«Վավերացնում եմ»
Հայաստանի Հանրապետության
Նախագահ Ռ. Քոչարյան
15 մայիսի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 մայիսի 2007 թվականի N 531-Ն

ՎՏԱՆԳԻ ԱՂԲՅՈՒՐԻ ՎԵՐԼՈՒԾՈՒԹՅԱՆ ԵՎ ԿՐԻՏԻԿԱԿԱՆ ԿԵՏԵՐԻ ՀՍԿՄԱՆ ՀԱՄԱԿԱՐԳԻ ՆԵՐԴՐՄԱՆ ԺԱՄԱՆԱԿԱՑՈՒՅՑԸ` ԸՍՏ ԱՐՏԱԴՐՈՒԹՅԱՆ ՈԼՈՐՏՆԵՐԻ ՍԱՀՄԱՆԵԼՈՒ ՄԱՍԻՆ

Համաձայն «Սննդամթերքի անվտանգության մասին» Հայաստանի Հանրապետության օրենքի 6-րդ հոդվածի 7-րդ մասի և «Անասնակերի մասին» Հայաստանի Հանրապետության օրենքի 7-րդ հոդվածի 1-ին մասի 7-րդ կետի` Հայաստանի Հանրապետության կառավարությունը որոշում է.

(նախաբանը խմբ. 16.04.09 N 390-Ն)

1. Սահմանել վտանգի աղբյուրի վերլուծության և կրիտիկական կետերի հսկման համակարգի ներդրման ժամանակացույցը` ըստ արտադրության ոլորտների` համաձայն հավելվածի:

2. Սահմանել, որ`

1) սույն որոշման 1-ին կետով սահմանված վտանգի աղբյուրի վերլուծության և կրիտիկական կետերի հսկման համակարգի ներդրման ժամանակացույցի դրույթները տարածվում են սննդի շղթայի փուլերում և կենդանիների համար պատրաստի կերերի արտադրության ոլորտում ներգրավված 10-ից ավելի աշխատողներ ունեցող տնտեսավարող սուբյեկտների վրա.

2) 2015 թվականի հունվարի 1-ից վտանգի աղբյուրի վերլուծության և կրիտիկական կետերի հսկման համակարգի ներդրումն ավարտելու պահանջը տարածվում է նաև սննդի շղթայի փուլերում և կենդանիների համար պատրաստի կերերի արտադրության ոլորտում ներգրավված 5 և ավելի աշխատողներ ունեցող տնտեսավարող սուբյեկտների վրա:

(2-րդ կետը լրաց. 16.04.09 N 390-Ն)

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Ս. Սարգսյան
2007 թ. մայիսի 11 Երևան

Հավելված ՀՀ կառավարության 2007 թվականի  մայիսի 3-ի N 531-Ն որոշման

Ժ Ա Մ Ա Ն Ա Կ Ա Ց ՈՒ Յ Ց

ՎՏԱՆԳԻ ԱՂԲՅՈՒՐԻ ՎԵՐԼՈՒԾՈՒԹՅԱՆ ԵՎ ԿՐԻՏԻԿԱԿԱՆ ԿԵՏԵՐԻ ՀՍԿՄԱՆ ՀԱՄԱԿԱՐԳԻ ՆԵՐԴՐՄԱՆ` ԸՍՏ ԱՐՏԱԴՐՈՒԹՅԱՆ ՈԼՈՐՏՆԵՐԻ

NN ը/կ	Տնտեսական գործունեու- թյան տեսակի ծածկագիրն ըստ ՏԳՏԴ-ի	Տնտեսական գործունեության տեսակը (արտադրության ոլորտը)	Ներդրման ժամկետի ավարտը
1	2	3	4
1.	15.1	Մսի և մսամթերքի արտադրություն	մինչև 2011 թ. հունվարի 1-ը
	15.2	Ձկան, ձկնամթերքի վերամշակում և պահածոյացում
	15.88	Մանկական սննդի և դիետիկ սննդամթերքի արտադրություն
	15.89.1	Ապուրների, արգանակների և ձվամթերքի արտադրություն
2.	15.5	Կաթնամթերքի արտադրություն	մինչև 2011 թ. հունվարի 1-ը
	15.32	Մրգահյութերի, բանջարահյութերի արտադրություն
	15.33.9	Ուրիշ խմբավորումներում չներառված մրգերի և բանջարեղենի վերամշակում և պահածոյացում
3.	15.81	Հացի և թարմ հրուշակեղենի արտադրություն	մինչև 2012 թ. հունվարի 1-ը
	15.82	Պաքսիմատների, թխվածքաբլիթների և երկարատև պահվող հրուշակեղենի արտադրություն
	15.93	Գինու արտադրություն
	15.94	Խնձորի և պտղահատապտղային այլ գինիների արտադրություն
	15.95	Խմորման նյութերից այլ չթորած խմիչքների արտադրություն
	15.96	Գարեջրի արտադրություն
	15.97	Ածիկային գարեջրի արտադրություն
	15.98	Հանքային արտադրատեսակների և ոչ ալկոհոլային խմիչքների արտադրություն
4.	15.31	Կարտոֆիլի վերամշակում և պահածոյացում	մինչև 2013 թ. հունվարի 1-ը
	15.33.1	Չրի արտադրություն
	15.4	Բուսական և կենդանական յուղերի և ճարպերի արտադրություն
	15.6	Ալրաղաց արդյունաբերության, ձավարեղենի, օսլայի և օսլա պարունակող մթերքի արտադրություն
	15.7.	Կենդանիների համար պատրաստի կերերի արտադրություն
	15.83	Շաքարի արտադրություն
	15.84	Կակաոյի, շոկոլադի և շաքար պարունակող հրուշակեղենի արտադրություն
	15.85	Մակարոնեղենի արտադրություն
	15.86	Սուրճի և թեյի արտադրություն
	15.87	Համեմունքների արտադրություն
	15.89.2	Խմորիչների (դրոժի) արտադրություն
	15.89.9	Ուրիշ խմբավորումներում չներառված այլ սննդամթերքի արտադրություն
	15.91	Թորած ալկոհոլային խմիչքների արտադրություն
	15.92	Խմորման նյութերից էթիլային սպիրտի արտադրություն
5.	52.2 (բացառությամբ 52.26-ի)	Մասնագիտացված խանութներում սննդամթերքի, ներառյալ խմիչքները, մանրածախ առևտուր	մինչև 2014 թ. հունվարի 1-ը
	52.62.2	Շուկաներում գյուղատնտեսական մթերքի և սննդամթերքի մանրածախ առևտուր
	51.3 (բացառությամբ 51.35-ի)	Սննդամթերքի, ներառյալ խմիչքները, մեծածախ առևտուր
	55.3	Ռեստորանների ծառայություն
	55.4	Բարերի ծառայություն
	55.5	Կազմակերպություններին կից ճաշարանների ծառայություններ և պատրաստի սննդի մատակարարում
	74.82.1	Ծառայություններ` փաթեթավորման բնագավառում (խմիչքների և սննդամթերքի մասով)
	74.82.2	Մսի և մսամթերքի կշռածրարում
	74.82.3	Կարագի կշռածրարում

(հավելվածը փոփ., լրաց. 16.04.09 N 390-Ն)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան