ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 ապրիլի 2009 թվականի N 450-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՕԳՈՍՏՈՍԻ 8-Ի N 1237-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասի և «Պետական կառավարչական հիմնարկների մասին» Հայաստանի Հանրապետության օրենքի 11-րդ հոդվածի 1-ին մասի պահանջներով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության բնապահպանության նախարարության աշխատակազմի կառուցվածքում կատարել հետևյալ փոփոխությունները`

1) միջազգային համագործակցության վարչությունը բաժանել արտաքին կապերի և ծրագրերի բաժինների.

2) բնապահպանության և բնօգտագործման էկոնոմիկայի բաժինը միաձուլել ծրագրերի բաժնին և վերակազմակերպել էկոնոմիկայի վարչության.

3) ընդերքի պահպանության և երկրաբանական մոնիթորինգի վարչությունն անվանափոխել ընդերքի, հողերի պահպանության և երկրաբանական մոնիթորինգի վարչության.

4) լուծարել օդերևութաբանության և մթնոլորտի աղտոտվածության մոնիթորինգի բաժինը:

2. Այդ կապակցությամբ Հայաստանի Հանրապետության կառավարության 2002 թվականի օգոստոսի 8-ի «Հայաստանի Հանրապետության բնապահպանության նախարարության աշխատակազմ» պետական կառավարչական հիմնարկ ստեղծելու և Հայաստանի Հանրապետության բնապահպանության նախարարության կանոնադրությունն ու աշխատակազմի կառուցվածքը հաստատելու մասին» N 1237-Ն որոշման N 2 հավելվածի «I. Կառուցվածքային ստորաբաժանումներ» բաժինը շարադրել հետևյալ խմբագրությամբ.

«I. Կառուցվածքային ստորաբաժանումներ

Շրջակա միջավայրի պահպանության վարչություն

Ընդերքի, հողերի պահպանության և երկրաբանական մոնիթորինգի վարչություն

Վտանգավոր նյութերի և թափոնների կառավարման վարչություն

Նորմատիվամեթոդական վարչություն

Իրավաբանական վարչություն

Էկոնոմիկայի վարչություն

Քարտուղարություն

Արտաքին կապերի բաժին

Հասարակայնության հետ կապերի բաժին

Ֆինանսահաշվապահական բաժին

Անձնակազմի կառավարման բաժին

Առաջին բաժին»:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2009 թ. մայիսի 7 Երևան