Ո Ր Ո Շ ՈՒ Մ

27 մարտի 2008 թվականի N 300-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻՑ ՖԻՆԱՆՍԱՎՈՐՎՈՂ` ԱՆՇԱՐԺ ԳՈՒՅՔԻ ԿԱԴԱՍՏՐԻ ԶԱՐԳԱՑՄԱՆ 2008 ԹՎԱԿԱՆԻ ՀԱՄԱԼԻՐ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարության 2007 թվականի դեկտեմբերի 20-ի «Հայաստանի Հանրապետության 2008 թվականի պետական բյուջեի կատարումն ապահովող միջոցառումների մասին» N 1540-Ն որոշման 26-րդ կետին համապատասխան` Հայաստանի Հանրապետության կառավարությունը որոշում է.     

Հաստատել Հայաստանի Հանրապետության պետական բյուջեից ֆինանսավորվող` անշարժ գույքի կադաստրի զարգացման 2008 թվականի համալիր ծրագիրը` համաձայն հավելվածի:

Հայաստանի Հանրապետության վարչապետ	Տ. Սարգսյան
2008 թ. ապրիլի 11 Երևան

Հավելված ՀՀ կառավարության 2008 թվականի մարտի 27-ի N 300-Ն որոշման

2008  Թ Վ Ա Կ Ա Ն Ի  Հ Ա Մ Ա Լ Ի Ր  Ծ Ր Ա Գ Ի Ր

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻՑ ՖԻՆԱՆՍԱՎՈՐՎՈՂ` ԱՆՇԱՐԺ ԳՈՒՅՔԻ ԿԱԴԱՍՏՐԻ ԶԱՐԳԱՑՄԱՆ

Գ Լ ՈՒ Խ  I

«ԳԵՈԴԵԶԻԱՅԻ ԵՎ ՔԱՐՏԵԶԱԳՐՈՒԹՅԱՆ ԿԵՆՏՐՈՆ» ՊՈԱԿ-Ի ԿՈՂՄԻՑ ԻՐԱԿԱՆԱՑՎՈՂ ԱՇԽԱՐՀԱԳՐԱԿԱՆ ԱՆՎԱՆՈՒՄՆԵՐԻ ՀԱՇՎԱՌՄԱՆ ԵՎ ԳՐԱՆՑՄԱՆ ԱՇԽԱՏԱՆՔՆԵՐԻ ՊԵՏԱԿԱՆ ՊԱՏՎԵՐ» ԾՐԱԳԻՐ

Բյուջետային ծախսերի գործառական դասակարգման
բաժինը	խումբը	դասը	ծրագիրը
01	06	01	06
ԸՆԴՀԱՆՈՒՐ ԲՆՈՒՅԹԻ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐ	Ընդհանուր բնույթի հանրային ծառայություններ (այլ դասերի չպատկանող)	Ընդհանուր բնույթի հանրային ծառայություններ (այլ դասերի չպատկանող)

ԱՇԽԱՐՀԱԳՐԱԿԱՆ ԱՆՎԱՆՈՒՄՆԵՐԻ ԲՆԱԳԱՎԱՌՈՒՄ 2008 ԹՎԱԿԱՆԻՆ ԿԱՏԱՐՎԵԼԻՔ ԱՇԽԱՏԱՆՔՆԵՐԻ ԾՐԱԳԻՐ

1. Ծրագրի իրականացման նպատակը

Ծրագրի հիմնական նպատակը «Աշխարհագրական անվանումների մասին» Հայաստանի Հանրապետության օրենքի պահանջներին համապատասխան ոլորտի զարգացման և արդյունավետության բարձրացման համար Հայաստանի Հանրապետության աշխարհագրական անվանումների պետական քարտադարանի վարումն է և Հայաստանի Հանրապետության սահմաններից դուրս գտնվող աշխարհագրական անվանումների տեղեկատվական բանկի ստեղծումը: Այս բնագավառում, Հայաստանի Հանրապետության կառավարության 2001 թվականի հունիսի 9-ի «Հայաստանի Հանրապետության աշխարհագրական անվանումների հաշվառման ու գրանցման, պետական քարտադարանի ստեղծման և վարման կարգը հաստատելու մասին» N 502 որոշմամբ հաստատված` Հայաստանի Հանրապետության աշխարհագրական անվանումների հաշվառման ու գրանցման, պետական քարտադարանի ստեղծման և վարման կարգի պահանջներին համապատասխան, 2002-2007 թվականներին ավարտվել են Հայաստանի Հանրապետության բոլոր մարզերի աշխարհագրական անվանումների հաշվառման և գրանցման աշխատանքները, միաժամանակ ստեղծվել է աշխարհագրական անվանումների պետական քարտադարանը, որը պարբերաբար թարմացվում է:

2006 թվականին ներդրվել է աշխարհագրական անվանումների քարտադարանի ստեղծման և վարման ավտոմատացված համակարգը, որը ներառում է աշխարհագրական անվանումների պետական քարտադարանի ստեղծումն ու վարումը, Հայաստանի Հանրապետության աշխարհագրական անվանումների հաշվառման, գրանցման և դրանց մասին տեղեկատվության տրամադրման ավտոմատացումը:

2007 թվականին աշխարհագրական անվանումների հաշվառման, գրանցման նյութերի հիման վրա պատրաստվել են Հայաստանի Հանրապետության բոլոր մարզերի աշխարհագրական անվանումների պաշտոնական տեղեկատուները` գազետիրները:

2008 թվականի ծրագրով նախատեսվում է իրականացնել Հայաստանի Հանրապետության աշխարհագրական անվանումների պետական քարտադարանի վարման և թարմացման աշխատանքներ, որոնք կրում են շարունակական բնույթ և բխում են «Աշխարհագրական անվանումների մասին» Հայաստանի Հանրապետության օրենքի 11-րդ հոդվածի «բ» կետի պահանջներից: Վարման աշխատանքների բաղադրիչ մասն է կազմելու նաև 2007 թվականի հունիսի 15-ին կայացած ԱՊՀ մասնակից երկրների միջպետական խորհրդի XXVI նստաշրջանում ընդունված աշխարհագրական անվանումների տեղեկատվության փոխանակման գործընթացի շարունակման վերաբերյալ որոշումը:

Նախատեսվում է 2008 թվականին հրատարակել նաև հայերենով էկզոնիմների (օտարածին` հայերենում գործածվող և տեղերում օգտագործվող անվանումներից էապես տարբերվող անվանումներ, օրինակ` Լեհաստան-Polska, Հռոմ-Roma և այլն) համառոտ ցանկը: Էկզոնիմների համառոտ ցանկն անհրաժեշտ է միջազգային ասպարեզում համագործակցության, տարբեր լրատվական միջոցների, քարտեզագրական, գիտական, կրթական, ինչպես նաև գործունեության այլ ոլորտների համար: Նմանատիպ ցանկեր հրատարակվում և պարբերաբար թարմացվում են աշխարհի գրեթե բոլոր պետություններում:

2008 թվականին սկսվելու են Հայաստանի Հանրապետության սահմաններից դուրս գտնվող աշխարհագրական անվանումների տեղեկատվական բանկի ստեղծման աշխատանքները, որոնք բխում են «Աշխարհագրական անվանումների մասին» Հայաստանի Հանրապետության օրենքի 13-րդ հոդվածի 1-ին կետի պահանջներից և կարևոր նշանակություն ունեն լրատվական, գիտական, կրթական, քարտեզագրական և այլ ոլորտներում:

2. Ծրագրի իրականացումից ակնկալվող արդյունքները

Տվյալ ծրագրի իրականացման արդյունքում ակնկալվում է ունենալ`

1) Հայաստանի Հանրապետության աշխարհագրական անվանումների թարմացված և համալրված քարտադարան.

2) հայերենով էկզոնիմների (օտարածին անվանումների) համառոտ ցանկ.

3) Հայաստանի Հանրապետության սահմաններից դուրս գտնվող աշխարհագրական անվանումների տեղեկատվական բանկ (առաջին մաս):

3. Ծրագրի իրականացման միջոցառումները

Նախատեսվում է 2008 թվականին իրականացնել Հայաստանի Հանրապետության աշխարհագրական անվանումների քարտադարանի վարման, համալրման և թարմացման աշխատանքներ, որոնք կրում են շարունակական բնույթ: Այն ներառում է տեղեկատվական բանկի տվյալների անընդհատ թարմացում և համալրում` ի հաշիվ նոր անվանակոչված աշխարհագրական օբյեկտների (եկեղեցիներ, մատուռներ, կամուրջներ, ներբնակավայրային աշխարհագրական օբյեկտներ և այլն) և գոյություն ունեցող աշխարհագրական օբյեկտների անվանափոխման: Բացի դրանից, ելնելով «Աշխարհագրական անվանումների մասին» Հայաստանի Հանրապետության օրենքի 11-րդ հոդվածի «զ» կետի պահանջներից, նախատեսվում է տրամադրել նաև տեղեկատվություն:

«Աշխարհագրական անվանումների մասին» Հայաստանի Հանրապետության օրենքի 13-րդ հոդվածի պահանջների համաձայն ստեղծվելու և հրատարակվելու է մեծ պահանջարկ ունեցող` հայերենով էկզոնիմների համառոտ ցանկը, ինչպես նաև սկսվելու են Հայաստանի Հանրապետության սահմաններից դուրս գտնվող աշխարհագրական անվանումների տեղեկատվական բանկի ստեղծման աշխատանքները: Վերջինիս անհրաժեշտությունը բացատրվում է նաև նրանով, որ վերջին տարիներին շատացել է հայալեզու հրատարակչական արտադրանքը, որտեղ տեղ են գտնում բազմաթիվ աշխարհագրական անվանումներ: Ստեղծվել են նոր հեռուստաընկերություններ և ռադիոընկերություններ, գրահրատարակչություններ, թերթեր և ամսագրեր, որոնց կողմից ներկայացվող նյութերում անճշտություններից և կոպիտ վրիպակներից խուսափելու նպատակով շատ կարևոր է ունենալ աշխարհի աշխարհագրական անվանումների ճշգրիտ գրելաձևերը:

Այս աշխատանքներն իրականացվելու են` օգտագործվելով անգլիական «Քոլինզ» հրատարակչության կողմից 2004 թվականին հրատարակված «Աշխարհի ատլասը», ինտերնետային կայքեր և այլ քարտեզագրական նյութեր: Աշխատանքներն արդյունավետ և որակով կատարելու նպատակով ընդգրկվելու են լեզվաբաններ, աշխարհագրագետներ, պատմաբաններ և այլ մասնագետներ:

4. Ծրագրի ֆինանսական ապահովումը

Աշխարհագրական անվանումների ոլորտում 2008 թվականին նախատեսվող աշխատանքների ծախսերի նախահաշիվն ըստ ծավալների ներկայացված է աղյուսակում:

Աղյուսակ

NN ը/կ	Աշխատանքի անվանումը	Չափի միավորը	Ծավալը	Միավորի արժեքը (դրամ)	Գումարը (հազ. դրամ)
1.	ՀՀ աշխարհագրական անվանումների քարտադարանի վարման և թարմացման աշխատանքներ` 1) թարմացում 2) վարում	ամիս ամիս	10 10	300000 100000	3000.0 1000.0
2.	Հայերենով էկզոնիմների համառոտ ցանկ` 1) ցանկի նախապատրաստական աշխատանքներ 2) հրատարակում	անվանում օրինակ	3000 500	567 600	1700.0 300.0
3.	ՀՀ սահմաններից դուրս գտնվող աշխարհագրական անվանումների տեղեկատվական բանկի ստեղծում` (Աշխարհի աշխարհագրական անվանումների պաշտոնական տեղեկատու` գազետիր)	անվանում	65000	200	13000.0
Ընդամենը					19000.0

Գ Լ ՈՒ Խ  II

«ԳԵՈԴԵԶԻԱՅԻ ԵՎ ՔԱՐՏԵԶԱԳՐՈՒԹՅԱՆ ԿԵՆՏՐՈՆ» ՊՈԱԿ-Ի ԿՈՂՄԻՑ ՊԵՏԱԿԱՆ ՄԱՍՇՏԱԲԱՅԻՆ ՇԱՐՔԻ ԲԱԶԱՅԻՆ ՔԱՐՏԵԶՆԵՐԻ ՍՏԵՂԾՄԱՆ ԵՎ ՕԴԱԼՈՒՍԱՆԿԱՐԱՀԱՆՄԱՆ ԱՇԽԱՏԱՆՔՆԵՐԻ ԻՐԱԿԱՆԱՑՄԱՆ ՊԵՏԱԿԱՆ ՊԱՏՎԵՐ» ԾՐԱԳԻՐ

Բյուջետային ծախսերի գործառական դասակարգման
բաժինը	խումբը	դասը	ծրագիրը
01	06	01	07
ԸՆԴՀԱՆՈՒՐ ԲՆՈՒՅԹԻ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐ	Ընդհանուր բնույթի հանրային ծառայություններ (այլ դասերի չպատկանող)	Ընդհանուր բնույթի հանրային ծառայություններ (այլ դասերի չպատկանող)

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՄԱՍՇՏԱԲԱՅԻՆ ՇԱՐՔԻ ՏԵՂԱԳՐԱԿԱՆ ՔԱՐՏԵԶՆԵՐԻ ՍՏԵՂԾՄԱՆ 2008 ԹՎԱԿԱՆԻ ԾՐԱԳԻՐ

1. Ծրագրի իրականացման նպատակը

Տեղագրական քարտեզագրության ոլորտում պետական մասշտաբային շարքի քարտեզների ստեղծման և թարմացման նպատակով աշխատանքներն ամբողջությամբ իրականացվում են Հայաստանի Հանրապետության կառավարության 2002 թվականի սեպտեմբերի 19-ի «Հայաստանի Հանրապետության պետական մասշտաբային շարքի բազային քարտեզների ստեղծման և օդալուսանկարահանման աշխատանքների իրականացման ծրագիրը հաստատելու մասին» N 1565-Ն որոշման շրջանակներում:

Ստեղծվող թվային բազային քարտեզները հիմք են հանդիսանալու գերատեսչական տարբեր ոլորտների (քաղաքաշինական, բնապահպանական, արդյունաբերության, կադաստրի, տարածքների պլանավորման, գյուղատնտեսական հողերի հաշվառման, հողերի միավորման, հողերի օգտագործման և գոտևորման սխեմաների կազմման, գույքահարկի և գնահատման բազաների ճշգրտման, վարչական և տնտեսական գործունեության, մելիորացիայի, երկրաբանական հետախուզական աշխատանքների, անտառատնտեսության և այլն) խնդիրների լուծման նպատակով քարտեզների ստեղծման համար:

Տեղագրական քարտեզների ստեղծման և թարմացման անհրաժեշտությունն ու առաջնահերթությունը բխում են նաև նրանից, որ թվային քարտեզների վրա բոլոր օբյեկտները և տարրերը պատկերվելու են վեկտորային ֆորմատով, որը թույլ կտա անհրաժեշտության դեպքում տեղեկատվություն տրամադրել ոչ միայն ամբողջ քարտեզի ծավալով, այլև առանձին շերտերի ձևով, որով վերջնականապես կկարգավորվի գաղտնի և հատուկ նշանակության օբյեկտների մասին տեղեկատվության տրամադրման սահմանափակման խնդիրը և քաղաքացիական օգտագործման նպատակներով քարտեզների ու հատակագծերի հրատարակումը:

2006-2007 թվականների ընթացքում Հայաստանի Հանրապետության կառավարության կողմից հաստատվել են Հայաստանի Հանրապետության բոլոր մարզերի անվանակոչված աշխարհագրական օբյեկտների անվանումները, որոնք անհրաժեշտ է անցկացնել պետական մասշտաբային շարքի տեղագրական քարտեզների վրա, ինչպես նաև համապատասխան լրացումներ կատարել դրանց տեղեկամատյաններում:

2. Ծրագրի իրականացումից ակնկալվող արդյունքները

Տվյալ ծրագրի իրականացման արդյունքում ակնկալվում է ունենալ հետևյալ ձեռքբերումները`

1) տիեզերալուսանկարահանված 4816 քառ. կմ տարածքի դաշտային վերծանված նյութեր.

2) գոյություն ունեցող 1:10000 մասշտաբի 91 թերթ տեղագրական քարտեզներ` տեղափոխված այլ կոորդինատային համակարգ.

3) 1:10000 մասշտաբի 160 թերթ և 1:25000 մասշտաբի 28 թերթ թվայնացված տեղագրական քարտեզներ.

4) նոր տիեզերալուսանկարներ.

5) Հայաստանի Հանրապետության 5000 քառ. կմ տարածքի 1:10000 մասշտաբի տեղագրական քարտեզների թարմացման նպատակով տիեզերալուսանկարահանման նյութերի մշակում.

6) պետական մասշտաբային շարքի 1:10000 մասշտաբի թվայնացված, տպագրված և թարմացված 205 թերթ տեղագրական քարտեզներ.

7) 1:10000 մասշտաբի տեղագրական քարտեզներ և դրանց տեղեկամատյանները` նոր անվանակոչված աշխարհագրական օբյեկտների անվանումներով և գեոդեզիական կետերով:

3. Ծրագրի իրականացման միջոցառումները

2008 թվականին շարունակվելու են Հայաստանի Հանրապետության սահմաններից դուրս տարածքների 1:10000 և 1:25000 մասշտաբների թվային տեղագրական քարտեզների ստեղծման աշխատանքները:

Հայաստանի Հանրապետության սահմաններից դուրս տարածքների պետական մասշտաբային շարքի բազային տեղագրական քարտեզներն ստեղծվելու են արբանյակային մոնո տիեզերալուսանկարահանման նյութերի հիման վրա, որից հետո պետք է իրականացվեն նաև այդ նյութերի 160 թերթերի (1:10000 մասշտաբի) և 28 թերթերի (1:25000 մասշտաբի) մշակման և թվայնացման աշխատանքներ, որոնք հիմք կհանդիսանան մասշտաբային շարքի մյուս տեղագրական քարտեզների ստեղծման համար: Մոնո եղանակով լուսանկարահանված նյութերը ռելիեֆը ճշգրիտ պատկերելու հնարավորություն չեն տալիս: Այդ պատճառով 1:10000 մասշտաբի տեղագրական քարտեզների ռելիեֆն ստացվելու է նախկինում ավանդական եղանակով ստացված քարտեզների սկանավորման, համակարգերի ու մասշտաբների փոփոխման և գրասենյակային մշակման արդյունքում: Հետագայում կատարվելու է տիեզերալուսանկարահանման նյութերից ստացված տեղանքի իրադրության (բնակավայրեր, ճանապարհներ, անտառային շերտեր, ջրատարներ և գազատարներ, այլ տեղագրական օբյեկտներ) և ռելիեֆի համադրում, որի արդյունքում կստացվի լիարժեք թվային տեղագրական քարտեզ:

2008 թվականի երկրորդ եռամսյակի վերջում Հայաստանի Հանրապետության տարածքում սկսելու է գործել տիեզերական ընդունիչ կայան, որի միջոցով հնարավոր կլինի կարճ ժամանակահատվածում և բարձր ճշտությամբ նկարահանել անհրաժեշտ տարածքները: Քանի որ Հայաստանի Հանրապետության տարածքի մոտավորապես 45 տոկոսի համար լուսանկարահանում չի իրականացվել, և այդ տարածքների թվային տեղագրական քարտեզներն ստեղծվել են 10-15 տարվա վաղեմություն ունեցող ավանդական եղանակով ստեղծված տեղագրական քարտեզների հիման վրա, ուստի, անհրաժեշտություն է առաջանում այդ տարածքներն ուսումնասիրել և առավել շատ փոփոխության ենթարկված տարածքների տեղագրական քարտեզները թարմացնել: Նախատեսվում է 2008 թվականին իրականացնել Հայաստանի Հանրապետության մոտավորապես 5000 քառ. կմ տարածքի 1:10000 մասշտաբի 205 թերթ տեղագրական քարտեզների թարմացման աշխատանքներ, որոնք կրելու են շարունակական բնույթ, և յուրաքանչյուր տարի տիեզերանկարահանման նյութերի հիման վրա, ըստ անհրաժեշտության աստիճանի, թարմացվելու է ըստ կանխատեսումների թերթերի ընդհանուր թվի մոտավորապես 1/6 մասը:

Շարունակվելու են նաև հրատարակչական աշխատանքները, ըստ որոնց նախատեսվում է 2008 թվականին հրատարակել թարմացված տարածքների 205 թերթ (2-ական օրինակից) տեղագրական քարտեզներ:

2008 թվականին կիրականացվեն նաև Հայաստանի Հանրապետության պետական մասշտաբային շարքի 1:10000 մասշտաբի տեղագրական քարտեզներն ու դրանց տեղեկամատյանները գեոդեզիական կետերով և նոր անվանակոչված աշխարհագրական օբյեկտների անվանումներով համալրման աշխատանքներ:

4. Ծրագրի ֆինանսական ապահովումը

2008 թվականին պետական մասշտաբային շարքի տեղագրական քարտեզների ստեղծման աշխատանքների ծախսերի նախահաշիվն ըստ ծավալների ներկայացված է աղյուսակում:

Պետական մասշտաբային շարքի տեղագրական քարտեզների ստեղծման աշխատանքները

Աղյուսակ

NN ը/կ	Աշխատանքի անվանումը	Չափի միավորը	Միավորի արժեքը (դրամ)	Ծավալը	Գումարը (հազ. դրամ)
1	2	3	4	5	6
I. Տիեզերալուսանկարահանում
1.	Տիեզերալուսանկարահանման նյութերի դաշտային վերծանում	կմ2	9774	4816	47071.6
2.	Տիեզերալուսանկարներից 1:10000 մասշտաբի տեղագրական քարտեզների թվայնացում` 1) ռելիեֆի թվայնացում 2) իրադրության թվայնացում	թերթ թերթ	60000 51918	160 160	9600.0 8306.9
3.	Տիեզերալուսանկարներից 1:25000 մասշտաբի տեղագրական քարտեզների թվայնացում` 1) ռելիեֆի թվայնացում 2) իրադրության թվայնացում	թերթ թերթ	70000 62384	28 28	1960.0 1746.8
4.	Գոյություն ունեցող տեղագրական քարտեզների այլ կոորդինատային համակարգ տեղափոխում և գրասենյակային մշակում	թերթ	38348	91	3489.7
Ընդամենը					72175.0
II. ՀՀ տարածքի 1:10000 մասշտաբի տեղագրական քարտեզների թարմացում
1.	Թարմացման ենթակա աշխատանքների ուսումնասիրում և նախագծի կազմում	նախագիծ	1140558	1	1140.5
2.	Տիեզերալուսանկարահանում	կմ2	270	50000	13500.0
3.	Տիեզերակայանից ստացված տեղեկատվության սինթեզում, ֆորմատավորում և նախապատրաստում մշակման	կմ2			12446.0
4.	Տիեզերալուսանկարահանման նյութերի պլանաբարձունքային հիմքի ապահովում	կմ2	4777	5000	23885.0
5.	Տիեզերալուսանկարահանման նյութերի խտացում և հավասարակշռում	կմ2	974	5000	4870.0
6.	Տիեզերալուսանկարահանման նյութերի օրթոֆոտոյի ստեղծում և ռելիեֆի ուղղում	կմ2	2266	5000	11330.0
7.	Տիեզերալուսանկարահանման նյութերի դաշտային վերծանում	կմ2	9774	5000	48870.0
8.	1:10000 մասշտաբի տեղագրական քարտեզների թվայնացում	թերթ	55959	205	11471.6
9.	Քարտեզների հրատարակում (2 օրինակ)	թերթ	3238	205	663.8
10.	Տեխնիկական հաշվետվության կազմում	հաշվ.	534082	1	534.1
Ընդամենը					128711.0
III. ՀՀ պետական մասշտաբային շարքի 1:10000 մասշտաբի տեղագրական քարտեզների և դրանց տեղեկամատյանների գեոդեզիական կետերով և աշխարհագրական անվանումներով համալրում
1.	1:10000 մասշտաբի տեղագրական քարտեզների տեղեկամատյաններում գեոդեզիական կետերի լրացում	տեղեկա-մատյան	583	1341	781.8
2.	ՎԻ ՋԻ ԷՍ (WGS)-84 համակարգի գեոդեզիական կետերի վերա-հաշվարկ ՍԿ-42 թ. համակարգ և դրանց անցկացում 1:10000 և 1:25000 մասշտաբների էլեկտրոնային քարտեզների վրա	կետ	324	1069	346.4
3.	1:10000 մասշտաբի տեղագրական քարտեզների տեղեկամատյաններում փոփոխությունների և լրացումների կատարում	տեղեկա-մատյան	583	670	390.6
4.	Անվանակոչված աշխարհագրական օբյեկտների անվանումների անցկացումն էլեկտրոնային քարտեզների վրա	անվանում	117	10000	1170.0
5.	1:10000 մասշտաբի տեղագրական քարտեզների խմբագրում և սրբագրում	թերթ	681	670	456.3
ընդամենը					3145.1
Ընդամենը					204031.1

Գ Լ ՈՒ Խ  III

«ԳԵՈԴԵԶԻԱՅԻ ԵՎ ՔԱՐՏԵԶԱԳՐՈՒԹՅԱՆ ԿԵՆՏՐՈՆ» ՊՈԱԿ-Ի ԿՈՂՄԻՑ ԳԵՈԴԵԶԻԱԿԱՆ ԱՇԽԱՏԱՆՔՆԵՐԻ ԻՐԱԿԱՆԱՑՄԱՆ (ՎԻ ՋԻ ԷՍ (WGS)-84 ՀԱՄԱՇԽԱՐՀԱՅԻՆ ԳԵՈԴԵԶԻԱԿԱՆ ԿՈՈՐԴԻՆԱՏԱՅԻՆ ՀԱՄԱԿԱՐԳՈՒՄ ՆՈՐ ԳԵՈԴԵԶԻԱԿԱՆ ՑԱՆՑԻ ՍՏԵՂԾՄԱՆ ԱՇԽԱՏԱՆՔՆԵՐԻ ՇԱՐՈՒՆԱԿՈՒԹՅՈՒՆ) ԱՇԽԱՏԱՆՔՆԵՐԻ ՊԵՏԱԿԱՆ ՊԱՏՎԵՐ» ԾՐԱԳԻՐ

Բյուջետային ծախսերի գործառական դասակարգման
բաժինը	խումբը	դասը	ծրագիրը
01	06	01	08
ԸՆԴՀԱՆՈՒՐ ԲՆՈՒՅԹԻ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐ	Ընդհանուր բնույթի հանրային ծառայություններ (այլ դասերի չպատկանող)	Ընդհանուր բնույթի հանրային ծառայություններ (այլ դասերի չպատկանող)

1. Իրավիճակի նկարագրությունը եվ հիմնական խնդիրները

Պետական գեոդեզիական ցանցն ստեղծված է պետության ամբողջ տարածքում և հիմք է խտացման և հանութային ցանցերի կառուցման համար: Դա հնարավորություն է ընձեռում առավել ռացիոնալ և ճշգրիտ ձևով կազմակերպելու ցանկացած տիպի տեղագրագեոդեզիական կամ հանութային աշխատանքներ: Պետական գեոդեզիական ցանցի կետերը հիմք են նաև ինժեներահետազոտական, երկրաբանահետախուզական, գեոդինամիկական պոլիգոնների ստեղծման, սողանքների ուսումնասիրման, պաշտպանական խնդիրների և այլ գիտական ծրագրերի իրականացման համար:

Հայաստանի Հանրապետության անկախության հռչակումից հետո փոխվել են հողօգտագործման ձևերը, սեփականաշնորհվել են գյուղատնտեսական նշանակության հողատեսքերը, պետական ֆոնդի հողերն անհատույց տրամադրվել են համայնքներին: Ներկայիս շուկայական հարաբերությունների ակտիվ զարգացման և անշարժ գույքի շուկայում գների աննախադեպ աճի պայմաններում կտրուկ բարձրանում են չափագրումների ճշտության նկատմամբ պահանջները: Սեփականաշնորհված փոքր չափերի հողատարածքները, շենքերը և շինությունները հատակագծերի վրա ճիշտ արտահայտելու համար անհրաժեշտ է բնակավայրերում հանույթները կատարել 1:500 մասշտաբով, իսկ բնակավայրերից դուրս` 1:2000 մասշտաբով: Այդ մասշտաբներով հանութագրում կատարելու համար անհրաժեշտ է ունենալ բարձր ճշտություն ունեցող գեոդեզիական ցանց:

Առավել խիստ են պահանջներն օդագնացության մեջ թռիչքուղիների անվտանգության ապահովման, ինչպես նաև նավիգացիոն համակարգերի ներդրման գործում:

Հայաստանի Հանրապետության կառավարության 2002 թվականի մարտի 11-ի «Հայաստանի Հանրապետության տարածքում WGS-84 համաշխարհային գեոդեզիական կոորդինատային համակարգը ներդնելու մասին» N 225 որոշմամբ Հայաստանի Հանրապետության տարածքում 2002 թվականից ներդրվել է ՎԻ ՋԻ ԷՍ (WGS)-84 համաշխարհային գեոդեզիական կոորդինատային համակարգը:

ՎԻ ՋԻ ԷՍ (WGS)-84 համաշխարհային գեոդեզիական կոորդինատային համակարգում նոր գեոդեզիական ցանցի ստեղծման աշխատանքների արդյունքում ստեղծվել է ազգային գեոդեզիական ցանցը` հետևյալ կառուցվածքով` 0-ական դասի 5 կետ, 1-ին դասի 41 կետ, 2-րդ դասի 1069 կետ:

Որպեսզի ներդրված գեոդեզիական ցանցերն ապահովեն նշված խնդիրների լուծումը, անհրաժեշտ է Հայաստանի Հանրապետության տարածքում մշտապես արդիական վիճակում պահել պետական գեոդեզիական պլանային և բարձունքային ցանցերը` դրանք պարբերաբար հետազոտելու, թարմացնելու, խտացնելու և վերադիտարկելու միջոցով, օգտագործելով ժամանակակից արբանյակային և էլեկտրոնային տեխնոլոգիաներ, որոնք իրենց ճշտությամբ կապահովեն առաջադրված խնդիրների լուծումը:

2. Հայաստանի Հանրապետության պետական գեոդեզիական եվ համաշխարհային ՎԻ ՋԻ ԷՍ (WGS)-84 համակարգում գեոդեզիական ցանցի կետերի մոնիթորինգը

Հայաստանի Հանրապետության պետական գեոդեզիական ցանցն արդիական վիճակում պահպանելու համար անհրաժեշտ է յուրաքանչյուր տարի պարբերաբար իրականացնել մոնիթորինգ, ուսումնասիրել և տեղանքում հետազննել ցանցի կետերի ֆիզիկական վիճակը:

ՎԻ ՋԻ ԷՍ (WGS)-84 համակարգում ստեղծված 0-ական, 1-ին և 2-րդ դասերի ցանցերն արդիական վիճակում պահպանելու նպատակով նախատեսվում է իրականացնել մոնիթորինգի անցկացման աշխատանքներ` տարեկան ամբողջ ծավալի 10 տոկոսի չափով:

2008 թվականի ծրագրով նախատեսվում է իրականացնել Հայաստանի Հանրապետության Արագածոտնի մարզի ՎԻ ՋԻ ԷՍ (WGS)-84 համակարգում կետերի ուսումնասիրում և դաշտային հետազոտում:

3. ՄերձերԵՎանյան գեոդինամիկական պոլիգոնը

Հայաստանի տարածքը կազմում է 29.8 հազ. կմ², որտեղ գոյություն ունեն 6 ակտիվ երկրաբանական խզվածքներ:

Հայաստանի Հանրապետության սեյսմիկ գոտիներում ճշգրիտ գեոդեզիական չափագրումների հիման վրա կարելի է կանխորոշել, թե որտեղ է գտնվելու ապագա երկրաշարժի էպիկենտրոնը, ինչը թույլ կտա ճիշտ տեղադրել երկրաշարժագիտական սարքերն ու համակարգերը: Երկրակեղևի այն մասերում, որտեղ կան կրկնվող բարձրակարգ նիվելիրային ընթացքներ, ժամանակակից ուղղաձիգ տեղաշարժերի տվյալների հիման վրա հնարավոր է հայտնաբերել ուղղաձիգ դեֆորմացիաների տարածաշրջանները: Դա նշանակում է, որ անրաժեշտ է ստեղծել հատուկ գեոդինամիկական պոլիգոններ` երկրակեղևի տեղաշարժերի ուսումնասիրություններ իրականացնելու նպատակով:

Նախկին Խորհրդային Միության սեյսմիկ շրջաններում երկրակեղևի ուղղաձիգ շարժումների գեոկինեմատիկայի ուսումնասիրման նպատակով պարբերաբար կատարվել են ուսումնասիրություններ` բարձր ճշգրտության I և II դասերի նիվելիրացման եղանակով:

Սպիտակի երկրաշարժից հետո ՀայՊետԻԳՀՆ ինստիտուտում առաջին անգամ մշակվեց յուրահատուկ տեխնիկական նախագիծ` Երևանի տարածաշրջանում Գառնու ակտիվ խզվածքի (Երևանից 22 կմ) և Փարաքար-Այնթափ հատվածում I դասի նիվելիրացման պարբերական դիտարկումներ իրականացնելու նպատակով: Աշխատանքների հիմնական նպատակն էր փուլային դիտարկումների հիման վրա ստացված անհրաժեշտ տվյալների հավաքագրումը, վերլուծությունը, ինչպես նաև տրամադրումը սեյսմոլոգներին, գեոֆիզիկներին և այլ շահագրգիռ մասնագետների: Իրականացվեցին մի քանի փուլի դիտարկումներ, սակայն ԽՍՀՄ-ի փլուզման հետևանքով այդ աշխատանքներն իրենց անհրաժեշտ շարունակությունը չունեցան` ֆինանսավորման բացակայության պատճառով:

Հաշվի առնելով այդ աշխատանքների կարևորությունը և մեր տարածաշրջանում վերջին տարիների սեյսմիկ ակտիվությունը` անհրաժեշտություն է առաջանում վերսկսելու այդ աշխատանքները` միաժամանակ վերանայելով դիտարկումների իրականացման տեխնիկական և որակական պահանջները: Նախատեսվում է աշխատանքներն իրականացնել միայն բարձրակարգ ժամանակակից թվային նիվելիրներով և ՋԻ ՓԻ ԷՍ (GPS) կայաններով:

Հիմք ընդունելով մերձերևանյան գեոդինամիկական պոլիգոնի տարածքում 2007 թվականին արդեն կատարված դաշտային ուսումնասիրման և հետազոտման աշխատանքների արդյունքները` նախատեսվում է այդ տարածքներում վերականգնել ոչնչացված I դասի նիվելիրացման հիմնակետերը, Գառնու ակտիվ խզվածքում տեղադրել ՋԻ ՓԻ ԷՍ (GPS) դիտարկման նոր կետեր և իրականացնել նիվելիրացման ու դիտարկման աշխատանքներ: Խզվածքներում համատեղ, պարբերաբար իրականացվող նիվելիրացման և ՋԻ ՓԻ ԷՍ (GPS) դիտարկման տվյալները հնարավորություն կընձեռեն բացահայտելու ոչ միայն ուղղաձիգ, այլ նաև հորիզոնական տեղաշարժերը: 2008 թվականին նախատեսվում է խզվածքների վրա I դասի նիվելիրացման և դիտարկման աշխատանքներն իրականացնել 3 փուլով` տարեկան` մեկ անգամ:

4. Հայաստանի Հանրապետության տարածքում տարբեր կոորդինատային համակարգերից ՎԻ ՋԻ ԷՍ (WGS)-84 համաշխարհային կոորդինատային համակարգին անցնելու աշխատանքները

Սույն ծրագրով նախատեսվում է առաջնահերթ կարգով իրականացնել տարբեր կոորդինատային համակարգերից ՎԻ ՋԻ ԷՍ (WGS)-84 համաշխարհային գեոդեզիական կոորդինատային համակարգին անցնելու Հայաստանի Հանրապետության պետական մասշտաբային շարքի խոշոր քաղաքների 1:2000 մասշտաբի տեղագրական հատակագծերի սեղանների և գեոդեզիական ցանցի կետերի կոորդինատների վերահաշվարկման ու Հայաստանի Հանրապետության խոշոր քաղաքների (որտեղ կատարվում են ակտիվ անշարժ գույքի գործընթացներ) 1:2000 տեղագրական հատակագծերի ձևափոխում ՎԻ ՋԻ ԷՍ (WGS)-84 համակարգ:

NN ը/կ	Քաղաքի անվանումը	1:2000 մասշտաբի տեղագրական հատակագծերի
		թիվը	տեսքը
1.	Երևան	384	թվային
2.	Ծաղկաձոր	23	թվային
3.	Արտաշատ	28	թվային
4.	Արմավիր	22	թվային
5.	Հրազդան	66	թվային
6.	Աշտարակ	39	թվային
7.	Գյումրի	74	թվային

 5. Ծրագրի իրականացումից ակնկալվող արդյունքները

Ծրագրի իրականացումից հետո ակնկալվում է ունենալ`

1) Հայաստանի Հանրապետության պետական գեոդեզիական և համաշխարհային ՎԻ ՋԻ ԷՍ (WGS)-84 համակարգում գեոդեզիական ցանցի կետերի ամենամյա մոնիթորինգ` Արագածոտնի տարածաշրջանում.

2) մերձերևանյան գեոդինամիկական պոլիգոնում հիմնական գծով I դասի նիվելիրացման (117.57 կմ), խզվածքների վրա 1 փուլով I դասի նիվելիրացման (66.28 կմ) և 51 ՋԻ ՓԻ ԷՍ (GPS) կետերի դիտարկման աշխատանքներ.

3) Հայաստանի Հանրապետության պետական մասշտաբային շարքի խոշոր քաղաքների 1:2000 մասշտաբի տեղագրական հատակագծերի սեղանների և գեոդեզիական ցանցի կետերի կոորդինատների վերահաշվարկում ՎԻ ՋԻ ԷՍ (WGS)-84 կոորդինատային համակարգ.

դ) Հայաստանի Հանրապետության պետական բարձունքային ցանցի հենանիշների բարձրությունների կատալոգի կազմում և հրատարակում` 3 օրինակից:

6. Ծրագրով նախատեսված աշխատանքների ֆինանսավորումը

Ծրագրով նախատեսված Հայաստանի Հանրապետության պետական գեոդեզիական և համաշխարհային ՎԻ ՋԻ ԷՍ (WGS)-84 համակարգում գեոդեզիական ցանցի կետերի մոնիթորինգի, մերձերևանյան գեոդինամիկական պոլիգոնում նախատեսվող միջոցառումներն ու ֆինանսավորման հաշվարկները ներկայացված են NN 1 և 2 աղյուսակներում:

ԾՐԱԳՐԻ ԳԾՈՎ ՖԻՆԱՆՍԱԿԱՆ ՊԱՀԱՆՋՆԵՐԻ ԱՄՓՈՓՈՒՄ` 2008 ԹՎԱԿԱՆԻ ԺԱՄԱՆԱԿԱՀԱՏՎԱԾԻ ՀԱՄԱՐ

Աղյուսակ N 1

NN ը/կ	Աշխատանքի անվանումը	Չափի միավորը	Ծա-վալը	Միավորի արժեքը (դրամ)	Գումարը (հազ. դրամ)
I.	ՀՀ պետական գեոդեզիական և համաշխարհային ՎԻ ՋԻ ԷՍ (WGS)-84 համակարգում գեոդեզիական ցանցի կետերի մոնիթորինգ
1.	Տեխնիկական ծրագրի հաշվում	ծրագիր	1	316822	316.8
2.	ՀՀ պետական գեոդեզիական և համաշխարհային ՎԻ ՋԻ ԷՍ (WGS)-84 համակարգում ցանցի կետերի ուսումնասիրում, դաշտային հետազոտում	կետ	103	27421	2824.4
3.	Տեխնիկական հաշվետվության կազմում	հաշվետվ.	1	445068	445.1
	ընդամենը				3586.3
II.	Մերձերևանյան գեոդինամիկական գեոպոլիգոն
1.	ՋԻ ՓԻ ԷՍ (GPS) կետերի տեղազննում` 2-րդ դասի ծրագրով	կետ	28	7814	218.8
2.	ՋԻ ՓԻ ԷՍ (GPS) կետերի տեղադրում` 2-րդ դասի ծրագրով	կետ	28	98155	2748.3
3.	ՋԻ ՓԻ ԷՍ (GPS) կետերի դիտարկումներ` մշտական գործող 2-րդ դասի ծրագրով	կետ	51	73258	3736.2
4.	2-րդ դասի ցանցի կետերի դիտարկում մշտական գործող 2 բազայի աշխատանքի ընթացքում	կետ	10	8649	86.5
5.	ՋԻ ՓԻ ԷՍ (GPS) կետերի հավասարակշռում և կոորդինատների հաշվարկում	կետ	51	1702	86.8
6.	ՋԻ ՓԻ ԷՍ (GPS) կետերի կատալոգի կազմում	կետ	41	2338	95.9
7.	Նիվելիրային հենանիշների տեղազննում	հենանիշ	17	7236	123.0
8.	Գրունտային հենանիշի տեղադրում	հենանիշ	5	81583	407.9
9.	Պատի հենանիշի տեղադրում	հենանիշ	11	14417	158.6
10.	Ժայռային հենանիշի տեղադրում	հենանիշ	1	31887	31.9
11.	I դասի նիվելիրացում (բարդության գործակիցը` 1.2)	գծկմ	61.57	131026	8066.7
12.	I դասի նիվելիրացում	գծկմ	56.00	109188	6114.5
13.	I դասի նիվելիրացում` խզվածքներով (3 փուլով)	գծկմ	66.28	131026	8684.4
14.	I դասի նիվելիրացման նյութերի մշակում	գծկմ	183.85	3776	694.2
15.	Տեխնիկական հաշվետվության կազմում	հաշվետվ.	1	445068	445.1
	ընդամենը				31698.7
III.	Հայաստանի Հանրապետության տարածքում տարբեր կոորդինատային համակարգերից ՎԻ ՋԻ ԷՍ (WGS)-84 համաշխարհային կոորդինատային համակարգին անցնելու աշխատանքներ
1.	Տարբեր կոորդինատային համակարգերից ՎԻ ՋԻ ԷՍ (WGS)-84 համաշխարհային կոորդինատային համակարգին անցնելու սեղանների կոորդինատների և կետերի հաշվարկում (1:2000 մասշտաբ - 636 թերթ)	կետ	10176	164	1668.9
2.	Տեխնիկական հաշվետվության կազմում	հաշվետվ.	1	316822	316.8
	ընդամենը				1985.7
IV.	ՀՀ պետական բարձունքային ցանցի հենանիշների բարձրությունների կատալոգի կազմում և հրատարակում` 3 օրինակից
1.	ՀՀ պետական բարձունքային ցանցի հենանիշների բարձրությունների կատալոգի կազմում և հրատա-րակում` 3 օրինակից	կետ	1019	2338	2382.4
	ընդամենը				2382.4
	Ընդամենը				39653.1
	ԱԱՀ-20 %				7930.6
	Ընդամենը				47583.7

Աղյուսակ N 2

NN ը/կ	Աշխատանքի անվանումը	1-ին եռամսյակ	2-րդ եռամսյակ	3-րդ եռամսյակ	4-րդ եռամսյակ	Ընդամենը
I.	ՀՀ պետական գեոդեզիական և համաշխարհային ՎԻ ՋԻ ԷՍ (WGS)-84 համակարգում գեոդեզիական ցանցի կետերի մոնիթորինգ
1.	Տեխնիկական ծրագրի հաշվում	316.8				316.8
2.	ՀՀ պետական գեոդեզիական և համաշխարհային ՎԻ ՋԻ ԷՍ (WGS)-84 համակարգում ցանցի կետերի ուսումնասիրում, դաշտային հետազոտում		1371	1453.4		2824.4
3.	Տեխնիկական հաշվետվության կազմում				445.1	445.1
	ընդամենը					3586.3
II.	Մերձերևանյան գեոդինամիկական գեոպոլիգոն
1.	ՋԻ ՓԻ ԷՍ (GPS) կետերի տեղազննում` 2-րդ դասի ծրագրով	218.8				218.8
2.	ՋԻ ՓԻ ԷՍ (GPS) կետերի տեղադրում` 2-րդ դասի ծրագրով	2748.3				2748.3
3.	ՋԻ ՓԻ ԷՍ (GPS) կետերի դիտար-կումներ` մշտական գործող 2-րդ դասի ծրագրով
		3736.2				3736.2
4.	2-րդ դասի ցանցի կետերի դիտարկում մշտական գործող 2 բազայի աշխատանքի ընթացքում
		86.5				86.5
5.	ՋԻ ՓԻ ԷՍ (GPS) կետերի հավասարակշռում և կոորդինատների հաշվարկում
			86.8			86.8
6.	ՋԻ ՓԻ ԷՍ (GPS) կետերի կատալոգի կազմում		95.9			95.9
7.	Նիվելիրային հենանիշների տեղազննում		123.0			123.0
8.	Գրունտային հենանիշի տեղադրում		407.9			407.9
9.	Պատի հենանիշի տեղադրում		158.6			158.6
10.	Ժայռային հենանիշի տեղադրում		31.9			31.9
11.	I դասի նիվելիրացում (բարդության գործակիցը` 1.2)			8066.7		8066.7
12.	I դասի նիվելիրացում		6114.5			6114.5
13.	I դասի նիվելիրացում` խզվածքներով (3 փուլով)		4342.2			4342.2
14.	I դասի նիվելիրացման նյութերի մշակում				694.2	694.2
15.	Տեխնիկական հաշվետվության կազմում				445.1	445.1
	ընդամենը					31698.7
III.	Հայաստանի Հանրապետության տարածքում տարբեր կոորդինատային համակարգերից ՎԻ ՋԻ ԷՍ (WGS)-84 համաշխարհային կոորդինատային համակարգին անցնելու աշխատանքներ
1.	Տարբեր կոորդինատային հա-մակարգերից ՎԻ ՋԻ ԷՍ (WGS)-84 համաշխարհային կոորդինատային համակարգին անցնելու սեղանների կոորդինատների և կետերի հաշվարկում (1:2000 մասշտաբ - 636 թերթ)	1668.9				1668.9
2.	Տեխնիկական հաշվետվության կազմում	316.8				316.8
	ընդամենը					1985.7
IV.	ՀՀ պետական բարձունքային ցանցի հենանիշների բարձրությունների կատալոգի կազմում
1.	ՀՀ պետական բարձունքային ցանցի հենանիշների բարձրությունների կատալոգի կազմում և հրատարակում` 3 օրինակից				2382.4	2382.4
	ընդամենը				2382.4	2382.4
	Ընդամենը	9092.3	12778.5	13816.8	3965.5	39653.1
	ԱԱՀ-20 %	1818.46	2555.7	2763.4	793.1	7930.6
	Ընդամենը	10910.8	15334.2	16580.2	4758.6	47583.7

Գ Լ ՈՒ Խ  IV

«ԱՆՇԱՐԺ ԳՈՒՅՔԻ ՊԵՏԱԿԱՆ ՄԻԱՍՆԱԿԱՆ ԿԱԴԱՍՏՐԻ ՏԵՂԵԿԱՏՎՈՒԹՅԱՆ ՏՐԱՄԱԴՐՈՒՄ» ԾՐԱԳԻՐ

Բյուջետային ծախսերի գործառական դասակարգման
բաժինը	խումբը	դասը	ծրագիրը
01	06	01	09
ԸՆԴՀԱՆՈՒՐ ԲՆՈՒՅԹԻ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐ	Ընդհանուր բնույթի հանրային ծառայություններ (այլ դասերի չպատկանող)	Ընդհանուր բնույթի հանրային ծառայություններ (այլ դասերի չպատկանող)

ԳՈՒՅՔԻ ՆԿԱՏՄԱՄԲ ԳՐԱՆՑՎԱԾ ԻՐԱՎՈՒՆՔՆԵՐԻ ՎԵՐԱԲԵՐՅԱԼ ՏԵՂԵԿԱՏՎՈՒԹՅԱՆ ՏՐԱՄԱԴՐՄԱՆ 2008 ԹՎԱԿԱՆԻՆ ԻՐԱԿԱՆԱՑՎՈՂ ԱՇԽԱՏԱՆՔՆԵՐԻ ԾՐԱԳԻՐ

1. Ընդհանուր նպատակը

Գույքի նկատմամբ իրավունքների պետական գրանցումը կատարվում է պետության կողմից գույքի նկատմամբ գրանցված իրավունքների պաշտպանության, կադաստրային տվյալների մատչելիության, օբյեկտիվության, անընդհատության և կենտրոնացման սկզբունքների հիման վրա:

Առաջնորդվելով պետական գրանցման այս հիմնական սկզբունքներով` գույքի նկատմամբ իրավունքների պետական գրանցման ընթացքում կադաստրի համակարգը նպատակ ունի լուծելու Հայաստանի Հանրապետության օրենսդրությամբ առաջադրված կարևոր խնդիրներ, որոնք են`

1) գույքի և դրա նկատմամբ իրավունքների ու սահմանափակումների մասին տվյալների մատչելիության, օբյեկտիվության և անընդհատության ապահովումը.

2) գույքի և դրա նկատմամբ իրավունքների ու սահմանափակումների մասին տեղեկատվական համակարգի ստեղծման ավարտը:

2. Ծրագրի իրականացման նպատակը ԵՎ ակնկալվող արդյունքները

Համակարգի առջև դրված խնդիրների լուծման համար հարկավոր է`

1) Հայաստանի Հանրապետության օրենսդրության պահանջների ճշգրիտ կատարումն ապահովելու և մեթոդական օգնություն ցուցաբերելու նպատակով Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի գրանցման վարչության աշխատողներին պարբերաբար գործուղել կոմիտեի տարածքային ստորաբաժանումներ.

2) գույքի և դրա նկատմամբ իրավունքների ու սահմանափակումների վերաբերյալ տեղեկատվական համակարգի ներդրման, գույքի և դրա նկատմամբ իրավունքների ու սահմանափակումների մասին տվյալների մատչելիության, օբյեկտիվության և անընդհատության ապահովման խնդիրների արդյունավետ լուծման նպատակով 2008 թվականին անհրաժեշտ է`

ա. կանոնակարգել պետական կառավարման մարմինների և իրավունքի մյուս սուբյեկտների միջև տեղեկատվության փոխանակման գործընթացը,

բ. ձեռնարկել միջոցներ` տեղեկատվական բանկի, ավտոմատացված կադաստրի ներդրման աշխատանքների արդյունավետությունն ապահովելու համար:

3. Անհրաժեշտ միջոցառումները

2008 թվականի ընթացքում իրավունքների պետական գրանցման մեխանիզմների կատարելագործման և կադաստրային տվյալների մասին տեղեկատվության մատչելիության, անընդհատության և օբյեկտիվության ապահովման համար նախատեսված են հետևյալ աշխատանքները`

1) միջոցների ձեռնարկում` տեղեկատվական բանկի, ավտոմատացված կադաստրի ներդրման աշխատանքների արդյունավետությունն ապահովելու համար.

2) բոլոր տարածքային ստորաբաժանումներում ավտոմատացված կադաստրի համակարգի ներդրում, որի արդյունքում շատ խնդիրներ կլուծվեն իրավունքների պետական գրանցման և տեղեկատվության տրամադրման բնագավառում, ընդ որում, 2008 թվականին նախատեսվում է Հայաստանի Հանրապետության կառավարության 1998 թվականի մարտի 9-ի «Հայաստանի Հանրապետության անշարժ գույքի պետական միասնական կադաստրի տեղեկատվության տրամադրման կարգը հաստատելու մասին» N 155 որոշման շրջանակներում տրամադրել շուրջ 60000 անվճար տեղեկություն, որի ընդհանուր արժեքը կկազմի մոտավորապես 30,0 մլն դրամ:

Գ Լ ՈՒ Խ  V

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵԻ ՍՏՈՐԱԲԱԺԱՆՈՒՄՆԵՐԻ ԿՈՂՄԻՑ ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻՑ ՍՏԱՑՎՈՂ ԵԿԱՄՈՒՏՆԵՐԻ ՀԱՇՎԻՆ ԿՈՄԻՏԵԻ ՀԱՄԱԿԱՐԳԻ ԳԾՈՎ ԻՐԱԿԱՆԱՑՎՈՂ ԾԱԽՍԵՐ» ԾՐԱԳԻՐ

Բյուջետային ծախսերի գործառական դասակարգման
բաժինը	խումբը	դասը	ծրագիրը
01	06	01	13
ԸՆԴՀԱՆՈՒՐ ԲՆՈՒՅԹԻ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐ	Ընդհանուր բնույթի հանրային ծառայություններ (այլ դասերի չպատկանող)	Ընդհանուր բնույթի հանրային ծառայություններ (այլ դասերի չպատկանող)

Ծրագրի իրականացման նպատակը

Համաձայն «Գույքի նկատմամբ իրավունքների պետական գրանցման մասին» Հայաստանի Հանրապետության օրենքի 49-րդ հոդվածի` անշարժ գույքի պետական ռեգիստրի համակարգի տարեկան ծախսերը պլանավորվում, իրականացվում են սպասվելիք տարեկան եկամուտների չափով և հաստատվում Հայաստանի Հանրապետության պետական բյուջեի առանձին հավելվածով:

Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի 2008 թվականի տարեկան ծախսերը պլանավորվում են 2455000.0 հազ. դրամի չափով, որից 2400000.0 հազ. դրամը նախատեսվում է իրականացնել կոմիտեի ստորաբաժանումների կողմից 2008 թվականի ընթացքում պետական գրանցման, գույքի և դրա նկատմամբ գրանցված իրավունքների ու սահմանափակումների մասին տեղեկատվության տրամադրման ծառայության դիմաց գանձվելիք վճարների հաշվին:

Ստացված եկամուտների հաշվին կիրականացվեն հետևյալ ուղղություններով նախատեսված ծախսերը (աղյուսակ)`

1) «Պետական, տեղական ինքնակառավարման մարմինների, դրանց ենթակա բյուջետային հիմնարկների աշխատողների աշխատավարձ». այս հոդվածով նախատեսված է իրականացնել 1487094.5 հազ. դրամի ծախս: Այն հաշվարկվել է «Քաղաքացիական ծառայողների վարձատրությամ մասին» Հայաստանի Հանրապետության օրենքի համաձայն, ինչպես նաև աշխատողների խրախուսման նպատակով ստեղծվում է խրախուսման ֆոնդ, որը հաշվարկվել է «Գույքի նկատմամբ իրավունքների պետական գրանցման մասին» Հայաստանի Հանրապետության օրենքի 49-րդ հոդվածի համաձայն` աշխատավարձի տարեկան ֆոնդի 40 տոկոսի չափով.

2) «Պարտադիր սոցիալական ապահովագրության վճարներ». հաշվարկվել են «Պարտադիր սոցիալական ապահովագրության վճարների մասին» Հայաստանի Հանրապետության օրենքի պահանջներին համապատասխան՝ հաշվի առնելով նշված օրենքում կատարված փոփոխությունները, որոնք կազմում են ընդամենը 253765.1 հազ. դրամ.

3) գործառնական և բանկային ծախսերը 2008 թվականին կկազմեն 10000.0 հազ. դրամ.

4) «Կոմունալ ծառայությունների վճարներ». Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի համակարգի գործունեության իրականացման համար անհրաժեշտ էլեկտրաէներգիայի օգտագործման համար ծախսերը որոշելիս` հաշվի են առնվել Հայաստանի Հանրապետության կառավարության 2005 թվականի ապրիլի 28-ի «Հայաստանի Հանրապետության պետական բյուջեի նախագծում Հայաստանի Հանրապետության պետական մարմինների գծով բյուջետային ծախսերի առանձին տեսակների` ջեռուցման, վառելիքի և էլեկտրաէներգիայի ձեռքբերման ծավալների հաշվարկման հիմքում դրվող նորմաները հաստատելու մասին» N 629-Ն որոշմամբ նախատեսված նորմերը: Տարածքային ստորաբաժանումների ջեռուցման և վառելիքի գումարը մեկ տարվա համար կազմում է 6130.4 հազ. դրամ: Հաշվարկների ժամանակ հաշվի են առնվել տարածքային ստորաբաժանումների գոտիականությունը և բյուջետային նորմաները: Համակարգում գործող 49 ստորաբաժանումում լուսավորության, սարքավորումների օգտագործման, ձմռան ամիսներին սարքերի և աշխատողների համար անհրաժեշտ ջերմաստիճանի պահպանման համար էլեկտրաէներգիայի ծախսերը կկազմեն տարեկան շուրջ 48709.6 հազ. դրամ, կենտրոնական ապարատի էլեկտրաէներգիայի ծախսերը կկազմեն տարեկան շուրջ 7000.0 հազ. դրամ, իսկ ջեռուցման համար` 3000.0 հազ. դրամ:

Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի տարածքային ստորաբաժանումները պայմանագրեր ունեն «Հայջրմուղկոյուղի» փակ բաժնետիրական ընկերության հետ: Հաշվարկը կատարվել է` ըստ նորմատիվի` մեկ աշխատողին` օրական 30 լ ջուր: Համակարգի կողմից օգտագործվող ջրմուղ-կոյուղուց օգտվելու վարձը մեկ տարվա համար կկազմի ընդամենը 1602.8 հազ. դրամ:

Աղբահանության և դեռատիզացիայի ծախսերը հաշվարկվել են` հիմք ընդունելով կոմիտեի կենտրոնական ապարատի վարչական շենքի աղբահանության և դեռատիզացիայի պայմանագրի արժեքը, որի համաձայն նախատեսված է ամսական 30.0 հազ. դրամ վճար, տարեկան՝ 438.6 հազ. դրամ:

Կոմիտեի որոշ ստորաբաժանումներ կնքել են աղբահանության և դեռատիզացիայի պայմանագրեր, որոնց ընդհանուր գումարը կազմում է 1000.0 հազ. դրամ:

Կոմիտեի աղբահանության և դեռատիզացիայի ծախսերը կկազմեն ընդամենը 1438.6 հազ. դրամ.

5) «Կապի ծառայությունների վճարներ». կապի ծառայություններից օգտվելու համար 2008 թվականին պլանավորվում է իրականացնել 36320.0 հազ. դրամի ծախս: Հաշվարկներն իրականացվել են Հայաստանի Հանրապետության կառավարության 2004 թվականի դեկտեմբերի 30-ի N 1956-Ն որոշման պահանջների համաձայն.

6) շենքերի և շինությունների վարձակալության ծախսերը նախատեսված են տարածքային ստորաբաժանումների կողմից կնքված տարածքների վարձակալության պայմանագրերի համաձայն, որոնց ընդհանուր գումարը կազմում է 20000.0 հազ. դրամ.

7) «Արտագերատեսչական պահպանության ծախսեր». տարածքային ստորաբաժանումների կողմից կնքված արտագերատեսչական պահպանության պայմանագրային գումարը կազմում է 20000.0 հազ. դրամ.

8) «Գործուղումներ և ծառայողական ուղևորություններ». 2008 թվականին պլանավորվում են գործուղումներ` ինչպես հանրապետության ներսում, այնպես էլ` հանրապետությունից դուրս, որոնց գծով նախատեսվում է իրականացնել համապատասխանաբար 10700.0 և 10000.0 հազ. դրամի ծախս: Կատարված հաշվարկներն իրականացվել են Հայաստանի Հանրապետության բյուջետային հիմնարկների աշխատողների գործուղումների համար սահմանված նորմաների հիման վրա.

9) ծառայությունների ձեռքբերման ծախսերը ներառում են` վարչական ծառայություններ` 5000.0 հազ. դրամ, տեղեկատվական ծառայություններ` 57000.0 հազ. դրամ, ներկայացուցչական ծախսեր` Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեն համագործակցում է մի շարք երկրների և միջազգային կազմակերպությունների հետ, որի համար անհրաժեշտ է 2290.0 հազ. դրամ, ընդհանուր բնույթի այլ ծառայությունների գծով` 9700.0 հազ. դրամ.

10) «Մասնագիտական ծառայություններ»` 30000.0 հազ. դրամ.

11) «Շենքերի և շինությունների ընթացիկ նորոգման ծախսեր». 2008 թվականի համար կազմում են 104279.0 հազ. դրամ, իսկ մեքենաների և սարքավորումների ընթացիկ նորոգման ծախսերը` 52800,0 հազ. դրամ.

12) «Գրասենյակային ապրանքների և նյութերի ձեռքբերում». նախատեսվում է կատարել 49700.0 հազ. դրամի ծախս, տրանսպորտային նյութերի (բենզին) ծախսը` 38186.0 հազ. դրամ և հատուկ նպատակային նյութեր` 5000.0 հազ. դրամ.

13) «Այլ հարկեր» հոդվածով` 448.0 հազ. դրամ, և «Պարտադիր վճարներ» հոդվածով` 836.0 հազ. դրամ.

14) հաշվարկվել է 5000.0 հազ. դրամի չափով պահուստային ֆոնդ.

15) «Շենքերի և շինությունների ձեռքբերում». 2008 թվականին նախատեսվում է կատարել ընդամենը 25000.0 հազ. դրամի գնում.

16) տրանսպորտային միջոցների ձեռքբերման ծախսերի գծով նախատեսվում է 9000.0 հազ. դրամ.

17) 2008 թվականի ընթացքում նախատեսվում է կատարել ընդամենը 70000.0 հազ. դրամի սարքավորումների գնում.

18) «Ոչ նյութական հիմնական միջոցների ձեռքբերում». նախատեսվում է կատարել 20000.0 հազ. դրամի գնում:

Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի ստորաբաժանումների կողմից մատուցվող ծառայություններից ստացվող եկամուտների հաշվին կոմիտեի համակարգի գծով իրականացվող ծախսեր

Աղյուսակ

Բյուջետային ծախսերի տնտեսագիտական դասակարգման հոդվածների անվանումները	Ընդհանուր գումարը (հազ. դրամ)
ԸՆԴԱՄԵՆԸ` ԾԱԽՍԵՐ	2400000,0
Ա. ԸՆԹԱՑԻԿ ԾԱԽՍԵՐ՝ ԸՆԴԱՄԵՆԸ	2276000,0
Պետական, տեղական ինքնակառավարման մարմինների, դրանց ենթակա բյուջետային հիմնարկների աշխատողների աշխատավարձ	1487094,5
- պարտադիր սոցիալական ապահովագրության վճարներ	253765,1
Շարունակական ծախսեր	154201,4
Գործառնական և բանկային ծառայությունների ծախսեր	10000,0
Էներգետիկ ծառայություններ	64840,0
Կոմունալ ծախսեր	3041,4
Կապի ծառայություններ	36320,0
Գույքի և սարքավորումների վարձակալություն	20000,0
Արտագերատեսչական ծախսեր	20000,0
Գործուղումներ և ծառայողական ուղևորություններ	20700,0
այդ թվում`
Ներքին գործուղումներ	10700,0
-արտասահմանում	10000,0
Տրանսպորտային ծառայությունների վճարներ	41770,0
Պայմանագրային այլ ծառայությունների ձեռքբերում	73990,0
Վարչական ծառայություններ	5000,0
Տեղեկատվական ծառայություններ	57000,0
Ներկայացուցչական ծախսեր	2290,0
Ընդհանուր բնույթի այլ ծառայություններ	9700,0
Մասնագիտական ծառայություններ	30000,0
Ընթացիկ նորոգում և պահպանում	157079,0
Շենքերի և կառույցների ընթացիկ նորոգում և պահպանում	104279,0
Մեքենաների և սարքավորումների ընթացիկ նորոգում և պահպանում	52800,0
Նյութեր	92886,0
Գրասենյակային նյութեր	49700,0
Տրանսպորտային նյութեր	38186,0
Հատուկ նպատակային նյութեր	5000,0
Այլ ծախսեր	6284,0
Այլ հարկեր	448,0
Պարտադիր վճարներ	836,0
Պահուստային միջոցներ	5000,0
Ոչ ֆինանսական ակտիվների գծով ծախսեր	124000,0
Շենքերի և շինությունների ձեռքբերում	25000,0
Տրանսպորտային սարքավորումներ	9000,0
Վարչական սարքավորումներ	70000,0
Ոչ նյութական հիմնական միջոցներ	20000,0

Գ Լ ՈՒ Խ  VI

«ԱՆՇԱՐԺ ԳՈՒՅՔԻ ԿԱԴԱՍՏՐԻ ՎԱՐՄԱՆ ԱՎՏՈՄԱՏԱՑՎԱԾ ՀԱՄԱԿԱՐԳԻ ՆԵՐԴՐՈՒՄ, ԶԱՐԳԱՑՈՒՄ ԵՎ ՏԵՂԵԿԱՏՎԱԿԱՆ ԲԱՆԿԻ ՍՊԱՍԱՐԿՈՒՄ» ԾՐԱԳԻՐ

Բյուջետային ծախսերի գործառական դասակարգման
բաժինը	խումբը	դասը	ծրագիրը
01	06	01	15
ԸՆԴՀԱՆՈՒՐ ԲՆՈՒՅԹԻ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐ	Ընդհանուր բնույթի հանրային ծառայություններ (այլ դասերի չպատկանող)	Ընդհանուր բնույթի հանրային ծառայություններ (այլ դասերի չպատկանող)

ԱՆՇԱՐԺ ԳՈՒՅՔԻ ԿԱԴԱՍՏՐԻ ՎԱՐՄԱՆ ԱՎՏՈՄԱՏԱՑՎԱԾ ՀԱՄԱԿԱՐԳԻ ՆԵՐԴՐՈՒՄ, ԶԱՐԳԱՑՈՒՄ ԵՎ ՏԵՂԵԿԱՏՎԱԿԱՆ ԲԱՆԿԻ ՍՊԱՍԱՐԿՈՒՄ

1. Ծրագրի նպատակը

2008 թվականի համար անշարժ գույքի կադաստրի զարգացման հիմնական գերակայությունը Հայաստանի Հանրապետության տարածքում անշարժ գույքի միասնական կադաստրի վարման ավտոմատացված համակարգի ներդրումն ու դրա արդյունավետ կառավարման ապահովումն է:

Հայաստանի Հանրապետության անշարժ գույքի կադաստրի պետական ավտոմատացված համակարգի և տեղեկատվական բանկի ստեղծման ծրագիրը մշակվել է «Գույքի նկատմամբ իրավունքների պետական գրանցման մասին» Հայաստանի Հանրապետության օրենքի 44-րդ և 45-րդ, Հայաստանի Հանրապետության հողային օրենսգրքի 33-րդ ու «Հայաստանի Հանրապետության գեոդեզիայի և քարտեզագրության մասին» օրենքի 11-րդ հոդվածների, Հայաստանի Հանրապետության անշարժ գույքի կադաստրի ավտոմատացված համակարգի ստեղծման ու վարման ընդհանուր դրույթների համաձայն:

Ծրագրի իրականացման հիմնական նպատակը Հայաստանի Հանրապետության տարածքում անշարժ գույքի նկատմամբ իրավունքների գրանցման ավտոմատացված on-line` իրական ժամանակում համակարգի ներդրումն է: Ծրագրի իրականացման արդյունքում կներդրվի անշարժ գույքի վերաբերյալ գրանցված իրավունքների և սահմանափակումների, որակական և քանակական տվյալների միասնական տեղեկատվական համակարգը: Կոմիտեի տարածքային ստորաբաժանումներում և տեղեկատվական կենտրոնում ներդրվելու է անշարժ գույքի գրանցման ավտոմատացված համակարգ, կապահովվի արտաքին օգտագործողներին դրա հասանելիությունը: Հողային կադաստրների ստեղծման և ավտոմատացման` արտասահմանյան երկրների փորձի ուսումնասիրությունը ցույց է տալիս, որ հողային կադաստրի տվյալների լրիվության, հավաստիության ապահովումը, հողակադաստրային տվյալների ստացման և փաստաթղթերի ձևակերպման գործընթացների արագացումը հնարավոր է միայն անշարժ գույքի միասնական տեղեկատվական բանկի ստեղծման միջոցով, որը պարունակում է անշարժ գույքի մասին ամբողջ (հաշվառման, գրանցման և գնահատման) տեղեկատվությունը:

Ծրագրի իրականացումը կապահովի գույքի նկատմամբ իրավունքների պետական գրանցման, գրանցված իրավունքների և սահմանափակումների մասին տեղեկատվական բանկի` հասարակությանը հասանելիությունը, որը կնպաստի գործարքներ կատարելու համար գործող ժամկետների էական կրճատմանը և սահմանված վճարների նվազեցմանը:

2. Իրավիճակի նկարագրությունը

Վերջին տարիների գույքային շրջանառության զգալի աճն իր հետ բերեց գույքի նկատմամբ գրանցված իրավունքների և սահմանափակումների մասին տեղեկատվության պահանջարկի աննախադեպ ավելացում: Սպառողներն այսօր արդեն ներկայացնում են նաև անշարժ գույքի վերաբերյալ ամբողջական` հաշվառման, գրանցման և գնահատման տվյալների ստացման պահանջներ: Ներդրվել է շարժական գույքի գրավի ռեգիստրը: Մինչև 2007 թվականի հունվարի 1-ը իրականացվել է շարժական գույքի գրավի և ֆինանսական վարձակալության (լիզինգի) 7769 պայմանագրերից ծագող իրավունքների գրանցում, որից 7007-ը` 2006 թվականի ընթացքում: Թեև շարժական գույքի գրավի և լիզինգի իրավունքի պետական գրանցումը չի կրում պարտադիր բնույթ, իրավունքների պետական գրանցման համար ներկայացվող դիմումների թվի աճը (օրական արդեն իսկ մուտքագրվում է միջինը 50-60 դիմում) վկայում է իրավունքների պետական գրանցման նկատմամբ սուբյեկտների ունեցած վստահության աճի մասին: Կոմիտեում առկա շարժական գույքի գրավի և լիզինգի իրավունքի պետական գրանցման ավտոմատացված համակարգը կարիք ունի նորացման:

Հայաստանի Հանրապետության կառավարության 2005 թվականի դեկտեմբերի 29-ի «Հայաստանի Հանրապետության քաղաքային և գյուղական բնակավայրերում ներբնակավայրային աշխարհագրական օբյեկտների անվանակոչման, անվանափոխման, անշարժ գույքի` ըստ դրա գտնվելու և (կամ) տեղակայման վայրի համարակալման, հասցեավորման ու հասցեների պետական գրանցման կարգը հաստատելու և հասցեների գրանցման լիազոր մարմին սահմանելու մասին» N 2387-Ն որոշման պահանջների համաձայն 2006 թվականի ընթացքում ներդրվեց անշարժ գույքի հասցեների ռեեստրը` որպես հասցեների վերաբերյալ տեքստային, փաստաթղթային և գրաֆիկական տվյալների մեկ միասնական, համակարգված ցանկ: Որոշման պահանջների կատարումն ապահովելու նպատակով 2006 թվականի ընթացքում մշակվեցին և հաստատվեցին հասցեների գրանցման մատյանների և հասցեների ռեեստրից տրամադրվող տեղեկատվության ձևաթղթերը, հասցեների գրանցման համար գանձվող վճարի չափը, ինչպես նաև ընդունվեց անշարժ գույքի հասցեների գրանցման և հասցեների ռեեստրից տեղեկատվության տրամադրման գործառույթների իրականացման մասին հրահանգը: Կոմիտեի աշխատակազմի տարածքային ստորաբաժանումների մեթոդական և տեխնիկական աջակցությամբ գյուղական համայնքներում իրականացվեցին անշարժ գույքի հասցեավորման աշխատանքները, որոնց հիման վրա իրականացվեցին նաև գյուղական համայնքներում` տրամադրված հասցեների գրանցման աշխատանքները:

Կադաստրային աշխատանքների իրականացման անընդհատությունն ապահովելու նպատակով դեռևս 1998 թվականից կոմիտեն ձեռնամուխ է եղել գերատեսչական ցանցի նախագծմանն ու կառուցմանը: Այսօր կոմիտեի աշխատակազմը, տարածքային բոլոր 49 ստորաբաժանումները, տեղեկատվական կենտրոնը և կոմիտեի համակարգում ընդգրկված պետական ոչ առևտրային կազմակերպությունները միացված են գերատեսչական համակարգչային ցանցին: Գերատեսչական ցանցին միացված ստորաբաժանումների միջև տեղեկատվությունը փոխանակվում է ցանցով: Անշարժ գույքի կադաստրի տեղեկատվական բանկի ստեղծման, վարման և արդյունավետ կառավարման նպատակով նախորդ տարիներին տնտեսված միջոցների հաշվին իրականացվել են համակարգչային տեխնիկայի թարմացման աշխատանքներ, որոնք կրում են շարունակական բնույթ:

Անշարժ գույքի գրանցման ավտոմատացված համակարգի ներդրման կարևորագույն և աշխատատար փուլերից են էլեկտրոնային արխիվների ստեղծման աշխատանքները: Անշարժ գույքի կադաստրային գործերի էլեկտրոնային արխիվների ստեղծման աշխատանքներն իրականացվում են 2000 թվականից: 2006 թվականի վերջից էլեկտրոնային արխիվների ստեղծման ժամանակ սկսվել են կիրառվել թվային ֆոտոապարատներ, որն զգալիորեն արագացրել է այս աշխատանքների կատարումը:

Անշարժ գույքի կադաստրի տեղեկատվական բանկի ստեղծման նպատակով կատարվել են հետևյալ աշխատանքները`

1) պարբերաբար թարմացվում են (ներառվում են բոլոր ընթացիկ փոփոխությունները և նոր առաջացած գույքային միավորները) հանրապետության բոլոր 928 համայնքների, այդ թվում` Երևանի 12 համայնքի թվային կադաստրային քարտեզները.

2) կադաստրային քարտեզների հիման վրա ավարտվել է 928 համայնքների քարտեզների թեմատիկ շերտերի (հողային ֆոնդի, հողակադաստրային շրջանների, գնահատման խմբերի և գրանցման սուբյեկտների) ստեղծումը.

3) էլեկտրոնային արխիվ են մուտքագրվել 256367 կադաստրային գործի տեքստային տվյալներ, 6705947 կադաստրային գործերի էջեր, տեսաներածվել է 2115119 էջ կադաստրային գործ, շարունակվում են էլեկտրոնային արխիվի մուտքագրման աշխատանքները, Երևան քաղաքում կադաստրային գործերի համար աշխատանքները կավարտվեն 2007 թվականի վերջում, այնուհետև կշարունակվեն ընթացիկ և էլեկտրոնային հատակագծերի ստեղծման աշխատանքները.

4) աշխարհագրական անվանումների տվյալների շտեմարան են մուտքագրվել հաշվառված աշխարհագրական օբյեկտների մասին տվյալներ.

5) շարունակվել են շենքերի թվային պլան-հատակագծերի ստեղծման, անշարժ գույքի քանակական և որակական տվյալների մուտքագրման աշխատանքները:

Անշարժ գույքի կադաստրի վարման ավտոմատացման նպատակով նախորդ տարիներին ներդրվել և շահագործվում են`

1) հողերի գնահատման, անշարժ գույքի և անշարժ գույքի շուկայի համակարգված դիտարկումների ու շուկայի վերլուծության ավտոմատացված համակարգը.

2) աշխարհագրական անվանումների քարտադարանի վարման ավտոմատացված համակարգը.

3) ԱՐՊԱԿՌԵԳ (ARPACREG) համակարգը` բոլոր ստորաբաժանումներում: Քարտեզագրման մասով այն աշխատում է բոլոր ներդրված տարածքային ստորաբաժանումներում.

4) երկրատեղեկատվական համակարգի ստեղծման, վարման և կառավարման (IGIS) ավտոմատացված համակարգը, որը փորձարկվել է Երևանի Քանաքեռ-Զեյթուն թաղային համայնքում.

5) հասցեավորման և հասցեների պետական գրանցման աշխատանքների ավտոմատացման համակարգը. կոմիտեի կողմից ձեռք է բերվել այդ համակարգի 8 արտոնագիր: Համակարգը ներդրվել և փորձարկվել է կոմիտեի 8 տարածքային ստորաբաժանումներում: Կոմիտեի մնացած տարածքային ստորաբաժանումներում ներդրման համար անհրաժեշտ է ձեռք բերել ևս 45 արտոնագիր: Հասցեավորման և հասցեների պետական գրանցման արտոնագրերի համար կպահանջվի շուրջ 28000.0 հազ. դրամ:

Ներկայումս միայն կադաստրային գործերի էլեկտրոնային արխիվների ստեղծման և տեղեկատվության տրամադրման համար կոմիտեի աշխատակազմի կառուցվածքային ստորաբաժանումներին անհրաժեշտ են 100 ԳԲ և ավելի արտաքին հիշողությամբ համակարգիչներ` չհաշված համայնքների թվային կադաստրային քարտեզները, որոնց համար անհրաժեշտ է լրացուցիչ` ամենաքիչը 40 ԳԲ արտաքին հիշողություն: Կոմիտեի աշխատակազմի տեղեկատվական կենտրոնում կուտակված տեղեկատվության պահպանման և թարմացման համար այսօր արդեն անհրաժեշտ է մոտավորապես 8 ՏԲ (տերաբայթ) արտաքին հիշողություն: Նախնական գնահատականներով` անշարժ գույքի կադաստրի տեղեկատվական բանկի պահպանման համար, չհաշված պահուստային պատճենները և պետական մասշտաբային շարքի թվային տեղագրական քարտեզները, անհրաժեշտ է մոտավորապես 10 ՏԲ արտաքին հիշողություն:

3. Ծրագրի ֆինանսական ապահովումը

Ավտոմատացված համակարգեր նախագծող և մշակող մասնագիտացված ֆիրմաների և տեղեկատվական տեխնոլոգիաների փորձագետների գնահատականով` նշված համակարգերի շահագործման ու սպասարկման համար անհրաժեշտ ֆինանսական միջոցների նախահաշիվը և բաշխումը ներկայացված են աղյուսակում:

Աղյուսակ

NN ը/կ	Ծրագիրը	Գումարը (հազ. դրամ)
1	2	3
1.	Կադաստրային գործերի էլեկտրոնային արխիվների հանրապետական տեղեկատվական բանկի ստեղծում, շենք-շինությունների թվային պլան-հատակագծերի ստեղծում	11,010,0
2.	ՀՀ կառավարությանն առընթեր անշարժ գույքի կադաստրի պետական կոմիտեի գերատեսչական ցանցի սպասարկում	76,800,0
3.	Ծրագրային փաթեթների (գործող համակարգերի, տվյալների շտեմարանի ղեկավարման համակարգի, հակավիրուսային փաթեթների և այլնի) ձեռքբերում և արդիականացում	18,000,0
4.	Հասցեավորման և հասցեների պետական գրանցման աշխատանքների ավտոմատացման համակարգի 45 արտոնագրի ձեռքբերում	28,000,0
	Ընդամենը	133,810,0

Տեղեկատվական բանկի, գերատեսչական ցանցի և շահագործվող համակարգերի արդիականությունն ու անվտանգությունն ապահովելու համար անհրաժեշտ են`

1) հակավիրուսային փաթեթի նոր արտոնագրեր և հին արտոնագրերի թարմացում.

2) ՎԻՆԴՈՈՒՍ ԻՔՍ ՓԻ (Windows XP), ՎԻՆԴՈՈՒՍ (Windows) 2000 համակարգեր.

3) ՎԻՆԴՈՈՒՍ 2000 ԸԴՎԱՆՍԵԴ ՍԵՐՎԵՐ (Windows 2000 Advanced Server) սերվերների համար համակարգեր.

4) ԷՄ ԷՍ ԴԻ ԷՆ ՍՈՒՓՈՐԹ (MSDN SUPPORT) ձեռք բերված ծրագրային փաթեթների թարմացման համար.

5) այլ ծրագրեր և ծառայողական փաթեթներ:

1. Նոր` 200 հատ հակավիրուսային փաթեթի արտոնագիր, որի մեկ արտոնագիրն արժե 12700 դրամ:

2. Նախկինում ձեռք բերված 200 հատ հակավիրուսային փաթեթի արտոնագրի թարմացում, որի մեկ արտոնագիրն արժե 5200 դրամ:

3. 50 հատ ՎԻՆԴՈՈՒՍ ԻՔՍ ՓԻ (Windows XP) համակարգ, որի մեկ արտոնագիրն արժե 60000 դրամ:

4. 65 հատ ՎԻՆԴՈՈՒՍ (Windows) 2000 համակարգ, որի մեկ արտոնագիրն արժե 46700 դրամ:

5. 17 հատ ՎԻՆԴՈՈՒՍ 2000 ԸԴՎԱՆՍԵԴ ՍԵՐՎԵՐ (Windows 2000 Advanced Server) համակարգ, որի մեկ արտոնագիրն արժե 175000 դրամ:

6. ԷՄ ԷՍ ԴԻ ԷՆ ՍՈՒՓՈՐԹ (MSDN SUPPORT), որն արժե 2150000 դրամ:

7. Այլ ծրագրեր և ծառայողական փաթեթներ` 3259.5 հազ. դրամ արժողությամբ:

Ընդամենը` 18000.0 հազ. դրամ:

Ֆինանսական միջոցների հաշվարկները ներկայացված են 2007 թվականին այս ապրանքների և ծառայությունների մատուցման համար անցկացված նպատակային և պարբերական մրցույթների արդյունքներում ձևավորված գների հիման վրա:

4. Ծրագրի իրականացումից ակնկալվող արդյունքները

Ծրագրի իրականացման արդյունքում կունենանք`

1) անշարժ գույքի վերաբերյալ գրանցված իրավունքների և սահմանափակումների, որակական ու քանակական տվյալների միասնական տեղեկատվական համակարգ.

2) հանրապետության մի շարք տարածքների համար բազային երկրատեղեկատվական համակարգ.

3) անշարժ գույքի նկատմամբ իրավունքների գրանցման ժամանակի էական կրճատում (1 օր).

4) հասարակությանն անշարժ գույքի տեղեկատվական բանկի մատչելիության ապահովում.

5) անշարժ գույքի մասին տեղեկատվության հավաստիության բարձրացում.

6) տվյալների փոփոխման և թարմացման անընդհատության ապահովում.

7) անշարժ գույքի մասին տեղեկատվության անհարկի կրկնության բացառում.

8) տեղեկատվական աջակցություն պետության կողմից գույքի նկատմամբ իրավունքների ճանաչմանը, երաշխավորմանը և պաշտպանությանը, հողի հարկի և գույքահարկի բազաների ստեղծմանը, անշարժ գույքի շուկայի կայացմանը.

9) հասցեավորման և հասցեների պետական գրանցման աշխատանքների ավտոմատացված համակարգ` կոմիտեի բոլոր տարածքային ստորաբաժանումներում:

Կոմիտեի կողմից իրականացվող մի շարք գործառույթների ավտոմատացման և համակարգչային նոր տեխնիկայով համալրման միջոցառումները` դրանց համար անհրաժեշտ ֆինանսական միջոցները, ներառվել են կոմիտեի տարածքային ստորաբաժանումների կողմից գույքի նկատմամբ իրավունքների պետական գրանցման և գրանցված իրավունքների ու սահմանափակումների մասին տեղեկատվության տրամադրման համար գանձվող վճարների հաշվին իրականացվող ծախսերում:

2007 թվականին կոմիտեի մասնագետների կողմից մշակվել և փորձարկվել է հանրապետության հողային հաշվեկշռի ավտոմատացման ծրագրային փաթեթը, որը հնարավորություն կընձեռի մարզերում մեկ միասնական ձևով իրականացնել հողային ֆոնդում կատարված բոլոր փոփոխությունները: Մարզերում կատարված աշխատանքները հետագայում կամփոփվեն և կվերլուծվեն «Հողշինմոնիթորինգ» պետական ոչ առևտրային կազմակերպությունում:

Գ Լ ՈՒ Խ  VII

«ԵՐԿՐԱՏԵՂԵԿԱՏՎԱԿԱՆ ՀԱՄԱԿԱՐԳԻ ՆԱԽԱԳԾՈՒՄ, ՆԵՐԴՐՈՒՄ ԵՎ ՍՊԱՍԱՐԿՈՒՄ» ԾՐԱԳԻՐ

Բյուջետային ծախսերի գործառական դասակարգման
բաժինը	խումբը	դասը	ծրագիրը
01	06	01	16
ԸՆԴՀԱՆՈՒՐ ԲՆՈՒՅԹԻ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐ	Ընդհանուր բնույթի հանրային ծառայություններ (այլ դասերի չպատկանող)	Ընդհանուր բնույթի հանրային ծառայություններ (այլ դասերի չպատկանող)

ԵՐԿՐԱՏԵՂԵԿԱՏՎԱԿԱՆ ՀԱՄԱԿԱՐԳԻ ԲՆԱԳԱՎԱՌՈՒՄ ԿԱՏԱՐՎԵԼԻՔ ԱՇԽԱՏԱՆՔՆԵՐԻ 2008 ԹՎԱԿԱՆԻ ԾՐԱԳԻՐ

1. Ծրագրի իրականացման նպատակը

Հայաստանի Հանրապետության երկրատեղեկատվական համակարգի իրականացման ծրագիրը մշակվել է` ելնելով «Հայաստանի Հանրապետության գեոդեզիայի և քարտեզագրության մասին» Հայաստանի Հանրապետության օրենքի 11-րդ հոդվածի և Հայաստանի Հանրապետության կառավարության 2005 թվականի հունվարի 20-ի «Հայաստանի Հանրապետության երկրատեղեկատվական համակարգի ստեղծման և վարման հայեցակարգը հաստատելու մասին» N 197-Ն որոշմամբ հաստատված երկրատեղեկատվական համակարգի ստեղծման և վարման հայեցակարգի պահանջներից:

2005-2006 թվականներին իրականացվել են Հայաստանի Հանրապետության մի շարք խոշոր բնակավայրերի (Գյումրի, Հրազդան, Արմավիր, Արտաշատ, Ծաղկաձոր և Աշտարակ), ինչպես նաև Երևան քաղաքի Քանաքեռ-Զեյթուն, Ավան, Նոր Նորք, Դավթաշեն, Արաբկիր, Աջափնյակ և Նորք-Մարաշ թաղային համայնքների բազային երկրատեղեկատվական համակարգի ստեղծման աշխատանքներ, որոնց հիմնական նպատակն աշխարհագրական անվանումների, հողային ֆոնդի, անշարժ գույքի նպատակային, գործառնական նշանակության, հողատեսքերի, ջրագրության, ռելիեֆի, գծային ենթակառուցվածքների օբյեկտների մասին քարտեզագրական և տեքստային տվյալների տեղեկատվական բանկի ստեղծումն ու կառավարումն էր:

2008 թվականի ծրագրի նպատակը Հայաստանի Հանրապետությունում ժամանակակից պահանջները բավարարող բազային երկրատեղեկատվական համակարգի ստեղծումն է Երևան քաղաքի Մալաթիա-Սեբաստիա և Նուբարաշեն թաղային համայնքների տարածքների վերաբերյալ: Այն անհրաժեշտ է Հայաստանի Հանրապետության պետական կառավարման և տեղական ինքնակառավարման մարմիններին տնտեսության տարբեր ոլորտների խնդիրների արդյունավետ լուծման, հանրապետության բնական և տնտեսական ռեսուրսների մասին տվյալների (քարտեզագրական և տեքստային) պետական միասնական տեղեկատվական բանկի ստեղծման և հանրապետության ռեսուրսների կառավարման արդյունավետության բարձրացման համար:

Այդ նպատակն իրականացնելու համար անհրաժեշտ է ունենալ հավաստի և ամբողջական տեղեկատվություն նշված վարչատարածքային միավորների տնտեսության վիճակի ու բնական ռեսուրսների մասին, այդ թվում` հողային, ջրային, անտառային ռեսուրսների, օգտակար հանածոների, տնտեսական զարգացման, արդյունաբերական և գյուղատնտեսական կազմակերպությունների, անշարժ գույքի, բնակչության տեղաբաշխման, ճանապարհային ցանցի ու ինֆրակառուցվածքի այլ տարրերի, էկոլոգիական վիճակի մասին:

2. Ծրագրից ակնկալվող արդյունքները

Ծրագրի իրականացման արդյունքում կունենանք Երևան քաղաքի 2 թաղային համայնքների բազային երկրատեղեկատվական համակարգի տեղեկատվական բանկ, որը կարտացոլի տեղանքի արդիական պատկերը տվյալ ժամանակահատվածում և պետք է պարունակի հետևյալ տվյալները (գրաֆիկական և տեքստային)`

1) վարչատարածքային սահմանները.

2) աշխարհագրական անվանումները.

3) անշարժ գույքը, գտնվելու վայրը (հասցեն), կադաստրային ծածկագիրը.

4) ջրագրությունը.

5) ռելիեֆը.

6) գծային ենթակառուցվածքները, այդ թվում`

ա. երկաթգծեր և ավտոմոբիլային ճանապարհներ (միջպետական, պետական, տեղական նշանակության),

բ. գազատարներ, ջրատարներ, նավթամուղեր (վերգետնյա, ստորգետնյա),

գ. հեռահաղորդակցության կապուղիներ (վերգետնյա, ստորգետնյա),

դ. բարձր լարման էլեկտրահաղորդագծեր (վերգետնյա, ստորգետնյա),

ե. կոմունալ ենթակառուցվածքներ (վերգետնյա, ստորգետնյա):

Ստեղծվող թվային 1։2000 մասշտաբի տեղագրական հատակագծերը հիմք են հանդիսանալու գերատեսչական տարբեր ոլորտների, այդ թվում` քաղաքաշինական, բնապահպանական, արդյունաբերական, անշարժ գույքի կադաստրի, տարածքների պլանավորման, գյուղատնտեսական հողերի հաշվառման, հողերի միավորման, հողերի օգտագործման և գոտևորման սխեմաների կազմման, գույքահարկի ու գնահատման բազաների ճշգրտման, վարչական և տնտեսական գործունեության, մելիորացիայի, երկրաբանական-հետախուզական աշխատանքների, անտառատնտեսության, արտակարգ իրավիճակների ժամանակ օպտիմալ և օպերատիվ որոշումների ընդունման, հանրապետության մարզերի, համայնքների ու առանձին տարածքների զարգացման, օպտիմալ պլանավորման և այլ ոլորտների խնդիրների լուծման համար:

3. Ծրագրի իրականացման միջոցառումները

Ծրագրով նախատեսվում է 2008 թվականին իրականացնել Երևան քաղաքի Մալաթիա-Սեբաստիա և Նուբարաշեն թաղային համայնքների բազային երկրատեղեկատվական համակարգի ստեղծման աշխատանքները, որոնք ներառում են թվային քարտեզագրական հիմքի ստեղծումը և անհրաժեշտ տվյալների հավաքագրումը` տեղագրական և կադաստրային քարտեզների ու հատակագծերի հիման վրա:

Երևան քաղաքի Մալաթիա-Սեբաստիա և Նուբարաշեն թաղային համայնքների բազային երկրատեղեկատվական համակարգի 1։2000 մասշտաբի տեղագրական հատակագծերն ստեղծելու նպատակով անհրաժեշտ է իրականացնել հետևյալ միջոցառումները`

1) համայնքների և դրանց հեռանկարային զարգացման նպատակով նախատեսված տարածքների համար ստեղծել 1:2000 մասշտաբի տեղագրական և կադաստրային թվային համադրված հատակագծերը, որոնց համար հիմք կհանդիսանան 1998-2004 թվականներին Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կողմից ստեղծված 1:500 և 1:2000 մասշտաբների թվային կադաստրային քարտեզները` դրանց վրա իրականացնելով բնակավայրերի 1:2000 մասշտաբի հատակագծերի թարմացման, ռելիեֆի տեղագրական տարրերի ստեղծման, տեղագրական հանույթների կազմման ու թվայնացման աշխատանքներ.

2) ստորգետնյա մայրուղային հաղորդակցուղիների հանութագրում և համաձայնեցում շահագործող կազմակերպությունների հետ.

3) բազային երկրատեղեկատվական համակարգի համար անհրաժեշտ շերտերի ստեղծման աշխատանքներ.

4) բազային երկրատեղեկատվական համակարգի բոլոր տարրերի տեքստային տվյալների մուտքագրման աշխատանքներ:

4. Ծրագրի ֆինանսական ապահովումը

Բազային երկրատեղեկատվական համակարգի ստեղծման 2008 թվականին նախատեսվող աշխատանքների ծախսերի նախահաշիվն ըստ ծավալների ներկայացված է աղյուսակում:

Աղյուսակ

NN ը/կ	Աշխատանքի անվանումը	Չափի միա-վորը	Ծավալը	Միավորի արժեքը (դրամ)	Արժեքը (հազ. դրամ)
1.	1:2000 մասշտաբի ստորգետնյա մայրուղային հաղորդակցուղիների հանութագրում Երևանում (Մալաթիա-Սեբաստիա` 2572 հա, Նուբարաշեն` 1811 հա)`
	1) խիտ կառուցապատված տարածք	հա	3839	6239	23951.5
	2) նոսր կառուցապատված տարածք	հա	544	3119	1696.7
2.	1:500 մասշտաբի կադաստրային հատակագծերի և 1:2000 մասշտաբի տեղագրական հատակագծերի համադրման արդյունքում հայտնաբերված անճշտությունների հանութագրում և թարմացում	հա	4383	4434	19434.2
3.	1:2000 թվային տեղագրական հիմքի վրա երկրատեղեկատվական համակարգի համար անհրաժեշտ շերտերի ստեղծում, դասակարգում և թերթերի համակցում	հա x շերտ	4383x18 78894	150.7	11889.3
4.	1:500 մասշտաբի կադաստրային հատակագծերի և 1:2000 մասշտաբի տեղագրական հատակագծերի համադրման արդյունքում հայտնաբերված անճշտությունների թվայնացում` հանութագրման նյութերի հիման վրա	հա	4383	1151	5044.8
5.	Բազային երկրատեղեկատվական համակարգի ստեղծման համար անհրաժեշտ տվյալների հավաքագրում և ներմուծում տվյալների բազա` 1) պարզ շերտերի (1 տարր) դեպքում	տարր	109438	61.8	6763.3
	2) միջին բարդության շերտերի (2 տարր) դեպքում	տարր	32410	100	3241.0
	3) բարդ շերտերի (3 և ավելի տարրեր) դեպքում	տարր	106993	140	14979.1
Ընդամենը					87000,0

Գ Լ ՈՒ Խ  VIII

«ՀՈՂՇԻՆՄՈՆԻԹՈՐԻՆԳ» ՊՈԱԿ-Ի ԿՈՂՄԻՑ ԱՆՇԱՐԺ ԳՈՒՅՔԻ ԳՆԱՀԱՏՄԱՆ ՆՈՐ ՀԱՄԱԿԱՐԳԻ ՆԵՐԴՐՄԱՆ ՆՊԱՏԱԿՈՎ ՀՈՂԻ ԵՎ ԴՐԱ ՎՐԱ ԳՏՆՎՈՂ ՇԵՆՔԵՐԻ ՈՒ ՇԻՆՈՒԹՅՈՒՆՆԵՐԻ, ԱՆՇԱՐԺ ԳՈՒՅՔԻ ՇՈՒԿԱՅԻ ՀԱՄԱԿԱՐԳՎԱԾ ԴԻՏԱՐԿՈՒՄՆԵՐԻ ԻՐԱԿԱՆԱՑՄԱՆ ՊԵՏԱԿԱՆ ՊԱՏՎԵՐ» ԾՐԱԳԻՐ

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՇԱՐԺ ԳՈՒՅՔԻ ԵՎ ԱՆՇԱՐԺ ԳՈՒՅՔԻ ՇՈՒԿԱՅԻ ՀԱՄԱԿԱՐԳՎԱԾ ԴԻՏԱՐԿՈՒՄՆԵՐԻ ԻՐԱԿԱՆԱՑՄԱՆ 2008 ԹՎԱԿԱՆԻ ԾՐԱԳԻՐ

Անշարժ գույքի` հողերի և դրանց վրա գտնվող շենքերի, շինությունների համակարգված դիտարկումների և անշարժ գույքի շուկայի 2008 թվականի վերլուծությունների իրականացում

1. Ներկա իրավիճակը

Միջնաժամկետ եռամյա ծրագրերով իրականացվում են անշարժ գույքի` հողամասերի և դրանց վրա գտնվող շենքերի, շինությունների միասնական համակարգված դիտարկումներ, որոնց արդյունքում ներկայացվում են առաջարկություններ հողերի, շենքերի և շինությունների կադաստրային գնահատման մեթոդիկաների կատարելագործման համար:

Կադաստրային գնահատման մեթոդիկաների մշակման նպատակով անշարժ գույքի վիճակի և արժեքի համակարգված դիտարկումներն իրականացվում են Հայաստանի Հանրապետության կառավարության 1997 թվականի հոկտեմբերի 22-ի «Անշարժ գույքի պետական միասնական կադաստրի վարման կարգի և անշարժ գույքի համակարգված դիտարկումների (մոնիթորինգի) իրականացման մասին» N 465 որոշմամբ սահմանված կարգով:

Դրանց արդյունքում գույքահարկի եռամյա ժամանակահատվածների (2002-2004 թթ. և 2005-2007 թթ.) հարկման բազաների ձևավորման համար բացահայտվել են անշարժ գույքի վիճակի և արժեքի վրա ազդող էական գործոնները, դուրս են բերվել բազային արժեքները, «Գույքահարկի մասին» Հայաստանի Հանրապետության օրենքի հավելվածով սահմանվել են գնահատման կարգերը, Հայաստանի Հանրապետության կառավարության 2003 թվականի ապրիլի 17-ի «Բազմաբնակարան բնակելի շենքերի բնակարանների, անհատական բնակելի տների, այգետնակների (ամառանոցների) և դրանց կից շինությունների, առանձին կանգնած հասարակական ու արտադրական նշանակության շինությունների, բազմաբնակարան բնակելի շենքերում տեղակայված հասարակական և արտադրական նշանակության շինությունների տեղադրության (տարածագնահատման գոտիականության) գործակիցները հաստատելու մասին» N 470-Ն որոշմամբ հաստատվել են շենքերի, շինությունների տարածագնահատման գոտիականության գործակիցները: Հայաստանի Հանրապետության կառավարության 2003 թվականի դեկտեմբերի 24-ի «Հայաստանի Հանրապետության բնակավայրերի հողերի կադաստրային գնահատման կարգը, տարածագնահատման (գտնվելու վայրի) գոտիականության գործակիցները և սահմանները հաստատելու մասին» N 1746-Ն որոշմամբ հաստատվել են բնակավայրերի հողերի և հողային ֆոնդի այլ նպատակային նշանակության հողերի օտարման, վարձակալության ու կառուցապատման իրավունքով տրամադրման նպատակով բնակավայրերի հողերի կադաստրային գնահատման կարգը, բազային արժեքը և տարածագնահատման գոտիականության գործակիցները` սահմանների նկարագրություններով:

Հաշվի առնելով Հայաստանի Հանրապետության քաղաքացիական օրենսգրքով տրված անշարժ գույքի սահմանումը և անշարժ գույքի գնահատման միջազգային պրակտիկան` անշարժ գույքի շուկայական գնագոյացմանը համապատասխանող հարկման դաշտի ձևավորման և առավել արդարացի տեղաբաշխման սկզբունքները, անհրաժեշտություն է առաջացել անշարժ գույքի կադաստրային արժեքի հաշվարկման համար կիրառել շուկայական մեթոդների վրա հիմնված սկզբունքներ, հողամասը և դրա վրա կառուցված շինությունները դիտարկել և գնահատել որպես անշարժ գույքի մեկ միասնական միավոր: Անշարժ գույքի շուկայական մեթոդների վրա հիմնված միասնական գնահատման մեթոդիկաների մշակման նպատակով 2004-2007 թվականների տարեկան ծրագրերով իրականացվել են համակարգված դիտարկումներ: 2006 թվականի նոյեմբերի 9-ին Հայաստանի Հանրապետության կառավարության կողմից ընդունվել է «Անշարժ գույքի միասնական գնահատման և հարկման մասին» հայեցակարգը, որով սահմանվել են անշարժ գույքի միասնական գնահատման հիմնական սկզբունքներն ու մոտեցումները: Վերջինս հնարավորություն է ընձեռել անշարժ գույքի համակարգված դիտարկումներն իրականացնելու` այդ սկզբունքներից ելնելով, և 2008 թվականին մշակելու «Անշարժ գույքի միասնական գնահատման մեթոդիկա»: Նպատակ ունենալով ձևավորել անշարժ գույքի առավել արդարացի հարկման դաշտ, ինչպես նաև պարզեցնելու հարկի հաշվարկման բազմաքայլ գործառույթները, անշարժ գույքի` հողի և դրա վրա գտնվող շինությունների գնագոյացնող գործոնները պետք է դիտարկվեն միասնական համատեքստում, որը կհամապատասխանի անշարժ գույքի շուկայի իրողություններին: Հայաստանի Հանրապետության կառավարության 2007 թվականի սեպտեմբերի 20-ի «Անշարժ գույքի միասնական գնահատման և հարկման մասին հայեցակարգի ուղղություններից բխող միջոցառումների ծրագիր-ժամանակացույցը հաստատելու մասին» N 1091-Ն որոշմամբ սահմանված ժամանակացույցով նախատեսվում է 2008 թվականին «Գույքահարկի մասին» և «Հողի հարկի մասին» Հայաստանի Հանրապետության օրենքների փոխարեն մշակել «Անշարժ գույքի հարկի մասին» Հայաստանի Հանրապետության նոր օրենք, որի բաղկացուցիչ մասը պետք է կազմի անշարժ գույքի միասնական գնահատման մեթոդիկան:

Անշարժ գույքի համակարգված դիտարկումների արդյունքները ոչ միայն կօգտագործվեն նշված աշխատանքներում, այլ նաև պարբերաբար կհրապարակվեն մամուլում, կզետեղվեն կադաստրի պետական կոմիտեի ինտերնետային կայքում` հասարակությանը շուկայի իրավիճակի մասին իրազեկելու, ինչպես նաև պետական և ոչ պետական մարմիններին, անշարժ գույքի մասնագետներին և շուկայի այլ մասնակիցներին տեղեկատվությամբ ապահովելու նպատակով: Հայաստանի Հանրապետության կառավարության 2005 թվականի հունիսի 9-ի «Անհատույց պետական ֆինանսական աջակցություն տրամադրելու մասին» N 947-Ն որոշման համաձայն անշարժ գույքի կադաստրի պետական կոմիտեն յուրաքանչյուր եռամսյակ Հայաստանի Հանրապետության պաշտպանության նախարարություն է ներկայացնում տվյալներ Հայաստանի Հանրապետության տարածաշրջաններում բազմաբնակարան բնակելի շենքերի բնակարանների ձևավորված շուկայական միջինացված արժեքների մասին: Հայաստանի Հանրապետության կառավարության 2000 թվականի հոկտեմբերի 25-ի «Պետական կամ հասարակական կարիքների համար հողամասը վերցնելու կապակցությամբ բնակտարածությունից զրկված քաղաքացիներին դրամական փոխհատուցում տրամադրելու կամ բնակարան հատկացնելու մասին» N 683-Ն որոշման համաձայն անշարժ գույքի կադաստրի պետական կոմիտեն յուրաքանչյուր եռամսյակ Երևանի քաղաքապետարան է ներկայացնում տեղեկատվություն Երևան քաղաքում բազմաբնակարան բնակելի շենքերի բնակարանների ձևավորված շուկայական միջինացված արժեքների մասին: «Պետական վիճակագրության մասին» Հայաստանի Հանրապետության օրենքի համաձայն անշարժ գույքի կադաստրի պետական կոմիտեն յուրաքանչյուր եռամսյակ Հայաստանի Հանրապետության ազգային վիճակագրական ծառայություն է ներկայացնում տեղեկատվություն հանրապետությունում անշարժ գույքի օտարման գործարքների քանակական տվյալների մասին:

2. Ծրագրի իրականացման նպատակը

1. Անշարժ գույքի միասնական գնահատման մեթոդիկայի և դրա կատարելագործման վերաբերյալ առաջարկությունների մշակում:

2. Գյուղատնտեսական նշանակության հողերի կադաստրային գնահատման մեթոդիկայի կատարելագործման վերաբերյալ առաջարկությունների մշակում:

3. Անշարժ գույքի շուկայի զարգացմանն աջակցություն:

3. Ծրագրի իրականացումից ակնկալվող արդյունքները

1. Հողամասերի և դրանց վրա կառուցված շենքերի, շինությունների միասնական գնային իրավիճակի համակարգված դիտարկումների իրականացումից`

1) յուրաքանչյուր եռամսյակի և տարեկան կտրվածքներով կառաջարկվեն`

ա. հողամասերի և դրանց վրա կառուցված շենքերի ու շինությունների տարածագնահատման միասնական գոտիների սահմանագծերի փոփոխություններ (քարտեզներում)` ըստ համայնքների, իսկ մեկից ավելի գոտիներ ունեցող համայնքներում` տեքստային նկարագրով,

բ. տարածագնահատման միասնական գոտիների գործակիցները,

գ. գնագոյացնող միասնական բազային արժեքները, գործոնները և դրանց գործակիցները.

2) 2008 թվականին իրականացվող` հողամասերի և դրանց վրա կառուցված շենքերի ու շինությունների միասնական գնային իրավիճակի համակարգված դիտարկումների արդյունքում կառաջարկվեն`

ա. հողամասերի և դրանց վրա կառուցված շենքերի ու շինությունների միասնական գնահատման մեթոդիկաներ` ըստ անշարժ գույքի առանձին տեսակների,

բ. տարածագնահատման միասնական գոտիների սահմանագծերի տեքստային նկարագրերը, քաղաքներում` դրանց արտապատկերումը քարտեզների վրա:

2. Գյուղատնտեսական նշանակության հողերի գնային իրավիճակի համակարգված դիտարկումների իրականացումից`

1) գյուղատնտեսական նշանակության հողերի գնային իրավիճակի 2008 թվականի համակարգված դիտարկումների արդյունքում յուրաքանչյուր եռամսյակի և տարեկան կտրվածքներով կբացահայտվեն գյուղատնտեսական նշանակության հողերի գնային իրավիճակի (շուկայական միջին գների) փոփոխությունները`

ա. ըստ հողագնահատման շրջանների (ենթաշրջանների),

բ. ըստ համայնքների,

գ. ըստ գնահատման խմբերի,

դ. ըստ կադաստրային արժեքների հետ համեմատականների.

2) գյուղատնտեսական նշանակության հողերի գնային իրավիճակի մասին օբյեկտիվ և վերլուծական տեղեկատվության ապահովում:

3. Անշարժ գույքի շուկայի 2008 թվականի վերլուծությունների իրականացումից (ամսական, եռամսյակային, կիսամյակային, 9 ամսվա, 11 ամսվա և 2007 թվականի տարեկան կտրվածքներով)`

1) կպատրաստվեն անշարժ գույքի շուկայի 2008 թվականի յուրաքանչյուր ամսվա, եռամսյակի, կիսամյակի, 9 ամսվա, 11 ամսվա և 2007 թվականի տարեկան կտրվածքներով վերլուծությունների վերաբերյալ առանձին գրքերի տեսքով «Անշարժ գույքի շուկայի վերլուծություն» վերլուծական ժողովածուներ և հոդվածների տեսքով` համառոտագրեր, որտեղ կներկայացվեն`

ա. անշարժ գույքի շուկայի 2008 թվականի ակտիվության մակարդակը,

բ. անշարժ գույքի շուկայում 2008 թվականի անշարժ գույքի առանձին տեսակների գնային իրավիճակը, այդ թվում` շուկայական նվազագույն, առավելագույն և միջին գների մակարդակները,

գ. անշարժ գույքի առուվաճառքի, վարձակալության և գրավադրման շուկաների բնութագրերը.

2) կապահովվի անշարժ գույքի շուկայի վիճակի և գնային իրավիճակի մասին օբյեկտիվ ու վերլուծական տեղեկատվություն:

4. Միջոցառումները

Ակնկալվող արդյունքներն ապահովելու նպատակով անհրաժեշտ է իրականացնել հետևյալ միջոցառումները`

1) հողամասերի և դրանց վրա կառուցված շենքերի, շինությունների գնային իրավիճակի համակարգված դիտարկումների իրականացում: Դիտարկումներն իրականացվելու են հետևյալ փուլերով`

ա. հողամասերի և դրանց վրա կառուցված շենքերի, շինությունների շուկայական և վաճառքների (այդ թվում` նաև առաջարկների) պայմանագրային գների և անշարժ գույքի վիճակի մասին անհրաժեշտ տեղեկատվության հավաքագրում և դասակարգում,

բ. հավաքագրված տեղեկատվության վերլուծություն` վիճակագրական մեթոդների կիրառմամբ,

գ. անշարժ գույքի միասնական գնահատման մեթոդիկայի մշակման վերաբերյալ առաջարկություններ ներկայացնելը, այդ թվում` հողամասերի և շենքերի ու շինությունների միասնական գոտիների սահմանների նկարագրում, տարածագնահատման միասնական գոտիականության գործակիցների ու բազային արժեքների դուրսբերում, ինչպես նաև անշարժ գույքի միասնական գնահատման բանաձևերի մշակման վերաբերյալ առաջարկություններ ներկայացնելը.

2) գյուղատնտեսական նշանակության հողերի գնային իրավիճակի համակարգված դիտարկումներ` ըստ հողագնահատման շրջանների (ենթաշրջանների), համայնքների և գնահատման խմբերի: Դիտարկումներն իրականացվելու են հետևյալ փուլերով`

ա. գյուղատնտեսական նշանակության հողերի շուկայական և վաճառքների (այդ թվում` նաև առաջարկների) պայմանագրային գների ու հողերի վիճակի մասին անհրաժեշտ տեղեկատվության հավաքագրում և դասակարգում,

բ. հավաքագրված տեղեկատվության վերլուծություն` վիճակագրական մեթոդների կիրառմամբ.

3) 2008 թվականի ընթացքում անշարժ գույքի շուկայի վերլուծությունների իրականացում` ամսական, եռամսյակային, կիսամյակային, 9 ամսվա, 11 ամսվա և տարեկան կտրվածքներով: Վերլուծական ժողովածուներում և համառոտագրերում (հոդվածներում) կներառվեն գրաֆիկական և աղյուսակային գծապատկերներ, կիրականացվի գործարքների քանակական փոփոխությունների միտումների գրաֆիկական վերլուծություն, գների համեմատական փոփոխություններն ու վերլուծությունները կներկայացվեն վիճակագրական վերլուծման համակարգչային վերլուծման ՍՊՍՍ (SPSS) ծրագրային փաթեթի ֆորմատներով:

Աշխատանքի անվանումը	Արժեքը (հազ. դրամ)
Հողամասերի և դրանց վրա կառուցված շենքերի, շինությունների համակարգված դիտարկումների իրականացում	20000,0
Հանրապետության անշարժ գույքի շուկայի համակարգված դիտարկումների իրականացում	10000,0
Ընդամենը	30000,0

Գ Լ ՈՒ Խ  IX

«ՀԱՍԱՐԱԿՈՒԹՅԱՆ ՏԵՂԵԿԱՑՎԱԾՈՒԹՅՈՒՆ» ԾՐԱԳԻՐ

Բյուջետային ծախսերի գործառական դասակարգման
բաժինը	խումբը	դասը	ծրագիրը
01	06	01	18
ԸՆԴՀԱՆՈՒՐ ԲՆՈՒՅԹԻ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐ	Ընդհանուր բնույթի հանրային ծառայություններ (այլ դասերի չպատկանող)	Ընդհանուր բնույթի հանրային ծառայություններ (այլ դասերի չպատկանող)

1. Ծրագրի ընդհանուր նպատակը

1998-2007 թվականներին Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կողմից իրականացվել են լայնածավալ աշխատանքներ` գույքի նկատմամբ իրավունքների պետական գրանցման, պետական հաշվառման, կադաստրային գնահատման, քարտեզագրման, գեոդեզիայի, գնահատման, հողաշինարարության ոլորտներում: Գույքի նկատմամբ իրավունքների գրանցման բնագավառում շարունակվել են իրավունքների առաջին պետական գրանցման աշխատանքները, ինչի արդյունքում սեփականատերերին և օգտագործողներին տրամադրվել է շուրջ 2,2 մլն սեփականության իրավունքի գրանցման վկայական, որից շուրջ 1,7 մլն-ն` անվճար: Զանգվածային լրատվության միջոցներով Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի պատասխանատուների պարբերական ելույթներն ու պարզաբանումները նպատակաուղղված են լուսաբանելու կոմիտեի կողմից իրականացվող հիմնական գործառույթները, բարձրացնելու սեփականատերերի և օգտագործողների` ընթացիկ և ծրագրային աշխատանքների մասին իրազեկման մակարդակը, առավել մատչելի, պարզ ու թափանցիկ դարձնելու կոմիտեի գործունեությունը: Հանրապետական մամուլում պարբերաբար տպագրվել են անշարժ գույքի շուկայի վերլուծությունները (ամսական, եռամսյակային, կիսամյակային, տարեկան), հրատարակվել է «Կադաստրի տեղեկագիր» ամսագիրը: Բացի դրանից, նշենք, որ 2007 թվականից գործում է Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նոր ինտերնետային կայքը: Այն առանձնանում է վերլուծական-տեղեկատվական ակնառու նյութերով: Դրական արձագանքի արժանացավ բնակչության իրազեկմանն ուղղված իրավունքների առաջին պետական գրանցման աշխատանքների թափանցիկությունն ապահովելու նպատակով հանրապետական մամուլում տպագրված հոդվածներն ու հաղորդումները: 2005-2006 թվականներին, այս ամենին զուգահեռ, Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեն պատվիրեց բացատրական բնույթի ուղեցույցներ (ընթացիկ և ծրագրային աշխատանքների վերաբերյալ): Ուղեցույցի գլխավոր նպատակն էր գույքահարկի հաշվարկման մեխանիզմներն առավել պարզ և մատչելի ներկայացնելը: Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի տարածքային ստորաբաժանումների կողմից իրականացվող գործառույթների թափանցիկության բարձրացման և առկա թերությունների հայտնաբերման համար իրականացվել է գործող ընթացակարգերի մոնիթորինգ:

Թվարկված աշխատանքների շարունակականությունն ապահովելու նպատակով անհրաժեշտ է նմանատիպ աշխատանքներ իրականացնել նաև առաջիկա տարիներին:

2. Ծրագրի իրականացման նպատակը

Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կարևորագույն խնդիրներից է իրականացվող աշխատանքերի թափանցիկության և մատչելիության ապահովումը, բաց և հրապարակային աշխատանքը, ինչպես նաև բնակչության և տեղական ինքնակառավարման մարմինների ղեկավարների իրազեկումը, տեղեկացվածության մակարդակի բարձրացումը: Ծրագրի իրականացումը կնպաստի այնպիսի հարցերի լուծումներ գտնելուն, ինչպիսիք են հողի շուկայի կայացման համար անհրաժեշտ նախադրյալների ձևավորումն ու զարգացումը, հողի շուկայի և հողի գրավի գործունեության արդյունավետ մեխանիզմների գործարկումը, պետական ու տեղական ինքնակառավարման մարմինների արդյունավետ համագործակցությունը, անշարժ գույքի գրանցման մեխանիզմների ծախսատարության նվազեցումը, հիփոթեքային վարկավորման հասանելիությունը և հիփոթեքի շուկայի զարգացումը:

3. Ծրագրի իրականացման միջոցառումները

2008 թվականին Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կողմից իրականացվող ընթացիկ և ծրագրային աշխատանքների մասին բնակչությանն իրազեկելու նպատակով կոմիտեն պատվիրում է`

1) «Կադաստրի տեղակագիր» ամսագրի պատրաստում և հրատարակում (2008 թվականին` 12 համար).

2) բացատրական բնույթի ծալադարսված կարված երկթերթ ուղեցույցների պատրաստում և տպագրում:

Ուղեցույցը կներկայացնի Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի տարածքային ստորաբաժանումների կողմից իրականացվող ընթացիկ և ծրագրային աշխատանքները` իրականացվող գործառույթների թափանցիկության ապահովման համար.

3) Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի տարածքային ստորաբաժանումներում իրականացվող գործառույթների թափանցիկության ապահովման և առկա թերությունների հայտնաբերման համար իրականացնել գործող ընթացակարգերի մոնիթորինգ:

4. Ծրագրի ֆինանսական ապահովումը

Հայաստանի Հանրապետության կառավարության կողմից Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի համար 2008-2010 թվականների միջնաժամկետ ծախսային ծրագրով (ՄԺԾԾ) հաստատված գումարների շրջանակներում` նշված աշխատանքներն իրականացնելու նպատակով նախատեսվում է ծրագիրը ֆինանսավորել 8000,0 հազ. դրամով:

«Կադաստրի տեղեկագիր» ամսագրի և բացատրական բնույթի ծալադարսված կարված երկթերթ ուղեցույցների (բուկլետների) պատրաստման և տպագրման, մոնիթորինգի աշխատանքների իրականացման ֆինանսական հաշվարկները կատարվել են` հիմք ընդունելով նախորդ տարիներին իրականացված նմանատիպ մրցույթների արդյունքում ձևավորված գները:

«Կադաստրի տեղեկագիր» ամսագիրը տպագրվելու է 150 օրինակից. պատրաստում և տպագրում` ընդամենը 3000,0 հազ. դրամ:

Բուկլետների պատրաստման և տպագրման համար մեկ միավորը` ոչ ավելի, քան 40 դրամ, ընդամենը` 4000,0 հազ. դրամ:

Մոնիթորինգի աշխատանքների իրականացման համար արժեքը 1000,0 հազ. դրամ է:

5. Ծրագրից ակնկալվող արդյունքները

Նշված աշխատանքների իրականացումից հետո ակնկալվում է ունենալ առավել բաց, թափանցիկ և մատչելի գործող համակարգ, արդյունավետ, սերտ փոխհամագործակցություն պետական և տեղական ինքնակառավարման մարմինների միջև, ինչի արդյունքում կունենանք առավել իրազեկ և տեղեկացված սեփականատերեր և օգտագործողներ:

Ծրագիրը կնպաստի Հայաստանի Հանրապետության կառավարության կողմից հաստատված Աղքատության հաղթահարման ռազմավարական ծրագրում ամրագրված այնպիսի հիմնախնդիրների լուծմանը, ինչպիսիք են հողի շուկայի կայացմանը (հողի շուկայական արժեքի որոշման և օտարման, հողի գրավադրման մեխանիզմներին) ուղղված անհրաժեշտ նախադրյալների ձևավորումն ու զարգացումը, հողի շուկայի և հողի գրավի գործունեության արդյունավետ մեխանիզմների գործարկումը, անշարժ գույքի գրանցման մեխանիզմների ծախսատարության նվազեցումը, ինչպես նաև հանրության համար հիփոթեքային վարկավորման հասանելիությունը և հիփոթեքի շուկայի զարգացումը:

Գ Լ ՈՒ Խ  X

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՏԱՐԱԾՔԱՅԻՆ ՄԻԱՎՈՐՆԵՐԻ (ՀԱՄԱՅՆՔՆԵՐԻ) ՍԱՀՄԱՆՆԵՐԻ ԱՄՐԱՑՈՒՄ» ԾՐԱԳԻՐ

Բյուջետային ծախսերի գործառական դասակարգման
բաժինը	խումբը	դասը	ծրագիրը
01	06	01	19
ԸՆԴՀԱՆՈՒՐ ԲՆՈՒՅԹԻ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐ	Ընդհանուր բնույթի հանրային ծառայություններ (այլ դասերի չպատկանող)	Ընդհանուր բնույթի հանրային ծառայություններ (այլ դասերի չպատկանող)

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՏԱՐԱԾՔԱՅԻՆ ՄԻԱՎՈՐՆԵՐԻ (ՀԱՄԱՅՆՔՆԵՐԻ) ՍԱՀՄԱՆՆԵՐԻ ԱՄՐԱՑՄԱՆ ԱՇԽԱՏԱՆՔՆԵՐԻ 2008 ԹՎԱԿԱՆԻ ԾՐԱԳԻՐ

1. Իրավիճակի վերլուծությունը

Հայաստանի Հանրապետության տարածքում կադաստրային քարտեզագրման աշխատանքները հիմնականում իրականացվել են 1998-2003 թվականների ընթացքում` հանութագրման ավանդական տարբեր եղանակներով (մենզուլային, տախեոմետրային):

Հանութագրման համար որպես ելակետեր են հանդիսացել Հայաստանի Հանրապետության` գոյություն ունեցող պետական գեոդեզիական ցանցի 1966 և 1984 թվականներին հրատարակված կատալոգների կետերի կոորդինատները, որոնք իրար նկատմամբ ունեն երկրի նկատմամբ կողմնորոշման որոշ շեղումներ: Այդ շեղումները հավասարակշռելու համար անհրաժեշտ է կատարել դաշտային հետազոտություններ և նախկինում ստեղծված խտացման ու հանութային ցանցերը կապակցել արբանյակային տեխնոլոգիաներով նոր ստեղծված Ազգային գեոդեզիական ցանցի կետերին:

Տեղագրական քարտեզներն ստեղծվել են տիեզերալուսանկարահանման, օդալուսանկարահանման և վերգետնյա հանութագրման եղանակով, որոնց համար որպես ելակետային հիմք են հանդիսացել արբանյակային տեխնոլոգիաներով ստեղծված բարձր ճշտություն ունեցող Ազգային գեոդեզիական ցանցի կետերի կոորդինատները: Բացի դրանից, մենզուլային և տախեոմետրային եղանակով ստեղծված քարտեզների ու օդատիեզերալուսանկարահանման եղանակով ստեղծված քարտեզների միջև ևս կան որոշ շեղումներ: Դրանք հիմնականում լինում են տեղանքի իրադրության կորագիծ տարրերի հանութագրման ժամանակ, այսինքն` նկարների վրա ճիշտ պատկերված են լինում իրադրության կորագիծ և ոչ ուղղագիծ տարրերը, իսկ այդպիսի մանրամասնությամբ հնարավոր չէ հանութագրել գործիքային եղանակով:

Այս երկու տիպի քարտեզագրական աշխատանքները, ինչպես նշվեց վերևում, կատարվել են տարբեր տարիների ընթացքում, տարբեր կոորդինատային համակարգերում և տարբեր ելակետային տվյալների հիման վրա:

Տարբեր են նաև այդ քարտեզների օգտագործման նպատակները և կիրառման ոլորտները:

«Վարչատարածքային բաժանման մասին», «Գեոդեզիայի և քարտեզագրության մասին» Հայաստանի Հանրապետության օրենքների, Հողային օրենսգրքի, Հայաստանի Հանրապետության կառավարության համապատասխան որոշումների համաձայն, սկսած 2002 թվականից, հանրապետությունում իրականացվել են վարչատարածքային միավորների (համայնքների) վարչական սահմանների ճշգրտման և նկարագրման աշխատանքներ: Իրավական փաստաթղթերի, նախկին հողօգտագործման իրավունքի պետական ակտերի, կադաստրային և տեղագրական քարտեզների հիման վրա ճշգրտվել են Հայաստանի Հանրապետության բոլոր գյուղական ու քաղաքային համայնքների վարչական սահմանները և տեղադրվել են 1:25000 մասշտաբի տեղագրական քարտեզներում:

Նշված սահմանների նկարագրություններն արդեն իսկ հաստատվել են Հայաստանի Հանրապետության կառավարության համապատասխան որոշումներով:

Համաձայն «Տեղական ինքնակառավարման մասին» Հայաստանի Հանրապետության օրենքի` Հայաստանի Հանրապետության կառավարության 2005 թվականի հոկտեմբերի 27-ի «Հայաստանի Հանրապետության համայնքների վարչական սահմաններից դուրս գտնվող տարբեր կատեգորիաների հողերը համայնքների վարչական սահմաններում ընդգրկելու մասին» N 1873-Ն որոշմամբ հաստատված հայեցակարգով հանրապետությունում իրականացվում են համայնքների վարչական սահմաններից դուրս գտնվող` պետական սեփականություն հանդիսացող տարբեր կատեգորիաների հողերը համայնքների վարչական սահմաններում ընդգրկելու աշխատանքները: Այսինքն` տեղական ինքնակառավարումը կիրականանա հանրապետության ամբողջ տարածքում:

Համայնքների վարչական սահմանների իրավական ձևակերպումից հետո, գործող օրենսդրության համաձայն, անհրաժեշտ է դրանց հանգուցային և բնորոշ կետերը սահմանված նմուշի սահմանանիշերով ամրացնել տեղանքում (բնության մեջ) և կապակցել պետական գեոդեզիական ցանցին:

Աշխատանքներն իրականացվելու են` 2002 թվականի ապրիլի 8-ին Հայաստանի Հանրապետության արդարադատության նախարարության կողմից գրանցված (պետական գրանցում` N 32202064) Հայաստանի Հանրապետության վարչատարածքային միավորների սահմանագծերի նկարագրման և սահմանների ամրացման մասին հրահանգի պահանջներին համապատասխան:

Քանի որ հիմնականում բազային թվային տեղագրական քարտեզներն ստեղծվել են Հայաստանի Հանրապետության համայնքների կադաստրային քարտեզագրման աշխատանքներն ավարտվելուց հետո տարբեր տարիների ընթացքում հանութագրման տարբեր եղանակներով ստացված նյութերի հիման վրա, այդ պատճառով նախկինում էլեկտրոնային եղանակով հնարավոր չէր կատարել նշված երկու քարտեզների համադրման աշխատանքները: Ներկայիս տեխնիկական հնարավորությունները թույլ են տալիս այդ քարտեզները միմյանց հետ համադրել, որի արդյունքում ի հայտ են գալիս որոշ շեղումներ, որոնք հետևանք են նշված պատճառների: Այսօր տարբեր խնդիրների լուծման համար շատ հաճախ անհրաժեշտություն է առաջանում այդ երկու քարտեզներում առկա տվյալները համադրել: Օրինակ, քանի որ հողամասերի իրավական սահմաններն արտահայտվում են կադաստրային քարտեզներում, իսկ տարբեր տեսակի նախագծերը և գլխավոր հատակագծերը կազմվում են տեղագրական քարտեզների հիմքի վրա, ապա անհրաժեշտ է, որ այդ երկու քարտեզները լինեն միմյանց հետ համատեղելի:

Ներկայացվող ծրագրի նպատակը տեղագրական և կադաստրային քարտեզների համադրում իրականացնելն է` հիմք ընդունելով հանրապետությունում բազային հանդիսացող 1:10000 մասշտաբի տեղագրական քարտեզները, իսկ այն խոշոր քաղաքները, որոնք ունեն 1:2000 մասշտաբի տեղագրական հատակագծեր, հիմք ընդունել այդ հատակագծերը:

Համադրման համար անհրաժեշտ է առաջին հերթին ուսումնասիրել կադաստրային և տեղագրական քարտեզների ստեղծման համար հիմք հանդիսացած ելակետային կետերի կոորդինատային համակարգը և անհրաժեշտության դեպքում պետք է կատարել վերահաշվարկ` մեկ միասնական կոորդինատային համակարգի բերելու համար: Գրասենյակային պայմաններում հավասարակշռման ժամանակ տվյաները հստակեցնելու նպատակով, անհրաժեշտության դեպքում, կկատարվեն նաև հավելյալ դաշտային չափագրումներ:

Ծրագրի հիմնական խնդիրն է համայնքների իրավական ձևակերպում ստացած վարչական սահմանների հանգուցային կետերը բնության մեջ ամրացնելը, ինչը համայնքներին թույլ կտա ունենալ պատշաճ ձևակերպված և տեղանքում ամրացված վարչական սահմաններ` իրենց կոորդինատներով, որը հնարավորություն կընձեռի ցանկացած պահին վերականգնելու ոչնչացված սահմանասյան գտնվելու տեղը:

2. Ծրագրի իրականացման միջոցառումները

Ծրագրի իրականացման նպատակով անհրաժեշտ է հիմնականում ուշադրություն դարձնել երկու քարտեզներում առկա ճանապարհային ցանցին, ջրագրությանը, թաղամասերի արտաքին սահմանագծին, համայնքների վարչական սահմաններին, գծային օբյեկտներին և տարածքում առկա` հստակ արտահայտված այլ խոշոր օբյեկտների (շենք, շինություն, պարիսպ և այլն):

Այն փոփոխությունները, որոնք բնության մեջ իրենց հետ կարող են բերել տեղանքի ռելիեֆի որոշակի փոփոխության, այս դեպքում անհրաժեշտ է հաշվի առնել տեղագրական քարտեզներում ռելիեֆը հորիզոնականներով արտահայտելու առանձնահատկությունը, և դրանք քարտեզում ճիշտ պատկերելու համար տեղանքում լրացուցիչ չափագրումներ իրականացնելու անհրաժեշտություն կառաջանա:

Տեղանքում լրացուցիչ չափագրումներ իրականացնելու անհրաժեշտություն կարող է առաջանալ նաև կադաստրային քարտեզների և համայնքների վարչական սահմանների համադրման ժամանակ:

Ծրագրի իրականացման համար նախատեսվում են`

1) աշխատանքների իրականացման տեխնիկական նախագծի կազմում և համաձայնեցում Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի հետ.

2) դաշտային դիտարկումներ, շրջադարձային և հանգուցային կետերի որոշում, նշահարում, արտաքին ձևավորում, ուրվագծերի կազմում.

3) կադաստրային, տեղագրական և համայնքների վարչական սահմանների նկարագրման քարտեզների համադրում.

4) շրջադարձային կետերի դաշտային դիտարկումների արդյունքների հավասարակշռում, կոորդինատների հաշվարկում, կատալոգի կազմում.

5) տեխնիկական հաշվետվության կազմում:

3. Ծրագրի իրականացման ֆինանսական ապահովումը

2008 թվականին ծրագրով նախատեսվում է 46656.0 հազ. դրամի աշխատանքներ իրականացնել Հայաստանի Հանրապետության Արագածոտնի մարզի 114 համայնքում` համաձայն հաշվարկի:

4. Ծրագրի իրականացումից ակնկալվող արդյունքները

«Հայաստանի Հանրապետության վարչատարածքային բաժանման մասին» Հայաստանի Հանրապետության օրենքի պահանջների կատարում` սահմանակից համայնքների միջև սահմանային հարցերի իրավական հիմքերի ստեղծումը, ինչպես նաև կունենանք համադրված տեղագրական և կադաստրային քարտեզներ, Հայաստանի Հանրապետության պետական գեոդեզիական ցանցում համայնքների սահմանների դիտարկված և հավասարակշռված շրջադարձային կետերի կոորդինատներ` կապակցված պետական գեոդեզիական ցանցի հետ, որը հնարավորություն կտա կարգավորելու ցանկացած վիճահարույց հողային և սահմանային վեճ: Վերջապես ճշգրիտ հիմքերի արդյունքում կունենանք հանրապետության կտրվածքով ճշգրտված հողային հաշվեկշիռ` ըստ համայնքների և մարզերի:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան