Գլխավոր տեղեկություն
Համար
N 759
Տիպ
Որոշում
Ակտի տիպ
Պաշտոնական Ինկորպորացիա (21.01.2000-01.01.2001)
Կարգավիճակ
Չի գործում
Սկզբնաղբյուր
ՀՀՊՏ 2004.07.28/41(340)
Ընդունող մարմին
ՀՀ կառավարություն
Ընդունման ամսաթիվ
18.12.1999
Ստորագրող մարմին
ՀՀ վարչապետ
Ստորագրման ամսաթիվ
18.12.1999
Վավերացնող մարմին
ՀՀ Նախագահ
Վավերացման ամսաթից
18.12.1999
Ուժի մեջ մտնելու ամսաթիվ
27.12.1999
Ուժը կորցնելու ամսաթիվ
01.01.2001

040.0759.12.12.99

 

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
18 դեկտեմբերի 1999 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

18 դեկտեմբերի 1999 թվականի N 759
քաղ. Երևան

 

ՆԱԽԿԻՆՈՒՄ ԿԵՆՍԱԹՈՇԱԿԻ ԱՆՑԱԾ ԶԻՆԾԱՌԱՅՈՂՆԵՐԻ ԿԵՆՍԱԹՈՇԱԿՆԵՐԸ ՎԵՐԱՀԱՇՎԱՐԿԵԼՈՒ ԿԱՐԳԻ ԵՎ ԺԱՄԿԵՏՆԵՐԻ ՄԱՍԻՆ

 

«Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքի 38 հոդվածին համապատասխան` Հայաստանի Հանրապետության կառավարությունը որոշում է.

1. Մինչև 1999 թվականի հունվարի 1-ը կենսաթոշակի անցած զինծառայողների կենսաթոշակները վերահաշվարկել` ելնելով 1999 թվականի հունվարի 1-ի դրությամբ զինվորական ծառայության մեջ գտնված` համապատասխան պաշտոններ զբաղեցրած զինծառայողների դրամական բավարարման չափերից:

2. Զինծառայողների ամսական դրամական բավարարման մեջ մտնում են պաշտոնային դրույքը, զինվորական կոչման դրույքը և երկարամյա ծառայության համար նշված դրույքաչափերից հաշվարկվող տոկոսային հավելավճարները:

3. Նախկինում կենսաթոշակի անցած զինծառայողների երկարամյա ծառայության համար պաշտոնային և զինվորական կոչման դրույքաչափերից հաշվարկվող հավելավճարները սահմանել հետևյալ տոկոսաչափերով`

 

2-5 տարվա`

5 տոկոսի

5-10 տարվա`

10 տոկոսի

10-15 տարվա`

15 տոկոսի

15-20 տարվա`

20 տոկոսի

20-25 տարվա`

25 տոկոսի

25 տարվանից ավելի`

30 տոկոսի չափով:

 

4. Մինչև 1999 թվականի հունվարի 1-ը կենսաթոշակի անցած զինծառայողների կենսաթոշակների վերահաշվարկման ժամանակ հաշվի չեն առնվում սննդի փոխհատուցման գումարները:

5. Զինծառայողների կենսաթոշակների վերահաշվարկը կատարում են Հայաստանի Հանրապետության պաշտպանության նախարարության, Հայաստանի Հանրապետության ներքին գործերի նախարարության, Հայաստանի Հանրապետության ազգային անվտանգության նախարարության, Հայաստանի Հանրապետության կառավարությանն առընթեր արտակարգ իրավիճակների վարչության և Հայաստանի Հանրապետության սոցիալական ապահովագրության պետական հիմնադրամի` կենսաթոշակներ նշանակող ստորաբաժանումները:

6. Մինչև 1995 թվականի հունվարի 1-ը զորացրված` երկարամյա ծառայության կենսաթոշակ ստացող Հայրենական պատերազմի հաշմանդամ ճանաչված սպայական անձնակազմի զինծառայողներին, հաշմանդամության կենսաթոշակ ստացող զինծառայողներին և զոհված (մահացած) զինծառայողների ընտանիքների անդամներին` վերահաշվարկված կենսաթոշակները վճարել 1999 թվականի հոկտեմբերի 1-ից, իսկ Հայրենական պատերազմի մասնակից երկարամյա ծառայության կենսաթոշակ ստացող սպայական անձնակազմի զինծառայողներին` 2000 թվականի հունվարի 1-ից:

7. Հայաստանի Հանրապետության ֆինանսների նախարարությանը` շահագրգիռ նախարարությունների հետ համատեղ 2000 թվականի ընթացքում Հայաստանի Հանրապետության կառավարություն ներկայացնել առաջարկություն մինչև 1999 թվականի հունվարի 1-ը կենսաթոշակի անցած և սույն որոշման 6-րդ կետում չընդգրկված զինծառայողների վերահաշվարկված կենսաթոշակների վճարման կոնկրետ ժամկետների վերաբերյալ:

(7-րդ կետը խմբ. 21.01.00 N 20) 

8. Ուժը կորցրած ճանաչել Հայաստանի Հանրապետության կառավարության 1999 թվականի ապրիլի 19-ի «Նախկինում կենսաթոշակի անցած զինծառայողների կենսաթոշակները վերահաշվարկելու կարգի և ժամկետների մասին» N 237 որոշումը:

9. Սույն որոշումն ուժի մեջ է մտնում պաշտոնական հրապարակման պահից:

 

Հայաստանի Հանրապետության
վարչապետ

 Ա. Սարգսյան