ՀՀ արդարադատության

նախարարության կողմից

11 մարտի 2008 թ.

Պետական գրանցման թիվ 05008079

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

12 փետրվարի 2008 թ. ք. Երևան

թիվ 43-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2007 ԹՎԱԿԱՆԻ ՄԱՅԻՍԻ 15-Ի ԹԻՎ 138-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետը՝ Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2007 թվականի մայիսի 15-ի «Արտարժույթի առուվաճառքի գործառնությունների լիցենզավորումը և կարգավորումը» կանոնակարգ 10-ը հաստատելու մասին» թիվ 138-Ն որոշմամբ հաստատված «Արտարժույթի առուվաճառքի գործառնությունների լիցենզավորումը և կարգավորումը» կանոնակարգ 10-ում (այսուհետ՝ Կանոնակարգ 10) կատարել հետևյալ փոփոխությունները և լրացումները՝

1) Կանոնակարգ 10-ի գլուխ 2-ի 3-րդ կետը լրացնել նոր «ժդ» ենթակետով հետևյալ բովանդակությամբ.

«ժդ. Կենտրոնական բանկի պահանջով` հիմնավորումներ այն մասին, որ հայտատուն հանդիսանում է նաև տվյալ խանութում առուվաճառք իրականացնող իրավաբանական անձը կամ տվյալ առևտրի կենտրոնում առևտրի իրականացման կազմակերպիչը կամ տվյալ հյուրանոցում հյուրանոցային ծառայություններ մատուցող իրավաբանական անձը:»:

2) Կանոնակարգ 10-ի գլուխ 2-ի 4-րդ կետը լրացնել նոր «ի» ենթակետով հետևյալ բովանդակությամբ.

«ի. Կենտրոնական բանկի պահանջով` հիմնավորումներ այն մասին, որ հայտատուն հանդիսանում է նաև տվյալ խանութում առուվաճառք իրականացնող իրավաբանական անձը կամ տվյալ առևտրի կենտրոնում առևտրի իրականացման կազմակերպիչը կամ տվյալ հյուրանոցում հյուրանոցային ծառայություններ մատուցող իրավաբանական անձը:»:

3) Կանոնակարգ 10-ի գլուխ 2-ի 5-րդ կետը լրացնել նոր «է» ենթակետով հետևյալ բովանդակությամբ.

«է. Կենտրոնական բանկի պահանջով` հիմնավորումներ այն մասին, որ հայտատուն հանդիսանում է նաև տվյալ խանութում առուվաճառք իրականացնող իրավաբանական անձը կամ տվյալ առևտրի կենտրոնում առևտրի իրականացման կազմակերպիչը կամ տվյալ հյուրանոցում հյուրանոցային ծառայություններ մատուցող իրավաբանական անձը:»:

4) Կանոնակարգ 10-ի գլուխ 8-ի 49-րդ կետի «զ» ենթակետը շարադրել հետևյալ խմբագրությամբ.

«զ. արտարժույթի առուվաճառքի փոխարժեքները արտացոլող վահանակ (վահանակներ),

5) Կանոնակարգ 10-ի գլուխ 8-ի 49-րդ կետի «է» ենթակետը ուժը կորցրած ճանաչել:

6) Կանոնակարգ 10-ի գլուխ 9-ի 57-րդ կետը շարադրել հետևյալ խմբագրությամբ.

«57. Եթե փոխանակման կետի փոխարժեքները արտացոլող վահանակի վրա արտացոլված է տվյալ արժույթի փոխարժեքը, և եթե դրամարկղում առկա է պահանջվող գումարը և համապատասխան անվանական արժեքով դրամանիշեր, ապա փոխանակման կետը չպետք է մերժի տվյալ գործարքի իրականացումը:»:

7) Կանոնակարգ 10-ի գլուխ 9-ի 59-րդ կետը շարադրել հետևյալ խմբագրությամբ.

«59. Փոխանակման կետը փոխանակման կետի դրամարկղի ներսում հաճախորդի համար տեսանելի տեղում տեղակայված փոխարժեքները արտացոլող վահանակի (վահանակների) վրա փակցնում է իր կողմից իրականացվող արտարժույթի առուվաճառքի գործառնությունների տեսակների ցանկը և փոխարժեքները: Փոխանակման կետը կարող է նաև փոխարժեքները արտացոլող վահանակ (վահանակներ) տեղադրել հաճախորդների սպասարկման սրահում, իսկ առևտրի (սպասարկման) սրահ ունեցող խանութներում, փակ (ոչ բացօթյա) առևտրի կենտրոններում, հյուրանոցներում, օդանավակայանների և երկաթուղային կայարանների տարածքներում գտնվող փոխանակման կետերը կարող են նաև՝ նշված տարածքներում (սպասարկման սրահներում):»:

8) Կանոնակարգ 10-ի հավելվածի Ձև 1-ը հաստատել նոր խմբագրությամբ (կցվում է):

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության կենտրոնական բանկի նախագահ	Տ. Սարգսյան
2008 թ. փետրվարի 18 Երևան

 

Ձև 1

«Արտարժույթի առուվաճառքի գործառնությունների

լիցենզավորումը և կարգավորումը» Կանոնակարգ 10-ի հավելվածի

ԱՐՏԱՐԺՈՒՅԹԻ ԱՌՈՒՎԱՃԱՌՔԻ ԼԻՑԵՆԶԻԱ ՍՏԱՆԱԼՈՒ ՀԱՅՏ

Հայաստանի Հանրապետության

կենտրոնական բանկի նախագահ

պարոն ________________

Խնդրում եմ տրամադրել արտարժույթի առուվաճառքի լիցենզիա: Լիցենզավորվող անձի անվանումը ____________________________ Կազմակերպական-իրավական ձևը ____________________________ Գտնվելու վայրը _______________________________________ Գործունեության վայրը __________________________________ Հեռախոսահամարը (գործադիր մարմնի ղեկավարի և/կամ նման պարտականություններ կատարող այլ պաշտոնատար անձի) _______________________________________ Կից ներկայացնում եմ (հերթական դասավորությամբ նշել ներկայացվող փաստաթղթերը). 1. _________________ 2. _________________ 3. _________________     Դիմող՝___________________________ (անունը, ազգանունը)   _________________________               (ստորագրությունը)                                                                                                     Պաշտոնը`   Կ. Տ.