«Գրանցված է»

ՀՀ արդարադատության

նախարարության կողմից

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

12 դեկտեմբերի 2007 թ. ք. Երևան

N 407-Ն

Ո Ր Ո Շ ՈՒ Մ

«ՊԱՐՏԱՏՈՄՍԵՐԻ ԵՐԿՐՈՐԴԱՅԻՆ ՇՈՒԿԱՅՈՒՄ ԻՐԱԿԱՆԱՑՎԱԾ ԳՈՐԾԱՌՆՈՒԹՅՈՒՆՆԵՐԻ ՄԱՍԻՆ ՀԱՇՎԵՏՎՈՒԹՅՈՒՆԸ ԵՎ ԴՐԱ ՆԵՐԿԱՅԱՑՈՒՄԸ» ԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Բանկերի և բանկային գործունեության մասին» Հայաստանի Հանրապետության օրենքի 55-րդ, «Վարկային կազմակերպությունների մասին» Հայաստանի Հանրապետության օրենքի 15-րդ, «Ապահովագրության և ապահովագրական գործունեության մասին» Հայաստանի Հանրապետության օրենքի 85-րդ, «Արժեթղթերի շուկայի կարգավորման մասին» Հայաստանի Հանրապետության օրենքի 66-րդ և «Իրավական ակտերի մասին» Հայաստանի Հանրապետության օրենքի 16-րդ հոդվածները, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով՝ Հայաստանի Հանրապետության կենտրոնական բանկի խորհուրդը որոշում է.

1. Հաստատել «Պարտատոմսերի երկրորդային շուկայում իրականացված գործառնությունների մասին հաշվետվությունը և դրա ներկայացումը» կարգը՝ համաձայն հավելված 1-ի (կցվում է):

2. Սահմանել, որ սույն որոշմամբ հաստատված հաշվետվության ձևը և դրա լրացման ցուցումներն ուժի մեջ են մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության կենտրոնական բանկի նախագահ	Տ. Սարգսյան
2007 թ. դեկտեմբերի 17 Երևան

Հավելված 1

ՊԱՐՏԱՏՈՄՍԵՐԻ ԵՐԿՐՈՐԴԱՅԻՆ ՇՈՒԿԱՅՈՒՄ ԻՐԱԿԱՆԱՑՎԱԾ ԳՈՐԾԱՌՆՈՒԹՅՈՒՆՆԵՐԻ ՄԱՍԻՆ ՀԱՇՎԵՏՎՈՒԹՅՈՒՆԸ ԵՎ ԴՐԱ ՆԵՐԿԱՅԱՑՄԱՆ ԿԱՐԳԸ

Գ Լ ՈՒ Խ  I

ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգը սահմանում է Հայաստանի Հանրապետության տարածքում գործող Հայաստանի Հանրապետության պետական (գանձապետական) պարտատոմսերի երկրորդային շուկայում, Հայաստանի Հանրապետության կենտրոնական բանկի (այսուհետ՝ Կենտրոնական բանկի) կողմից թողարկված և Կենտրոնական բանկի կողմից «Գ - » և բարձր վարկանիշ ստացած կազմակերպությունների կողմից թողարկված պարտատոմսերի երկրորդային շուկայում գործառնություններ իրականացնող գործակալների, դիլերների, գործակալ/դիլեր չհանդիսացող բանկերի, վարկային կազմակերպությունների, ապահովագրական ընկերությունների կողմից սույն կետում նշված գործառնությունների վերաբերյալ, Կենտրոնական բանկ ներկայացվող հաշվետվության ձևը, ներկայացման կարգն ու ժամկետները: Սույն կարգը սահմանում է նաև արժեթղթերի շուկայում գործող մասնագիտացված անձանց կողմից Կենտրոնական բանկ ներկայացվող հաշվետվության ձևը, ներկայացման կարգն ու ժամկետները Կենտրոնական բանկի կողմից «Գ - » և բարձր վարկանիշ ստացած կազմակերպությունների թողարկած պարտատոմսերով երկրորդային շուկայում իրականացված գործառնությունների վերաբերյալ:

Գ Լ ՈՒ Խ  II

ԿԵՆՏՐՈՆԱԿԱՆ ԲԱՆԿ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆԸ

2. Սույն կարգի 1-ին կետում նշված կազմակերպությունները Կենտրոնական բանկ են ներկայացնում սույն կարգի 1-ին կետում նշված գործառնությունների վերաբերյալ հաշվետվությունը՝ համաձայն ենթահավելված 1-ի:

Գ Լ ՈՒ Խ  III

ՀԱՇՎԵՏՎՈՒԹՅՈՒՆՆԵՐԻ ԼՐԱՑՄԱՆ ԵՎ ՆԵՐԿԱՅԱՑՄԱՆ ԿԱՐԳԸ

3. Սույն կարգի 1-ին կետում նշված կազմակերպությունները՝ սույն կարգի 1-ին կետում նշված գործառնությունների վերաբերյալ հաշվետվությունը Կենտրոնական բանկ են ներկայացնում էլեկտրոնային փոստով՝ Սի-Բի-Էյ-նեթ համակարգի միջոցով, իսկ Սի-Բի-Էյ-նեթին միացված չլինելու դեպքում, հաշվետվությունների ընդունման ինտերնետային համակարգով, Կենտրոնական բանկի կողմից տրամադրվող ֆայլերին համապատասխան: Սի-Բի-Էյ-նեթ համակարգի խափանման դեպքում հաշվետվությունները ներկայացվում են մագնիսական կրիչներով՝ կից ներկայացնելով խափանման վերաբերյալ գրություն: Հաշվետվությունները Կենտրոնական բանկ են ներկայացվում Կենտրոնական բանկի կողմից բանկերին ուղարկված պաշտպանված ֆայլերով («Մայքրոսոֆթ օֆիս 97» կամ դրա կատարելագործված տարբերակով), որոնք փոփոխելն արգելվում է: Այլ կերպ ներկայացված հաշվետվությունը համարվում է չընդունված:

Հաշվետվության ներկայացման ամսաթիվը նշվում է հետևյալ ֆորմատով՝ օր. ամիս. տարի (օրինակ՝ 31/01/2008):

Հաշվետվություններում տեքստային եղանակով ներկայացվող տեղեկությունները պետք է լրացվեն միայն հայերեն տառերով (տառատեսակ՝ Թայմզ Արմենիան):

4. Հաշվետվությունը մագնիսական կրիչներով կամ էլեկտրոնային փոստով ներկայացնելիս ֆայլերը կոդավորվում են:

Ֆայլի կոդն ունի հետևյալ կառուցվածքը.

Կոդավորման նշված կարգի պահպանումը պարտադիր է: Կենտրոնական բանկ ներկայացվող ֆայլերը, բացի տվյալ օրը ներկայացվող հաշվետվության ձևերից, այլ տեղեկատվություն չպետք է պարունակեն:

5. Սույն կարգի իմաստով՝ «պարտատոմսեր» են համարվում Հայաստանի Հանրապետության պետական (գանձապետական) պարտատոմսերը, Կենտրոնական բանկի կողմից թողարկված պարտատոմսերը և Կենտրոնական բանկի կողմից «Գ - » և բարձր վարկանիշ ստացած առևտրային կազմակերպությունների պարտատոմսերը: Սույն կարգի ենթահավելված 1-ի առաջին էջում ներկայացվում են հաշվետու ժամանակահատվածում պարտատոմսերի երկրորդային շուկայում իրականացված առք ու վաճառքի և ռեպո գործառնությունների վերաբերյալ տեղեկատվությունը:

6. «Թողարկում» սյունակում լրացվում է իրականացված գործարքի պարտատոմսերի գրանցման համարը:

7. «Գործարքը իրականացնողը» սյունակում առաջարկված կազմակերպությունների կոդերից ընտրվում է անհրաժեշտը, իսկ տվյալ անձի մոտ կոդի բացակայության դեպքում՝ նշված չորս տարբերակներից մեկը՝ Ներդրող-Այլ ռեզիդենտ իրավաբանական անձ, Ներդրող-Ռեզիդենտ ֆիզիկական անձ, Ներդրող-Ոչ ռեզիդենտ բանկ կամ Ներդրող-Ոչ ռեզիդենտ ոչ բանկ:

8. «Առք ու վաճառքի գործառնություններ» մասում լրացվում է առքի և վաճառքի գործառնությունների վերաբերյալ տեղեկատվությունը.

8.1. «Գործարքի տեսակը» սյունակում պարտատոմսերի առքի գործարքի դեպքում լրացվում է «առք», պարտատոմսերի վաճառքի գործարքի դեպքում՝ «վաճառք».

8.2. «Պարտատոմսերի ծավալն անվանական արժեքով» սյունակում լրացվում է յուրաքանչյուր գործարքի պարտատոմսերի ծավալն անվանական արժեքով.

8.3. «Գործարքի գինը» սյունակում լրացվում է յուրաքանչյուր գործարքի պարտատոմսերի գինը:

9. «Տարեկան եկամտաբերությունը» սյունակում լրացվում է յուրաքանչյուր գործարքի տարեկան եկամտաբերությունը՝ ստորակետից հետո 4 նիշի ճշտությամբ:

10. «Ռեպո (հակադարձ ռեպո) գործառնություններ» մասում լրացվում է ռեպո և հակադարձ ռեպո գործառնությունների վերաբերյալ տեղեկատվությունը.

10.1. «Գործարքի տեսակը» սյունակում պարտատոմսերի վաճառքը՝ հետ գնման պայմանով ներկայացվում է որպես «ռեպո» գործարք, իսկ պարտատոմսերի առքը՝ հետ վաճառելու պայմանով լրացվում է որպես «հակադարձ ռեպո» գործարք.

10.2. «պարտատոմսերի ծավալն անվանական արժեքով» սյունակում լրացվում է յուրաքանչյուր գործարքի պարտատոմսերի ծավալն անվանական արժեքով.

10.3. «գործարքի գինը (ծավալը)» սյունակում լրացվում է ռեպո գործարքի արդյունքում գործարքի կողմերից մեկից մյուսին փոխանցվող դրամական միջոցների ծավալը.

10.4. «ռեպո գործարքի հիմքում ընկած պարտատոմսերի գինը» սյունակում լրացվում է ռեպո գործարքի կողմերից մեկից մյուսին փոխանցվող արժեթղթերի գինը, ընդ որում, լրացվում է արժեթղթերի այն գինը, որը որոշվել է կողմերի փոխպայմանավորվածությամբ և/կամ սահմանվել է համապատասխան գործարքի պայմանագրով.

10.5. «ժամկետը» սյունակում լրացվում է յուրաքանչյուր գործարքի ժամկետը օրերով.

10.6. «տարեկան ռեպո տոկոսադրույք» սյունակում լրացվում է յուրաքանչյուր ռեպո կամ հակադարձ ռեպո գործարքի տարեկան տոկոսադրույքը՝ ստորակետից հետո 2 նիշի ճշտությամբ:

11. «Գործարքի բնույթը» սյունակում նախկինում կնքված և վերակնքված կամ երկարաձգված ռեպո (հակադարձ ռեպո) գործարքների դեպքում լրացվում է՝ երկարաձգված, իսկ նոր կնքված գործարքների դեպքում՝ նոր կնքված:

12. «Գործարքի հակառակ կողմը» սյունակում առաջին մասում լրացվում են սպասարկող կազմակերպության տվյալները, իսկ երկրորդ մասում՝ գործարքի վերջնական հասցեատիրոջ տվյալները: Դրա համար առաջարկված կազմակեպությունների կոդերից ընտրվում է անհրաժեշտը, իսկ տվյալ անձի մոտ կոդի բացակայության դեպքում՝ նշված չորս տարբերակներից մեկը՝ Ներդրող-Այլ ռեզիդենտ իրավաբանական անձ, Ներդրող-Ռեզիդենտ ֆիզիկական անձ, Ներդրող-Ոչ ռեզիդենտ բանկ կամ Ներդրող-Ոչ ռեզիդենտ ոչ բանկ: Բորսայում իրականացված գործարքների դեպքում «Գործարքի հակառակ կողմը» սյունը չի լրացվում:

13. Սույն հաշվետվության երկրորդ էջում ներկայացվում են հաշվետու ժամանակահատվածի վերջի դրությամբ (գործողության մեջ գտնվող) ռեպո գործարքների ընդհանուր ծավալի վերաբերյալ տեղեկատվություն:

14. «Թողարկում» սյունակում լրացվում է գործարքի պարտատոմսերի գրանցման համարը:

15. «Գործարքը իրականացնողը» սյունակում առաջարկված կազմակեպությունների կոդերից ընտրվում է անհրաժեշտը, իսկ տվյալ անձի մոտ կոդի բացակայության դեպքում՝ նշված չորս տարբերակներից մեկը՝ Ներդրող-Այլ ռեզիդենտ իրավաբանական անձ, Ներդրող-Ռեզիդենտ ֆիզիկական անձ, Ներդրող-Ոչ ռեզիդենտ բանկ կամ Ներդրող-Ոչ ռեզիդենտ ոչ բանկ:

16. «Ռեպո (հակադարձ ռեպո) գործառնություններ» մասում լրացվում է գործողության մեջ գտնվող ռեպո և հակադարձ ռեպո գործարքների վերաբերյալ տեղեկատվությունը.

16.1. «Գործարքի տեսակը» սյունակում պարտատոմսերի վաճառքի գործարքը՝ հետ գնման պայմանով ներկայացվում է որպես «ռեպո» գործարք, իսկ պարտատոմսերի առքի գործարքը՝ հետ վաճառելու պայմանով լրացվում է որպես «հակադարձ ռեպո» գործարք.

16.2. «պարտատոմսերի ծավալն անվանական արժեքով» սյունակում լրացվում է յուրաքանչյուր գործարքի պարտատոմսերի ծավալն անվանական արժեքով.

16.3. «գործարքի գինը (ծավալը)» սյունակում լրացվում է ռեպո գործարքի արդյունքում գործարքի կողմերից մեկից մյուսին փոխանցված դրամական միջոցների ծավալը.

16.4. «ռեպո գործարքի հիմքում ընկած արժեթղթերի գինը» սյունակում լրացվում է ռեպո գործարքի արդյունքում գործարքի կողմերից մեկից մյուսին փոխանցված արժեթղթերի գինը, ընդ որում, լրացվում է արժեթղթերի այն գինը, որը որոշվել է կողմերի փոխպայմանավորվածությամբ կամ սահմանվել է համապատասխան գործարքի պայմանագրով.

16.5. «գործարքի կնքման ամսաթիվը» սյունակում լրացվում է յուրաքանչյուր գործարքի կնքման ամսաթիվը. երկարաձգված գործարքների դեպքում՝ երկարաձգման ամսաթիվը.

16.6. «ժամկետը» սյունակում լրացվում է յուրաքանչյուր գործարքի ժամկետը օրերով.

16.7. «տարեկան ռեպո տոկոսադրույք» սյունակում լրացվում է յուրաքանչյուր գործարքի տարեկան տոկոսադրույքը՝ ստորակետից հետո 2 նիշի ճշտությամբ:

17. «Գործարքի հակառակ կողմը» սյունակում առաջին մասում լրացվում են սպասարկող կազմակերպության տվյալները, իսկ երկրորդ մասում՝ գործարքի վերջնական հասցեատիրոջ տվյալները: Դրա համար առաջարկված կազմակերպությունների կոդերից ընտրվում է անհրաժեշտը, իսկ տվյալ անձի մոտ կոդի բացակայության դեպքում՝ նշված չորս տարբերակներից մեկը՝ Ներդրող-Այլ ռեզիդենտ իրավաբանական անձ, Ներդրող-Ռեզիդենտ ֆիզիկական անձ, Ներդրող-Ոչ ռեզիդենտ բանկ կամ Ներդրող-Ոչ ռեզիդենտ ոչ բանկ:

Գ Լ ՈՒ Խ  IV

ՀԱՇՎԵՏՎՈՒԹՅՈՒՆՆԵՐԻ ՆԵՐԿԱՅԱՑՈՒՄԸ

18. Հաշվետվությունը Կենտրոնական բանկի վիճակագրության վարչության հաշվետվությունների ընդունման և ամփոփման բաժին է ներկայացվում յուրաքանչյուր օր մինչև ժամը 1700՝ անկախ իրականացված գործարքների ծավալի մեծությունից:

19. Հաշվետվությունը համարվում է ներկայացված և ընդունված, եթե հաշվետվությունների էլեկտրոնային տարբերակները չունեն ծրագրային կամ այլ տեխնիկական թերություն:

Ենթահավելված 1 (օրական)

Հ Ա Շ Վ Ե Տ Վ ՈՒ Թ Յ ՈՒ Ն

«__» ____________200_թ. ______________________________ ԵՎ ՆԵՐԴՐՈՂՆԵՐԻ ԿՈՂՄԻՑ ֆինանսական կազմակերպության անվանումը

ՊԱՐՏԱՏՈՄՍԵՐԻ ԵՐԿՐՈՐԴԱՅԻՆ ՇՈՒԿԱՅՈՒՄ ԻՐԱԿԱՆԱՑՎԱԾ ԳՈՐԾԱՌՆՈՒԹՅՈՒՆՆԵՐԻ ՄԱՍԻՆ

ԹՈՂԱՐ-ԿՈՒՄ

Գործարքը իրակա- նացնողը

ԱՌՔ ՈՒ ՎԱՃԱՌՔԻ ԳՈՐԾԱՌՆՈՒԹՅՈՒՆՆԵՐ

ՌԵՊՈ (ՀԱԿԱԴԱՐՁ ՌԵՊՈ) ԳՈՐԾԱՌՆՈՒԹՅՈՒՆՆԵՐ

Գործարքի հակառակ կողմը

գործարքի տեսակը

պարտա-տոմսերի ծավալն անվանա-կան արժեքով

գոր- ծարքի գինը

տարեկան եկամտա- բերու- թյունը (%)

գործարքի տեսակը

պարտա- տոմսերի ծավալն անվա- նական արժեքով

գործարքի գինը (ծավալը)

ռեպո գործարքի հիմքում ընկած պարտա-տոմսերի գինը

ժամ-կետը (օր)

տարե-կան ռեպո %-դրույքը

գործարքի բնույթը

սպա- սարկող կազմակեր- պություն

գործարքի հասցեա-տերը

Գործադիր տնօրեն ______________

Գլխավոր հաշվապահ ______________

Հ Ա Շ Վ Ե Տ Վ ՈՒ Թ Յ ՈՒ Ն

«__» ____________200_թ. ______________________________ ԵՎ ՆԵՐԴՐՈՂՆԵՐԻ ԿՈՂՄԻՑ ֆինանսական կազմակերպության անվանումը

ՌԵՊՈ ԳՈՐԾԱՐՔՆԵՐԻ ՄԱՍԻՆ

ԹՈՂԱՐ-ԿՈՒՄ	Գործարքը իրականացնողը	ՌԵՊՈ (ՀԱԿԱԴԱՐՁ ՌԵՊՈ) ԳՈՐԾԱՌՆՈՒԹՅՈՒՆՆԵՐ							Գործարքի հակառակ կողմը
		գործարքի տեսակը	պարտատոմ-սերի ծավալն անվանական արժեքով	գործարքի գինը (ծավալը)	ռեպո գործարքի հիմքում ընկած արժեթղթերի գինը	գործարքի կնքման ամսաթիվը	Ժամկետը (օր)	տարեկան ռեպո %-դրույքը	սպասարկող կազմակեր-պություն	գործարքի հասցեատերը

Գործադիր տնօրեն ______________

Գլխավոր հաշվապահ ______________