Ո Ր Ո Շ ՈՒ Մ

22 մայիսի 2008 թվականի N 489-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2008 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ԴԵԿՏԵՄԲԵՐԻ 20-Ի N 1540-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ «ՍՊԱՍԱՐԿՈՒՄ ԵՎ ՄԱՏԱԿԱՐԱՐՈՒՄ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ԼՈՒԾԱՐԵԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին ու 23-րդ հոդվածի 3-րդ մասին և «Բաժնետիրական ընկերությունների մասին» Հայաստանի Հանրապետության օրենքի 27-րդ հոդվածին ու 67-րդ հոդվածի 1-ին մասի «գ» ենթակետին համապատասխան` Հայաստանի Հանրապետության կառավարությունը որոշում է.

1. «Հայաստանի Հանրապետության 2008 թվականի պետական բյուջեի մասին» Հայաստանի Հանրապետության օրենքի N 1 հավելվածում կատարել վերաբաշխում և Հայաստանի Հանրապետության կառավարության 2007 թվականի դեկտեմբերի 20-ի «Հայաստանի Հանրապետության 2008 թվականի պետական բյուջեի կատարումն ապահովող միջոցառումների մասին» N 1540-Ն որոշման N 5 հավելվածում կատարել փոփոխություններ` համաձայն հավելվածի:

2. Հայաստանի Հանրապետության առողջապահության նախարարությանը 2008 թվականի առաջին կիսամյակում հատկացնել 3855.0 հազ. դրամ` Հայաստանի Հանրապետության 2008 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Ընդհանուր բնույթի այլ ծառայություններ» հոդվածով):

3. Սահմանել, որ սույն որոշման 2-րդ կետով հատկացված գումարը Հայաստանի Հանրապետության առողջապահության նախարարության կողմից տրամադրվում է Հայաստանի Հանրապետության առողջապահության նախարարության «Սպասարկում և մատակարարում» պետական փակ բաժնետիրական ընկերությանը` վերջինիս` Հայաստանի Հանրապետության պետական բյուջեի և այլ պարտապանների նկատմամբ ունեցած պարտավորությունները մարելու նպատակով:

4. Հայաստանի Հանրապետության օրենսդրությամբ սահմանված կարգով լուծարել Հայաստանի Հանրապետության առողջապահության նախարարության «Սպասարկում և մատակարարում» պետական փակ բաժնետիրական ընկերությունը:

5. Հայաստանի Հանրապետության առողջապահության նախարարին`

1) Հայաստանի Հանրապետության առողջապահության նախարարության «Սպասարկում և մատակարարում» պետական փակ բաժնետիրական ընկերության լուծարման աշխատանքներն իրականացնելու նպատակով 5-օրյա ժամկետում ստեղծել լուծարման հանձնաժողով` դրա կազմում ընդգրկելով Հայաստանի Հանրապետության ֆինանսների նախարարության, Հայաստանի Հանրապետության առողջապահության նախարարության, Հայաստանի Հանրապետության կառավարությանն առընթեր պետական գույքի կառավարման վարչության, Հայաստանի Հանրապետության արդարադատության նախարարության աշխատակազմի իրավաբանական անձանց պետական ռեգիստրի գործակալության և Հայաստանի Հանրապետության կառավարությանն առընթեր հարկային պետական ծառայության ներկայացուցիչներին.

2) Հայաստանի Հանրապետության առողջապահության նախարարության «Սպասարկում և մատակարարում» պետական փակ բաժնետիրական ընկերության լուծարման գործընթացի ավարտից հետո մեկամսյա ժամկետում Հայաստանի Հանրապետության կառավարություն ներկայացնել առաջարկություն լուծարումից հետո մնացած գույքի հետագա տնօրինման վերաբերյալ:

6. Հայաստանի Հանրապետության առողջապահության նախարարության «Սպասարկում և մատակարարում» պետական փակ բաժնետիրական ընկերության լուծարման հաշվեկշռի կազմման օրվա դրությամբ այդ ընկերության դեբիտորական պարտքերի ստացման և այլ պահանջների իրավունքը վերապահել Հայաստանի Հանրապետության ֆինանսների նախարարությանը:

7. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության վարչապետ	Տ. Սարգսյան
2008 թ. մայիսի 29 Երևան

Հավելված ՀՀ կառավարության 2008 թվականի մայիսի 22-ի N 489-Ն որոշման

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2008 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ N 1 ՀԱՎԵԼՎԱԾՈՒՄ ԿԱՏԱՐՎՈՂ ՎԵՐԱԲԱՇԽՈՒՄԸ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ԴԵԿՏԵՄԲԵՐԻ 20-Ի N 1540-Ն ՈՐՈՇՄԱՆ N 5 ՀԱՎԵԼՎԱԾՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ

(հազ. դրամ)

Բյուջետային ծախսերի գործառական դասակարգման			Բյուջետային ծախսերի գործառական դասակարգման բաժինների, խմբերի և դասերի, ֆինանսավորվող ծրագրերի և դրանք իրականացնող մարմինների անվանումները	Ցուցանիշների փոփոխությունը (նվազեցումները նշված են փակագծերում, իսկ ավելացումները` դրական նշանով)
բաժինը	խումբը	դասը		առաջին կիսամյակ	տարի
			ԸՆԴԱՄԵՆԸ` ԾԱԽՍԵՐ	-	-
			այդ թվում`
07			ԱՌՈՂՋԱՊԱՀՈՒԹՅՈՒՆ	(3855.0)	(3855.0)
			այդ թվում`
	06		Առողջապահություն (այլ դասերին չպատկանող)	(3855.0)	(3855.0)
			այդ թվում`
		01	Առողջապահական հարակից ծառայություններ և ծրագրեր	(3855.0)	(3855.0)
			այդ թվում`
			16. Մասնագիտական, խորհրդատվական և կազմակերպամեթոդական աջակցության գծով պետական պատվեր	(3855.0)	(3855.0)
			այդ թվում`
			ՀՀ առողջապահության նախարարություն	(3855.0)	(3855.0)
			այդ թվում`
			Ընդհանուր բնույթի այլ ծառայություններ	(3855.0)	(3855.0)
11			Հիմնական բաժիններին չդասվող պահուստային ֆոնդեր	3855.0	3855.0
			այդ թվում`
	01		ՀՀ կառավարության և համայնքների պահուստային ֆոնդ	3855.0	3855.0
			այդ թվում`
		01	ՀՀ կառավարության պահուստային ֆոնդ	3855.0	3855.0
			այդ թվում`
			01. ՀՀ կառավարության պահուստային ֆոնդ	3855.0	3855.0
			այդ թվում`
			ՀՀ կառավարություն	3855.0	3855.0
			այդ թվում`
			Այլ ծախսեր	3855.0	3855.0
			այդ թվում`
			Պահուստային միջոցներ	3855.0	3855.0

Հայաստանի Հանրապետության կառավարության աշխատակազմի ղեկավար

Դ. Սարգսյան