ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

30 սեպտեմբերի 1994 թ. N 469

 

ԻՆՎԵՍՏԻՑԻՈՆ ՀԻՄՆԱԴՐԱՄՆԵՐԻ ՄԱՍԻՆ

 

Ի կատարումն Հայաստանի Հանրապետության նախագահի 1994 թվականի «Հայաստանի Հանրապետությունում սեփականաշնորհման սերտիֆիկատների համակարգի ներդրման մասին» հրամանագրի և ելնելով Հայաստանի Հանրապետությունում ներդրումների (ինվեստիցիաների) խրախուսման, արժեթղթերի շուկայի ձևավորման ու զարգացման անհրաժեշտությունից, Հայաստանի Հանրապետության կառավարությունը որոշում է.

1. Հաստատել ինվեստիցիոն հիմնադրամների մասին կանոնադրությունը` կից հավելվածներով (կցվում են):

2. Հայաստանի Հանրապետության ֆինանսների նախարարությանը` ինվեստիցիոն հիմնադրամների (ֆոնդերի) և դրա հավելվածների պահանջներին համապատասխան, համաձայնեցնելով Հայաստանի Հանրապետության էկոնոմիկայի նախարարության հետ, երկշաբաթյա ժամկետում հաստատել`

ա) ինվեստիցիոն հիմնադրամների նախնական և հիմնական լիցենզավորման կարգը և լիցենզավորման համար անհրաժեշտ փաստաթղթերի ձևերը.

բ) ինվեստիցիոն հիմնադրամների կառավարիչների լիցենզավորման կարգը.

գ) ինվեստիցիոն հիմնադրամների պահառուների լիցենզավորման կարգը.

դ) ինվեստիցիոն հիմնադրամների ազդագրերի գրանցման կարգը:

3. Հայաստանի Հանրապետության ֆինանսների և էկոնոմիկայի նախարարություններին` մեկշաբաթյա ժամկետում Հայաստանի Հանրապետության կառավարություն ներկայացնել առաջարկություն պետական ինվեստիցիոն հիմնադրամների ստեղծման մասին:

4. Հայաստանի Հանրապետության ֆինանսների նախարարությանը` Հայաստանի Հանրապետության կառավարություն ներկայացնել առաջարկություններ պահառու կազմակերպությունների մասին:

5. Հայաստանի Հանրապետության հեռուստատեսության և ռադիոհաղորդումների պետական վարչությանը` հրապարակել միայն ինվեստիցիոն հիմնադրամների` Հայաստանի Հանրապետության արժեթղթերի շուկայի տեսչության կողմից հաստատված գովազդները:

(5-րդ կետը փոփ. 25.05.99 N 345)

6. Սահմանել, որ Հայաստանի Հանրապետության կառավարության ակտերը ինվեստիցիոն հիմնադրամների, դրանց կառավարիչների և պահառուների նկատմամբ գործում են այնքանով, որքանով չեն հակասում սույն որոշմամբ հաստատված ինվեստիցիոն հիմնադրամների կանոնադրությանը և դրան կից հավելվածներին:

7. Հայաստանի Հանրապետության արդարադատության նախարարությանը` Հայաստանի Հանրապետության էկոնոմիկայի նախարարության հետ համատեղ մեկամսյա ժամկետում Հայաստանի Հանրապետության կառավարություն ներկայացնել առաջարկություններ Հայաստանի Հանրապետության գործող օրենսդրության մեջ սույն որոշումից բխող փոփոխություններ և լրացումներ կատարելու վերաբերյալ:

Հայաստանի Հանրապետության վարչապետ

 

ՀԱՍՏԱՏՎԱԾ Է ՀՀ կառավարության 1994թ. սեպտեմբերի 30-ի N 469 որոշմամբ

 

 

 

 

 

Կ Ա Ն Ո Ն Ա Դ Ր Ո Ւ Թ Յ Ո Ւ Ն

ԻՆՎԵՍՏԻՑԻՈՆ ՀԻՄՆԱԴՐԱՄՆԵՐԻ (ՖՈՆԴԵՐԻ) ՎԵՐԱԲԵՐՅԱԼ

 

Սույն կանոնադրությամբ կարգավորվում է Հայաստանի Հանրապետությունում ինվեստիցիոն հիմնադրամների կազմավորումն ու գործունեությունը: Հայաստանի Հանրապետությունում գործունեություն իրականացնող, իր արժեթղթերը թողարկող կամ վաճառող և ինվեստիցիոն հիմնադրամ հանդիսացող ցանկացած անձ պետք է գործի սույն կանոնադրությանը համապատասխան:

 

I. Հասկացություններ

 

1. Սույն կանոնադրությունում օգտագործվող հասկացություններն ունեն հետևյալ նշանակությունը`

1.1. «Ինվեստիցիոն հիմնադրամ»` իրավաբանական անձ կամ իրավաբանական անձի կարգավիճակ չունեցող ձեռնարկություն, որը`

ա) առավելապես զբաղված է կամ նախատեսում է առավելապես զբաղվել արժեթղթերում ներդրումներ, վերարտադրումներ կատարելով կամ արժեթղթերի առևտրով.

բ) տիրում է «ինվեստիցիոն արժեթղթերի», որոնց արժեքը գերազանցում է իր բոլոր միջոցների արժեքի 40 տոկոսը.

գ) իր թողարկած արժեթղթերն իրացնում է սեփականաշնորհման սերտիֆիկատներով:

Այն անձը, որի վրա տարածվում են վերը նշված պայմանները, ինվեստիցիոն հիմնադրամ չի համարվում, եթե Հայաստանի Հանրապետության համապատասխան լիազորված մարմնի կողմից այն լիցենզավորված է որպես ինվեստիցիոն բրոքերային գրասենյակ, ինվեստիցիոն դիլերային գրասենյակ, ֆոնդային բորսա, ապահովագրական ընկերություն կամ բանկ և առավելապես իրականացնում է այդ սուբյեկտներին հատուկ գործունեություն:

Այն անձը, որի արժեթղթերը պատկանում են կամ առաջարկված են 50-ից պակաս թվով անձանց, ինվեստիցիոն հիմնադրամ չի համարվում:

1.2. «Արժեթղթեր»` «Արժեթղթերի շրջանառության մասին» Հայաստանի Հանրապետության օրենքով սահմանված «արժեթղթեր», ինչպես նաև բաժնեմասեր սահմանափակ պատասխանատվությամբ ընկերություններում և ընկերակցություններում (ձեռնարկություններում բաժնի իրավունքի կամ պարտքի հետ կապված իրավունքի այլ տեսակներ):

1.3. «Ինվեստիցիոն արժեթղթեր»` բոլոր արժեթղթերը, բացի այն արժեթղթերից, որոնք ներկայացնում են թողարկողի բաժնեմասերի ավելի քան 50 տոկոսը և պատկանում են մեկ անձի: «Ինվեստիցիոն արժեթղթեր» են համարվում նաև այն անձի կողմից թողարկված արժեթղթերը, որն առավելապես զբաղված է արժեթղթերում ներդրումներ կամ վերաներդրումներ կատարելով կամ արժեթղթերի առևտրով և որը չի հանդիսանում սույն կանոնադրության 1.1. կետի երկրորդ պարբերությամբ սահմանված սուբյեկտ:

1.4. «Վերադարձվող արժեթղթեր»` արժեթղթեր, որոնց գնորդներին իրավունք է վերապահվում դրանց թողարկողից ստանալու կանխիկ գումար կամ այլ միջոցներ` ի փոխանակումն այդ արժեթղթերի:

1.5. «Սերտիֆիկատային ինվեստիցիոն հիմնադրամ»` ցանկացած ինվեստիցիոն հիմնադրամ, որն ընդունում է սեփականաշնորհման սերտիֆիկատներ` ի փոխանակումն իր արժեթղթերի:

1.6. «Պետական ինվեստիցիոն հիմնադրամ»` Հայաստանի Հանրապետության կառավարության որոշմամբ լիազորված մարմինների կողմից սույն կանոնադրության 3.3 կետին համապատասխան հիմնադրված ինվեստիցիոն հիմնադրամ:

1.7. «Անձ»` ցանկացած ֆիզիկական անձ, իրավաբանական անձ կամ իրավաբանական անձի կարգավիճակ չունեցող ձեռնարկություն:

1.8. «Պետական լիազորված մարմին»` Հայաստանի Հանրապետության ֆինանսների նախարարությունը:

1.9. «Բանկ»` «Բանկերի և բանկային գործունեության մասին» Հայաստանի Հանրապետության օրենքին համապատասխան գրանցված սուբյեկտ:

1.10. «Կառավարիչ»` սույն կանոնադրության 9.1. կետին համապատասխան որպես կառավարիչ լիցենզավորված անձ:

1.11. «Հիմնադիրներ»` նախքան ինվեստիցիոն հիմնադրամի գրանցումն այդ հիմնադրամի սկզբնական դրամագլուխը ներդնող անձինք:

1.12. «Պահառու»` սույն կանոնադրության 10.2. կետին համապատասխան որպես պահառու լիցենզավորված անձ, որը փոխկապված չէ տվյալ հիմնադրամի հետ:

1.13. «Անկախ վերահսկիչ»` սույն կանոնադրության

11.2 կետին համապատասխան որպես անկախ վերահսկիչ լիցենզավորված անձ, որը փոխկապված չէ տվյալ հիմնադրամի հետ:

1.14. «Շահագրգիռ անձ»` ինվեստիցիոն հիմնադրամի կառավարիչ, կառավարչի պաշտոնյաներ ու վարչության անդամներ կամ ինվեստիցիոն հիմնադրամի պաշտոնյաներ ու վարչության անդամներ:

1.15. «Կանոնադրություն»` ինվեստիցիոն հիմնադրամի կանոնադրությունը:

1.16. «Օրինակելի կանոնադրություն»` սույն կանոնադրությանը որպես հավելված 1 կցված փաստաթուղթը:

1.17. «Կառավարման պայմանագիր»` ինվեստիցիոն հիմնադրամի և կառավարչի միջև կնքված պայմանագիրը:

1.18. «Կառավարման օրինակելի պայմանագիրը»` սույն կանոնադրությանը որպես հավելված 2 կցված փաստաթուղթը:

1.19. «Պահառության պայմանագիր»` ինվեստիցիոն հիմնադրամի և պահառուի միջև կնքված պայմանագիրը:

1.20. «Պահառության օրինակելի պայմանագիր»` սույն կանոնադրությանը որպես հավելված 3 կցված փաստաթուղթը:

1.21. «Ազդագիր»` հասկացությունն ունի «Արժեթղթերի շրջանառության մասին» Հայաստանի Հանրապետության օրենքում սահմանված նշանակությունը:

1.22. «Օրինակելի ազդագիր»` սույն կանոնադրությանը որպես հավելված 4 կցված փաստաթուղթը:

1.23. «Փոխկապված խումբ»` ինվեստիցիոն հիմնադրամը, վերջինիս կառավարիչը և նրանց փոխկապված բոլոր անձինք:

1.24. «Ստորադասություն և փոխկապվածություն»` ցանկացած անձի պաշտոնյան, տնօրենը, գործընկերը կամ աշխատողը համարվում է այդ անձի ստորադասը: Բացի այդ, երկու անձինք համարվում են փոխկապված, եթե նրանցից մեկն ուղղակիորեն կամ անուղղակիորեն տիրում կամ վերահսկում է մյուսի` ձայնի իրավունք տվող բաժնետոմսերի առնվազն 25 տոկոսը կամ, եթե նրանցից մեկը վերահսկում է մյուսին կամ մյուսի հետ մեկտեղ ընդհանուր վերահսկողության է ենթարկվում: Ի լրումն նշվածի, կառավարչին փոխկապված անձանց շարքում ընդգրկվում է այդ կառավարչի կողմից կառավարվող ցանկացած ինվեստիցիոն հիմնադրամ:

1.25. «Վերահսկողություն»` ցանկացած անձի կառավարման կամ գործունեության նկատմամբ վերահսկողություն իրականացնելու ֆունկցիա, բացի այն դեպքերից, երբ այդ ֆունկցիան բացառապես պայմանավորված է տվյալ անձի հետ կապված պաշտոնեական դիրքով: Ինվեստիցիոն հիմնադրամի կառավարչի կողմից կառավարման պայմանագրով նախատեսված իր լիազորությունների իրականացումն ինքնին հիմք չի տալիս համարելու, թե կառավարիչը «վերահսկում է» ինվեստիցիոն հիմնադրամին պատկանող արժեթղթերը կամ դրանք թողարկած անձանց:

1.26. «Միջոցների զուտ արժեք»` ինվեստիցիոն հիմնադրամի բոլոր միջոցների և պարտավորությունների հետևյալ տարրերի գումարային զուտ արժեքն արտահայտված Հայաստանի Հանրապետության պաշտոնական արժույթով.

1) կանխիկ դրամական միջոցները` իրենց անվանական արժեքով.

2) սեփականաշնորհման սերտիֆիկատները` պաշտոնապես հայտարարված վերջին անվանական արժեքով.

3) լիցենզավորված ֆոնդային բորսայի կամ արժեթղթերի գնանշման` լիցենզավորված որևէ ծառայության կողմից գնանշված արժեթղթերը` նախքան գնահատումն այդ արժեթղթերի առևտրի հիմնական բորսայում արձանագրված վերջին սակարկության և դրանց համար առաջարկված գների միջին արժեքով.

4) բորսային առևտրում չընդգրկված կամ չգնանշված արժեթղթերը, ինչպես նաև հիմնադրամի մյուս բոլոր միջոցներն ու պարտավորությունները` հաշվապահական ընդունված սկզբունքներին առավելագույնս համապատասխանող և անկախ վերահսկիչի հետ համաձայնեցված կարգով հիմնադրամի վարչության կողմից հաշվարկված արժեքով:

1.27. «Միջոցների համամասնական զուտ արժեք» ` ինվեստիցիոն հիմնադրամի մեկ բաժնետոմսի առնչությամբ նշանակում է կոնկրետ օրվա դրությամբ տվյալ ինվեստիցիոն հիմնադրամի միջոցների ընդհանուր զուտ արժեքը` բաժանած այդ օրվա դրությամբ տվյալ ինվեստիցիոն հիմնադրամի կողմից թողարկված և իրացված բաժնետոմսերի ընդհանուր թվի վրա:

1.28. «Դրամով արտահայտված համարժեք»` տվյալ օրվա դրությամբ ԱՄՆ դոլարով արտահայտված գումարի առնչությամբ նշանակում է այդ գումարի Հայաստանի Հանրապետության պաշտոնական արժույթով արտահայտված համարժեքը` հաշվարկված տվյալ օրվա դրությամբ Հայաստանի Հանրապետության կենտրոնական բանկի կողմից հրապարակված` արժութային շուկաներում ձևավորված միջին փոխարժեքով:

(1.28 կետը փոփ. 12.03.09 N 251-Ա)

 

II. Ինվեստիցիոն հիմնադրամի կազմակերպական-իրավական տեսակը

 

2.1. Ինվեստիցիոն հիմնադրամը պետք է հիմնադրվի որպես բաց բաժնետիրական ընկերություն` Հայաստանի Հանրապետության օրենսդրությանը համապատասխան:

2.2. Ինվեստիցիոն հիմնադրամի կանոնադրությունը պետք է համապատասխանի օրինակելի կանոնադրության պահանջներին:

2.3. Ինվեստիցիոն հիմնադրամի անվանումը պետք է`

ա) պարունակի «ինվեստիցիոն հիմնադրամ» բառերը.

բ) մատնանշի հիմնադրամի պետական կամ սերտիֆիկատային լինելը: Ոչ մի անձ, բացի սույն կանոնադրությամբ նախատեսված ինվեստիցիոն հիմնադրամներից, չի կարող իր անվանման մեջ օգտագործել «ինվեստիցիոն հիմնադրամ» բառերը կամ նույնիմաստ այլ բառեր: Պետական ինվեստիցիոն հիմնադրամներից բացի որևէ այլ ինվեստիցիոն հիմնադրամի անվանումը չի կարող մատնանշել կամ ենթադրել որևէ փոխկապվածություն պետական, ազգային կամ վարչատարածքային միավորների, նախարարությունների և գերատեսչությունների հետ:

 

III. Ինվեստիցիոն հիմնադրամի հիմնադիրները

 

3.1. Ինվեստիցիոն հիմնադրամը պետք է ունենա առնվազն հինգ հիմնադիր (բացի պետականից): Ինվեստիցիոն հիմնադրամը չի կարող ունենալ ավելի քան 20 հիմնադիր:

3.2. Բացի սույն կանոնադրության 3.3. կետում նախատեսված անձանցից, Հայաստանում հիմնադրված կամ բնակվող ցանկացած անձ կարող է հանդես գալ որպես ինվեստիցիոն հիմնադրամի հիմնադիր: Օտարերկրյա անձինք, ներառյալ նրանց` Հայաստանում հիմնադրված և ամբողջությամբ նրանց պատկանող ձեռնարկությունները, ինչպես նաև համատեղ ձեռնարկությունները որպես ինվեստիցիոն հիմնադրամների հիմնադիրներ կարող են հանդես գալ բացառապես Հայաստանի Հանրապետության քաղաքացիների, օտարերկրյա մասնակցություն չունեցող Հայաստանի Հանրապետության ձեռնարկությունների կամ կազմակերպությունների հետ համատեղ: Վերջիններս պետք է ապահովեն սույն կանոնադրության 4.3. կետի (դ) ենթակետով պահանջվող` հիմնադիրների սկզբնական դրամագլխի առնվազն 25 տոկոսը:

3.3. Նախարարություններին, պետական վարչություններին, գերատեսչություններին, տեղական իշխանության մարմնին կամ պետական ձեռնարկություններին չի թույլատրվում հանդես գալ որպես ինվեստիցիոն հիմնադրամի հիմնադիր կամ գնել ինվեստիցիոն հիմնադրամի բաժնետոմսեր կամ տիրել նման բաժնետոմսերի, բացառությամբ Հայաստանի Հանրապետության կառավարության որոշմամբ նախատեսվող դեպքերի:

 3.4. Ինվեստիցիոն հիմնադրամի հիմնադիրները պատասխանատվություն են կրում բոլոր այն ծախսերի համար, որոնք տվյալ ինվեստիցիոն հիմնադրամի կողմից և նրա անունից կատարվել են նախքան Ձեռնարկությունների պետական ռեգիստրում ինվեստիցիոն հիմնադրամի գրանցումը:

3.5. Ինվեստիցիոն հիմնադրամի հիմնադիրներին չեն վերապահվում արտոնություններ ինվեստիցիոն հիմնադրամի մյուս բոլոր բաժնետերերի նկատմամբ: Հիմնադիրները չեն կարող ինվեստիցիոն հիմնադրամի հիմնադրման կապակցությամբ իրենց մատուցած ծառայությունների դիմաց բաժնեմասեր կամ վարձատրություն ստանալ: (Ինվեստիցիոն հիմնադրամի հիմնադիրներին պատկանող` տվյալ հիմնադրամի բաժնետոմսերի նվազագույն քանակ չի սահմանվում):

3.6. Որպես ինվեստիցիոն բրոքերային գրասենյակ, ինվեստիցիոն դիլերային գրասենյակ, ֆոնդային բորսա, ապահովագրական ընկերություն կամ բանկ լիցենզավորված անձը չի կարող իր թողարկած արժեթղթերն իրացնել սեփականաշնորհման սերտիֆիկատներով, սակայն կարող է սույն կանոնադրությամբ սահմանված կարգով հանդես գալ որպես ինվեստիցիոն հիմնադրամի հիմնադիր:

 

IV. Ինվեստիցիոն հիմնադրամի լիցենզավորումը ԵՎ ստեղծումը

 

4.1. Նախքան պետական լիազորված մարմնից նախնական լիցենզիա ստանալը ինվեստիցիոն հիմնադրամը չի կարող գրանցվել Ձեռնարկությունների պետական ռեգիստրում:

4.2. Ինվեստիցիոն հիմնադրամը չի կարող հայցել կամ ընդունել ներդրումներ (բացի հիմնադիրների ներդրումներից) կամ թողարկել, գնել կամ վաճառել արժեթղթեր, քանի դեռ այն պետական լիազորված մարմնից չի ստացել ինվեստիցիոն հիմնադրամի հիմնական լիցենզիա կամ այն հետ է վերցվել:

4.3. Մինչև նախնական լիցենզիա ստանալու համար դիմելը, ինվեստիցիոն հիմնադրամի հիմնադիրները պետք է`

ա) հաստատեն ինվեստիցիոն հիմնադրամի կանոնադրությունը, որն իր ձևով և բովանդակությամբ պետք է համապատասխանի ինվեստիցիոն հիմնադրամների օրինակելի կանոնադրությանը.

 բ) պատրաստեն ինվեստիցիոն հիմնադրամի կառավարման պայմանագրի նախագիծ, որն իր ձևով և բովանդակությամբ պետք է համապատասխանի ինվեստիցիոն հիմնադրամների կառավարման օրինակելի պայմանագրին, ինչպես նաև ձեռք բերեն որևէ լիցենզավորված կառավարչի գրավոր համաձայնությունը հիմնադրամի հետ այդպիսի պայմանագիր կնքելու վերաբերյալ.

գ) պատրաստեն ինվեստիցիոն հիմնադրամի պահառության պայմանագրի նախագիծ, որն իր ձևով և բովանդակությամբ պետք է համապատասխանի ինվեստիցիոն հիմնադրամների պահառության օրինակելի պայմանագրին, ինչպես նաև ձեռք բերեն որևէ լիցենզավորված պահառուի գրավոր համաձայնությունը հիմնադրամի հետ այդպիսի պայմանագիր կնքելու վերաբերյալ.

դ) հիմնադրամի պահառուի կողմից բացված բաժանորդագրական հաշվին մուծեն առնվազն 20 000 ԱՄՆ-ի դոլարի` դրամով արտահայտված համարժեքը (մուծումը կարող է կատարվել նաև օտարերկրյա արժույթով): Այդ ավանդը համարվում է հիմնադիրների կապիտալ ներդրում և մուծվում է որպես ինվեստիցիոն հիմնադրամի սկզբնական կանոնադրական դրամագլուխ:

4.4. Պետական լիազորված մարմինն ինվեստիցիոն հիմնադրամին նախնական լիցենզիա է տալիս հետևյալ փաստաթղթերն ստանալուց հետո 15-օրյա ժամկետում`

ա) նախնական լիցենզիա տալու մասին դիմում` ստորագրված ինվեստիցիոն հիմնադրամի բոլոր հիմնադիրների կողմից.

բ) ինվեստիցիոն հիմնադրամի կանոնադրությունը` ստորագրված ինվեստիցիոն ֆոնդի բոլոր հիմնադիրների կողմից, որը ձևով և բովանդակությամբ պետք է համապատասխանի ինվեստիցիոն հիմնադրամների օրինակելի կանոնադրությանը.

գ) ինվեստիցիոն հիմնադրամի կառավարման պայմանագրի նախագիծը, որն իր ձևով և բովանդակությամբ պետք է համապատասխանի ինվեստիցիոն հիմնադրամների կառավարման օրինակելի պայմանագրին, ինչպես նաև որևէ լիցենզավորված կառավարչի գրավոր համաձայնությունը` հանդես գալու որպես հիմնադրամի կառավարիչ.

դ) ինվեստիցիոն հիմնադրամի պահառության պայմանագրի նախագիծը, որն իր ձևով և բովանդակությամբ պետք է համապատասխանի ինվեստիցիոն հիմնադրամների պահառության օրինակելի պայմանագրին, ինչպես նաև որևէ լիցենզավորված պահառուի գրավոր համաձայնությունը` հանդես գալու որպես հիմնադրամի պահառու.

ե) սույն կանոնադրության 4.3. կետի «դ» ենթակետով նախատեսված վճարման կատարումը հաստատող փաստաթուղթ.

զ) ինվեստիցիոն հիմնադրամի հիմնադիրներից, գործադիր պաշտոնյաներից և վարչության անդամներից յուրաքանչյուրի կրթության և գործնական փորձառնության նկարագրությունը.

է) լիցենզավորման սահմանված կարգով պահանջվող ցանկացած այլ տեղեկություն:

4.5. Ինվեստիցիոն հիմնադրամի նախնական լիցենզիա ձեռք բերելուց հետո և նախքան հիմնական լիցենզիա ձեռք բերելու համար դիմելը ինվեստիցիոն հիմնադրամի հիմնադիրները պետք է`

ա) Ձեռնարկությունների պետական ռեգիստրում ինվեստիցիոն հիմնադրամը գրանցեն որպես բաց բաժնետիրական ընկերություն.

բ) կնքեն կառավարման և պահառության պայմանագրեր ինվեստիցիոն հիմնադրամի և լիցենզավորված կառավարչի ու լիցենզավորված պահառուի միջև, որոնք ձևով և բովանդակությամբ պետք է համապատասխանեն ինվեստիցիոն հիմնադրամների կառավարման և պահառության օրինակելի պայմանագրերին.

գ) պատրաստեն ազդագիր ինվեստիցիոն հիմնադրամի բաժնետոմսերի բաց տեղաբաշխման համար և այն ներկայացնեն գրանցման` «Արժեթղթերի շրջանառության մասին» Հայաստանի Հանրապետության օրենքով սահմանված կարգով:

4.6. Բացառությամբ սույն կանոնադրության 4.7. կետում նախատեսված դեպքերի, պետական լիազորված մարմինն ինվեստիցիոն հիմնադրամին հիմնական լիցենզիա է տալիս հետևյալ փաստաթղթերն ստանալուց հետո 45-օրյա ժամկետում`

ա) հիմնական լիցենզիա տալու մասին դիմում` ստորագրված ինվեստիցիոն հիմնադրամի բոլոր հիմնադիրների կողմից.

բ) Ձեռնարկությունների պետական ռեգիստրում որպես բաց բաժնետիրական ընկերություն ինվեստիցիոն հիմնադրամի գրանցումը հաստատող փաստաթուղթ.

գ) ինվեստիցիոն հիմնադրամի գրանցված կանոնադրությունը, որը պետք է համապատասխանի ինվեստիցիոն հիմնադրամների օրինակելի կանոնադրությանը.

դ) ինվեստիցիոն հիմնադրամի ազդագիրը, որը պետք է համապատասխանի օրինակելի ազդագրին, ինչպես նաև փաստաթուղթ, որ ազդագիրը ներկայացված է գրանցման` «Արժեթղթերի շրջանառության մասին» Հայաստանի Հանրապետության օրենքով սահմանված կարգով.

ե) ինվեստիցիոն հիմնադրամի և լիցենզավորված կառավարչի ու լիցենզավորված պահառուի միջև կնքված կառավարման և պահառության պայմանագրերը, որոնք ձևով և բովանդակությամբ պետք է համապատասխանեն ինվեստիցիոն հիմնադրամների կառավարման և պահառության օրինակելի պայմանագրերին.

զ) ինվեստիցիոն հիմնադրամի հիմնադիրներից, գործադիր պաշտոնյաներից և վարչության անդամներից յուրաքանչյուրի կրթության և գործնական փորձառության նկարագրությունը.

է) լիցենզավորման սահմանված կարգով պահանջվող ցանկացած այլ տեղեկություն: Ինվեստիցիոն հիմնադրամի նախնական լիցենզիա չունեցող որևէ անձի ինվեստիցիոն հիմնադրամի հիմնական լիցենզիա չի կարող տրվել:

4.7. Եթե պետական լիազորված մարմինը պարզի, որ ինվեստիցիոն հիմնադրամը պատշաճ կերպով չի ներկայացրել սույն կանոնադրության 4.6. կետով պահանջվող բոլոր փաստաթղթերն ու տեղեկությունները կամ ներկայացված տեղեկությունները պարունակում են փաստացի էական աղավաղումներ կամ դրանցում առկա են էական թերություններ ու բացթողումներ կամ ինվեստիցիոն հիմնադրամը կամ հիմնադրամի հիմնադիրները չեն պահպանել սույն կանոնադրությամբ սահմանված բոլոր պահանջները, ապա պետական լիազորված մարմինը պարտավոր է հրաժարվել լիցենզիա տալուց կամ կասեցնել լիցենզավորումը` մինչև պահանջվող տեղեկությունների ճշգրտումը: Պետական լիազորված մարմինն ինվեստիցիոն հիմնադրամին հիմնական լիցենզիա չի տալիս, քանի դեռ հիմնադրամի բաժնետոմսերի առաջին բաց տեղաբաշխման համար պատրաստված ազդագիրը գրանցված չէ «Արժեթղթերի շրջանառության մասին» Հայաստանի Հանրապետության օրենքին համապատասխան:

 

V. Ինվեստիցիոն հիմնադրամի կանոնադրական դրամագլուխը

 

5.1. Ինվեստիցիոն հիմնադրամի դրամագլուխը ձևավորվում է բացառապես միևնույն կարգի անվանական (գրանցված) հասարակ բաժնետոմսերի թողարկման միջոցով: Յուրաքանչյուր այդպիսի բաժնետոմս, անկախ սերիայից, վերապահում է մեկ ձայնի իրավունք` բաժնետերերի ժողովներում և հավասար բաժնեմաս` ինվեստիցիոն հիմնադրամի ամբողջ գույքում և եկամուտներում: Ինվեստիցիոն հիմնադրամները հասարակ բաժնետոմսերից բացի այլ արժեթղթեր չեն կարող թողարկել:

5.2. Ինվեստիցիոն հիմնադրամների կողմից թողարկված բաժնետոմսերն իրացվում են միայն կանխիկ դրամով, բանկային փոխանցումներով և սեփականաշնորհման սերտիֆիկատներով: Պետական ինվեստիցիոն հիմնադրամների կողմից թողարկվող բաժնետոմսերի բաց բաժանորդագրությունն իրականացվում է միայն սեփականաշնորհման սերտիֆիկատներով:

5.3. Ինվեստիցիոն հիմնադրամի կանոնադրական դրամագլխում ներդրվող բոլոր կանխիկ միջոցները, բանկային փոխանցումները և սեփականաշնորհման սերտիֆիկատներն անմիջականորեն մուտքագրվում են հիմնադրամի հաշվին, որը վարում է հիմնադրամի պահառուն: Բաժանորդագրվելիս բաժնետոմսերի համար վճարումները պետք է կատարվեն ամբողջությամբ:

5.4. Ինվեստիցիոն հիմնադրամները թողարկում են միայն գրանցված (անվանական) բաժնետոմսեր` ազատ շրջանառության իրավունքով: Ինվեստիցիոն հիմնադրամի` որևէ լիցենզավորված ֆոնդային բորսայում չգրանցված բաժնետոմսի օտարումը կատարվում է օտարողի և ձեռքբերողի միջև կնքված գրավոր պայմանագրով, որի մեկ օրինակը ներկայացվում է ինվեստիցիոն հիմնադրամին: Ինվեստիցիոն հիմնադրամն անմիջապես տալիս է բաժնետոմսի օտարման պայմանագրի ստացումը հաստատող և 10-օրյա ժամկետում համապատասխան գրանցում է կատարում բաժնետոմսի օտարման վերաբերյալ: Բաժնետոմսն օտարված է համարվում օտարման պայմանագիրն ինվեստիցիոն հիմնադրամին ներկայացնելու օրվանից: Ինվեստիցիոն հիմնադրամի` լիցենզավորված ֆոնդային բորսայում գրանցված բաժնետոմսը կարող է օտարվել տվյալ բորսայի կողմից սահմանված կարգով:

 

VI. Ինվեստիցիոն հիմնադրամի բաժնետոմսերի բաց տեղաբաշխումը

 

6.1. Իր բաժնետոմսերի առաջին բաց տեղաբաշխման համար պատրաստված ազդագրի գրանցումից և հիմնական լիցենզիայի ձեռքբերումից հետո ինվեստիցիոն ֆոնդը հրապարակում է իր ազդագիրը և առաջարկում իր բաժնետոմսերի բաց բաժանորդագրություն: Նախքան ինվեստիցիոն հիմնադրամի գրանցումը, հիմնադիրներին տրված բաժնետոմսերից բացի ինվեստիցիոն հիմնադրամի մյուս բոլոր բաժնետոմսերը բաժանորդագրության են առաջարկվում միայն թողարկման ազդագրի հիման վրա, որը պետք է համապատասխանի օրինակելի ազդագրին: Նախքան ազդագրի հրապարակումն, այն պետք է գրանցված լինի «Արժեթղթերի շրջանառության մասին» Հայաստանի Հանրապետության օրենքին համապատասխան:

6.2. Ինվեստիցիոն հիմնադրամի բաժնետոմսերը թողարկվում են սերիաներով: Ինվեստիցիոն հիմնադրամի բաժնետոմսերի յուրաքանչյուր սերիայի բաժանորդագրության ժամկետը չպետք է գերազանցի 4 ամսից: Յուրաքանչյուր սերիայի բաժանորդագրության ավարտից հետո ինվեստիցիոն հիմնադրամը պետք է փոփոխություններ կատարի իր կանոնադրության մեջ, արտացոլելով հիմնադրամի կանոնադրական դրամագլխի մեծացումը:

6.3. Ինվեստիցիոն հիմնադրամն իր բաժնետոմսերի յուրաքանչյուր սերիայի թողարկման համար պետք է գրանցի առանձին ազդագիր: Բաժանորդագրության համար միաժամանակ կարող են առաջարկվել միայն մեկ սերիայի բաժնետոմսեր: Ինվեստիցիոն հիմնադրամը բաժնետոմսերի նոր սերիա կարող է թողարկել միայն պատշաճ կարգով գումարված բաժնետերերի ժողովում ձայների մեծամասնությամբ ընդունված որոշման հիման վրա: Նախքան բաժնետոմսերի սերիայի թողարկման հարցը քննարկելու նպատակով բաժնետերերի ժողովի գումարումը, ինվեստիցիոն հիմնադրամի վարչությունը պարտավոր է բաժնետերերին ներկայացնել հիմնադրամի հաշվեկշիռը և միջոցների զուտ արժեքի ու եկամուտների վերաբերյալ հաղորդում` ժողովին անմիջականորեն նախորդող եռամսյա ժամկետի ընդգրկմամբ, որոնք պետք է ստուգված լինեն հիմնադրամի անկախ վերահսկիչի կողմից:

6.4. Գրանցված ազդագիրը կասեցնելու կամ գրանցումը չեղյալ հայտարարելու դեպքում ինվեստիցիոն հիմնադրամն անմիջապես դադարեցնում է իր բաժնետոմսերի հետագա առաջարկը, որը կարող է վերսկսվել միայն կասեցումը վավերացվելուց կամ նոր գրանցումից հետո:

 6.5. Նախքան ինվեստիցիոն հիմնադրամի գրանցումը, հիմնադիրներին տրված բաժնետոմսերից բացի ինվեստիցիոն հիմնադրամի մյուս բոլոր բաժնետոմսերը պետք է թողարկվեն համապատասխան սերիայի բաժանորդագրության բացման օրվա դրությամբ մեկ բաժնետոմսի նկատմամբ հիմնադրամի միջոցների համամասնական զուտ արժեքի` ԱՄՆ-ի դոլարով արտահայտված համարժեքին հավասար գնով:

6.6. Ինվեստիցիոն հիմնադրամի բաժնետոմսերի բաժանորդագրությունը համարվում է կայացած` անկախ իրացված բաժնետոմսերի քանակից:

 

VII. Ինվեստիցիոն հիմնադրամի բաժնետոմսերի հետ գնումը

 

7.1. Ինվեստիցիոն հիմնադրամները չեն կարող թողարկել վերադարձվող արժեթղթեր: Ինվեստիցիոն հիմնադրամները չեն կարող գնել կամ ետ գնել իրենց բաժնետոմսերն այլ կերպ, քան բաց բաժնետիրական ընկերությունների կանոնադրական դրամագլխի նվազեցումը կամ նման ընկերությունների լուծարումը կարգավորող Հայաստանի Հանրապետության օրենսդրությամբ սահմանված դեպքերում և կարգով:

 

VIII. Ինվեստիցիոն հիմնադրամի ղեկավար մարմինները

 

8.1. Ինվեստիցիոն հիմնադրամի ղեկավար մարմիններն են բաժնետերերի ընդհանուր ժողովը և վարչությունը:

8.2. Ինվեստիցիոն հիմնադրամի ղեկավար մարմիններն օժտված են տվյալ հիմնադրամի կանոնադրությամբ և բաժնետիրական ընկերությունների վերաբերյալ Հայաստանի Հանրապետության օրենսդրությամբ սահմանված իրավունքներով ու պարտականություններով: Ինվեստիցիոն հիմնադրամի կանոնադրությունը պետք է համապատասխանի օրինակելի կանոնադրությանը:

 

IX. Ինվեստիցիոն հիմնադրամների կառավարիչները

 

9.1. Կառավարման օրինակելի պայմանագրում նշված` կառավարչի պարտականությունները կատարելու համար յուրաքանչյուր ինվեստիցիոն հիմնադրամ պետք է նշանակի լիցենզավորված կառավարիչ: Կառավարիչը պետք է լինի տվյալ ինվեստիցիոն հիմնադրամի աշխատող չհանդիսացող անձ: Ոչ մի անձ չի կարող գործել որպես ինվեստիցիոն հիմնադրամի կառավարիչ, քանի դեռ պետական լիազորված մարմնից չի ստացել նման գործունեություն իրականացնելու լիցենզիա: Պետական լիազորված մարմինն ընդունում է ինվեստիցիոն հիմնադրամների կառավարիչների լիցենզավորման կարգը սահմանող առանձին կանոնադրություն: Ցանկացած անձ և նրան փոխկապված անձինք որպես կառավարիչ կարող են հանդես գալ ոչ ավել, քան երեք ինվեստիցիոն հիմնադրամներում:

9.2. Ինվեստիցիոն հիմնադրամը և իր կառավարիչը պետք է կնքեն գրավոր պայմանագիր («կառավարման պայմանագիր»), որը պետք է համապատասխանի կառավարման օրինակելի պայմանագրի պայմաններն: Կառավարման պայմանագրում փոփոխություն կատարելու համար անհրաժեշտ է ինվեստիցիոն հիմնադրամի բոլոր բաժնետերերի ձայների 2/3 մեծամասնությունը, բացառությամբ այն դեպքերի, երբ փոփոխությունը կատարվում է պայմանագրի դրույթները գործող օրենսդրությանը համապատասխանելու անհրաժեշտությունից: Կառավարման պայմանագրի ցանկացած դրույթ անվավեր է, եթե այն սահմանափակում է պայմանագիրը ցանկացած ժամանակ առանց պատճառաբանության լուծելու ինվեստիցիոն հիմնադրամի իրավունքը:

9.3. Ինվեստիցիոն հիմնադրամին մատուցած իր ծառայությունների համար որևէ մեկ տարվա ընթացքում կառավարչի ստացած փոխհատուցման գումարը չի կարող գերազանցել տվյալ տարում ինվեստիցիոն հիմնադրամի միջոցների միջին զուտ արժեքի 3 տոկոսը: Կառավարիչը պարտավոր է նշված փոխհատուցման գումարից վճարել ինվեստիցիոն հիմնադրամի բոլոր օպերատիվ ծախսերը և ոչ առևտրային պարտավորությունները, բացի այն ծախսերից, որոնք կառավարման օրինակելի պայմանագրին համապատասխան ենթակա են վճարման ինվեստիցիոն հիմնադրամի կողմից: Կառավարիչը պարտավոր է մշտապես պահել կառավարման պայմանագրով նախատեսված կանխիկ գումարի ռեզերվ` ինվեստիցիոն հիմնադրամի այն ծախսերը վճարելու համար, որոնց կատարումը վերապահված է կառավարչին:

9.4. Կառավարիչն ինվեստիցիոն հիմնադրամի և նրա բաժնետերերի առջև Հայաստանի Հանրապետության օրենսդրությանը համապատասխան պատասխանատվություն է կրում բոլոր այն վնասների համար, որոնք ինվեստիցիոն հիմնադրամը կրել է կառավարչի կամ նրա որևէ աշխատողի, պաշտոնյայի կամ վարչության անդամի կողմից կատարված անփութության, կեղծիքի, հափշտակության կամ սույն կանոնադրության կամ կառավարման օրինակելի պայմանագրի պայմանների խախտման հետևանքով: Ինվեստիցիոն հիմնադրամի ընդհանուր ժողովի որոշմամբ կառավարչին կարող է տրվել տարեկան պարգևավճար` տվյալ տարում հիմնադրամի ստացած զուտ շահույթի նկատմամբ որոշակի տոկոսադրույքներով:

 

X. Պահառուները

 

10.1. Բոլոր ինվեստիցիոն հիմնադրամները նշանակում են լիցենզավորված պահառու, որը պետք է կատարի սույն կանոնադրությանը կից (հավելված 2) պահառության օրինակելի պայմանագրով պահառուի համար նախատեսված պարտականությունները: Ինվեստիցիոն հիմնադրամն ու իր պահառուն կնքում են գրավոր պայմանագիր, որը պետք է համապատասխանի պահառության օրինակելի պայմանագրին: Ինվեստիցիոն հիմնադրամի և պահառուի միջև պայմանագիրը կարող է փոփոխվել միայն ինվեստիցիոն հիմնադրամի բաժնետերերի ձայների 2/3-ի մեծամասնության որոշմամբ, բացառությամբ այն դեպքերի, երբ փոփոխության կատարումն անհրաժեշտ է պահառության պայմանագրի դրույթները գործող օրենսդրության պահանջներին համապատասխանեցնելու համար:

10.2. Որպես պահառու կարող է հանդես գալ միայն բանկը կամ ֆինանսական որևէ այլ կազմակերպություն, որն ի վիճակի է կատարել պահառության օրինակելի պայմանագրով պահառուի համար նախատեսված պարտականությունները: Բոլոր պահառուները պետական լիազորված մարմնի կողմից սահմանված կարգով պետք է ստանան համապատասխան լիցենզիա:

10.3. Պահառուն չի կարող օգտագործել ինվեստիցիոն հիմնադրամի միջոցներն այլ կերպ, քան պահառության պայմանագրով սահմանված կարգով: Ինվեստիցիոն հիմնադրամի միջոցները պահառուի կողմից պետք է առանձնացվեն պահառուին պատկանող կամ իր կողմից ի պահ ընդունված բոլոր այլ միջոցներից: Ինվեստիցիոն հիմնադրամի միջոցները պահառուի կողմից չպետք է օգտագործվեն կամ ներկայացվեն որպես իր սեփական միջոցներ կամ վարկային ռեսուրսներ:

10.4. Պահառուն ինվեստիցիոն հիմնադրամի և նրա բաժնետերերի առջև Հայաստանի Հայաստանի Հանրապետության օրենսդրությանը համապատասխան պատասխանատվություն է կրում այն վնասի համար, որն ինվեստիցիոն հիմնադրամին հասցվել է պահառուի կամ նրա աշխատողների, գործադիր ղեկավարների կամ վարչության անդամների կողմից գործած անփութության, հափշտակության, խարդախության կամ սույն կանոնադրության կամ պահառության օրինակելի պայմանագրի խախտման հետևանքով:

 

XI. Անկախ Վերահսկիչները 

 

11.1. Բոլոր ինվեստիցիոն հիմնադրամները նշանակում են անկախ վերահսկիչ, որը պարբերաբար պետք է ստուգի ինվեստիցիոն հիմնադրամի և նրա կառավարչի հաշվապահական և այլ փաստաթղթերը:

11.2. Անկախ վերահսկիչը ենթակա է լիցենզավորման պետական լիազորված մարմնի կողմից սահմանված կարգով:

11.3. Անկախ վերահսկիչը վավերացնում է ինվեստիցիոն հիմնադրամի կողմից սույն կանոնադրության 15.2. կետին համապատասխան կազմված տարեկան հաշվետվությունը կամ իր դիտողություններն է ներկայացնում հաշվետվությունում նշված տվյալների ճշտության վերաբերյալ: Նման վավերագիրը կամ դիտողությունները պետք է հրապարակվեն և ներկայացվեն տարեկան հաշվետվության հետ միասին` որպես վերջինիս անբաժանելի մաս:

 

XII. Սահմանափակումները

 

12.1. Ինվեստիցիոն հիմնադրամը չի կարող`

1) ձեռք բերել որևէ անձի ձայնի իրավունք տվող արժեթղթերը, եթե դրա հետևանքով ինվեստիցիոն հիմնադրամն ու իր հետ փոխկապված խումբը կունենա այդ անձի` ձայնի իրավունք տվող արժեթղթերի ընդհանուր թվի ավելի քան 40 տոկոսը.

2) ներդնել իր զուտ միջոցների ավելի քան 10 տոկոսը որևէ մեկ անձի արժեթղթերում.

3) ներդրում կատարել այլ ինվեստիցիոն հիմնադրամների կողմից թողարկված արժեթղթերում.

4) ներդրում կատարել տվյալ ինվեստիցիոն հիմնադրամի բաժնետոմսերի ավելի քան 5 տոկոսը ունեցող որևէ անձում.

5) պարտավորվել վաճառել իր սեփականությունը չհանդիսացող արժեթղթերը.

6) փոխառնել դրամ կամ ստանալ որևէ տեսակի վարկ.

7) տալ ցանկացած տեսակի երաշխավորագրեր կամ գրավականներ.

8) իր կառավարչի, պահառուի, անկախ վերահսկիչի կամ վերջիններիս հետ փոխկապված որևէ անձի նկատմամբ հանդես գալ որպես սեփականատեր կամ վարկատու.

12.2. Սերտիֆիկատային ինվեստիցիոն հիմնադրամը, ի լրումն ինվեստիցիոն հիմնադրամների համար սույն կանոնադրության 12.1. կետով նախատեսված բոլոր սահմանափակումների, չի կարող`

1) ունենալ Հայաստանի Հանրապետության արժույթից, սեփականաշնորհման սերտիֆիկատներից, բաժնետիրական ընկերությունների բաժնետոմսերից և սահմանափակ պատասխանատվությամբ ընկերությունների բաժնեմասերից բացի որևէ այլ միջոց.

2) ներդրում կատարել Հայաստանի Հանրապետությունում գործունեություն չիրականացնող որևէ ընկերությունում.

3) վաճառել կամ տնօրինել սեփականաշնորհման սերտիֆիկատներ այլ կերպ, քան պետական ձեռնարկությունների սեփականաշնորհման կամ ապապետականացման հետևանքով թողարկված արժեթղթերի հետ փոխանակելու միջոցով.

4) տրամադրել կամ ստանալ վարկեր.

5) կնքել ինվեստիցիոն գործունեության հետ առնչություն չունեցող պայմանագրեր.

6) իր բաժնետոմսերի դիմաց ընդունել սեփականաշնորհման սերտիֆիկատներ, եթե դրա հետևանքով այդ ինվեստիցիոն հիմնադրամի (և նրա հետ փոխկապված խմբի) ընդունած սեփականաշնորհման սերտիֆիկատների ընդհանուր անվանական արժեքը կգերազանցի մինչև այդ օրը Հայաստանի Հանրապետությունում թողարկված սեփականաշնորհման սերտիֆիկատների ընդհանուր անվանական արժեքի 10 տոկոսը.

7) արժեթղթերում ներդրումներ, վերաներդրումներ կատարելուց և արժեթղթերի առուծախից բացի զբաղվել այլ տնտեսական գործունեությամբ.

8) կատարել Հայաստանի Հանրապետության օրենսդրության համաձայն սահմանափակ պատասխանատվություն չենթադրող ներդրումներ:

 

XIII. Բախումներ եվ չհամապատասխանող անձինք

 

13.1. Ինվեստիցիոն հիմնադրամի կամ նրա կառավարչի, պահառուի կամ անկախ վերահսկիչի աշխատող, գործադիր ղեկավար կամ վերահսկիչ հանձնաժողովի անդամ չեն կարող լինել`

ա) այն անձինք, որոնց Հայաստանի Հանրապետության օրենսդրությամբ սահմանված կարգով արգելված է զբաղեցնել նման պաշտոններ.

բ) այն անձինք, որոնք, պետական լիազորված մարմնի կարծիքով, դիտավորյալ կերպով խախտել են սույն կանոնադրության կամ արժեթղթերի մասին ՀՀ օրենսդրության պահանջները.

գ) այն անձինք, որոնք պետական լիազորված մարմնի կարծիքով, դիտավորյալ նշել են իրականությանը չհամապատասխանող տվյալներ ինվեստիցիոն ֆոնդի, կառավարչի կամ պահառուի արժեթղթերի գրանցման կամ լիցենզավորման նպատակով պետական լիազորված մարմնին ներկայացված փաստաթղթերում:

13.2. Ինվեստիցիոն հիմնադրամի պահառուի, կառավարչի կամ անկախ վերահսկիչի ստորադաս անձը չի կարող լինել այդ ինվեստիցիոն հիմնադրամի վարչության անդամ կամ գործադիր ղեկավար:

13.3. Ինվեստիցիոն հիմնադրամի հետ փոխկապված անձը չի կարող լինել այդ ինվեստիցիոն հիմնադրամի պահառու կամ անկախ վերահսկիչ:

13.4. Ինվեստիցիոն հիմնադրամի կառավարիչը, պահառուն և անկախ վերահսկիչը չեն կարող լինել մեկը մյուսի հետ փոխկապված անձինք:

13.5. Սույն կանոնադրության 1.14 կետում հիշատակված բոլոր շահագրգիռ անձինք ինվեստիցիոն հիմնադրամի նկատմամբ պետք է գործեն բարեխղճորեն և արդարացի, մասնավորապես`

1) շահագրգիռ անձանցից յուրաքանչյուրը ինվեստիցիոն հիմնադրամի բաժնետերերին պետք է տեղեկացնի այլ ինվեստիցիոն հիմնադրամի նկատմամբ իր ունեցած սեփականության իրավունքի, ֆինանսական գործառնությունների կամ պայմանագրային հարաբերությունների մասին, ինչպես նաև դադարեցնի այդ գործառնությունները կամ հարաբերություններն ինվեստիցիոն հիմնադրամի վարչության ոչ շահագրգիռ անդամների մեծամասնության պահանջով.

2) շահագրգիռ անձը, առանց վարչության ոչ շահագրգիռ անդամների մեծամասնության նախնական համաձայնության, իրավունք չունի երրորդ անձին խորհրդատվություն անել այնպիսի գործարքի վերաբերյալ, որի կողմերից մեկն այն ընկերությունն է, որի բաժնետոմսերի առնվազն 10 տոկոսը պատկանում է այդ ինվեստիցիոն հիմնադրամին.

3) շահագրգիռ անձանցից յուրաքանչյուրը պետք է բարեխղճորեն ապահովի, որպեսզի ինվեստիցիոն հիմնադրամը հնարավորություն ունենա մասնակցելու շահագրգիռ անձանց կամ նրանց հաճախորդների կողմից Հայաստանի Հանրապետությունում կատարվող ներդրումներին, եթե այդպիսի ներդրումներն արգելված չեն ինվեստիցիոն հիմնադրամի կանոնադրությամբ.

4) ցանկացած պայմանագիր, որը կնքվել է շահագրգիռ անձի և այնպիսի ընկերության միջև, որի բաժնետոմսերի ավելի քան 5 տոկոսը պատկանում է տվյալ ինվեստիցիոն հիմնադրամին, ենթակա է հաստատման ինվեստիցիոն հիմնադրամի վարչության ոչ շահագրգիռ անդամների մեծամասնության կողմից.

5) ինվեստիցիոն հիմնադրամի և այն անձանց միջև, որտեղ շահագրգիռ անձանցից որևէ մեկն ունի տնտեսական շահ, կնքվող բոլոր գործարքները նախապես պետք է հաստատված լինեն ինվեստիցիոն հիմնադրամի վարչության ոչ շահագրգիռ անդամների մեծամասնության կողմից.

6) շահագրգիռ անձինք պարտավոր են պահպանել ինվեստիցիոն հիմնադրամի ներդրման օբյեկտ հանդիսացող ընկերություններից ստացված, ինչպես նաև ինվեստիցիոն հիմնադրամին վերաբերող հրապարակման ոչ ենթակա բոլոր տեղեկությունների գաղտնիությունը:

 

XIV. Հաշվապահական հաշվառումը

 

14.1. Սերտիֆիկատային ինվեստիցիոն հիմնադրամները պետք է հաշվարկեն սեփականաշնորհման սերտիֆիկատների դրամական արժեքը և օգտագործեն այն հաշվապահական հաշվառման և գնահատման նպատակների համար, ներառյալ`

ա) ինվեստիցիոն հիմնադրամի միջոցների զուտ արժեքի հաշվարկման.

բ) մեկ սեփականաշնորհման սերտիֆիկատով փոխանակվող ինվեստիցիոն հիմնադրամի բաժնետոմսերի թվի հաշվարկման.

գ) սեփականաշնորհման սերտիֆիկատներով կատարվող ներդրումների գնահատման համար: Սեփականաշնորհման սերտիֆիկատների դրամական արժեքը հաշվարկվում է դրանց` վերջին պաշտոնապես հայտարարված անվանական արժեքով:

14.2. Ինվեստիցիոն հիմնադրամները պարտավոր են իրենց զուտ միջոցների հաշվարկը կատարել յուրաքանչյուր ամսվա վերջում, ինչպես նաև իրենց բաժնետոմսերի յուրաքանչյուր սերիայի թողարկման համար բաժանորդագրության բացման օրը:

 

XV. Տեղեկատվության հրապարակումը

 

15.1. Յուրաքանչյուր ֆինանսական եռամսյակի ավարտից ոչ ուշ, քան 60 օր հետո, ինվեստիցիոն հիմնադրամը հանրապետական մամուլում պարտավոր է հրապարակել և պետական լիազորված մարմնին ներկայացնել իր եռամսյակային ֆինանսական հաշվետվությունը, որը պետք է բովանդակի հետևյալ տեղեկությունները`

1) ինվեստիցիոն հիմնադրամի ներդրումների ցուցակը (արժեթղթերի թողարկողը, թիվը և տեսակը) ֆինանսական եռամսյակի վերջին օրվա դրությամբ.

2) հաշվետու ժամանակաշրջանում կատարված ինվեստիցիոն գործառնությունների ցուցակը.

3) հաշվետու ժամանակաշրջանում տեղի ունեցած դրամագլխի աճի և կորստի մասին տեղեկանքը.

4) հաշվետու ժամանակաշրջանի վերջին օրվա դրությամբ հիմնադրամի հաշվապահական հաշվեկշիռը, եկամուտների և միջոցների զուտ արժեքի մասին հաշվետվությունները.

5) հաշվետու ժամանակաշրջանում կատարված ծախսերի և վարձատրության (ներառյալ կառավարչի և պահառուի վարձատրության) մասին տեղեկանքը.

6) կառավարչի կամ նրա հետ փոխկապված անձի և որևէ ընկերության (որի նկատմամբ ինվեստիցիոն հիմնադրամն այդ ժամանակ հանդես է եկել որպես ներդրող) միջև կնքված բոլոր պայմանագրերի և գործարքների մասին հաշվետվությունը.

7) իր կառավարչի, պահառուի և անկախ վերահսկիչի մասին տվյալները.

8) ինվեստիցիոն հիմնադրամի, նրա կառավարչի, պահառուի և անկախ վերահսկիչի 10 խոշորագույն բաժնետերերի անունները և նրանց փայամասնակցության տոկոսը.

9) ինվեստիցիոն հիմնադրամի վարչության, ինչպես նաև ինվեստիցիոն հիմնադրամի կառավարչի, անկախ վերահսկիչի և պահառուի վարչությունների բոլոր անդամների ցուցակը:

15.2. Յուրաքանչյուր ֆինանսական տարվա ավարտից ոչ ուշ, քան 90 օր հետո ինվեստիցիոն հիմնադրամը հանրապետական մամուլում պարտավոր է հրապարակել և պետական լիազորված մարմնին ներկայացնել իր տարեկան հաշվետվությունը, որը պետք է բովանդակի նույն տեղեկությունները, որոնք նախատեսված են եռամսյակային հաշվետվության համար, սակայն տվյալ ֆինանսական տարվա հաշվարկով: Այն պետք է ստուգված լինի ինվեստիցիոն հիմնադրամի անկախ վերահսկիչի կողմից և դրան կից պետք է ներկայացվի անկախ վերահսկիչի վավերագիրը կամ դիտողությունները:

15.3. Պետական լիազորված մարմինը իրավասու է ցանկացած ժամանակ առանց նախազգուշացման ստուգել և զննել ինվեստիցիոն հիմնադրամի կամ կառավարչի և պահառուի փաստաթղթերը, արժեթղթերի գրանցման գիրքը, շենքերը և գործունեությունը: Ինվեստիցիոն հիմնադրամի անկանոն գործունեության, ինչպես նաև ինվեստիցիոն հիմնադրամի, նրա կառավարչի կամ պահառուի կողմից սույն կանոնադրության պահանջների խախտման դեպքում պետական լիազորված մարմինը իրավունք ունի գումարելու ինվեստիցիոն հիմնադրամի բաժնետերերի արտահերթ ժողով, ինչպես նաև իրականացնելու ինվեստիցիոն հիմնադրամի բաժնետերերի շահերի պաշտպանությանն ուղղված այլ միջոցառումներ:

 

XVI. Գովազդը

 

16.1. Ինվեստիցիոն հիմնադրամներին չի թույլատրվում գրավոր կամ հրապարակային գովազդման միջոցով իրենց ներդրողներին խոստանալ եկամուտներ կամ որևէ հաստատագրված գնով իրենց բաժնետոմսերի վերադարձում: Ինվեստիցիոն հիմնադրամներին արգելվում է հրապարակային գովազդման կամ որևէ այլ եղանակով կատարել իրականությանը չհամապատասխանող կամ թյուրիմացություն առաջացնող հայտարարություններ: Ինվեստիցիոն հիմնադրամը չի կարող մամուլում, ռադիոյով, հեռուստատեսությամբ կամ զանգվածային լրատվության այլ միջոցներով հրապարակել պետական լիազորված մարմնի հաստատմանը չներկայացված և վերջինիս կողմից չհաստատված որևէ գովազդ: «Մամուլի և զանգվածային լրատվության այլ միջոցների մասին» Հայաստանի Հանրապետության օրենքի համաձայն, մամուլի և զանգվածային լրատվության միջոցներին արգելվում է հրապարակել ինվեստիցիոն հիմնադրամին վերաբերվող որևէ գովազդ, որը ստուգված և հաստատված չէ կամ որի հաստատումը չեղյալ է հայտարարվել պետական լիազորված մարմնի կողմից: 

 

 

ՀԱՎԵԼՎԱԾ 1 ՀՀ կառավարության 1994թ. սեպտեմբերի 30-ի  N 469 որոշմամբ հաստատված կանոնադրության

 

 

 

ԻՆՎԵՍՏԻՑԻՈՆ ՀԻՄՆԱԴՐԱՄԻ ՕՐԻՆԱԿԵԼԻ ԿԱՆՈՆԱԴՐՈՒԹՅՈՒՆ

 

I. Ընդհանուր դրույթներ

 

 

8. Հիմնադրամը չի կարող.

ա) ձեռք բերել որևէ Անձի ձայնի իրավունք տվող Արժեթղթեր, եթե Հիմնադրամը կամ նրան Փոխկապված խումբը դրանով իսկ կտիրի այդ Անձի` ձայնի իրավունք տվող Արժեթղթերի ավելի քան 40 %-ին.

բ) իր զուտ միջոցների ավելի քան 10 %-ը ներդնել մեկ Անձի Արժեթղթերում.

գ) ներդրումներ կատարել այլ ինվեստիցիոն հիմնադրամների կողմից թողարկված Արժեթղթերում.

դ) ներդրումներ կատարել որևէ Անձում, որը տիրում է Հիմնադրամի բաժնետոմսերի ավելի քան 5 %-ին.

ե) համաձայնություն տալ վաճառելու իրեն չպատկանող Արժեթղթեր.

զ) փոխառել դրամ կամ ստանալ վարկ.

է) տալ երաշխավորագրեր կամ գրավականներ.

ը) իր կառավարչի, Պահառուի, Անկախ վերահսկիչի կամ վերջիններիս հետ Փոխկապված որևէ անձի նկատմամբ հանդես գալ որպես բաժնետեր կամ վարկատու:

8.1. Սերտիֆիկատային ինվեստիցիոն հիմնադրամը, ի լրումն սույն Կանոնադրության 8 կետում նշված սահմանափակումների, չի կարող`

ա) տիրել Հայաստանի Հանրապետության արժույթից, սեփականաշնորհման սերտիֆիկատներից, բաժնետիրական ընկերությունների բաժնետոմսերից և սահմանափակ պատասխանատվությամբ ընկերությունների բաժնեմասերից բացի այլ միջոցների.

բ) ներդրում կատարել Հայաստանի Հանրապետությունում գործունեություն չիրականացնող ընկերությունում.

գ) վաճառել կամ տնօրինել սեփականաշնորհման սերտիֆիկատներ այլ կերպ, քան պետական ձեռնարկությունների սեփականաշնորհման կամ ապապետականացման հետևանքով թողարկված արժեթղթերի հետ փոխանակելու միջոցով.

դ) տրամադրել կամ ստանալ վարկ.

ե) կնքել իր ինվեստիցիոն գործունեության հետ առնչություն չունեցող պայմանագրեր.

զ) իր բաժնետոմսերի դիմաց ընդունել սեփականաշնորհման սերտիֆիկատներ, եթե դրա հետևանքով այդ Ինվեստիցիոն հիմնադրամի և նրա հետ Փոխկապված խմբի ընդունած սեփականաշնորհման սերտիֆիկատների ընդհանուր անվանական արժեքը կգերազանցի մինչև այդ օրը Հայաստանի Հանրապետությունում թողարկված սեփականաշնորհման սերտիֆիկատների ընդհանուր անվանական արժեքի 10 տոկոսը.

է) զբաղվել Արժեթղթերում ներդրումներ, վերաներդրումներ կատարելուց և Արժեթղթերի առևտրից բացի այլ գործունեությամբ.

ը) կատարել ներդրում, որը Հայաստանի Հանրապետության օրենսդրության համաձայն սահմանափակ պատասխանատվություն չի ենթադրում:

9. Հիմնադրամի բաժնետերերի ընդհանուր ժողովը կարող է Հիմնադրամի ինվեստիցիոն գործունեության լրացուցիչ սահմանափակումներ սահմանել:

 

IV. Հիմնադրամի կանոնադրական դրամագլուխը և բաժնետոմսերը

 

10. Հիմնադրամի սկզբնական Կանոնադրական դրամագլուխը ----------դրամ է: Սկզբնական Կանոնադրական դրամագլուխը ներդրվել է Հիմնադիրների կողմից, կանխիկ գումարով կամ բանկային փոխանցումով --------------- բաժնետոմսերի դիմաց` յուրաքանչյուր բաժնետոմսը --------------դրամ անվանական արժեքով: Հիմնադիրներն իրավունք չունեն բաժնետոմսեր կամ վարձատրություն ստանալ Հիմնադրամի հիմնադրման հետ կապված իրենց ծառայությունների դիմաց: Հիմնադիրներն արտոնյալ իրավունքներ չունեն Հիմնադրամի մյուս բաժնետերերի նկատմամբ:

11. Հիմնադրամը հասարակ բաժնետոմսերից բացի այլ Արժեթղթեր չի թողարկում: Հիմնադրամի բոլոր բաժնետոմսերը պետք է անվանական (գրանցված) լինեն:

12. Հիմնադրամի բաժնետոմսերը իրացվում են միայն կանխիկ գումարով, բանկային փոխանցումներով կամ սեփականաշնորհման սերտիֆիկատներով: (Պետական ինվեստիցիոն հիմնադրամի բաժնետոմսերը իրացվում են միայն սեփականաշնորհման սերտիֆիկատներով:)

13. Ինվեստիցիոն հիմնադրամի Կանոնադրական դրամագլխում կանխիկ գումարով, բանկային փոխանցումներով և սեփականաշնորհման սերտիֆիկատներով կատարված ներդրումները վճարվում են Հիմնադրամի Պահառուի կողմից վարվող հատուկ հաշվին: Կանոնադրական դրամագլխում ներդրվող ավանդները պետք է ամբողջությամբ վճարվեն բաժանորդագրվելիս:

14. Հիմնադրամի Վարչությունը կարող է պարբերաբար թույլատրել Հիմնադրամի բաժնետոմսերի լրացուցիչ սերիաների թողարկում: Նախքան բաժնետոմսերի սերիայի թողարկումը Ինվեստիցիոն հիմնադրամի Վարչությունը պարտավոր է գումարել բաժնետերերի ժողով, որտեղ տրվում է հաղորդում ժողովին նախորդող եռամսյա ժամկետում Հիմնադրամի հաշվեկշռի, զուտ միջոցների արժեքի ու եկամուտների վերաբերյալ հաշվետվությունը պետք է ստուգված լինի Հիմնադրամի Անկախ վերահսկիչի կողմից:

15. Բաժնետոմսերը թողարկվում են Պետական լիազորված մարմնի կողմից գրանցված թողարկման Ազդագրի պայմաններին համապատասխան: Հիմնադրամի բաժնետոմսերի յուրաքանչյուր սերիայի թողարկման համար պատրաստվում և գրանցվում է նոր Ազդագիր: Բաժնետոմսերի յուրաքանչյուր սերիայի բաժանորդագրության ժամկետը 4 ամիս է: Բաժնետոմսերի նոր սերիան չի կարող թողարկվել, քանի դեռ նախորդ սերիայի բաժանորդագրության ժամկետը չի լրացել:

16. Նախքան Ինվեստիցիոն հիմնադրամի գրանցումը, Հիմնադիրներին տրված բաժնետոմսերից բացի Ինվեստիցիոն հիմնադրամի մյուս բոլոր բաժնետոմսերը պետք է թողարկվեն համապատասխան սերիայի բաժանորդագրության բացման օրվա դրությամբ մեկ բաժնետոմսի նկատմամբ Հիմնադրամի Միջոցների համամասնական զուտ արժեքի` ԱՄՆ դոլարով արտահայտված համարժեքին հավասար գնով:

17. Ազդագրի գրանցման կասեցման կամ վերացման դեպքում Հիմնադրամն անհապաղ դադարեցնում է բաժնետոմսերի բաժանորդագրությունը մինչև նշված կասեցման վերացումը կամ նոր ազդագրի ձեռքբերումը:

 

V. Բաժնետերերի իրավունքները

 

18. Հիմնադրամի յուրաքանչյուր բաժնետեր իրավունք ունի մասնակցել բաժնետերերի ժողովին անձամբ կամ լիազոր ներկայացուցչի միջոցով:

19. Բոլոր բաժնետոմսերը, անկախ սերիայից, հավասար իրավունքներ են վերապահում Հիմնադրամի բաժնետերերին: Յուրաքանչյուր բաժնետոմս բաժնետերերի ժողովներում ներկայացնում է միայն մեկ ձայն: Յուրաքանչյուր բաժնետոմս շահաբաժինների բաշխման, Հիմնադրամի Կանոնադրական դրամագլխի նվազեցման կամ Հիմնադրամի լուծարման դեպքերում Հիմնադրամի ունեցվածքի համամասնական և հավասար բաժնեմասի իրավունք է վերապահում:

20. Հիմնադրամի լուծարման դեպքում վարկատուների պահանջները բավարարելուց հետո մնացած ունեցվածքը բաշխվում է բաժնետերերի միջև` Հիմնադրամի իրացված բաժնետոմսերում նրանց ունեցած բաժնին համամասնորեն:

 

VI. Բաժնետոմսերի հետգնումը

 

21. Ինվեստիցիոն հիմնադրամները չեն կարող գնել կամ հետգնել իրենց բաժնետոմսերն այլ կերպ, քան բաց բաժնետիրական ընկերությունների կանոնադրական դրամագլխի նվազեցումը կամ նման ընկերությունների լուծարումը կարգավորող` Հայաստանի Հանրապետության օրենսդրությամբ սահմանված կարգով:

 

VII. Հիմնադրամի բաժնետերերի ընդհանուր ժողովը

 

22. Հիմնադրամի բաժնետերերի ընդհանուր ժողովը («Ընդհանուր ժողով») Հիմնադրամի կառավարման բարձրագույն մարմինն է: Ընդհանուր ժողովի բացառիկ իրավասությունն է`

ա) փոխել Հիմնադրամի Կանոնադրությունը.

բ) արտոնել Հիմնադրամի բաժնետոմսերի լրացուցիչ սերիայի թողարկումը.

գ) հաստատել և փոփոխել Հիմնադրամի Պահառության պայմանագիրը և Կառավարման պայմանագիրը, ներառյալ Պահառուին և Կառավարչին վճարվելիք վարձատրության չափը.

դ) արտոնել Հիմնադրամի մասնաճյուղերի ստեղծումն ու լուծարումը.

ե) քննարկել և հաստատել Հիմնադրամի գործունեության նախորդ տարվա հաշվետվությունը, հաշվեկշիռը, շահույթի ու վնասի հաշվարկները.

զ) ընդունել որոշում շահույթի բաշխման և ծախսածածկման վերաբերյալ.

է) ընտրել Հիմնադրամի վարչության անդամներին.

ը) ընդունել Հիմնադրամի լուծարման, լուծարքային հանձնաժողովի ստեղծման և նրա հաշվետվության հաստատման մասին որոշումներ.

թ) ՀՀ օրենսդրությամբ և սույն Կանոնադրությամբ նախատեսված այլ հարցեր:

23. Բաժնետերերի ժողովը իրավազոր է, եթե ժողովին մասնակցում են Հիմնադրամի բաժնեմասերի ոչ պակաս քան 50 տոկոսի բաժնետերերը կամ նրանց լիազոր ներկայացուցիչները:

24. Բացառությամբ սույն Կանոնադրության 22-րդ կետի «ե» և «զ» ենթակետերում նշված դեպքերի, բոլոր հարցերի վերաբերյալ որոշումներն ընդունվում է քվորումի առկայությամբ (բացի 22-րդ կետի «դ» ենթակետում նշված որոշումներից) և ժողովում ներկայացված բաժնեմասերի ավելի քան 50 տոկոսի բաժնետերերի ձայների մեծամասնությամբ: Քվորումի բացակայության դեպքում 14 օրվա ընթացքում պետք է գումարվի բաժնետերերի նոր ժողով:

Վերագումարված ժողովում 22-րդ կետի «ե» և «զ» ենթակետերում նշվածներից բացի բոլոր այլ հարցերի վերաբերյալ ընդունվում է որոշում անկախ քվորումից` ժողովում ներկայացված բաժնեմասերի ավելի քան 50 տոկոսի բաժնետերերի ձայների մեծամասնությամբ:

25. Ստորև բերվող խնդիրներին վերաբերող` Ընդհանուր ժողովի որոշումների ընդունման համար պահանջվում է Հիմնադրամի բոլոր բաժնեմասերի երկու երրորդի բաժնետերերի ձայների մեծամասնությունը.

ա) փոփոխություններ սույն Կանոնադրության մեջ.

բ) Հիմնադրամի վերակազմավորում.

գ) Հիմնադրամի լուծարում.

դ) Հիմնադրամի Կառավարչի կամ Պահառուի հետ կնքված պայմանագրերի փոփոխում:

26. Սույն Կանոնադրության մեջ այնպիսի փոփոխություններ կատարելու վերաբերյալ որոշումների ընդունումը, որոնք ընդլայնում են առանձին բաժնետերերի պարտավորությունները կամ սահմանափակում նրանց իրավունքները, պահանջում է այդ բաժնետերերի համաձայնությունը:

27. Ընդհանուր ժողովը Հիմնադրամի Կառավարման պայմանագիրը և դրանում կատարված փոփոխությունները վավերացնելու բացառիկ իրավասություն ունի: Յուրաքանչյուր տարեկան Ընդհանուր ժողովի ժամանակ Վարչությունը բաժնետերերի մեծամասնության հաստատմանն է ներկայացնում Կառավարման պայմանագրի շարունակման վերաբերյալ որոշման նախագիծ և իր առաջարկություններն այդ կապակցությամբ:

28. Անկախ բաժնետերերի այլ ժողովներից, Հիմնադրամը տարին մեկ անգամ բաժնետերերի տարեկան Ընդհանուր ժողով է հրավիրում: Տարեկան Ընդհանուր ժողովների միջև ընկած ժամանակահատվածը չպետք է գերազանցի 15 ամիսը: Բաժնետերերի արտահերթ ժողովներ կարող են հրավիրվել Հիմնադրամի Վարչության կողմից` ցանկացած հարցի քննարկման համար: Հիմնադրամի Վարչությունը պարտավոր է Հիմնադրամի բաժնետերերի արտահերթ ժողով հրավիրել ստորև ներկայացված անձանց գրավոր պահանջի ստացումից հետո 3 շաբաթվա ընթացքում.

ա) Վարչության անդամների մեծամասնության.

բ) միասին վերցրած` Հիմնադրամի բաժնետոմսերի ոչ պակաս, քան 10 տոկոսին տիրող բաժնետերերի.

գ) Պահառուի, երբ Հիմնադրամի Զուտ միջոցների շուկայական արժեքն իջել է նրանց հաշվեկշռային արժեքի 50 տոկոսից.

դ) Հիմնադրամի բաժնետոմսերի առաջին բաց բաժանորդագրության ավարտից հետո ոչ ուշ քան 45 օրվա ընթացքում գումարվում է բաժնետերերի արտահերթ ժողով` Հիմնադրամի Վարչության անդամների ընտրության և Հիմնադրամի Կառավարման ու Պահառության պայմանագրերի շարունակումը կամ լուծումն արտոնելու համար.

ե) Հիմնադրամի կողմից իրականացված անօրինական գործառնություններ կամ Ինվեստիցիոն հիմնադրամների վերաբերյալ կանոնադրության` Հիմնադրամի, նրա Կառավարչի կամ Պահառուի կողմից թույլ տրված խախտումներ հայտնաբերելու դեպքում Պետական լիազորված մարմինն իրավասու է Հիմնադրամի բաժնետերերի արտահերթ ժողով հրավիրելու.

զ) Հիմնադրամի Կառավարչի կամ Պահառուի լիցենզիան ետ վերցվելու, ինչպես նաև Կառավարման կամ Պահառության պայմանագիրը լուծվելու դեպքում Հիմնադրամի Վարչությունը հրավիրում է Հիմնադրամի բաժնետերերի արտահերթ ժողով` ընտրելու նոր Կառավարիչ կամ Պահառու:

29. Ժողովի և նրա օրվա, ժամի, տեղի և օրակարագի մասին պատվիրված նամակով, բաժնետերերի գրանցամատյաններում նշված հասցեներով ծանուցագիր է ուղարկվում յուրաքանչյուր բաժնետիրոջ ոչ ուշ, քան ժողովի օրվանից 14 օր առաջ: Ընդհանուր ժողովի որոշմամբ ժողովի անցկացման և նրա օրակարգի մասին ծանուցումը կարող է կատարվել զանգվածային լրատվության միջոցներով: Օրակարգը հրապարակումից հետո չի կարող փոփոխության ենթարկվել:

 

VIII. Հիմնադրամի վերահսկիչ խորհուրդը

 

30. Բաժնետերերի Ընդհանուր ժողովների միջև ընկած ժամանակահատվածում Հիմնադրամի կառավարման բարձրագույն մարմինը Վարչությունն է: Վարչության անդամներն ընտրվում են Ընդհանուր ժողովի կողմից: Հիմնադրամի ծառայողները Հիմնադրամի Վարչության անդամներ նշանակելու իրավունք չունեն:

Վարչության անդամները չեն կարող Ստորադաս կամ Փոխկապված լինել Ինվեստիցիոն հիմնադրամի Պահառուին, Կառավարչին կամ Անկախ վերահսկիչին: Վարչության անդամների քանակը որոշվում է Ընդհանուր ժողովի կողմից, սակայն այն պետք է լինի կենտ և ընդգրկի ոչ պակաս քան հինգ անձ: Պահառուի պահանջով նրա ներկայացուցչին պետք է թույլատրվի ներկա գտնվելու Հիմնադրամի Վարչության նիստին:

31. Վարչության նիստերը գումարվում են առնվազն ամիսը մեկ անգամ:

Ի լրումն հերթական ամսական նիստերի, Վարչության առնվազն երկու անդամների գրավոր պահանջով գումարվում է Վարչության հատուկ նիստ: Նման դեպքերում նիստը պետք է գումարվի պահանջի ներկայացումից հետո մեկ շաբաթվա ընթացքում:

32. Վարչության որոշումները վավեր են, եթե Վարչության բոլոր անդամները նիստի մասին յոթ օր առաջ գրավոր տեղեկացվել են:

33. Վարչությունը կանոնադրություն է ընդունում` մանրամասն կանոնակարգելով իր գործունեությունը: Կանոնադրությունը ենթակա է Ընդհանուր ժողովի հաստատմանը:

34. Վարչությունը վերահսկում է Հիմնադրամի գործունեությունը: Ի լրումն օրենքով, սույն Կանոնադրության այլ դրույթներով և Ընդհանուր ժողովի որոշումներով սահմանվածի, Վարչությունը լիազորված է և պարտավոր է`

ա) ստուգել Հիմնադրամի տարեկան հաշվեկշիռը և շահույթի ու վնասների վերաբերյալ հաշվետվությունը և դրանք ներկայացնել ճանաչված ու հեղինակավոր վերահսկիչների վերստուգմանը.

բ) ուսումնասիրել և հաստատել Հիմնադրամի Կառավարչի զեկույցներն ու հաշվետվությունները, դրանց վերաբերյալ տալով եզրակացություններ.

գ) դիտարկել և վերահսկել Կառավարչի կողմից Կառավարման պայմանագրին համապատասխան Հիմնադրամին մատուցվող ծառայությունները.

դ) բաժնետերերի ընդհանուր ժողովին գրավոր հաշվետվություն ներկայացնել սույն կետի «ա», «բ» և «գ» ենթակետերում նշված գործունեության արդյունքների մասին.

ե) որոշել և բաժնետերերի ընդհանուր ժողովի հաստատմանը ներկայացնել շահույթի բաշխման (ներառյալ շահաբաժինների չափը և ժամանակացույցը, եթե այդպիսիք կան) կամ կորուստների ծածկման սկզբունքները.

զ) Կառավարչի հետ հարաբերություններում ներկայացնել Հիմնադրամը, ներառյալ Կառավարչի հետ կնքած պայմանագիրը լուծելու իրավունքը.

է) հաստատել բաժնետոմսերի կամ այլ միջոցների գնման կամ վաճառքի այն գործարքները, որոնց արժեքը գերազանցում է ամենավերջին տարեկան հաշվեկշռում նշված` Հիմնադրամի զուտ միջոցների արժեքի 10 տոկոսը.

ը) նշանակել և ազատել Հիմնադրամի գործադիր պաշտոնյաներին ու ծառայողներին և ղեկավարել նրանց գործունեությունը:

35. Վարչությունն իր անդամներից մեկին ընտրում է որպես Նախագահ: Վարչության Նախագահի իրավունքներն ու պարտականություններն են`

ա) նախագահել Վարչության նիստերին.

բ) Հիմնադրամի անունից ստորագրել Վարչության հաստատած փաստաթղթերը.

գ) Վարչության հաստատմամբ լիազորագրեր շնորհել Հիմնադրամի անունից.

դ) Վարչության հատուկ որոշումներին և իր ու Հիմնադրամի միջև կնքվող աշխատանքային պայմանագրերին համապատասխան հանդես գալ որպես Հիմնադրամի բարձրագույն գործադիր պաշտոնյա:

36. Վարչության անդամները Հիմնադրամի առջև պատասխանատու են սույն կանոնադրությամբ իրենց վերապահված ֆունկցիաների չկատարման կամ ոչ պատշաճ կատարման հետևանքով Հիմնադրամին պատճառված վնասների համար և քրեական կամ այլ պատասխանատվություն են կրում ՀՀ օրենսդրությանը համապատասխան:

37. Վարչության որոշումների ընդունման համար պահանջվում է Վարչության անդամների պարզ մեծամասնության համաձայնությունը:

38. Վարչության անդամների վարձատրությունը որոշելու բացառիկ իրավասությունը պատկանում է Ընդհանուր ժողովին:

39. Վարչությունն իր նիստերի օրակարգում ընդգրկում է միասին վերցրած Հիմնադրամի բաժնեմասերի ոչ պակաս քան 2 տոկոսին տիրող բաժնետերերի կողմից քննարկման առաջադրված հարցերը:

40. Վարչության բոլոր նիստերի արձանագրությունները վարվում են նրա կողմից սահմանված կարգով: Նիստերի արձանագրությունները յուրաքանչյուր բաժնետիրոջ, Վարչության անդամի կամ նրանց ներկայացուցիչների կողմից ծանոթանալու համար մատչելի պետք է լինեն: Բոլոր արձանագրությունները ստորագրվում են Վարչության նախագահի և քարտուղարի կողմից:

 

IX. Հիմնադրամի կառավարիչը

 

41. Կառավարչի` Կառավարման օրինակելի պայմանագրում (Հայաստանի հանրապետությունում Ինվեստիցիոն հիմնադրամների վերաբերյալ կանոնադրության Հավելված 2) սահմանված պարտականությունները կատարելու համար Հիմնադրամը պետք է լիցենզավորված Կառավարիչ նշանակի: Կառավարիչը պետք է լինի իրավաբանական անձ և պետք է Հայաստանի Հանրապետության ֆինանսների նախարարության կողմից լիցենզավորված լինի որպես Կառավարիչ:

42. Հիմնադրամը և նրա Կառավարիչը պետք է կնքեն յուրաքանչյուր կողմի իրավունքներն ու պարտականությունները սահմանող գրավոր պայմանագիր (Կառավարման պայմանագիր): Կառավարման պայմանագիրը պետք է համապատասխանի կառավարման օրինակելի պայմանագրին:

43. Վարչությունը պետք է Կառավարչին լիազորագրով շնորհի Հիմնադրամի անունից փաստաթղթերի ստորագրման և այլ գործողությունների իրականացման համապատասխան լիազորություններ, որոնք անհրաժեշտ են Կառավարչի կողմից սույն Պայմանագրով նախատեսված իր պարտականությունները կատարելու համար:

44. Հիմնադրամի Կառավարչի կողմից ստացվող առավելագույն տարեկան վարձատրություն ամրագրվում է Կառավարման պայմանագրով, սակայն չի կարող գերազանցել տվյալ տարում Ինվեստիցիոն հիմնադրամի Միջոցների միջին զուտ արժեքի 3 տոկոսը: Ինվեստիցիոն հիմնադրամի ընդհանուր ժողովի որոշմամբ կառավարչին կարող է տրվել տարեկան պարգևավճար` տվյալ տարում հիմնադրամի ստացած զուտ շահույթի նկատմամբ որոշակի տոկոսադրույքով: Այդ վարձատրության գումարից Կառավարիչը պարտավոր է վճարել շահագործման բոլոր ծախսերը և Ինվեստիցիոն հիմնադրամի ոչ առևտրային պարտավորությունները:

45. Յուրաքանչյուր շաբաթվա վերջին Կառավարիչը Վարչության հաշվետվություն է ներկայացնում համապատասխան շաբաթվա ընթացքում իր կողմից կատարված գործարքների մասին:

 

X. Հիմնադրամի Պահառուն

 

46. Պահառուի` Պահառության օրինակելի պայմանագրում (Հայաստանի Հանրապետությունում Ինվեստիցիոն հիմնադրամների վերաբերյալ կանոնադրության Հավելված 3) սահմանված պարտականությունները կատարելու համար Հիմնադրամը պետք է լիցենզավորված Պահառու նշանակի: Հիմնադրամ Պահառուն պետք է լինի բանկ կամ որևէ ֆինանսական հաստատություն, որը Ստորադաս կամ Փոխկապված չէ ինվեստիցիոն հիմնադրամին կամ Հիմնադրամի Կառավարչին:

47. Հիմնադրամը և իր Պահառուն պետք է Պահառության օրինակելի պայմանագրին համապատասխանող գրավոր պայմանագիր կնքեն:

48. Հիմնադրամը կարող է միաժամանակ ունենալ միայն մեկ Պահառու:

49. Պահառուն Հիմնադրամի և նրա բաժնետերերի անունից պահպանում է Հիմնադրամի ունեցվածքը, իրականացնում է Արժեթղթերի, սեփականաշնորհման սերտիֆիկատների, կանխիկ դրամի և այլ միջոցների փոխանցման ու ընդունման թույլատրված գործառնություններ, վարում է Հիմնադրամի գույքի շարժի հաշիվը և իրականացնում Պահառության պայմանագրով նախատեսված այդ ֆունկցիաներ:

50. Հիմնադրամի բոլոր կանխիկ դրամական միջոցները և Արժեթղթերը պահվում են Պահառուի կողմից, բոլոր դրամական վճարումները և Արժեթղթերի (ներառյալ սեփականաշնորհման սերտիֆիկատների) հետ գործառնություններ կարող են կատարվել միայն Պահառուի միջոցով:

51. Պահառուն չի կարող Ինվեստիցիոն հիմնադրամի վարկատու կամ երաշխավոր լինել:

52. Պահառուն իրավունք ունի պահանջել բաժնետերերի արտահերթ Ընդհանուր ժողովի գումարում, եթե Հիմնադրամի զուտ միջոցների շուկայական արժեքն իջնում է նրանց հաշվեկշռային արժեքի 50 տոկոսից:

53. Պահառուն իրավունք ունի պահանջել, որ իր ներկայացուցիչը մասնակցի Հիմնադրամի Վարչության նիստերին:

54. Պահառուն չի կարող օգտագործել Հիմնադրամի գույքը որպես իր սեփական միջոց կամ որպես վարկավորման ռեսուրս կամ որևէ այլ կերպ, քան Պահառության պայմանագրի պայմաններին համապատասխան:

 

XI. Բախումներ ԵՎ ինվեստիցիոն հնարավորություններ

 

55. Հիմնադրամի, Կառավարչի ու Պահառուի Վարչության անդամները և պաշտոնյաները պարտավոր են պահպանել հետևյալ կանոնները`

ա) Հիմնադրամի, Կառավարչի ու Պահառուի Վարչության անդամները և պաշտոնյաները պետք է Ինվեստիցիոն հիմնադրամի բաժնետերերի համար բացահայտեն որևէ այլ Ինվեստիցիոն հիմնադրամում ունեցած սեփականության շահերը, վերջիններս հետ ֆինանսական կապերը կամ պայմանագրային հարաբերությունները և Հիմնադրամի Վարչության ոչ շահագրգիռ անդամների մեծամասնության պահանջով պետք է դադարեցնեն նման կապերը կամ հարաբերությունները.

բ) որևէ գործարքի կապակցությամբ, որում Հիմնադրամին առնվազն 10 տոկոսով պատկանող որևէ ընկերություն կողմ է հանդիսանում, Հիմնադրամի, Կառավարչի և Պահառուի Վարչության անդամները և պաշտոնյաներն առանց Հիմնադրամի Վարչության ոչ շահագրգիռ անդամների մեծամասնության նախնական հաստատման չեն կարող խորհրդատվություն մատուցել որևէ երրորդ Անձի.

գ) Հիմնադրամի, Կառավարչի կամ Պահառուի Վարչության որևէ անդամի կամ պաշտոնյայի և բաժնետոմսերի ավելի քան 5 տոկոսով Հիմնադրամին պատկանող որևէ ընկերության միջև ցանկացած պայմանագիր պետք է նախապես հաստատվի Հիմնադրամի Վարչության ոչ շահագրգիռ անդամների մեծամասնության կողմից.

դ) ցանկացած գործարք Ինվեստիցիոն հիմնադրամի և այնպիսի Անձանց միջև, որոնցում Հիմնադրամի, Կառավարչի կամ Պահառուի Վարչության որևէ անդամ կամ պաշտոնյա տնտեսական շահ ունի, պետք է հաստատվի Հիմնադրամի Վարչության ոչ շահագրգիռ անդամների մեծամասնության կողմից.

ե) Հիմնադրամի, Կառավարչի և Պահառուի Վարչության անդամները և պաշտոնյաները պարտավոր են պահպանել Ինվեստիցիոն հիմնադրամից ներդրումներ ընդունած ընկերություններից ստացված ամբողջ տեղեկատվության, ինչպես նաև Ինվեստիցիոն հիմնադրամին վերաբերող հրապարակման ոչ ենթակա այլ տեղեկատվության գաղտնիությունը:

 

XII. Հաշվապահությունը ԵՎ հաշվետվությունը

 

56. Հիմնադրամի առաջին ֆինանսական տարին սկսվում է նրա գրանցման օրվանից և ավարտվում է նույն տարվա դեկտեմբերի 31-ին: Հետագա ֆինանսական տարիները համապատասխանում են օրացուցային տարիներին:

57. Հիմնադրամն աշխատանքային ժամերի ընթացքում Հիմնադրամի բաժնետերերի և նրանց լիազորված ներկայացուցիչների կողմից անսահմանափակ ստուգման և ուսումնասիրման համար պահում է հետևյալ փաստաթղթերը`

ա) Հիմնադրամի հիմնադիր փաստաթղթերը և այլ նորմատիվ փաստաթղթեր, որոնք կարգավորում են հիմնադրամի ներքին հարաբերությունները, դրանց հետագա լրացումներով և փոփոխություններով.

բ) բոլոր մատյանները, գրանցումները, հաշվեգրքերը, հաշիվները, պայմանագրերը և այլ փաստաթղթեր ու հաղորդագրություններ Հիմնադրամի կողմից վերջն 24 ամիսների ընթացքում կնքված որևէ պայմանագրի կամ Հիմնադրամի ձեռքբերած կամ տնօրինած միջոցների վերաբերյալ.

գ) Հիմնադրամի ընդհանուր ժողովների և Վարչության նիստերի արձանագրությունները.

դ) Հիմնադրամը ներկայացնելու լիազորություն ունեցող անձանց ցուցակը.

ե) Վարչության անդամների և Հիմնադրամի պաշտոնյաների ցուցակը:

(58. Սերտիֆիկատային ինվեստիցիոն հիմնադրամը հաշվարկում է սեփականաշնորհման սերտիֆիկատների կանխիկ դրամական համարժեքը, որը հետևողականորեն կիրառում է հաշվապահական և գնահատման նպատակներով, ներառյալ`

1) Ինվեստիցիոն հիմնադրամի Միջոցների զուտ արժեքի հաշվարկը.

2) Ինվեստիցիոն հիմնադրամում մեկ սերտիֆիկատի դիմաց փոխանակման ենթակա բաժնետոմսերի քանակի հաշվարկը.

3) սերտիֆիկատներով կատարվող ներդրումների արժեքի գնահատումը: Կանխիկ դրամական համարժեքը հաշվարկվում է այդ սերտիֆիկատների վերջին պաշտոնապես հայտարարված փոխարժեքով:)

59. Իր յուրաքանչյուր ֆինանսական եռամսյակի վերջին օրվանից ոչ ուշ քան 60 օր հետո Ինվեստիցիոն հիմնադրամը հանրապետական մամուլում հրապարակում է ֆինանսական հաշվետվություններ, որոնք պարունակում են հետևյալ տեղեկատվությունը`

ա) ֆինանսական եռամսյակի վերջն Ինվեստիցիոն հիմնադրամին պատկանող Արժեթղթերի և այլ միջոցների ցուցակը (Արժեթղթերի թողարկողը, քանակը և տեսակը).

բ) տվյալ ժամանակաշրջանում կատարված ներդրումային գործարքների ցուցակը.

գ) տվյալ ժամանակաշրջանում տեղի ունեցած դրամագլխի աճի և կորուստների ցուցակը.

դ) հաշվեկշիռը տվյալ ժամանակաշրջանի վերջին օրվա դրությամբ, Հիմնադրամի եկամուտների հաշվետվությունն այդ նույն ժամանակաշրջանի համար և Հիմնադրամի Միջոցների զուտ արժեքը տվյալ ժամանակաշրջանի վերջին օրվա դրությամբ.

ե) տվյալ ժամանակաշրջանում կատարված բոլոր ծախսերի և վճարների (ներառյալ կառավարման և պահառության վճարները) հաշվետվությունը.

զ) Կառավարչի կամ որևէ Փոխկապված անձի և որևէ ընկերության միջև, որի նկատմամբ Ինվեստիցիոն հիմնադրամն այդ ժամանակ հանդես է եկել որպես ներդրող, կնքված բոլոր պայմանագրերի կամ գործարքների և կատարված բոլոր վճարումների հաշվետվությունը.

է) Հիմնադրամի Կառավարչ, Պահառուի և Անկախ վերահսկիչի ինքնությունը.

ը) Հիմնադրամի, նրա Կառավարչի, Պահառուի և Անկախ վերահսկիչի տասը խոշորագույն բաժնետերերի ինքնությունը և բաժնի չափը` տոկոսներով.

թ) Ինվեստիցիոն հիմնադրամի Վարչության և Կառավարչի, վերահսկիչի և Պահառուի Վարչությունների բոլոր անդամների ցուցակը:

60. Հիմնադրամը յուրաքանչյուր ֆինանսական տարվա ավարտից հետո 90 օրվա ընթացքում հանրապետական մամուլում հրապարակում է նույնպիսի տեղեկատվություն, ինչպիսին եռամսյակի համար, բայց տարեկան ընդգրկմամբ և Հիմնադրամի Անկախ վերահսկիչի կողմից ստուգված:

61. Հիմնադրամի Վարչությունը պետք է լիցենզավորված Անկախ վերահսկիչ նշանակի Հիմնադրամի և նրա Կառավարչի հաշվեմատյանները և գրանցումները պարբերաբար ստուգելու համար: Անկախ վերահսկիչը չպետք է Հիմնադրամի Կառավարչին կամ Պահառուին Ստորադաս կամ Փոխկապված Անձ լինի: Անկախ վերահսկիչը հաստատում կամ վերապահումներ է անում Ինվեստիցիոն հիմնադրամի տարեկան հաշվետվության ճշտության մասին: Նման հաստատումը կամ վերապահումները կցվում են տարեկան հաշվետվությանը և հրատարակվում որպես վերջինիս բաղկացուցիչ մաս:

62. Հիմնադրամը գրավոր կամ հրապարակային գովազդի միջոցով չի կարող ներդրողներին խոստանալ դրական հատույց կամ Հիմնադրամի բաժնետոմսերի որևէ հաստատագրված գնով:

 

XIII. Վերակազմավորումը ԵՎ լուծարումը

 

63. Հիմնադրամի վերակազմավորումը և լուծարումը կատարվում է Հայաստանի Հանրապետության օրենսդրության դրույթներին համապատասխան:

 

ՀԱՎԵԼՎԱԾ 2 ՀՀ կառավարության 1994թ. սեպտեմբերի 30-ի  N 469 որոշմամբ հաստատված կանոնադրության

 

 

ԿԱՌԱՎԱՐՄԱՆ ՕՐԻՆԱԿԵԼԻ ՊԱՅՄԱՆԱԳԻՐ

 

«------»----------------------199 թ.

Քաղ. Երևան

 

---------------Ինվեստիցիոն հիմնադրամը (այսուհետև` Հիմնադրամ), ի դեմս

---------------մի կողմից, և ----------------- (այսուհետև` Կառավարիչ),

ի դեմս ------------- մյուս կողմից, կնքեցին սույն Պայմանագիրը հետևյալի մասին:

 

Սույն Պայմանագրում մեծատառով օգտագործվող և ստորև այլ կերպ չսահմանված տերմինների նշանակությունը տրված է Ինվեստիցիոն հիմնադրամների մասին կանոնադրության 1-ին կետում:

 

Հոդված 1. Կառավարչի նշանակումը

 

1.1. Նշանակում: Հիմնադրամը Կառավարչին նշանակում է որպես Հիմնադրամի ներդրումների կառավարիչ և խորհրդատու` սույն Պայմանագրի դրույթներին համապատասխան: Կառավարիչն ընդունում է այդ նշանակումը և համաձայն է Հիմնադրամին մատուցել սույն Պայմանագրով նախատեսված ծառայությունները:

1.2. Վերջնական լիազորում: Կառավարչի կողմից սույն Պայմանագրի համաձայն մատուցվող ծառայությունները ենթակա են Հիմնադրամի Վարչության (այսուհետև` Վարչություն) և բաժնետերերի ընդհանուր ժողովի (Ընդհանուր ժողովի) վերջնական լիազորմանն ու վերահսկողությանը` սույն Պայմանագրին, Հիմնադրամի կանոնադրությանը և Հայաստանի Հանրապետության գործող օրենսդրությանը համապատասխան:

 

Հոդված 2. Կառավարչի իրավունքներն ու պարտականությունները

 

2.1. Կառավարչի իրավունքները:

Ա. Հաշվի առնելով սույն Պայմանագրի 1.2, 3.2 կետերի և 6 հոդվածի դրույթները, Կառավարիչը Հիմնադրամի ներդրումների կառավարման միակ պատասխանատուն է: Վարչության անդամները չեն կարող կատարել Հիմնադրամի արժեթղթերի, դրամական կամ այլ միջոցների որևէ ներդրում կամ ապաներդրում:

Բ. Վարչությունը պետք է ապահովի, որպեսզի լիազորագրով կամ այլ կերպ Կառավարիչին տրվեն Հիմնադրամի անունից փաստաթղթերի ստորագրման և այլ գործողությունների իրականացման համապատասխան լիազորություններ, որոնք անհրաժեշտ են Կառավարչի կողմից սույն Պայմանագրով, Հիմնադրամի կանոնադրությամբ և Հայաստանի Հանրապետության գործող օրենսդրությամբ նախատեսված իր իրավունքներն ու պարտականությունները կատարելու համար:

Գ. Կառավարիչն իրավունք ունի Հիմնադրամի Պահառուին տալու Հիմնադրամի միջոցների տնօրինման վերաբերյալ հանձնարարականներ:

Դ. Այն դեպքում, երբ Վարչությունը` սույն Պայմանագրի 1.2., 3.2. կետերով կետերով կամ 6 հոդվածով նախատեսված իր իրավասություններն իրականացնելիս հրաժարվում է տալ իր համաձայնությունը Կառավարչի` ինվեստիցիոն կառավարման վերաբերյալ որևէ որոշմանը կամ առարկություններ ունի այդպիսի որոշման վերաբերյալ, ապա Վարչությունը` Կառավարչի գրավոր պահանջով, պարտավոր է անհապաղ ընդունել համապատասխան բանաձև, որում մանրամասնորեն բացատրվեն առարկության պատճառները, ինչպես նաև բաժնետերերին ներկայացվող` Հիմնադրամի հաջորդ հաշվետվության ժամանակ հրապարակել այդ բանաձևը, ընդ որում Կառավարչին պետք է հնարավորություն տրվի գրավոր ներկայացնել այդ բանաձևի վերաբերյալ իր դիտողությունները:

2.2. Ներդրումների կառավարում: Կառավարիչը սույն Պայմանագրով, Հիմնադրամի կանոնադրությամբ և Հայաստանի Հանրապետության օրենսդրությամբ սահմանված կարգով իրականացնում է Հիմնադրամի կապիտալ ներդրումների կառավարումը: Կառավարիչը պատասխանատու է Հիմնադրամի արժեթղթերի և այլ միջոցների` վաճառքի վերաբերյալ բոլոր որոշումների համար: Կառավարիչը բոլոր հնարավոր միջոցները կձեռնարկի Հիմնադրամի շահերը պաշտպանելու և Հիմնադրամի ներդրումների արժեքի բարձրացնելու համար:

2.3. Հիմնադրամը ներկայացնելը: Կառավարիչը պարտավոր է`

ա) ներկայացնել Հիմնադրամը բոլոր այն ընկերություններում, որոնցում նա կատարել է ներդրումներ.

բ) Հիմնադրամի անունից իրացնել Հիմնադրամին պատկանող այլ ընկերությունների բաժնետոմսերի նկատմամբ բաժնետիրոջ բոլոր իրավունքները, ներառյալ այդ ընկերությունների բաժնետերերի ժողովներում` քվեարկությունը և նրանց խորհուրդների անդամների նշանակումը.

գ) ապահովել այլ ընկերությունների խորհուրդների անդամ հանդիսացող Հիմնադրամի ներկայացուցիչների մասնակցությունը այդ խորհուրդների նիստերին, ինչպես նաև այդ նիստերի արձանագրությունների պատրաստման աշխատանքներին:

2.4. Հաշվետվություններ և վերլուծություն: Կառավարիչը Վարչությանը պարբերաբար ներկայացնում է իր ներդրումների իրականացման և դրանք Հիմնադրամին ներկայացնելու մասին հաշվետվություններ և, մասնավորապես, պարտավոր է`

ա) յուրաքանչյուր շաբաթվա վերջում Վարչությանը ներկայացնել հաշվետվություն այդ շաբաթվա ընթացքում Հիմնադրամի անունից կնքված գործարքների վերաբերյալ.

բ) Հիմնադրամի յուրաքանչյուր ֆինանսական եռամսյակի ավարտից հետո 30 օրվա ընթացքում Վարչությանը ներկայացնել այլ ժամանակաշրջանում Հիմնադրամի գործունեության մասին հաշվետվություն, ներառյալ`

1) այդ ժամանակաշրջանում կատարված ինվեստիցիոն գործարքների ցուցակը.

2) այդ ժամանակաշրջանում տեղի ունեցած դրամագլխի աճի և կորստի մասին տեղեկանքը.

3) այդ ժամանակաշրջանում Հիմնադրամի ներդրումներում տեղի ունեցած փոփոխությունների մասին տեղեկանքը` կապված բաժնետոմսերի փոխանակման, պարգևատրային արժեթղթեր, բաժնետոմսերի գնման օպցիոն պայմանագրերի կամ ոչ դրամական շահաբաժինների և նման այլ գործարքների հետ.

4) այդ ժամանակաշրջանի վերջին օրվա դրությամբ Հիմնադրամի հաշվապահական հաշվեկշիռը, Միջոցների զուտ արժեքի մասին տեղեկանքը, ինչպես նաև այդ ժամանակաշրջանում ստացած եկամուտների մասին հաշվետվությունը.

5) երկրորդ և չորրորդ եռամսյակի հաշվետվությունների առնչությամբ` տվյալ և նախորդ եռամսյակում Հիմնադրամի կատարած բոլոր ծախսերի հաշվարկը` սույն Պայմանագրի 5.1. կետով սահմանված կարգով, ինչպես նաև հաջորդ երկու ֆինանսական եռամսյակում ակնկալվող ծախսերի նախահաշիվը.

6) տեղեկանք բոլոր այն գործարքների և վճարումների մասին, որոնք կատարվել են Կառավարչի կամ նրա Փոխկապված անձանց և այն ընկերությունների միջև, որոնց բաժնետեր էր այդ ժամանակ հանդիսանում Հիմնադրամը.

7) Վարչության գրավոր պահանջով` այդ ժամանակաշրջանում ներդրումների կառավարման առանձին որոշումներ ընդունելիս Կառավարչի օգտագործած վերլուծությունների համառոտ նկարագրությունը.

գ) Հիմնադրամի յուրաքանչյուր ֆինանսական տարվա ավարտից հետո 60 օրվա ընթացքում Վարչություն ներկայացնել այդ տարվա վերջին օրվա դրությամբ Հիմնադրամի Վերահսկիչի կողմից վավերացված հաշվապահական հաշվեկշիռը (և Միջոցների զուտ արժեքի մասին տեղեկանքը), ինչպես նաև այդ տարվա ընթացքում Հիմնադրամի ստացած եկամուտների մասին հաշվետվությունը.

դ) անհապաղ պատասխանել Վարչության նման տեսակի այլ գրավոր հարցումներին.

ե) Վարչությանը ցույց տալ անհրաժեշտ օգնություն Հիմնադրամի ինվեստիցիոն, գույքային, վարկային և շահաբաժնային խնդիրների ու քաղաքականության մշակման և սիստեմատիկ վերահսկողության հարցում:

զ) Վարչությանն անհապաղ տեղեկացնել Կառավարչի, Վարչության անդամների և գործադիր ղեկավարների կազմում տեղի ունեցած փոփոխությունների, ինչպես նաև որևէ այլ անձի կողմից Կառավարչի արժեթղթերի ավելի քան 5 տոկոսի ձեռքբերման մասին:

2.5. Կառավարչի վարչական պարտականությունները: Կառավարիչը պարտավոր է իրականացնել (ուղղակիորեն կամ իր կողմից նշանակված և Վարչության կողմից հաստատված ներկայացուցիչների կամ ենթակապալառուների միջոցով) Հիմնադրամի ամբողջ կառավարումն ու տնտեսական գործունեությունը, մասնավորապես`

ա) Հիմնադրամին ապահովել գրասենյակներով, աշխատակազմով ու գրասենյակային հարմարություններով, որոնք անհրաժեշտ են Հիմնադրամի գործունեության և Կառավարչի` սույն Պայմանագրով նախատեսված պարտականությունների կատարման համար.

բ) կազմակերպել Վարչության նիստերը և բաժնետերերի բոլոր հերթական և արտահերթ ընդհանուր ժողովները, ուղարկել դրանց օրակարգերն ու անցկացման մասին ծանուցումները.

գ) վերահսկել Հիմնադրամի հաշվապահական հաշվառման, ինչպես նաև Հիմնադրամի գործունեության համար Հայաստանի Հանրապետության օրենսդրությամբ պահանջվող այլ փաստաթղթերի (ներառյալ բաժնետերերի գրանցման մատյանի) վարման աշխատանքը. դ) վերահսկել Հիմնադրամի արժեթղթերի բաշխումը և շահաբաժինների վճարումը.

ե) վերահսկել Հիմնադրամի մասին տեղեկատվության, այդ թվում ազդագրերի, բրոշյուրների, ֆինանսական հաշվետվությունների, գովազդների և այլ նյութերի պատրաստման, տարածման և հրապարակման աշխատանքները.

զ) վերահսկել Հիմնադրամի ներդրումների կառավարման համար անհրաժեշտ պայմանագրային փաստաթղթերի պատրաստման աշխատանքները.

է) վերահսկել Հայաստանի Հանրապետության օրենսդրությամբ պահանջվող Հիմնադրամի բոլոր տարեկան և այլ հաշվետվությունների նախապատրաստման աշխատանքները.

ը) Հիմնադրամի կանոնադրությամբ և Հայաստանի Հանրապետության օրենսդրությամբ սահմանված կարգով հաշվարկել և հրապարակել Հիմնադրամի Միջոցների զուտ արժեքը.

թ) կատարել Վարչության հետ համաձայնեցված այլ ծառայություններ:

2.6. Մշտական խորհրդակցություններ.

Ա. Կառավարիչը պարտավոր է ապահովել իր պատասխանատու ղեկավարների կամ աշխատողների մշտապես խորհրդակցումը բաժնետերերի խոշոր խմբերի և պետական կառավարման մարմինների հետ` այդ խմբերի կամ մարմինների հիմնավորված պահանջով.

Բ. Կառավարիչը պարտավոր է ապահովել Վարչության հետ իր պատասխանատու ղեկավարների կամ աշխատողների պարբերաբար խորհրդակցությունների անցկացումը: Վարչությունն իր մեկ կամ մի քանի անդամներին կհանձնարարի Կառավարչի հետ պարբերաբար անցկացնել այդպիսի խորհրդակցություններ:

 

Հոդված 3. Ինվեստիցիոն սահմանափակումներ

 

3.1. Ինվեստիցիոն սահմանափակումներ: Կառավարիչը Հիմնադրամի անունից չպետք է կատարի Հիմնադրամի Կանոնադրության դրույթներին հակասող կամ Հայաստանի Հանրապետության օրենսդրությամբ արգելված որևէ գործողություն:

3.2. Առանց Վարչության նախնական գրավոր համաձայնության Կառավարիչը չի կարող Հիմնադրամի անունից տնօրինել Հիմնադրամի Միջոցների զուտ արժեքի 10 տոկոսը գերազանցող միջոցները:

3.3. Կառավարիչը պարտավոր է կատարել Հիմնադրամի Վարչության և ընդհանուր ժողովի բոլոր որոշումները:

3.4. Ապաներդրման պարտականություններ: 3.1 կետով նախատեսված սահմանափակումների խախտման դեպքում Կառավարիչը պարտավոր է հնարավոր բոլոր միջոցները ձեռնարկել այդ խախտումներն անհապաղ վերացնելու համար այնպես, որ նվազագույնի հասցվեն այդ միջոցների հետևանքով Հիմնադրամին պատճառվող վնասները:

 

Հոդված 4. Կառավարչի վարձատրությունը

 

4.1. Կառավարման վարձ և պարգևատրում.

Ա. Իր կողմից Պայմանագրով նախատեսված ծառայությունների իրականացման և 5.2. կետով նախատեսված ծախսերի կատարման դիմաց Կառավարիչը Հիմնադրամից ստանում է կառավարման տարեկան վարձ (կառավարման վարձ), որը կազմելու է ---- ամերիկյան դոլարի Դրամով արտահայտված համարժեքը` հաշվի առնելով 4.1. (բ) կետով նախատեսված սահմանափակումը.

Բ. Չնայած վերը նշվածին, որևէ մեկ տարվա ընթացքում Կառավարչին վճարվող ամբողջ գումարը չպետք է գերազանցի այդ տարվա հաշվարկով Հիմնադրամի Միջոցների զուտ արժեքի 3 տոկոսը: Այդ գումարի գերազանցման դեպքում համապատասխանորեն իջեցվում է կառավարման վարձը.

(Գ. Յուրաքանչյուր տարվա համար, որում Հիմնադրամը ստացել է զուտ շահույթ, կառավարման վարձի հետ մեկտեղ Կառավարչին պետք է վճարվի պարգևատրում (պարգևատրում), որը կկազմի այդ տարում Հիմնադրամի ստացած տարեկան զուտ շահույթի --------տոկոսը:)

Դ. Կառավարիչն իրավունք չունի Հիմնադրամից ստանալու կառավարման վարձից, պարգևատրումից և 5.1. կետի համաձայն իր կատարած և փոխհատուցման ենթակա հիմնավորված ծախսերի համար փոխհատուցումից բացի որևէ այլ վճար:

 

Հոդված 5. Վճարումներ և ծախսեր

 

5.1. Հիմնադրամի հաշվին կատարվող վճարումներն ու ծախսերը: Հիմնադրամի բոլոր հիմնավորված վճարումները, ծախսերը, մասնագետների վարձատրությունը, ինչպես նաև հարկերը և այլ պարտադիր պետական մուծումները, որոնք կապված են գործունեության հետևյալ ոլորտների հետ, պետք է կատարվեն ուղղակիորեն Հիմնադրամի կողմից, կամ, եթե կատարվել են Կառավարչի կամ վերջինիս ներկայացուցիչների կամ խորհրդատուների կողմից Հիմնադրամը պետք է փոխհատուցի Կառավարչին.

1) Հիմնադրամի կանոնադրության կամ սույն Պայմանագրի փոփոխումը.

2) Արժեթղթերի մասին ՀՀ օրենսդրությամբ սահմանված կարգով Հիմնադրամի արժեթղթերի գրանցումը, բորսայում կամ գնանշման ծառայության կողմից դրանց գնանշումը, ինչպես նաև բրոքերային կոմիսիոն մուծումները.

3) Հիմնադրամի հարցերը (բացառությամբ կառավարման վարձի կամ պարգևատրման համար Կառավարչի կողմից մուծված կամ մուծման ենթակա շահութահարկը կամ եկամտահարկը), ներառյալ հարկերի հաշվարկման, իրավաբանական և հաշվապահական վերլուծության, հարկերի մուծման և փաստաթղթերի լրացման հետ կապված ծախսերը.

4) Հիմնադրամի Պահառուի հիմնական վարձատրությունը.

5) Հիմնադրամի Վարչության անդամների վարձատրությունը:

5. 2. Կառավարչի հաշվին կատարվող վճարումներն ու ծախսերը: Բացառությամբ սույն Պայմանագրի 5.1. կետով նախատեսված դեպքերի, Կառավարիչը վճարում է Հիմնադրամի, Կառավարչի կամ վերջինիս ներկայացուցիչների և խորհրդատուների այն ծախսերը (ներառյալ` առանց սահմանափակման, աշխատողների վարձատրության, գործուղման, բնակեցման, ինչպես նաև Հիմնադրամի ու Կառավարչի հեռահաղորդակցման, գրասենյակների ու գրասենյակային սարքավորումների հետ կապված ծախսերը), որոնք առնչվում են Հիմնադրամի գործունեության և Կառավարչի` սույն Պայմանագրով նախատեսված պարտավորությունների կատարման հետ: Կառավարիչը Հիմնադրամից չի ստանում այդ վճարումների ու ծախսերի համար որևէ փոխհատուցում:

5.3. Տնօրենների վարձատրությունը: Տնօրենների աշխատավարձն ու ծախսերը, ինչպես նաև նմանատիպ այլ վճարումները, որոնք ստացել են Կառավարիչը կամ իր աշխատողները այն ընկերություններից, որոնցում Հիմնադրամն ունի Արժեթղթեր, պետք է փոխանցվեն Հիմնադրամին:

5.4. Կանխիկ դրամական պահուստ: Կառավարիչը պարտավոր է իր միջոցներից առանձնացնել և մշտապես պահել առնվազն ------- ԱՄՆ դոլարի` դրամով արտահայտված համարժեքին հավասար կանխիկ դրամական պահուստ` սույն Պայմանագրով Կառավարչին վերապահված ծախսերը վճարելու համար:

 

Հոդված 6. Սահմանափակումներ կառավարչի համար

 

6.1. Այլ Ինվեստիցիոն հիմնադրամներին խորհրդատվություն անելը: Կառավարիչը կամ իր հետ Փոխկապված անձանցից որևէ մեկը, առանց Վերահսկիչ Խորհրդի նախնական գրավոր թույլտվության, չի կարող ունենալ որևէ այլ Ինվեստիցիոն հիմնադրամի արժեթղթեր կամ այդպիսի հիմնադրամին մատուցել ներդրումների կառավարման հետ կապված ծառայություններ:

6.2. Երրորդ անձանց խորհրդատվություն անելը: Կառավարիչը կամ իր հետ Փոխկապված անձանցից որևէ մեկը իրավունք չունեն որևէ երրորդ անձին խորհրդատվություն անել կամ տեղեկատվություն տրամադրել այնպիսի գործարքի վերաբերյալ, որի կողմերից մեկը այն ընկերությունն է, որի բաժնետոմսերի 10 կամ ավելի տոկոսը պատկանում է Հիմնադրամին կամ վերջինս կպատկանի այդ գործարքի արդյունքում, եթե Կառավարիչը Վարչությանը չտեղեկացնի այդ գործարքի հետ կապված ծառայությունների համար իր կամ իր հետ Փոխկապված անձի կողմից ստացվող վարձատրության չափի մասին, և եթե Կառավարիչը չստանա Վարչության` նշված խորհրդատվության ապահովման կամ տեղեկատվության տրամադրման գրավոր համաձայնությունը:

6.3. Ներդրում ընդունած ընկերությունները որպես պատվիրատուներ: Կառավարիչը կամ իր հետ Փոխկապված անձանցից որևէ մեկը` առանց Վարչության նախնական գրավոր համաձայնության, չի կարող կնքել ֆինանսավորման հատկացման, կառավարման խորհրդատվության, խորհրդատվական կամ ինվեստիցիոն բանկային ծառայությունների կամ նման այլ հարցերի վերաբերյալ որևէ գործարք կամ պայմանագիր այն ընկերության հետ, որում Հիմնադրամն ունի ավելի քան 5 տոկոս բաժնետոմսեր:

6.4. Շահագրգիռ կողմերի հետ գործարքները: Կառավարիչը կամ իր հետ Փոխկապված անձանցից որևէ մեկը, առանց Վարչության նախնական գրավոր համաձայնության, չեն կարող Հիմնադրամի անունից ուղղակիորեն կամ անուղղակիորեն կատարել ներդրումներ Կառավարչում կամ նրա հետ Փոխկապված որևէ անձում, Կառավարչի կամ նրա հետ Փոխկապված անձի կողմից կառավարվող Ինվեստիցիոն հիմնադրամում, որևէ ընկերությունում կամ ընկերակցությունում, որում Կառավարիչը, իր հետ Փոխկապված անձը կամ վերջիններիս կողմից կառավարվող Ինվեստիցիոն հիմնադրամն ունեն կամ նպատակ ունեն ձեռք բերելու տնտեսական շահեր, ինչպես նաև այդ անձանցից գնել կամ իրենց վաճառել որևէ միջոցներ:

6.5. Ինվեստիցիոն հնարավորությունների բաշխում: Կառավարիչը կամ իր հետ Փոխկապված անձանցից որևէ մեկը, առանց Վարչության նախնական գրավոր համաձայնության, չեն կարող իրենց հաշվին ուղղակի կամ անուղղակի ներդրումներ կատարել որևէ ընկերությունում կամ երրորդ անձանց խորհրդատվություն անել կամ օժանդակություն ցույց տալ որևէ ընկերությունում ներդրումների կատարման նպատակով, մինչդեռ կառավարիչն առավել ջանքեր չի գործադրել, որպեսզի հիմնադրամին տրվեր այդ ընկերություններում ներդրումներ կատարելու համանման և արդարացի հնարավորություն, բացառությամբ այն դեպքերի, երբ նման ներդրումների կատարումն արգելված է Հիմնադրամի Կանոնադրությամբ կամ Հայաստանի Հանրապետության օրենսդրությամբ: Կառավարիչն իր եռամսյակային հաշվետվությունում պետք է նշի համապատասխան եռամսյակում Հիմնադրամի կողմից այդպիսի ներդրումների չկատարման պատճառները:

6.6. Գաղտնիություն: Կառավարիչը պարտավոր է համապատասխան միջոցներ ձեռնարկել (ներառյալ գաղտնիության մասին պայմանագրերի օգտագործումը) ապահովելու համար, որպեսզի իր կողմից Հիմնադրամի ինվեստիցիոն կառավարման կամ վերլուծության ծառայությունների մատուցման համար սույն Պայմանագրով սահմանված կարգով նշանակված անձինք (անկախ նրանից, թե այդ անձինք Կառավարչի աշխատողներն են, թե ոչ) պահպանեն Կառավարչի կողմից Հիմնադրամին մատուցված ինվեստիցիոն խորհրդատվության և վերլուծության գաղտնիությունը:

 

Հոդված 7. Դադարեցում

 

7.1. Պայմանագրի գործողության ժամկետը: Սույն Պայմանագրի գործողությունը ինքնաբերաբար դադարեցվում է Հիմնադրամի բաժնետերերի --------* տարեկան ընդհանուր ժողովի փակման օրը, եթե այն ավելի վաղ չի դադարեցվել սույն Պայմանագրի 7.2. կամ 7.3. կետով սահմանված կարգով:

7.2. Առանց պատճառաբանության դադարեցում: Սույն Պայմանագրի գործողությունը կարող է նաև դադարեցվել առանց այդ դադարեցման պատճառաբանման անհրաժեշտության`

1) Հիմնադրամի կողմից` Կառավարչին այդ մասին 30 օր առաջ գրավոր ծանուցելու միջոցով.

2) Կառավարչի կողմից` այդ մասին Հիմնադրամին 180 օր առաջ գրավոր ծանուցելու միջոցով:

7.3. Պատճառաբանությամբ դադարեցում:

Ա. Սույն Պայմանագրի գործողությունը Կառավարչի կողմից կարող է դադարեցվել Հիմնադրամին այդ մասին 60 օր առաջ գրավոր ծանուցելու միջոցով.

1) Հիմնադրամի կողմից կառավարման վարձի կամ պարգևատրման նախատեսված մուծումները չկատարելու դեպքում, եթե նա շարունակում է դրանց չկատարումը չվճարման մանրամասների մասին Կառավարչ գրավոր ծանուցումը ստանալուց հետո 60 օրվա ընթացքում.

2) Հիմնադրամի լուծարման (բացառությամբ Կառավարչի համար ընդունելի պայմաններով կամավոր լուծարման), նրա գույքը դատարանի կողմից նշանակված կառավարչին փոխանցվելու կամ Հայաստանի Հանրապետության օրենսդրությամբ սահմանված կարգով Հիմնադրամն սնանկ ճանաչելու դեպքում.

Բ. Սույն Պայմանագրի գործողությունը Հիմնադրամի կողմից կարող է դադարեցվել Վարչության կողմից Կառավարչին այդ մասին գրավոր ծանուցում ուղարկելուց անմիջապես հետո.

1) Կառավարչի լուծարման, նրա գույքը դատարանի կողմից նշանակված կառավարչին փոխանցվելու դեպքում, կամ Հայաստանի Հանրապետության օրենսդրությամբ սահմանված կարգով Կառավարչին սնանկ ճանաչելու դեպքում.

2) Կառավարչի կողմից սույն Պայմանագրի կոպիտ խախտման, ինչպես նաև նրա կողմից գործած խարդախության, անփութության կամ խաբեության դեպքում.

-----------

* Սույն Պայմանագրի ժամկետը սահմանվում է կողմերի համաձայնությամբ:

3) Կառավարչի լիցենզիայի չեղյալ հայտարարման կամ գործողության կասեցման դեպքում.

4) եթե դադարեցվում է [Կառավարչի վերջին սեփականատիրոջ (սեփականատերերի) անվանումը] կամ իր (իրենց) հետ Փոխկապված անձի (անձանց)` Կառավարչի բաժնեմասերի առնվազն 90 տոկոսի նկատմամբ սեփականության իրավունքը:

7.4. Դադարեցման հետևանքները:

Ա. Կողմերից որևէ մեկը մյուս կողմից չպետք է ստանա Պայմանագրի գործողության դադարեցման հետ կապված որևէ հատուկ վճար, եթե այդպիսի դադարեցումը կատարվել է սույն Պայմանագրի 7.3. կետին համապատասխան, ընդ որում սույն դրույթը որևէ առնչություն չունի կողմերից որևէ մեկի` սույն Պայմանագրի կամ Հայաստանի Հանրապետության օրենսդրության համաձայն վնասի հատուցում կամ ցանկացած այլ վճար ստանալու իրավունքների հետ.

Բ. Դադարեցումից անմիջապես հետո Կառավարիչը Հիմնադրամի կողմից նշանակված իրավահաջորդ կառավարչին կամ Հիմնադրամի Վարչության կողմից նշված այլ անձանց պարտավոր է փոխանցել Հիմնադրամի Կառավարչի տնօրինման կամ վերահսկողության տակ գտնվող բոլոր հաշվապահական փաստաթղթերը, գրանցման մատյանները, առևտրային փաստաթղթերն ու գրագրությունները, սույն Պայմանագրի 2.4. կետում նշված փաստաթղթերի ամբողջ փաթեթը, ինչպես նաև Վարչության կամ իրավահաջորդ կառավարչի կողմից հիմնավոր կարպով պահանջվող Հիմնադրամի գործունեությանն ու ներդրումներին վերաբերող ցանկացած այլ տեղեկատվություն:

 

Հոդված 8. Կառավարչի պատասխանատվությունը

 

8.1. Կառավարչի պատասխանատվությունը: Կառավարիչը Հիմնադրամի և նրա բաժնետերերի առջև Հայաստանի Հանրապետության օրենսդրության համաձայն պատասխանատվություն է կրում իր կամ իր աշխատողների, գործադիր ղեկավարների կամ Վարչության անդամների կողմից գործած անփութության, խարդախության, հափշտակության, ինչպես նաև սույն Պայմանագրի կամ Հայաստանի Հանրապետության օրենսդրության պահանջների խախտման հետևանքով Հիմնադրամին հասցված բոլոր վնասների համար:

 

Հոդված 9. Եզրափակիչ դրույթներ

 

9.1. Կիրառվող օրենքը: Սույն Պայմանագիրը կարգավորվում և մեկնաբանվում է Հայաստանի Հանրապետության օրենսդրությամբ:

9.2. Վեճերի լուծումը: Սույն Պայմանագրից բխող կամ սույն Պայմանագրի հետ առնչվող բոլոր վեճերը լուծվում են Հայաստանի Հանրապետության օրենսդրությամբ սահմանված կարգով:

9.3. Պայմանագրի փոփոխումը.

Ա. Սույն Պայմանագիրը կարող է փոփոխվել միայն Հիմնադրամի և Կառավարչի միջև կնքված գրավոր պայմանագրով:

Բ. Սույն Պայմանագրի բոլոր փոփոխությունները ենթակա են հաստատման Վարչության և բաժնետերերի Ընդհանուր ժողովի կողմից, սակայն Ընդհանուր ժողովի հաստատման ենթակա չեն այն փոփոխությունները, որոնց կատարումն անհրաժեշտ է սույն Պայմանագրի դրույթները Հայաստանի Հանրապետության գործող օրենսդրության պահանջներին համապատասխանեցնելու համար:

9.4. Իրավունքների ու պարտականությունների փոխանցում: Սույն Պայմանագրով նախատեսված իրավունքներն ու պարտականությունները փոխանցման ենթակա չեն:

9.5. Ծանուցումներ:

Ա. Սույն Պայմանագրով նախատեսված ծանուցումները պետք է լինեն գրավոր և ուղարկվեն տելեքսի, հեռապատճենահանման կամ սուրհանդակային ծառայության միջոցով կամ պատվիրված նամակով:

Ծանուցումները պետք է ուղարկվեն հետևյալ հասցեներով կամ համապատասխան կողմի հայտնած որևէ այլ հասցեով.

1. Կառավարչին` (անվանումը և հասցեն)

2. Հիմնադրամին` (անվանումը և հասցեն)

Բ. Սույն կետի պահանջներին համապատասխան ուղարկված ծանուցումները համարվում են ստացված և իրավաբանական ուժ ունեցող իրենց ուղարկման օրվան հաջորդող օրը:

9.6. Հոդվածների և կետերի վերնագրերը սույն Պայմանագրում օգտագործվում են միայն հղումների կատարման նպատակով և չպետք է ազդեցություն ունենան սույն Պայմանագրի մեկնաբանման վրա:

9.7. Ամբողջ Պայմանագիրը: Սույն Պայմանագիրը կազմում և բովանդակում է կողմերի միջև կնքված ամբողջ պայմանագիրը և վերացնում է սույն Պայմանագրի առարկայի շուրջ կողմերի միջև նախկինում ձեռքբերված բոլոր պայմանավորվածությունները:

Սույն Պայմանագիրը կազմված է 2 օրինակից և ուժի մեջ է մտնում ստորագրման պահից:

 

Կողմերի հասցեները`
Հիմնադրամի	Կառավարչի
------------------------------	----------------------------
------------------------------	----------------------------
(ստորագրությունը)	(ստորագրությունը) 

 

 

ՀԱՎԵԼՎԱԾ 3 ՀՀ կառավարության 1994թ. սեպտեմբերի 30-ի  N 469 որոշմամբ հաստատված կանոնադրության

 

ՊԱՀԱՌՈՒԹՅԱՆ ՕՐԻՆԱԿԵԼԻ ՊԱՅՄԱՆԱԳԻՐԸ

 

 

Պահառության պայմանագիրը (սույն Պայմանագիրը) կնքված է

 

-----------------------199 թ. --------------- Ինվեստիցիոն հիմնադրամի

(այսուհետև` Հիմնադրամ)` հանձին --------------------- և --------------

(այսուհետև` Պահառու)` հանձին -----------------------միջև:

Սույն Պայմանագրում օգտագործվող և ստորև այլ կերպ չսահմանված բոլոր հատուկ անունները սահմանված են Հայաստանի Հանրապետությունում Ինվեստիցիոն հիմնադրամների վերաբերյալ Կանոնադրության առաջին գլխում:

 

Հոդված 1. Պահառուի նշանակումը

 

1.1. Հիմնադրամի գույքը: Հիմնադրամը հիմնադրվել է Հայաստանի Հանրապետության քաղաքացիների (սեփականաշնորհման սերտիֆիկատների) կանխիկ միջոցները կուտակելու և դրանք սեփականաշնորհման ենթակա ձեռնարկությունների և այլ կազմակերպությունների բաժնետոմսերի ու այլ արժեթղթերի, ինչպես նաև այլ ֆինանսական միջոցների ձեռքբերման համար օգտագործման նպատակով: Սեփականության իրավունքով Հիմնադրամին պատկանող սեփականաշնորհման բոլոր սերտիֆիկատները, բոլոր արժեթղթերը, գույքի կամ այլ միջոցների նկատմամբ սեփականության իրավունքը հաստատող բոլոր փաստաթղթերի և ամբողջ կանխիկ գումարը սույն Պայմանագրում կհիշատակվեն որպես Հիմնադրամի գույք:

1.2. Պահառուի նշանակումը: Հիմնադրամը սույնով Պահառուին նշանակում է սույն Պայմանագրի պայմաններին համապատասխան հանդես գալու որպես Հիմնադրամի գույքի պահապան և որպես Հիմնադրամի ֆինանսական գործակալ: Պահառուն սույնով ընդունում է այդ նշանակումը և հանձն առնում Հիմնադրամին մատուցել սույն Պայմանագրով նախատեսված ծառայությունները:

1.3. Հիմնադրամի գույքի հանձնումը Պահառուին: Հիմնադրամն իր ամբողջ գույքը հանձնում է Պահառուին, և այդ գույքը մշտապես մնում է Պահառուի պահպանության ներքո, քանի դեռ չի փոխանցվել սույն Պայմանագրի պայմաններին համապատասխան: Պահառուն պարտավոր չէ Հիմնադրամից պահանջելու իրեն հանձնել Հիմնադրամի գույքը և պատասխանատվություն չի կրում իրեն չհանձնված գույքի համար:

1.4. Գործակալի նշանակումը: Նախապես համաձայնություն ստանալով Հիմնադրամի Վերահսկիչների խորհրդից, Պահառուն կարող է ՀՀ Կենտրոնական բանկի կողմից լիցենզավորված որևէ բանկի նշանակել (և ցանկացած ժամանակ վերացնել այդ նշանակումը) որպես իր գործակալ (Գործակալ)` Պահառուի ցանկացած պարտականությունները կատարելու համար, ներառյալ Հիմնադրամի գույքի պահպանումը, պայմանով, որ Գործակալի նշանակումը Պահառուին չի ազատում սույն Պայմանագրով նրա ստանձնած որևէ պարտականությունից:

1.5. Լիազորում: Հիմնադրամը Պահառուին տալիս է ցանկացած լիազորագիր, հավատարմագիր կամ որևէ այլ ներկայացուցչական փաստաթուղթ, որը Պահառուի կողմից պահանջվում է սույն Պայմանագրով նախատեսված իր պարտականությունները կատարելու համար:

1.6. Հիմնադրամ կանոնադրությունը: Հիմնադրամը պահառուին է հանձնում Հիմնադրամի գործունեության Կանոնադրության (Հիմնադրամի կանոնադրության), Հիմնադրամի և նրա Կառավարչի միջև կնքված և գործող պայմանագրի (Կառավարման պայմանագիր), դրանցում կատարված բոլոր փոփոխությունների և Հիմնադրամի բաժնետերերի ընդհանուր ժողովի կողմից ընդունված բոլոր որոշումների կրկնօրինակները:

 

Հոդված 2. Պահառուի իրավունքները ու պարտականությունները

 

2.1. Ապահով պահպանություն.

ա) Պահառուն առանձին հաշիվ է պահում Հիմնադրամի համար և իրականացնում Հիմնադրամից ստացված, ինչպես նաև Հիմնադրամի հաշվին երրորդ անձանցից ստացված Հիմնադրամի ամբողջ գույքի ապահով պահպանությունը.

բ) Պահառուն Հիմնադրամի արժեթղթերը պահում է`

1) բաժնետոմսերի կամ այդ արժեթղթերը ներկայացնող այլ փաստաթղթերի ֆիզիկական տիրապետման միջոցով.

2) համապատասխան պետական մարմնի կողմից լիցենզավորված կամ գրանցված հաշվառման համակարգի մեջ (Արժեթղթերի համակարգ) գրանցումներ կատարելու միջոցով.

3) համապատասխան պետական մարմնի կողմից լիցենզավորված կամ գրանցված որևէ քլիրինգային գործակալության (Քլիրինգային գործակալություն) կողմից բացառապես Հիմնադրամի համար վարվող հաշվում դրանք ավանդադնելու միջոցով.

գ) Պահառուն Հիմնադրամի կանխիկ միջոցներ և արժեթղթերը պահում է միայն Հիմնադրամի գույքի համար վարվող հաշվում, որում չեն կարող պահվել Պահառուի կամ երրորդ Անձի կանխիկ միջոցները, արժեթղթերը կամ այլ գույք: Նշված հաշիվը տոկոսների իրավունք չի վերապահում.

դ) Պահառուն չի կարող օգտագործել Հիմնադրամի գույքը որպես իր սեփական միջոցներ կամ վարկավորման ռեսուրսներ կամ ի շահ Հիմնադրամից բացի այլ Անձի կամ սույն Պայմանագրի պայմաններին չհամապատասխանող որևէ այլ եղանակով:

2.2. Պատշաճ ցուցումներ.

ա) Հիմնադրամի գույքին առնչվող գործարքները Պահառուն կատարում է միայն Պատշաճ ցուցումներ ստանալուց հետո.

բ) «Պատշաճ ցուցումներ» նշանակում է Պահառուին հասցեագրված և Հիմնադրամի Վարչության անդամների կողմից լիազորված անձանց ստորագրությունները կրող գրավոր ցուցումներ: Հիմնադրամի Վարչությունը Պահառուին մշտապես ապահովում է նման լիազորություն ունեցող անձանց ընթացիկ ցուցակով: Ցուցակը պարունակում է յուրաքանչյուր լիազորված անձի անունը և տիտղոսը կամ պաշտոնը, ինչպես նաև ստորագրության նմուշը: Ցուցակը պարունակում է նաև առնվազն մեկ անձի անուն, որը լիազորված է փոփոխված ցուցակը ներկայացնելու Պահառուին.

գ) Պատշաճ ցուցումները մատնանշում են Հիմնադրամի այն գույքը, որը պետք է գնվի, փոխանակվի կամ վաճառվի այն սուբյեկտներին, որոնց հետ նշված գործարքները պետք է կնքվեն կամ այն շուկաները, որտեղ դրանք պետք է կատարվեն, գործարքների կնքման ու կատարման ժամկետները, ինչպես նաև այդ գործարքների համապատասխան գները կամ պայմանները.

դ) Պահառուն չի կատարում որևէ անձից ստացված ցանկացած ցուցումները, եթե դրանք հակասում են Ինվեստիցիոն հիմնադրամների վերաբերյալ կանոնադրությանը, Հիմնադրամի կանոնադրությանը, Հիմնադրամի բաժնետերերի ընդհանուր ժողովի որոշումներին կամ սույն Պայմանագրին: Նման ցուցումները չեն համարվում «Պատշաճ ցուցումներ»: Պատշաճ չհանդիսացող որևէ ցուցում ստանալու դեպքում Պահառուն անմիջապես այդ մասին տեղեկացնում է Հիմնադրամի Վարչությանը:

2.3. Ավանդներ: Պահառուն ընդունում և որպես Հիմնադրամի գույք պահպանում է Հիմնադրամի Կանոնադրական դրամագլխին մուծված բոլոր ավանդները:

2.4. Արժեթղթերի գնումները.

ա) Պատշաճ ցուցումներ ստանալով, Պահառուն օգտագործում է Հիմնադրամի հաշվում առկա կանխիկ միջոցները` Հիմնադրամի համար գնված արժեթղթերի դիմաց վճարելու և դրանք ստանալու համար.

բ) Արժեթղթերի համար վճարում կատարվում է միայն այն բանից հետո, երբ արժեթղթերը ստացվել են`

1) Պահառուի կողմից.

2) Քլիրինգային գործակալի հետ Պահառուի ունեցած հաշվում.

3) Արժեթղթերի համակարգում Պահառուի ունեցած հաշվում:

2.5. Արժեթղթերի փոխանակումները: Ժամանակավոր ձև ունեցող արժեթղթերը վերջնական ձև ունեցող արժեթղթերով փոխարինելու, ինչպես նաև արժեթղթերը միևնույն ընդհանուր արժեքով, բայց այլ քանակով արժեթղթերով փոխարինելու համար Պահառուից չի պահանջվում ստանալ Պատշաճ ցուցումներ:

2.6. Արժեթղթերի վաճառքը.

ա) Պատշաճ ցուցումներ ստանալով, Պահառուն համապատասխան Անձանց է հանձնում վաճառված արժեթղթերը, գումարը մուտքագրելով Հիմնադրամի հաշվին.

բ) Արժեթղթերի հանձնումը կատարվում է միայն այն բանից հետո, երբ`

1. Պահառուն ստացել է վճարումը կանխիկ գումարով, վավերացված չեկով, բանկային չեկով, բանկային վարկով կամ բանկային փոխանցմամբ.

2) գումարը վճարված է Քլիրինգային գործակալի հետ Պահառուի ունեցած հաշվին.

3) գումարը վճարված է Արժեթղթերի համակարգում Պահառուի ունեցած հաշվին:

2.7. Շահաբաժինների ստացումը և այլն.

ա) Պահառուն Հիմնադրամի անունից ստանում և պահում է Հիմնադրամի գույքը կազմող և արժեթղթերի թողարկողների կողմից բաշխվող կանխիկ միջոցները, բաժնետոմսերը և իրավունքները.

բ) Պահառուն Հիմնադրամի անունից ստանում և պահում է Հիմնադրամի գույքը կազմող արժեթղթերի առնչությամբ ստացված բոլոր եկամուտները, շահաբաժինները և կապիտալ ու այլ վճարումների դիմաց ստացված հատկացումները, և հաստատված շուկայական պրակտիկային համապատասխան, սերտիֆիկատներն ու արժեթղթեր ներկայացնող այլ փաստաթղթերը, հանձնում դրանք թողարկողին կամ վերջինիս գործակալին, պայմանով, որ դրանց դիմաց վճարումն ստացված է սույն Պայմանագրի 2.5. կետի «բ» ենթակետում նշված ձևով:

2.8. Հիմնադրամի վճարների և ծախսերի վճարումը: Պատշաճ ցուցումներ ստանալով, Պահառուն Հիմնադրամի հաշվում առկա կանխիկ միջոցներն օգտագործում է Հիմնադրամի վճարների ու ծախսերի վճարման համար: Պահառուն Հիմնադրամի կանխիկ կամ այլ միջոցները չպետք է օգտագործի Հիմնադրամի Կառավարման պայմանագրին համապատասխան Կառավարչի կողմից վճարվելիք ծախսերի վճարման համար:

2.9. Շահաբաժինների վճարումը: Հիմնադրամի բաժնետերերի ընդհանուր ժողովի պատշաճ որոշմամբ հաստատված Պատշաճ ցուցումներ ստանալով, Պահառուն Հիմնադրամի հաշվում առկա կանխիկ միջոցներն ու արժեթղթերն օգտագործում է Հիմնադրամի բաժնետերերին շահաբաժիններ վճարելու համար:

2.10. Լիազորներ և ծանուցագրեր.

ա) Պահառուն անհապաղ Հիմնադրամին է հանձնում կամ փոստով առաքում լիազորներին տրվող բոլոր ձևերը և ժողովների վերաբերյալ բոլոր ծանուցագրերը, ինչպես նաև Հիմնադրամին պատկանող արժեթղթերի վերաբերյալ բոլոր այլ ծանուցագրերն ու հայտարարությունները, որպիսիք ստացվել են Պահառուի կողմից.

բ) Պատշաճ ցուցումներ ստանալով, Պահառուն պատրաստում և առաքում է պահանջվող լիազորագրերն ու թույլատրագրերը: Պահառուն չի կարող որևէ գործողություն կատարել Հիմնադրամին պատկանող արժեթղթերի կապակցությամբ քվեարկության իրավունքներ իրականացնելու կամ թույլտվություններ տալու ուղղությամբ, բացի այն դեպքերից, երբ Պատշաճ ցուցումներ է ստացել:

2.11. Ֆինանսական հաշվետվություններ.

ա) Յուրաքանչյուր օրացուցային ամսվա ավարտից հետո 30 օրվա ընթացքում Պահառուն Հիմնադրամի Վարչությանը հաշվետվություն է ներկայացնում համապատասխան ժամանակահատվածում Հիմնադրամի գույքի հետ կապված գործարքների վերաբերյալ: Հաշվետվությունն ընդգրկում է`

1) Հիմնադրամի անունից Պահառուի կողմից գնված, փոխանակված և վաճառված արժեթղթերի ցանկը.

2) սկզբնական և վերջնական հաշվեկշիռները, ինչպես նաև Հիմնադրամի անունից Պահառուի կողմից վարվող բոլոր բանկային հաշիվների հետ կապված բոլոր ավանդների և վճարումների ամփոփագիրը.

3) Հիմնադրամի հաշվեկշիռը հաշվետու ժամանակահատվածի վերջին օրվա դրությամբ, հաշվետվություն` տվյալ ժամանակահատվածում Հիմնադրամի գույքի համալրման վերաբերյալ, ինչպես նաև հաշվետվություն` հաշվետու ժամանակահատվածի վերջին օրվա դրությամբ Հիմնադրամի Միջոցների զուտ արժեքի և Հիմնադրամի մեկ բաժնեմասի նկատմամբ Միջոցների համամասնական զուտ արժեքի վերաբերյալ.

4) հաշվետու ժամանակահատվածում Հիմնադրամին պատկանող գույքի վաճառքի միջոցով Հիմնադրամի կողմից ստացված կապիտալ եկամուտների կորուստների ցանկը.

5) այն ընկերություններից ստացված շահաբաժինները, որոնցում Հիմնադրամը բաժին ունի.

6) հաշվետու ժամանակահատվածում թողարկված, հետ գնված կամ օտարված` Հիմնադրամի բաժնետոմսերի քանակը.

7) հաշվետու ժամանակահատվածում կատարված ծախսերը.

8) հաշվետու ժամանակահատվածի ավարտին Հիմնադրամին պատկանող սեփականաշնորհման սերտիֆիկատների քանակը.

9) տեղեկություններ Պահառուի, Վարչության անդամների կամ պաշտոնյաների փոփոխությունների վերաբերյալ, ինչպես նաև Պահառուին ստորադաս կամ փոխկապված բոլոր անձանց ցուցակը հաշվետու ժամանակահատվածի ավարտի դրությամբ.

10) հաշվետու ժամանակահատվածի ավարտին Հիմնադրամի 10 խոշորագույն բաժնետերերի ինքնությունը.

բ) Հիմնադրամի յուրաքանչյուր ֆինանսական տարվա ավարտից հետո 60 օրվա ընթացքում Պահառուն Հիմնադրամին է ներկայացնում սույն Պայմանագրի 2.11. (ա) կետում նշված տեղեկությունները տարվա կտրվածքով.

գ) Պահառուի, Կառավարչի և Հիմնադրամի հաշվետվությունների վերստուգման և հաստատման պրոցեսում Պահառուն բոլոր առումներով համագործակցում է Հիմնադրամի Անկախ վերահսկիչի հետ:

2.12. Հաշիվներ և գրանցումներ: Պահառուն վարում, ստեղծում և պահում է հաշվային գրանցումներ և հաշվեմատյաններ, որոնք պահանջվում են գործող օրենսդրությամբ կամ անհրաժեշտ են սույն պայմանագրի 2.11. կետով նախատեսված ֆինանսական հաշվետվությունները պատրաստելու համար: Նշված բոլոր գրանցումները և հաշվեմատյանները Հիմնադրամի սեփականությունն են և բաց են Հիմնադրամի և նրա փաստաբանների կամ վերստուգիչների տեսչական ստուգումների ու վերստուգման համար:

2.13. Ընդհանուր ժողով և Վարչություն.

ա) Պահառուն չի կարող թույլատրել Հիմնադրամի կամ նրա Կառավարչի Վարչության անդամ, պաշտոնյա կամ այլ աշխատակից հանդիսացող որևէ անձի միաժամանակ ծառայելու որպես իր Վարչության անդամ, պաշտոնյա կամ այլ աշխատակից.

բ) Պահառուն իրավունք ունի մասնակցելու Հիմնադրամի Վարչության բոլոր նիստերին և հարցեր ներկայացնելու այն նիստերի քննարկմանը.

գ) Պահառուն պահանջում է Հիմնադրամի բաժնետերերի արտահերթ ընդհանուր ժողովի գումարում բոլոր այն դեպքերում, երբ Հիմնադրամի ընդհանուր միջոցների շուկայական արժեքը կազմում է նրանց հաշվեկշռային արժեքի 50 տոկոսից պակաս:

 

Հոդված 3. Պահառուի վարձատրությունը

 

3.1. Պահառության վարձ: Հիմնադրամը Պահառուին վճարում է տարեկան կանխիկ վարձ ---------ԱՄՆ-ի դոլարի` դրամով արտահայտված համարժեքին հավասար չափով:

 

Հոդված 4. Պահառուի պատասխանատվությունը

 

4.1. Պահառության ստանդարտը: Պահառուն Հիմնադրամի և նրա բաժնետերերի առջև պատասխանատվություն է կրում բոլոր այն կորուստների համար, որոնք Հիմնադրամը կրում է Պահառուի կամ նրա որևէ աշխատակցի, պաշտոնատար անձի կամ Վարչության անդամի կողմից անփութության, կեղծիքի դրսևորման, հափշտակման, ինչպես նաև Հայաստանի Հանրապետության օրենսդրության, Հիմնադրամի կանոնադրության, Հիմնադրամի բաժնետերերի ընդհանուր ժողովի որոշումների կամ սույն Պայմանագրի խախտման հետևանքով:

4.2. Պատասխանատվության սահմանափակում: Պահառուն Հիմնադրամի կամ նրա բաժնետերերի առջև պատասխանատու չէ Պատշաճ ցուցումների նկատմամբ ողջամիտ վստահության սահմաններում կատարված որևէ գործողության կամ անգործության համար, բացառությամբ այն դեպքերի, երբ Պատշաճ ցուցումները հակասում են Հայաստանի Հանրապետության գործող օրենսդրությանը, Հիմնադրամի կանոնադրությանը, Հիմնադրամի բաժնետերերի ընդհանուր ժողովի որոշումներին կամ սույն Պայմանագրին:

 

Հոդված 5. Այլ դրույթներ

 

5.1. Կիրառվող օրենսդրությունը: Սույն Պայմանագրի կապակցությամբ ծագող բոլոր հարցերը կարգավորվում են Հայաստանի Հանրապետության օրենսդրությանը համապատասխան:

5.2. Վեճերի լուծումը: Սույն Պայմանագրի հետ կապված բոլոր վեճերը լուծվում են Հայաստանի Հանրապետության օրենսդրության դրույթներին համապատասխան:

5.3. Պայմանագրի փոփոխումը: Սույն Պայմանագիրը կարող է փոփոխվել միայն Հիմնադրամի և Պահառուի գրավոր համաձայնությամբ, որը պետք է հաստատվի Հիմնադրամի բաժնետերերի ընդհանուր ժողովի կողմից:

5.4. Դադարումը.

ա) Սույն Պայմանագիրը գործում է մինչև Հիմնադրամի կողմից Պահառուին հասցեագրված գրավոր ծանուցագրով դադարեցվելը, նման ծանուցագիրն ուժի մեջ է մտնում ստացման օրվանից 30 օր հետո, կամ մինչև Պահառուի կողմից Հիմնադրամին հասցեագրված գրավոր ծանուցագրով դադարեցվելը, նման ծանուցագիրն ուժի մեջ է մտնում ստացման օրվանից 180 օր հետո.

բ) Պահառուն համագործակցում է ցանկացած իրավահաջորդ Պահառուի և Հիմնադրամի հետ` Հիմնադրամի գույքի նկատմամբ հսկողություն իրականացնելու համար իրավահաջորդ Պահառուին բոլոր փաստաթղթերի ձևակերպումը և գործողությունների կատարումը ապահովելու նպատակով:

5.5. Փոխանցում: Սույն Պայմանագրով սահմանված իրավունքներն ու պարտականությունները չեն կարող փոխանցվել այլ Անձանց:

5.6. Ծանուցագրեր.

ա) Սույն Պայմանագրով նախատեսված ծանուցագրերը կազմվում են գրավոր` հայերեն, և կարող են ուղարկվել հեռատիպով, հեռապատճենով, պատվիրված փոստով կամ վստահելի սուրհանդակի միջոցով` հետևյալ հասցեներով կամ այն հասցեներով, որոնց մասին համապատասխան կողմը գրավոր կտեղեկացնի բոլոր կողմերին.

1) Պահառուին`  (անվանումը և հասցեն).

2) Հիմնադրամին` (անվանումը և հասցեն).

բ) Ցանկացած ծանուցագիր համարվում է ստացված և ուժի մեջ է մտնում ուղարկելու օրվան հաջորդող օրվանից:

5.7. Պայմանագրի ձևակերպումը:

Սույն Պայմանագիրը կնքվում է հայերեն` առնվազն չորս օրինակից, որից երկուական օրինակ հանձնվում է կողմերից յուրաքանչյուրին:

5.8. Պայմանագրի ամբողջականությունը: Սույն Պայմանագիրը պարունակում է կողմերի միջև կայացած համաձայնությունն ամբողջությամբ և ի չիք են դարձնում կողմերի` սույն Պայմանագրի խնդրո առարկա կազմող բոլոր նախկին ըմբռնումները:

 

 

	Հասցեն	(Հիմնադրամի անվանումը)
		հանձին ---------------------------- (ազգանունը, անունը, պաշտոնը)
		(Պահառուի անվանումը)
		հանձին ---------------------------- (ազգանունը, անունը, պաշտոնը)

 

 

ՀԱՎԵԼՎԱԾ 4 ՀՀ կառավարության 1994թ. սեպտեմբերի 30-ի  N 469 որոշմամբ հաստատված կանոնադրության

 

 

 

 

ԻՆՎԵՍՏԻՑԻՈՆ ՀԻՄՆԱԴՐԱՄԻ ՕՐԻՆԱԿԵԼԻ ԱԶԴԱԳԻՐ

 

I. Ընդհանուր տեղեկություններ

 

 

7. Ինվեստիցիոն գործունեության սահմանափակումները.

7.1. Հիմնադրամը չի կարող`

1) ձեռք բերել այդ անձի իրավունք տվող արժեթղթերը, եթե դրա հետևանքով Ինվեստիցիոն հիմնադրամն ու իր հետ փոխկապված խումբը կունենան այդ անձի ձայնի իրավունք տվող արժեթղթերի ընդհանուր թվի ավելի քան 40 տոկոսը.

2) ներդնել իր զուտ միջոցների ավելի քան 10 տոկոսը այլ անձի արժեթղթերում.

3) ներդրում կատարել այլ Ինվեստիցիոն հիմնադրամների կողմից թողարկված արժեթղթերում.

4) ներդրում կատարել այդ Ինվեստիցիոն հիմնադրամի բաժնետոմսերի ավելի քան 5 տոկոսն ունեցող անձում.

5) պարտավորվել վաճառել իր սեփականությունը չհանդիսացող արժեթղթերը.

6) փոխառել դրամական միջոցներ կամ ստանալ որևէ տեսակի վարկ.

7) թողարկել երաշխավորագրեր կամ գրավականներ.

8) իր կառավարչի, պահառուի, անկախ վերահսկիչի կամ վերջիններիս հետ փոխկապված որևէ անձի նկատմամբ հանդես գալ որպես սեփականատեր կամ վարկատու:

7.2. (Սերտիֆիկատային Ինվեստիցիոն հիմնադրամը, ի լրումն բոլոր Հիմնադրամների համար սույն Ազդագրի

7.1. կետով նախատեսված սահմանափակումներ, չի կարող`

1) ունենալ Հայաստանի Հանրապետության արժույթից, սեփականաշնորհման սերտիֆիկատներից, Հայաստանի Հանրապետության բաժնետիրական ընկերությունների բաժնետոմսերից և սահմանափակ պատասխանատվությամբ ընկերությունների բաժնեմասերից բացի այլ միջոցներ.

2) ներդրում կատարել իր հիմնական գործունեությունը Հայաստանի Հանրապետությունում չիրականացնող որևէ ընկերությունում.

3) վաճառել կամ տնօրինել սեփականաշնորհման սերտիֆիկատներ այլ կերպ, քան ի փոխանակումն պետական ձեռնարկությունների սեփականաշնորհման կամ ապապետականացման հետևանքով թողարկված արժեթղթերի.

4) տրամադրել կամ վերցնել վարկեր.

5) կնքել ինվեստիցիոն գործունեության հետ առնչություն չունեցող պայմանագրեր.

6) իր բաժնետոմսերի դիմաց ընդունել սեփականաշնորհման սերտիֆիկատներ, եթե դրա հետևանքով այդ ինվեստիցիոն հիմնադրամի (և նրա հետ փոխկապված խմբի) ընդունած սեփականաշնորհման սերտիֆիկատների ընդհանուր անվանական արժեքը կգերազանցի մինչև այդ օրը Հայաստանի Հանրապետությունում թողարկված սեփականաշնորհման սերտիֆիկատների ընդհանուր անվանական արժեքի 10 տոկոսը.

7) արժեթղթերում ներդրումներ, վերաներդրումներ կատարելուց և արժեթղթերի առուծախից բացի զբաղվել որևէ այլ տնտեսական գործունեությամբ.

8) կատարել Հայաստանի Հանրապետության օրենսդրության համաձայն սահմանափակ պատասխանատվություն չենթադրող ներդրումներ):

8. Հիմնադրամի բաժնետերերի ընդհանուր ժողովի որոշմամբ Հիմնադրամի ինվեստիցիոն գործունեության վրա կարող են դրվել լրացուցիչ սահմանափակումներ:

 

III. Հիմնադրամի ընթացիկ կանոնադրական հիմնադրամը

 

9. Հիմնադրամի վճարված կանոնադրական դրամագլուխը սույն Ազդագրի հրապարակման օրվա դրությամբ կազմում է ------դրամ:

10. Հիմնադրամի ընթացիկ կանոնադրական հիմնադրամը բաժանված է ------- բաժնետոմսերի:

11. Հիմնադրամի բոլոր բաժնետոմսերը հասարակ անվանական բաժնետոմսեր են և տալիս են հավասար իրավունքներ:

12. Հիմնադրամի մինչև օրս իրացված բաժնետոմսերը թողարկվել են --------- անգամ, յուրաքանչյուր թողարկումը` -------- բաժնետոմս:

13. Բաժնետոմսերը թողարկվել են --------------- գրանցված ազդագրի (ամսաթիվը) հիման վրա:

14. Նախորդ թողարկումների բաժնետոմսերը թողարկվել էին հետևյալ արժեքով (նշել յուրաքանչյուր թողարկման բաժնետոմսերի արժեքը): Նախորդ թողարկումների բաժնետոմսերն իրացվել են համապատասխանաբար

--------------- %-ով,

--------------- %-ով,

--------------- %-ով:

 

IV. Արժեթղթերի ընթացիկ թողարկումը

 

15. Սույն Ազդագրի պայմաններին համապատասխան բաժանորդագրության առաջարկված
բաժնետոմսերի թիվը կազմում է -------------- բաժնետոմս:

16. Բաժնետոմսերը կարող են գնվել սահմանված ձևի բաժանորդագրության հայտը ներկայացնելու և բաժնետոմսերի համար վճարումն ամբողջությամբ (Հիմնադրամի Պահառուի անվանումը) կատարելու միջոցով` հետևյալ վայրերում ------------

17. Բաժնետոմսերը գնման են ներկայացվում սկսած ----------------------------

(ամսաթիվը)

18. Բաժանորդագրության ժամկետն ավարտվում է -------------------------------

(ամսաթիվը)

19. Սույն Ազդագրով առաջարկվող յուրաքանչյուր բաժնետոմսը թողարկվել է ------------ԱՄՆ-ի դոլարի դրամական փոխարժեքով:

20. Բաժնետոմսերի համար վճարումը պետք է կատարվի կանխիկ դրամով, բանկային փոխանցումներով կամ սեփականաշնորհման սերտիֆիկատներով:

21. Թողարկողի մասին լրացուցիչ տեղեկություններ կարելի է ստանալ հետևյալ հասցեով`

 

V. Հիմնադիրների մասին տեղեկություններ
Հիմնադիրների լրիվ անվանումը (անունը) և իրավական կարգավիճակը (իրավաբանական անձանց համար` գտնվելու վայրը և պետական գրանցման համարը, ֆիզիկական անձանց համար` անձնագրի սերիան և համարը)	Հիմնադիրներին պատկանող բաժնետոմսերի տոկոսը` Հիմնադրամի բոլոր բաժնետոմսերի նկատմամբ
-------------------------------- --------------------------------- --------------------------------	--------------------------------------- ------------------------------------- --------------------------------------

 

 

 

 

 

VI. Վարչությունը

 

Հիմնադիրների լրիվ անվանումը` իրավ. անձանց  համար, անձնագրի համարը` ֆիզիկական անձանց համար	Վարչության յուրաքանչյուր անդամին պատկանող Հիմնադրամի բաժնետոմսերի տոկոսը	ներկայումս և վերջին 5 տարվա ընթացքում զբաղեցրած պաշտոնները
---------------------	------------------------	--------------------
---------------------	------------------------	--------------------
---------------------	------------------------	--------------------

 

VII. Ինվեստիցիոն հիմնադրամի կառավարչի մասին տեղեկություններ

 

-------------------------------------------------------------------------------------------------------------

(Կառավարչի լրիվ անվանումը, գտնվելու վայրը, պետական գրանցման համարը և ամսաթիվը, Կառավարչի հիմնադիրների, Վարչության անդամների և գործադիր ղեկավարների անունները և վերջին 5 տարվա ընթացքում զբաղեցրած պաշտոնները, Կառավարչի լիցենզիայի համարը և թողարկման ամսաթիվը, Կառավարչին պատկանող Հիմնադրամի բաժնետոմսերի տոկոսը)

 ----------------------------------------------------------------------------------------------------------

(Կառավարչի հետ փոխկապված անձանց ցուցակը` ինչպես սահմանված է Ինվեստիցիոն հիմնադրամների մասին Կանոնադրությամբ)

 

VIII. Ինվեստիցիոն Հիմնադրամի Պահառուի մասին տեղեկություններ

 

 -------------------------------------------------------------------------------------------------------------

(Լրիվ անվանումը, գտնվելու վայրը, պետական գրանցման համարը և ամսաթիվը, Պահառուի հիմնադիրների, Վարչության անդամների և գործադիր ղեկավարների անունները և վերջին 5 տարվա ընթացքում զբաղեցրած պաշտոնները, տեղեկություններ այլ Ինվեստիցիոն հիմնադրամների մասին, որոնց հետ կնքված են պահառության պայմանագրեր)

--------------------------------------------------------------------------------------------------------------

 (Պահառուի հետ փոխկապված անձանց ցուցակը` ինչպես սահմանված է Ինվեստիցիոն հիմնադրամների մասին Կանոնադրությամբ)

 

IX. Հիմնադրամի անկախ վերահսկիչի մասին տեղեկություններ

--------------------------------------------------------------------------------------------

(Վերահսկիչի լրիվ անվանումը և հասցեն)

 

X. Լրացուցիչ տեղեկություններ

-----------------------------------------------------------------------

(Տեղեկություններ Հիմնադրամի, Վարչության, Կառավարչի և Պահառուի նկատմամբ հարուցված դատական գործերի և կիրառված սանկցիաների մասին)

 

XI. Տեղեկություններ ինվեստիցիոն հիմնադրամի ծախսերի մասին

Կառավարչ   վարձատրությունը	Դրամով	Հիմնադրամ Միջոցների զուտ արժեքի նկատմամբ տոկոսներով
վերջին ֆին. տարվա ընթացքում
վերջին եռամսյակի ընթացքում
նախատեսված Կառավարչի հետ պայմանագրով
Պահառուի վարձատրությունը	Դրամով	Հիմնադրամ Միջոցների զուտ արժեքի նկատմամբ տոկոսներով
վերջին ֆին. տարվա ընթացքում
վերջին եռամսյակի ընթացքում
նախատեսված Պահառուի հետ պայմանագրով
Հիմնադրամիծախսերը տոկոսներով	Դրամով	Հիմնադրամի Միջոցների զուտ արժեքի նկատմամբ
վերջին ֆին. տարվա ընթացքում
վերջին եռամսյակի ընթացքում
վերջին հաշվետու օրվա դրությամբ

 

 

XII. Տեղեկություններ բաժնետերերի համար

 

22. Հիմնադրամի բաժնետերերից յուրաքանչյուրն իրավունք ունի բաժնետերերի ժողովներին մասնակցելու ինչպես անձամբ, այնպես էլ ներկայացուցչի միջոցով, ինչպես նաև քննարկման ներկայացնել իր առաջարկությունները` Հիմնադրամի Կանոնադրությանը համապատասխան:

23. Հիմնադրամի բոլոր բաժնետոմսերը անվանական (գրանցված) բաժնետոմսեր են: Յուրաքանչյուր բաժնետոմսը, անկախ թողարկման ժամանակից, բաժնետերերի բոլոր ժողովներում ունի մեկ ձայն և իրավունք է վերապահում Հիմնադրամի ամբողջ գույքի և շահույթի համապատասխան բաժնի նկատմամբ:

24. Հիմնադրամի լուծարման դեպքում, պարտատերերի պահանջները բավարարելուց հետո, Հիմնադրամի մնացած գույքը բաշխվում է Հիմնադրամի բաժնետերերի միջև` Հիմնադրամի Կանոնադրական դրամագլխում իրենց մասնակցությանը համամասնական:

25. Ա. Հիմնադրամի բաժնետերերի ընդհանուր ժողովը (Ընդհանուր ժողովը) Հիմնադրամի բարձրագույն ղեկավար մարմինն է: Ընդհանուր ժողովն ունի հետևյալ հարցերը լուծելու բացառիկ իրավասությունը`

փոփոխել Հիմնադրամի Կանոնադրությունը.

հաստատել Հիմնադրամի նոր բաժնետոմսերի թողարկման մասին որոշումը.

հաստատել Հիմնադրամի կառավարման և պահառության պայմանագրերը և դրանց փոփոխությունները, ներառյալ Պահառուի և Կառավարչի վարձատրության չափերը.

հաստատել Հիմնադրամի առանձնացված ստորաբաժանումների ստեղծման և լուծարման մասին որոշումները.

քննարկել և հաստատել Հիմնադրամի նախորդ տարվա հաշվետվությունը, հաշվապահական հաշվեկշիռը և եկամուտների ու ծախսերի մասին հաշվետվությունը.

որոշում ընդունել եկամուտների բաշխման ու ծախսերի ծածկման կարգի վերաբերյալ.

ընտրել Հիմնադրամի Վարչության անդամներին.

հաստատել Հիմնադրամի լուծարման կամ վերակազմավորման, լուծարքային հանձնաժողովի ստեղծման և վերջինիս հաշվետվության հաստատման մասին որոշումները.

Հիմնադրամի Կանոնադրությամբ կամ ՀՀ օրենսդրությամբ ընդհանուր ժողովի բացառիկ իրավասությանը ենթակա ցանկացած այլ հարց:

Բ. Բաժնետերերի բոլոր ժողովների քվորումը կազմվում է Հիմնադրամի բաժնետոմսերի ավելի քան 50 տոկոսի սեփականատերերի կամ նրանց լիազոր ներկայացուցիչների մասնակցությամբ:

Գ. Բոլոր հարցերով, բացառությամբ սույն Ազդագրի 25 «ե» և «զ» կետերով նախատեսված հարցեր, ընդհանուր ժողովի որոշումներն ընդունվում են ժողովում ներկայացված բաժնետոմսեր ձայների ավելի քան 50 տոկոսով ժողովում քվորումի առկայության պայմանով (բացառությամբ սույն Ազդագրի 25 «գ» կետով նախատեսված դեպքերի): Քվորում չլինելու դեպքում, 14 օրացուցային օրվա ընթացքում պետք է գումարվի բաժնետերերի նոր ժողով:

Դ. Բոլոր հարցերով, բացառությամբ սույն Ազդագրի 25 «ե» և «զ» կետերով նախատեսված հարցերի, կրկին գումարված ժողովում որոշումներն ընդունվում են ժողովում ներկայացված բաժնետոմսերի ձայների ավելի քան 50 տոկոսով` անկախ ժողովում քվորումի առկայությունից:

Ե. Հետևյալ հարցերով ընդհանուր ժողովի որոշումներն ընդունվում են Հիմնադրամի բոլոր բաժնետոմսերի ձայների ընդհանուր թվի 2/3-ի մեծամասնությամբ` Հիմնադրամի Կանոնադրության փոփոխումը. Հիմնադրամի վերակազմավորումը.

Հիմնադրամի լուծարումը. Կառավարչի կամ Պահառուի հետ Հիմնադրամի պայմանագրերի փոփոխումը:

Զ. Հիմնադրամի Կանոնադրության այն փոփոխությունները, որոնցով ավելացվում են առանձին բաժնետերերի պարտականությունները կամ պակասեցվում են առանձին բաժնետերերի իրավունքները, կարող են կատարվել միայն այդ բաժնետերերի համաձայնությամբ:

Է. Ընդհանուր ժողովն ունի Կառավարչի և Հիմնադրամի միջև Հիմնադրամի միջոցների կառավարման մասին պայմանագրի կամ վերջինիս փոփոխությունների հաստատման բացառիկ իրավասությունը: Յուրաքանչյուր տարեկան ընդհանուր ժողովի ժամանակ Վարչությունը բաժնետերերին պետք է ներկայացնի համապատասխան որոշման նախագիծ` կառավարման պայմանագրի գործողությունը դադարեցնելու կամ շարունակելու վերաբերյալ:

26. Ա. Անկախ բաժնետերերի մյուս ժողովներից, Հիմնադրամը տարեկան մեկ անգամ պետք է անցկացնի բաժնետերերի ընդհանուր ժողով: Տարեկան ընդհանուր ժողովների միջև ժանակահատվածը չպետք է լինի ավելի քան 15 ամիս:

Բ. Բաժնետերերի տարեկան ժողովներից բացի կարող են գումարվել նաև արտահերթ ժողովներ: Բաժնետերերի արտահերթ ժողովները Հիմնադրամի Վարչության կողմից կարող են գումարվել ցանկացած հարցի քննարկման համար: Հիմնադրամի Վարչությունը պարտավոր է գումարել Հիմնադրամի բաժնետերերի արտահերթ ժողով` հետևյալ դիմումները ստանալուց ոչ ուշ, քան 2 շաբաթ հետո.

1) Վարչության անդամների մեծամասնության դիմումը.

2) Հիմնադրամի բաժնետոմսերի` ընդհանուր թվով ոչ պակաս, քան 10 տոկոսն ունեցող բաժնետերերի դիմումը.

3) Պահառուի դիմումը` Հիմնադրամի Միջոցների շուկայական զուտ արժեքի` իրենց հաշվեկշռային արժեքից 50 կամ ավելի տոկոսով նվազելու դեպքում:

Գ. Հիմնադրամի բաժնետոմսերի առաջին բաժանորդագրության ավարտից ոչ ուշ, քան 45 օր հետո պետք է գումարվի բաժնետերերի արտահերթ ժողով, որը պետք է ընտրի Հիմնադրամի Վարչության անդամներ և որում ընդունի Հիմնադրամի կառավարման պայմանագրի և պահառության պայմանագրի գործողությունը դադարեցնելու կամ շարունակելու վերաբերյալ:

Դ. Հիմնադրամի անկանոն գործունեության, ինչպես նաև Հիմնադրամի, նրա Կառավարչի կամ Պահառուի կողմից Ինվեստիցիոն հիմնադրամների մասին կանոնադրության պահանջների խախտման դեպքում պետական լիազորված մարմինը իրավասու է հրավիրել Հիմնադրամի բաժնետերերի արտահերթ ժողով:

Ե. Հիմնադրամի Պահառուի կամ Կառավարչի լիցենզիայի չեղյալ հայտարարման, ինչպես նաև Հիմնադրամի կառավարման պայմանագրի կամ պահառության պայմանագրի գործողության դադարեցման դեպքում Հիմնադրամի Վարչությունը պետք է հրավիրի Հիմնադրամի բաժնետերերի արտահերթ ժողով` Հիմնադրամի նոր Կառավարիչ կամ Պահառու նշանակելու համար:

27. Ժողովի կայացման օրվա, ժամի, վայրի, ինչպես նաև ժողովի օրակարգի մասին ծանուցումը ժողովի անցկացման օրվանից ոչ ուշ, քան 14 օր առաջ պետք է պատվիրված նամակով ուղարկվի յուրաքանչյուր բաժնետերերին` բաժնետերերի գրանցման մատյանում նշված հասցեով: Ընդհանուր ժողովի որոշմամբ ժողովի գումարման մասին կարող է հայտարարվել մամուլում: Ժողովի օրակարգի հրապարակումից հետո այն ենթակա չէ փոփոխման:

 

XIII. Շահաբաժիններ ԵՎ բաժնետոմսեր վերադարձնելը

 

28. Նախորդ տարվա ֆինանսական հաշվետվությունը ստանալուց հետո Հիմնադրամի բաժնետերերի ընդհանուր ժողովը որոշում է այդ տարվա համար շահաբաժինների վճարման հարցը և յուրաքանչյուր բաժնետոմսի համար վճարվող շահաբաժնի չափը:

29. ------------------------------------------------------------------- (Սահմանել բաժնետերերի շահաբաժինների վճարման կարգը)

30. ------------------------------------------------------------------- (Սահմանել բաժնետերերի ստացած շահաբաժինների հարկման կարգը)

31. Հիմնադրամը չի կարող իր բաժնետոմսերը գնել կամ հետգնել այլ կերպ, քան բաց բաժնետիրական ընկերությունների Կանոնադրական դրամագլխի նվազեցումը կամ նման ընկերությունների լուծարումը կարգավորող` ՀՀ օրենսդրությամբ սահմանված կարգով:

 

XIV. Նախազգուշացումներ

 

32. Հիմնադրամը չի տալիս իր բաժնետոմսերի արժեքի բարձրացման վերաբերյալ որևէ երաշխիք:

33. Բաժնետերերը պետք է նկատի ունենան իրենց ներդրման հետ կապված ռիսկը:

34. Հիմնադրամի գործունեության նախկինում արդյունավետ լինելու փաստը դրա ապագա արդյունավետության ցուցանիշ չէ:

35. Բոլոր բաժնետերերը պետք է նկատի ունենան, որ գոյություն ունեն նաև այլ Ինվեստիցիոն հիմնադրամներ և, բացառված չէ, որ դրանք կարող են իրենց բաժնետոմսերն առաջարկել ավելի շահավետ պայմաններով և ավելի ցածր գնով, քան սույն Ինվեստիցիոն հիմնադրամը:

36. Նախքան Հիմնադրամի բաժնետոմսեր ձեռք բերելը, բաժնետերերը պետք է հաշվի առնեն իրենց դրամի և սեփականաշնորհման սերտիֆիկատների օգտագործման այլ հնարավորություններ:

 

XV. Ֆինանսական տեղեկատվություն

 

37.	(Վերջին հաշվետու ժամանակաշրջանի առաջին և վերջին օրվա դրությամբ Հիմնադրամի կատարած ներդրումների ցուցակը և դրանց արժեքը` հաշվարկված ՀՀ օրենսդրության պահանջներին համապատասխան)
38.	(Վերջին հաշվետու ժամանակաշրջանում Հիմնադրամի Ներդրումներից ստացված տոկոսներն ու շահաբաժինները)
39.	(Վերջին ֆինանսական տարվա և վերջին եռամսյակի ընթացքում Հիմնադրամի միջոցների արժեքի ավելացումը կամ նվազումը)
40.	(Վերջին հաշվետու տարվա ընթացքում Հիմնադրամի միջոցների վաճառքից առաջացած եկամուտներն ու ծախսերը)
41.	(Վերջին հաշվետու ժամանակաշրջանում Հիմնադրամի բաժնետերերին յուրաքանչյուր բաժնետոմսի համար վճարված շահաբաժինը)
42.	(Վերջին հաշվետու ժամանակաշրջանում Հիմնադրամի ստացած զուտ եկամուտը (վնասը), ներառյալ Հիմնադրամի միջոցների վաճառքից ստացված եկամուտը (վնասը)
43	(Վերջին հաշվետու ժամանակաշրջանում Հիմնադրամի թողարկած և վաճառած բաժնետոմսերի թիվը)
44.	(Վերջին հաշվետու ժամանակաշրջանում Հիմնադրամի կատարած ծախսերը)
45.	(Վերջին հաշվետու ժամանակաշրջանի առաջին և վերջին օրվա դրությամբ յուրաքանչյուր բաժնետոմսի հաշվարկով Հիմնադրամի Միջոցներ համամասնական զուտ արժեքը)
46.	(Հիմնադրամի ծախսերի և Միջոցների զուտ արժեքի միջև հարաբերությունը)
47.	(Վերջին հաշվետու ժամանակաշրջանում Հիմնադրամի զուտ եկամտի և այդ ժամանակաշրջանի վերջին օրվա դրությամբ Միջոցների զուտ արժեքի միջև հարաբերությունը)
48.	(Վերջին հաշվետվության օրվա դրությամբ Հիմնադրամի բաժնետոմսերի շուկայական արժեքը)
49.	(Հիմնադրամի հաշվապահական հաշվեկշիռը և եկամուտների ու ծախսերի մասին հաշվետվությունը` վերջին երեք ֆինանսական տարիների համար)
50.	(Ազդագրի ստորագրման օրվա դրությամբ Հիմնադրամի ունեցած սեփականաշնորհման սերտիֆիկատների թիվը)
51.	(Ազդագիրը գրանցման ներկայացնելու օրվա դրությամբ վճարման ենթակա հարկերը) Ազդագիրը պետք է ստորագրված լինի Վարչության անդամների ոչ պակաս, քան երկու երրորդի կողմից:

 

Վարչության անդամների ստորագրությունները.

-------------------------------------

(անունը, ազգանունը և պաշտոնը)

 -------------------------------------

(անունը, ազգանունը և պաշտոնը)

 -------------------------------------

(անունը, ազգանունը և պաշտոնը)

Ազդագիրը ՀՀ արժեթղթերի շուկայի տեսչությունն ստացել է 199 թ. ---------- « » - ին:

Գրանցման համարը ----------------

(51-րդ կետը փոփ. 25.05.99 N 345)