Գլխավոր տեղեկություն
Տիպ
Արձանագրություն
Ակտի տիպ
Հիմնական ակտ (26.02.2008-մինչ օրս)
Կարգավիճակ
Գործում է
Սկզբնաղբյուր
ՀՀԵԻԱՏ 2012.04.12/5(36)
Ընդունող մարմին
Հայաստանի Հանրապետություն
Ընդունման ամսաթիվ
15.10.2007
Ստորագրման ամսաթիվ
15.10.2007
Ուժի մեջ մտնելու ամսաթիվ
26.02.2008

Ա Ր Ձ Ա Ն Ա Գ Ր Ո Ւ Թ Յ Ո Ւ Ն

 

Հայաստանի Հանրապետության կառավարությանն առընթեր մաքսային պետական կոմիտեի և Վրաստանի ֆինանսների նախարարության միջև մաքսային վիճակագրության տեղեկատվության փոխանակման հարցերում փոխգործակցության կարգի մասին

 

Հայաստանի Հանրապետության կառավարությանն առընթեր մաքսային պետական կոմիտեն և Վրաստանի Ֆինանսների նախարարությունը (այսուհետ` Կողմեր),

ընդունելով ապրանքների ներմուծման և արտահանման ժամանակ մաքսատուրքերի, մաքսային գանձումների, հարկերի և այլ վճարումների ճշգրիտ գանձման, ինչպես նաև ապրանքների տեղափոխման, նշանակման երկիր ապրանքների առաքման, հայտարարագրված մաքսային արժեքի, ծագման երկրի վերաբերյալ տեղեկությունների, ինչպես նաև ապրանքների իրենց անվանմամբ հայտարարագրման նկատմամբ հսկողությանը վերաբերող` Կողմերի պետությունների նորմատիվ ակտերի դրույթների հստակ պահպանման կարևորությունը,

նկատի ունենալով, որ փոխադարձ առևտրի մաքսային վիճակագրության տվյալների պարբերական փոխանակումը, այդ տվյալների համադրումը և դրանցում անհամապատասխանությունների պատճառների բացահայտումը կնպաստի ոչ միայն Կողմերի պետությունների փոխադարձ առևտրի մաքսային վիճակագրության ճշգրտության բարձրացմանը, այլ նաև Կողմերի պետությունների մաքսային օրենսդրությունների խախտումների չթույլատրմանը, բացահայտմանը և վերացմանը,

պայմանավորվեցին ներքոշարադրյալի մասին`

 

Հոդված 1

 

Կողմերը եռամսյակը մեկ անգամ, ինչպես նաև տարվա արդյունքների կտրվածքով, իրականացնում են փոխադարձ առևտրի մաքսային վիճակագրության տվյալների փոխանակում:

 

Հոդված 2

 

Սույն Արձանագրության 1-ին Հոդվածում նշված տվյալների հիման վրա յուրաքանչյուր Կողմ անցկացնում է համեմատական վերլուծություն և դրա արդյունքում սահմանում այն ապրանքային դիրքերը, որոնցում կան մաքսային վիճակագրության տվյալների անհամապատասխանություններ և որոնց շուրջ անհրաժեշտ է իրականացնել ավելի մանրամասն վերլուծություն` այդպիսի անհամապատասխանությունների պատճառները բացահայտելու նպատակով:

 

Հոդված 3

 

1. Կողմերը ռուսերեն լեզվով գրավոր փոխանակում են համեմատական վերլուծության արդյունքները և առանձին նշում այն ապրանքային դիրքերը, որոնց վերաբերյալ պահանջվում է ավելի մանրամասն տեղեկատվություն` արտաքին առևտրի մաքսային վիճակագրության տվյալներում անհամապատասխանությունների պատճառների բացահայտման նպատակով: Այդպիսի տեղեկատվությունը տրամադրվում է Կողմերի կողմից սույն Արձանագրության անբաժանելի մասը հանդիսացող Հավելված 1 համապատասխան (այսուհետ` տեղեկատվություն) և փոխանցվում մյուս Կողմին` Կողմերի կողմից յուրաքանչյուր առանձին դեպքում նախօրոք համաձայնեցված ճանապարհով:

 

2. Անհրաժեշտության դեպքում հարցման ի պատասխան կարող է տրամադրվել լրացուցիչ տեղեկատվություն:

 

Հոդված 4

 

Սույն Արձանագրության դրույթների իրագործման նպատակով` ամբողջ տեղեկատվությունը, հարցումները և այլ փաստաթղթերը տրամադրվում են Կողմերի պետությունների ներքին օրենսդրություններին համապատասխան:

 

Հոդված 5

 

1. Կողմերը պարտավորվում են սույն Արձանագրության 3-րդ Հոդվածում նշված տեղեկատվությունն օգտագործել բացառապես մաքսային նպատակներով: Դրանք կարող են փոխանցվել կամ օգտագործվել այլ նպատակներով միայն այդ տեղեկատվությունը տրամադրած Կողմի գրավոր համաձայնությամբ:

 

2. Տեղեկատվությունն ստացող Կողմն ապահովում է դրա գաղտնիությունը այն կարգով, որը գոյություն ունի տվյալ Կողմի պետությունում նման բնույթի և բովանդակության տեղեկատվության գաղտնիության պահպանման համար` իր պետության ներքին օրենսդրությանը համապատասխան:

 

Հոդված 6

 

1. Սույն Արձանագրության դրույթների իրագործմանը վերաբերող հարցերի քննարկման նպատակով Կողմերի ներկայացուցիչները կհանդիպեն ըստ անհրաժեշտության, սակայն ոչ պակաս, քան տարին մեկ անգամ:

 

2. Սույն Արձանագրության դրույթների իրագործման, անմիջական շփումների հաստատման և պահպանման նպատակով` Կողմերը փոխանակվում են անմիջական շփումներ իրականացնելու համար լիազորություններ ունեցող պաշտոնատար անձանց ցուցակներով (Հավելված 2):

 

3. Կողմերն անհապաղ կծանուցեն միմյանց նշված ցուցակներում փոփոխությունների վերաբերյալ:

 

4. Սույն Արձանագրության Հավելվածները համարվում են դրա անբաժանելի մասեր:

 

Հոդված 7

 

Կողմերի միջև տարաձայնությունները, որոնք կարող են ծագել սույն Արձանագրության դրույթների իրագործման կամ մեկնաբանման ընթացքում, կկարգավորվեն խորհրդատվությունների և բանակցությունների միջոցով:

 

Հոդված 8

 

1. Կողմերի փոխադարձ համաձայնությամբ սույն Արձանագրությունում կարող են կատարվել փոփոխություններ և լրացումներ, որոնք կձևակերպվեն դրա անբաժանելի մաս հանդիսացող առանձին արձանագրություններով և ուժի մեջ կմտնեն սույն Արձանագրության 9-րդ հոդվածով սահմանված կարգով:

 

2. Սույն Արձանագրության հավելվածներում փոփոխությունները և լրացումները կատարվում են դիվանագիտական ուղիներով փոխանցվող հայտագրերի միջոցով և ուժի մեջ են մտնում վերջին հայտագրի ստացման օրվանից:

 

Հոդված 9

 

1. Սույն Արձանագրությունն ուժի մեջ է մտնում Կողմերի պետությունների օրենսդրությամբ դրա ուժի մեջ մտնելու համար նախատեսված ներպետական ընթացակարգերի կատարման մասին դիվանագիտական ուղիներով վերջին ծանուցման ստացման օրվանից: Սույն Արձանագրությունը կնքվում է անորոշ ժամկետով:

 

2. Յուրաքանչյուր Կողմ կարող է դադարեցնել սույն Արձանագրության գործողությունը` իր մտադրության մասին գրավոր ծանուցելով մյուս Կողմին: Այդ դեպքում Արձանագրության գործողությունը դադարեցվում է այդպիսի հաղորդագրություն ստանալու օրվանից 6 (վեց) ամիս հետո:

 

Կատարվել է Երևան քաղաքում 2007 թվականի հոկտեմբերի 15-ին երկու բնօրինակով` յուրաքանչյուրը հայերեն, վրացերեն և ռուսերեն լեզուներով, ընդ որում բոլոր տեքստերը հավասարազոր են:

Սույն Արձանագրության դրույթների մեկնաբանման ընթացքում տարաձայնություններ առաջանալու դեպքում, նախապատվությունը կտրվի ռուսերեն լեզվով տեքստին:

 

Արձանագրությունը ուժի մեջ է մտել 2008 թ. փետրվարի 26-ին: 

 

 

 

Հ ա վ ե լ վ ա ծ  1

 

Հայաստանի Հանրապետության կառավարությանն առընթեր մաքսային պետական կոմիտեի և Վրաստանի ֆինանսների նախարարության միջև մաքսային վիճակագրության տեղեկատվության փոխանակման հարցերում փոխգործակցության կարգի մասին Արձանագրության

 

Ներմուծում/Արտահանում

Դաշտի անվանումը

Բովանդակություն

Ծանոթություն

PR __KEY

Եզակի բանալի

Մաքսային հայտարարագրի համարը և մաքսային հայտարարագրում ապրանքի համարը:

G1

Տեղափոխման ուղղությունը (IM/EX)

IM- ներմուծում

EX- արտահանում

G8

Ապրանք ստացողը

 

G8_Adres

Ստացողի հասցեն

 

G2

Ապրանք առաքողը

 

G2_Adres

Առաքողի հասցեն

 

G15*

Առաքման երկրի ծածկագիրը

 
G17**

Նշանակման երկրի ծածկագիրը

 

G11

Առևտուր իրականացնող երկրի ծածկագիրը

 

G25

Սահմանի վրա տրանսպորտի տեսակի ծածկագիրը

 

G34

Ապրանքի ծագման երկրի ծածկագիրը

 

G33

Ապրանքի ծածկագիրը

Ապրանքի ամբողջական ծածկագիրը

G37_ 1

Հիմնական մաքսային ռեժիմի ծածկագիրը

 

G37_ 2

Նախորդ մաքսային ռեժիմի ծածկագիրը

 

G31

Ապրանքի ամբողջական առևտրային անվանումը` նշված մաքսային հայտարարագրում

 

G35

Ապրանքի բրուտտո քաշը, կգ

 

G38

Ապրանքի նետտո քաշը, կգ

 

G41

Ապրանքի քանակը ըստ լրացուցիչ չափման միավորի

 

G41A

Լրացուցիչ չափման միավորի ծածկագիրը

 

G46

Վիճակագրական արժեքը ԱՄՆ դոլարով

 

GD1

Մաքսային հայտարարագրի ձևակերպման ամսաթիվը

 

* Տվյալները նշվում են, եթե ապրանքի ծագման, առաքման կամ առևտուր իրականացնող երկիրը Հայաստանի Հանրապետությունն է (Վրաստանը): Եթե ապրանքի առաքման երկիրը Հայաստանի Հանրապետությունը (Վրաստանը) չէ, տվյալները ներառվում են առանց առաքողին և նրա հասցեն նշելու:

 

** Տվյալները նշվում են, եթե ապրանքի նշանակման երկիրը Հայաստանի Հանրապետությունն է (Վրաստանը): Եթե ապրանքի նշանակման երկիրը Հայաստանի Հանրապետությունը (Վրաստանը) չէ, բայց առևտուր իրականացնող երկիրը Հայաստանի Հանրապետությունն է (Վրաստանը), տվյալները ներառվում են առանց առաքողին և նրա հասցեն նշելու:

 

 

 

Հ ա վ ե լ վ ա ծ  2

 

Հայաստանի Հանրապետության կառավարությանն առընթեր մաքսային պետական կոմիտեի և Վրաստանի ֆինանսների նախարարության միջև մաքսային վիճակագրության տեղեկատվության փոխանակման հարցերում փոխգործակցության կարգի մասին Արձանագրության

 

 

Ցուցակ

Հայաստանի Հանրապետության կառավարությանն առընթեր մաքսային պետական կոմիտեի և Վրաստանի ֆինանսների նախարարության` անմիջական շփումներ իրականացնելու համար լիազորված անձանց

Հայաստանի Հանրապետության կառավարությանն առընթեր մաքսային պետական կոմիտե

 

Վրաստանի ֆինանսների նախարարություն

Կազմակերպչական մեթոդոլոգիական հարցեր

     

Տեխնիկական հարցեր

     

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան