ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

25 հունվարի 2013 թվականի N 61-Ա

Հ. ՎԱՐԴԱՊԵՏՅԱՆԻ ԹԱՂՄԱՆ ՄԱՍԻՆ

Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետին համապատասխան`

1. Հայաստանի Հանրապետության գիտությունների ազգային ակադեմիայի ակադեմիկոս Համլետ Վարդապետյանի մահվան կապակցությամբ ստեղծել կառավարական հանձնաժողով՝ համաձայն հավելվածի:

2. Հայաստանի Հանրապետության ֆինանսների նախարարին` 10-օրյա ժամկետում Հայաստանի Հանրապետության կառավարություն ներկայացնել Հ. Վարդապետյանի թաղման հետ կապված ծախսերը փոխհատուցելու վերաբերյալ առաջարկություն` հանձնաժողովի ներկայացրած հաշվետվության հիման վրա:

Հայաստանի Հանրապետության վարչապետ	Տ. Սարգսյան
2013 թ. հունվարի 25 Երևան

Հավելված  ՀՀ վարչապետի 2013 թ.  հունվարի 25-ի N 61-Ա  որոշման

Կ Ա Զ Մ

ՀԱՄԼԵՏ ՎԱՐԴԱՊԵՏՅԱՆԻ ԹԱՂՄԱՆ ԿԱՌԱՎԱՐԱԿԱՆ ՀԱՆՁՆԱԺՈՂՈՎԻ

Ս. Հարությունյան	- ՀՀ կրթության և գիտության նախարարության գիտության պետական կոմիտեի նախագահ (հանձնաժողովի նախագահ)
Ռ. Մարտիրոսյան	- ՀՀ գիտությունների ազգային ակադեմիայի նախագահ (համաձայնությամբ)
Յու. Չիլինգարյան	- ՀՀ գիտությունների ազգային ակադեմիայի ֆիզիկայի և աստղաֆիզիկայի բաժանմունքի ակադեմիկոս-քարտուղար (համաձայնությամբ)
Պ. Սաֆարյան	- ՀՀ ֆինանսների նախարարի առաջին տեղակալ
Հ. Դարբինյան	- ՀՀ առողջապահության նախարարի առաջին տեղակալ
Ա. Ավետիսյան	- ՀՀ տրանսպորտի և կապի նախարարի տեղակալ
Վ. Վարդանյան	- Երևանի քաղաքապետի տեղակալ (համաձայնությամբ)
Ն. Երիցյան	- ՀՀ կենտրոնական բանկի նախագահի առաջին տեղակալ, «Ա.Ի. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ)» հիմնադրամի հոգաբարձուների խորհրդի նախագահ (համաձայնությամբ)
Ս. Աֆյան	- ՀՀ կառավարությանն առընթեր ՀՀ ոստիկանության պետի տեղակալ
Գ. Մանասյան	- «Հայաստանի պետական ֆիլհարմոնիա» ՊՈԱԿ-ի տնօրեն (համաձայնությամբ)
Ա. Չիլինգարյան	- «Ա.Ի. Ալիխանյանի անվան ազգային գիտական լաբորատորիա (Երևանի ֆիզիկայի ինստիտուտ)» հիմնադրամի գործադիր տնօրեն (համաձայնությամբ)
Ա. Վարդապետյան	- Հ. Վարդապետյանի որդին (համաձայնությամբ)

Հայաստանի Հանրապետության կառավարության աշխատակազմի ղեկավար

Դ. Սարգսյան