«Գրանցված է»

ՀՀ արդարադատության

նախարարության կողմից

20 նոյեմբերի 2009 թ.

Պետական գրանցման թիվ 05009398

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

6 հոկտեմբերի 2009 թ.

թիվ 296-Ն

Ո Ր Ո Շ ՈՒ Մ

ԲԱՆԿԵՐԻ ԿՈՂՄԻՑ ՊԱՐՏԱԴԻՐ ՏԵՂԵԿԱՑՄԱՆ ԵՆԹԱԿԱ ԵՎ ԿԱՍԿԱԾԵԼԻ ԳՈՐԾԱՐՔԻ ԿԱՄ ԳՈՐԾԱՐԱՐ ՀԱՐԱԲԵՐՈՒԹՅԱՆ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԻ ՏՐԱՄԱԴՐՄԱՆ ՁԵՎԸ (ԹԻՎ 101 ՀԱՇՎԵՏՎԱԿԱՆ ՁԵՎ), ԲԱՆԿԵՐԻ ՀԱՇՎԱՌՄԱՆ ԿԱՐԳԸ, ԲԱՆԿԵՐԻ ԿՈՂՄԻՑ ՊԱՐՏԱԴԻՐ ՏԵՂԵԿԱՑՄԱՆ ԵՆԹԱԿԱ ԵՎ ԿԱՍԿԱԾԵԼԻ ԳՈՐԾԱՐՔՆԵՐԻ ԿԱՄ ԳՈՐԾԱՐԱՐ ՀԱՐԱԲԵՐՈՒԹՅՈՒՆՆԵՐԻ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԻ ՏՐԱՄԱԴՐՄԱՆ ԿԱՐԳԸ ԵՎ ՊԱՅՄԱՆՆԵՐԸ, ԲԱՆԿԵՐԻ ԿՈՂՄԻՑ ՊԱՐՏԱԴԻՐ ՏԵՂԵԿԱՑՄԱՆ ԵՆԹԱԿԱ ԵՎ ԿԱՍԿԱԾԵԼԻ ԳՈՐԾԱՐՔՆԵՐԻ ԿԱՄ ԳՈՐԾԱՐԱՐ ՀԱՐԱԲԵՐՈՒԹՅՈՒՆՆԵՐԻ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԻ ՏՐԱՄԱԴՐՄԱՆ ԺԱՄԿԵՏՆԵՐԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՀՈՒԼԻՍԻ 31-Ի ԹԻՎ 231-Ն ՈՐՈՇՈՒՄԸ ԲԱՆԿԵՐԻ ՀԱՄԱՐ ՍԱՀՄԱՆՎԱԾ ՊԱՀԱՆՋՆԵՐԻ ՄԱՍՈՎ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հիմք ընդունելով «Փողերի լվացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքի 7-րդ հոդվածի 6-րդ մասը և 9-րդ հոդվածի 4-րդ մասը և ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 5-րդ և 20-րդ հոդվածներով և «Իրավական ակտերի մասին» Հայաստանի Հանրապետության օրենքի 16-րդ և 72-րդ հոդվածներով՝ Հայաստանի Հանրապետության կենտրոնական բանկի խորհուրդը որոշում է.

1. Հաստատել բանկերի կողմից պարտադիր տեղեկացման ենթակա և կասկածելի գործարքի կամ գործարար հարաբերության վերաբերյալ տեղեկությունների տրամադրման ձևը (Թիվ 101 Հաշվետվական ձև)՝ համաձայն Հավելված 1-ի (կցվում է):

2. Հաստատել բանկերի հաշվառման կարգը, բանկերի կողմից պարտադիր տեղեկացման ենթակա և կասկածելի գործարքի կամ գործարար հարաբերության վերաբերյալ տեղեկությունների տրամադրման կարգը և պայմանները՝ համաձայն Հավելված 2-ի (կցվում է):

3. Հաստատել բանկերի կողմից պարտադիր տեղեկացման ենթակա և կասկածելի գործարքի կամ գործարար հարաբերության վերաբերյալ տեղեկությունների տրամադրման ժամկետները՝ համաձայն Հավելված 3-ի (կցվում է):

4. Մինչև 2009 թվականի դեկտեմբերի 31-ը պարտադիր տեղեկացման ենթակա և կասկածելի գործարքի կամ գործարար հարաբերության վերաբերյալ տեղեկությունները կարող են տրամադրվել սույն որոշմամբ սահմանված ձևով, կարգով, պայմաններով և ժամկետներով կամ Հայաստանի Հանրապետության կենտրոնական բանկի խորհրդի 2008 թվականի հուլիսի 31-ի «Բանկերի, վարկային կազմակերպությունների, արտարժույթի դիլերային-բրոքերային առուվաճառք, արտարժույթի առուվաճառք իրականացնող անձանց, դրամական փոխանցումներ իրականացնող անձանց, «Արժեթղթերի շուկայի մասին» Հայաստանի Հանրապետության օրենքի համաձայն՝ ներդրումային ծառայություններ մատուցող անձանց, գրավատների (այսուհետ՝ հաշվետվություն տրամադրող անձանց) կողմից պարտադիր տեղեկացման և կասկածելի գործարքի վերաբերյալ տեղեկությունների տրամադրման ձևը (թիվ 001 հաշվետվական ձև), տեղեկությունների տրամադրման կարգը և ժամկետները հաստատելու և Հայաստանի Հանրապետության կենտրոնական բանկի խորհրդի 2007 թվականի փետրվարի 20-ի թիվ 55-Ն որոշումն ուժը կորցրած ճանաչելու մասին» թիվ 231-Ն որոշմամբ սահմանված ձևով, կարգով և ժամկետներով:

5. 2009 թվականի դեկտեմբերի 31-ից բանկերի համար սահմանված պահանջների մասով ուժը կորցրած ճանաչել Հայաստանի Հանրապետության կենտրոնական բանկի խորհրդի 2008 թվականի հուլիսի 31-ի «Բանկերի, վարկային կազմակերպությունների, արտարժույթի դիլերային-բրոքերային առուվաճառք, արտարժույթի առուվաճառք իրականացնող անձանց, դրամական փոխանցումներ իրականացնող անձանց, «Արժեթղթերի շուկայի մասին» Հայաստանի Հանրապետության օրենքի համաձայն՝ ներդրումային ծառայություններ մատուցող անձանց, գրավատների (այսուհետ՝ հաշվետվություն տրամադրող անձանց) կողմից պարտադիր տեղեկացման և կասկածելի գործարքի վերաբերյալ տեղեկությունների տրամադրման ձևը (թիվ 001 հաշվետվական ձև), տեղեկությունների տրամադրման կարգը և ժամկետները հաստատելու և Հայաստանի Հանրապետության կենտրոնական բանկի խորհրդի 2007 թվականի փետրվարի 20-ի թիվ 55-Ն որոշումն ուժը կորցրած ճանաչելու մասին» թիվ 231-Ն որոշումը:

6. Սույն որոշումն ուժի մեջ է մտնում դրա պաշտոնական հրապարակման օրվան հաջորդող տասներորդ օրը, բացառությամբ սույն որոշմամբ հաստատված «Բանկերի հաշվառման կարգը, բանկերի կողմից պարտադիր տեղեկացման ենթակա և կասկածելի գործարքի կամ գործարար հարաբերության վերաբերյալ տեղեկությունների տրամադրման կարգը և պայմանները» Հավելված 2-ի 1-ին գլխի և Հավելված 2-ի հավելվածի, որոնք ուժի մեջ են մտնում 2009 թվականի դեկտեմբերի 31-ին:

ՀՀ կենտրոնական բանկի նախագահի տեղակալ	Վ. Գաբրիելյան
2009 թ. հոկտեմբերի 15 ք. Երևան

ԲԱՆԿԵՐԻ ԿՈՂՄԻՑ ՊԱՐՏԱԴԻՐ ՏԵՂԵԿԱՑՄԱՆ ԵՆԹԱԿԱ ԵՎ ԿԱՍԿԱԾԵԼԻ ԳՈՐԾԱՐՔԻ ԿԱՄ ԳՈՐԾԱՐԱՐ ՀԱՐԱԲԵՐՈՒԹՅԱՆ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԻ ՏՐԱՄԱԴՐՄԱՆ ՀԱՇՎԵՏՎԱԿԱՆ ՁԵՎ 101

ՈՒ Ղ Ե Ց ՈՒ Յ Ց

Բանկերի կողմից պարտադիր տեղեկացման ենթակա և կասկածելի

գործարքի կամ գործարար հարաբերության վերաբերյալ տեղեկությունների

տրամադրման ձևի (Թիվ 101 Հաշվետվական ձև) լրացման և ներկայացման

վերաբերյալ

Գ լ ու խ  1

Հաշվետվական ձեվի լրացման դեպքերը եվ լրացման ընդհանուր կանոնները

Սույն ուղեցույցը սահմանում է բանկերի կողմից «Փողերի լվացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքով (այսուհետ՝ Օրենք) սահմանված հաշվետվությունների լրացման կարգը: Սույն ուղեցույցում օգտագործվող հասկացություններն օգտագործվում են Օրենքով սահմանված հասկացությունների համաձայն:

1. Սույն հաշվետվական ձևը լրացրեք, եթե հանդիսանում եք բանկ (այսուհետ` նաև հաշվետվություն տրամադրող անձ կամ հաշվետու անձ):

2. Սույն հաշվետվական ձևի ներկայացումը պարբերական բնույթ չի կրում և ներկայացվում է Օրենքի 5-րդ հոդվածի 1-ին մասով սահմանված դեպքերում:

3. Եթե հաշվետվություն տրամադրող անձը չունի հաշվառման համար, ապա սույն հաշվետվական ձևը լրացվում է միայն Հայաստանի Հանրապետության կենտրոնական բանկի ֆինանսական դիտարկումների կենտրոնից (այսուհետ` նաև ՖԴԿ) հաշվառման համար ստանալուց հետո:

4. Սույն հաշվետվական ձևը լրացրեք միայն էլեկտրոնային տարբերակով` հնարավորինս պարզ, հակիրճ, միանշանակ ընկալվող հայերեն լեզվով, ոչ «յունիկոդ» տառատեսակով և մեծատառերով: Ֆիզիկական անձի անուն, ազգանուն և իրավաբանական անձի անվանում ենթակետերը («Գործարքի կողմեր» 5-րդ բաժնում) լրացվում են անգլերեն, երբ անհրաժեշտ տվյալները բանկին հասանելի են անգլերեն լեզվով: Եթե նշված տվյալները հասանելի են այլ օտար լեզվով, ապա վերոնշյալ ենթակետերը կարող են լրացվել հայերեն կամ անգլերեն լեզվով: Հաշվետվական ձևը կարող եք ձեռք բերել ՖԴԿ-ին դիմելու միջոցով:

1) Հաշվետվական ձևը լրացրեք օգտագործելով ներկայացված էլեկտրոնային ձևում («էքսեմել սխեմայում») առկա սահմանափակումները: Էլեկտրոնային ձևում առկա սահմանափակումները փոփոխության ենթակա չեն: Ցանկացած ներկայացված հաշվետվություն, որը կպարունակի «էքսեմել սխեմայի» փոփոխություն, կդիտարկվի թերի կամ սխալ լրացված հաշվետվություն և կարող է առաջացնել օրենքով նախատեսված պատասխանատվության միջոցներ:

2) Հաշվետվական ձևի Հավելված 2-ով, որպես պարտադիր նշված կետերը և/կամ ենթակետերը ենթակա են պարտադիր լրացման, իսկ չնշված կետերը և/կամ ենթակետերը` հայեցողական լրացման: Ընդ որում, որպես պարտադիր չնշված կետերը և/կամ ենթակետերը նույնպես ենթակա են պարտադիր լրացման, եթե բանկն իր տրամադրության տակ ունի կամ պարտավոր է ունենալ այդ տեղեկատվությունը:

5. Պարտադիր տեղեկացման ենթակա գործարքների վերաբերյալ հաշվետվություն ներկայացնելիս` յուրաքանչյուր գործարքի վերաբերյալ ներկայացվում է առանձին հաշվետվություն:

6. Փոխկապակցված կասկածելի գործարքների կամ գործարար հարաբերությունների վերաբերյալ կարող է ներկայացվել մեկ հաշվետվություն՝ համաձայն սույն ուղեցույցի 35-րդ կետի:

7. Փոխկապակցված կասկածելի գործարքներ կամ գործարար հարաբերություններ են այն գործարքները կամ գործարար հարաբերությունները, որոնք առանձին-առանձին չեն համարվում կասկածելի, բայց որոնց հանրագումարն է կասկածի տեղիք տալիս, օրինակ՝ Օրենքի 6-րդ հոդվածի 3-րդ մասի 5-րդ կետով սահմանված գործարքները:

8. Փոխկապակցված կասկածելի գործարքների կամ գործարար հարաբերությունների դեպքում պարտադիր չէ, որ փոխկապակցված կասկածելի գործարքները կամ գործարար հարաբերությունները կատարված լինեն միաժամանակ: Օրինակ` որևէ նոր կատարված գործարք և որոշ ժամանակ առաջ կատարված գործարք կամ նոր վերլուծության արդյունքում բացահայտված ու նախկինում չնկատված գործարքը միասին կարող են հանդիսանալ փոխկապակցված: Գործարքների փոխկապակցվածության վերաբերյալ առանձնահատկությունները ներկայացվում են «Գործարքին վերաբերող Ձեր կողմից կարևորվող այլ տեղեկատվություն» 4.5 կետում:

9. «Հաշվետվության անվանումը» -ին բաժնի

1) «ՖԴԿ կողմից տրամադրված հաշվառման համարը» 1.1 կետում լրացրեք ՖԴԿ կողմից տրամադրված հաշվառման համարը,

2) «Հաշվետվության լրացման ամսաթիվը» 1.2 կետում լրացրեք հաշվետվության լրացման ամսաթիվը,

3) «Հաշվետվության հերթական համարը» 1.3 կետում լրացրեք տվյալ օրվա դրությամբ ուղարկված հաշվետվության հերթական համարը,

4) «Ուղղման հերթական համարը» 1.4 կետը ենթակա է պարտադիր լրացման, եթե հաշվետվությունն ուղարկվում է նախկինում ուղարկված հաշվետվությունում առկա սխալի կամ թերացման ճշտման նպատակով: Այստեղ լրացվում է տվյալ հաշվետվության ուղղման կամ լրացման նպատակով ներկայացվող հաշվետվության հերթական համարը:

10. «Հաշվետվության տեսակը» 2-րդ բաժնում «Նոր հաշվետվություն» 2.1 կետը լրացրեք, եթե`

1) ներկայացվում է նոր հաշվետվություն,

2) նախկինում ներկայացված հաշվետվության պարտադիր լրացման ենթակա կետերը և/կամ ենթակետերը սխալ կամ թերություն են պարունակել. այս դեպքում հաշվետվությունը լրացվում է ամբողջությամբ:

11 . «Լրացում հաշվետվություն» 2.2 կետը նշեք, եթե արդեն իսկ տրամադրված հաշվետվության հայեցողական կետերի և/կամ ենթակետերի հետ կապված անհրաժեշտ է տրամադրել լրացուցիչ տեղեկատվություն: Նշված տեղեկատվության տրամադրման անհրաժեշտությունը կարող է առաջանալ ինչպես սեփական նախաձեռնությամբ, այնպես էլ ՖԴԿ կողմից տեղեկատվության խնդրարկմամբ: Լրացում հաշվետվություն կարող է տրամադրվել նաև, եթե արդեն իսկ տրամադրված հաշվետվության հայեցողական կետերը և/կամ ենթակետերը անարժանահավատ տվյալներ են պարունակել. այս դեպքում անհրաժեշտ է լրացում հաշվետվության հետ մեկտեղ հաշվետվական ձևի 4-րդ բաժնի «Գործարքին վերաբերվող Ձեր կողմից կարևորվող այլ տեղեկատվություն» 4.5 կետում լրացնել բավարար հիմնավորում արդեն իսկ տրամադրված հաշվետվության մեջ փոփոխություն կատարելու հետ կապված: «Լրացում հաշվետվություն» ներկայացնելիս լրացման են ենթակա միայն այն կետերը և/կամ ենթակետերը, որոնց կապակցությամբ ներկայացվում է այդ հաշվետվությունը: Լրացում հաշվետվություն տրամադրելիս արդեն իսկ տրամադրված հաշվետվության վրա նշեք «Լրացում հաշվետվություն» 2.2 կետը. այդ դեպքում լրացման են ենթակա միայն հայեցողական կետերը և/կամ ենթակետերը: Եթե հարցվող տեղեկատվության համար համապատասխան կետեր և/կամ ենթակետեր չկան, ապա տեղեկատվությունը ներկայացվում է հաշվետվական ձևի 4-րդ բաժնի «Գործարքին վերաբերող Ձեր կողմից կարևորվող այլ տեղեկատվություն» 4.5 կետում:

«Լրացվող հաշվետվության անվանումը» 2.3 և «Լրացում հաշվետվության հերթական տարբերակը» 2.4 կետերը, լրացվում են «Լրացում հաշվետվություն» 2.2 կետում նշում կատարելու դեպքում:

ա. «Լրացվող հաշվետվության անվանումը» 2.3 կետում նշեք այն հաշվետվության էլեկտրոնային ֆայլի անվանումը, որին որպես լրացում ուղարկվում է «Լրացում հաշվետվությունը»:

բ. «Լրացում հաշվետվության հերթական տարբերակը» 2.4 կետում նշեք (թվերով), թե թվով, որ «Լրացում հաշվետվությունն» է ներկայացվում:

12. «Գործարքի տեսակը» 3-րդ բաժնում նշեք «Պարտադիր տեղեկացման ենթակա գործարք» 3.1 կետը, եթե ներկայացվում է Օրենքի 5-րդ հոդվածի 1-ին մասի 1-ին և 2-րդ կետերով սահմանված գործարքների մասին հաշվետվություն: «Գործարքի տեսակը» 3-րդ բաժնում նշեք «Կասկածելի գործարք» 3.2 կետը, եթե ներկայացվում է Օրենքի 5-րդ հոդվածի 1-ին մասի 3-րդ կետով սահմանված գործարքի կամ գործարար հարաբերության մասին հաշվետվություն:

13. «Գործարքի նկարագրությունը» 4-րդ բաժնում ներկայացվում են գործարքի վերաբերյալ ընդհանուր տվյալներ:

1) «Գործարքի կնքման ամսաթիվը» 4.1. կետում նշեք տեղեկացման ենթակա գործարքը (գործառնությունը) փաստացի կատարելու ամսաթիվը: Այն դեպքում, երբ նշում է կատարվել «Փոխկապակցված կասկածելի գործարք կամ գործարար հարաբերություն» 4.6 կետում և ներկայացվում է փոխկապակցված կասկածելի գործարքների կամ գործարար հարաբերությունների վերաբերյալ հաշվետվություն, ապա «Գործարքի կնքման ամսաթիվը» 4.1. կետում լրացրեք փոխկապակցված գործարքների կամ գործարար հարաբերություններից վերջինի կատարման ամսաթիվը, մնացած փոխկապացված գործարքների կամ գործարար հարաբերությունների մասին տվյալները, ներառյալ՝ հաշվետվական ձևի 4.1.-4.5. կետերով սահմանված տեղեկությունները լրացվում են «Գործարքին վերաբերող Ձեր կողմից կարևորվող այլ տեղեկատվություն» 4.5 կետում: Կասկածելի գործարքի կամ գործարար հարաբերության մասին հաշվետվություն ներկայացնելիս, եթե գործարքը դեռևս չի կատարվել, նշեք այն ամսաթիվը, երբ ներկայացվել է գործարքի կամ գործարար հարաբերության կատարման պահանջը կամ առաջարկը, իսկ այն դեպքում, երբ գործարքը մերժվել է, նշեք գործարքի մերժման ամսաթիվը:

2) «Արժույթը» 4.2 կետում նշեք այն արժույթի կոդը, որով կատարվել է գործարքը: Այն դեպքում, երբ ընտրել եք «Արտարժույթի փոխարկում» 5.4 կետը, ապա այս կետում նշեք վաճառված արժույթը:

3) «Գումարը տվյալ արժույթով» 4.3 կետում ներկայացրեք գործարքի գումարի չափը, այն արժույթով, որով կատարվել է գործարքը: Եթե «Արժույթը» կետում նշել եք AMD, ապա գործարքի կատարման նույն գումարը լրացվում է և «Գումարը համարժեք ՀՀ դրամին» 4.4 և «Գումարը տվյալ արժույթով» 4.3 կետերում:

4) «Գումարը համարժեք ՀՀ դրամին» 4.4 կետում ներկայացրեք գործարքի գումարի դրամական արտահայտությունը, Հայաստանի Հանրապետության կենտրոնական բանկի կողմից հայտարարված արտարժույթի նկատմամբ հայկական դրամի` արժութային շուկաներում ձևավորված միջին փոխարժեքով: Այն դեպքում, երբ ընտրել եք «Արտարժույթի փոխարկում» 5.4 կետը և կատարվել է մեկ արտարժույթի փոխարկում մեկ այլ արտարժույթի, ապա «Գումարը համարժեք ՀՀ դրամին» 4.4 կետում ներկայացրեք բանկի կողմից գնված արտարժույթին համարժեք գումարի դրամական արտահայտությունը: Այն դեպքում, երբ կատարվել է արտարժույթի և ՀՀ դրամի փոխարկում, ապա «Գումարը համարժեք ՀՀ դրամին» 4.4 կետում ներկայացրեք արտարժույթին համարժեք գումարի դրամական արտահայտությունը՝ արտահայտված Հայաստանի Հանրապետության կենտրոնական բանկի կողմից հայտարարված արտարժույթի նկատմամբ հայկական դրամի` արժութային շուկաներում ձևավորված միջին փոխարժեքով: Եթե գործարքի մասին հաշվետվություն է ներկայացվում գործարքի կատարման օրը և Հայաստանի Հանրապետության կենտրոնական բանկի կողմից դեռևս չի հայտարարվել արտարժույթի նկատմամբ հայկական դրամի` արժութային շուկաներում ձևավորված միջին փոխարժեքը, ապա գործարքի գումարի դրամական արտահայտությունը ներկայացվում է նախորդ օրը Հայաստանի Հանրապետության կենտրոնական բանկի կողմից հայտարարված արտարժույթի նկատմամբ հայկական դրամի` արժութային շուկաներում ձևավորված միջին փոխարժեքով:

5) Պարտադիր տեղեկացման ենթակա գործարքների վերաբերյալ հաշվետվությունը ներկայացվում է, եթե գործարքի գումարը Հայաստանի Հանրապետության կենտրոնական բանկի կողմից հայտարարված արտարժույթի նկատմամբ հայկական դրամի` արժութային շուկաներում ձևավորված միջին փոխարժեքով գերազանցում է 20 մլն ՀՀ դրամը: Արտարժույթի առուվաճառքի գործառնության դեպքում հաշվետվությունը լրացվում է, եթե բանկի կողմից տվյալ գործարքի համար կիրառվող փոխարժեքի արդյունքում առքի կամ վաճառքի գումարը գերազանցում է 20 մլն ՀՀ դրամը կամ Հայաստանի Հանրապետության կենտրոնական բանկի կողմից հայտարարված արտարժույթի նկատմամբ հայկական դրամի` արժութային շուկաներում ձևավորված միջին փոխարժեքով հաշվարկված համարժեքն է գերազանցում 20 մլն ՀՀ դրամը: Այս դեպքում «Գումարը համարժեք ՀՀ դրամին» 4.4 կետում լրացվում է գործարքի գումարի դրամական արտահայտությունը՝ սույն կետի 4-րդ ենթակետով սահմանված կարգով:

6) «Գործարքին վերաբերող Ձեր կողմից կարևորվող այլ տեղեկատվություն» 4.5 կետում նշեք սույն ուղեցույցի 8-րդ, 11-րդ և 43-րդ կետերով նախատեսված տեղեկությունները, եթե դրանք առկա են, ինչպես նաև գործարքին կամ գործարար հարաբերությանն առնչվող` Ձեր կողմից կարևորվող այլ տեղեկությունները:

14. «Գործառնություններ» 5-րդ բաժնում մանրամասն նկարագրվում են բանկի կողմից իրականացված գործառնությունները:

15. «Գործառնություն» մասում ընտրեք առաջարկված գործառնություններից որևէ մեկը կամ ընտրեք «Այլ» տարբերակը և համապատասխան կետում նշեք գործառնության անվանումը:

16. Եթե, «Գործառնություն» մասում ընտրել եք «Ցպահանջ ավանդ» 5.1 կետը, ապա «Եղանակ» մասում ընտրեք տվյալ գործառնության կատարման առաջարկված եղանակներից որևէ մեկը:

17. Եթե «Գործառնություն» մասում ընտրել եք «Ժամկետային ավանդ» 5.2 կետը, ապա՝

1) «Եղանակ» մասում ընտրեք տվյալ գործառնության կատարման առաջարկված եղանակներից որևէ մեկը:

2) «Ավանդի տարեկան տոկոսադրույքը» 5.2.1 ենթակետում լրացրեք ավանդային պայմանագրով որպես ավանդի տոկոսադրույք նշված տոկոսը:

3) «Ավանդի ժամկետ» 5.2.2 ենթակետում նշեք ավանդային պայմանագրով ավանդի ներգրավման սահմանված ժամկետը:

18. Եթե «Գործառնություն» մասում ընտրել եք «Վճարահաշվարկային ծառայություններ» 5.3 կետը, ապա՝

1) «Գործառնության տեսակ» մասում ընտրեք առաջարկված գործառնության տեսակներից որևէ մեկը:

2) «Նպատակ» մասում ընտրեք առաջարկված նպատակներից որևէ մեկը, իսկ այն դեպքում, երբ բացակայում է Ձեզ անհրաժեշտ նպատակը, ընտրեք «Այլ» տարբերակը: Այդ դեպքում «Այլ նպատակ» համապատասխան ենթակետում ներկայացրեք այն նպատակը, որի համար կատարվել է գործարքը:

3) Եթե որպես «Նպատակ» ընտրել եք «Արժեթղթերի առք» 5.3.1.0.7 կամ «Արժեթղթերի վաճառք» 5.3.2.0.7 ենթակետերից որևէ մեկը, ապա համապատասխանաբար «Թողարկողը» 5.3.1.0.9 կամ «Թողարկողը» 5.3.2.0.9 ենթակետում նշեք արժեթղթերը թողարկող կազմակերպության անվանումը:

4) Եթե որպես «Նպատակ» ընտրել եք «Այլ» 5.3.1.0.8 կամ «Այլ» 5.3.2.0.8 ենթակետը, ապա համապատասխանաբար «Այլ նպատակ» 5.3.1.0.10 կամ «Այլ նպատակ» 5.3.2.0.10 ենթակետում նշեք վճարահաշվարկային ծառայության նպատակը:

5) Եթե «Գործառնության տեսակ» մասում ընտրել եք «Կանխիկ մուտք» 5.3.5 կամ «Կանխիկ ելք» 5.3.6 կետերը և առկա է տեղեկատվություն գործառնության նպատակի վերաբերյալ, ապա այդ տեղեկատվությունը համապատասխանաբար ներառվում է «Նպատակ» 5.3.5.1 կամ «Նպատակ» 5.3.6.1 կետերում:

19. Եթե «Գործառնություն» մասում ընտրել եք «Արտարժույթի փոխարկում» 5.4 կետը, ապա՝

1) «Առքի արժույթ» 5.4.1 ենթակետում նշեք բանկի կողմից գնված արժույթը:

2) «Առքի գումար» 5.4.2 ենթակետում նշեք բանկի կողմից գնված գումարը՝ արտահայտված գնման արժույթով:

3) «Վաճառքի արժույթ» 5.4.3 ենթակետում ընտրեք բանկի կողմից վաճառված արժույթը:

4) «Վաճառքի գումար» 5.4.4 ենթակետում նշեք բանկի կողմից վաճառված գումարը՝ արտահայտված վաճառքի արժույթով:

20. Եթե «Գործառնություն» մասում ընտրել եք «Այլ» 5.5 կետը, ապա «Մանրամասներ» 5.5.1 ենթակետում նկարագրեք Ձեր կողմից կատարված գործարքի վերաբերյալ բոլոր այն տեղեկությունները, որոնք կարևորություն են ներկայացնում գործարքի բնույթը պատկերացնելու համար:

21. «Գործարքի կողմեր» 6-րդ բաժնում տեղեկատվությունը լրացվում է հաճախորդ և գործարքի մյուս կողմ հանդիսացող ֆիզիկական անձանց (այդ թվում` անհատ ձեռնարկատերերի), իրավաբանական անձանց, իսկ հաճախորդի դեպքում` նաև նրանց լիազորված անձանց վերաբերյալ , եթե այդպիսիք առկա են: Կախված Ձեր կողմից ընտրված գործարքի տեսակից, լրացման համար պարտադիր են դառնում այդ գործարքին վերաբերող կետերը: Այն դեպքում, երբ ընտրել եք «Վճարահաշվարկային ծառայություններ» գործառնության «Անհաշիվ փոխանցում» կամ «Անհաշիվ ստացում» գործառնության տեսակները, լրացման են ենթակա Օրենքի 18-րդ հոդվածով սահմանված տեղեկությունները, բացառությամբ այն դեպքի, երբ գործարքի մեկ կամ երկու կողմերը հանդիսանում են միևնույն բանկի հաճախորդ, այս դեպքում լրացման են ենթակա բոլոր կետերը: «Վճարահաշվարկային ծառայություններ» գործառնության այլ տեսակները ընտրելու դեպքում «Գործարքի մյուս կողմի» վերաբերյալ լրացման են ենթակա Օրենքի 18-րդ հոդվածով սահմանված տեղեկությունները, բացառությամբ այն դեպքի, երբ գործարքի մյուս կողմը հանդիսանում է միևնույն բանկի հաճախորդ: Այս դեպքում լրացման են ենթակա բոլոր կետերը:

22. Հաճախորդի վերաբերյալ տվյալները լրացվում են «Հաճախորդ» 6.1 կետում: Այն դեպքում, երբ գործառնության երկու կողմերը հանդիսանում են Ձեր բանկի հաճախորդ, ապա հաշվետվության լրացման իմաստով որպես հաճախորդ է համարվում գործառնության կատարման նախաձեռնող կողմը: Այն դեպքում, երբ գործառնության մեկ կողմն է հանդիսանում Ձեր բանկի հաճախորդը, ապա անկախ նախաձեռնությունից հաշվետվության լրացման իմաստով Հաճախորդ է համարվում գործառնության այն կողմը, որը հանդիսանում է Ձեր բանկի հաճախորդ: Այն դեպքում, երբ Ձեր բանկը հանդես է գալիս որպես միջնորդ, ապա Հաճախորդ է հանդիսանում նախաձեռնող կողմը:

23. «Հաճախորդ» 6.1 կետում նշեք հաճախորդի կարգավիճակը.

1) ֆիզիկական անձ,

2) իրավաբանական անձ (ընտրելով իրավաբանական անձի համար նախատեսված տեսակներից մեկը),

3) անհատ ձեռնարկատեր:

24. «Ֆիզիկական անձ» 6.1.1 ենթակետը լրացվում է, եթե հաճախորդը ֆիզիկական անձ է:

1) «Անուն» 6.1.1.0.1 ենթակետում նշեք հաճախորդ ֆիզիկական անձի անունը:

2) «Ազգանուն» 6.1.1.0.2 ենթակետում նշեք հաճախորդ ֆիզիկական անձի ազգանունը: Այն դեպքում, երբ հստակ չէ, թե որն է հաճախորդի անունը և որը ազգանունը, ապա 6.1.1.0.1 և 6.1.1.0.2 ենթակետերը լրացրեք Ձեր հայեցողությամբ:

3) «Ծննդյան ամսաթիվ» 6.1.1.0.3 ենթակետում ներկայացրեք հաճախորդ ֆիզիկական անձի ծննդյան ամսաթիվը:

4) «Բնակության վայր» 6.1.1.0.4 ենթակետում նշեք այն փողոցը, շենքը, տունը/բնակարանը, որտեղ ֆիզիկական անձ հաճախորդը մշտապես կամ առավելապես բնակվում է: Եթե դա հնարավոր չէ պարզել, ապա նշեք անձի հաշվառման հասցեն:

5) «Երկիրը» 6.1.1.0.5 ենթակետում նշեք այն երկիրը, որը հանդիսանում է հաճախորդ ֆիզիկական անձի բնակության երկիրը:

6) Այն դեպքում երբ «Երկիրը» 6.1.1.0.5 ենթակետում նշվել է Հայաստանի Հանրապետություն, ապա «Մարզը» 6.1.1.0.6 ենթակետում նշվում է համապատասխան մարզի կոդը: Եթե «Երկիրը» 6.1.1.0.5 ենթակետում նշվել է այլ երկիր, ապա «Մարզը» 6.1.1.0.6 ենթակետում նշվում է «Տվյալը բացակայում է» տարբերակը:

7) «Քաղաքը կամ գյուղը» 6.1.1.0.7 ենթակետում նշվում է համապատասխան քաղաքը կամ գյուղը, որը հանդիսանում է հաճախորդ ֆիզիկական անձի բնակության քաղաք կամ գյուղ, եթե «Երկիրը» 6.1.1.0.5 ենթակետում նշվել է «Հայաստանի Հանրապետություն», ապա ընտրեք համապատասխան կոդը, այլ երկիր նշելու դեպքում ընտրվում է «Այլ» տարբերակը և նշվում է համապատասխան քաղաքը կամ գյուղը:

8) «Քաղաքացիությունը» 6.1.1.0.9 ենթակետում ներկայացրեք հաճախորդ ֆիզիկական անձի քաղաքացիությունը:

9) «Անձը հաստատող փաստաթղթի տեսակը» 6.1.1.0.9 ենթակետում նշեք Հայաստանի Հանրապետության կառավարության 1999 թվականի դեկտեմբերի 22-ի թիվ 767 որոշմամբ սահմանված՝ ֆիզիկական անձի կամ անհատ ձեռնարկատիրոջ անձի (ինքնությունը) հաստատող փաստաթղթերից մեկը:

ա. «ՀՀ քաղաքացու անձնագրի սերիան և համարը» 6.1.1.0.11 ենթակետում նշեք անձնագրի սերիան և համարը, եթե անձը հանդիսանում է ՀՀ քաղաքացի և որպես անձը հաստատող փաստաթուղթ ներկայացնում է ՀՀ անձնագիր: 6.1.1.0.10 ենթակետը լրացրեք սույն ենթակետի «բ» պարբերությամբ սահմանված կարգով:

բ. «Անձը հաստատող փաստաթղթի սերիան և համարը» 6.1.1.0.10, «Փաստաթղթի տրամադրման ամսաթիվը» 6.1.1.0.12 ենթակետերում պարտադիր նշեք «Անձը հաստատող փաստաթղթի տեսակը», 6.1.1.0.9 ենթակետում նշված փաստաթղթի սերիան, համարը, ինչպես նաև տրամադրման ամսաթիվը, եթե այդ փաստաթղթում առկա են այդ տվյալները, իսկ եթե ոչ՝ ապա նշեք տվյալ փաստաթղթի անհատականացման համարը:

10) «Բանկային հաշվի համարը կամ եզակի հղման համարը» 6.1.1.0.13 ենթակետում լրացրեք հաճախորդ ֆիզիկական անձի բանկային հաշվի համարը: Այն դեպքում, երբ ընտրել եք «Վճարահաշվարկային ծառայություններ» գործառնությունը, իսկ որպես գործառնության տեսակ` «Անհաշիվ փոխանցում» կամ «Անհաշիվ ստացում», ապա լրացրեք եզակի հղման համարը:

25. Լիազորված անձանց վերաբերող տվյալները լրացվում են, եթե գործարքում առկա է լիազորված անձ: Սույն կարգի իմաստով լիազորված անձ է համարվում այն ֆիզիկական անձը, ով փաստացի հաճախորդի հանձնարարությամբ և հաճախորդի անունից գործարքի կատարման կամ գործարար հարաբերությունում որոշակի իրավաբանական կամ փաստացի գործողություններ իրականացնելու լիազորություն ունի, այդ թվում` լիազորագրով կամ օրենքով սահմանված այլ հիմքով հաճախորդի տված լիազորությունների հիման վրա ներկայացուցչություն իրականացնող անձը, ինչպես նաև այն անձը, որը չունի լիազորագիր, սակայն փաստացի հանդես է գալիս հաճախորդի անունից կամ հանձնարարությամբ, կամ հաճախորդի հաշվին, կամ հօգուտ հաճախորդի կատարում է փաստացի գործողություններ: «Լիազորված անձ» 6.1.1.1 ենթակետը լրացվում է, եթե գործարքը կատարվում է լիազորված անձի միջոցով: 6.1.1.1.1-6.1.1.1.12 ենթակետերը լրացրեք սույն ուղեցույցի 24-րդ կետի 1-9 ենթակետերով սահմանված կարգով:

26. «Իրավաբանական անձ» 6.1.2 ենթակետում ընտրեք իրավաբանական անձի համապատասխան տեսակը «Պետական մարմին կամ համայնք» կամ «Իրավաբանական անձ կամ իրավաբանական անձի կարգավիճակ չունեցող անձ» կամ «Ոչ ռեզիդենտ իրավաբանական անձ» կետերը: Այն դեպքում, երբ հաճախորդը պետական մարմին է կամ համայնք, «Անվանում» 6.1.2.0.1 ենթակետում ընտրեք համապատասխան պետական մարմնի կամ համայնքի կոդը: Եթե «Անվանում» 6.1.2.0.1 ենթակետում ընտրել եք Այլ» տարբերակը, ապա նշեք համապատասխան պետական կամ տեղական ինքնակառավարման մարմնի անվանումը:

1) «Անվանումը» 6.1.2.0.1 ենթակետում լրացրեք իրավաբանական անձի անվանումը:

2) «Կազմակերպական-իրավական ձևը» 6.1.2.0.2 ենթակետում լրացրեք իրավաբանական անձի կազմակերպական-իրավական ձևի կոդը: Եթե «Կազմակերպական-իրավական ձևը» 6.1.2.0.2 ենթակետում ընտրել եք «Այլ» տարբերակը, ապա նշեք համապատասխան կազմակերպական-իրավական ձևը: Ոչ ռեզիդենտ իրավաբանական անձանց կազմակերպական-իրավական ձևի վերաբերյալ տվյալները լրացվում են լատինատառ:

3) «Գտնվելու վայրը» 6.1.2.0.3 ենթակետում լրացրեք իրավաբանական անձի մշտական գործող մարմնի գտնվելու փողոցը, շենքը, տունը/բնակարանը:

4) «Երկիրը» 6.1.2.0.4 ենթակետում նշեք այն երկիրը, որը հանդիսանում է հաճախորդ իրավաբանական անձի մշտական գործող մարմնի գտնվելու երկիրը:

5) Այն դեպքում երբ «Երկիրը» 6.1.2.0.4 ենթակետում նշվել է Հայաստանի Հանրապետություն, ապա «Մարզը» 6.1.2.0.6 ենթակետում նշվում է համապատասխան մարզի կոդը: Եթե «Երկիրը» 6.1.2.0.4 ենթակետում նշվել է այլ երկիր «Մարզը» 6.1.2.0.6 ենթակետում նշվում է «Տվյալը բացակայում է» տարբերակը:

6) «Քաղաքը կամ գյուղը» 6.1.2.0.5 ենթակետում նշվում է համապատասխան քաղաքը կամ գյուղը, որը հանդիսանում է հաճախորդ իրավաբանական անձի մշտական գործող մարմնի գտնվելու վայր, եթե «Երկիրը» 6.1.2.0.4 ենթակետում նշվել է Հայաստանի Հանրապետություն, ապա ընտրեք համապատասխան կոդը, այլ երկիր նշելու դեպքում ընտրվում է «Այլ» տարբերակը և նշվում է համապատասխան քաղաքը կամ գյուղը:

7) «Պետական գրանցման վկայականի համարը» 6.1.2.0.7 ենթակետում լրացրեք իրավաբանական անձանց գրանցումն իրականացնող մարմնի կողմից տրամադրված պետական գրանցման վկայականի համարը:

8) «ՀՎՀՀ» 6.1.2.0.8 ենթակետում լրացրեք իրավաբանական անձի հարկ վճարողի հաշվառման համարը:

9) «Բանկային հաշվի համարը կամ եզակի հղման համարը» 6.1.2.0.9 ենթակետում լրացրեք հաճախորդ իրավաբանական անձի բանկային հաշվի համարը: Այն դեպքում, երբ ընտրել եք «Վճարահաշվարկային ծառայություններ» գործառնությունը, իսկ որպես գործառնության տեսակ «Անհաշիվ փոխանցում» կամ «Անհաշիվ ստացում», ապա լրացրեք եզակի հղման համարը:

27. «Լիազորված անձ» 6.1.2.1 ենթակետը լրացվում է, եթե գործարքը կատարվում է լիազորված անձի միջոցով: Սույն ուղեցույցի իմաստով լիազորված անձ չեն հանդիսանում իրավաբանական անձի տնօրենը, գլխավոր հաշվապահը և այլ անձինք, որոնք աշխատում են տվյալ կազմակերպությունում և կանոնադրությամբ լիազորված են հանդես գալու այդ կազմակերպության անունից:

1) Հաշվետվական ձևի 6.1.2.1.1-6.1.2.1.12 ենթակետերը լրացվում են սույն ուղեցույցի 24-րդ կետի 1-9 ենթակետերով սահմանված կարգով:

28. «Անհատ ձեռնարկատեր» 6.1.3 ենթակետը լրացվում է, եթե հաճախորդն անհատ ձեռնարկատեր է: Եթե անհատ ձեռնարկատերն ունի մեկ անվանում (օրինակ՝ ոչ ռեզիդենտ հաճախորդի առկայության դեպքում), ապա և՝ 6.1.3.0.1, և՝ 6.1.3.0.2 ենթակետերում լրացրեք այդ անվանումը:

1) Հաշվետվական ձևի 6.1.3.0.1-6.1.3.0.12 և 6.1.3.0.19 ենթակետերը լրացվում են սույն ուղեցույցի 24 կետի 1-10 ենթակետերով սահմանված կարգով:

2) «Պետական գրանցման վկայականի համարը» 6.1.3.0.13 ենթակետում լրացրեք պետական գրանցման վկայականի համարը:

3) «ՀՎՀՀ» 6.1.3.0.14 ենթակետում լրացրեք անհատ ձեռնարկատիրոջ հարկ վճարողի հաշվառման համարը:

4) «Երկիրը» 6.1.3.0.15 ենթակետում լրացրեք անհատ ձեռնարկատիրոջ գրանցման երկիրը:

5) «Գրանցման քաղաքը կամ գյուղը» 6.1.3.0.16 ենթակետում լրացրեք անհատ ձեռնարկատիրոջ գրանցման քաղաքը:

6) «Այն դեպքում երբ «Երկիրը» 6.1.2.0.4 ենթակետում նշվել է Հայաստանի Հանրապետություն, ապա «Գրանցման մարզը» 6.1.3.0.17 ենթակետում նշվում է համապատասխան մարզի կոդը: Եթե «Երկիրը» 6.1.1.0.5 ենթակետում նշվել է այլ երկիր, ապա «Մարզը» 6.1.1.0.6 ենթակետում նշվում է «Տվյալը բացակայում է» տարբերակը:

7) «Գրանցման վայրը» 6.1.3.0.18 ենթակետում լրացրեք անհատ ձեռնարկատիրոջ գրանցման հասցեն, փողոցը, շենքը, տունը/բնակարանը:

29. «Լիազորված անձ» 6.1.3.1 ենթակետը լրացվում է, եթե գործարքը կատարվում է լիազորված անձի միջոցով:

1) Հաշվետվական ձևի 6.1.3.1.1-6.1.3.1.11 ենթակետերը լրացվում են սույն ուղեցույցի 24-րդ կետի 1-9 ենթակետերով սահմանված կարգով:

30. «Գործարքի մյուս կողմ» 6.2 կետում լրացվում են գործարքի մյուս կողմի վերաբերյալ տվյալները:

31. 6.2.1.0.1-6.2.1.0.14 ենթակետերը լրացվում են սույն ուղեցույցի 24-րդ կետի 1-10 ենթակետերով սահմանված կարգով:

32. 6.2.2.0.1-6.2.2.0.9 ենթակետերը լրացվում են սույն ուղեցույցի 26-րդ կետի 1-9 ենթակետերով սահմանված կարգով: Այն դեպքում, երբ առկա չէ տեղեկատվություն գործարքի մյուս կողմ իրավաբանական անձի կազմակերպական-իրավական ձևի վերաբերյալ, 6.2.2.0.2 ենթակետում ընտրեք «Առկա չէ տեղեկատվություն» տարբերակը:

33. 6.2.3.0.1-6.2.3.0.19 ենթակետերը լրացվում են սույն ուղեցույցի 28-րդ կետի 1-7 ենթակետերով սահմանված կարգով:

34.

1) Հաշվետվական ձևի «Բանկի անվանումը» 6.2.1.0.15, 6.2.2.0.10, 6.2.3.0.20 ենթակետերում լրացվում է այն բանկի անվանումը, որտեղ սպասարկվում է գործարքի մյուս կողմի հաշիվը կամ եզակի հղման համարը, եթե գործառնության կատարման ընթացքում ներգրավված է բանկ:

2) Հաշվետվական ձևի «Բանկի երկիրը» 6.2.1.0.16, 6.2.2.0.11, 6.2.3.0.21 ենթակետերում լրացվում է այն երկիրը, որտեղ գրանցված է «Բանկի անվանումը» ենթակետում նշված բանկը, եթե գործարքը կատարվել է բանկի մասնաճյուղում, ապա նշվում է մասնաճյուղի գրանցման երկիրը: Այս ենթակետը լրացվում է, եթե գործառնության կատարման ընթացքում ներգրավված է բանկ:

Գ լ ու խ  2

Կասկածելի գործարքի կամ գործարար հարաբերության վերաբերյալ հաշվետվության լրացման առանձնահատկությունները

35. Այն դեպքում, երբ փոխկապակցված կասկածելի գործարքների կամ գործարար հարաբերությունների վերաբերյալ ներկայացվում է մեկ հաշվետվություն, ապա նշվում է «Փոխկապակցված կասկածելի գործարք կամ գործարար հարաբերություն» 4.6 կետը և հաշվետվական ձևում «Գործառնություններ» և «Գործարքի կողմեր» կետերը լրացվում են յուրաքանչյուր գործարքի համար առանձին:

36. «Գործարքի կողմերը» 6-րդ բաժնի 6.1.1, 6.1.2 և 6.1.3 ենթակետերի ներքո «Իրական շահառուի վերաբերյալ տեղեկություններ» ենթակետերում լրացվում է հաճախորդի կողմից իրական շահառուի վերաբերյալ ներկայացված տեղեկատվությունը:

1) «Չի տիրապետում իրական շահառուի մասին տեղեկատվությանը» կետում կատարվում է նշում այն դեպքում, երբ հաշվետվություն տրամադրող անձը չի կարողանում ստանալ տեղեկատվություն այն մասին, թե արդյոք գործարքում (գործարար հարաբերությունում) առկա է իրական շահառու, թե՝ ոչ:

2) «Չկա իրական շահառու» կետում կատարվում է նշում այն դեպքում, երբ հաշվետվություն տրամադրող անձը պարզել է, որ գործարքում առկա չէ իրական շահառու: Օրինակ՝ այդ մասին գրավոր հայտարարություն է տվել հաճախորդը:

3) «Առկա է իրական շահառու» կետում կատարվում է նշում այն դեպքում, երբ հաշվետվություն տրամադրող անձը հաճախորդից կամ այլ աղբյուրից տեղեկացել է, որ գործարքում առկա է իրական շահառու:

ա) «Իրական շահառու ֆիզիկական անձի տվյալները» 6.1.1.2.1-6.1.1.2.12, 6.1.2.2.1-6.1.2.2.12 և 6.1.3.2.1-6.1.3.2.12 ենթակետերը լրացվում են միայն «Առկա է իրական շահառու» կետը նշելու դեպքում, սույն ուղեցույցի 24-րդ կետի 1-9-րդ ենթակետերով սահմանված կարգով:

37. «Կասկածելի գործարքի կամ գործարար հարաբերության նկարագրությունը» 6-րդ բաժնում ներկայացվում են գործարքը կասկածելի համարելու հիմքերը և չափանիշները, կասկածների նկարագրությունը, ինչպես նաև գործարքը կասեցված կամ սառեցված կամ մերժված լինելու հանգամանքի վերաբերյալ տեղեկատվություն:

38. «Կասկածելի համարելու հիմքերը և չափանիշները» 7.1 կետում նշվում է գործարքը կասկածելի համարելու նշված 7.1.1-7.1.4 ենթակետերից մեկը կամ մի քանիսը: Եթե գործարքը կասկածելի համարելու հիմքերը և չափանիշները նշված ենթակետերում առկա չեն կամ առկա են նաև չնախատեսված հիմքեր և չափանիշներ, ապա ընտրվում է «Այլ» տարբերակը: Նշված 7.1.1-7.1.4 ենթակետերից մեկը կամ մի քանիսը ընտրելու դեպքում այդ ենթակետերից ստորև առկա վանդակում մեջ բերեք օրենքով, ուղեցույցով, ներքին իրավական ակտով սահմանված կամ այլ կասկածելի գործարքի (գործարար հարաբերության) հիմքը կամ չափանիշը:

39. «Կասկածների նկարագրությունը» 7.2 կետում հնարավորինս մանրամասն նկարագրվում են այն բոլոր հանգամանքները և իրավիճակները, որոնք վկայել են գործարքի կասկածելիության մասին կամ հաստատում են գործարքի կասկածելիությունը:

40. «Գործարքի կասեցում» 7.3 կետում կատարվում է նշում, երբ գործարքը (գործարքները) կասեցվել է (են):

1) «Կասեցման ամսաթիվը » 7.3.1 ենթակետում նշվում է գործարքի կասեցման ամսաթիվը:

2) «Կասեցման ժամկետը » 7.3.2 ենթակետում նշվում է կասեցման ժամկետը:

41. «Գործարքի մերժում» 7.4 կետում կատարվում է նշում, երբ գործարքի (գործարքների) կատարումը մերժվել է, իսկ «Գործարքի մերժման պատճառները» 7.4.1 ենթակետում նշվում են այն պատճառները, որոնք հիմք են հանդիսացել գործարքը մերժելու համար:

42. «Գործարքի սառեցում» 7.5 կետում կատարվում է նշում, երբ հաճախորդի ֆինանսական միջոցները սառեցվել են:

1) «Սառեցման ամսաթիվը» 7.5.1 ենթակետում նշվում է գործարքի սառեցման ամսաթիվը:

2) «Սառեցման ժամկետը» 7.5.2 ենթակետում նշվում է սառեցման ժամկետը:

3) «Ահաբեկչության հետ կապված անձանց ցանկերի անվանումը» 7.5.3 ենթակետում նշում է կատարվում Միավորված ազգերի կազմակերպության անվտանգության խորհրդի բանաձևերի և Հայաստանի Հանրապետության միջազգային պայմանագրերի կատարման նպատակով Կենտրոնական բանկի կողմից հրապարակված ահաբեկչության հետ կապված անձանց ցանկերի անվանումը:

43. Երբ հաշվետվությունը վերաբերում է մեկից ավելի գործարքների և կասեցվել կամ մերժվել են ոչ բոլոր գործարքները կամ սառեցվել են ոչ բոլոր ֆինանսական միջոցները, որոնց վերաբերյալ տեղեկատվություն է ներառված հաշվետվական ձևում, ապա այդ մասին նշում է կատարվում հաշվետվական ձևի 4-րդ բաժնի «Գործարքին վերաբերող Ձեր կողմից կարևորվող այլ տեղեկատվություն» 4.5 կետում:

44. «Ներքին դիտարկումների մարմնի աշխատակցի(ղեկավարի) տվյալները» 8-րդ բաժնում լրացվում են հաշվետվություն տրամադրող անձի` փողերի լվացման և ահաբեկչության ֆինանսավորման դեմ պայքարի Ներքին դիտարկումների մարմնի աշխատակցի(ղեկավարի) տվյալները, որը հաշվառված է Ֆինանսական դիտարկումների կենտրոնում:

1) «Անուն» 8.1 կետում լրացվում է ներքին դիտարկումների մարմնի աշխատակցի (ղեկավարի) անունը:

2) «Ազգանուն» 8.2 կետում լրացվում է ներքին դիտարկումների մարմնի աշխատակցի (ղեկավարի) ազգանունը:

3) «Լրացման ամսաթիվը» 8.3 կետում լրացվում է հաշվետվական ձևը լրացնելու ամսաթիվը:

4) «Բանկի հաշվառման համարը ՖԴԿ-ում» 8.4 կետում լրացվում է հաշվետվություն տրամադրող անձի Հաշվառման դիմումի հիման վրա տրամադրված հաշվառման համարը:

Հավելված 2

«Բանկերի կողմից պարտադիր տեղեկացման ենթակա և

կասկածելի գործարքի կամ գործարար

հարաբերության վերաբերյալ թիվ 101 հաշվետվական ձև»՝

Հավելված 1-ի

ՈՒ Ղ Ե Ց ՈՒ Յ Ց

Պարտադիր տեղեկացման ենթակա ԵՎ կասկածելի գործարքի կամ գործարար հարաբերության վերաբերյալ 101 հաշվետվական ձեվի լրացման չափողականությունների վերաբերյալ

1. Սույն ուղեցույցի իմաստով՝

1) Չափողականությունները նկարագրում են հաշվետվական ձևի համապատասխան կետերի և/կամ ենթակետերի ներքո տեղեկատվության ներկայացման անհրաժեշտ պահանջները:

2) Սույն աղյուսակում ներկայացված նկարագրությունները կիրառվում են չափողականության մեջ օգտագործված հասկացությունների միասնական կիրառության ապահովման նպատակով:

1.

8. ՆԵՐՔԻՆ ԴԻՏԱՐԿՈՒՄՆԵՐԻ ՄԱՐՄՆԻ ԱՇԽԱՏԱԿՑԻ (ՂԵԿԱՎԱՐԻ) ՏՎՅԱԼՆԵՐԸ
Տվյալները	Բնութագիրը	Չափողականություն
8.1 Անուն	Պարտադիր է	«Տառ»` առավելագույնը 256 նիշ
8.2 Ազգանուն	Պարտադիր է	«Տառ»` առավելագույնը 256 նիշ
8.3 Լրացման ամսաթիվը	Պարտադիր է	«Ամսաթիվ»
8.4 Բանկի հաշվառման համարը ՖԴԿ-ում	Պարտադիր է	«ՖԴԿ հաշվառման համար»

ԲԱՆԿԵՐԻ ՀԱՇՎԱՌՄԱՆ ԿԱՐԳԸ, ԲԱՆԿԵՐԻ ԿՈՂՄԻՑ ՊԱՐՏԱԴԻՐ ՏԵՂԵԿԱՑՄԱՆ ԵՆԹԱԿԱ ԵՎ ԿԱՍԿԱԾԵԼԻ ԳՈՐԾԱՐՔԻ ԿԱՄ ԳՈՐԾԱՐԱՐ ՀԱՐԱԲԵՐՈՒԹՅԱՆ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԻ ՏՐԱՄԱԴՐՄԱՆ ԿԱՐԳԸ ԵՎ ՊԱՅՄԱՆՆԵՐԸ

Գ լ ու խ  1

Հայաստանի Հանրապետության կենտրոնական բանկի ֆինանսական դիտարկումների կենտրոնում հաշվետվություն տրամադրող անձանց հաշվառումը

1. Բանկերի հաշվառումն իրականացվում է Հայաստանի Հանրապետության կենտրոնական բանկի ֆինանսական դիտարկումների կենտրոնում (այսուհետ՝ նաև ՖԴԿ) նրանց գրանցելու միջոցով:

2. Բանկերը` հաշվառման համար, Ֆինանսական դիտարկումների կենտրոնին սույն կարգի հավելվածով սահմանված դիմումը «Փողերի լվացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքով (այսուհետ՝ Օրենք) սահմանված ժամկետում ներկայացնում են գրավոր, բանկի ղեկավարի անունից, «ՍիԲիԷյՆեթ» ցանցում բացված բանկի համապատասխան անունով փոստարկղի միջոցով:

3. Սույն կարգով նախատեսված դիմումը լրացնելուց և ՖԴԿ ներկայացնելուց հետո բանկին մեկշաբաթյա ժամկետում տրվում է հաշվառման համար:

4. Բանկի հաշվառման դիմումի մեջ ներկայացված տվյալների փոփոխման կամ լրացման անհրաժեշտության դեպքում բանկը ներկայացնում է լրացում-դիմում՝ օգտագործելով սույն կարգի հավելվածով սահմանված դիմումի ձևը և դրա վերևի աջ անկյունում նշելով «Լրացում» բառը: Լրացում-դիմումի մեջ փոփոխված կամ լրացված մասերը նշվում են ընդգծված ձևով: Լրացում-դիմումը պետք է ներկայացվի փոփոխությունը կատարվելուց հետո երեք աշխատանքային օրվա ընթացքում` սույն կարգի 2-րդ կետով սահմանված կարգով: Լրացում-դիմում ներկայացնելու դեպքում բանկի հաշվառման համարը մնում է անփոփոխ:

5. Սույն կարգի հավելվածով սահմանված դիմումում պետք է ներառվեն բանկի այն աշխատակիցների տվյալները, որոնք տվյալ բանկում իրականացնում են ներքին դիտարկումների մարմնի գործառույթները:

Գ լ ու խ  2

Հաշվետվությունների տրամադրումը

6. Պարտադիր տեղեկացման ենթակա կամ կասկածելի գործարքների կամ գործարար հարաբերությունների վերաբերյալ հաշվետվությունները ՖԴԿ կարող են ներկայացվել միայն սույն կարգի 5-րդ կետի համաձայն՝ ներքին դիտարկումների մարմնի աշխատակցի (ղեկավարի) կողմից և միայն «ՍիԲիԷյՆեթ» ցանցում բացված բանկի համապատասխան անունով փոստարկղից՝ էլեկտրոնային տարբերակով: Հաշվետվությունները անհրաժեշտ է ուղարկել Ֆինանսական դիտարկումների կենտրոնի «Reports Financial Monitoring Center» «ՍիԲիԷյՆեթ» հասցեին:

7. Ներկայացվող՝ պարտադիր տեղեկացման ենթակա կամ կասկածելի գործարքների կամ գործարար հարաբերությունների վերաբերյալ հաշվետվություններին տրվում է անվանում:

Հաշվետվության ֆայլի անվանումն ունի հետևյալ կառուցվածքը.

1) Հաշվետվությունը համարվում է ներկայացված Ֆինանսական դիտարկումների կենտրոնի էլեկտրոնային հասցեից հաշվետվություն տրամադրող անձի էլեկտրոնային հասցեին հետադարձ փոստի ստացման պահին: Եթե մեկ աշխատանքային օրվա ընթացքում հաշվետվությունը հետ է ուղարկվում հաշվետվություն տրամադրող անձին (հաշվետվության մեջ տեխնիկական սխալի առկայության պատճառով), ապա հաշվետվությունը համարվում է տվյալների շտեմարան չմուտքագրված, իսկ ստացումը` չհաստատված։

2) Հաշվետվություն տրամադրող անձինք պետք է լրացնեն Հայաստանի Հանրապետության կենտրոնական բանկի ՖԴԿ կողմից տրամադրված հաշվետվական ձևերի պաշտպանված էլեկտրոնային տարբերակները, որոնք փոփոխելն արգելվում է:

3) Հաշվետվությունը տրամադրելիս հաշվետվություն պարունակող նամակի «Առարկան» պետք է պարունակի հետևյալ արտահայտությունը. «Հաշվետվություն ֆինանսական դիտարկումների կենտրոնին»:

8. Բանկը ներկայացված հաշվետվության մեջ սխալ կամ թերացում հայտնաբերելու դեպքում սխալը կամ թերացումը հայտնաբերելուց հետո մեկ աշխատանքային օրվա ընթացքում ներկայացնում է հաշվետվության ուղղված տարբերակը` պահպանելով «Պարտադիր տեղեկացման ենթակա և կասկածելի գործարքի կամ գործարար հարաբերության վերաբերյալ տեղեկությունների տրամադրման ձևի (թիվ 101 հաշվետվական ձև) լրացման և ներկայացման վերաբերյալ» ուղեցույցի պահանջները: Փոփոխված և (կամ) ամբողջականացված հաշվետվության հետ մեկտեղ, հաշվետվություն տրամադրող անձը Ֆինանսական դիտարկումների կենտրոնի ղեկավարին ներկայացնում է գրություն` թույլ տրված սխալների ուղղման և նախորդ հաշվետվությունը չեղյալ համարելու վերաբերյալ:

Գ լ ու խ  3

Հաշվետվություն տրամադրելու պարտականությունից բացառություններ

9. Պարտադիր տեղեկացման ենթակա գործարքի վերաբերյալ հաշվետվություն չի ներկայացվում հետևյալ գործարքների (գործառնությունների) դեպքում.

1) Հայաստանի Հանրապետության համախմբված բյուջե և այդ բյուջեից կատարված վճարումները,

2) միջբանկային շուկայում կատարվող հետևյալ գործարքները.

ա) Հայաստանի Հանրապետության գանձապետական պարտատոմսերի կամ Հայաստանի Հանրապետության կենտրոնական բանկի կողմից թողարկվող պարտատոմսերի առաջնային տեղաբաշխման դեպքում ձեռքբերումները,

բ) ֆինանսական երկրորդային շուկայում երկու մասնագիտացված անձանց միջև կնքվող գործարքները, որոնք կնքվում են իրենց հաշվին և իրենց անունից (օրինակ՝ երկրորդային շուկայում վաճառվող/ձեռք բերվող արժեթղթերը, ռեպո և հակադարձ ռեպո գործարքներ, սվոփ գործարքները, միջբանկային ավանդները, վարկերը և այլն),

գ) այն գործարքները (գործառնությունները), որոնց վերաբերյալ բանկերի կողմից Հայաստանի Հանրապետության կենտրոնական բանկի վարկային ռեգիստր տրամադրվել է տեղեկատվություն,

3) Բանկի կողմից սեփական կարիքների համար կատարվող գնումները` բանկի ընթացիկ գործունեության ապահովման նպատակով, բացառությամբ իր հաճախորդներից ֆինանսական ակտիվների գնումների,

4) Կնքված պայմանագրերի շրջանակներում կատարվող գործառնությունների վերաբերյալ հաշվետվությունները, եթե դրանք չեն առաջացնում պայմանագրի գումարի կամ արժույթի փոփոխություններ:

Հայաստանի Հանրապետության

կենտրոնական բանկի ֆինանսական

դիտարկումների կենտրոնի ղեկավար

պարոն ------ ------------------------ - ին

Հավելված 3   Հաստատված է ՀՀ կենտրոնական բանկի խորհրդի 2009 թվականի հոկտեմբերի 6-ի թիվ 296-Ն որոշմամբ

ԲԱՆԿԵՐԻ ԿՈՂՄԻՑ ՊԱՐՏԱԴԻՐ ՏԵՂԵԿԱՑՄԱՆ ԵՆԹԱԿԱ ԵՎ ԿԱՍԿԱԾԵԼԻ ԳՈՐԾԱՐՔԻ ԿԱՄ ԳՈՐԾԱՐԱՐ ՀԱՐԱԲԵՐՈՒԹՅԱՆ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԻ ՏՐԱՄԱԴՐՄԱՆ ԺԱՄԿԵՏՆԵՐԸ

Գ լ ու խ  1

Պարտադիր տեղեկացման ԵՎ կասկածելի գործարքների կամ գործարար հարաբերությունների վերաբերյալ հաշվետվությունների տրամադրման ժամկետները ԵՎ տրամադրման անհնարինությունը

1. Պարտադիր տեղեկացման ենթակա գործարքի վերաբերյալ հաշվետվությունը ՖԴԿ է ներկայացվում այդ գործարքը կնքելու պահից երեք աշխատանքային օրվա ընթացքում: Գործարքի կնքման պահ է համարվում.

1) փոխանցումների դեպքում` հաճախորդի կողմից տրված հանձարարականի հիման վրա հաճախորդի հաշվի դեբետագրման պահը (ունի բանկում բացված հաշիվ), կամ հաճախորդի կողմից փաստացի գումարի մուծման և փոխանցման հանձնարարականի տրման պահը (անհաշիվ փոխանցում)՝ անկախ այն հանգամանքից, թե այդ պահին փոխանցումը կատարվել է, թե ոչ,

2) ստացումների դեպքում բանկի կողմից գումարի ստացման պահը, անկախ հաճախորդի հաշիվը կրեդիտագրվելու պահից, եթե ստացողը բանկի հաճախորդն է (ունի բանկում բացված հաշիվ), կամ հաճախորդի գումարը ստանալու նպատակով ներկայանալու օրը, եթե հաճախորդը բանկում չունի հաշիվ, (անհաշիվ փոխանցում),

3) մնացած այլ դեպքերում՝ իրավունքների և պարտականությունների առաջացման պահը:

Հաշվետվության տրամադրման օրերի հաշվարկը սկսվում է հաշվվել գործարքի կնքման պահից և ավարտվում է գործարքի կնքման օրվան հաջորդող երրորդ աշխատանքային օրը՝ ժամը 18.00-ին:

2. Կասկածելի գործարքի կամ գործարար հարաբերության վերաբերյալ հաշվետվությունը ՖԴԿ է ներկայացվում գործարքում (գործարար հարաբերությունում) կասկածելիության հիմքեր և չափանիշներ բացահայտելու դեպքում` նույն աշխատանքային օրվա ընթացքում, իսկ դրա անհնարինության դեպքում` մինչև հաջորդ աշխատանքային օրվա ժամը 12.00-ը:

1) Սույն կետով սահմանված գործարքների (գործարար հարաբերությունների) տրամադրման անհնարինությունը կարող է պայմանավորված լինել.

ա. աշխատանքային (գործառնական) օրվա ավարտով,

բ. ծրագրաապարատային կամ հաղորդակցության անհաղթահարելի խնդիրներով,

գ. վիճելի (քննարկման ենթակա) դեպքերով և այլն: