Գլխավոր տեղեկություն

Համար

N 371-Ա

Տիպ

Որոշում

Ակտի տիպ

Հիմնական ակտ (17.04.2009-մինչ օրս)

Կարգավիճակ

Գործում է

Սկզբնաղբյուր

Չի հրապարակվել պաշտոնական պարբերականում

Ընդունող մարմին

ՀՀ կառավարություն

Ընդունման ամսաթիվ

09.04.2009

Ստորագրող մարմին

ՀՀ վարչապետ

Ստորագրման ամսաթիվ

16.04.2009

Ուժի մեջ մտնելու ամսաթիվ

17.04.2009

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 ապրիլի 2009 թվականի N 371-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

Համաձայն Հայաստանի Հանրապետության կառավարության 2004 թվականի փետրվարի 5-ի N 217-Ն որոշմամբ հաստատված` Հայաստանի Հանրապետության միջազգային պայմանագրերին համապատասխան Հայաստանի Հանրապետությունում տեղակայված Ռուսաստանի Դաշնության զորամիավորումների, այդ թվում՝ սահմանապահ զորքերի և նրանց հասցեով միջպետական ռազմական փոխադրումներ իրականացնող օդանավերի՝ Հայաստանի Հանրապետության օդանավակայաններում իրականացվող սպասարկումների ու մատուցվող ծառայությունների ծախսերն այդ սպասարկումներն իրականացնող և ծառայությունները մատուցող կազմակերպություններին փոխհատուցելու կարգի 5-րդ կետի` Հայաստանի Հանրապետության կառավարությունը որոշում է.

1. Ռուսաստանի Դաշնության զորամիավորումների հասցեով միջպետական ռազմական փոխադրումներ իրականացնող օդանավերին Հայաստանի Հանրապետության օդանավակայաններում մատուցած ծառայությունների դիմաց 2008 թվականի չորրորդ եռամսյակում իրականացված ծախսերի փոխհատուցման նպատակով Հայաստանի Հանրապետության պաշտպանության նախարարությանը Հայաստանի Հանրապետության 2009 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից (բյուջետային ծախսերի տնտեսագիտական դասակարգման «Այլ նպաստներ բյուջեից» հոդվածով) 2009 թվականի երկրորդ եռամսյակում նշված ընկերություններին վճարելու համար հատկացնել`

1) 40,131,479.0 դրամ, որից`

ա. «Արմ-Աերո» փակ բաժնետիրական ընկերության գծով` 38,514,951.0 դրամ,

բ. «Զվարթնոց» ավիաօդերևութաբանական կենտրոն» փակ բաժնետիրական ընկերության գծով` 109,600.0 դրամ,

գ. «Հայաերոնավիգացիա» փակ բաժնետիրական ընկերության գծով` 1,506,928.0 դրամ.

2) 4,690.16 եվրոյին համարժեք դրամ` «Արմենիա միջազգային օդանավակայաններ» փակ բաժնետիրական ընկերության գծով.

3) 6,116.8 ԱՄՆ-ի դոլարին համարժեք դրամ, որից`

ա. «Զվարթնոց հենդլինգ» փակ բաժնետիրական ընկերության գծով` 1,000.0 ԱՄՆ-ի դոլարին համարժեք դրամ,

բ. «Արմենիա միջազգային օդանավակայաններ» փակ բաժնետիրական ընկերության գծով` 5,116.8 ԱՄՆ-ի դոլարին համարժեք դրամ:

Հայաստանի Հանրապետության
վարչապետ
Տ. Սարգսյան

2009 թ. ապրիլի 16

Երևան