ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 մարտի 2008 թվականի N 355-Ա

«ՀԱՅՌՈՒՍԳԱԶԱՐԴ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱԺՆԵՄԱՍԻ ԱՎԵԼԱՑՄԱՆՆ ՈՒՂՂՎԱԾ ՄԻՋՈՑԱՌՈՒՄՆԵՐԻ ՄԱՍԻՆ

Հիմք ընդունելով «Բաժնետիրական ընկերությունների մասին» Հայաստանի Հանրապետության օրենքի 35-րդ հոդվածը, «ՀայՌուսգազարդ» փակ բաժնետիրական ընկերության կանոնադրական կապիտալում Հայաստանի Հանրապետության բաժնեմասն ավելացնելու և ակտիվները համալրելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության էներգետիկայի նախարարին` Հայաստանի Հանրապետության օրենսդրությամբ և «ՀայՌուսգազարդ» փակ բաժնետիրական ընկերության (այսուհետ` ընկերություն) կանոնադրությամբ սահմանված կարգով ընկերության կառավարման մարմիններում հանդես գալ առաջարկությամբ ու տալ համաձայնություն լրացուցիչ բաժնետոմսեր թողարկելու և Հայաստանի Հանրապետության օգտին տեղաբաշխելու միջոցով ընկերության կանոնադրական կապիտալն ավելացնելու վերաբերյալ` լրացուցիչ թողարկված և տեղաբաշխված բաժնետոմսերի դիմաց վճարումը նախատեսելով սույն որոշման 2-րդ կետով սահմանված ձևով:

2. «Երևանի քաղաքապետարանի աշխատակազմ» պետական կառավարչական հիմնարկի հաշվեկշռում հաշվառված` սույն որոշման հավելվածում նշված ջերմամատակարարման օբյեկտները` շինությունները, դրանցով զբաղեցված ու դրանց օգտագործման ու սպասարկման համար անհրաժեշտ հողամասերը (այսուհետ` գույք) Հայաստանի Հանրապետության օրենսդրությամբ սահմանված կարգով` անկախ գնահատողի կողմից գնահատված արժեքով ներդնել ընկերության կանոնադրական կապիտալում, որի դիմաց վճարումը կկատարվի ընկերության կողմից համապատասխան քանակությամբ բաժնետոմսերի թողարկման և Հայաստանի Հանրապետության օգտին տեղաբաշխման եղանակով:

3. Երևանի քաղաքապետին և Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին` 5-օրյա ժամկետում ապահովել սույն որոշման հավելվածի 2-5-րդ կետերում նշված գույքի նկատմամբ Հայաստանի Հանրապետության գույքային իրավունքների պետական գրանցումը` «Երևանի քաղաքապետարանի աշխատակազմ» պետական կառավարչական հիմնարկի միջոցների հաշվին:

4. Ընդունել ի գիտություն, որ սույն որոշման 2-րդ կետում նշված գույքի գնահատման` շուկայական արժեքի որոշման հետ կապված ծախսերն ընկերությունը կկատարի իր միջոցների հաշվին:

Հայաստանի Հանրապետության վարչապետ	Տ. Սարգսյան
2008 թ. ապրիլի 16 Երևան

Հավելված ՀՀ կառավարության 2008 թվականի մարտի 13-ի N 355-Ա որոշման

Ց Ա Ն Կ

«ՀԱՅՌՈՒՍԳԱԶԱՐԴ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆԵՐԴՐՎՈՂ ԳՈՒՅՔԻ

NN ը/կ	Գույքի անվանումը և հասցեն	Օբյեկտի զբաղեցրած հողատարածքը (քառ. մետր)	Շինության զբաղեցրած մակերեսը (քառ. մետր)
	ԿԵՆՏՐՈՆ ՀԱՄԱՅՆՔ
1.	ԿՋՀ, Աղայան փողոց, 9	152,95	136,85
	ՇԵՆԳԱՎԻԹ ՀԱՄԱՅՆՔ
2.	Կաթսայատուն, Չեխովի փողոց, 56/3	265,0	265,0
	ՔԱՆԱՔԵՌ-ԶԵՅԹՈՒՆ ՀԱՄԱՅՆՔ
3.	Կաթսայատուն, Դավիթ Անհաղթի փողոց, 23/5	343,0	337,7
	ԱՋԱՓՆՅԱԿ ՀԱՄԱՅՆՔ
4.	Կաթսայատուն հ. 9, Աջափնյակ 9-րդ թաղ., Մարգարյան փողոց, 37/4	193,74	185,0
	ՄԱԼԱԹԻԱ-ՍԵԲԱՍՏԻԱ ՀԱՄԱՅՆՔ
5.	Կենտրոնական կաթսայատուն «Արարատյան», Կուրղինյան փողոց, 7/3	2657,2	992,5
	Ընդամենը	3611,89	1917,05

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան