ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

18 հունիսի 2009 թվականի N 501-Ա

ԿԵՆՍԱՉԱՓԱԿԱՆ ԿՈՂՄՆՈՐՈՇԻՉՆԵՐ ՊԱՐՈՒՆԱԿՈՂ ԷԼԵԿՏՐՈՆԱՅԻՆ ԱՆՁՆԱԳՐԵՐԻ ԵՎ ՆՈՒՅՆԱԿԱՆԱՑՄԱՆ ՔԱՐՏԵՐԻ ՀԱՄԱԿԱՐԳԻ ՆԵՐԴՐՄԱՆ ՄԻՋՈՑԱՌՈՒՄՆԵՐԻ ԺԱՄԱՆԱԿԱՑՈՒՅՑԸ ՀԱՍՏԱՏԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 118-րդ և 119-րդ կետերի`

Հաստատել կենսաչափական կողմնորոշիչներ պարունակող էլեկտրոնային անձնագրերի և նույնականացման քարտերի համակարգի ներդրման ժամանակացույցը` համաձայն հավելվածի:

Հայաստանի Հանրապետության վարչապետ	Տ. Սարգսյան
2009 թ. հունիսի 18 Երևան

Հավելված ՀՀ վարչապետի 2009 թ. հունիսի 18-ի N 501-Ա որոշման

Ժ Ա Մ Ա Ն Ա Կ Ա Ց ՈՒ Յ Ց

ԿԵՆՍԱՉԱՓԱԿԱՆ ԿՈՂՄՆՈՐՈՇԻՉՆԵՐ ՊԱՐՈՒՆԱԿՈՂ ԷԼԵԿՏՐՈՆԱՅԻՆ ԱՆՁՆԱԳՐԵՐԻ ԵՎ ՆՈՒՅՆԱԿԱՆԱՑՄԱՆ ՔԱՐՏԵՐԻ ՀԱՄԱԿԱՐԳԻ ՆԵՐԴՐՄԱՆ ՄԻՋՈՑԱՌՈՒՄՆԵՐԻ

NN ը/կ	Իրականացվող միջոցառումը	Կատարման ժամկետը	Պատասխանատու մարմինը
1	2	3	4
1.	Ծրագրի իրագործման գրասենյակի (ԾԻԳ) ստեղծում	2009 թ. հունիսի 20	ՀՀ էկոնոմիկայի նախարարություն
2.	Կենսաչափական կողմնորոշիչներ պարունակող էլեկտրոնային անձնագրերի համակարգի ներդրման վերաբերյալ միջազգային կազմակերպությունների կողմից ներկայացված առաջարկությունները ՀՀ կառավարություն ներկայացնելը	2009 թ. սեպտեմբերի 20	ՀՀ կառավարությանն առընթեր ՀՀ ոստիկանություն
3.	Նույնականացման քարտերի համակարգի ներդրման վերաբերյալ միջազգային կազմակերպությունների կողմից ներկայացված առաջարկությունները ՀՀ կառավարություն ներկայացնելը, ինչպես նաև սույն ժամանակացույցի վերաքննարկումը և անհրաժեշտության դեպքում փոփոխությունների վերաբերյալ առաջարկությունների ներկայացումը	2009 թ. սեպտեմբերի 20	ԾԻԳ ՀՀ էկոնոմիկայի նախարարություն ՀՀ կառավարությանն առընթեր ՀՀ ոստիկանություն ՀՀ կենտրոնական բանկ (համաձայնությամբ)
4.	ՀՀ-ում արագագործ հեռահաղորդակցական ցանցի զարգացման նախագծի մշակում և այն իրականացնող կազմակերպության ընտրություն	2009 թ. դեկտեմբերի 30	ՀՀ Էկոնոմիկայի նախարարություն
5.	Հասարակության հետ կրթական և քարոզչական գործունեության իրականացում	2010 թ. մարտի 1	ԾԻԳ ՀՀ էկոնոմիկայի նախարարություն
6.	ՀՀ կառավարությանն առընթեր ՀՀ ոստիկանության և ՀՀ կենտրոնական բանկի կողմից մրցույթների հայտարարում
1)	անձնագրերի համար օգտագործողի տեխնիկական պահանջների մշակում (Terms of Reference)	2009 թ. հոկտեմբերի 20	ՀՀ կառավարությանն առընթեր ՀՀ ոստիկանություն
2)	քարտերի համար օգտագործողի տեխնիկական պահանջների մշակում (Terms of Reference)	2009 թ. հոկտեմբերի 20	ԾԻԳ ՀՀ կառավարությանն առընթեր ՀՀ ոստիկանություն ՀՀ կենտրոնական բանկ (համաձայնությամբ)
3)	մրցութային կարգով անձնագրեր արտադրող կազմակերպության ընտրություն	2009 թ. դեկտեմբերի 1	ՀՀ կառավարությանն առընթեր ՀՀ ոստիկանություն
4)	մրցութային կարգով քարտեր արտադրող կազմակերպության ընտրություն	2009 թ. դեկտեմբերի 1	ԾԻԳ ՀՀ կառավարությանն առընթեր ՀՀ ոստիկանություն ՀՀ կենտրոնական բանկ (համաձայնությամբ)
5)	մրցութային կարգով համապատասխան ծրագրային ապահովում իրականացնող կազմակերպության ընտրություն	2009 թ. դեկտեմբերի 1	ԾԻԳ ՀՀ կառավարությանն առընթեր ՀՀ ոստիկանություն ՀՀ կենտրոնական բանկ (համաձայնությամբ)
7.	Քարտեր կարդացող սարքավորումներ արտադրող և ներմուծող տեղական կամ արտասահմանյան կազմակերպությունների ընտրություն	2009 թ. դեկտեմբերի 1	ԾԻԳ ՀՀ կառավարությանն առընթեր ՀՀ ոստիկանություն ՀՀ կենտրոնական բանկ (համաձայնությամբ)
8.	Օրենսդրական փոփոխություններ
1)	«էլեկտրոնային ստորագրության մասին» ՀՀ օրենքում փոփոխություններ կատարելու մասին» ՀՀ օրենքի նախագիծ	2010 թ. հունվարի 30	ԾԻԳ ՀՀ էկոնոմիկայի նախարարություն ՀՀ կենտրոնական բանկ (համաձայնությամբ)
2)	ՀՀ օրենսդրությանը համապատասխան հավաստագրման կենտրոնների լիցենզավորման և վերահսկողության կարգերի մշակում և հաստատում	2010 թ. հունվարի 30	ԾԻԳ ՀՀ էկոնոմիկայի նախարարություն ՀՀ կենտրոնական բանկ (համաձայնությամբ)
3)	անհրաժեշտության դեպքում այլ իրավական ակտերի մշակում և փոփոխում	2010 թ. հունվարի 30	ԾԻԳ ՀՀ էկոնոմիկայի նախարարություն ՀՀ կառավարությանն առընթեր ՀՀ ոստիկանություն ՀՀ կենտրոնական բանկ (համաձայնությամբ)
9.	Գրանցման կենտրոնի և քարտերի թողարկման կենտրոնի հիմնադրում ՀՀ կառավարությանն առընթեր ՀՀ ոստիկանության համակարգում
1)	անձնագրերի արտադրության համար անհրաժեշտ սարքավորումների ձեռքբերում և տեղադրում	2010 թ. փետրվարի 15	ՀՀ կառավարությանն առընթեր ՀՀ ոստիկանություն
2)	քարտերի արտադրության համար անհրաժեշտ սարքավորումների ձեռքբերում և տեղադրում	2010 թ. փետրվարի 15	ԾԻԳ ՀՀ կառավարությանն առընթեր ՀՀ ոստիկանություն
3)	քարտեր կարդացող սարքավորումների ձեռքբերում, ներմուծում և տեղադրում անհրաժեշտ վայրերում	2010 թ. մայիսի 1	ԾԻԳ
9.4.	Կադրերի կրթություն և վերապատրաստում	2010 թ. մարտի 30	ԾԻԳ ՀՀ կառավարությանն առընթեր ՀՀ ոստիկանություն
10.	Հավաստագրման կենտրոնի հիմնադրում
1)	մասնավոր-պետական համագործակցության սկզբունքով հավաստագրման կենտրոնի հիմնադրում	2009 թ. դեկտեմբերի 1	ԾԻԳ ՀՀ էկոնոմիկայի նախարարություն ՀՀ կենտրոնական բանկ (համաձայնությամբ)
2)	մրցութային կարգով հավաստագրման կենտրոնի ծրագրային ապահովում իրականացնող կազմակերպությունների ընտրություն	2010 թ. հունվարի 15	ԾԻԳ ՀՀ էկոնոմիկայի նախարարություն ՀՀ կենտրոնական բանկ (համաձայնությամբ)
3)	անհրաժեշտ նոր սարքավորումների և ծրագրային ապահովման ձեռքբերում	2010 թ. փետրվարի 28	ԾԻԳ ՀՀ էկոնոմիկայի նախարարություն ՀՀ կենտրոնական բանկ (համաձայնությամբ)
4)	հավաստագրման կենտրոնի անձնակազմի ընտրություն	2010 թ. փետրվարի 28	ԾԻԳ ՀՀ էկոնոմիկայի նախարարություն ՀՀ կենտրոնական բանկ (համաձայնությամբ)
5)	հավաստագրման կենտրոնի գործողության թեստավորում	2010 թ. մարտի 30	ԾԻԳ ՀՀ էկոնոմիկայի նախարարություն ՀՀ կենտրոնական բանկ (համաձայնությամբ)
11.	Գրանցման կենտրոնի և Հավաստագրման կենտրոնի միջև փոխըմբռնման հուշագրի կնքում	2010 թ. մարտի 30	ԾԻԳ Հավաստագրման կենտրոն ՀՀ կառավարությանն առընթեր ՀՀ ոստիկանություն
12.	Անձնագրերի և քարտերի թողարկում պարբերական սկզբունքով	2010 թ. ապրիլի 15	ՀՀ կառավարությանն առընթեր ՀՀ ոստիկանություն

(Հավելվածը փոփ., լրաց. 04.08.09 N 655-Ա)

Հայաստանի Հանրապետության կառավարության աշխատակազմի ղեկավար

Դ. Սարգսյան