Basic information
Number
ՀՕ-155
Type
Օրենք
Act type
Հիմնական ակտ (11.04.2001-մինչ օրս)
Status
Գործում է
Source
ՀՀՊՏ 2001.04.11/11(143) Հոդ.242
Enactment organisation
ՀՀ Ազգային ժողով
Enactment date
05.03.2001
Signing organisation
ՀՀ Նախագահ
Signing date
29.03.2001
Effective date
11.04.2001

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

Օ Ր Ե Ն Ք Ը

 

Ընդունված է 2001 թվականի մարտի 5-ին

 

ՊԱՐՏԱԴԻՐ ՍՈՑԻԱԼԱԿԱՆ ԱՊԱՀՈՎԱԳՐՈՒԹՅԱՆ ՎՃԱՐՈՒՄՆԵՐՆ ՕՐԵՆՔՈՎ ՍԱՀՄԱՆՎԱԾ ԺԱՄԿԵՏՈՒՄ ՉԿԱՏԱՐԵԼՈՒ ՀԱՄԱՐ ՀԱՇՎԱՐԿՎԱԾ ՏՈՒՅԺԵՐԻ ԵՎ ՏՈՒԳԱՆՔՆԵՐԻ ԳՈՒՄԱՐՆԵՐԸ ՎԵՐԱՀԱՇՎԱՐԿԵԼՈՒ ՄԱՍԻՆ

 

Հոդված 1. Պարտադիր սոցիալական ապահովագրության վճարումներն օրենսդրությամբ սահմանված կարգով չկատարելու համար մինչև 1999 թվականի հունվարի 1-ը հաշվարկված տույժերի և տուգանքների գումարները վերահաշվարկվում են «Պարտադիր սոցիալական ապահովագրության վճարների մասին» Հայաստանի Հանրապետության օրենքի 6-րդ հոդվածով սահմանված կարգով և դրույքաչափերով` ազատելով ապահովադիրներին վերահաշվարկման հետևանքով առաջացած տարբերությունը վճարելու պարտականություններից:

 

Հոդված 2. Պարտադիր սոցիալական ապահովագրության վճարումներն օրենսդրությամբ սահմանված կարգով չկատարելու համար առաջացած տույժերի և տուգանքների բռնագանձման կամ անվճարունակության վերաբերյալ դատարաններում գտնվող հայցերը, ինչպես նաև Հայաստանի Հանրապետության արդարադատության նախարարության դատական ակտերի հարկադիր կատարումն ապահովող ծառայություն ներկայացված կատարողական թերթերը բավարարվում են պարտատիրոջ (լիազորված մարմնի) կողմից սույն օրենքի 1-ին հոդվածի պահանջներով վերահաշվարկված հայցապահանջի չափով:

 

Հոդված 3. Սույն օրենքն ուժի մեջ է մտնում պաշտոնական հրապարակման պահից:

 

Հայաստանի Հանրապետության
Նախագահ

 Ռ. Քոչարյան

 

Երևան
29 մարտի 2001 թ.
ՀՕ-155

  

Change History
Changing Act Corresponding incorporation
Changed acts
Changing Act Corresponding incorporation