«Գրանցված է»
ՀՀ արդարադատության
նախարարության կողմից
12 հոկտեմբերի 2007 թ.
Պետական գրանցման թիվ 05007362

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

4 սեպտեմբերի 2007 թ.

թիվ 277-Ն

Ո Ր Ո Շ ՈՒ Մ

«ԻՇԽԱՆ», «ՀԱՅԿԱԿԱՆ ԻԺ» ԱՐԾԱԹԵ ՀՈՒՇԱԴՐԱՄՆԵՐԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ԴՐԱՆՑ ՆԿԱՐԱԳՐՈՒԹՅՈՒՆՆԵՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը, ինչպես նաև Հայաստանի Հանրապետության կենտրոնական բանկի խորհրդի 2006 թվականի ապրիլի 11-ի «2006-2007 թվականների հուշադրամների թողարկման ծրագիրը և հուշադրամների չափանիշները հաստատելու մասին» թիվ 155-Ն որոշումը՝ Հայաստանի Հանրապետության կենտրոնական բանկի խորհուրդը որոշում է.

1. 2007 թվականի հոկտեմբերի 22-ից շրջանառության մեջ դնել «Իշխան» և «Հայկական իժ» արծաթե հուշադրամները:

2. Հաստատել «Իշխան» և «Հայկական իժ» արծաթե հուշադրամների նկարագրությունները` համաձայն հավելվածի (կցվում է):

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ կենտրոնական բանկի նախագահ	Տ. Սարգսյան
2007 թ. սեպտեմբերի 6 Երևան

Հավելված ՀՀ կենտրոնական բանկի խորհրդի 2007 թվականի սեպտեմբերի 4-ի թիվ 277-Ն որոշման

ՆԿԱՐԱԳՐՈՒԹՅՈՒՆ

«Իշխան» արծաթե հուշադրամի

Իշխան պատկերող 100 դրամ անվանական արժեքով արծաթե հուշադրամը Հայաստանի Հանրապետության կենտրոնական բանկը թողարկել է «Կովկասի կենդանական աշխարհ» միջազգային ծրագրի շրջանակներում: Ծրագրում ներառվել են այն կենդանիները, որոնք ընդգրկված են Հայաստանի Կարմիր գրքում:

Հուշադրամի դիմերեսին ներքին շրջանակում պատկերված է Հայաստանի Հանրապետության զինանշանը: Զինանշանի տակ մակագրված է հուշադրամի անվանական արժեքը թվերով` «100», և «ԴՐԱՄ», «DRAM» բառերը: Զինանշանի վերևի մասում հուշադրամի թողարկման տարեթիվն է` «2007»: Հուշադրամի եզրաշրթով մակագրված են՝ «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA» բառերը:

Հուշադրամի դարձերեսին պատկերված է իշխան ձուկը, որի վերևի մասում կենդանու անվանումն է լատիներեն, իսկ ներքևի մասում` հայերեն: Կենդանու և գրագրությունների միջև առկա կարմիր էմալով կատարված կորերը խորհրդանշում են այս կենդանու պաշտպանված լինելը պետության կողմից:

Թափանցիկ պատիճով հուշադրամը և իսկության հավաստագիրը տեղադրված են արհեստական կաշվից պատրաստված տուփում:

Հուշադրամի ուրվագծերը ձևավորել են Լեհաստանի դրամահատարանի դիզայներներ Ռոուսանա և Անդժեյ Նովակովսցիները:

Հուշադրամը հատվել է Լեհաստանի դրամահատարանում:

Հուշադրամի բնութագիրը

Անվանական արժեքը	100 դրամ
Մետաղը և հարգը	արծաթ, 9250 ± 50
Զանգվածը	28,28 ± 0,25 գ
Տրամագիծը	38,61 ± 0,15 մմ
Որակը	բրիլիանթ անսրքյուլեյթիդ
Դրամաշուրթը	հարթ
Ձևը	կլոր
Տպաքանակը	3000 հատ

ՆԿԱՐԱԳՐՈՒԹՅՈՒՆ

«Հայկական իժ» արծաթե հուշադրամի

Հայկական իժ պատկերող 100 դրամ անվանական արժեքով արծաթե հուշադրամը Հայաստանի Հանրապետության կենտրոնական բանկը թողարկել է «Կովկասի կենդանական աշխարհ» միջազգային ծրագրի շրջանակներում: Ծրագրում ներառվել են այն կենդանիները, որոնք ընդգրկված են Հայաստանի Կարմիր գրքում:

Հուշադրամի դիմերեսին ներքին շրջանակում պատկերված է Հայաստանի Հանրապետության զինանշանը: Զինանշանի տակ մակագրված է հուշադրամի անվանական արժեքը թվերով` «100», և «ԴՐԱՄ», «DRAM» բառերը: Զինանշանի վերևի մասում հուշադրամի թողարկման տարեթիվն է` «2007»: Հուշադրամի եզրաշրթով մակագրված են՝ «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA» բառերը:

Հուշադրամի դարձերեսին պատկերված է հայկական իժը, որի վերևի մասում կենդանու անվանումն է լատիներեն լեզվով, իսկ ներքևի մասում` հայերենով: Կենդանու և գրագրությունների միջև առկա կարմիր էմալով կատարված կորերը խորհրդանշում են այս կենդանու պաշտպանված լինելը պետության կողմից:

Թափանցիկ պատիճով հուշադրամը և իսկության հավաստագիրը տեղադրված են արհեստական կաշվից պատրաստված տուփում:

Հուշադրամի ուրվագծերը ձևավորել են Լեհաստանի դրամահատարանի դիզայներներ Ռոուսանա և Անդժեյ Նովակովսցիները:

Հուշադրամը հատվել է Լեհաստանի դրամահատարանում:

Հուշադրամի բնութագիրը

Անվանական արժեքը	100 դրամ
Մետաղը և հարգը	արծաթ, 9250 ± 50
Զանգվածը	28,28 ± 0,25 գ
Տրամագիծը	38,61 ± 0,15 մմ
Որակը	բրիլիանթ անսրքյուլեյթիդ
Դրամաշուրթը	հարթ
Ձևը	կլոր
Տպաքանակը	3000 հատ