«Գրանցված է»

ՀՀ արդարադատության

նախարարության կողմից

14 հունվարի 2009 թ.

Պետական գրանցման թիվ 60309004

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

24 դեկտեմբերի 2008 թ.  ք. Երևան

թիվ 15-Ն

Ո Ր Ո Շ ՈՒ Մ

«ԳԱՐՆԱՆԱՑԱՆԻ ԸՆԹԱՑՔԻ ՄԱՍԻՆ» ՁԵՎ ԹԻՎ 3-ԳՏՀ ՊԵՏԱԿԱՆ ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10-րդ հոդվածի երրորդ մասի ե) կետով՝ Հայաստանի Հանրապետության վիճակագրության պետական խորհուրդը որոշում է.

Հաստատել «Գարնանացանի ընթացքի մասին» ձև թիվ 3-ԳՏՀ» պետական վիճակագրական ամփոփ հաշվետվության ձևը և լրացման հրահանգը՝ համաձայն հավելվածի։

Նախագահ

Ս. Մնացականյան

 

Հավելված 1   Հաստատված է ՀՀ վիճակագրության պետական խորհրդի 2008 թ. դեկտեմբերի 24-ի թիվ 15-Ն որոշմամբ

Հ Ր Ա Հ Ա Ն Գ

«ԳԱՐՆԱՆԱՑԱՆԻ ԸՆԹԱՑՔԻ ՄԱՍԻՆ» ՁԵՎ ԹԻՎ 3-ԳՏՀ ՊԵՏԱԿԱՆ ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Գարնանացանի ընթացքի մասին» ձև թիվ 3-ԳՏՀ պետական վիճակագրական ամփոփ հաշվետվության (այսուհետ` հաշվետվություն) լրացման կարգը:

2. Հաշվետվությունը լրացվում է գյուղապետարանների և քաղաքապետարանների (թաղապետարանների) կողմից, որոնք այդ մասին նախապես տեղեկացվում են և վիճակագրական մարմիններին է ներկայացվում հաշվետվության ձևի վրա նշված ժամկետներին և պարբերականությամբ:

3. Հաշվետվության ցուցանիշները լրացվում են աճողական կարգով:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ԼՐԱՑՄԱՆ ԿԱՐԳԸ

5. «Ընդամենը գարնանացան, ներառյալ ոչնչացված աշնանացանի վրա կատարված վերացանքը» թիվ 001 տողում լրացվում են հաշվետու ժամանակաշրջանում ցանված գարնանացան մշակաբույսերի ցանքատարածությունները, ներառյալ ոչնչացված աշնանացանի վրա կատարված գարնանացանը (վերացանք): Այն դեպքում, երբ տեղի է ունեցել գարնանացան մշակաբույսերի ոչնչացում և կատարվել է վերացանք, ոչնչացված տարածությունում ցանված նախնական մշակաբույսը հաշվետվությունից հանվում է և տվյալ տարածքը ցույց է տրվում նոր ցանված մշակաբույսերի ցանքատարածությունների կազմում: Գարնանացանի ոչնչացված այն տարածությունները, որոնց վրա վերացանք չի կատարվել, հաշվետվության տվյալներից չեն հանվում:

6. Թիվ 001 տողում ցույց չեն տրվում հետևյալ ցանքերը.

- շարահերկ մշակաբույսերի միջշարքային ցանքերը,

- կանաչ կերերի համար ցանված հացահատիկային մշակաբույսերի ցանքերը,

- բազմամյա խոտերի անցյալ տարիների ցանքերը,

- կանաչ պարարտացման նպատակով ցանված մշակաբույսերի ցանքերը:

7. «Հացահատիկներ և ընդեղեններ, ներառյալ հատիկի համար ցանված վիկան, լյուպինը և սերադելլան» թիվ 002 տողում, լրացվում է գարնանացան ցորենի, տարեկանի, գարու, վարսակի, կորեկի, հաճարի, հատիկի համար, եգիպտացորենի, ոլոռի, լոբու, ոսպի և սիսեռի ցանքատարածությունների հանրագումարը:

8. Թիվ 002 տողում ցույց չեն տրվում կանաչ կերի, խոտի, սիլոսի և անասուններին արածացնելու նպատակով ցանված եգիպտացորենի ցանքատարածությունները: Բացի այդ, նույն տողում չի հաշվառվում նաև կանաչ վիճակում պատիճներով հավաքվող ընդեղենների ցանքատարածությունները, որոնք հաշվի են առնվում «Ընդամենը բանջարեղեն» թիվ 009 տողի հանրագումարում:

9. «Տեխնիկական մշակաբույսեր»՝ թիվ 007 տողում լրացվում են ծխախոտի, կտավատի, խորդենու, չամանի և այլ տեխնիկական մշակաբույսերի ցանքերը:

10. «Կարտոֆիլ»՝ թիվ 008 տողում լրացվում են կարտոֆիլի գարնանային և ամառային բոլոր տնկումները:

11. «Ընդամենը բանջարեղեն»՝ թիվ 009 տողում, ընդհանուր գումարով լրացվում են բոլոր բանջարանոցային մշակաբույսերի ցանքերի, ներառյալ սերմ ստանալու նպատակով կատարված ցանքերի ու տնկումների հանրագումարը:

12. Այն բոլոր բանջարանոցային մշակաբույսերի ցանքերը, որոնք նշված չեն թիվ 010-018 տողերում, լրացվում են «այլ բանջարեղեն»՝ թիվ 019 տողում:

13. «Պարենային բոստան»՝ թիվ 020 տողում լրացվում են ձմերուկի և սեխի ցանքերը:

14. «Կերային մշակաբույսեր»՝ թիվ 021 տողում լրացվում են ընթացիկ տարում ցանված բոլոր տեսակի կերային մշակաբույսերի ցանքերը (կերի արմատապտուղներ, ցանքեր սիլոսի համար, եգիպտացորեն կանաչ կերի և սիլոսի համար, բոլոր տեսակների միամյա խոտերի ցանքերը ներառյալ աշնանը կանաչ կերի համար ցանված հացահատիկային մշակաբույսերի ցանքերը, բազմամյա խոտաբույսերի մաքուր ցանքերը ներառյալ աշնանը կատարված բազմամյա խոտաբույսերի մաքուր ցանքերը և այլն): Այս տողում չեն լրացվում նախորդ տարիներին ցանված բազմամյա մշակաբույսերի ցանքերը:

15. «Ոչնչացել են աշնանացան մշակաբույսեր»՝ թիվ 022 տողում լրացվում են, միայն ամբողջովին ոչնչացած աշնանացանի ցանքերը: Մասամբ ոչնչացած աշնանացանի ցանքերը, եթե նրանց վրա գարնանացան չի կատարվել, այս տողում չեն լրացվում:

16. «Ոչնչացված աշնանացանի տարածության վրա կատարվել է գարնանացան մշակաբույսերի ցանք»՝ թիվ 023 տողով լրացվում են միայն ոչնչացված աշնանացանի տարածքների վրա կատարված գարնանացան մշակաբույսերի ցանքատարածությունները:

ՀՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ ՊԵՏԱԿԱՆ ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅՈՒՆ Ներկայացվում է համաձայն՝ «Պետական վիճակագրության մասին» Հայաստանի Հանրապետության 2000թ. ապրիլի 4-ի ՀՕ-48 օրենքի, օրենքով սահմանված կարգով՝ Հայաստանի Հանրապետության վիճակագրության պետական խորհրդի կողմից հաստատվող «Պետական վիճակագրական աշխատանքների տարեկան ծրագրի», Հայաստանի Հանրապետության վիճակագրության պետական խորհրդի 2003թ. հոկտեմբերի 3-ի «Վիճակագրական տեղեկությունների ներկայացման կարգը հաստատելու մասին» թիվ 11-Ն որոշմամբ հաստատված կարգի, Հայաստանի Հանրապետության վիճակագրության պետական խորհրդի 2002թ. մայիսի 10-ի «Վարչական (տեղեկատվական) ռեգիստրների վարման և դրանցից տեղեկատվության ստացման կարգը հաստատելու մասին» թիվ 109 որոշմամբ հաստատված կարգի Ներկայացվում է Ներկայացնում են Հաշվետվության ներկայացման ժամկետը` ՀՀ Ազգային վիճակագրական ծառայության մարզային գործակալություն կամ  տարածքային բաժանմունք գյուղապետարանները  և քաղաքապետարանները (թաղապետարանները) մինչև  ապրիլի 7-ը, մայիսի 7-ը, հունիսի 7-ը Ով է ներկայացնում ____________________________________ (անվանումը) Գտնվելու վայրը ______________________________________ _____________________________________   I   I   I   I   I   I   I (փոստային դասիչ) Պետական ռեգիստրում գրանցված համարը I I I I I I I I I I I I Նույնականացման (իդենտիֆիկացիոն) ծածկագիրը I I I I I I I I I Հարկ վճարողի հաշվառման համարը I I I I I I I I I Պետական ռեգիստրում գրանցման համարը և նույնականացման (իդենտիֆիկացիոն) ծածկագիրը լրացվում են Հայաստանի Հանրապետության արդարադատության նախարարության իրավաբանական անձանց պետական ռեգիստրի գործակալության կողմից տրված գրանցման վկայականից ՁԵՎ ԹԻՎ 3-ԳՏՀ «Հաստատված է» Հայաստանի Հանրապետության վիճակագրության պետական խորհրդի 24 դեկտեմբերի 2008 թ թիվ   15-Ն որոշմամբ   Չլրացնել             ՏԳՏԴ  I   I   I   I   I   I Պետական վիճակագրության մասին օրենսդրության խախտումը վիճակագրական տեղեկություններ տրամադրողների, ինչպես նաև պետական վիճակագրություն իրականացնող մարմնի պաշտոնատար անձանց համար առաջացնում է պատասխանատվություն՝ օրենքով սահմանված կարգով:

ԳԱՐՆԱՆԱՑԱՆԻ ԸՆԹԱՑՔԻ ՄԱՍԻՆ

Առ 1-ը ______________200__թ.

(աճողական, աշխատանքների սկզբից)

*) 10-19 տողերը լրացվում են վերջին հաշվետվությունում

Ղեկավար	_______________________ (ազգանուն, անուն)	_______________________ (ստորագրություն)
Լրացնող (գլխավոր հաշվապահ կամ այլ լիազորված անձ)	_______________________ (ազգանուն, անուն)	_______________________ (ստորագրություն, պաշտոն)
	_______________________ (հեռախոսահամար(ներ))	«__»  _________200__թ. (լրացման ամսաթիվը)

Էլեկտրոնային փոստ ___________________@__________________