ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
29 մայիսի 2008 թվականի N 520-Ա
«ՄԹՆՈԼՈՐՏԱՅԻՆ ԵՐԵՎՈՒՅԹՆԵՐԻ ՎՐԱ ԱԿՏԻՎ ՆԵՐԳՈՐԾՈՒԹՅԱՆ ԾԱՌԱՅՈՒԹՅՈՒՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆՆ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ԳՈՒՅՔ ՀԱՆՁՆԵԼՈՒ ՄԱՍԻՆ
Համաձայն «Պետական ոչ առևտրային կազմակերպությունների մասին» Հայաստանի Հանրապետության օրենքի 4-րդ հոդվածի` Հայաստանի Հանրապետության կառավարությունը որոշում է.
1. «Մթնոլորտային երևույթների վրա ակտիվ ներգործության ծառայություն» պետական ոչ առևտրային կազմակերպությանն անհատույց օգտագործման իրավունքով հանձնել`
1) Հայաստանի Հանրապետության տարածքային կառավարման նախարարության «Հայաստանի փրկարար ծառայության աշխատակազմ» պետական կառավարչական հիմնարկի հաշվեկշռին հանձնված` 2005 թվականից շահագործվող, 295.217.700,0 դրամ ընդհանուր արժեքով` Հայաստանի Հանրապետության Արագածոտնի մարզում տեղակայված 15 հակակարկտային համակարգերը (կանյոնները), ինչպես նաև 180 գլանանոթները.
2) Հայաստանի Հանրապետության գյուղատնտեսության նախարարության և Հայաստանի Հանրապետության գյուղի և գյուղատնտեսության աջակցության հիմնադրամի միջև 2007 թվականի հունվարի 22-ին կնքված հանձնարարության պայմանագրի շրջանակներում Հայաստանի Հանրապետության Արմավիրի մարզում 2007 թվականին կառուցված ու գործարկված` 186.743.095 դրամ ընդհանուր արժեքով 15 հակակարկտային համակարգերը (կանյոնները):
2. Հայաստանի Հանրապետության արտակարգ իրավիճակների նախարարին և Հայաստանի Հանրապետության գյուղատնտեսության նախարարին` մեկամսյա ժամկետում` Հայաստանի Հանրապետության օրենսդրությամբ սահմանված կարգով ապահովել սույն որոշման 1-ին կետում նշված հակակարկտային համակարգերի (կանյոնների) հանձնման-ընդունման աշխատանքների կատարումը:
|
Հայաստանի Հանրապետության |
Տ. Սարգսյան |
|
|