Հայաստանի Հանրապետության կառավարություն

ո ր ո շ ու մ

20 դեկտեմբերի 2007 թվականի N 1537-Ա

ԳՈՒՅՔ ՆՎԻՐԱԲԵՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ԱՊՐԻԼԻ 29-Ի N 638-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Համաձայն Հայաստանի Հանրապետության քաղաքացիական օրենսգրքի 605-րդ և «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածների` Հայաստանի Հանրապետության կառավարությունը որոշում է.

1. «Երևանի քաղաքապետարանի աշխատակազմ» պետական կառավարչական հիմնարկից հետ վերցնել նրան ամրացված 226 276 դրամ հաշվեկշռային արժեք ունեցող գույքը` համաձայն հավելվածի, և նվիրաբերել Լեռնային Ղարաբաղի Հանրապետությանը Քաշաթաղի շրջանի վարչակազմին տրամադրելու` շրջանի ճանապարհների վերականգնման աշխատանքները կազմակերպելու համար։

2. Երևանի քաղաքապետին` սույն որոշումն ուժի մեջ մտնելուց հետո մեկամսյա ժամկետում ապահովել սույն որոշման 1-ին կետում նշված գույքի հանձնման–ընդունման աշխատանքների կատարումը և նվիրաբերության պայմանագրի կնքումը։

3. Չեղյալ ճանաչել Հայաստանի Հանրապետության կառավարության 2004 թվականի ապրիլի 29-ի «Երևան քաղաքի փրկարարական և վթարավերականգնողական միջհամայնքային միությանը գույք անհատույց օգտագործման հանձնելու մասին» N 638-Ա որոշման 3-րդ կետը։

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ	Ս. ՍԱՐԳՍՅԱՆ
2007 թ. դեկտեմբերի 29 Երևան

Հավելված ՀՀ կառավարության 2007 թվականի դեկտեմբերի 20-ի N 1537-Ա որոշման

Ց Ա Ն Կ

ՆՎԻՐԱԲԵՐՎՈՂ ԳՈՒՅՔԻ

(դրամ)

NN ը/կ	Գույքի անվանումը	Մակնիշը	Հաշվեկշռային (մնացորդային) արժեքը
1.	Ավտոկռունկ «ԿՍ-3577»	602-ՍՈՒ-63	-
2.	Ավտոկռունկ «ՍՄԿ-101»	58-40	126910
3.	Էքսկավատոր «ԷՕ-4124»	406	-
4.	Մղան (բուլդոզեր) «ԴԶ-130»	396	-
5.	Ուղեհարթիչ (գրեյդեր) «ԴԶ-143»	397	99366
6.	Ճնշակ (կոմպրեսոր) «ՊՐ-10-8 Մ-2»	380	-
	Ընդամենը		226276

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ-ՆԱԽԱՐԱՐ

Մ. ԹՈՓՈՒԶՅԱՆ