ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 օգոստոսի 2009 թվականի N 934-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՆՈՅԵՄԲԵՐԻ 9-Ի N 2119-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2005 թվականի նոյեմբերի 9-ի «Հայաստանի Հանրապետությունում իմունականխարգելման ազգային ծրագիրը, իմունականխարգելման առաջնահերթ միջոցառումների ցանկը, իմունականխարգելման աշխատանքները համակարգող հանրապետական հանձնաժողովի կազմը և պատվաստումների ազգային օրացույցը հաստատելու մասին» N 2119-Ն որոշման մեջ կատարել հետևյալ լրացումները`

1) որոշման 1-ին կետը լրացնել հետևյալ բովանդակությամբ նոր` «ե» ենթակետով.

«ե) 2009 թվականի սեպտեմբերի 1-ից կիրառվող պատվաստումների օրացույցը` համաձայն N 6 հավելվածի».

2) որոշումը լրացնել նոր` N 6 հավելվածով` համաձայն հավելվածի:

2. Սույն որոշումն ուժի մեջ է մտնում 2009 թվականի սեպտեմբերի 1-ից և կիրառվում է 2009 թվականի հուլիսի 15-ին և հետո ծնված, ինչպես նաև մեկ տարեկանից (12 ամիսը լրացած) բարձր տարիքի երեխաների նկատմամբ: 2009 թվականի հուլիսի 15-ից առաջ ծնված մինչև մեկ տարեկան երեխաների պատվաստումներն իրականացվելու են Հայաստանի Հանրապետության կառավարության 2005 թվականի նոյեմբերի 9-ի N 2119-Ն որոշման 1-ին կետի «դ» ենթակետով հաստատված պատվաստումների ազգային օրացույցի համաձայն:

Հայաստանի Հանրապետության վարչապետ	Տ. Սարգսյան
2009 թ. օգոստոսի 19 Երևան

Հավելված ՀՀ կառավարության 2009 թվականի օգոստոսի 13-ի N 934-Ն որոշման

«Հավելված N 6 ՀՀ կառավարության 2005 թվականի նոյեմբերի 9-ի N 2119-Ն որոշման

2009 ԹՎԱԿԱՆԻ ՍԵՊՏԵՄԲԵՐԻ 1-ԻՑ ԿԻՐԱՌՎՈՂ ՊԱՏՎԱՍՏՈՒՄՆԵՐԻ ՕՐԱՑՈՒՅՑԸ

Պատվաստման ժամկետը	Պատվաստանյութի անվանումը	Պատվաստման հերթական դեղաչափը
Ծնվելուց հետո 24-48 ժամվա ընթացքում	ԲՑԺ	1
Ծնվելուց հետո 24 ժամվա ընթացքում	ՎՀԲ	1
6 շաբաթական (1.5 ամսական)	ԱԿԴՓ(ՎՀԲ)ՀԻԲ, ՕՊՎ	1
10 շաբաթական (2.5 ամսական)	ԱԿԴՓ(ՎՀԲ)ՀԻԲ, ՕՊՎ	2
14 շաբաթական (3.5 ամսական)	ԱԿԴՓ(ՎՀԲ)ՀԻԲ, ՕՊՎ	3
12 ամսական	ԿԿԽ	1
18 ամսական	ԱԿԴՓ, ՕՊՎ	4
6 տարեկան	ԱԴՓ-Մ	1
6 տարեկան	ՕՊՎ	5
6 տարեկան	ԿԿԽ	2
16 տարեկան	ԱԴՓ-Մ	2
26 տարեկան	ԱԴՓ-Մ	3
36 տարեկան	ԱԴՓ-Մ	4
46 տարեկան	ԱԴՓ-Մ	5
56 տարեկան	ԱԴՓ-Մ	6

Պատվաստանյութի անվանումը Հիվանդությունների հակածինների պարունակությունը ԲՑԺ Տուբերկուլոզ (պալարախտ) ՎՀԲ Հեպատիտ Բ ԱԿԴՓ(ՎՀԲ)ՀԻԲ Դիֆթերիա, փայտացում, կապույտ հազ, հեպատիտ Բ, հեմոֆիլուս ինֆլուենզա Բ տիպի ՕՊՎ Պոլիոմիելիտ ԿԿԽ Կարմրուկ, կարմրախտ, խոզուկ ԱԴՓ-Մ Դիֆթերիա, փայտացում

»:

Հայաստանի Հանրապետության կառավարության աշխատակազմի ղեկավար

Դ. Սարգսյան