ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 հուլիսի 2008 թվականի N 864-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2008 ԹՎԱԿԱՆԻ ԱՊՐԻԼԻ 4-Ի N 308-Ա ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ԵՎ ԳՈՒՅՔԻ ՕՏԱՐՄԱՆ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածով և Հայաստանի Հանրապետության կառավարության 2008 թվականի ապրիլի 4-ի N 308-Ա որոշման պահանջների կատարումն ապահովելու նպատակով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2008 թվականի ապրիլի 4-ի «Բաժնետոմսերի հետգնման մասին» N 308-Ա որոշման 1-ին կետի 1-ին ենթակետի «բ» պարբերությունը «գույքի ձեռքբերումից ծագող ավելացված արժեքի հարկի» և «համարել ավելացված արժեքի հարկի» բառերից հետո լրացնել «և հողամասերի կադաստրային արժեքի» բառերով:

2. Հայաստանի Հանրապետության կառավարության 2008 թվականի ապրիլի 4-ի «Բաժնետոմսերի հետգնման մասին» N 308-Ա որոշման պահանջներին համապատասխան հետ գնվող «Հայսեյսմշին և ԿՊ ԳՀԻ» բաց բաժնետիրական ընկերության բաժնետոմսերի գնի վճարման դիմաց տրամադրվող գույքի ձեռքբերումից ծագող ավելացված արժեքի հարկի և հողամասերի կադաստրային արժեքի գումարի վճարման պարտավորությունից «Հայսեյսմշին և ԿՊ ԳՀԻ» բաց բաժնետիրական ընկերության բաժնետերերին ազատելու մասին բաժնետերերի պահանջի դեպքում համապատասխան ավելացված արժեքի հարկի և կադաստրային արժեքի գումարը վճարելու նպատակով` թույլատրել ընկերությանն օտարել ընկերությանը սեփականության իրավունքով պատկանող 5726 քառ. մետր մակերեսով շենք-շինությունը (այսուհետ` գույք) նախօրոք հայտնի գնորդ «Ջերմուկ ինտերնեյշնլ» սահմանափակ պատասխանատվությամբ ընկերությանը` համաձայն NN 1, 2, 3, 4 և 5 հավելվածների, արտադրական նպատակներով օգտագործելու համար:

1) Սահմանել`

ա. Հայաստանի Հանրապետության կառավարության 1998 թվականի մարտի 27-ի N 209 որոշմամբ սահմանված կարգով 2008 թվականի հուլիսի 2-ին գնահատված գույքի արժեքը` 135.282.4 հազ. դրամ,

բ. գույքի վաճառքի գինը` 135.282.4 հազ. դրամ` ներառյալ ավելացված արժեքի հարկը,

գ. որ գնորդին է օտարվում նաև գույքի զբաղեցրած և օգտագործման ու սպասարկման համար անհրաժեշտ 3,5 հեկտար հողատարածքը` 574,350.0 հազ. դրամ շուկայական արժեքով` համաձայն N 6 հավելվածի:

2) Վճարումները կատարել երեք ամսվա ընթացքում:

3) Հայաստանի Հանրապետության քաղաքաշինության նախարարին` որպես «Հայսեյսմշին և ԿՊ ԳՀԻ» բաց բաժնետիրական ընկերության պետական բաժնեմասի կառավարման մարմին`

ա. գնորդի կողմից վաճառքի գնի և հողամասի կադաստրային արժեքի վճարումից հետո մեկամսյա ժամկետում ապահովել գնորդի հետ առուվաճառքի պայմանագրի կնքումը` դրանում նախատեսելով, որ գնորդը պարտավորվում է իր միջոցների հաշվին վճարել գույքի արժեքի որոշման հետ կապված վճարը` ներառյալ ավելացված արժեքի հարկը, ինչպես նաև գույքային իրավունքների պետական գրանցման հետ կապված վճարներն ու տուրքերը` օրենքով սահմանված կարգով,

բ. վաճառքի արդյունքում տնտեսված միջոցներն օգտագործել ընկերությունը վերազինելու, արդիականացնելու և ժամանակակից պահանջները բավարարող ծառայություններ մատուցելու նպատակով:

3. Ընդունել ի գիտություն, որ Հայաստանի Հանրապետության կառավարության 2008 թվականի ապրիլի 4-ի «Բաժնետոմսերի հետգնման մասին» N 308-Ա որոշման պահանջներին համապատասխան «Հայսեյսմշին և ԿՊ ԳՀԻ» բաց բաժնետիրական ընկերության բաժնետերերին տրամադրման ենթակա գույքի չափը որոշելիս հիմք է ընդունվում Հայաստանի Հանրապետության կառավարության 2008 թվականի ապրիլի 4-ի «Բաժնետոմսերի հետգնման մասին» N 308-Ա որոշման ընդունման պահին առկա «Հայսեյսմշին և ԿՊ ԳՀԻ» բաց բաժնետիրական ընկերության զուտ ակտիվները:

Հայաստանի Հանրապետության վարչապետ	Տ. Սարգսյան
2008 թ. օգոստոսի 12 Երևան

Հավելված N 1 ՀՀ կառավարության 2008 թվականի հուլիսի 31-ի N 864-Ա որոշման

Շինության համարը Շինության անվանումը 1 վարչական շենք 2 լաբ. N1 3 լաբ. N 2 4 փորձ լաբ. N1 5 փորձ լաբ. N2 6 ավտոտնակ 7 քարի արտադրամաս 8 ավտոտնակ 9 էլ. ենթակայան 10 մեխ. արտադրամաս 11 պահեստ 12 նավես 13 տարածք 14 պոլիգոն 15 տարածք 16 ավտոտնակ 17 տարածք 18 էլ.ենթակայան 19 կաթսայատուն 20 կաթսայատուն

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 2 ՀՀ կառավարության 2008 թվականի հուլիսի 31-ի N 864-Ա որոշման

քաղ. Երևան, Արաբկիր համայնք, Ա. Ավետիսյան փող., 1-ին շենք, N 42

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 3 ՀՀ կառավարության 2008 թվականի հուլիսի 31-ի N 864-Ա որոշման

քաղ. Երևան, Նոր Նորք համայնք, Մոլդովական փող., 2, 5/4

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 4 ՀՀ կառավարության 2008 թվականի հուլիսի 31-ի N 864-Ա որոշման

քաղ. Երևան, Կենտրոն համայնք, Աղայան փող., 7-րդ շենք, N 97

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 5 ՀՀ կառավարության 2008 թվականի հուլիսի 31-ի N 864-Ա որոշման

քաղ. Երևան, Կենտրոն համայնք, Լեոյի փող., 9 շենք, N 35

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 6 ՀՀ կառավարության 2008 թվականի հուլիսի 31-ի N 864-Ա որոշման

Շինության համարը Շինության անվանումը 1 վարչական շենք 2 լաբ. N1 3 լաբ. N 2 4 փորձ լաբ. N1 5 փորձ լաբ. N2 6 ավտոտնակ 7 քարի արտադրամաս 8 ավտոտնակ 9 էլ. ենթակայան 10 մեխ. արտադրամաս 11 պահեստ 12 նավես 13 տարածք 14 պոլիգոն 15 տարածք 16 ավտոտնակ 17 տարածք 18 էլ.ենթակայան 19 կաթսայատուն 20 կաթսայատուն

Հայաստանի Հանրապետության կառավարության աշխատակազմի ղեկավար

Դ. Սարգսյան