ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԵՐԵՎԱՆ ՔԱՂԱՔ

Մալաթիա-Սեբաստիա թաղային համայնքի ավագանի

Ո Ր Ո Շ ՈՒ Մ

21 հունվարի 2009 թվականի թիվ 5-Ն

քաղ. Երևան

ՄԱԼԱԹԻԱ-ՍԵԲԱՍՏԻԱ ՀԱՄԱՅՆՔԻ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՈՉ ԲՆԱԿԵԼԻ ՏԱՐԱԾՔՆԵՐԻ ՎԱՐՁԱԿԱԼԱԿԱՆ ՎՃԱՐՆԵՐԻ ՉԱՓԵՐԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Տեղական ինքնակառավարման մասին» ՀՀ օրենքի 16-րդ հոդվածի 20-րդ կետով և «Իրավական ակտերի մասին» ՀՀ օրենքի 72-րդ հոդ. 1-ին մասի 1-ին կետի «Բ» ենթակետով՝ ավագանին որոշում է.

1. Հաստատել Երևանի Մալաթիա-Սեբաստիա համայնքի սեփականություն հանդիսացող ոչ բնակելի տարածքների վարձավճարների չափերը (Հայաստանի Հանրապետությունում սահմանված նվազագույն աշխատավարձի նկատմամբ կիրառվող գործակիցներով), համաձայն կից հավելվածի։

2. Ուժը կորցրած ճանաչել Երևանի Մալաթիա-Սեբաստիա համայնքի ավագանու 15.01.08 թ. «Մալաթիա-Սեբաստիա համայնքի սեփականություն հանդիսացող ոչ բնակելի տարածքների վարձակալական վճարների չափերը հաստատելու մասին» N 5-Ն որոշումը։

Համայնքի ղեկավար՝

Դ. Օհանյան

Հավելված Մալաթիա-Սեբաստիա համայնքի ավագանու 21.01.09 թ. թիվ 5-Ն որոշման

Երևանի Մալաթիա-Սեբաստիա համայնքի սեփականություն հանդիսացող ոչ բնակելի տարածքների վարձավճարների չափերը (Հայաստանի Հանրապետությունում սահմանված նվազագույն աշխատավարձի նկատմամբ կիրառվող գործակիցներով)

Հ/հ	Գործունեության տեսակը	Մեկ քմ վարձա- կալական տարածքի տարեկան վարձավճարի չափը (գործակիցներով)
1.	Բյուջետային հիմնարկներ	1
2.	Համատիրություններ	3
3.	Հասարակական, բարեգործական, կրթական, մշակութային, սպորտային կազմակերպություններ ու միություններ, դրանց գրասենյակներ	2
4.	Քաղաքական կուսակցությունների գրասենյակներ	5
5.	Առևտուր, հասարակական սնունդ	15
6.	Կենցաղսպասարկում	5
7.	Արտադրություն	5
8.	Գրավատներ, տարադրամի փոխանակման կետեր	30
9.	Գործունեության այլ տեսակներ	3
10.	Խորդանոցներ	1

Մալաթիա-Սեբաստիա թաղապետարանի

աշխատակազմի քարտուղար՝

Ս. Հարթենյան