ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

21 դեկտեմբերի 2012 թվականի N 1264-Ա

Ս. ԽԱՉԱՏՐՅԱՆԻՆ ԹԱՎՐԻԶ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության Սյունիքի մարզպետ Ս. Խաչատրյանին 2012 թվականի դեկտեմբերի 23-24-ը գործուղել Թավրիզ (Իրանի Իսլամական Հանրապետություն)՝ Հայ-իրանական միջկառավարական համագործակցության շրջանակներում Հայաստանի Հանրապետության Սյունիքի մարզի և Իրանի Իսլամական Հանրապետության Արևելյան Ատրպատականի նահանգի միջև ստորագրված փոխըմբռնման հուշագրում ամրագրված միջոցառումների իրականացման համար:

2. Ընդունել ի գիտություն, որ Ս. Խաչատրյանի` Թավրիզ գործուղման հետ կապված ծախսերը կատարվելու են հրավիրվող կողմի հաշվին։

3. Հայաստանի Հանրապետության Սյունիքի մարզպետին՝ գործուղումից վերադառնալուց հետո եռօրյա ժամկետում Հայաստանի Հանրապետության վարչապետին ներկայացնել Թավրիզ գործուղման արդյունքների մասին հաշվետվություն։

Հայաստանի Հանրապետության վարչապետ	Տ. Սարգսյան
2012 թ. դեկտեմբերի 21 Երևան