ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 հուլիսի 2009 թվականի N 804-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2008 ԹՎԱԿԱՆԻ ՀՈՒԼԻՍԻ 17-Ի N 771-Ն ԵՎ 2008 ԹՎԱԿԱՆԻ ՀՈՒԼԻՍԻ 3-Ի N 693-Ն ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2008 թվականի հուլիսի 17-ի «Պետական գույքը մասնավորեցնելու մասին» N 771-Ն որոշման մեջ կատարել հետևյալ փոփոխությունները`

1) որոշման 1-ին կետի 2-րդ ենթակետում «2008 թվականի» բառերը փոխարինել «2009 թվականի» բառերով.

2) որոշման 4-րդ կետը շարադրել հետևյալ խմբագրությամբ.

«4. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշման 1-ին կետում նշված գույքի առանձնացման գործընթացն օրենքով սահմանված կարգով ավարտելուց հետո`

1) վարչության կողմից ձեռք բերված` ընկերության գլխամասի կողմից զբաղեցված 20592.3 քառ. մետր մակերեսով անշարժ գույքը Հայաստանի Հանրապետության օրենսդրությամբ սահմանված կարգով մեկամսյա ժամկետում անհատույց օգտագործման իրավունքով տրամադրել ընկերությանը` նրա հետ կնքելով համապատասխան պայմանագիր.

2) ընկերության բաժնետոմսերի մրցույթով մասնավորեցման դեպքում գնորդի կողմից բաժնետոմսերի գնի առաջին վճարման կատարումից հետո սույն կետի 1-ին ենթակետում նշված գույքը երկարաժամկետ վարձակալության տրամադրել ընկերությանը` նրա հետ կնքելով վարձակալության պայմանագիր:».

3) որոշման 5-րդ կետում «որոշմամբ վարձակալությամբ հանձնվող» բառերը փոխարինել «որոշման 4-րդ կետում նշված» բառերով:

2. Հայաստանի Հանրապետության կառավարության 2008 թվականի հուլիսի 3-ի «Պետական գույքը մասնավորեցնելու և օտարելու մասին» N 693-Ն որոշման մեջ կատարել հետևյալ փոփոխություններն ու լրացումը`

1) որոշման 1-ին կետի 2-րդ ենթակետում «2008 թվականի» բառերը փոխարինել «2009 թվականի» բառերով.

2) որոշման 1-ին կետի 3-րդ ենթակետը լրացնել հետևյալ բովանդակությամբ նոր` «ա» պարբերությամբ.

«ա. Հայաստանի Հանրապետության կառավարությանն առընթեր պետական գույքի կառավարման վարչության պետին` գույքի առանձնացման գործընթացն օրենքով սահմանված կարգով ավարտելուց հետո մեկամսյա ժամկետում գույքն անհատույց օգտագործման իրավունքով տրամադրել ընկերությանը` նրա հետ կնքելով համապատասխան պայմանագիր:».

3) որոշման 1-ին կետի 12-րդ ենթակետում «գնորդի» բառը փոխարինել «ընկերության» բառով և հանել «վարձակալությամբ հանձնվող» բառերը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության վարչապետ	Տ. Սարգսյան
2009 թ. հուլիսի 21 Երևան