ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 մարտի 1992 թվականի N 138

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՎԱՐՉՈՒԹՅԱՆ ՄԵՂՐՈՒ ՄԱՔՍԱՅԻՆ ԿԵՏ ՍՏԵՂԾԵԼՈՒ ՄԱՍԻՆ

Հայաստանի Հանրապետության կառավարությունը որոշում է`

1. Ստեղծել Հայաստանի Հանրապետության մաքսային վարչության Մեղրու մաքսային կետ. Իրանի Իսլամական Հանրապետության հետ Հայաստանի Հանրապետության պետական սահմանի անցակետում:

2. Հայաստանի Հանրապետության մաքսային վարչության Մեղրու մաքսային կետի պահպանման ծախսերը կատարել հանրապետության բյուջեի միջոցների հաշվին:

3. (կետն ուժը կորցրել է 11.01.00 N 4)  

4. Հայաստանի Հանրապետության մաքսային վարչությանը` մինչև 1992 թվականի մարտի 6-ը պատգամավորների Մեղրու շրջխորհրդի գործկոմի, հանրապետության համապատասխան նախարարությունների, պետական վարչությունների և գերատեսչությունների հետ համատեղ որոշել Մեղրու շրջանում Հայաստանի Հանրապետության պետական սահմանի անցակետի տարածքն ու մաքսային վերահսկողության գոտին և ապահովել Հայաստանի Հանրապետության մաքսային վարչության Մեղրու մաքսային կետի գործունեությունը:

ՀԱՅԱՍՏԱՆի հանրապետության փոխնախագահ, վարչապետ

Գ. ՀԱՐՈՒԹՅՈՒՆՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՔՈԹԱՆՅԱՆ