Ա Ր Ձ Ա Ն Ա Գ Ր Ո Ւ Թ Յ Ո Ւ Ն
2009 թվականի նոյեմբերի 20-ի` Անկախ Պետությունների Համագործակցությունում ապրանքների ծագման երկրի որոշման կանոնների մասին համաձայնագրում փոփոխություններ կատարելու մասին
2009 թվականի նոյեմբերի 20-ի` Անկախ Պետությունների Համագործակցությունում ապրանքների ծագման երկրի որոշման կանոնների մասին համաձայնագրի մասնակից պետությունների կառավարությունները (այսուհետ` Կողմեր) համաձայնեցին ներքոնշյալի մասին.
Հոդված 1
Պայմանների, արտադրական և տեխնոլոգիական գործողությունների, որոնց կատարման դեպքում ապրանքը համարվում է ծագած այն երկրից, որտեղ դրանք տեղի են ունեցել, ցանկում (Ապրանքների ծագման երկրի որոշման կանոնների 1-ին հավելված, որը հանդիսանում է Անկախ Պետությունների Համագործակցությունում ապրանքների ծագման երկրի որոշման կանոնների մասին 2009 թվականի նոյեմբերի 20-ի համաձայնագրի բաղկացուցիչ մասը) ներառել հետևյալ փոփոխությունները.
1. ԱՏԳ ԱԱ «1501 00-ից» ծածկագրով տողը շարադրել հետևյալ խմբագրությամբ.
|
1501-ից |
Ոսկրային յուղ կամ յուղ` մնացորդներից ստացված |
Պատրաստում ցանկացած ապրանքային դիրքի նյութերից՝ բացի 0203, 0206 կամ 0207 կամ 0506 դիրքերի նյութերից, պատրաստում 0203 կամ 0206 դիրքերի խոզի մսից կամ մսամթերքից կամ 0207 դիրքի թռչնի մսից կամ մսամթերքից |
2. ԱՏԳ ԱԱ «1502 00-ից» ծածկագրով տողը շարադրել հետևյալ խմբագրությամբ.
|
1502-ից |
Ոսկրային յուղ կամ յուղ` մնացորդներից ստացված |
Պատրաստում ցանկացած ապրանքային դիրքի նյութերից` բացի 0201, 0202, 0204 կամ 0206 կամ 0506 դիրքերի նյութերից |
3. ԱՏԳ ԱԱ «2403 10» ծածկագրով տողը շարադրել հետևյալ խմբագրությամբ.
|
2403 11 000, 2403 19 |
Ծխախոտ՝ ցանկացած տեսակարար կշռով ծխախոտի փոխարինիչներ պարունակող կամ չպարունակող |
Պատրաստում ցանկացած ապրանքային դիրքի նյութերից: Սակայն 2403 ապրանքային դիրքից օգտագործվող նյութերի արժեքը չպետք է գերազանցի վերջնական արտադրանքի գնի 50%-ը |
4. ԱՏԳ ԱԱ «2932 99 700» ծածկագրով տողը շարադրել հետևյալ խմբագրությամբ.
|
2932 99 000-ից |
Այլ պարբերական ացետալներ և ներքին կիսաացետալներ, որոնք պարունակում են կամ չեն պարունակում թթվածին պարունակող ֆունկցիոնալ այլ խումբ և իրենց հալոգենացված, սուլֆացված, նիտրացված և նիտրոնացված ածանցյալներ |
Պատրաստում ցանկացած դիրքի նյութից, այդ թվում՝ 2932 դիրքի այլ նյութերից |
5. ԱՏԳ ԱԱ «2932 99 850» ծածկագրով տողը շարադրել հետևյալ խմբագրությամբ.
|
2932 99 000-ից |
Ներքին պարզ եթերներ |
Պատրաստում ցանկացած դիրքի նյութերից: Սակայն 2909 դիրքից օգտագործվող նյութերի արժեքը չպետք է գերազանցի վերջնական արտադրանքի գնի 50 %-ը |
6. ԱՏԳ ԱԱ «3920 10 270» ծածկագրով տողը շարադրել հետևյալ խմբագրությամբ.
|
3920 10 250-ից |
Թաղանթ, շերտեր կամ Ժապավեն` 0,125 մմ-ից ոչ ավելի հաստությամբ` 0,94-ից պակաս տեսակարար կշռով պոլիէթիլենից` տպագրված նկարով կամ տեքստով` գլանափաթեթներով |
Պատրաստում ցանկացած դիրքի նյութերից: Սակայն նույն ապրանքային դիրքի օգտագործվող նյութերի արժեքը, ինչպես և պատրաստի արտադրանքը չպետք է գերազանցեն վերջնական արտադրանքի գնի 50 %-ը |
7. ԱՏԳ ԱԱ «4017 00» ծածկագրով տողը շարադրել հետևյալ խմբագրությամբ.
|
4017 00 000 |
Կոշտ ռետին (օրինակ` էբոնիտ) բոլոր ձևերով, ներառած թափոնները և մնացորդները, կոշտ ռետինից պատրաստված արտադրատեսակներ |
Պատրաստում կոշտ ռետինից |
8. ԱՏԳ ԱԱ «6803 00» ծածկագրով տողը շարադրել հետևյալ խմբագրությամբ.
|
6803 00 000-ից |
Արտադրանք բնական կամ եռակալված թերթաքարից |
Պատրաստում մշակված թերթաքարից |
9. ԱՏԳ ԱԱ «8608 00» ծածկագրով տողը շարադրել հետևյալ խմբագրությամբ.
|
8608 00 000 |
Ճանապարհային սարքավորումներ և հարմարանքներ երկաթուղային և շարժակառքերի գծերի համար` մեխանիկական (ներառյալ էլեկտրամեխանիկական) ազդանշանային սարքավորումներ և հարմարանքներ` անվտանգությունը ապահովող կամ շարժումը կառավարող երկաթուղային ճանապարհներին, շարժակառքի ուղիներին, ավտոմոբիլային ճանապարհներին, ներքին ջրային ուղիներին, կայանելու շինություններում, նավահանգիստներում և օդանավակայաններում, վերոնշյալ սարքավորումների և մեքենաների մասեր |
Պատրաստում, որի ժամանակ օգտագործված բոլոր նյութերի արժեքը չպետք է գերազանցի վերջնական արտադրանքի գնի 50 %-ը: Վերը նշված սահմաններում նույն դիրքում դասակարգված նյութերը, ինչպես և արտադրանքը կարող են օգտագործվել միայն ապրանքի վերջնական գնի 5%-ի հանրագումարի չափով |
Հոդված 2
Սույն Արձանագրությունը ժամանակավորապես կիրառվում է ստորագրման պահից 60 օր հետո և ուժի մեջ է մտնում այն ստորագրած Կողմերի` ուժի մեջ մտնելու համար անհրաժեշտ ներպետական ընթացակարգերի կատարման մասին երրորդ ծանուցումը ավանդապահի ստանալու օրվանից 30 օր անց:
Ներպետական ընթացակարգերն ավելի ուշ կատարած Կողմերի համար սույն Արձանագրությունն ուժի մեջ է մտնում համապատասխան փաստաթղթերը ավանդապահի ստանալու օրվանից 30 օր անց:
Կատարված է Յալթա քաղաքում 2012թ. սեպտեմբերի 28-ին, մեկ բնօրինակով, ռուսերեն: Բնօրինակը պահվում է Անկախ Պետությունների Համագործակցության գործադիր կոմիտեում, որը սույն Արձանագրությունն ստորագրած յուրաքանչյուր պետության կուղարկի դրա հաստատված պատճենը:
Արձանագրությունը Հայաստանի Հանրապետության համար ուժի մեջ է մտել 2013 թ. մայիսի 1-ին։
ՎԵՐԱՊԱՀՈՒՄ
Ադրբեջանի Հանրապետության
2012 թվականի սեպտեմբերի 28-ի` Անկախ Պետությունների Համագործակցությունում ապրանքների ծագման երկրի որոշման կանոնների մասին 2009 թվականի նոյեմբերի 20-ի համաձայնագրում փոփոխություններ կատարելու մասին արձանագրությանը կից
Բացառությամբ Արձանագրության 2-րդ հոդվածի՝ «ժամանակավորապես կիրառվում է ստորագրման պահից 60 օր անց և» արտահայտության:
|
Ադրբեջանի Հանրապետության վարչապետի առաջին տեղակալ |
Յա. Էյուբով |
ՎԵՐԱՊԱՀՈՒՄ
Հայաստանի Հանրապետության
2009 թվականի նոյեմբերի 20-ի` Անկախ Պետությունների Համագործակցությունում ապրանքների ծագման երկրի որոշման կանոնների մասին համաձայնագրում փոփոխություններ կատարելու մասին արձանագրությանը կից
Հայաստանի Հանրապետությունը ժամանակավորապես չի կիրառի 2009 թ. նոյեմբերի 20-ի՝ Անկախ Պետությունների Համագործակցությունում ապրանքների ծագման երկրի որոշման կանոնների մասին համաձայնագրում փոփոխություններ կատարելու մասին Արձանագրությունը մինչև սույն Արձանագրության 2-րդ հոդվածով նախատեսված կարգով Հայաստանի Հանրապետության համար դրա ուժի մեջ մտնելը:
|
Հայաստանի Հանրապետության վարչապետ |
Տ. Սարգսյան |
ՎԵՐԱՊԱՀՈՒՄ
Ուկրաինայի
2009 թվականի նոյեմբերի 20-ի` Անկախ Պետությունների Համագործակցությունում ապրանքների ծագման երկրի որոշման կանոնների մասին համաձայնագրում փոփոխություններ կատարելու մասին արձանագրությանը կից
Բացառությամբ Արձանագրության ստորագրման օրվանից ժամանակավորապես կիրառման մասին 2-րդ հոդվածի:
Ուկրաինան իրեն իրավունք է վերապահում 2009 թ. նոյեմբերի 20-ի` Անկախ Պետությունների Համագործակցությունում ապրանքների ծագման երկրի որոշման կանոնների մասին համաձայնագրի նպատակների համար առաջնորդվել Ուկրաինայի ապրանքային ներպատական գործունեության անվանացանկով:
|
Ուկրաինայի վարչապետ |
Ն. Ազարով |