինք) ունեք դրամային (կամ այլ) պարտավորություններ այն ֆինանսական կազմակերպության նկատմամբ, որի ղեկավար պետք է հանդիսանաք Ոչ, Այո, ներկայացնել մանրամասներ (գումար, ժամկետ, այլ)

7.2 Արդյո՞ք Դուք (կամ Ձեզ հետ փոխկապակցված անձինք) ունեք կամ ունեցել եք ՀՀ տարածքում գործող ֆինանսական կազմակերպությունների հանդեպ ժամկետանց պարտավորություններ Ոչ, Այո, ներկայացնել մանրամասներ (ֆինանսական կազմակերպության անվանումը, գումար, ժամկետ, այլ)

8. Այլ տեղեկատվություն

8.1 Այս մասում նշվում է Ձեզ հետ փոխկապակցված ֆիզիկական անձանց վերաբերյալ հետևյալ տվյալները (բացառությամբ 6.3 կետում նշված անձանց)   Անուն, ազգանուն Անձնագրի համար Փոխկա-պակցվա-ծության ձև Աշխատանքի վայր Պաշտոն Բնակության վայր Հեռախո-սահամար

8.2 Նշեք Ձեզ հետ փոխկապակցված իրավաբանական անձանց վերաբերյալ հետևյալ տվյալները.   Կազմակեր- պության անվանում Գտնվելու վայր Փոխկապակց- վածության ձև Հեռախոսա- համար

9. Ձեր կարծիքով արդյո՞ք առկա են այլ կարևոր տեղեկություններ, որոնք կցանկանայիք նշել Ոչ, Այո, ներկայացնել մանրամասները

10. Այլ փաստաթղթեր

10.1 Այս կետը լրացվում է միայն բանկի խորհրդի անդամների կողմից. Ծանոթացել եմ «Խորհրդի անդամների գործունեության ուղեցույց» փաստաթղթի հետ Այո Ոչ

11. Հավաստիացնում եմ, որ սույն փաստաթղթում պարունակվող տեղեկատվությունը արժանահավատ է և ամբողջական   Գրանցման ներկայացված ղեկավարի ստորագրություն ---------------------------

12. Ֆինանսական կազմակերպության կառավարման մարմնի կողմից լիազորված անձի ստորագրություն և կազմակերպության կնիք (առկայության դեպքում)   Ֆինանսական կազմակերպության կառավարման մարմնի կողմից լիազորված անձի անուն, ազգանուն  ---------------------------- Ամսաթիվ (օր/ ամիս/տարի)  ---------------------------- Ստորագրություն  ---------------------------- Ֆինանսական կազմակերպության կնիք ----------------------------

(Ենթահավելվածը խմբ. 21.11.06 N 692-Ն, 01.07.08 թիվ 189-Ն, խմբ. 10.03.09 թիվ 55-Ն, լրաց. 22.09.09 թիվ 276-Ն)

Հավելված 1-ի Ենթահավելված 5

ԲԱՆԿԻ ԳՐԱՆՑՄԱՆ ԴԻՄՈՒՄԻ ՁԵՎ

Հայաստանի Հանրապետության Կենտրոնական բանկի նախագահ պարոն _______________

Դ Ի Մ ՈՒ Մ

Հարգելի պարոն ________________

 

Մենք՝ _____________________________________________________

բանկի անվանումը և կազմակերպական-իրավական տեսակը

 

նախաձեռնող ներքոստորագրյալներս, _________________________ստացել ենք բանկային

օր/ամիս/տարի

գործունեության լիցենզիայի նախնական հավանությունը:

Համաձայն Հայաստանի Հանրապետության օրենքների և այլ իրավական ակտերի՝ կից ներկայացնում ենք բանկի գրանցման համար անհրաժեշտ փաստաթղթերը (ցանկը և փաստաթղթերը ____ էջ):

Մենք՝ ներքոստորագրյալներս, հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը:

Հավաստիացնում ենք, որ տեղեկատվությունը արժանահավատ է ու ամբողջական, և գիտակցում ենք, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական, վարչական և կարգապահական պատասխանատվության:

Խնդրում ենք գրանցել բանկը:

 

Բանկի ստեղծման նախաձեռնող անձինք՝

 

Ստորագրություն	Անուն, ազգանուն	Անձնագրի սերիան, ում կողմից և երբ է տրված, առկայության դեպքում նաև սոցիալական քարտի համարը
_________________	_________________	_________________
_________________	_________________	_________________
_________________	_________________	_________________
	_____  _________________ 200  թ.

Հավելված 1-ի Ենթահավելված 6

ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ ԳՐԱՆՑՄԱՆ ԴԻՄՈՒՄԻ ՁԵՎ

Հայաստանի Հանրապետության Կենտրոնական բանկի նախագահ պարոն _______________

Դ Ի Մ ՈՒ Մ

Հարգելի պարոն ________________

 

____________________________________ օտարերկրյա բանկի անվանումը

բանկը

______________________ օր/ամիս/տարի

 

ստացել է Հայաստանի Հանրապետության տարածքում մասնաճյուղ հիմնադրելու համար բանկային գործունեության լիցենզիայի նախնական հավանություն:

Համաձայն Հայաստանի Հանրապետության օրենքների և այլ իրավական ակտերի՝ կից ներկայացնում ենք բանկի մասնաճյուղի գրանցման համար անհրաժեշտ փաստաթղթերը (ցանկը և փաստաթղթերը էջ):

Հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը:

Հավաստիացնում ենք, որ տեղեկատվությունը արժանահավատ է ու ամբողջական, և գիտակցում ենք, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական, վարչական և կարգապահական պատասխանատվության:

Խնդրում ենք գրանցել բանկի մասնաճյուղը:

 

Օտարերկրյա բանկի իրավասու անձի անունը, ազգանունը, ստորագրությունը   

_________________________________	________________
	____ ______________ 20  թ.

Հավելված 1-ի Ենթահավելված 7

 

Տ Ե Ղ Ե Կ Ա Ն Ք

 

Բանկի կանոնադրական հիմնադրամում նշանակալից մասնակցություն ձեռք բերող իրավաբանական անձի վերաբերյալ

 

1. Իրավաբանական անձ-մասնակցի (կազմակերպության) տվյալներ

1.1. Անվանումը ____________________________________________________ 1.2. Գտնվելու վայրը   1.3. Գրացման ամսաթիվը ______________ օր/ամիս/տարի վայրը _________________ 1.4. Բանկի անվանումը, որտեղ մասնակիցը ակնկալում է ձեռք բերել նշանակալից մասնակցություն. ____________________________________________________

2. Ձեռքբերման ենթակա բաժնետոմսեր (փայեր)

2.1. Բաժնետոմսերի (փայերի) ընդհանուր թիվը ___________ գումար _________ %                այդ թվում՝ ձայնի իրավունք տվող ___________ գումար _________ % 2.2. Յուրաքանչյուր բաժնետոմսի (փայի) ձեռքբերման գինը _________ 2.3. Բաժնետոմսի (փայի) ընթացիկ  շուկայական արժեքը _________

3. Մասնակցության ձեռքբերման ժամկետները և պայմանները, ներդրման աղբյուրները (սեփական, փոխառու)

3.1. Նշեք մասնակցության ձեռքբերման ժամկետները և պայմանները.   3.2. Նշել ներդրման աղբյուրները (սեփական, փոխառու)՝   Եթե ներդրումը կատարվում է փոխառության կամ վարկի ստացմամբ, լրացնել 3.3. կետը

3.3. Փոխառության կամ վարկի ստացմամբ կատարվող ներդրումների համար նշել՝ ա) Վարկ/փոխառություն տրամադրողի անունը/անվանումը ________________________ բ) Գտնվելու/բնակության վայրը     գ) Վարկի/ փոխառության   դ) Գրավի   գումարը ________________ առարկան ________________________ ե) Վարկի/ փոխառության ստացման պայմանները և ժամկետները   զ) Ի՞նչ աղբյուրներից վարկը/փոխառությունը պետք է մարվի _________________________

3.4. Եթե նշանակալից մասնակցությունը ձեռք է բերվում այլ մասնակցից անմիջականորոն (ոչ թե կարգավորող շուկայի միջոցով), ապա նշել.   Վաճառողի/փոխանցողի անունը (անվանումը)   Վաճառքի/փոխանցման ենթակա բաժնետոմսերի քանակը   Վաճառքի/փոխանցման ենթակա բաժնետոմսերի/ մասնակցության չափը  (%) 1.     2.

4. Տեղեկություններ այլ անձանց կանոնադրական հիմնադրամում մասնակցությունների վերաբերյալ.

4.1. Ձայնի իրավունք տվող բաժնետոմսերի 10 և ավելի տոկոս մասնակցության համար՝

Կազմակերպության անվանումը   Գտնվելու վայրը   Մասնակցության չափը (դրամով)   Մասնակցության չափը (%) 1.       2.               Սույն կետում նշված անձանց համար լրացնել սույն կանոնակարգի ենթահավելված 20-ը:

4.2. Այլ մասնակցության համար՝

Կազմակերպության անվանումը   Գտնվելու վայրը   Բաժնետոմսերի քանակը   Անվանական արժեքը (դրամով) 1.       2.                                             5. Տեղեկություններ կազմակերպության ղեկավարների (խորհրդի նախագահ, խորհրդի անդամ, գործադիր տնօրեն և գլխավոր հաշվապահի) վերաբերյալ ԿԲ կողմից կարող է լրացուցիչ պահանջվել, որ կազմակերպության ղեկավարների համար լրացվի նաև ենթահավելված 4-ը (բանկի նշանակալից մասնակից հանդիսացող իրավաբանական անձի գործադիր տնօրենի և գլխավոր հաշվապահի համար ենթահավելված 4-ը պարտադիր է)

Անունը, ազգանունը, անձնագրի համարը   Պաշտոնը   Կազմակերպությունում աշխատելու տարիները (որոնցից՝ նշված պաշտոնում) 1.     2.                                 6. Տեղեկություններ փոխկապակցված անձանց վերաբերյալ   Փոխկապակցվածությունը պետք է դիտարկվի «Բանկերի և բանկային գործունեության մասին» ՀՀ օրենքի 8-րդ հոդվածի համաձայն:   Եթե մեկնաբանությունների համար տեղը բավարար չէ, օգտագործեք լրացուցիչ թերթեր

Կազմակերպության անվանումը, անձի անունը, անձնագրի համարը,   Գտնվելու (բնակության վայրը)   Փոխկապակցվածության տեսակը 1.     2.

7. Այլ տեղեկատվություն

7.1. Արդյո՞ք կազմակերպությունն ունի 30 օր ժամկետանց/չմարված պարտականություններ: «Այո» պատասխանի դեպքում ներկայացնել մանրամասները:  Այո c   Ոչ c

7.2. Արդյո՞ք կազմակերպության մոտ բացակայում են «Բանկերի և բանկային գործունեության մասին» Հայաստանի Հանրապետության օրենքի 18-րդ հոդվածի 2-րդ մասի, «Փողերի լվացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքի, ինչպես նաև դրանց հիման վրա ընդունված նորմատիվ իրավական ակտերով սահմանված հիմքերը:   «Ոչ» պատասխանի դեպքում ներկայացնել մանրամասները:  Այո c   Ոչ c

7.3. Այլ` Ձեր կարծիքով կարևոր տեղեկատվություն

8. Հավաստիացնում եմ, որ սույն փաստաթղթում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական  և վարչական պատասխանատվության: Ես համաձայն եմ՝ իմ կողմից ներկայացված վերոնշյալ տեղեկատվության որևիցե փոփոխության դեպքում տեղեկացնել Կենտրոնական բանկին: Տնօրենի անունը, ազգանունը  __________________________________________ Ստորագրություն ___________________ Ամսաթիվ ___________________ օր/ամիս/տարի Կ. Տ.

 

(Հավելված 7-ը խմբ. 06.06.06 N 237-Ն, 01.07.08 թիվ 189-Ն)

Հավելված 1-ի Ենթահավելված 8

 

Տ Ե Ղ Ե Կ Ա Ն Ք

բանկի կանոնադրական հիմնադրամում նշանակալից մասնակցություն ձեռք բերող ֆիզիկական անձի վերաբերյալ

1. Ֆիզիկական անձ- մասնակցի տվյալներ

1.1. Անունը, ազգանունը, հայրանունը _______________________________ 1.2. Սեռը    _________ 1.3. Ծննդյան տարեթիվը, ամիսը, ամսաթիվը ____________ օր/ամիս/տարի 1.4. Ծննդավայրը __________________________________________________ 1.5. Քաղաքացիությունը __________________________________________________ 1.6. Անձնագրի սերիան և համարը ___  _______________ _____________ Սոցիալական քարտի համարը (³éϳÛáõÃÛ³Ý ¹»åùáõÙ) _______________ _____________ 1.7. Բնակության վայրը (մշտական և բնակության տվյալ պահին)   1.8. Հեռախոսահամար ___________ 1.9. Էլեկտրոնային փոստի հասցե _________ 1.10. Նշեք նախկինում Ձեր ունեցած մյուս բոլոր անունները, դրանք կրելու  ժամանակաշրջանը. _________________________________ Անունը, ազգանունը, հայրանունը   _________________________________ Կրելու ժամանակաշրջանը _____________ օր/ամիս/տարի   _________   1.11. Բանկի անվանումը, որտեղ մասնակիցը ակնկալում է ձեռք բերել նշանակալից մասնակցություն. ________________________________________________________

2. Ձեռքբերման ենթակա բաժնետոմսեր (փայեր)

2.1. Բաժնետոմսերի (փայերի) ընդհանուր թիվը ___________ գումար _________ %                այդ թվում՝ ձայնի իրավունք տվող ___________ գումար _________ % 2.2. Յուրաքանչյուր բաժնետոմսի (փայի) վաճառքի գինը _________ 2.3. Բաժնետոմսի (փայի) ընթացիկ հաշվեկշռային արժեքը _________

3. Մասնակցության ձեռքբերման ժամկետները և պայմանները, ներդրման աղբյուրները

3.1. Նշեք մասնակցության ձեռքբերման ժամկետները և պայմանները.   3.2. Նշել ներդրման աղբյուրները (սեփական, փոխառու)՝ Եթե ներդրումը կատարվում է փոխառության կամ վարկի ստացմամբ, լրացնել 3.3. կետը

3.3. Փոխառության կամ վարկի ստացմամբ կատարվող ներդրումների համար նշել՝   ա) Վարկ/փոխառություն տրամադրողի անուն/ անվանումը _______________________________ բ) Գտնվելու/բնակության վայրը     գ) Վարկի/ փոխառության   դ) Գրավի   գումարը ________________ առարկան ________________________ ե) Վարկի/փոխառության ստացման պայմանները և ժամկետները     զ) Ի՞նչ աղբյուրներից վարկը/փոխառությունը պետք է մարվի

3.4. Եթե նշանակալից մասնակցությունը ձեռք է բերվում այլ մասնակցից անմիջականորեն (ոչ թե կարգավորող շուկայի միջոցով), ապա նշել. Վաճառողի/փոխանցողի անունը (անվանումը)   Վաճառքի/փոխանցման ենթակա բաժնետոմսերի քանակը   Վաճառքի/փոխանցման ենթակա բաժնետոմսերի/ մասնակցության չափը (%) 1.     2.                                       4. Տեղեկություններ այլ անձանց կանոնադրական հիմնադրամում մասնակցությունների վերաբերյալ

4.1. Ձայնի իրավունք տվող բաժնետոմսերի 10 և ավելի տոկոս մասնակցության համար՝

Կազմակերպության անվանումը   Գտնվելու վայրը   Մասնակցության չափը (դրամով)   Մասնակցության չափը (%) 1.       2.

4.2. Այլ մասնակցության համար՝

Կազմակերպության անվանումը   Գտնվելու վայրը   Բաժնետոմսերի քանակը   Անվանական արժեքը (դրամով) 1.       2.

5. Կրթություն, որակավորում

5.1. Ուսումնական հաստատության անվանումը   Գտնվելու վայրը   Հաճախումների ժամանակաշրջանը (___թ-ից մինչև ___թ.)   Գիտական աստիճան

5.2. Ի՞նչ օտար լեզուների եք տիրապետում ______________________________________

6. Աշխատանքային գործունեություն   5-րդ և 6-րդ կետերը լրացնելու փոխարեն թեկնածուն կարող է ներկայացնել ինքնակենսագրությունը (տպագիր և հայերեն), որտեղ նվազագույնս պետք է ներկայացվի սույն կետերով սահմանված տեղեկատվությունը

6.1. Աշխատանքային գործունեությունը

Կազմակերպության անվանումը, գտնվելու վայրը, հեռախոսը, երաշխավորողի անունը Աշխատանքի ընդունման և ազատման ժամկետները Պաշտոնը Պարտականությունները

6.2. Նշեք Ձեզ անձամբ ճանաչող` ֆինանսաբանկային համակարգում աշխատող կամ աշխատած անձանց վերաբերյալ տվյալները, որոնք, անհրաժեշտության դեպքում, կարող են տրամադրել երաշխավորություն Ձեր անձի վերաբերյալ (եթե այդպիսիք կան).

Անուն, ազգանուն   Աշխատանքի վայրը, պաշտոնը   Հեռախոսը 1.     2.

7. Մանրամասնորեն նկարագրեք Ձեր պատասխանատվության ոլորտը որպես բանկի մասնակից   Եթե մեկնաբանությունների համար տեղը բավարար չէ, օգտագործեք լրացուցիչ թերթեր

8. Տեղեկություններ փոխկապակցված անձանց վերաբերյալ   Փոխկապակցվածությունը պետք է դիտարկվի «Բանկերի և բանկային գործունեության մասին» ՀՀ օրենքի 8-րդ հոդվածի համաձայն   Եթե մեկնաբանությունների համար տեղը բավարար չէ, օգտագործեք լրացուցիչ թերթեր

Կազմակերպության անվանումը, անձի անունը, ազգանունը, անձնագրի համարը,   Գտնվելու (բնակության վայրը)   Փոխկապակցվածության տեսակը

9.1. Արդյո՞ք Դուք (կամ Ձեզ հետ փոխկապակցված անձինք) ունեք դրամային (կամ այլ) պարտավորություններ այն բանկի նկատմամբ, որի կանոնադրական հիմնադրամում մտադիր եք ձեռք բերել նշանակալից մասնակցություն: «Այո» պատասխանի դեպքում ներկայացնել մանրամասները (գումար, ժամկետ, այլ)  Այո c   Ոչ c

9. Արդյո՞ք Դուք (կամ Ձեր հետ փոխկապակցված անձը) ունեք կամ ունեցել եք ՀՀ տարածքում գործող բանկի կամ վարկային կազմակերպության հանդեպ ժամկետանց պարտավորություններ:  Այո c   Ոչ c  «Այո» պատասխանի դեպքում ներկայացնել մանրամասնությունները (գումար, ժամկետ, այլ)

10. Այլ տեղեկատվություն

10.1. Արդյո՞ք Ձեզ մոտ բացակայում են «Բանկերի և բանկային գործունեության մասին» Հայաստանի Հանրապետության օրենքի 18-րդ հոդվածի 2-րդ մասի, «Փողերի լվացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքի, ինչպես նաև դրանց հիման վրա ընդունված նորմատիվ իրավական ակտերով սահմանված հիմքերը:   «Ոչ» պատասխանի դեպքում ներկայացնել մանրամասները:  Այո c   Ոչ c

10.2. Այլ` Ձեր կարծիքով կարևոր տեղեկատվություն

11. Հավաստիացնում եմ, որ սույն փաստաթղթում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական և վարչական պատասխանատվության:   Ես համաձայն եմ՝ իմ կողմից ներկայացված վերոնշյալ տեղեկատվության որևիցե փոփոխության դեպքում տեղեկացնել Կենտրոնական բանկին:   Ստորագրություն ___________________ Ամսաթիվ ___________________ օր/ամիս/տարի

(Հավելված 8-ը խմբ. 06.06.06 N 237-Ն, 01.07.08 թիվ 189-Ն)

Հավելված 1-ի Ենթահավելված 9

ՀՀ զինանշան           ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ               ԲԱՆԿԻ ԳՐԱՆՑՄԱՆ ՎԿԱՅԱԿԱՆ                   Ք. ԵՐԵՎԱՆ

Գրանցված է ՀՀ կենտրոնական բանկի նախագահի ___ թվականի թիվ ____որոշմամբ   ԳՐԱՆՑՄԱՆ ՎԿԱՅԱԿԱՆ թիվ ___   Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների՝ սույն վկայականը տրվում է   _________________________________ բանկին (անվանումը, կազմակերպական-իրավական տեսակը)   ______________________________ (բանկի հասցեն)   Գրանցման համարը ________________   Գրանցման ամսաթիվ, ամիս, տարեթիվ ____ _____   Հայաստանի Հանրապետության կենտրոնական բանկի նախագահ _______________   ___ ______________ 200  թ.   Կ.Տ.

Հավելված 1-ի Ենթահավելված 10

ՀՀ զինանշան           ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ               ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ ԳՐԱՆՑՄԱՆ ՎԿԱՅԱԿԱՆ                   Ք. ԵՐԵՎԱՆ

Գրանցված է ՀՀ կենտրոնական բանկի նախագահի ___ թվականի թիվ ____որոշմամբ   ԳՐԱՆՑՄԱՆ ՎԿԱՅԱԿԱՆ թիվ ___   Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների՝ սույն վկայականը տրվում է   ___________________________ օտարերկրյա բանկին (անվանումը, կազմակերպական-իրավական տեսակը) _______________________________ մասնաճյուղ: (օտարերկրյա բանկի մասնաճյուղի հասցեն)   Գրանցման համարը _________________   Գրանցման ամսաթիվ, ամիս, տարեթիվ _____ _____     Հայաստանի Հանրապետության կենտրոնական բանկի նախագահ _______________   ___ ______________ 200  թ.   Կ.Տ.

Հավելված 1-ի Ենթահավելված 11

Բանկի մասնաճյուղի գործունեության տնտեսական ծրագրի ձեվ

Բաժին 1. Ընդհանուր դրույթներ

Բաժին 2. Նախատեսվող ֆինանսական գործառնությունները և գործունեության հիմնական ուղղությունները

Բաժին 3. Նպատակային շուկաների նկարագրություն, մրցունակություն

Բաժին 4. Մասնաճյուղի ներքին կազմակերպական կառուցվածք

Բաժին 5. Բանկի կողմից տնտեսական ծրագրի իրականացման նկատմամբ հսկողության սահմանում

Բաժին 6. Այլ դրույթներ

Ենթահավելվածներ և անհրաժեշտ կից տեղեկատվություն:

 

1. Ընդհանուր դրույթներ

 

Բանկի մասնաճյուղի գործունեության տնտեսական ծրագիրը կոնկրետ հաշվարկներով, վերլուծություններով և ելակետային տվյալներով հիմնավորված, ծրագրի ներկայացմանը հաջորդող երկու լրիվ ֆինանսական տարիների համար կազմված, տնտեսական գործունեությունը և ներքին կազմակերպական կառուցվածքը նկարագրող և հիմնավորող փաստաթուղթ է:

Բանկի մասնաճյուղի գործունեության տնտեսական ծրագիրը հաստատվում է հիմնադիր բանկի իրավասու մարմնի կողմից:

Բանկի մասնաճյուղի գործունեության տնտեսական ծրագրի ընդհանուր դրույթներում պետք է նշվեն՝

1. ստեղծվող մասնաճյուղի անվանումը և գտնվելու վայրը,

2. հիմնադիր բանկի կողմից նոր մասնաճյուղի ստեղծման նախադրյալները, նպատակները,

3. այն շուկաների նկարագիրը, որոնցում մասնաճյուղը պատրաստվում է ծավալել իր գործունեությունը,

4. տեղեկություններ մասնաճյուղին տարածք տրամադրելու և նրա տեխնիկական հագեցվածության մասին,

5. մասնաճյուղի առաջարկվող ղեկավարների ցանկը:

 

2. Նախատեսվող ֆինանսական գործառնությունները եվ գործունեության հիմնական ուղղությունները

1. մասնաճյուղի գործունեության հիմնական ուղղությունները, նախատեսվող ֆինանսական գործառնությունների ցանկը և դրանց համառոտ նկարագիրը,

2. մասնաճյուղի կողմից ֆինանսական շուկայում նոր տիպի ծառայությունների ներդրումը,

3. մասնաճյուղի պոտենցիալ հաճախորդների բնութագիրը և ենթադրվող թիվը, խոշոր հաճախորդների անունները, սպասարկման տարածքը,

4. մասնաճյուղի զարգացման հեռանկարները:

 

3. Նպատակային շուկաների նկարագրություն, մրցունակություն

 

Կանխատեսվող շուկաների վերլուծությունը պետք է հիմնված լինի թվային շարքերի և այլ փաստացի ցուցանիշների վրա: Տեղեկատվության աղբյուրները, տնտեսական, մրցակցային և այլ բնույթի ենթադրությունների և կանխատեսումների հիմքերը և նախապայմանները նույնպես պետք է նշվեն ծրագրում:

1. Նկարագրել միջոցների ներգրավման հիմնական գործիքները (ավանդներ, դեպոզիտներ և այլն), տալ դրանց բնութագիրը (հնարավորության դեպքում՝ ըստ միջին մեծության և ժամկետայնության), գնահատել մասնաճյուղի մրցունակությունը իր սպասարկման տարածքում՝ միջոցների ներգրավման տեսանկյունից,

2. նկարագրել միջոցների տեղաբաշխման նախատեսվող ուղիները, գործառնությունների տեսակները (ներդրումներ արժեթղթերում, տարբեր տեսակի վարկավորում և այլն), տալ դրանց բնութագիրը, միջոցների տեղաբաշխման պայմանները, գնահատել մասնաճյուղի մրցունակությունը միջոցների տեղաբաշխման տեսանկյունից,

3. նկարագրել մասնաճյուղի վարկավորման ծրագրերը,

4. նկարագրել ակտիվների ու պասիվների կազմը և կառուցվածքը առաջիկա երկու ֆինանսական տարվա կտրվածքով, հիմնական միջոցների, եկամտաբեր ակտիվների տեսակարար կշիռը,

5. նկարագրել մասնաճյուղը գովազդելուն ուղղված միջոցառումները (գովազդելու հաճախականությունը, տեսակները և այլն), անհրաժեշտ մարկետինգային ծախսերը,

6. նկարագրել այն տարածքը/շուկաները, որոնցում մասնաճյուղը պատրաստվում է ծավալել իր գործունեությունը, մասնավորապես.

7. սպասարկման տարածքում բնակչության խտությունը, նոր բնակելի, առևտրային կամ մշակութային օբյեկտների կառուցումը, մասնաճյուղի հասանելիություն,

8. մասնաճյուղի գործարար ակտիվության կանխատեսումը, դրա որակական և քանակական գնահատումը,

9. մասնաճյուղի կողմից շուկայում նոր տիպի գործիքների կիրառման, ծառայությունների ներդրման հնարավորությունները,

10. համեմատել նպատակային շուկայում մասնաճյուղի ապրանքային ռազմավարությունը, այդ շուկայում մասնաճյուղի հիմնական մրցակիցների հետ,

11. նկարագրել մասնաճյուղի հիմնական մրցակիցների նկատմամբ մասնաճյուղի հարաբերական առավելությունը և թերությունները (օրինակ՝ սպասարկման որակ, մատուցվող ծառայությունների ցանկ և այլն), հիմնավորել մասնաճյուղի մրցունակությունը,

12. նկարագրել մրցակցությանը դիմակայելու մեթոդները,

13. նկարագրել նպատակային շուկայում մասնաճյուղի պոտենցիալ մրցակիցներին:

 

4. Մասնաճյուղի ներքին կազմակերպական կառուցվածք

 

1. ներկայացնել մասնաճյուղի ներքին կազմակերպական կառուցվածքը, ստորաբաժանումների և ծառայությունների անվանումներն ու հիմնական ֆունկցիաները, դրանց միջև փոխհարաբերությունները, մասնաճյուղի աշխատակիցների քանակը,

2. մասնաճյուղի ղեկավարների (կառավարիչ, գլխավոր հաշվապահ) իրավունքներն ու պարտականությունները,

3. նշել մասնաճյուղի ղեկավարների և այլ աշխատակիցների աշխատավարձերը՝ ըստ հաստիքների,

4. նկարագրել մասնաճյուղի ներքին հսկողության համակարգը,

5. նկարագրել տեխնիկական վերազինման, բանկային տեխնոլոգիաների ներդրման միջոցառումների ծրագիրը,

6. նկարագրել բանկի գլխամասի և մասնաճյուղի միջև տեղեկատվական հոսքերը՝ հաշվետվական համակարգը ներառյալ,

7. նկարագրել մասնաճյուղերում ներքին աուդիտի իրականացման հաճախականությունը և շրջանակները,

8. նկարագրել այն բոլոր ընթացակարգերը և միջոցառումները, որոնք ուղղված են ապահովելու մասնաճյուղի գործունեության համապատասխանեցումը ՀՀ օրենքների, այլ իրավական ակտերի, ինչպես նաև բանկի (կամ օտարերկրյա բանկի մասնաճյուղի) գործունեությունը կարգավորող ներքին ակտերի (քաղաքականություն, կարգեր և այլ) պահանջներին,

9. նկարագրել մասնաճյուղի հաճախորդների բողոքներին արձագանքելու միջոցառումները:

 

5. Բանկի կողմից տնտեսական ծրագրի իրականացման նկատմամբ հսկողության սահմանում

 

1. նկարագրել բանկի կողմից տնտեսական ծրագրի իրագործմանն հետևելու գործընթացը,

2. նկարագրել խորհրդի կողմից տնտեսական ծրագրում փոփոխություններ կատարելու կարգը:

 

6. Այլ դրույթներ

 

1. Մասնաճյուղի տնտեսական ծրագիրը պետք է վերանայվի միջավայրի փոփոխություններին համարժեք:

2. Տեղեկություններ, որոնց վերաբերյալ սույն կանոնակարգով պահանջվող ձևեր սահմանված չեն, կարող են ներկայացվել ազատ ոճով:

3. Խրախուսվում է, որպեսզի բանկերը ֆինանսական ծրագրավորման ժամանակ, հիմնական կանխատեսումները իրականացնելիս կիրառեն նաև ստրես տեստեր:

4. Մասնաճյուղի գրանցման պահի դրությամբ բանկի գործունեության համար անհրաժեշտ ձեռք բերված կամ վարձակալված տարածքի և տեխնիկական հագեցվածության նկարագրություն:

5. Տնտեսական ծրագիրը կարող է պարունակել նաև այնպիսի տեղեկություն, որը չի պահանջվում սույն կանոնակարգով, սակայն կարևորվում է նախաձեռնող անձանց կողմից:

 

Ենթահավելվածներ և անհրաժեշտ կից տեղեկատվություն

 

Տնտեսական ծրագրին կցվում են.

- հաշվեկշռի նախագիծը գործունեության առաջին երկու ֆինանսական տարվա համար (ձև 1),

- եկամուտների և ծախսերի կանխատեսումներն առաջին 2 տարվա համար (ձև 2),

- մասնաճյուղի ղեկավարների առաջարկվող թեկնածուների ցուցակը, կրճատ կենսագրական տվյալներ,

- հայտարարագրեր մասնաճյուղի ղեկավարների և նրանց հետ փոխկապակցված անձանց ստանձնած բոլոր ֆինանսական և գույքային պարտավորությունների, այդ թվում՝ ժամկետանց և վերաձևակերպված պարտավորությունների վերաբերյալ:

Ձև 1

ՀԱՇՎԵԿՇՌԻ ՀԱՇՎԱՐԿԱՅԻՆ ՆԱԽԱԳԾԵՐ
(կանխատեսումներ)

(հազ. դրամ)

	Առաջիկա տարիներ
ԱԿՏԻՎՆԵՐ	1-ին	2-րդ	3-րդ
Կանխիկ դրամական  միջոցներ
Հաշվարկներ բանկի և իր մասնաճյուղերի միջև
Առևտրական նպատակներով պահվող ֆինանսական ակտիվներ
Պահանջներ բանկերի և այլ ֆին. կազմակերպությունների նկատմամբ
Վաճառքի համար մատչելի ֆինանսական ակտիվներ
Հաճախորդներին տրված վարկեր և այլ փոխատվություններ
Այլ գործառնությունների գծով ստացվելիք գումարներ, այդ թվում՝
Դեբիտորական պարտքեր և կանխավճարներ
Մինչև մարման ժամկետը  պահվող  ներդրումներ
Հիմնական միջոցներ (հանած մաշվածքը)
Ոչ նյութական ակտիվներ (հանած  մաշվածքը)
Այլ ակտիվներ
Ընդամենը՝ ակտիվներ
ՊԱՍԻՎՆԵՐ
Բանկերից ներգրաված ավանդներ և  ստացված վարկեր
Հաշվարկներ բանկի և իր մասնաճյուղերի միջև
Պարտավորություններ այլ ավանդատուների նկատմամբ
Կրեդիտորական պարտքեր և տարանցիկ հաշիվներ
Պահուստներ
Այլ պարտավորություններ
Եկամուտների պահուստներ
Վերագնահատման պահուստներ
Այլ պահուստներ
Ընդամենը՝ պասիվներ

Ձև 2

Եկամուտների եվ ծախսերի նախահաշվարկներ
(կանխատեսումներ)

(հազ. դրամ)

		Առաջիկա տարիներ
		1-ին	2-րդ	3-րդ
1.	Տոկոսային եկամուտներ	x	x	x
1.1.	Բանկերում և այլ ֆինանսավարկային կազմակերպություններում տեղաբաշխված միջոցներից ստացված տոկոսներ
1.2.	Տեղաբաշխված վարկերից ստացված տոկոսներ
1.3.	Օվերդրաֆտից, օվերնայթից ստացված տոկոսներ
1.4.	Վարկային քարտերից ստացված տոկոսներ
1.5.	Բանկի հետ կապված անձանց և աշխատակիցներին տրամադրված միջոցներից
1.6.	Արժեթղթերից ստացված տոկոսներ
1.7.	Այլ տոկոսային եկամուտներ
Ընդամենը տոկոսային եկամուտներ
2.	Տոկոսային ծախսեր	x	x	x
2.1.	Թղթակցային հաշիվների, ցպահանջ ավանդների և այլ ցպահանջ պարտավորությունների դիմաց վճարված տոկոսներ
2.2.	Հետգնման պայմանագրերի գծով պարտավորությունների դիմաց վճարված տոկոսներ
2.3.	Բանկերից և այլ ֆինանսավարկային կազմակերպություններից ներգրաված միջոցների դիմաց վճարված տոկոսներ
2.4.	Ներգրավված ժամկետային ավանդների դիմաց վճարված տոկոսներ
2.5.	Այլ տոկոսային ծախսեր
Ընդամենը տոկոսային ծախս
Զուտ տոկոսային եկամուտներ
3.	Ոչ տոկոսային եկամուտներ	x	x	x
3.1.	Ստացված միջնորդավճարներ
3.2.	Երաշխիքներից, ակրեդիտիվներից, հավատարմագրային կառավարումից ստացված եկամուտներ
3.3.	Գանձապետարանի սպասարկումից ստացված եկամուտներ
3.4.	Արժեթղթերի վաճառքից ստացված զուտ եկամուտներ
3.5.	Արտարժույթի առք ու վաճառքից ստացված զուտ եկամուտներ
3.6.	Արտարժույթի վերագնահատումից ստացված դրական (բացասական) փոխարժեքային տարբերություն
3.7.	Հիմնական միջոցների վերագնահատումից ստացված զուտ եկամուտներ
3.8.	Արտասովոր եկամուտներ
3.9.	Այլ ոչ տոկոսային եկամուտներ
Ընդամենը ոչ տոկոսային եկամուտներ
4.	Ոչ տոկոսային ծախսեր	x	x	x
4.1.	Աշխատավարձ և դրան  հավասարեցված այլ վճարումներ
4.2.	Գործուղման ծախսեր
4.3.	Ամորտիզացիոն մասհանումներ
4.4.	Մասնաճյուղի շենքի և այլ հիմնական միջոցների վարձակալության վճար
4.5.	Շենքերի տնտեսական պահպանության ծախսեր
4.6.	Վարկերի տրամադրման և վերադարձման  ծախսեր
4.7.	Տրանսպորտային ծախսեր
4.8.	Կապի և հաղորդակցական  միջոցների գծով ծախսեր
4.9.	Ուսուցման ծախսեր
4.10.	Այլ ոչ տոկոսային ծախսեր
Ընդամենը ոչ տոկոսային ծախսեր
Զուտ ոչ տոկոսային եկամուտներ
5.	Հատկացումներ ակտիվների հնարավոր կորուստների պահուստներին	x	x	x
5.1.	Վարկերի և դեբիտորական պարտքերի հնարավոր կորուստների ընդհանուր պահուստին
5.2.	Վարկերի և դեբիտորական պարտքերի հնարավոր կորուստների հատուկ պահուստին
5.3.	Արժեթղթերի հնարավոր կորուստների ծածկման պահուստին
Ընդամենը հատկացումներ
6.	Ակտիվների հնարավոր կորուստների պահուստներին կատարված մասհանումների վերադարձ	x	x	x
6.1.	Վարկերի և դեբիտորական պարտքերի հնարավոր կորուստների ընդհանուր  պահուստից
6.2.	Վարկերի և դեբիտորական պարտքերի հնարավոր կորուստների հատուկ պահուստից
6.3.	Արժեթղթերի հնարավոր կորուստների ծածկման պահուստից
Զուտ մասհանումներ
Շահույթ (եկամուտների և ծախսերի տարբերություն)

Հավելված 1-ի Ենթահավելված 12

ՀՀ զինանշան           ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ               ԲԱՆԿԻ ՄԱՍՆԱՃՅՈՒՂԻ ԳՐԱՆՑՄԱՆ ՎԿԱՅԱԿԱՆ                   Ք. ԵՐԵՎԱՆ

Գրանցված է ՀՀ կենտրոնական բանկի նախագահի ___ թվականի թիվ ____որոշմամբ   ԳՐԱՆՑՄԱՆ ՎԿԱՅԱԿԱՆ թիվ ___   Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների՝ սույն վկայականը տրվում է   _________________________________ բանկին   ______________________________ մասնաճյուղ:   Գործունեության հասցեն ______________________ (բանկի մասնաճյուղի հասցեն)   Գրանցման համարը _____________________   Գրանցման ամսաթիվ, ամիս, տարեթիվ _________     Հայաստանի Հանրապետության կենտրոնական բանկի նախագահ _______________   ___ ______________ 200  թ.   Կ.Տ.

Հավելված 1-ի Ենթահավելված 13

ՀՀ զինանշան           ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ               ԲԱՆԿԻ ՆԵՐԿԱՅԱՑՈՒՑՉՈՒԹՅԱՆ ԳՐԱՆՑՄԱՆ ՎԿԱՅԱԿԱՆ                   Ք. ԵՐԵՎԱՆ

Գրանցված է ՀՀ կենտրոնական բանկի նախագահի ___ թվականի թիվ ____որոշմամբ   ԳՐԱՆՑՄԱՆ ՎԿԱՅԱԿԱՆ թիվ ___   Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների՝ սույն վկայականը տրվում է   _________________________________ բանկին   ______________________________ ներկայացուցչությունը:   Գործունեության հասցեն ______________________ (բանկի ներկայացուցչության հասցեն)   Գրանցման համարը _________________   Գրանցման ամսաթիվ, ամիս, տարեթիվ _________     Հայաստանի Հանրապետության կենտրոնական բանկի նախագահ _______________   ___ ______________ 200  թ.   Կ.Տ.

Հավելված 1-ի Ենթահավելված 14

Որակավորման ԵՎ մասնագիտական համապատասխանության քննությանը բանկի ղեկավարների թեկնածուների մասնակցության համար

 

Մ Ի Ջ Ն Ո Ր Դ Ա Գ Ի Ր     Հայաստանի Հանրապետության կենտրոնական բանկի նախագահ պարոն _________   Հարգելի պարոն ___________   Խնդրում եմ թույլատրել ________________________________________-ին Անունը, ազգանունը, հայրանունը   մասնակցել բանկի ____________________________ պաշտոնում (պաշտոններում) պաշտոնի կամ պաշտոնների անվանումը   աշխատելու համար որակավորման քննությանը:   Թեկնածուի՝   Հաշվառման վայրը ________________   Բնակության վայրը (գրառվում է հաշվառման վայրից տարբեր լինելու դեպքում) ____________   Հեռախոսահամարը ________________   Միջնորդ բանկի լիազորված անձ՝ ______________________ անուն, ազգանուն, պաշտոն __________________ ստորագրություն   ____ ____________ 200  թ.

(Ենթահավելված 14-ը խմբ. 01.07.08 թիվ 189-Ն)

Հավելված 1-ի Ենթահավելված 15

Որակավորման ԵՎ մասնագիտական համապատասխանության քննությանը ԹԵԿՆԱԾՈՒՆերի մասնակցության համար

Դ Ի Մ ՈՒ Մ     Հայաստանի Հանրապետության կենտրոնական բանկի նախագահ պարոն _________   Հարգելի պարոն ___________   Խնդրում եմ ինձ թույլատրել մասնակցել բանկի ____________________________ պաշտոնի կամ պաշտոնների անվանումը   պաշտոնում (պաշտոններում) աշխատելու համար որակավորման քննությանը:   Թեկնածուի՝   Հաշվառման վայրը ______________   Բնակության վայրը (գրառվում է հաշվառման վայրից տարբեր լինելու դեպքում) __________   Հեռախոսահամարը ______________   Դիմող՝ ______________________ անուն, ազգանուն, պաշտոն __________________ ստորագրություն   ____ ____________ 200  թ.

(Ենթահավելված 15-ը խմբ. 01.07.08 թիվ 189-Ն)

Հավելված 1-ի Ենթահավելված 16

ՈՐԱԿԱՎՈՐՄԱՆ ՎԿԱՅԱԿԱՆԻ ՁԵՎ

Վ Կ Ա Յ Ա Կ Ա Ն  N Հիմք ընդունելով որակավորման և մասնագիտական համապատասխանության մասին Կենտրոնական բանկի լիցենզավորման և վերահսկողության հանձնաժողովի դրական եզրակացությունը (___ _____________ 200 թ. թիվ ____ արձանագրություն) Համաձայն Հայաստանի Հանրապետության կենտրոնական բանկի նախագահի ___ _____________ 200 թ. թիվ ____ որոշմամբ սույն վկայականը տրվում է   _______________________-ին Անուն, ազգանուն  _______________________ անձնագրի համար,   բանկի __________________________________________________ պաշտոնի կամ պաշտոնների անվանումը պաշտոնում (պաշտոններում) աշխատելու համար: Սույն վկայականն ուժի մեջ է մինչև ____ ____________________200  թ.: Հայաստանի Հանրապետության   կենտրոնական բանկի նախագահ _____________________

(Ենթահավելված 16-ը խմբ. 01.07.08 թիվ 189-Ն)

Հավելված 1-ի Ենթահավելված 17-1

Հ Ա Յ Տ Ա Ր Ա Ր Ա Գ Ի Ր

Ես`    Անուն, ազգանուն, հայրանուն հայտարարում են, որ 1. Ես չունեմ դատվածություն դիտավորությամբ կատարված հանցագործություն կատարելու համար.   c 2. Ես օրինական ուժի մեջ մտած վճռով կամ դատավճռով չեմ զրկվել ֆինանսական, բանկային, հարկային, մաքսային, առևտրային, տնտեսական, իրավական ոլորտներում պաշտոններ վարելու իրավունքից.   c 3. Ես չեմ ճանաչվել սնանկ և չունեմ ժամկետանց պարտավորություններ.   c 4. Իմ գործողությունները նախկինում չեն հանգեցրել բանկի կամ այլ անձի սնանկացմանը.   c 5. Ես Հայաստանի Հանրապետության քրեական օրենսգրքով նախատեսված հանցագործությունների համար չեմ ենթարկվել քրեական պատասխանատվության.   c 6. Ես այլ պետությունների քրեական օրենսդրությամբ նախատեսված հանցագործությունների համար չեմ ենթարկվել քրեական պատասխանատվության.   c 7. Ես Հայաստանի Հանրապետության տարածքում գործող բանկերում հանդիսացել եմ ղեկավար կամ նշանակալից մասնակցություն ունեցող անձ, և իմ պաշտոնավարման կամ գործունեության ընթացքում բանկը չի հայտարարվել անվճարունակ կամ սնանկ, և բանկի ֆինանսական վիճակը, համաձայն Հայաստանի Հանրապետության կենտրոնական բանկի խորհրդի կողմից հաստատված չափանիշների, չի վատթարացել.   Եթե 7-րդ կետը կիրառելի չէ, ապա վանդակում նշել «Կ/Չ»:   c   8. Ես Հայաստանի Հանրապետության տարածքում գործող բանկերում չեմ հանդիսացել ղեկավար կամ նշանակալից մասնակցություն ունեցող անձ.   Եթե 8-րդ կետը կիրառելի չէ, ապա վանդակում նշել «Կ/Չ»:   c 9. Ես այլ պետությունների բանկերում կամ ֆինանսական կամ ֆինանսավարկային հաստատություններում հանդիսացել եմ ղեկավար կամ նշանակալից մասնակցություն ունեցող անձ, և իմ պաշտոնավարման ընթացքում բանկը, ֆինանսական կամ ֆինանսավարկային հաստատությունը չի հայտարարվել անվճարունակ կամ սնանկ.   Եթե 9-րդ կետը կիրառելի չէ, ապա վանդակում նշել «Կ/Չ»:   c 10. Ես այլ պետությունների բանկերում կամ ֆինանսական կամ ֆինանսավարկային հաստատություններում չեմ հանդիսացել ղեկավար կամ նշանակալից մասնակցություն ունեցող անձ.   Եթե 10-րդ կետը կիրառելի չէ, ապա վանդակում նշել «Կ/Չ»:   c   11. Ես Հայաստանի Հանրապետությունում կամ օտարերկրյա պետությունում գրանցված կազմակերպությունում հանդիսացել եմ ղեկավար կամ նշանակալից մասնակցություն ունեցող անձ, և իմ պաշտոնավարման ընթացքում տվյալ կազմակերպությունը չի հայտարարվել անվճարունակ կամ սնանկ.   Եթե 11-րդ կետը կիրառելի չէ, ապա վանդակում նշել «Կ/Չ»:   c 12. Ես Հայաստանի Հանրապետությունում կամ օտարերկրյա պետությունում գրանցված կազմակերպությունում չեմ հանդիսացել ղեկավար կամ նշանակալից մասնակցություն ունեցող անձ.   Եթե 12-րդ կետը կիրառելի չէ, ապա վանդակում նշել «Կ/Չ»:   c   13. Ես այլ պետությունների իրավապահ մարմինների կողմից ներգրավված չեմ որպես կասկածյալ, մեղադրյալ կամ ամբաստանյալ.   c 14. Ես կամ ինձ հետ փոխկապակցված անձը Հայաստանի Հանրապետության տարածքում գործող բանկի կամ վարկային կազմակերպության հանդեպ չունի ժամկետանց (կետանցված) պարտավորություն. c

Հավաստիացնում եմ, որ սույն փաստաթղթում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական, վարչական և կարգապահական պատասխանատվության:   Ես համաձայն եմ՝ իմ կողմից ներկայացված վերոնշյալ տեղեկատվության որևիցե փոփոխության դեպքում տեղեկացնել Կենտրոնական բանկին: Ստորագրություն ___________________ Ամսաթիվ ___________________ օր/ամիս/տարի

Եթե պնդումը ճիշտ է, կատարել նշում համապատասխան վանդակում.

(Ենթահավելված 17-1-ը խմբ. 01.07.08 թիվ 189-Ն)

Ենթահավելված 17-2

Հ Ա Յ Տ Ա Ր Ա Ր Ա Գ Ի Ր

Կազմակերպության անվանումը   հայտարարում է, որ 1. Օրինական ուժի մեջ մտած վճռով կամ դատավճռով չի զրկվել ֆինանսական, բանկային, հարկային, մաքսային, առևտրային, տնտեսական, իրավական ոլորտներում պաշտոններ վարելու իրավունքից.   c   2. Չի ճանաչվել սնանկ և չունի չմարված (չներված) պարտավորություններ.   c   3. Իր գործողությունները նախկինում չեն հանգեցրել բանկի կամ այլ անձի սնանկացմանը.   c   4. Հայաստանի Հանրապետության տարածքում գործող բանկերում հանդիսացել է նշանակալից մասնակցություն ունեցող անձ, և իր գործունեության ընթացքում բանկը չի հայտարարվել անվճարունակ կամ սնանկ, և բանկի ֆինանսական վիճակը, համաձայն Հայաստանի Հանրապետության կենտրոնական բանկի խորհրդի կողմից հաստատված չափանիշների, չի վատթարացել.   Եթե 4-րդ կետը կիրառելի չէ, ապա վանդակում նշել «Կ/Չ»:   c   5. Հայաստանի Հանրապետության տարածքում գործող բանկերում չի հանդիսացել նշանակալից մասնակցություն ունեցող անձ.   Եթե 5-րդ կետը կիրառելի չէ, ապա վանդակում նշել «Կ/Չ»:   c   6. Այլ պետությունների բանկերում կամ ֆինանսական կամ ֆինանսավարկային հաստատություններում հանդիսացել է նշանակալից մասնակցություն ունեցող անձ, և իր գործունեության ընթացքում բանկը, ֆինանսական կամ ֆինանսավարկային հաստատությունը չի հայտարարվել անվճարունակ կամ սնանկ.   Եթե 6-րդ կետը կիրառելի չէ, ապա վանդակում նշել «Կ/Չ»:   c   7. Այլ պետությունների բանկերում կամ ֆինանսական կամ ֆինանսավարկային հաստատություններում չի հանդիսացել նշանակալից մասնակցություն ունեցող անձ.   Եթե 7-րդ կետը կիրառելի չէ, ապա վանդակում նշել «Կ/Չ»:   c   8. Հայաստանի Հանրապետությունում կամ օտարերկրյա պետությունում գրանցված կազմակերպությունում հանդիսացել է նշանակալից մասնակցություն ունեցող անձ, և իր գործունեության ընթացքում տվյալ կազմակերպությունը չի հայտարարվել անվճարունակ կամ սնանկ.   Եթե 8-րդ կետը կիրառելի չէ, ապա վանդակում նշել «Կ/Չ»:   c   9. Հայաստանի Հանրապետությունում կամ օտարերկրյա պետությունում գրանցված կազմակերպությունում չի հանդիսացել նշանակալից մասնակցություն ունեցող անձ.   Եթե 9-րդ կետը կիրառելի չէ, ապա վանդակում նշել «Կ/Չ»:   c   14. Կազմակերպությունը կամ իր հետ փոխկապակցված անձը Հայաստանի Հանրապետության տարածքում գործող բանկի կամ վարկային կազմակերպության հանդեպ չունի ժամկետանց (կետանցված) պարտավորություն. c

Հավաստիացնում եմ, որ սույն փաստաթղթում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական, վարչական և կարգապահական պատասխանատվության:   Ես համաձայն եմ՝ իմ կողմից ներկայացված վերոնշյալ տեղեկատվության որևիցե փոփոխության դեպքում տեղեկացնել Կենտրոնական բանկին:   Տնօրենի անունը, ազգանունը __________________________________________ Ստորագրություն ___________________ Ամսաթիվ ___________________ օր/ամիս/տարի Կ. Տ.

Եթե պնդումը ճիշտ է, կատարել նշում համապատասխան վանդակում:

(Ենթահավելված 17-2-ը խմբ. 01.07.08 թիվ 189-Ն)

Հավելված 1-ի Ենթահավելված 18-1

 

Հ Ա Յ Տ Ա Ր Ա Ր Ա Գ Ի Ր

 

Ես՝ _______________________________________________ Անուն, ազգանուն, հայրանուն ______________________________________________ հայտարարում եմ, որ իմ մասնակցությամբ որևէ այլ անձ ______________________________________________ կազմակերպության (կազմակերպության անվանումը)   կառավարման մարմինների որոշումները կանխորոշելու, նրանց որոշումների կայացման և կիրառման վրա էապես ազդելու, տվյալ կազմակերպության գործունեության ուղղությունները, ոլորտները կանխորոշելու հնարավորություն ձեռք չի բերում: Հավաստիացնում եմ, որ սույն տեղեկատվությունը արժանահավատ է: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական և վարչական պատասխանատվության:   Ստորագրություն _______________ Ամսաթիվ _______________   օր/ամիս/տարի Կ. Տ.

 

(Հավելված 18-1-ը խմբ. 06.06.06 N 237-Ն)

Ենթահավելված 18-2

 

Հ Ա Յ Տ Ա Ր Ա Ր Ա Գ Ի Ր

 

Ես՝ ___________________________________________________ Կազմակերպության անվանումը _____________________________________________________ հայտարարում եմ, որ իմ մասնակցությամբ որևէ այլ անձ ________________________________________ կազմակերպության (կազմակերպության անվանումը)  կառավարման մարմինների որոշումները կանխորոշելու, նրանց որոշումների կայացման և կիրառման վրա էապես ազդելու, տվյալ կազմակերպության գործունեության ուղղությունները, ոլորտները կանխորոշելու հնարավորություն ձեռք չի բերում: Հավաստիացնում եմ, որ սույն տեղեկատվությունը արժանահավատ է: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական և վարչական պատասխանատվության:   Տնօրենի անունը, ազգանունը _______________________________   Ստորագրություն _______________ Ամսաթիվ _______________   օր/ամիս/տարի Կ. Տ.

 

(Հավելված 18-2-ը խմբ. 06.06.06 N 237-Ն)

Հավելված 1-ի Ենթահավելված 19-1

 

Հ Ա Յ Տ Ա Ր Ա Ր ՈՒ Թ Յ ՈՒ Ն

 

Ես՝ _________________________________________________ անուն, ազգանուն, հայրանուն   հայտարարում եմ, որ իմ մասնակցության միջոցով որևէ այլ անձ բանկում անուղղակի նշանակալից մասնակցություն ունեցող անձի կարգավիճակ ձեռք չի բերում: Հավաստիացնում եմ, որ սույն տեղեկատվությունը արժանահավատ է: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական և վարչական պատասխանատվության: Համաձայն եմ՝ իմ կողմից ներկայացված վերոնշյալ տեղեկատվության որևէ փոփոխության դեպքում տեղեկացնել Կենտրոնական բանկին՝ փոփոխության օրվանից հետո 10-օրյա ժամկետում:   Ստորագրություն _______________ Ամսաթիվ _______________   օր/ամիս/տարի

 

(Հավելված 19-1-ը լրաց. 06.06.06 N 237-Ն)

Ենթահավելված 19-2

 

Հ Ա Յ Տ Ա Ր Ա Ր ՈՒ Թ Յ ՈՒ Ն

 

________________________________________________ Կազմակերպության անվանումը   հայտարարում է, որ իր մասնակցության միջոցով որևէ այլ անձ բանկում անուղղակի նշանակալից մասնակցություն ունեցող անձի կարգավիճակ ձեռք չի բերում:   Հավաստիացնում եմ, որ սույն փաստաթղթում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական և վարչական պատասխանատվության:   Համաձայն եմ՝ իմ կողմից ներկայացված վերոնշյալ տեղեկատվության որևէ փոփոխության դեպքում տեղեկացնել Կենտրոնական բանկին՝ փոփոխության օրվանից հետո 10-օրյա ժամկետում:   Տնօրենի անունը, ազգանունը _______________________________   Ստորագրություն _______________       Ամսաթիվ _______________   օր/ամիս/տարի Կ. Տ.

 

(Հավելված 19-2-ը լրաց. 06.06.06 N 237-Ն)

Հավելված 1-ի Ենթահավելված 20

 

Տ Ե Ղ Ե Կ Ա Ն Ք

 

բանկի կանոնադրական հիմնադրամում նշանակալից մասնակցություն ձեռք բերող անձի հետ փոխկապակցված իրավաբանական անձանց մասին

 

1. Բանկի նշանակալից մասնակիցը

1. Անվանունը (անունը, ազգանունը)  _________________________________________________

2. Փոխկապակցված իրավաբանական անձի (կազմակերպության) տվյալներ

2.1. Անվանումը _______________________________________  2.2. Գտնվելու վայրը    2.3. Գրանցման ամսաթիվը   ____________ օր/ամիս/տարի վայրը ______________  2.4. Բանկի անվանումը, որում մասնակիցն ակնկալում է ձեռք բերել նշանակալից մասնակցություն. __________________________________________________

3. Տեղեկություններ իրավաբանական անձի կանոնադրական հիմնադրամում նշանակալից մասնակցության վերաբերյալ.

Բաժնետոմսերի (փայերի) ընդհանուր թիվը ___________ գումար _________ %                այդ թվում՝ ձայնի իրավունք տվող ___________ գումար _________ %

4. Տեղեկություններ իրավաբանական անձի նշանակալից մասնակիցների վերաբերյալ   ԿԲ կողմից կարող են լրացուցիչ պահանջվել 4.1 կետում նշված կազմակերպությունների ֆինանսական հաշվետվությունները

4.1. Ձայնի իրավունք տվող բաժնետոմսերի 10 և ավելի տոկոս ունեցող իրավաբանական անձինք

Կազմակերպության անվանումը   Գտնվելու վայրը   Մասնակցության չափը (դրամով)   Մասնակցության չափը (%) 1.       2.

4.2. Ձայնի իրավունք տվող բաժնետոմսերի 10 և ավելի տոկոս ունեցող ֆիզիկական անձինք

Անունը, ազգանունը, անձնագրի համարը   Բնակության վայրը   Մասնակցության չափը (դրամով)   Մասնակցության չափը (%) 1.       2.

5. Տեղեկություններ կազմակերպության ղեկավարների (խորհրդի նախագահի և անդամների, գործադիր տնօրենի և գլխավոր հաշվապահի) վերաբերյալ

Անունը, ազգանունը, անձնագրի համարը   Պաշտոնը   Կազմակերպությունում աշխատելու տարիները (որոնցից՝ նշված պաշտոնում) 1.     2.

6. Տեղեկություններ փոխկապակցված անձանց վերաբերյալ   Փոխկապակցվածությունը պետք է դիտարկվի «Բանկերի և բանկային գործունեության մասին» ՀՀ օրենքի 8-րդ հոդվածի համաձայն   Եթե մեկնաբանությունների համար տեղը բավարար չէ, օգտագործեք լրացուցիչ թերթեր

Կազմակերպության անվանումը, անձի անունը, ազգանունը, անձնագրի համարը,   Գտնվելու (բնակության վայրը)   Փոխկապակցվածության տեսակը 1.     2.

7. Այլ տեղեկատվություն

7.1. Արդյո՞ք կազմակերպությունն ունի 30 օր ժամկետանց/չմարված պարտականություններ: «Այո» պատասխանի դեպքում ներկայացնել մանրամասները:     Այո c   Ոչ c

7.2. Արդյո՞ք կազմակերպության մոտ բացակայում են «Բանկերի և բանկային գործունեության մասին» Հայաստանի Հանրապետության օրենքի 18-րդ հոդվածի 2-րդ մասի, ինչպես նաև դրանց հիման վրա ընդունված նորմատիվ իրավական կետերով սահմանված հիմքերը:   «Ոչ» պատասխանի դեպքում ներկայացնել մանրամասները:      Այո c   Ոչ c

8. Հավաստիացնում եմ, որ սույն փաստաթղթում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական, վարչական պատասխանատվության:   Ես համաձայն եմ՝ իմ կողմից ներկայացված վերոնշյալ տեղեկատվության որևիցե փոփոխության դեպքում տեղեկացնել Կենտրոնական բանկին:   Անունը, ազգանունը  ______________________________________________   Ստորագրություն ________________ Ամսաթիվ ___________________ օր/ամիս/տարի   Կ. Տ.

(Հավելված 20-ը լրաց. 06.06.06 N 237-Ն, խմբ. 01.07.08 թիվ 189-Ն)

 

Հավելված 1-ի Ենթահավելված 20-1

 

Տ Ե Ղ Ե Կ Ա Ն Ք

 

բանկի կանոնադրական հիմնադրամում նշանակալից մասնակցություն ձեռք բերող անձի հետ փոխկապակցված ֆիզիկական անձանց մասին

 

1. Նշանակալից մասնակիցը

1. Անվանունը (անունը, ազգանունը)  _________________________________________________

2. Փոխկապակցված ֆիզիկական անձի տվյալներ

2.1. Անունը, ազգանունը _______________________________________ 2.2. Բնակության վայրը   2.3.Անձնագրի համարը _______________   2.4 Փոխկապակցվածության տեսակ   2.5. Բանկի անվանումը, որում մասնակիցն ակնկալում է ձեռք բերել նշանակալից մասնակցություն.

3. Տեղեկություններ իրավաբանական անձի կանոնադրական հիմնադրամում նշանակալից մասնակցության վերաբերյալ.

Բաժնետոմսերի (փայերի) ընդհանուր թիվը ___________ գումար _________ %                այդ թվում՝ ձայնի իրավունք տվող ___________ գումար _________ %

4. Այլ տեղեկատվություն

4.1. Արդյո՞ք ֆիզիկական անձն ունի 30 օր ժամկետանց/չմարված պարտականություններ: «Այո» պատասխանի դեպքում ներկայացնել մանրամասները:     Այո c   Ոչ c

4.2. Արդյո՞ք անձի մոտ բացակայում են «Բանկերի և բանկային գործունեության մասին» Հայաստանի Հանրապետության օրենքի 18-րդ հոդվածի 2-րդ մասի, ինչպես նաև դրանց հիման վրա ընդունված նորմատիվ իրավական կետերով սահմանված հիմքերը:   «Ոչ» պատասխանի դեպքում ներկայացնել մանրամասները:    4.3 Այլ՝ Ձեր կարծիքով կարևոր տեղեկատվություն     Այո c   Ոչ c

5. Հավաստիացնում եմ, որ սույն փաստաթղթում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական, վարչական պատասխանատվության:   Ես համաձայն եմ՝ իմ կողմից ներկայացված վերոնշյալ տեղեկատվության որևիցե փոփոխության դեպքում տեղեկացնել Կենտրոնական բանկին:   Անունը, ազգանունը  ______________________________________________   Ստորագրություն ________________ Ամսաթիվ ___________________ օր/ամիս/տարի   Կ. Տ.

(Ենթահավելված 20-1-ը լրաց. 01.07.08 թիվ 189-Ն)

Հավելված 1-ի Ենթահավելված 21

 

Խորհրդի անդամների գործունեության ուղեցույց

 

 

Սույն ուղեցույցը սահմանում է «Բանկերի և բանկային գործունեության մասին» Հայաստանի Հանրապետության օրենքի գլուխ 2-ով և գլուխ 7-ով սահմանված՝ խորհրդի, խորհրդի անդամների և նրանց գործունեության նկատմամբ նվազագույն պահանջները:

Բանկի խորհուրդն իրականացնում է բանկի գործունեության ընդհանուր ղեկավարումը: Բանկի խորհուրդը որոշում է բանկի գործունեության հիմնական ուղղությունները, հաստատում է բանկի հեռանկարային զարգացման ծրագիրը, վերահսկում է գործադիր մարմնի գործունեությունը և հաշվետու է բանկի բաժնետերերին:

 

1. Խորհրդի անդամների գործնական որակները եվ բիզնես վարքը

 

1. Յուրաքանչյուր խորհրդի անդամ պետք է հավասարակշռող դեր ստանձնի բանկի և բանկի բաժնետերերի միջև, լինի բարեխիղճ և լիովին իրազեկ, որոշումների ընդունման ժամանակ կիրառի անկախ և խելամիտ դատողություն:

Որոշումներ ընդունելիս խորհրդի անդամի կողմից անկախ դատողության կիրառումը նշանակում է, որ նա դրսևորում է անկողմնակալություն և անաչառ է խնդրահարույց ու շահերի բախում առաջացնող իրավիճակներում: Օրինակ՝ հաշվի է առնում բաժնետերերի փոքրամասնության շահերը, օբյեկտիվորեն է գնահատում խորհրդի և գործադիր մարմնի կատարողականները, ընդունում արդար որոշումներ գործադիրի և խորհրդի վարձատրության որոշման ժամանակ, բանկի վերակազմավորման և այլ դեպքերում:

Անկախ որոշումների ընդունման ապահովման նպատակով խորհրդի անդամը չպետք է որևէ տնտեսական, ընտանեկան կամ այլ կապերի միջոցով փոխկապակցված լինի մյուս խորհրդի անդամների և գործադիր մարմնի անդամների հետ: Խորհրդի անդամը չի կարող միաժամանակ լինել բանկի այլ աշխատակից: Խորհրդի անդամը չի կարող միաժամանակ լինել նաև այլ բանկի կամ վարկային կազմակերպության խորհրդի անդամ, գործադիր մարմնի անդամ կամ այլ աշխատակից: Բացառություն է կազմում միայն այն դեպքը, երբ տվյալ բանկը և այլ բանկը կամ վարկային կազմակերպությունը միմյանց հետ փոխկապակցված անձինք են:

Խորհրդի անդամը պետք է ամբողջովին տեղյակ լինի բանկի ընթացիկ գործունեությանը, բանկին հատուկ ռիսկերին, երկարաժամկետ զարգացման ծրագրերին և բանկային գործունեությունը կարգավորող օրենսդրական դաշտին, մասնավորապես, «Բանկերի և բանկային գործունեության մասին» ՀՀ օրենքին, «ՀՀ կենտրոնական բանկի մասին» ՀՀ օրենքին, «Բանկային գաղտնիքի մասին» ՀՀ օրենքին, բանկի կազմակերպական-իրավական ձևը կարգավորող օրենսդրությանը, արժեթղթերի շուկան կարգավորող օրենսդրությանը, հարկային օրենսդրությանը, բանկային գործունեությունը կանոնակարգող նորմատիվ ակտերին, բանկի կանոնադրությանը, բանկի ընդհանուր ժողովի և խորհրդի հաստատած քաղաքականություններին, կանոնակարգերին և ընթացակարգերին:

2. Յուրաքանչյուր խորհրդի անդամ պետք է հատկացնի բավարար ժամանակ իր պարտականությունների պատշաճ և արդյունավետ կատարման համար:

Բանկի խորհրդի անդամը պետք է գիտակցի, որ խորհրդի անդամի պաշտոնի համատեղումն այլ գործունեության հետ կարող է բացասաբար անդրադառնալ իր պարտականությունների պատշաճ կատարման, բանկի ընդհանուր կառավարման վրա:

3. Յուրաքանչյուր խորհրդի անդամ պետք է մշտապես կատարելագործի իր որակավորումը:

Պարտականությունները պատշաճ կատարելու, ինչպես նաև խորհրդի գործունեությունը և կատարողականը բարելավելու նպատակով խորհրդի անդամը պետք է մշտապես ընդլայնի և կատարելագործի իր գիտելիքները՝ մասնակցելով վերապատրաստման ծրագրերին, ինչպես նաև ինքնուսուցման միջոցով: Վերջինս վերաբերում է նաև նոր օրենսդրության և կարգավորման պահանջներին ու բանկի փոփոխվող իրավիճակին ու ընթացիկ ռիսկերին իրազեկ լինելուն:

 

2. Խորհրդի առաքելությունը եվ խորհրդի անդամների՝ օրենքով սահմանված իրավասությունները

 

1. Բանկի խորհրդի առաքելությունն է՝ բաժնետերերի ներդրումային արժեքի առավելագույն ավելացումը (բաժնետոմսերի շուկայական գնի ավելացումը) և բանկի այլ շահագրգիռ անձանց շահերի պաշտպանությունը: Դրանից ելնելով՝ խորհուրդն իր գործունեության ընթացքում ներկայացնում, պաշտպանում և ուղղորդվում է բաժնետերերի և շահագրգիռ անձանց (բոլոր անձինք, որոնք իրենց ներդրումով՝ մարդկային, մասնագիտական, փողային, այլ, աջակցում են բանկի երկարաժամկետ առաջընթացին և մրցակցությանը, այդ թվում՝ բանկի ներդրողները, վարկատուները, աշխատակիցները և այլն) շահերով:

2. Խորհրդի բացառիկ իրավասությունները ներառում են՝

ա) բանկի գործունեության հիմնական ուղղությունների որոշումը, ներառյալ` բանկի հեռանկարային զարգացման ծրագրի հաստատումը.

բ) ընդհանուր ժողովի տարեկան և արտահերթ նիստերի գումարումը, oրակարգի հաստատումը, ինչպես նաև դրանց գումարման և անցկացման կազմակերպման հետ կապված՝ նախապատրաստական աշխատանքների իրականացման ապահովումը.

գ) բանկի գործադիր մարմնի անդամների նշանակումը, նրանց լիազորությունների վաղաժամկետ դադարեցումը և վարձատրության պայմանների հաստատումը.

դ) բանկում ներքին հսկողության ստանդարտների սահմանումը, բանկի ներքին աուդիտի ստորաբաժանման ձևավորումը, նրա տարեկան աշխատանքային ծրագրի հաստատումը, ներքին աուդիտի աշխատակիցների լիազորությունների վաղաժամկետ դադարեցումը և վարձատրության պայմանների հաստատումը.

ե) բանկի տարեկան ծախսերի նախահաշվի ու կատարողականի հաստատումը.

զ) բանկի ներքին վարչակազմակերպական կառուցվածքի հաստատումը.

է) բանկի կանոնադրական հիմնադրամի ավելացումը, եթե կանոնադրությամբ կամ ընդհանուր ժողովի որոշմամբ նրան տրված է այդպիսի լիազորություն.

ը) շահութաբաժինների վճարման վերաբերյալ ընդհանուր ժողովին առաջարկությունների ներկայացումը, այդ թվում` շահութաբաժինների յուրաքանչյուր վճարման համար շահութաբաժիններ ստանալու իրավունք ունեցող բանկի մասնակիցների ցուցակի կազմումը: Բացի այդ, միջանկյալ (եռամսյակային և կիսամյակային) շահութաբաժինների վճարման, շահութաբաժնի չափի և դրա վճարման ձևի մասին որոշման ընդունումը.

թ) բանկի տարեկան ֆինանսական հաշվետվությունների նախնական հաստատումը և ընդհանուր ժողովին ներկայացումը.

ժ) ընդհանուր ժողովի հաստատմանը բանկի արտաքին աուդիտն իրականացնող անձի ներկայացումը.

ժա) բանկի արտաքին աուդիտն իրականացնող անձին վճարման չափի սահմանումը.

ժբ) բանկում իրականացված աուդիտորական կամ այլ ստուգումների արդյունքում
անհրաժեշտության դեպքում բացահայտված թերությունների վերացմանն ուղղված միջոցառումների նախաձեռնումն ու դրանց իրականացման վերահսկումը.

ժգ) բանկի կողմից «Բանկերի և բանկային գործունեության մասին» ՀՀ oրենքով սահմանված ֆինանսական գործառնությունների իրականացման կարգը սահմանող ներքին իրավական ակտերի ընդունումը.

ժդ) բանկի տարածքային և ինքնուրույն կառուցվածքային ստորաբաժանումների կանոնադրությունների հաստատումը, բանկի ինքնուրույն կառուցվածքային ստորաբաժանումների միջև գործառութային պարտականությունների բաշխումը.

ժե) հետևյալ հարցերի ներկայացումը ընդհանուր ժողովի քննարկմանը.

- բանկի վերակազմակերպումը,

- դուստր կամ կախյալ ընկերությունների ստեղծումը,

- դուստր և կախյալ ընկերություններին մասնակցությունը,

- առևտրային կազմակերպությունների միությունների հիմնադրումը,

- առևտրային կազմակերպությունների միություններին մասնակցությունը,

- խորհրդի անդամների վարձատրության չափի սահմանումը,

- բանկի պարտատոմսերի և այլ արժեթղթերի տեղաբաշխման մասին որոշման ընդունումը.

ժզ) բանկի պարտատոմսերի և այլ արժեթղթերի տեղաբաշխման մասին որոշման ընդունումը.

ժէ) բանկի պահուստային և այլ հիմնադրամների oգտագործումը.

ժը) բանկի մասնաճյուղերի, ներկայացուցչությունների և հիմնարկների ստեղծումը.

ժթ) բանկի հաշվապահական հաշվառման քաղաքականության` հաշվապահական հաշվառում վարելու և ֆինանսական հաշվետվություններ կազմելու նպատակով կիրառվող սկզբունքների, հիմունքների, եղանակների, կանոնների, ձևերի և կարգերի սահմանումը:

3. Խորհրդի բացառիկ իրավասությունները չեն կարող փոխանցվել բանկի կառավարման այլ մարմիններին կամ այլ անձանց:

4. Խորհրդի բացառիկ իրավասություններ են նաև՝

4.1. Խոշոր գործարք (խոշոր գործարք են հանդիսանում «Բանկերի և բանկային գործունեության մասին» ՀՀ օրենքի «Բանկի գույքի ձեռքբերման և օտարման հետ կապված խոշոր գործարքները» հոդված 39.1-ում սահմանված գործարքները) կնքելու մասին որոշման ընդունումը, որի առարկան է գույքը, և որի արժեքը գործարքը կնքելու մասին որոշումն ընդունելու պահի դրությամբ կազմում է բանկի ակտիվների հաշվեկշռային արժեքի 25-ից 50 տոկոսը: Ընդ որում, տվյալ որոշումը պետք է խորհրդի կողմից ընդունվի միաձայն: Եթե գործարք կնքելու մասին որոշումը խորհրդի կողմից չի ընդունվել, ապա խորհուրդն իրավունք ունի որոշում ընդունելու` հարցն ընդհանուր ժողովում քննարկելու մասին:

4.2. Բանկի և նրա հետ կապված անձանց (բանկի հետ կապված անձանց թվին են դասվում՝ «Բանկերի և բանկային գործունեության մասին» ՀՀ օրենքի հոդված 39-ում սահմանված անձինք). միջև ստորև նշված գործարքների (բանկի գործադիր տնoրենի ներկայացմամբ) հաստատումը՝

- ցպահանջ և ժամկետային ավանդների ընդունում,

- վարկերի տրամադրում,

- պարտքի կամ առևտրային գործարքների ֆինանսավորում, ֆակտորինգ,

- բանկային երաշխիքների և ակրեդիտիվների տրամադրում,

- արժեթղթերի թողարկում, առք ու վաճառք, նման այլ գործառնությունների կատարում,

- ինվեստիցիոն (ներդրումային) և բաժանորդագրական գործունեության իրականացում,

- ֆինանսական գործակալի (ներկայացուցչի) ծառայությունների մատուցում,

- այլ անձանց արժեթղթերի ու ներդրումների (հավատարմագրային) կառավարում,

- թանկարժեք մետաղների բանկային (ստանդարտացված) ձուլակտորների և հուշադրամների առք ու վաճառք և կառավարում,

- ֆինանսական վարձակալություն (լիզինգ),

- ֆինանսական և ինվեստիցիոն խորհրդատվության մատուցում,

- պարտքերի հետստացման հատուկ գործընթացների իրականացում:

5. Խորհրդի իրավասություններն են նաև՝

- Ընդհանուր ժողովին բանկի խորհրդի անդամների թեկնածուների վերաբերյալ առաջարկությունների ներկայացումը,

- բանկի աշխատատեղերը հաստատելու իրավասությունը:

Բանկի կանոնադրությամբ կամ Ընդհանուր ժողովի որոշմամբ խորհրդին վերապահված լինելու դեպքում՝

- դուստր կամ կախյալ ընկերությունների ստեղծումը,

- դուստր և կախյալ ընկերություններին մասնակցությունը,

- առևտրային կազմակերպությունների միությունների հիմնադրումը,

- առևտրային կազմակերպությունների միություններին մասնակցությունը,

- խորհրդի անդամների վարձատրության չափի սահմանումը,

- բանկի կանոնադրական հիմնադրամի ավելացումը,

- շահագրգռվածությամբ (շահագրգռվածության առկայությամբ գործարքներ են հանդիսանում «Բանկերի և բանկային գործունեության մասին» ՀՀ օրենքի «Բանկի գործարքներում շահագրգիռ անձինք» հոդված 39.3-ում սահմանված անձանց հետ կնքված գործարքները) գործարքը կնքելու մասին որոշման ընդունումը:

Ընդ որում, բանկի շահագրգռվածությամբ գործարքների վերաբերյալ որոշում ընդունելիս, այն խորհրդի անդամը, որը շահագրգիռ անձ է նշված գործարքում, պարտավոր է չմասնակցել քվեարկությանը: Եթե խորհրդի անդամը շահագրգիռ անձ է ճանաչվել, և նրա պատճառով բանկը վնասներ է կրել, ապա վերջինս բանկի առջև պատասխանատվություն է կրում բանկին պատճառած վնասների չափով: Անձն ազատվում է սույն մասով սահմանված պատասխանատվությունից, եթե գործել է բարեխիղճ. չգիտեր կամ չէր կարող իմանալ, որ գործարքի կնքմամբ բանկը կկրի վնասներ:

6. Բանկի խորհուրդն ունի նաև հետևյալ պարտականությունները՝

6.1. եթե բանկի խորհրդին ներկայացվող հաշվետվությունները բացահայտում են oրենքների, այլ նորմատիվ իրավական և բանկի ներքին իրավական ակտերի խախտումներ, ապա խորհուրդը պարտավոր է ձեռնարկել միջոցներ այդ խախտումները վերացնելու և հետագայում չկրկնելու նպատակով,

6.2. առնվազն տարին մեկ անգամ բանկի խորհուրդն իր նիստում պետք է քննարկի արտաքին աուդիտն իրականացնող անձի հաշվետվությունը (նամակ ղեկավարությանը), ինչպես նաև քննարկի և անհրաժեշտության դեպքում վերանայի բանկի գործունեության հիմնական ուղղությունները, ռազմավարությունը, կարգերն ու ներքին իրավական այլ ակտերը,

6.3. առնվազն եռամսյակը մեկ անգամ բանկի խորհուրդը պետք է քննարկի բանկի ներքին աուդիտի ստորաբաժանման, գործադիր տնօրենի (տնօրինության) և գլխավոր հաշվապահի հաշվետվությունները՝ խորհրդի սահմանած կարգով և ձևով:

 

3. Տեղեկատվության հասանելիությունը խորհրդի անդամներին: Խորհրդի անդամների կողմից տեղեկատվության բացահայտումը

 

1. Խորհրդի անդամը իր պարտականությունները պատշաճ կատարելու համար պահանջում է ճշգրիտ, ամբողջական և ժամանակին տեղեկատվություն բանկի գործունեության մասին՝ մասնավորապես հաստատելով բանկի խորհրդին ներկայացվող հաշվետվությունների ձևերը, ներկայացման կարգը և պարբերականությունը: Նշված տեղեկատվությունը պետք է լինի բավարար՝ արդյունավետ որոշումների ընդունման շարունակական գործընթացը ապահովելու համար:

2. Խորհրդի անդամն իրազեկ է, որ իրեն վերաբերող հետևյալ տեղեկատվությունը հրապարակվելու է և հասանելի է հասարակությանը՝

ա) անունը, ծննդյան ամսաթիվը, կենսագրությունը,

բ) նախորդող տարվա ընթացքում խորհրդի անդամի և նրա հետ փոխկապակցված անձանց («Բանկերի և բանկային գործունեության մասին» ՀՀ օրենքի «Փոխկապակցված անձինք» հոդված 8-ում սահմանված անձինք) կողմից բանկից ստացված վարկերի և այլ փոխառությունների (այդ թվում՝ նաև մարված) վերաբերյալ տվյալներ,

գ) բանկի նկատմամբ խորհրդի անդամի ունեցած ընդհանուր պարտավորությունները՝ վարկերի և այլ փոխառությունների գծով:

3. Խորհրդի անդամը իրազեկ է, որ իր նախորդ տարվա ընթացքում բանկից ստացված ամբողջ վարձատրության վերաբերյալ տեղեկատվությունը հասանելի է բանկի բոլոր մասնակիցներին:

 

4. Խորհրդի անդամի աշխատանքային գործընթացի կազմակերպումը, օրենքով սահմանված իրավունքներն ու պարտականությունները

 

1. Խորհրդի անդամը մասնակցում է բանկի խորհրդի նիստերին: Բանկի խորհրդի նիստերի գումարման և անցկացման կարգը սահմանվում է բանկի կանոնադրությամբ: Համաձայն «Բանկերի և բանկային գործունեության մասին» ՀՀ օրենքի (այսուհետ՝ օրենք)՝ բանկի խորհրդի նիստերը պետք է գումարվեն առնվազն երկու ամիսը մեկ անգամ: Ընդ որում, յուրաքանչյուր խորհրդի անդամ խորհրդի արտահերթ նիստ գումարելու իրավունք ունի:

2. Խորհրդի անդամը քվեարկության ժամանակ ունի միայն մեկ ձայն, ընդ որում, ձայնի և քվեարկության իրավունքի փոխանցումն այլ անձի, այդ թվում՝ այլ խորհրդի անդամի, չի թույլատրվում:

3. Խորհրդի անդամը, որը մասնակցել է նիստին, ստորագրում է նիստի արձանագրությունը և օրենքով սահմանված պատասխանատվություն է կրում արձանագրությունում առկա տեղեկությունների ճշտության և հավաստիության համար: Արձանագրությունում մասնավորապես նշվում են` քվեարկության դրված հարցերը, քվեարկության արդյունքները՝ ըստ նիստին մասնակցած խորհրդի յուրաքանչյուր անդամի, քվեարկության դրված հարցերի վերաբերյալ խորհրդի անդամների և խորհրդի նիստին մասնակցող այլ անձանց կարծիքները:

4. Բանկի խորհուրդն իր աշխատանքն արդյունավետ կազմակերպելու, ինչպես նաև շուկայի մասնակիցներին՝ իրենց շահերի պաշտպանության համար լրացուցիչ երաշխիքով ապահովելու նպատակով կարող է ստեղծել խորհրդին կից հանձնաժողովներ: Օրինակ՝ «աուդիտ կոմիտե կամ հանձնաժողով», «ռիսկերի կառավարման հանձնաժողով», «վարձատրման և նշանակման կոմիտե» և այլն: Այդ հանձնաժողովներում կարող են ընդգրկվել ինչպես բանկի խորհրդի անդամները, այնպես էլ բանկի այլ ղեկավարները կամ աշխատակիցները:

 

5. Խորհրդի անդամի՝ օրենքով սահմանված պաշտոնավարման ժամկետը եվ լիազորությունների դադարեցումը

 

1. Բանկի խորհրդի անդամը վարձատրվում է բանկի կողմից: Բանկի խորհրդի անդամների վարձատրությունը սահմանվում է ընդհանուր ժողովի կողմից, եթե այդ իրավասությունը չի փոխանցվել խորհրդին:

2. Բանկի խորհրդի անդամի պաշտոնավարման ժամկետը սահմանվում է բանկի կանոնադրությամբ, սակայն, Օրենքի համաձայն, այն չի կարող մեկ տարուց պակաս լինել:

3. Խորհրդի անդամի լիազորությունները կարող են վաղաժամկետ դադարեցվել Ընդհանուր ժողովի կողմից՝ իր դիմումի համաձայն: Լիազորությունները կարող են դադարեցվել նաև, եթե առկա են հետևյալ հիմքերը՝

ա) խորհրդի անդամը դատարանի օրինական ուժի մեջ մտած վճռով ճանաչվել է անգործունակ կամ սահմանափակ գործունակ,

բ) խորհրդի անդամի պաշտոնավարման ընթացքում ի հայտ են եկել այնպիսի հանգամանքներ, որոնց ուժով տվյալ անձին արգելվում է լինել բանկի խորհրդի անդամ (բանկի ղեկավար),

գ) խորհրդի անդամը մեկ տարվա ընթացքում բացակայել է խորհրդի նիստերի առնվազն 1/4-ից անհարգելի պատճառներով կամ ընդհանուր առմամբ (ներառյալ՝ հարգելի և անհարգելի բացակայությունները) նիստերի առնվազն կեսից,

դ) օրենքով սահմանված կարգով խորհրդի անդամը որակազրկվել է կամ զրկվել է որոշակի պաշտոն վարելու իրավունքից:

4. Խորհրդի անդամի լիազորությունները վաղաժամկետ կարող են դադարեցվել նաև լիազորությունների կատարմանը մնացած ժամանակահատվածի (իսկ եթե այդ ժամանակահատվածը մեկ տարուց ավելի է, ապա՝ մեկ տարվա) համար սահմանված աշխատավարձը բանկի կողմից նրան փոխհատուցելու պայմանով: Բանկն իրավունք ունի խորհրդի անդամի պաշտոնից ազատված անձից դատական կարգով հետ պահանջել նրան փոխհատուցված աշխատավարձը՝ դատարանում ապացուցելով խորհրդի անդամի կողմից պաշտոնեական պարտականությունների թերացման փաստը:

 

6. Խորհրդի անդամի՝ օրենքով սահմանված պատասխանատվությունը

 

1. Խորհրդի անդամն իր պարտականությունների կատարման ընթացքում պետք է գործի՝ ելնելով բանկի շահերից, իրականացնի իր իրավունքները և կատարի բանկի նկատմամբ իր պարտականությունները բարեխիղճ ու ողջամիտ կերպով:

1.1. Խորհրդի անդամը բանկի առջև պատասխանատվություն է կրում իր դիտավորյալ գործողությունների (անգործության) հետևանքով բանկին պատճառած իրական վնասի համար՝ Հայաստանի Հանրապետության օրենսդրության համաձայն: Բանկին հասցված վնասի համար պատասխանատվությունից ազատվում են այն խորհրդի անդամները, որոնք բանկին վնաս պատճառած որոշման ընդունմանը դեմ են քվեարկել կամ նիստին ներկա չեն եղել:

1.2. Խորհրդի անդամների պատասխանատվությունը ներառում է, սակայն չի սահմանափակում հետևյալ հնարավոր դեպքերը՝

ա) երբ մեկ փոխառուի, խոշոր փոխառուների, բանկի հետ կապված անձանց գծով սահմանված նորմատիվների խախտումով տրամադրված վարկերի, փոխառությունների կամ այլ կնքված գործարքների (որոնց կնքման համար օրենքով պահանջվում է խորհրդի որոշում) հետևանքով բանկը վնաս է կրում, բանկին պատճառված իրական վնասների հատուցման համար համապարտ պատասխանատվություն են կրում բանկի խորհրդի անդամները և գործադիր տնօրենը,

բ) եթե բանկի խորհրդին ներկայացվող հաշվետվությունները բացահայտել են օրենքների, այլ նորմատիվ իրավական և բանկի ներքին իրավական ակտերի խախտումներ, և հետագայում բանկը կրել է նույն խախտումներով պայմանավորված վնաս, ապա խորհրդի անդամները համապարտ պատասխանատվություն են կրում այդ իրական վնասների հատուցման համար` բացառությամբ, եթե խորհրդի անդամն իր իրավասությունների սահմաններում ձեռնարկել է այդ խախտումները կանխելու ուղղությամբ բավարար և խելամիտ գործողություններ:

1.3. Խորհրդի անդամը ազատվում է բանկին պատճառված վնասի համար պատասխանատվությունից, եթե գործել է բարեխիղճ՝ այն համոզմունքով, որ իր գործողությունները ելնում են բանկի շահերից: Մասնավորապես`

ա) եթե ողջամիտ գործարար տրամաբանությունից ելնելով կայացվել են որոշումներ, նույնիսկ եթե դրանք բանկին հետագայում հասցրել են այնպիսի վնասներ, որոնց առաջացումն այդ որոշումն ընդունելիս հստակորեն հաշվի է առնվել որպես բիզնես ռիսկ,

բ) եթե խորհրդի անդամի կողմից սխալ կամ թերի որոշումների ընդունումը եղել է բարեխիղճ` առանց վնաս պատճառելուն հատկապես ուղղված միտման, և եթե այդ որոշումների ընդունմամբ չեն խախտվել օրենքների կամ այլ իրավական ակտերի պահանջները:

1.4. Բանկի խորհրդի անդամի պաշտոնից ազատվելը չի ազատում նրան իր մեղքով բանկին պատճառած վնասի համար պատասխանատվությունից:

1.5. Բանկի խորհրդի անդամին Կենտրոնական բանկը հանում է գրանցումից, եթե վերջինս`

ա) ունի դատվածություն՝ դիտավորությամբ կատարված հանցագործությունների համար,

բ) դատարանի կողմից զրկվել է ֆինանսական, բանկային, հարկային, մաքսային, առևտրային, տնտեսական, իրավական ոլորտներում պաշտոններ վարելու իրավունքից,

գ) ճանաչվել է սնանկ և ունի չմարված (չներված) պարտավորություններ,

դ) որակավորմամբ կամ մասնագիտական գիտելիքների առումով չի համապատասխանում Կենտրոնական բանկի սահմանած մասնագիտական չափանիշներին,

ե) անցյալում կատարել է այնպիսի արարք, որը Կենտրոնական բանկի կարծիքով հիմք է տալիս կասկածելու, որ տվյալ անձը՝ որպես բանկի ղեկավար, չի կարող պատշաճորեն կառավարել բանկի գործունեության համապատասխան ոլորտը, կամ նրա գործողությունները կարող են հանգեցնել բանկի սնանկացմանը, ֆինանսական վիճակի վատթարացմանը կամ հեղինակության և գործարար համբավի վարկաբեկմանը,

զ) քրեական գործով ներգրավված է որպես կասկածյալ, մեղադրյալ կամ ամբաստանյալ:

 

7. Խորհրդի նախագահի՝ օրենքով սահմանված պարտականությունները

 

1. Բանկի խորհրդի նախագահը միաժամանակ չի կարող լինել բանկի գործադիր տնօրեն: Բանկի խորհրդի նախագահը ընտրվում է խորհրդի կողմից՝ խորհրդի անդամների կազմից:

2. Բանկի խորհրդի նախագահը՝

ա) կազմակերպում է խորհրդի աշխատանքները,

բ) գումարում և նախագահում է խորհրդի նիստերը,

գ) կազմակերպում է խորհրդի նիստերի արձանագրությունների վարումը,

դ) նախագահում է բանկի ընդհանուր ժողովում,

ե) կազմակերպում է խորհրդին կից հանձնաժողովների աշխատանքը:

Խորհրդի նախագահը նաև ստորագրում է խորհրդի որոշումները և պատասխանատվություն կրում որոշումների մեջ առկա տեղեկությունների հավաստիության համար:

 

Ես՝ Անուն, ազգանուն, հայրանուն հայտարարում եմ, որ ծանոթացել եմ «Խորհրդի անդամների գործունեության ուղեցույցին»: Ամբողջությամբ հասկանում և գիտակցում եմ իմ՝ որպես խորհրդի անդամի դերը, իրավասություններն ու պարտականությունները:   Ստորագրություն _______________ Ամսաթիվ _______________   օր/ամիս/տարի

 

(Հավելված 21-ը լրաց. 06.06.06 N 237-Ն)

Հավելված 1-ի Ենթահավելված 22

 

Տ Ե Ղ Ե Կ Ա Ն Ք

 

Բանկի կանոնադրական հիմնադրամում նշանակալից մասնակցություն ունեցող իրավաբանական անձանց նշանակալից մասնակից հանդիսացող իրավաբանական անձանց մասին

 

1. Բանկի կանոնադրական հիմնադրամում նշանակալից մասնակցություն ունեցող անձանց նշանակալից մասնակից հանդիսացող անձանց տվյալներ

1.1. Բանկի անվանումը, որի կանոնադրական հիմնադրամում անձն ունի նշանակալից մասնակցություն _____________   1.2. Բանկի կանոնադրական հիմնադրամում նշանակալից մասնակցություն ունեցող անձի անվանումը ________________   1.3. Բանկի նշանակալից մասնակցի նշանակալից մասնակից հանդիսացող անձի անվանումը _________________   1.4. Գործունեության վայրը/ՀՎՀՀ (ռեզիդենտների համար)   1.5. Գրանցման ամսաթիվը ______________         օր/ամիս/տարի վայրը ____________ 1.6. Հիմնական գործունեության նկարագիրը

2. Տեղեկություններ այլ անձանց կանոնադրական հիմնադրամում 10 և ավելի տոկոս մասնակցությունների վերաբերյալ

Կազմակերպության անվանումը, ՀՎՀՀ (ռեզիդենտների համար)   Գտնվելու վայրը   Մասնակցության չափը (դրամով)   Մասնակցության չափը (%) 1.       2.

3. Տեղեկություններ կազմակերպության մասնակիցների վերաբերյալ

3.1. Ձայնի իրավունք տվող բաժնետոմսերի 10 և ավելի տոկոս ունեցող իրավաբանական անձինք Կազմակերպության անվանումը, ՀՎՀՀ (ռեզիդենտների համար)   Գտնվելու վայրը   Մասնակցության չափը (դրամով)   Մասնակցության չափը (%) 1.       2.               3.2. Ձայնի իրավունք տվող բաժնետոմսերի 10 և ավելի տոկոս ունեցող ֆիզիկական անձինք Անունը, ազգանունը, անձնագրի համարը, սոցիալական քարտի համարը (առկայության դեպքում)    Բնակության վայրը   Մասնակցության չափը (դրամով)   Մասնակցության չափը (%) 1.       2.

4. Այլ տեղեկություններ

4.1. Արդյո՞ք կազմակերպությունն ունի դրամային (կամ այլ) պարտավորություններ որևէ բանկի կամ վարկային կազմակերպության նկատմամբ: «Այո» պատասխանի դեպքում ներկայացնել կազմակերպության անվանումը, պարտավորության տեսակը, չափը, մարման ժամկետները (բացառությամբ՝ օվերդրաֆտների և վարկային քարտերի)   Այո Ոչ

4.2. Արդյո՞ք կազմակերպությունն ունի սույն տեղեկանքի 1.1 կետում նշված բանկի հետ կնքված որևէ պայմանագիր (բացառությամբ՝ 4.1 կետում նշված դեպքերի): «Այո» պատասխանի դեպքում ներկայացնել կազմակերպության անվանումը, պայմանագրի բնույթը Այո Ոչ

4.3. Արդյո՞ք կազմակերպության ղեկավարները (խորհրդի անդամները, գործադիր տնօրենը կամ գլխավոր հաշվապահը) ունեն դրամային (կամ այլ) պարտավորություններ ՀՀ որևէ բանկի կամ վարկային կազմակերպության նկատմամբ: «Այո» պատասխանի դեպքում ներկայացնել անձի անունը, ազգանունը, պաշտոնը, կազմակերպության անվանումը, պարտավորության տեսակը, չափը, մարման ժամկետները (բացառությամբ՝ օվերդրաֆտների և վարկային քարտերի)   Այո Ոչ

4.4. Արդյո՞ք կազմակերպության նշանակալից մասնակիցն ունի դրամային (կամ այլ) պարտավորություններ որևէ ՀՀ բանկի կամ վարկային կազմակերպության նկատմամբ: «Այո» պատասխանի դեպքում ներկայացնել մասնակցի անունը (անվանումը), կազմակերպության անվանումը, պարտավորության տեսակը, չափը, մարման ժամկետները (բացառությամբ՝ օվերդրաֆտների և վարկային քարտերի)   Այո Ոչ

4.5. Արդյո՞ք կազմակերպության ղեկավարը (խորհրդի անդամները, գործադիր տնօրենը կամ գլխավոր հաշվապահը) հանդիսանում է նաև ղեկավար ՀՀ որևէ բանկում կամ վարկային կազմակերպությունում: «Այո» պատասխանի դեպքում ներկայացնել կազմակերպության անվանումը, այդ կազմակերպությունում զբաղեցրած պաշտոնը   Այո Ոչ

4.6. Արդյո՞ք սույն տեղեկանքի 2-րդ կետում նշված կազմակերպությունները ունեն պարտավորություններ կամ այլ պայմանագրային հարաբերություններ ՀՀ որևէ բանկի կամ վարկային կազմակերպության հետ: «Այո» պատասխանի դեպքում ներկայացնել կազմակերպությունների անվանումները, պարտավորության տեսակը, չափը, մարման ժամկետները (բացառությամբ՝ օվերդրաֆտների և վարկային քարտերի) կամ պայմանագրի բնույթը   Այո Ոչ

4.7. Այլ՝ Ձեր կարծիքով կարևոր տեղեկատվություն

5. Հավաստիացնում եմ, որ սույն փաստաթղթում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական և վարչական պատասխանատվության: Տնօրենի անունը, ազգանունը _______________________________________________   Ստորագրություն _______________       Ամսաթիվ   _____________________________   օր/ամիս/տարի Կ. Տ.

 

(Հավելված 22-ը լրաց. 06.06.06 N 237-Ն)

Հավելված 1-ի Ենթահավելված 23

 

Տ Ե Ղ Ե Կ Ա Ն Ք

 

Բանկի կանոնադրական հիմնադրամում նշանակալից մասնակցություն ունեցող իրավաբանական անձանց նշանակալից մասնակից հանդիսացող ֆիզիկական անձանց մասին

 

1. Բանկի կանոնադրական հիմնադրամում նշանակալից մասնակցություն ունեցող անձանց նշանակալից մասնակից հանդիսացող անձանց տվյալներ

1.1. Բանկի անվանումը, որի կանոնադրական հիմնադրամում անձը ունի նշանակալից մասնակցություն ________ 1.2. Բանկի կանոնադրական հիմնադրամում նշանակալից մասնակցություն ունեցող անձի անվանումը ________ 1.3. Բանկի նշանակալից մասնակցի նշանակալից մասնակից հանդիսացող անձի անունը, ազգանունը _____________________ 1.4. Սեռը ______ 1.5. Ծննդյան տարեթիվը, ամիսը, ամսաթիվը ____________ օր/ամիս/տարի 1.6. Ծննդավայրը ____________________________________ 1.7. Քաղաքացիությունը ________________________________ 1.8. Անձնագրի համարը և սերիան, ում կողմից և երբ է տրված __________________________________ Սոցիալական քարտի համարը (առկայության դեպքում) _______________________________________ 1.9. Բնակության վայրը  (մշտական և բնակության տվյալ պահին), հեռախոսահամարը

2. Տեղեկություններ այլ անձանց կանոնադրական հիմնադրամում 10 և ավելի տոկոս մասնակցությունների վերաբերյալ

Կազմակերպության անվանումը, ՀՎՀՀ (ռեզիդենտների համար)   Գտնվելու վայրը   Մասնակցության չափը (դրամով)   Մասնակցության չափը (%) 1.       2.

3. Աշխատանքային գործունեություն (վերջին 5 տարվա դրությամբ) Այս կետը լրացնելու փոխարեն ֆիզիկական անձը կարող է ներկայացնել իր ռեզյումեն, որում նվազագույնս պետք է ներկայացվի սույն կետով սահմանված տեղեկատվությունը

Կազմակերպության անվանումը, գտնվելու վայրը, հեռախոսը   Աշխատանքի ընդունման և ազատման ժամկետները   Պաշտոնը   Պարտականությունները 1.       2.

4. Այլ տեղեկություններ

4.1. Արդյո՞ք մասնակիցը ունի դրամային (կամ այլ) պարտավորություններ որևէ բանկի կամ վարկային կազմակերպության նկատմամբ: «Այո» պատասխանի դեպքում ներկայացնել կազմակերպության անվանումը, պարտավորության տեսակը, չափը, մարման ժամկետները (բացառությամբ՝ օվերդրաֆտների և վարկային քարտերի)   Այո Ոչ

4.2. Արդյո՞ք մասնակիցն ունի սույն տեղեկանքի 1.1 կետում նշված բանկի հետ կնքված որևէ պայմանագիր (բացառությամբ 4.1 կետում նշված դեպքերի): «Այո» պատասխանի դեպքում ներկայացնել կազմակերպության անվանումը, պայմանագրի բնույթը   Այո Ոչ

4.3. Արդյո՞ք սույն տեղեկանքի 2-րդ կետում նշված կազմակերպություններն ունեն պարտավորություններ կամ այլ պայմանագրային հարաբերություններ ՀՀ որևէ բանկի կամ վարկային կազմակերպության հետ: «Այո» պատասխանի դեպքում ներկայացնել կազմակերպությունների անվանումները, պարտավորության տեսակը, չափը, մարման ժամկետները (բացառությամբ՝ օվերդրաֆտների և վարկային քարտերի) կամ պայմանագրի բնույթը   Այո Ոչ

4.4. Այլ՝ Ձեր կարծիքով կարևոր տեղեկատվություն

5. Հավաստիացնում եմ, որ սույն փաստաթղթում պարունակվող տեղեկատվությունը արժանահավատ է և ամբողջական: Գիտակցում եմ, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված քրեական և վարչական պատասխանատվության:   Ստորագրություն _______________       Ամսաթիվ     ___________________________   օր/ամիս/տարի Կ. Տ

 

(Հավելված 23-ը լրաց. 06.06.06 N 237-Ն)

 

Ենթահավելված 24

 

Համարակալված, կնքված և կարված է   _____ (________) թերթ: նշել թվերով     նշել տառերով     ԻՎ Լիցենզավորման ու գրանցման բաժնի պետ` ___________________ անուն, ազգանուն ___________________ ստորագրություն   Վերահսկող`   ___________________ անուն, ազգանուն ___________________ ստորագրություն

 

(24-րդ ենթահավելվածը լրաց. 12.12.07 N 406-Ն)

 

Ենթահավելված 25

 

Հ Ա Յ Տ Ա Ր Ա Ր Ա Գ Ի Ր

 

Մասնաճյուղի տարածքի և տեխնիկական հագեցվածության չափանիշները Կանոնակարգ 1-ի 13-րդ գլխով սահմանված պահանջներին համապատասխանելու վերաբերյալ

 

Հավաստիացնում եմ, որ բանկի ______________________ մասնաճյուղի տարածքը և տեխնիկական

նշել անվանումը

հագեցվածության չափանիշները համապատասխանեցված են Կանոնակարգ 1-ի 13-րդ գլխով սահմանված պահանջներին: Հայտարարում եմ նաև, որ բանկի մասնաճյուղի տարածքի և տեխնիկական հագեցվածության չափանիշների հետ կապված փոփոխությունների դեպքերում (Կանոնակարգ 1-ի 13-րդ գլխով սահմանված պահանջներին չհակասող կատարվող և կատարվելիք փոփոխություններ) պարտավոր եմ գրավոր տեղեկացնել ՀՀ կենտրոնական բանկին:

Սույն հայտարարագիրը արժանահավատ է և ամբողջական: Բանկն ընդունում է, որ բանկի կողմից սույն հայտարարագրի հետ կապված ցանկացած կեղծ տեղեկատվության ներկայացումը բանկի և (կամ) բանկի ղեկավարի հանդեպ կարող են առաջացնել ՀՀ օրենքով սահմանված հետևանքներ:

 

Բանկի գործադիր տնօրեն՝ (վարչության նախագահ)

ստորագրություն կնիք

 

(25-րդ ենթահավելվածը լրաց. 12.12.07 N 406-Ն)

 

ԵՆԹԱՀԱՎԵԼՎԱԾ 26

 

«Բանկերի և օտարերկրյա բանկերի մասնաճյուղերի գրանցումն ու լիցենզավորումը,

բանկերի մասնաճյուղերի և ներկայացուցչությունների գրանցումը, բանկերի և օտարերկրյա

բանկերի մասնաճյուղերի ղեկավարների որակավորումը և գրանցումը» կանոնակարգ 1-ը

հաստատելու մասին» թիվ 145-Ն որոշմամբ հաստատված «Բանկերի և օտարերկրյա բանկերի

 մասնաճյուղերի գրանցումն ու լիցենզավորումը, բանկերի մասնաճյուղերի և

ներկայացուցչությունների  գրանցումը, բանկերի և օտարերկրյա բանկերի մասնաճյուղերի

ղեկավարների որակավորումը և գրանցումը» կանոնակարգ 1-ի ենթահավելվածի

 

ՖԻՐՄԱՅԻՆ ԱՆՎԱՆՄԱՆ ԳՐԱՆՑՄԱՆ ՀԱՅՏ

Կենտրոնական բանկի նախագահ

……………………………-ին

 

Հարգելի --------------------

Խնդրում ենք Հայաստանի Հանրապետության օրենսդրությամբ սահմանված կարգով որպես կազմակերպության ֆիրմային անվանում գրանցել հետևյալ անվանումը.

______________________________________________________

(գրանցման ներկայացված ֆիրմային անվանումը, դրա հապավումը կամ կրճատ ձևը (եթե այդպիսին կա))

______________________________________________________

(գրանցման ներկայացված ֆիրմային անվանման բացատրությունը, եթե այն հայերեն հասկանալի չէ)

 

Հայտատուի ֆիրմային անվանման գրանցման պատճառ է հանդիսացել (ընդգծել համապատասխան տողը).

● հիմնադրում

● վերակազմակերպում

o միացում

o վերակազմավորում (կազմակերպական - իրավական ձևի փոփոխություն)

● անվանափոխություն

 

Համաձայն «Ֆիրմային անվանումների մասին» ՀՀ օրենքի և այլ իրավական ակտերի՝ կից ներկայացնում ենք ֆիրմային անվանման գրանցման համար անհրաժեշտ փաստաթղթերը: Առդիր` --- էջ:

Մենք՝ ներքոստորագրյալներս, հավաստիացնում ենք, որ մանրակրկիտ դիտարկել ենք սույն դիմումին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք, որ տեղեկատվությունը արժանահավատ է ու ամբողջական, և գիտակցում ենք, որ որևէ փաստի սխալ ներկայացումը կամ բացթողումը հանգեցնում է օրենքով սահմանված պատասխանատվության և հայտի մերժմանը:

Հայտը ներկայացնող անձ`

______________________________________________________

(Գրանցվող բանկի հիմնադիրներին ներկայացնող իրավասու անձի անունը, ազգանունը, հեռախոսը, բնակության (հաշվառման)

 վայրը, ստորագրությունը կամ բանկի անվանումը, գտնվելու վայրը, բանկի իրավասու անձի անունը, ազգանունը, ստորագրությունը)

 

____ _______________20_ թ.

 

(Ենթահավելվածը լրաց. 22.09.09 թիվ 276-Ն)

 

ԵՆԹԱՀԱՎԵԼՎԱԾ 27

 

«Բանկերի և օտարերկրյա բանկերի մասնաճյուղերի գրանցումն ու լիցենզավորումը,

բանկերի մասնաճյուղերի և ներկայացուցչությունների գրանցումը, բանկերի և օտարերկրյա

բանկերի մասնաճյուղերի ղեկավարների որակավորումը և գրանցումը» կանոնակարգ 1-ը

հաստատելու մասին» թիվ 145-Ն որոշմամբ հաստատված «Բանկերի և օտարերկրյա բանկերի

 մասնաճյուղերի գրանցումն ու լիցենզավորումը, բանկերի մասնաճյուղերի և

ներկայացուցչությունների  գրանցումը, բանկերի և օտարերկրյա բանկերի մասնաճյուղերի

ղեկավարների որակավորումը և գրանցումը» կանոնակարգ 1-ի ենթահավելվածի

 

ԲԱՆԿԻ ՖԻՐՄԱՅԻՆ ԱՆՎԱՆՄԱՆ ԳՐԱՆՑՄԱՆ ՎԿԱՅԱԿԱՆԻ ՁԵՎ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ     ԲԱՆԿԻ ՖԻՐՄԱՅԻՆ ԱՆՎԱՆՄԱՆ ԳՐԱՆՑՄԱՆ ՎԿԱՅԱԿԱՆ                 Ք. ԵՐԵՎԱՆ

Գրանցված է ՀՀ կենտրոնական բանկի ………… ---- թվականի թիվ --- որոշմամբ   ՖԻՐՄԱՅԻՆ ԱՆՎԱՆՄԱՆ ԳՐԱՆՑՄԱՆ ՎԿԱՅԱԿԱՆ թիվ ---   Համաձայն «Բանկերի և բանկային գործունեության մասին» և «Ֆիրմային անվանումների մասին» Հայաստանի Հանրապետության օրենքների՝ սույն վկայականը տրվում է ---------------------------------------------------------(անվանումը, կազմակերպական-իրավական ձևը) --------------------------------------------------------- -----------------------------------------բանկին առ այն, որ բանկի ֆիրմային անվանումը գրանցված է Հայաստանի Հանրապետության կենտրոնական բանկի կողմից: Գրանցման համարը ____ _________ Գրանցման ամսաթիվ, ամիս, տարեթիվ _________   Հայաստանի Հանրապետության կենտրոնական բանկի նախագահ _____   …… ……………...… 20 ... թ. Կ.Տ.

(Ենթահավելվածը լրաց. 22.09.09 թիվ 276-Ն)

Հավելված 2 Հաստատված է ՀՀ կենտրոնական բանկի խորհրդի 2005 թվականի ապրիլի 12-ի թիվ 145-Ն որոշմամբ

ԲԱՆԿԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՄԻԱՍՆԱԿԱՆ ՁԵՎ

 

Հայաստանի Հանրապետության Կենտրոնական բանկի նախագահ ___________________ ____ __________ 20  թ.     Բանկային գործունեության  լիցենզիա թիվ  ___   Սույն լիցենզիան տրվում է ____________________________________________ (բանկի անվանումը և կազմակերպական-իրավական տեսակը, օտարերկրյա բանկի մասնաճյուղի անվանումը)   «Բանկերի և բանկային գործունեության մասին» Հայաստանի Հանրապետության օրենքով նախատեսված՝ Հայաստանի Հանրապետության դրամով և արտարժույթով բանկային գործունեություն և ֆինանսական գործառնություններ իրականացնելու համար:   Գրանցման թիվը ________________