Գլխավոր տեղեկություն
Համար
N 1325-Ն
Տիպ
Որոշում
Ակտի տիպ
Հիմնական ակտ (04.12.2008-մինչ օրս)
Կարգավիճակ
Գործում է
Սկզբնաղբյուր
ՀՀՊՏ 2003.06.04/31(266) Հոդ.1255
Ընդունող մարմին
ՀՀ կառավարություն
Ընդունման ամսաթիվ
06.11.2008
Ստորագրող մարմին
ՀՀ վարչապետ
Ստորագրման ամսաթիվ
20.11.2008
Ուժի մեջ մտնելու ամսաթիվ
04.12.2008

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

6 նոյեմբերի 2008 թվականի N 1325-Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2008 ԹՎԱԿԱՆԻ ՀՈՒՆԻՍԻ 12-Ի N 706-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

 

Գյուղատնտեսության ոլորտին տրամադրվող վարկերի տոկոսադրույքների սուբսիդավորման փորձնական ծրագրի իրականացման արդյունավետությունը բարձրացնելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2008 թվականի հունիսի 12-ի «Գյուղատնտեսական ոլորտին տրամադրվող վարկերի տոկոսադրույքների սուբսիդավորման փորձնական նախագիծը հաստատելու, Հայաստանի Հանրապետության կառավարության 2008 թվականի պետական բյուջեում վերաբաշխում, Հայաստանի Հանրապետության կառավարության 2007 թվականի դեկտեմբերի 20-ի N 1540-Ն որոշման մեջ փոփոխություն կատարելու և Հայաստանի Հանրապետության գյուղատնտեսության նախարարությանը գումար հատկացնելու մասին» N 706-Ն որոշման N 1 հավելվածի 3-րդ բաժնի 7-րդ կետի 4-րդ ենթակետը լրացնել հետևյալ բովանդակությամբ նոր` «ի», «լ» և «խ» պարբերություններով.

«ի. սուբսիդավորման ենթակա տոկոսավճարը չունի նվազագույն շեմ, և սուբսիդավորման ենթակա տոկոսավճարը չպետք է գերազանցի շուկայական միջին տոկոսադրույքը, որը սահմանվում է յուրաքանչյուր ամսական սուբսիդավորման հայտը քննարկելու ժամանակ` ԳՖԿ-ի կողմից` Հայաստանի Հանրապետության կենտրոնական բանկից ստացված տեղեկատվության հիման վրա»,

«լ. սուբսիդավորման ենթակա վարկային պայմանագրերը պետք է պարունակեն բանկի կամ վարկային կազմակերպության պարտավորությունների մասին դրույթներ, որ տվյալ վարկի տոկոսավճարը ենթակա է սուբսիդավորման` Հայաստանի Հանրապետության կառավարության որոշումներով սահմանված կարգով և ժամկետներում»,

«խ. սույն ծրագրի շրջանակներում սուբսիդավորման ենթակա են բանկերի և վարկային կազմակերպությունների սեփական միջոցների հաշվին տրամադրված վարկերը և չեն տարածվում միջպետական համաձայնագրերի շրջանակներում ներգրավված ֆինանսական միջոցների հաշվին (Գյուղատնտեսության զարգացման միջազգային հիմնադրամ, Համաշխարհային բանկ և այլն) տրամադրված վարկերի վրա:»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

 

Հայաստանի Հանրապետության
վարչապետ

 Տ. Սարգսյան

 

2008 թ. նոյեմբերի 20

Երևան

 

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան