«Վավերացնում եմ»
Հայաստանի Հանրապետության
Նախագահ Ռ. Քոչարյան
15 մայիսի 2003 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 մարտի 2003 թվականի N 503-Ա

«ՌԵՆԿՈ ԱՐՄԷՍՏԵՅՏ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆԸ ԵՎ «ՖՐԱՆԿ ՄՅՈՒԼԼԵՐ ԱՐՄԵՆԻԱ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆՆ ԱՌԱՆՑ ՄՐՑՈՒՅԹԻ, ՎԱՐՁԱԿԱԼՈՒԹՅԱՄԲ ՀՈՂԱՄԱՍԵՐ ՏՐԱՄԱԴՐԵԼՈՒ ՄԱՍԻՆ

Համաձայն Հայաստանի Հանրապետության հողային օրենսգրքի 48-րդ հոդվածի չորրորդ մասի ու 76-րդ հոդվածի հինգերորդ մասի և հիմք ընդունելով Երևանի քաղաքապետի միջնորդությունը` Հայաստանի Հանրապետության կառավարությունը որոշում է.

1. Թույլատրել Երևանի քաղաքապետին`

ա) Երևանի Ծովակալ Իսակովի պողոտային հարող տարածքից 3,0 հեկտար մակերեսով հողամասն առանց մրցույթի, վարձակալության իրավունքով` 50 տարի ժամկետով տրամադրել «Ռենկո Արմէստեյտ» սահմանափակ պատասխանատվությամբ ընկերությանը` Երևանում հասարակական և բնակելի կառուցապատում իրականացնելու նպատակով` վարձակալության պայմանագրի նախագիծը համաձայնեցնելով Հայաստանի Հանրապետության արդարադատության նախարարության և Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի հետ.

(ա ենթակետը փոփ. 26.05.06 N 751-Ա)

բ) Երևանի Լենինգրադյան փողոցը Ծովակալ Իսակովի պողոտային կապող նախագծային ճանապարհի և «Արևի» ինստիտուտ» փակ բաժնետիրական ընկերության միջանկյալ տարածքից 5,0 հեկտար մակերեսով հողամաս առանց մրցույթի, վարձակալության իրավունքով` 50 տարի ժամկետով գնման նախապատվության իրավունքով տրամադրել «Ֆրանկ Մյուլլեր Արմենիա» փակ բաժնետիրական ընկերությանը` Երևանում ժամացույցների մասերի արտադրության գործարան կառուցելու նպատակով:

2. Երևանի քաղաքապետին` սահմանված կարգով ապահովել սույն որոշման 1-ին կետում նշված հողամասերի տրամադրման և շինարարության համար անհրաժեշտ փաստաթղթերի ձևակերպումները:

Հայաստանի Հանրապետության վարչապետ	Ա. Մարգարյան
2003 թ. մայիսի 6 Երևան