«Վավերացնում եմ»
Հայաստանի Հանրապետության
Նախագահ Ռ. Քոչարյան
31 մարտի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 մարտի 2006 թվականի N 365-Ն

ԳՈՐԾԱԶՐԿՈՒԹՅԱՆ ՆՊԱՍՏԻ ՎՃԱՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Համաձայն «Բնակչության զբաղվածության և գործազրկության դեպքում սոցիալական պաշտպանության մասին» Հայաստանի Հանրապետության օրենքի 28-րդ հոդվածի 1-ին մասի 1-ին կետի` Հայաստանի Հանրապետության կառավարությունը որոշում է.

1. Հաստատել գործազրկության նպաստի վճարման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Ա. Մարգարյան
2006 թ. մարտի 29 Երևան

Հավելված ՀՀ կառավարության 2006 թվականի մարտի 23-ի N 365-Ն որոշման

Կ Ա Ր Գ

ԳՈՐԾԱԶՐԿՈՒԹՅԱՆ ՆՊԱՍՏԻ ՎՃԱՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ
 

1. Սույն կարգով կարգավորվում են Հայաստանի Հանրապետության աշխատանքի և սոցիալական հարցերի նախարարության «Զբաղվածության պետական ծառայություն» գործակալության (այսուհետ` գործակալություն) զբաղվածության մարզային և տարածքային կենտրոնների (այսուհետ` տարածքային կենտրոն) կողմից նպաստառու գործազուրկներին «Բնակչության զբաղվածության և գործազրկության դեպքում սոցիալական պաշտպանության մասին» Հայաստանի Հանրապետության օրենքով երաշխավորվող գործազրկության նպաստի վճարման հետ կապված հարաբերությունները:

(1-ին կետը փոփ. 27.03.08 N 285-Ն)

2. Գործազրկության նպաստը տրվում է Հայաստանի Հանրապետության պետական բյուջեի միջոցներից և նախատեսվում է զբաղվածության կարգավորման ամենամյա պետական ծրագրերում:

(2-րդ կետը փոփ. 27.03.08 N 285-Ն)

3. Գործազրկության նպաստի վճարումն իրականացվում է «Գնումների մասին» Հայաստանի Հանրապետության օրենքով սահմանված կարգով ընտրված վճարման ծառայություններ մատուցող կազմակերպության (այսուհետ` կազմակերպություն) կողմից:

4. Ոչ լրիվ ամսվա համար գործազրկության նպաստի չափը որոշվում է գործազրկության նպաստի ամսական գումարը բաժանելով տվյալ ամսվա օրացուցային օրերի թվի վրա և բազմապատկելով այն օրերի թվով (հաշվարկի մեջ ներառվում են շաբաթ և կիրակի օրերը), որոնց համար գործազուրկն ունի գործազրկության նպաստ ստանալու իրավունք:

II. ԳՈՐԾԱԶՐԿՈՒԹՅԱՆ ՆՊԱՍՏԻ ՎՃԱՐՈՒՄԸ

5. Տարածքային կենտրոնն աշխատանք փնտրող անձի հաշվառման քարտի հիման վրա կազմում է տվյալ ամսվա և նախորդ ժամանակահատվածի համար չստացված գործազրկության նպաստ ստացողի, ինչպես նաև «Բնակչության զբաղվածության և գործազրկության դեպքում սոցիալական պաշտպանության մասին» Հայաստանի Հանրապետության օրենքի 37-րդ հոդվածում նշված անձին վճարվող գործազրկության նպաստի վճարման ցուցակը (այսուհետ` վճարման ցուցակ) (ձև N 1)` 2 օրինակից և մինչև յուրաքանչյուր ամսվան հաջորդող ամսվա 5-ը ներկայացնում է կազմակերպության մասնաճյուղին:

6. Տարածքային կենտրոնը տվյալ ամսվա և նախորդ ժամանակահատվածի համար չստացված գործազրկության նպաստի վճարման և կազմակերպության կողմից գործազրկության նպաստի վճարման ծառայությունների (այսուհետ` ծառայություն) համար անհրաժեշտ գումարի ֆինանսավորման հայտ-պահանջագիրը (ձև N 2)` կից գրությամբ, մինչև յուրաքանչյուր ամսվան հաջորդող ամսվա 5-ը ներկայացնում է գործակալության պետին:

7. Գործակալությունը 5 աշխատանքային օրվա ընթացքում ամփոփում է տարածքային կենտրոններից ստացված ֆինանսավորման հայտ-պահանջագրերը և Հայաստանի Հանրապետության օրենսդրությամբ սահմանված կարգով Հայաստանի Հանրապետության աշխատանքի և սոցիալական հարցերի նախարարության սոցիալական ապահովության պետական ծառայություն (այսուհետ` ծառայություն) է ներկայացնում գործազրկության նպաստի և ծառայության դիմաց վճարվող գումարի ֆինանսավորման հայտ-պահանջագիրը (ձև N 3):

(7-րդ կետը փոփ. 27.03.08 N 285-Ն)

8. Ծառայությունը գործակալությունից գործազրկության նպաստի վճարման համար անհրաժեշտ գումարի ֆինանսավորման հայտ-պահանջագիրն ստանալուց հետո 5 աշխատանքային օրվա ընթացքում Հայաստանի Հանրապետության ֆինանսների և էկոնոմիկայի նախարարության տեղական գանձապետական բաժնում Հայաստանի Հանրապետության աշխատանքի և սոցիալական հարցերի նախարարության աշխատակազմի անվամբ բացված արտաբյուջետային միջոցների բանկային հաշվին է փոխանցում գործազրկության նպաստի և ծառայության դիմաց վճարվող գումարը:

(8-րդ կետը փոփ. 27.03.08 N 285-Ն)

9. Գործազրկության նպաստի և ծառայության դիմաց վճարման ենթակա բանկային հաշվին փոխանցված գումարը 3 աշխատանքային օրվա ընթացքում կազմակերպության հաշվարկային հաշվին է փոխանցվում` համաձայն տարածքային կենտրոնների կողմից ներկայացված ֆինանսավորման հայտ-պահանջագրերի:

10. Կազմակեպությունը սույն կարգի 9-րդ կետում նշված գումարն ստանալու օրվանից հետո 15 աշխատանքային օրվա ընթացքում իր մասնաճյուղերի միջոցով կատարում է գործազրկության նպաստի վճարում` վճարման ցուցակում ընդգրկված`

ա) նպաստառու գործազուրկին` անձը հաստատող փաստաթղթի հիման վրա.

բ) նպաստառու գործազուրկի փոխարեն այլ անձին` նպաստառու գործազուրկի կողմից Հայաստանի Հանրապետության օրենսդրությամբ սահմանված կարգով տրված լիազորագրի և լիազորագիր ներկայացնողի անձը հաստատող փաստաթղթի հիման վրա.

գ) նպաստ ստանալու իրավունք ունեցած և մահացած նպաստառու գործազուրկի փոխարեն նրա ընտանիքի չափահաս անդամին կամ մահացածի կնոջը (ամուսնուն), ծնողներից որևէ մեկին կամ անչափահաս երեխաների օրինական ներկայացուցչին, խնամակալին կամ հոգաբարձուին` նրանց անձնագրի և նպաստառու գործազուրկի մահվան վկայականի հիման վրա:

11. Կազմակերպության մասնաճյուղը սույն կարգի 10-րդ կետում նշված ժամկետները լրանալուց հետո 3 աշխատանքային օրվա ընթացքում տարածքային կենտրոնի լիազոր ներկայացուցչի հետ միասին կազմում է գործազրկության նպաստի վճարման մասին փոխադարձ հաշվետվության ակտ:

12. Կազմակերպության մասնաճյուղը յուրաքանչյուր ամսվա վճարման ցուցակի մեկ օրինակը` գործազրկության նպաստ վճարելու մասին նշումներով, և վճարման մասին փոխադարձ հաշվետվության ակտը` այն կազմելուց հետո 3 աշխատանքային օրվա ընթացքում վերադարձնում է տարածքային կենտրոն:

13. Կազմակերպությունը գործազրկության նպաստի վճարման համար նախատեսված ժամկետները լրանալուց հետո 3 աշխատանքային օրվա ընթացքում մասնաճյուղերում առկա մնացորդ գումարները փոխանցում է Հայաստանի Հանրապետության ֆինանսների և էկոնոմիկայի նախարարության տեղական գանձապետական բաժնում Հայաստանի Հանրապետության աշխատանքի և սոցիալական հարցերի նախարարության աշխատակազմի անվամբ բացված արտաբյուջետային միջոցների բանկային հաշվին, իսկ չվճարված գործազրկության նպաստի մնացորդ գումարների վերաբերյալ, ըստ տարածքային կենտրոնների, տեղեկատվություն է ներկայացնում գործակալություն:

14. Կազմակերպության կողմից փոխանցված գործազրկության նպաստի մնացորդ գումարը 3 աշխատանքային օրվա ընթացքում փոխանցվում է ծառայության հաշվին:

(14-րդ կետը փոփ. 27.03.08 N 285-Ն)

15. Տարածքային կենտրոնը սույն կարգի 12-րդ կետում նշված վճարման ցուցակի հիման վրա աշխատանք փնտրող անձի հաշվառման քարտում կատարում է նշում գործազուրկի կողմից գործազրկության նպաստ ստանալու կամ չստանալու մասին:

III. ՀԱՇՎԵՏՎՈՒԹՅՈՒՆԸ

16. Տարածքային կենտրոնը յուրաքանչյուր ամիս գործակալության պետին է ներկայացնում գործազրկության նպաստի վճարման և ծախսված ֆինանսական միջոցների չափի վերաբերյալ հաշվետվություն:

17. Գործակալությունն ամփոփում է տարածքային կենտրոններից ստացված հաշվետվությունները և յուրաքանչյուր եռամսյակ գործազրկության նպաստի ֆինանսավորման և փաստացի կատարված վճարումների մասին ամփոփ հաշվետվություն է ներկայացնում Հայաստանի Հանրապետության աշխատանքի և սոցիալական հարցերի նախարարին ու ծառայություն:

(17-րդ կետը փոփ. 27.03.08 N 285-Ն)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Ձև N 1

Ց ՈՒ Ց Ա Կ

___________________________ գործազրկության նպաստի վճարման

NN ը/կ	Ազգանունը, անունը	Անձնագրի սերիան, համարը	Սոցիա- լական քարտի համարը	Հաշվառ- ման քարտի համարը	Չվճարված կամ չստացված անցած ժամանակահատվածի համար			Ընթացիկ ամսվա գումարը	Ընդա- մենը` գումար	Ստորա- գրու- թյունը	Ծանոթա- գրություն
					ամիսը (ամիս- ները)	տարե- թիվը	գու- մարի չափը
ԸՆԴԱՄԵՆԸ

Տնօրեն	__________________	_______________
	(անունը, ազգանունը)	(ստորագրությունը)

Կ.Տ.

Կատարող	__________________	_______________
	(անունը, ազգանունը)	(ստորագրությունը)

_____ __________________ 200  թ.

(Ձև N 1-ի վերնագիրը լրաց. 27.03.08 N 285-Ն)

Ձև N 2

Հ Ա Յ Տ - Պ Ա Հ Ա Ն Ջ Ա Գ Ի Ր
 
ԶԲԱՂՎԱԾՈՒԹՅԱՆ ՏԱՐԱԾՔԱՅԻՆ (մարզային) ԿԵՆՏՐՈՆԻ ԳՈՐԾԱԶՐԿՈՒԹՅԱՆ ՆՊԱՍՏԻ ՖԻՆԱՆՍԱՎՈՐՄԱՆ

_____ __________________ 200  թ.

NN ը/կ	Ծախսերի անվանումը	Գործազրկության նպաստը
		ստացողների թիվը	գումարը
1.	Ֆինանսավորվել է նախորդ ամսվա ընթացքում, ընդամենը այդ թվում`
	նպաստ
	ծառայության վճար (--- %)
2.	Վճարվել է նախորդ ամսվա ընթացքում, ընդամենը այդ թվում`
	նպաստ
	ծառայության վճար (--- %)
3.	Հետ վերադարձված գումարը (մնացորդ գումարը)
4.	Պահանջվում է ընթացիկ ամսվա համար` ընդամենը այդ թվում`
	տվյալ ամսվա համար
	նախորդ ժամանակահատվածի համար
	ծառայության վճար (--- %)

Տնօրեն	__________________	_______________
	(անունը, ազգանունը)	(ստորագրությունը)

Կ.Տ.

Կատարող	__________________	_______________
	(անունը, ազգանունը)	(ստորագրությունը)

_____ __________________ 200  թ.

(Ձև N 2-ի վերնագիրը լրաց. 27.03.08 N 285-Ն)

Ձև N 3

Հ Ա Յ Տ - Պ Ա Հ Ա Ն Ջ Ա Գ Ի Ր

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ «Զբաղվածության պետական ծառայություն» ԳՈՐԾԱԿԱԼՈՒԹՅԱՆ ԳՈՐԾԱԶՐԿՈՒԹՅԱՆ ՆՊԱՍՏԻ ՖԻՆԱՆՍԱՎՈՐՄԱՆ

_____ __________________ 200  թ.

NN ը/կ	Ծախսերի անվանումը	Գործազրկության նպաստը
		ստացողների թիվը	գումարը
1.	Ֆինանսավորվել է նախորդ ամսվա ընթացքում, ընդամենը այդ թվում`
	նպաստ
	ծառայության վճար (--- %)
2.	Վճարվել է նախորդ ամսվա ընթացքում, ընդամենը այդ թվում`
	նպաստ
	ծառայության վճար (--- %)
3.	Հետ վերադարձված գումարը (մնացորդ գումարը)
4.	Պահանջվում է ընթացիկ ամսվա համար` ընդամենը այդ թվում`
	տվյալ ամսվա համար
	նախորդ ժամանակահատվածի համար
	ծառայության վճար (--- %)

Գործակալության պետ	__________________	_______________
	(անունը, ազգանունը)	(ստորագրությունը)

Կ.Տ.

Կատարող	__________________	_______________
	(անունը, ազգանունը)	(ստորագրությունը)

_____ __________________ 200  թ.

(Ձև N 3-ի վերնագիրը փոփ. 27.03.08 N 285-Ն)